close

მედიცინა

კვლევებიმედიცინა

რა დაავადებებისგან იცავს წითელი წიწაკა ადამიანს ?

მეცნიერებმა კვლევა ჩაატარეს, რომელიც ამტკიცებს, რომ წითელი წიწაკის რეგულარულად ჭამა ადამიანს გულის დაავადებისადა ინსულტისგან იცავს.
კვლევის ფარგლებში დაკვირვება 23,000 ადამიანზე განახორციელეს, რომელთა ნაწილი წითელ წიწაკას საკვებად იყენებდა, ნაწილი კი – არა.
მონაწილეების ჯანმრთელობის სტატუსსა და კვების რეჟიმს 8 წლის განმავლობაში აკვირდებოდნენ. აღმოჩნდა, რომ ის ადამიანები, რომლებიც წიწაკას კვირაში სულ მცირე ოთხჯერ მოიხმარდნენ, გულის დაავადებით გარდაცვალების რისკი 40 პროცენტით ნაკლები იყო, ინსულტით გარდაცვალების შემთხვევები კი – განახევრდა.
მეცნიერთა აღნიშნული გუნდი იმ ბიომექანიკური მექანიზმების შესწავლას გეგმავს, რაც წითელ წიწაკას ჯანმრთელობისთვის სასარგებლოს ხდის.
კვლევის შედეგები ამერიკის კარდიოლოგიის ჟურნალში გამოქვეყნდა.

წყარო : edition.cnn.com

მასალა მოამზადა : თამარ ტაბატაძემ

ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიოლოგიაეს საინტერესოაკვლევებიმედიცინამსოფლიო

ბავშვებისთვის ხილის წვენის დღიური ნორმა – პედიატრების რეკომენდაცია

,,ნუ მისცემთ ბავშვებს დიდი რაოდენობის ხილის წვენს”,-  ამის შესახებ აშშ-ის პედიატრიის აკადემიამ განაცხადა.

ორგანიზაციის მიერ გავრცელებულ განცხადებაში აღნიშნულია, რომ სკოლის ასაკის (7-18 წლის) ბავშვებისთვის ხილის წვენის მიღების დღიური ლიმიტი, დაახლოებით, 230 გრამია, 4-6 წლის ასაკის ბავშვებისთვის -170 გრამი, ხოლო 1-3 წლის ასაკითვის – არაუმეტეს 115 გრამისა, რაც შეეხება ჩვილებს, მათთვის წვენის მიღება საერთოდ არაა რეკომენდებული.

„აღნიშნული რეკომენდაციები შემდეგ არგუმენტს ეფუძნება, ხილის წვენი გახლავთ ბოჭკოვანი ხილი, რომელიც გარკვეულ ვიტამინებს არ შეიცავს და აზიანებს კბილებს,“ – განმარტავს ტეხასის უნივერსიტეტის პედიატრი სტივენ აბრამსი, რომელიც აშშ-ის პედიატრიის აკადემიის მიერ გავრცელებული განცხადების ერთ-ერთი ავტორია.

მისივე თქმით, ბევრ პედიატრი საკითხს ზედმეტად რადიკალურად უდგება და მშობლებს აფრთხილებვს, ხილის წვენი თავიანთ შვილებს საერთოდ არ დაალევინონ. „საუკეთესო გამოსავალი ზომიერების დაცვაა“, განაცხადა ოჯახის ექიმმა გარი ლეროიმ, რომელმაც სპეციალური ჯანმრთელობის ცხრილი  – 5-2-1-0 შექმნა, სადაც 5 არის ხილისა და ბოსტნეულის დღიური პორციის დაოდენობა, 2- არის ეკრანთან პატარების ხდომის 2 საათიანი ლიმიტი, 1 – ფიზიკური აქტივობის დრო და 0 – შაქრიანი სასმელის დღიური დოზა.

ჯერჯერობით უცნობია, რამდენად გაითვალისწინებენ მშობლები აღნიშნულ რეკომენდაციებს, რომელიც გასულ წელს გავრცელდა. აღსანიშნავია, რომ რეკომენდაციების გავრცელების შემდეგ, ბევრმა კომპანიამ საბავშვო ხილის წვენის წარმოება შეაჩერა.

 

წყარო :https://www.sciencealert.com

მასალა მოამზადა:  თამარ ტაბატაძემ

ანალიტიკოსთა და მეცნიერთა დარბაზი ,,დოქტინა”

 

სრულად ნახვა
ბიოლოგიაეს საინტერესოაკვლევებიმედიცინამსოფლიო

დადასტურებულია – წითელ ღვინოსა და შოკოლადს ანტივირუსული ეფექტი აქვს

წითელ ღვინოსა და შოკოლადს ანტივირუსული ეფექტი აქვს – ამაზე ალბათ აქამდეც გსმენოდათ, თუმცა, ახლა, საბოლოოდ, დადასტურებულად შეიძლება ითქვას, რომ ეს ნამდვილად ასეა. 

სულ ახლახან, დაავადებათა კონტროლისა და პრევენციის ამერიკული ცენტრის მეცნიერებმა აღმოაჩინეს, რომ ყურძენი და კაკაო, შესაბამისად, წითელი ღვინო და შოკოლადი, შეიცავს ქიმიურ ნივთიერება რესვერატროლს, რომელსაც  ანტივირუსული ეფექტი აქვს.

 სპეციალისტებმა ექსპერიმენტი ჩაატარეს – რესვერატროლი ადამიანის უჯრედებს დაუმატეს, იმ უჯრედებს -რომლებიც დავირუსებული იყო. კვლევის შედეგებმა აჩვენა, რომ ამ ნაერთის არსებობა არ აძლევდა მათ გამრავლების საშუალებას.

მეცნიერები ამაზე არ შეჩერდნენ და რესვერატროლი უჯრედების გაახალგაზრდავებისთვის გამოიყენეს და აღადგინეს ფისკალური ციკლი -გაიზარდა ტელომერების სიგრძე. როგორც ცნობილია, სიბერე სწორედ ტელომერების სიგრძის შემცირებასთან ერთად მოდის. თუკი ასე ვიმსჯელებთ, საკმაოდ სენსაციურ დასკვნამდე მივდივართ.

რესვერატროლს, ყველა სხვა სიკეთესთან ერთად, ანტისიმსივნური ეფექტიც აქვს და თრგუნავს სიმსივნური უჯრედების გამრავლებას.

წყარო:   MedicalXpress

ანალიტიკოსთა და მეცნიერთა დარბაზი ,,დოქტრინა”

სრულად ნახვა
მედიცინა

ქალებს, რომლებიც დილით ადრე დგებიან, ძუძუს კიბოს განვითარების ნაკლები რისკი აქვთ

იმ ქალებს, რომლებიც ბიოლოგიური  საათის მიხედვით „დილის ადამიანები“ არიან, ძუძუს კიბოს განვითარების  ნაკლები რისკი აქვთ,- ამის შესახებ იმ კვლევის ავტორები აცხადებენ, რომელიც გლაზგოში გამართულ NCRI Cancer Conference-ზე წარმოადგინეს.

ბიოლოგიური საათი

ბიოლოგიური საათი ყველა ადამიანს აქვს, რომელიც 24 საათიანი პატერნის, ე.წ. ცირკადული რიტმის, განმავლობაში ორგანიზმის მუშაობას მართავს. ბიოლოგიური საათი განსაზღვრავს ყველაფერს – როდის ვიძინებთ, როგორ განწყობაზე ვართ და გულის შეტევის რისკსაც კი.

დილის ადამიანები „ტოროლები“ ადრე დგებიან და საღამოს ადრე გრძნობენ დაღლას.

საღამოს ხალხს, ანუ „ბუებს“ ადრე ადგომა უჭირთ, საღამოს საათებში უფრო პროდუქტიულები არიან და გვიან იძინებენ.

 რა კავშირშია ბიოლოგიური საათი ძუძუს კიბოსთან?

მეცნიერებმა დნმ-ის 341 ნაწილაკი გამოიკვლიეს, რომელიც განსაზღვრავს, „ბუ“ ხართ, თუ „ტოროლა“. მათ ეს ცოდნა ბრიტანეთის ბიობანკის პროექტში ჩართულ 180,000 ქალსა და ძუძუს კიბოს ასოციაციის კონსორციუმის კვლევაში მონაწილე 230,000 ქალზე ექსპერიმენტის ჩასატარებლად გამოიყენეს.

ექსპერიმენტმა აჩვენა, რომ მათ, ვინც გენეტიკურად ისე არიან დაპროგრამებული, რომ „ტოროლები“ უნდა იყვნენ, ძუძუს კიბოს გაცილებით ნაკლები რისკის ქვეშ იმყოფებიან, ვიდრე „ბუები“.

თუმცა ეს პირველადი კვლევის შედეგია, რაც შემდგომ კვლევებზე დაფუძნებულ მტკიცებულებებს მოითხოვს. არსებობს უამრავი პასუხგაუცემელი კითხვა იმასთან დაკავშირებით, თუ როგორ მოქმედებს ბიოლოგიური საათი ძუძუს კიბოზე : ახდენს თუ არა ზეგავლენას იმუნიტეტზე, ჰორმონალურ დონესა და მეტაბოლიზმზე.

კვლევის შედეგები მეცნიერთა ვებგვერდ bioRxiv-ზე გამოქვეყნდა.

წყარო : BBC

მასალა მოამზადა : თამარ ტაბატაძემ

 

 

სრულად ნახვა
მედიცინა

გარღვევა მედიცინაში : ინფარქტის რისკის დადგენა რამდენიმე წლით ადრეა შესაძლებელი

კომპიუტერული ტომოგრაფიის (CT) სკანირების შედეგად მიღებული გამოსახულებების გაანალიზებით ინფარქტის რისკის ქვეშ მყოფი პაციენტების გამოვლენა რამდენიმე წლით ადრეა შესაძლებელი.

ახალი ტექნოლოგია, რომელიც ოქსფორდის უნივერსიტეტსა და გერმანიისა და შეერთებულ შტატების ინსტიტუტებს მიერ შემუშავდა,  იყენებს ალგორითმებს, რისი საშუალებითაც ხდება კორონალური არტერიების გარშემო არსებული ცხიმის შესწავლა, რომელიც კომპიუტერული ტომოგრაფიის (CT) გულის სქემებზე ჩანს.

ეს ცხიმი იცვლება, როდესაც არტერიაზე ანთებითი პროცესი აღინიშნება და ეს გახლავთ ადრეული პროგნოზორების სისტემა.

“თუ გულის არტერიებში ანთებითი პროცესის გამოვლენას შეძლებთ, მაშინ შეგიძლიათ დაადგინოთ, რომელი არტერიები გამოიწვევს ინფარქტს,” განაცხადა ოქსფორდის პკარდიოვასკულური მედიცინის პროფესორი ჩარალამბოს ანტონიადსიმ.

გულის შეტევების უმეტესობა გამოწვეულია თრომბოციტების მომატებით – ეს გახლავთ ცხიმოვანი დეპოზიტი არტერიის შიგნით, რომელიც ხელს უშლის სისხლის მიმოქცევას.

ახალი ტექნოლოგიის საშუალებით ექიმებს შეუძლიათ დაადგინონ, რომელი არტერიებია თრომბოციტებით შევიწროვების რისკის ქვეშ.

აღსანიშნავია, რომ გულის დაავადება და ინსულტი სიკვდილის გამომწვევის ორი უდიდესი მიზეზია მთელს მსოფლიოში.

აღნიშნული კვლევა აგვისტოს ბოლოს სამედიცინო ჟურნალ The Lancet-ში გამოქვენდა.

მასალა მოამზადა:  თამარ ტაბატაძემ

წყარო : Reuters

ანალიტიკოსთა და მეცნიერთა დარბაზი ,,დოქტინა”

სრულად ნახვა
კვლევებიმედიცინა

ორსულების მიერ მარიხუანას მოხმარების მაჩვენებელი მატულობს

ორსულების მიერ მარიხუანას მოხმარების მაჩვენებელი მატულობს

უახლოეს დღეებში პარლამენტს წარედგინება კანონპროექტი, რომელიც საქართველოში მარიხუანას ექსპორტის მიზნით კულტივაციას გულისხმობს. რამდენიმე დღეა მთავრობისა და საკანონმდებლო ორგანოს წარმომადგენლები გვიმტკიცებენ, რომ ქვეყანაში მარიხუანას ლეგალიზება არ მოხდება და მისი მოხმაება “მაქსიმალურად მკაცრ ჩარჩოებში იქნება მოქცეული”. მათი განმარტებით, კულტივაცია მოხდება მხოლოდ და მხოლოდ ექსპორტის მიზნით და ექსპორტიც არსებითად მიმართულია სამედიცინო და სამეწარმეო მოხმარებისკენ.

მსოფლიოს სხვადასხვა ქვეყანაში მარიხუანას მოხმარება სხვადასხვა მიზნითაა ლეგალიზებულია. შედარებით დიდია იმ ქვეყნების ჩამონათვალი, სადაც კანაფი სამედიცინო დანიშნულებით არის ლეგალიზებული. ხოლო ქვეყნები, სადაც მარიხუანა ლეგალიზებულია  რეკრეაციის მიზნით, გახლავთ კანადა, საქართველო, ურუგვაი, ამერიკის 9 შტატი და კოლუმბიის ოლქი.

ფაქტია, რომ იმ ქვეყნების რიცხვი, სადაც სამედიცინო და გართობის მიზნით მარიხუანას მოხმარება ლეგალიზებული ხდება, თანდათან მატულობს.  პარალელურად მატულობს იმ ორსული თუ მეძუძური დედების რიცხვი, რომლებიც ნარკოტიკს მოიხმარენ. 2017 წელს ჩატარებულმა კვლევამ, რომელიც აგვისტოში JAMA Internal Medicine-ში გამოქვეყნდა და რომელიც ჩრდილოეთ კალიფორნიაში (სადაც მარიხუანა სამედიცინო მოხმარების მიზნით 1996 წლიდანაა ლეგალიზებული) მცხოვრები 280,000-მდე ქალის შარდის ანალიზის პასუხებსა და გამოკითხვის შედეგებს ეყრდნობა, აჩვენა, რომ 2009 წელს მარიხუანა ორსულთა ოთხმა პროცენტმა გასინჯა, 2016 წელს ეს რაოდენობა შვიდ პროცენტამდე გაიზარდა, ხოლო 2016 წლის შემდეგ, ანუ მას შემდეგ, რაც კალიფორნიაში მარიხუანას რეკრეაციის მიზნით ლეგალიზება მოხდა, მომხმარებელთა რაოდენობა კიდევ უფრო გაიზარდა.

ორსული დედის მიერ მოხმარებული ნარკოტიკი ნაყოფზეც ზემოქმედებს, ვინაიდან მასში შემავალი ინგრედიენტები პლაცენტის გავლით ნაყოფშიც ხვდებიან, ხოლო დაბადებული ბავშვის ორგანიზმს მეძუძური დედის რძიდან აღწევენ.

რა ზემოქმედებას ახდენს მარიხუანა დედისა და ბავშვის ორგანიზმზე? 

ეს გახლავთ შეკითხვა, რომელსაც ამერიკის პედიატრიის აკედემია  რამდენიმე კვირის წინ გამოცემა Pediatrics-ში გამოქვეყნებულ ანგარიშში სამეცნიერო ლიტერატურაზე დაყრდნობით პასუხობს.

აღსანიშნავია, რომ ამ საკითხზე მეცნიერთა აზრი იყოფა. ზოგიერთი კვლევა ამტკიცებს, რომ მარიხუანა ბავშვებზე ნეგატიურად მოქმედებს და დედის მიერ მისი მოხმარება ჩვილის მცირე წონასთან და ნეონატალური ინტენსიური თერაპიის განყოფილებასთანაა დაკავშირებული, დედებში კი ანემიის რისკს ზრდის.  თუმცა, შედარებით ადრე ჩატარებულმა კვლევებმა განსხვავებული შედეგი აჩვენეს. მაგალითად, 1987 წელს მაიმუნებზე ჩატარებულმა კვლევამ (Fetal disposition of delta 9-tetrahydrocannabinol (THC) during late pregnancy in the rhesus monkey) აჩვენა, რომ მარიხუანაში შემავალი ნივთიერება THC პლაცენტაში სწრაფად არ გადადის.

კანაფში 66 კომპონენტია აღმოჩნილი, თითოეული მათგანი კი ორგანიზმზე განსხვავებულ ზემოქმედებას ახდენს. მაგალითად, ტეტრაჰიდროკანაბინოლი THC ფსიქოაქტიურ ეფექტებთანაა დაკავშირებული.  არსებობენ კვლევები, რომლებიც ამტკიცებენ, რომ მაღალი THC-შემცველობის მქონე მარიხუანის ხანგრძლივად მოხმარებას განვითარებადი ტვინის ზრდის პროცესის შეცვლა შეუძლია. რაც შეეხება კანაბიდიოლს (CBD) მას თერაპიულ მედიცინაში იყენებენ. ესპანელი ბიოქიმიკოსი მანუელ გუზმანი წლების განმავლობაში ჩატარებული კვლევების შედეგად დარწმუნდა, რომ THC-ს, CBD-ს და ტემოზოლომიდის კომბინაცია საუკეთესო შედეგს იძლევა თაგვებში თავის ტვინის სიმსივნის მკურნალობისას. გუზმანი და მისი კოლეგები 15 წლის განმავლობაში აძლევდნენ კანაფის კომპონენტებს კიბოს მეტასტაზებით დასნებოვნებულ ვირთაგვებს. ვირთაგვების ერთ მესამედში სიმსივნე აღმოიფხვრა, ხოლო მეორე მესამედში – დაპატარავდა. თუმცა, გუზმანი არ ჩქარობს დასკვნის გამოტანას – „პრობლემა ისაა, რომ თაგვი არ არის ადამიანი, ჩვენ წარმოდგენა არ გვაქვს საერთოდ შეიძლება თუ არა მისი გამოყენება ადამიანების შემთხვევაში“.

ზოგადად, მეცნიერებს ეთიკის ნორმებიდან გამომდინარე ურთულდებათ იმ თემების შესწავლა, რომელიც ნარკოტიკებსა და ბავშვებს გულისხმობს, რის გამოც ჩატარებულ კვლევათა რაოდენობა საკმარისი არაა მარიხუანას ეფექტების სრულად გამოსვლენად და დასამტკიცებვლად. ამიტომ, დედების გადასაწყვეტია, უღირთ თუ არა მარიხუანას მოხმარება თავიანთი და თავიანთი შვილებისა ჯანმრთელობის გარისკვად.

მასალა მოამზადა:  თამარ ტაბატაძემ

ანალიტიკოსთა და მეცნიერთა დარბაზი ,,დოქტინა”

 

 

სრულად ნახვა
გამოგონება - ინოვაციაეს საინტერესოაკვლევებიმედიცინამსოფლიო

ვიტამინი, რომელიც სიზმრების დამახსოვრებაში დაგეხმარებათ

ალბათ ხშირად გქონიათ შემთხვევა, როდესაც იღვიძებთ, იცით, რომ სიზმარი ნახეთ, მაგრამ მხოლოდ ფრაგმენტები გახსოვთ, ან საერთოდ ვერ იხსენებთ, რა დაგესიზმრათ.
სამეცნიერო ჟურნალ ,,Perceptual and Motor Skills-ში” გამოქვეყნებულმა კვლევამ აჩვენა, რომ ძილის წინ B6 ვიტამინის აბების დიდი დოზით მიღება ადამიანებს სიზმრის დამახსოვრებაში ეხმარება.
ადელაიდის უნივერსიტეტის მკვლევარებმა 100 ადამიანზე ცდა ჩაატარეს. მათგან ნახევარს 5 დღის განმავლობაში 240 მგ B6 ვიტამინის აბს ასმევდნენ, მეორე ნახევარს კი – პლაცებოს.
კვლევამ აჩვენა, რომ იმ ადამიანებს, რომლებსაც B6 ვიტამინს ასმევდნენ, სიზმრები კარგად ამახსოვრდებოდათ იმათთან შედარებით, ვინც პლაცებოს სვამდა. აღსანიშნავია, რომ გამოსაცდელი ადამიანების არცერთმა ჯგუფმა არ იცოდა, რა მედიკამენტს ღებულობდა.
მონაწილეთა განცხადებით, მათი სიზმრები „ნათელი და ადვილად დასამახსოვრებელი“ იყო და „ფრაგმენტებს“ არ კარგავდნენ.

„ჩემი სიზმრები იმდენად რეალური იყო, ერთი სული მქონდა, დამეძინა და სიზმარი დამსიზმრებოდა,“ – აცხადებს კვლევის ერთ-ერთი მონაწილე.
ნაყოფიერი სიზმარი
,,Scientific American-ში” გამოქვეყნებული სტატიის თანახმად, სიზმარი რთულად გასახსენებელია, ვინაიდან პროცესები, რომელიც გრძელვადიან მახსოვრობას უწყობს ხელს, ძილის დროს შეჩერებულია. მაგალითად, ძალიან დაბალია ნეიროტრანსმიტრის ნორიპინეფრინის დონე, რომელიც აუცილებელია რაიმეს დასამახსოვრებლად.
ადამიანი ცხოვრების მანძილზე სიზმარში საშუალოდ 6 საათს ატარებს. ასე რომ, თუკი სიზმრების მართვას ვისწავლით, მათ უფრო პროდუქტიულად გამოვიყენებთ. მაგალითად, როცა სიზმარში ვიცით, რომ სიზმარში ვართ, ეს ღამის კოშმარებისა ფობიების დამარცხებაში დაგვეხმარება.

წყარო
: sciencealert.com

ანალიტიკოსთა და მეცნიერთა დარბაზი ,,დოქტრინა”

სრულად ნახვა
ისტორიაკვლევებიმედიცინამსოფლიოტექნოლოგიები

დაავადება, რომელმაც 16 საუკუნეში მექსიკის მოსახლეობის 80 პროცენტი გაანადგურა

მეცნიერებმა შეძლეს დაედგინათ იმ სასიკვდილო ეპიდემიის მიზეზი, რომელმაც მე-16 საუკუნეში მექსიკის მოსახლეობის 80 პროცენტი  გაანადგურა.

კვლევა ორიოდე დღის წინ ოფიციალურად გამოქვეყნდა.

1545-1550 წლების ეპიდემიის მსხვერპლთა კბილებიდან მოპოვებული უძველესი დნმ-იდან ირკვევა, რომ 15 მილიონი ადამიანის სიკვდილის მიზეზი სალმონელელა ენტერიკაა, ბაქტერია, რომელიც ტიფოზურ ციებ-ცხელებასთანაა დაკავშირებული. 

,,ცხელება იყო გადამდები, უმეტესწილად ლეტალური, დაავადებულს ენა უშრებოდა და უშავდებოდა და წყურვილის არანორმალური შეგრძნება ჰქონდა. დაავადებული შარდის ფერი მწვანე იყო, ან შავი, პულსი – გახშირებული ან შესუსუსტებული – ხანდახან ნულოვანი”, ასე აღწერს ფრანცისკანელი მონაზონი დაავადებას 1576 წელს.

მისი ინფორმაციით, ინფიცირებულუბს აღენიშნებოდათ დელირიუმი, დიზენტერია, კრუნჩხვები და გაუსაძლისი სისხლდენა და ღებინება.

ეპიდემიას სხვადასხვა დროს სხვადასხვა დაავადებასთან აკავშირებდნენ. თუმცა ახლა, გერმანიაში მდებარე მაქს პლანკის ევოლუციური ანთროპოლოგიის ინსტიტუტის მეცნიერებმა მოიპოვეს პირველი რეალური მტკიცებულება დნმ-ის საშუალებით.

მექსიკის ქალაქ მიქსტეკიდან ასობით წლის წინ დამარხული ადამიანების 30 ჩონჩხი ამოთხარეს.

დნმ-ის სკრინინგის უახლესი ტექნოლოგიის – Meta Genome Analyser Alignment Tool-ის საშუალებით, მკვლევარებმა ენტერიკას შტამი, სახელად Paratyphi C, აღმოაჩინეს.

აღმოჩენა შთამბეჭდავია და მნიშვნელოვანია სამომავლო კვლევებისთვის. მეცნიერების განმარტებით, ,,აღნიშნული კვლევა მყარ საფუძველს იძლევა განვაცხადოთ, რომ MALT- ის ალგორითმის წყალობით, მომავალში წარსული დაავადებების მიზეზების დადგენა იქნება შესაძლებელი”.

წყარო: http://www.sciencealert.com/

მასალა მოამზადა:  თამარ ტაბატაძემ

ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეს საინტერესოაკვლევებიმედიცინა

იწვევს თუ არა ყავა კიბოს? – ,,ჯანმოს” კვლევის შედეგი

დღეს ძალიან ხშირად მსჯელობენ იმაზე, თუ რამდენად შეიძლება იყოს ყავა კიბოს გამომწვევი. სხვათა შორის,  ყავა 1991 წლიდან კლასიფიცირებული იყო, როგორც „სავარაუდოდ“ კარცენოგენული ნივთიერება, მაგრამ, ბოლო კვლევების მიხედვით, ის კიბოს არ იწვევს. 
ყავა დაკავშირებული იყო საშარდე ბუშტის კიბოსთან, თუმცა ექსპერტები აცხადებენ, რომ აღნიშნული დასკვნის გასაკეთებლად საკმარისი მტკიცებულებები არ არსებობს.
ჯანდაცვის მსოფლიო ორგანიზაციის კიბოს კვლევის საერთაშორისო სააგენტოს ოთხ კატეგორიაში ყავამ მეორე 2B კატეგორიიდან – „სავარაუდოდ“ კარცენოგენული ნივთიერება, მესამე კატეგორიაში- კლასიფიცირება შეუძლებელია, გადაინაცვლა.
IARC-ის  სიმსივნის გამოწვევი პროდუქტების სიაში თამბაქო და დამუშავებული ხორცი პირველ კატეგორიას განეკუთვნება. კატეგორია კლასიფიცირდება, როგორც კიბოს გამომწვევი პროდუქტი. მაგალითად, თამბაქო კიბოს რისკს 20-ჯერ ზრდის, ხოლო დამუშავებული ხორცი – აორმაგებს.
თავდაპირველად IARC-ის მიიჩნევდა, რომ ყავა კიბოს რისკს ზრდის, ახლა კი ეს დამოკიდებულება შეიცვალა. თუმცა შეცვლის კი ეს ფაქტი ყავის მიმართ ყავის მოყვარულთა დამოკიდებულებას? დილით ყავის სმის დროს ალბათ არავინ ფიქრობს იმაზე, იწვევს თუ არა ეს სასიამოვნო სასმელი კიბოს.
შეგახსენებთ, რომ ცოტა ხნის წინ კიბოს კვლევის საერთაშორისო სააგენტომ განაცხადა, რომ 65 °C -ზე ცხელი სასმლის, მათ შორის წყლის, ჩაის, ყავის, გადაყლაპვა საყლაპავი მილის კიბოს იწვევს.

წყარო: BBC

მასალა მოამზადა: თამარ ტაბატაძემ

ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამედიცინამსოფლიოსამართალი

ყოფილი პრეზიდენტის ყალბი წამალი, რომელმაც ადამიანების სიცოცხლე შეიწირა 

ადამიანის უფლებების დარღვევის უდიდესი სკანდალი – ასე აფასებს ორგანიზაცია ,,Aids-Free World-ი” დანაშაულს, რომელშიც ბრალს გამბიის ყოფილ პრეზიდენტს, იაჰია ჯამეჰს დებენ.

ჯამეჰი, რომელმაც ქვეყანა ოცწლიანი მმართველობის შემდეგ ორი წლის წინ დატოვა, უამრავ დანაშაულშია ეჭვმიტანილი. ერთ-ერთი უცნაური ბრალდება ისაა, რომ ჯამეჰი აივ-ინფეცირებულ ათასობით ადამიანს აიძულებდა, თავის მიერ შექმნილი მცენარეული ნაყენით ემკურნალათ.

„მკურნალობის“  შედეგად გარდაცვლილთა ზუსტი რიცხვი უცნობია.

2007 წელს ჯამეჰმა განაცხადა, რომ მან მცენარეული მედიცინისა და სულიერი სამკურნალო საშუალებების ტექნოლოგიის გამოყენებით შიდსის სამკურნალო მიქსტურა შექმნა, რომელსაც შედეგი მხოლოდ ორშაბათობით და ხუთშაბათობით ჰქონდა.

გასაკვირი არაა, რომ „გამოგონება“ მსოფლიო ჯანდაცვის ლიდერებმა სახიფათოდ აღიარეს, თუმცა გამბიაში იმის გაბედვა, რომ პრეზიდენტის სამკურნალო მიქსტურა სისულელე იყო, საკუთარი თავისთვის სასიკვდილო განაჩენის გამოტანას ნიშნავდა.

სამკურნალო ცდებს პრეზიდენტის კლინიკაში ატარებდნენ, ყოველ დილით პრეზიდენტი პაციენტებს სხეულზე მწვანე პასტას უსვამდა, პარალელურად ყურანიდან ლოცვებს კითხულობდა. პაციენტებს დღეში ორჯერ ბოთლიდან მწვანე ფერის გაურკვეველი სითხე უნდა დაელიათ.  ჯამეჰი არავის ეუბნებოდა, რა სითხე იყო ეს. მხოლოდ იმას აღნიშნავდა, რომ თუკი შიდსის განკურნებას რეალურად შეძლებდა, გამბიას მდიდარ ქვეყნად აქცევდა.

პრეზიდენტის ერთ-ერთი ყოფილი „პაციენტი“ – ლამის სიზი იხსენებს, რომ მას კლინიკაში დიარეა დაემართა, გარდა ამისა, სხვა პაციენტისგან ტუბერკულოზი შეეყარა და ისე დასუსტდა, რომ მისი შესაბამის კლინიკაში გადაყვანა გახდა საჭირო. ტესტებმა აჩვენა, რომ შიდსის ვირუსული დატვირთვა მომატებული იყო და ის კვლავ პრეზიდენტის კლინიკაში „სამკურნალოდ“ დააბრუნეს.

სიზი იმ იღბლიანთა შორის იყო, რომლებიც გადარჩნენ. მისი მეუღლე, რომელიც ასევე აივ-დადებითი იყო და რომელიც გაურკვეველი მცენარეული პროგრამის მონაწილე იყო, გარდაიცვალა. ლამის სიზი აცხადებს, რომ პაციენტთა უმრავლესობა პროგრამის მიმდინარეობისას გარდაიცვალა.

პაციენტებს აიძულებდნენ, სახელმწფო ტელევიზიით პროგრამის წარმატებულობაზე ესაუბრათ. მათ შორის იყო ოსმან სოუ. მას სამედიცინო განათლება ბრიტანეთში ჰქონდა მიღებული. იმისათვის რომ პროგრამისთვის მეტი სერიოზულობა მიენიჭებინა, ჯამეჰმა სოუ პრეს სპიკერად დანიშნა. ის უცხოურ პრესასთან პროგრამის ეფექტურობაზე საუბრობდა.

„როგორც სამედიცინო განათლების მქონე პირმა, კარგად ვიცოდი, რა ნაგავიც იყო, თუმცა საწინააღმდეგოს თქმის უფლება არ მქონდა, მიუხედავად იმისა, რომ ადამიანები იღუპებოდნენ,“ – აცხადებს სოუ BBC-თან საუბარში.

როგორც ცნობილია, პროგრამაში სულ 9,000-მდე ადამიანი მონაწილეობდა, დაღუპულთა ზუსტი რაოდენობა უცნობია, ვინაიდან კლინიკის ყველა ჩანაწერი და ანკეტა გასაიდუმლოებული იყო.   

სოუ და სხვა გადარჩენილი პაციენტები Aids-Free World-ში მუშაობენ, ეს გახლავთ აშშ-ის კამპანიის ჯგუფი, რომელსაც სურს ჯამეჰისთვის ბრალის წაყენება. Aids-Free World-ი აცხადებს, რომ ეს გახლავთ ერთ-ერთი უდიდესი ადამიანის უფლებების დარღვევის სკანდალი, რომელიც გამბიის ყოფილი ლიდერთანაა დაკავშირებული.

 

წყარო: BBC

მასალა მოამზადა:  თამარ ტაბატაძემ

ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 2 3 4 5 75
Page 3 of 75