close

დედამიწა

დედამიწაეს საინტერესოა

წყალი დედამიწაზე უფრო დიდი ხნისაა, ვიდრე მზის სისტემა

2.41K views on

გამოკვლევების შედეგად დადგინდა, რომ დედამიწაზე არსებული წყლის 50% მზის სისტემაზე ძველია. აღმოჩნდა, რომ კოსმოსური ყინული უფრო ადრე ჩამოყალიბდა, ვიდრე კოსმოსური მტვრის ღრუბელი.

მზის სისტემა წარმოიშვა კოსმოსური მტვრის ღრუბლისგან, მაგრამ წყალბადს და ჟანგბადს ჩვეულებრივ შეეძლო წარმოექმნა წყალი. როდესაც მზე სრულად ჩამოყალიბდა და რადიაციის გამოყოფა დაიწყო, მან გაყარა მზის სისტემაში მოთავსებული წყალი მზის სისტემის კიდეებში კომეტების ორბიტაზე. დედამიწაზე არსებული ოკეანეები არის სწორედ ამ ყინულით და წყლით გაჯერებული კომეტების და ვულკანების გავლენის შედეგი, ეს ხდება მზის სისტემის ახალი სიცოცხლის დაწყების პერიოდში. როგორც მეცნიერები ამბობენ, თეორია ნაწილობრივ მართალია.

წყარო: Harvard business review

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
დედამიწამსოფლიო

ბრიტანეთში „გადაშენებული“ ალმასის ობობა იპოვეს

2.12K views on

დიდ ბრიტანეთში, ნოტინჰემში გადაშენებული „ალმასის“ ობობა (diamond spider) იპოვნეს.

ობობა 50 წელზე მეტია აღარავის უნახავს. ობობა, რომელიც სავარაუდოდ უკვე სრულიად გადაშენებული იყო, ბრიტანული საქველმოქმედო ორგანიზაცია ,,National Trust-ის” მოხალისეებმა Clumber Park-ში აღმოაჩინეს.

7 მმ სიგრძის ობობას ნახვა სულ სამჯერაა გამოვლენილი და სამივე დროს სამხრეთ ინგლისში. თუმცა diamond spider-ი 1969 წლიდან აღარავის უნახავს.

,,National Trust-ის” მოხალისეები ქლამბერ პარკში ეკოლოგიურ გამოკვლევას ატარებდნენ, როცა ობობა შენიშნეს.

„ალმასის“ ობობას საცხოვრებელი ჭაობიანი ადგილები, ხავსიანი ბალახი და მანანაა.

 

წყარო: http://www.bbc.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
დედამიწაეკოლოგიამსოფლიო

ფოტოები, რომლებიც ამტკიცებს, რომ გლობალური დათბობა რეალური და გამანადგურებელია

2.78K views on

ინტერნეტ ჟურნალმა  “Providr-მა”  გაავრცელა ფოტოები, რომლებიც „ამტკიცებს, რომ გლობალური დათბობა რეალურია და მეტიც, ის შესაძლოა ჩვენი პლანეტისთვის გამანადგურებელიც კი აღმოჩნდეს.“

 

 

ქალი უყურებს  კოლორადოში მდებარე Boulder Creek-ს (50.5 კმ-იანი პატარა უბე), რომელიც 2013 წლის სექტემბერში სამდღიანი წვიმის შედეგად დაიტბორა. რაც უფრო თბილი ხდება კლიმატი, მით მეტი ექსტრემალური ატმოსფერული ნალექია მოსალოდნელი მთელი მსოფლიოს მასშტაბით.

 

 

ჩინეთს 2013 წლიდან ძლიერი წყალდიდობები ატყდება თავს. ფოტოზე ნაჩვენებია ბეჩუანი, რომელიც ჩინეთის სამხრეთ-დასავლეთ პროვინცია სიჩუანიში მდებარეობს.

 

 

გლობალური დათბობით გამოწვეულმა უხვმა ნალექმა ავსტრალიის აღმოსავლეთი სანაპიროც დააზარალა.  ფოტოზე აღბეჭდილია ახალ სამხრეთ უელსში მდებარე დატბორილი ტერიტორია.

 

 

ნორვეგია – გამხდარი პოლარული დათვი ცდილობს, გაიაროს ყინულზე სავალ ბარდში.

 

 

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

სრულად ნახვა
გეოგრაფიადედამიწაეს საინტერესოა

აშშ-სა და კანადაში ნიაგარის ჩანჩქერის ნაწილი გაიყინა

1.69K views on

ამერიკის შეერთებულ შტატებსა და კანადაში ნიაგარის ჩანჩქერის ნაწილი გაიყინა. გაყინული ჩანჩქერს ფოტო კანადისა და ამერიკის შეერთებული შტატების საზღვრის მიმდებარედ მცხოვრებმა მოქალაქეებმა გადიღეს და სოციალურ ქსელში გაავრცელეს. ამის შესახებ CNN წერს.

„წყალი იყინებოდა ჰაერში“, „დილა მშვიდობისა, ულამაზესი სანახაობაა“, ჩანჩქერი გაიყინა და არნახული ფოტოები გადავიღეთ“- ასეთი კომენტარები ახლავს კადრებს, სოციალურ ქსელში, რომლებიც მომხმარებლებმა ცოტა ხნის წინ ატვირთეს.

ნიაგარის ჩანჩქერის გაყინვა იშვიათი მოვლენაა, აქამდე არსებული ცნობებით, ჩანჩქერი მთლიანად სულ ორჯერ გაიყინა 1848 და 1912 წლებში გაიყინა.

სრულად ნახვა
დედამიწაკვლევები

ჩინეთისა და რუსეთის ერთობლივი ექსპერიმენტები, რითაც დედამიწის ატმოსფეროს მოდიფიცირება განხორციელდა

1.7K views on

ჩინეთმა და რუსთმა მაღალი სიხშირის რადიო ტალღების საშუალებით დედამიწის ატმოსფეროს გარდაქმნის მიზნით ერთობლივი ექსპერიმენტები ჩაატარეს, რამაც ექსპერტთა ნაწილის პროტესტი გამოიწვია.

რუსეთის მიერ ქალაქ ვასილსურსკის მახლობლად დამონტაჟებული Sura Ionospheric Heating Facility-გან მეცნიერებმა მაღალი სიხშირის რადიო ტალღები მიიღეს, რათა იონოსფეროს მანიპულირება მოეხდინათ, ხოლო ჩინური Seismo‐ElectromagneticSatellite-ის საშუალებით ორბიტიდან პლაზმის რღვევის ზეგავლენის ხარისხი გაზომეს.

ეს მსგავსი კვლევის ჩატარების პირველი შემთხვევა არაა, თუმცა ექსპერტთა ნაწილი რუსულ-ჩინურ ექსპერიმენტში პოტენციური სამხედრო აპლიკაციის საშიშროებას ხედავს.

იონოსფერო და იონიზირებული აირი (პლაზმა) რადიო კომუნიკაციაში გადამწყვეტ როლს ასრულებს. ზემო ატმოსფეროს ამ ნაწილის დამუხტულ ნაწილაკებზე ზეგავლენის მოხდენით მეცნიერებს და მთავრობებს თეორიულად რადიო სიგნალების გაძლიერება ან დაბლოკვა შეუძლიათ.

აღნიშნული ექსპერიმენტის დროს პირველ შემთხვევაში იონოსფეროს რადიუსმა, რომელზეც  ზეგავლენა მოახდინეს 126,000 კილომეტრი შეადგინა, ხოლო იონიზებული აირის ტემპერატურამ 100 გრადუსი ცელსიუსით მოიმატა.  თუმცა მეცნიერები, რომლებიც ექსპერიმენტში არიან ჩართული, აცხადებენ, რომ კვლევა სუფთა სამეცნიერო ხასიათისაა და ის გარემოსთვის უსაფრთხოა.

“ჩვენ არ ვთამაშობთ ღმერთობანას და არც ერთადერთი ქვეყანა ვართ, რომელიც რუსეთთან თანამშრომლობს. იგივეს სხვა სახელმწიფოებიც აკეთებენ,“ აცხადებს ერთ-ერთი ჩინელი მეცნიერი, რომელმაც საკუთარი ვინაობის გამჟღავნება არ ისურვა.

Sura-ს ბაზა ყოფილმა საბჭოთა კავშირმა 80-იან წლებში დააარსა. ამბობენ, რომ დაახლოებით 10 წელიწადში აშშ-მ ალასკაში დააარსა Sura-ზე უფრო დიდი ატმოსფერული  გამაცხელებელი ობიექტი theHigh Frequency Active Auroral Research Program (HAARP)-ი შექმნა.

HAARP-ს თავდაპირველად აშშ-ს სამხედრო ხელისუფლება აფინანსებდა, ახლა კი მის ადმინისტრირებას ალასკას უნივერსიტეტი ახორციელებს.  

გავრცელებული ინფორმაციის თანახმად, იონოსფეროს გამაცხელებელს სამხრეთ ჩინეთში მდებარე ქალაქ სანიაში ჩინეთიც აშენებს.  

თუმცა, ჯერ-ჯერობით არ არსებობს მტკიცებულება, რომ აღნიშნული ექსპერიმენტიარაკეთილსინდისიერი მიზნით ჩატარდა, თუმცა მიმდინარე წელს რუსეთი არაერთხელ დაადანაშაულეს GPS სიგნალის ჩახშობაში, რაშიც, შესაძლოა, იონოსფეროს მანიპულირებელიექსპერიმენტებიც იყოს ჩართული.

წყარო : www.sciencealert.com

სრულად ნახვა
გეოგრაფიადედამიწაეკოლოგია

ნასა – ანტარქტიდის აქამდე უძრავი მყინვარები კატასტროფული სისწრაფით დნება

3.1K views on

„ნასა“ აცხადებს, რომ აღმოსავლეთ ანტარქტიდაზე მდებარე აქამდე უძრავმა მყინვარებმა „გაიღვიძა“ და ლღობა დაიწყო. ეს კი იმას ნიშნავს, რომ ზღვების დონეებმა შესაძლოა კატასტროფულად მოიმატოს. აღსანიშნავია, რომ კონტინენტის ამ ნაწილს აქამდე ბევრად უფრო სტაბილურად მიიჩნევდნენ, ვიდრე დასავლეთს.

ამერიკის კოსმოსური სააგენტო ირწმუნება, რომ აღმოსავლეთ ანტარქტიდის მყინვარები, მათ შორის Totten Glacier-ი, რომელიც 2,400 კვადრატულ მილს ფარავს, მნიშვნელოვანი რაოდენობის ყინულს კარგავს.

„ნასა“ ამ კონკრეტული მყინვარის ლღობას აღწერს, როგორც „ბეჰემოთს, რომელიც ისეთი რაოდენობის ყინულს შეიცავს, რომელიც საკმარისია იმისთვის, რომ ზღვის დონე სულ ცოტა 3,3 მეტრით გაზარდოს.“  Totten-ი ერთ-ერთია იმ მყინვარებს შორის, რომლებმაც ბოლო პერიოდში დნობა დაიწყო, თუმცა ის მეცნიერების განსაკუთრებული ყურადღების ქვეშ მოექცა, ვინაიდან აღმოსავლეთ ანტარქტიდის უდიდესი მყინვარია.

„ნასას“ კვლევის თანახმად, Vincennes Bay-ში მდებარე მყინვარების დონემ 2008 წლიდან დღემდე 2, 7 მეტრით დაიწია. გაცილებით მძიმე სიტუაციაა კონტინენტის დასავლეთ ნაწილში, სადაც მყინვარები გაცილებით სწრაფად დნებიან.

ამერიკის კოსმოსური სააგენტო 2019 წლის დასაწყისიდან ახალ პროექტს – Inter-mission Times Series of Land Ice Velocity and Elevation-ს იწყებს, რომლის მიზანი მსოფლიოს ყინულის საფარის  კონტროლია.

პროექტი გულისხმობს 30-წლიანი სატელიტურ ჩანაწერებზე დაყრდნობით მყინვარების, ყინულის ზედაპირისა და ყინულის შელფების ცვლილებების შესწავლას.

წყარო : independent.co.uk

 

სრულად ნახვა
დედამიწამსოფლიო

კომპანია SPACE X დედამიწის ორბიტაზე 7500 ინტერნეტ თანამგზავრს გაუშვებს

1.19K views on

შეერთებული შტატების ფედერალურმა კავშირგაბმულობის კომისიამ კომპანია Space X-ს 7500 საკომუნიკაციო თანამგზავრის გაშვების უფლება მისცა. ეს თანამგზავრები ელონ მასკის პროექტის- Starlink-ის ნაწილია. მათ თანამგზავრული ინტერნეტის შესაქმნელად გამოიყენებენ.

Space X-ის 7518 თანამგზავრი დედამიწიდან 335-346 კილომეტრის სიმაღლეზე იქნება განლაგებული. დამატებით კიდევ 4425 აპარატი 1110-1325 კილომეტრის სიმაღლეზე განთავსდება. თანამგზავრების ასეთ სიმაღლეზე განლაგება Space X-ის წარმომადგენლის განმარტებით ხელს შეუწყობს ინტერნეტის ხარისხის გაუმჯობესებას.

სრულად ნახვა
ასტრონომია - კოსმოსიდედამიწამსოფლიო

InSight-მა მარსიდან პირველი სუფთა ფოტო გამოაგზავნა

3.87K views on

“ნასას“ ხომალდი „ინსაითი“ პლანეტა მარსის ზედაპირზე წარმატებით დაეშვა და დედამიწისკენ ოფიციალური სიგნალი გამოგზავნა. „ინსაითი“ გახლავთ პირველი რობოტული კოსმოსური ხომალდი, რომლის მიზანი მარსის წიაღისა და სეისმური აქტივობის შესწავლაა.

InSight-მა დედამიწაზე მარსის ზედაპირის სუფთა ფოტოც გამოაგზავნა.

როგორც „ნასას“ წარმომადგენლები აღნიშნეს, ეს იყო “ტერორის 7 წუთი” იყო და ამაში გაზვიადებული არაფერია. მისია, კოსმოსურ სააგენტოს 850 მილიონი დაუჯდა.

„ინსაითი“ ამერიკის კოსმოსური სააგენტოს მერვე ხომალდია, რომელმაც წითელი პლანეტის ზედაპირზე წარმატებილი დაჯდომა განახორციელა.
სამფეხა ხომალდი მარსის თხელ ატმოსფეროში საათში 19,795 კილომეტრის სიღრმეზე შედიოდა და ატმოსფორდან პლანეტის ზედაპირზე ატმოსფერული ხახუნის, გიგანტური პარაშუტისა და რეტრო რეკეტების საშუალებით დაშვებას 7 წუთი მოანდომა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
ასტრონომია - კოსმოსიდედამიწამსოფლიოტექნოლოგიები

“ნასას“ კოსმოსური ხომალდი მარსის ზედაპირზე წარმატებით დაეშვა

1.2K views on

“ნასას“ ხომალდი „ინსაითი“ პლანეტა მარსის ზედაპირზე წარმატებით დაეშვა. „ინსაითი“ გახლავთ პირველი რობოტული კოსმოსური ხომალდი, რომლის მიზანი მარსის წიაღისა და სეისმური აქტივობის შესწავლაა. ხომალდი აღჭურვილია უზუსტესი სეისმომეტრებით არის აღჭურვილი, აქვს ასევე ზონდი, რომელიც პლანეტის წიაღში ჩავა და ტემპერატურას გაზომავს.
დაახლოებით 7 წუთის განმავლობაში, „ნასას“ ინჟინრები დაძაბულები აკვირდებოდნენ პროცესს, მეცნიერები „ინსაითის“ წარმატებულად დაშვებას ტაშითა და ოვაციებით შეხვდნენ.
მოვლენას “ნასას“ ტელევიზია პირდაპირ ეთერში გადმოცემდა და საზოგადოებას საშუალება ჰქონდა მისთვის თვალყური სხვადასხვა მუზეუმში, ბიბლითეკაში და მსოფლიოს სხვადასხვა საჯარო ადგილებში ედევნებინა.
ხომალდი კალიფორნიიდან მაისში გაუშვეს. მილიარდ დოლარიანი მისიის ფარგლებში „ინსაითი“ მომავალი 24 თვის განმავლობაში, რომელიც დაახლოებით ერთი წელია მარსზე, გამოიკვლევს როგორ წარმოიქმნა წითელი პლანეტა, ასევე შეეცდება დედამიწისა მზის სისტემაში არსებული სხვა კლდოვანი პლანეტების წარმომავლობა დაადგინოს. „მისიის მიზანი არა მხოლოდ მარსის, არამედ დედამიწის უკეთ შესწავლაა,“ განაცხადა “ინსაითის“ მთავარმა მკვლევარმა ბრიუს ბანერდტმა.
მთავარი კითხვა არის ის, თუ რატომ ჩამოყალიბდა მარსი, რომელიც ოდესღაც თბილი პლანეტა იყო და რომელზეც წყალიც არსებოდა, დედამიწისგან ასე განსხვავებულ, მშრალ, უდაბურ და ცივ სამყაროდ.
როგორც „ინსაითი“, ასევე და მომავალი Mars Rover-ის მისია, რომელიც 2020 წლისთვისაა დაგეგმილი, განიხილება, როგორც ადამიანის მარსზე გაგზავნის წინამორბედად. „ნასა“ აცხადებს, რომ აღნიშნული მიზნის მიღწევა 2030 წლისთვის იქნება შესაძლებელი.
„ინსაითი“ ამერიკის კოსმოსური სააგენტოს მერვე ხომალდია, რომელმაც წითელი პლანეტის ზედაპირზე წარმატებილი დაჯდომა განახორციელა.
სამფეხა ხომალდი მარსის თხელ ატმოსფეროში საათში 19,795 კილომეტრის სიღრმეზე შედიოდა და ატმოსფორდან პლანეტის ზედაპირზე ატმოსფერული ხახუნის, გიგანტური პარაშუტისა და რეტრო რეკეტების საშუალებით დაშვებას 7 წუთი მოანდომა.
360 კილოგრამი წონის „ინსაითი“ Elysium Planitia-ზე დაეშვა, რომელიც ფართო, შედარებით გლუვი სივრცეა და პლანეტის ეკვატორთან ახლოს მდებარეობს.

წყარო : Reuters

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
დედამიწამსოფლიო

ნორვეგია პირველი ქვეყანა – სადაც ტყის გაჩეხა აიკრძალა

2.8K views on

„ნორვეგია პირველი ქვეყანაა, სადაც ტყის გაჩეხა აიკრძალა და პროდუქტებს, რომლებიც ამ ქმედებას უწყობს ხელს, სკანდინავიის ქვეყნებში აღარ გამოიყენებენ“, – ამის შესახებ ინფორმაციას Ecowatch ავრცელებს.

ხელისუფლების გადაწყვეტილება – ნორვეგიის ტროპიკული ტყეების დაცვის ფონდის (Rainforest Foundation Norway) დამსახურებაა, რომელიც ამ საკითხს მრავალი წლის განმავლობაში ლობირებდა.

აქვე უნდა ითქვას, რომ ამ მიმართულებიც სხვა ქვეყნებიც გააქტიურდნენ, მაგალითად ინდოეთი საკუთარი ტყეების დაცვისა და აღდგენისთვის 6.2 მილიარდი დოლარის დახარჯვას აპირებს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
1 … 23 24 25 26 27 … 36
Page 25 of 36