close

მსოფლიო

გეოგრაფიადედამიწაეკოლოგიავიდეომსოფლიო

როგორ განადგურდა დედამიწა ბოლო 37 წელიწადში – Google Earth-ის ახალი ანიმაცია

2.03K views on

Google Earth-ით საკუთარ ვებ-ბრაუზერშივე შეგიძლიათ იხილოთ თაიმლეფსის ტიპის ვიდეო 1984 წლიდან დღემდე – როგორ შეცვალა კლიმატის ცვლილებამ დედამიწა უკანასკნელ 37 წელიწადში.

კომპანია Google-მა რამდენიმე არეალს განსაკუთრებით დიდი ყურადღება დაუთმო. მაგალითად, ანიმაციაში ნაჩვენებია კოლუმბიის მყინვარი ალასკაში, რომელიც დროდადრო ზომაში იკლებს. ჩათჰემის (მასაჩუსეტსი) გარშემო არსებულ სანაპირო ხაზს თუ შეხედავთ, საკუთარი ლეპტოპიდანვე დაინახავთ, როგორ თვალის დახამხამებაში ქრება ტყეები.

იმისათვის, რომ თაიმლეფსის ფუნქცია გამოიყენოთ, დააკლიკეთ აქ. ძიების ველში ნებისმიერი ადგილის ჩაწერა შეგიძლიათ, ან შემოთავაზებული ხუთი კატეგორიიდან რომელიმე ამოარჩიოთ: ცვალებადი ტყეები, მოწყვლადი სილამაზე, გათბობის პროცესში მყოფი პლანეტა და ურბანული გაფართოება.

გარდა ამისა, თქვენ შეგიძლიათ Google-ს მიერ უკვე გამზადებული 800 პაკეტი ნახოთ, თუ აქ შეხვალთ. NASA-სგან, US Geological Survey-სგან, ევროკავშირისა და ESA-სგან აღებულ მონაცემებთან ერთად თაიმლეფსის ახალი ფუნქცია Google Earth-ის მიერ შეგროვებულ 24 მილიონ ფოტოს იყენებს.

კომპანიის თქმით, 20 პეტაბაიტის ფოტოებისგან შემდგარი 4,4 ტერაპიქსელის ზომის ვიდეო მოზაიკის მისაღებად ჯამურად 2 მილიონი საათი იყო საჭირო. ეს იგივეა, რაც 530 000 ვიდეო 4K გარჩევადობაში. ცხადია, Google-ს მონაცემთა ცენტრებში იმდენად მძლავრი კომპიუტერები აქვთ, რომ 2 მილიონი საათის ნაცვლად, რომელიც 228 წელიწადს შეადგენს, ბევრად უფრო ცოტა დრო დასჭირდათ.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ეს საინტერესოამსოფლიო

ბრაზილიაში შენდება ქრისტეს ახალი ქანდაკება, რომელიც რიოზე მაღალი იქნება

929 views on

სამხრეთ ბრაზილიაში, რიუ-გრანდი-დუ-სულში აშენებენ იესო ქრისტეს უზარმაზარ ქანდაკებას, სახელად “მფარველი ქრისტე”, რომელიც უფრო მაღალი იქნება, ვიდრე რიო-დე-ჟანეიროს იესო ქრისტეს(“მხსნელი ქრისტე”) ცნობილი ქანდაკება. აღნიშნული 5 მეტრით უფრო მაღალი იქნება, ვიდრე რიოს ქანდაკება, რომელიც 38 მეტრი სიმაღლისაა.

მშენებლობა 2019 წელს დაიწყო და მიმდინარე წლის დასასრულისთვის მზად იქნება. საბოლოო ჯამში, მისი ღირებულება 353,000 აშშ დოლარი იქნება.

ქანდაკების შიგნით დამონტაჟებული ლიფტი ტურისტებს მისცემს შესაძლებლობას ქანდაკების გარკვეულ სიმაღლეზე ავიდნენ და ზემოდან გადმოხედონ ხედს. მისი აშენება ტურიზმის გაღრმავების მიზნით დაიწყო რეგიონში, რომელიც ახლოს არის ბრაზილია-ურუგვაისა და არგენტინის საზღვართან. მშენებელი ორგანიზაციის თქმით, მსოფლიოში იესო ქრისტეს მესამე უდიდესი ქანდაკება იქნება.

რიო-დე-ჟანეიროს ერთ-ერთი სიმბოლო, იესო ქრისტეს ქანდაკება კორკოვადოს 710 მეტრიან მთაზეა აღმართული. მონუმენტის სანახავად ყოველწლიურად ბრაზილიაში მილიონობით ტურისტი ჩადის. ახალი ღირსშესანიშნაობა კი, როგორც ექსპერტები ვარაუდობენ, კიდევ უფრო მეტად შეუწყობს ხელს ტურიზმის განვითარებას, რადგანაც რიოში არსებული ქანდაკება ტურისტების საყვარელი სანახაობაა.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმედიცინამსოფლიო

თრომბის განვითარების რისკი კოვიდ 19-ით ინფიცირებულებში 8-10-ჯერ მაღალია, ვიდრე ვაქცინირებულებში – ბრიტანელი მეცნიერები

753 views on

ბრიტანელი მეცნიერების განცხადებით, ტვინში თრომბის განვითარების რისკი კოვიდ 19-ით ინფიცირებულებში 8-10-ჯერ მაღალია, ვიდრე ვაქცინირებულებში.

ბრიტანელი მეცნიერები აცხადებენ, რომ თავის ტვინში თრომბის განვითარების რისკი კოვიდ 19-ის ინფექციისგან გაცილებით მაღალია, ვიდრე დაავადების საწინააღმდეგო ვაქცინების მიღებისგან.

ცნობილია, რომ AstraZeneca-სა და Johnson & Johnson-ის ვაქცინებით აცრის შემდეგ ცერებრალური ვენურისინუსის თრომბოზის რამდენიმე შემთხვევა დაფიქსირდა. შეერთებულმა შტატებმა და სამხრეთ აფრიკამ Johnson & Johnson-ის ვაქცინის გამოყენება შეაჩერეს, ევროკავშირმა კი, რომელსაც ვაქცინის გამოყენება უნდა დაეწყო, პროცესი გადადო. ამასთან, დანიამ სამუდამოდ შეაჩერა AstraZeneca-სვაქცინის გამოყენება.

მეცნიერების თქმით, პაციენტებზე ჩატარებულიგამოკვლევამ აჩვენა, რომ ყოველ მილიონ კოვიდინფიცირებულზე ცერებრალური ვენურისინუსის თრომბოზის 39 შემთხვევა ფიქსირდება, ევროპის მედიკამენტების სააგენტოს მონაცემებით კი AstraZeneca-ს ვაქცინის მიღების შემდეგ ყოველი მილიონი ვაქცინირებულიდან ცერებრალური ვენურისინუსის თრომბოზის შესახებ 5 ადამიანმა განაცხადა.

რაც შეეხება Johnson & Johnson-ს, აშშ-ის დაავადებათა კონტროლისა და პრევენციის ცენტრმა და აშშ-ის სურსათისა და წამლის ადმინისტრაციამ მისი გამოყენების შეჩერების რეკომენდაცია მას შემდეგ გასცეს, რაც Johnson & Johnson– ით ვაქცინირებულ ადამიანებს შორის, 18 და 48 წლამდე ასაკის ქალებში, თრომბის წარმოქმნის 6 შემთხვევა დაფიქსირდა. აღსანიშნავია, რომ აღნიშნული შემთხვევები აშშ-ში გამოვლინდა სადაც ვაქცინის 7 მილიონამდე დოზაა გამოყენებული, რაც იმას ნიშნავს, რომ ყოველ მილიონ ვაქცინირებულზე ერთზე ნაკლები საეჭვო შემთხვევა მოდის.

მეცნიერები კვლევაში აღნიშნავენ, რომ თრომბის წარმოქმნის რისკი კოვიდ 19-ით ინფიცირების შემთხვევაში 8-10-ჯერ მაღალია, ვიდრე დაავადების საწინააღმდეგო ვაქცინების მიღების შემდეგ.

ამასთან, როგორც ინფიცირების ასევე ვაქცინაციის შედეგად გამოწვეული ცერებრალური ვენური სინუსისთრომბოზის სიკვდილიანობის მაჩვენებელი 20 % იყო, რაც მიუთითებს, რომ თრომბები მთავარ რისკფაქტორს წარმოადგენს.

წყარო : reuters.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

 

სრულად ნახვა
ბიოლოგიაკვლევებიმედიცინამსოფლიო

ფრანგულმა კომპანიებმა გულის დაავადებების მკურნალობის ახალია ტექნოლოგია წარადგინეს

1.01K views on

გულის დაავადება მსოფლიოში გარდაცვალების ძირითადი მიზეზია. მსოფლიოში გულის დაავადებები დაახლოებით 60 მილიონ ადამიანს აწუხებს, რის გამოც ზოგიერთმა კარდიოლოგმა მას პანდემია უწოდა.

ცნობილია, რომ გულის დაავადებების მძიმე შემთხვევების პერსპექტივა ოპტიმისტური არ არის.

ამჟამად საუკეთესო გამოსავალს გულის გადანერგვა წარმოადგენს, რაც, ორგანოების დონორების სიმცირის გამო, ძალიან შეზღუდულია.

მეორეა გულის ტუმბოს დაყენება, რაც ხშირად იწვევს გართულებებს, როგორიცაა ინსულტი და კუჭ-ნაწლავის სისხლდენა. მათ, ვისაც გულის ტრადიციული ტუმბოები აქვთ, ცნობილია, როგორც მარცხენა პარკუჭის დამხმარე მოწყობილობები, ასევე შეიძლება ჰქონდეთ გულის უკმარისობა ზომიერი ვარჯიშის დროსაც კი.

მაგრამ სამედიცინო ტექნოლოგიის მიღწევებმა შეიძლება არასახარბიელო  პროგნოზი შეცვალოს.

კომპანია Carmat– ის ხელოვნური გული მიმდინარე წლის მეორე კვარტალში გერმანიასა და საფრანგეთში გაიყიდება  სახელწოდებით “Aeson”. მოწყობილობა შექმნილია ნამდვილი გულის იმიტაციისთვის და ბატარეებზე მუშაობს.

ამავდროულად, ფრანგული სტრატაპი CorWave ქმნის გულის ტუმბოს, რომელიც იმეორებს სისხლის მიმოქცევას და ადამიანის გულის წნევის მახასიათებლებს. კომპანიაში აცხადებენ, რომ გულის არსებული ტუმბოები ადამიანს სიცოცხლეს უნარჩუნებს, თუმცა გართულებების მაღალ რისკს შეიცავს.

„ჩვენ გვსურს გადავარჩინოთ პაციენტები, მაგრამ გადავარჩინოთ არა მხოლოდ მათი სიცოცხლე, არამედ მათ ჰქონდეთ ჩვეული აქტიური ცხოვრება,“- განაცხადა CorWave-ის აღმასრულებელმა დირექტორმა ლუი დე ლილერსმა.

CorWave– ის ტუმბო მუშაობს ტექნოლოგიით, რომელსაც ტალღურ მემბრანას უწოდებენ და  რომელიც შთაგონებულია ზღვის ცხოველების მოძრაობით. სწორედ ეს სითხის მოძრაობა საშუალებას აძლევს ტუმბოს მიახლოებულად გაიმეოროს გულის ფუნქცია და კომპანიის იმედი მაქვს, რომ ის ისეთივე ეფექტური იქნება, როგორც გულის გადანერგვა.

ტექნოლოგია  2012 წლიდან მუშაობს და კომპანია თითქმის ასრულებს ტექნიკისთვის საჭირო 10 წლიან პერიოდს.

წყარო : euronews.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმედიცინამსოფლიო

Pfizer: “ჩვენმა კოვიდ–საწინააღმდეგო ვაქცინამ 12–დან 15 წლამდე ასაკის მოზარდებში 100%–იანი ეფექტიანობა აჩვენა”

712 views on
სრულად ნახვა
ბიზნეს პერსონაეკონომიკამსოფლიო

Tesla-ს ელექტრომობილების ყიდვა ბიტკოინებით იქნება შესაძლებელი

1.73K views on

Tesla-ს ელექტრომობილების ყიდვა ბიტკოინითაც იქნება შესაძლებელი. ამის შესახებ კომპანიის გენერალურმა დირექტორმა, ილონ მასკმა განაცხადა.

ჯერჯერობით ამის შესაძლებლობა მხოლოდ აშშ-ში მცხოვრებ ადამიანებს ექნებათ, თუმცა როგორც მასკი აცხადებს, წლის ბოლომდე ბიტკოინით ელექტრომობილების ყიდვას სხვა ქვეყნებში მყოფი კლიენტებიც შეძლებენ.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმსოფლიო

მსოფლიოში ტყუპების შობადობის ტემპი რეკორდულად გაიზარდა – კვლევა

1.16K views on

მასშტაბურმა კვლევამ აჩვენა, რომ ბოლო 40 წლის განმავლობაში, მსოფლიოში ტყუპების დაბადების ტემპი 30%-ით გაიზარდა. ამის შესახებ techcult წერს.

გამოცემის ცნობით, კვლევაში 165 ქვეყანა მონაწილეობდა. კვლევის შედეგები 2010-2015 წლების მაჩვენებლებს ეყრდნობა. 1980 წლის მონაცემებთან შედარებით, ამ წლებში 1/3-ით მეტი ტყუპი დაიბადა. კერძოდ, ყოველ დაბადებულ 42 ბავშვზე ერთი ტყუპი მოდის.

„ტყუპების ბუმი“ მკვლევრებმა თითქმის ყველა ქვეყანაში დააფიქსირეს. გამონაკლისია სამხრეთ ამერიკა, სადაც მოცემულ პერიოდში ტყუპების დაბადების კლების მაჩვენებელი დაფიქსირდა. ამასთან ტყუპის დაბადების წილმა აზიასა და აფრიკაში 80% შეადგინა.

კვლევის ერთ-ერთი ხელმძღვანელის კრისტიან მონდენის თქმით, აფრიკაში ტყუპების დაბადების მაჩვენებლის ზრდა განსხვავებულ გენეტიკას უკავშირდება. ამ რეგიონში უფრო მეტი დიზიგოტური (არაინდეტური) ტყუპი დაიბადა.

თავის მხრივ, კრისტიან მონდენის კოლეგა, ჟილ პიზონი გამოთქვამს ჰიპოტეზას, რომ ყველაზე მეტი ტყუპი მომავალში იმ ქვეყნებში დაიბადება, სადაც ცხოვრების მაღალი დონეა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კულტურამსოფლიო

რატომ აკრძალა ჩინეთმა “ოსკარის” ცერემონიის პირდაპირი ტრანსლაცია?

1.53K views on

2021 წლის ოსკარის დაჯილდოვების ცერემონია ჩინეთში არ გავა, ჩინეთი კრძალავს ,,ოსკარის” ცერემონიის პირდაპირ ცრანსლაციას. ადგილობრივ მედიას დაევალა მომავალი თვის, 25 აპრილის ოსკარის 93-ე დაჯილდოვების ღონისძიება არ გაუშვან პირდაპირ ეთერში, რის შესახებაც Bloomberg იტყობინება.

ცერემონიის აკრძალვის მიზეზი 2019 წლის ჰონგ-კონგის საპროტესტო აქციების შესახებ გადაღებული და ოსკარზე ნომინირებული მოკლემეტრაჟიანი დოკუმენტური ფილმი ,,Do Not Split” და ასევე საუკეთესო რეჟისორის ნომინაციაზე წარდგენილი ქლოი ჟაოა, რომელსაც ჩინეთის კომუნისტური ხელისუფლებისთვის მიუღებელი პოლიტიკური ხედვა აქვს. კომუნისტური პარტიის პროპაგანდის განყოფილებამ ბრძანება ყველა მედიასაშუალებას გაუგზავნა, რომ “ოსკარი” პირდაპირ ეთერში არ გაუშვან და გაშუქება შეამცირონ იმ ცერემონიებისა, რომლებიც საკამათოდ მიიჩნევა.

ოსკარის ნომინაციები 15 მარტს გამოცხადდა, 25 აპრილის ცერემონია კი ლოს-ანჯელესში ჩატარდება.

დაძაბულობა აშშ-სა და ჩინეთს შორის საკმაოდ მაღალი იყო, განსაკუთრებით ტრამპის ადმინისტრაციის პირობებში, რომელმაც ჩინეთი დაადანაშაულა პანდემიის საწყის ეტაპზე ინფორმაციის დამალვაში.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოამსოფლიო

რა არის ოქროს პასპორტი?

2.22K views on

ოქროს პასპორტი არის სპეციალური საბუთი, რომელიც მიიღება ინვესტიციის პროგრამების საფუძველზე და საშუალებას იძლევა გაიცეს ინვესტორებზე და მათ ოჯახებზე. დღესდღეობით, ათამდე ქვეყანა სთავაზობს  ოქროს პასპორტს ინვესტორებს, მათ, ვინც ინვესტიციებს დებენ ამ ქვეყნებში.

მარტივად რომ ვთქვათ, ოქროს პასპორტი არის სტატუსი, თავისუფლება, მოქალაქეობა, პრივილეგია ინვესტიციების სანაცვლოდ. მრავალჯერადი პასპორტი განკუთვნილია მსოფლიოს ელიტარული მოსახლეობისთვის და ორმაგი მოქალაქეობის უფლებასაც ანიჭებს მათ.

გასათვალისწინებელი ფაქტია, რომ ოქროს პასპორტი გაუქმდება, თუკი თაღლითობასა და უკანონო  ქმედებაში იქნება ინვესტორი შემჩნეული. ასევე ის გაიცემა 5-დან 10 წლამდე ვადით სხვადასხვა ქვეყანაში. ოქროს პასპორტის ფასები იწყება 100,000 აშშ დოლარიდან.

ევროპაში ხუთი ქვეყანა გვთავაზობს ოქროს პასპორტს, მათგან 3 ევროკავშირის წევრია: მალტა(1 მლნ), კვიპროსი(2.5 მლნ), ბულგარეთი(1.1 მლნ), ხოლო ორი ევროკავშირის არაწევრი ქვეყანაა: მოლდოვა(125 000 აშშ დოლარი) და მონტენეგრო(400 000 აშშ დოლარი), ასევე 5 კარიბული, 2 აზიული და 1 წყნარ ოკეანული სახელმწიფო.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მსოფლიოპოლიტიკა

ბაიდენმა სირიაზე საჰაერო იერიში მიიტანა

759 views on

25 თებერვალს ჯო ბაიდენმა პირველი სამხედრო მოქმედება განახორციელა, საჰაერო იერიშის სამიზნე სირიაში ირანის მიერ მხარდაჭერილი ორი ისლამისტური დაჯგუფების კონტროლირებადი ტერიტორია აღმოჩნდა. პენტაგონის განცხადებით, აღნიშნული ქმედება იყო პასუხი 15 იანვარს ახლო აღმოსავლეთში ამერიკულ და კოალიციურ ძალებზე განხორციელებული სარაკეტო თავდასხმისა, რომლის შედეგად დაიჭრა რამდენიმე ამერიკელი ჯარისკაცი და დაიღუპა ერთი, ფილიპინების მოქალაქე.

სირიაში საჰაერო იერიშის განხორციელება თავდაცვის მინისტრის ლოიდ ოსტინის რჩევა იყო, მაგრამ საბოლოო გადაწყვეტილება ჯო ბაიდენს ეკუთვნოდა. პენტაგონის თქმით, ამ “პროპორციული სამხედრო პასუხით” ერთმნიშვნელოვანი შეტყობინება გაიგზავნა, რომ პრეზიდენტი ბაიდენი იმოქმედებს ამერიკული და კოალიციური ძალების ინტერესების დასაცავად.

პენტაგონის სპიკერის, ჯონ კირბის თქმით: “იერიშმა გაანადგურა სასაზღვრო-საკონტროლო პუნქტთან მყოფი რამდენიმე ობიექტი, რომელთაც ირანის მხარდაჭერის ქვეშ მყოფი ზოგიერთი სამხედრო დაჯგუფება იყენებდა, ქათა’იბ ჰეზბოლასა და ქათა’იბ საიდ ალ-შუჰადას ჩათვლით…ამავდროულად, ჩვენი ქმედება მიმართული იყო საერთო სიტუაციის დეესკალაციისკენ, როგორც აღმოსავლეთ სირიაში, ისე ერაყში.”

საჰაერო იერიშის შედეგად დაღუპული ადამიანების ზუსტი რაოდენობა ამ დროისათვის უცნობია, თუმცა დიდ ბრიტანეთში დაფუძნებული მონიტორინგის ჯგუფის ინფორმაციით, აშშ-ს თავდასხმის შედეგად შესაძლოა 22 ადამიანი იყოს დაღუპული.

წყარო: BBC

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 19 20 21 22 23 … 91
Page 21 of 91