close

განათლება

განათლება

თბილისის სახელმწიფო უნივერსიტეტის სტუდენტური პროექტების დასაფინანსებლად კონკურსი ცხადდება

2.41K views on

ივანე ჯავახიშვილის სახელობის თბილისის სახელმწიფო უნივერსიტეტში შექმნილმა სტუდენტური პროექტების დაფინანსების განმსაზღვრელმა საბჭომ შეიმუშავა სტუდენტური პროექტების დაფინანსების წესი  (იხ. ბრძანება).

წესის თანახმად, სტუდენტური პროექტის წარდგენა შეუძლია ივანე ჯავახიშვილის სახელობის თბილისის სახელმწიფო უნივერსიტეტის აქტიური სტატუსის მქონე სამივე საფეხურის სტუდენტს ან სტუდენტთა ჯგუფს.

ძირითადი თემატიკა:
•სამეცნიერო პროექტები
•კულტურული / სპორტული პროექტები

საბჭოს წევრები სამეცნიერო პროექტებს შეაფასებენ საბჭოს მიერ შემუშავებული შემდეგი კრიტერიუმების მიხედვით (იხ.შეფასების ფორმა). ხოლო კულტურულ / სპორტულ პროექტებს – შემდეგი კრიტერიუმების მიხედვით (იხ.შეფასების ფორმა).

სამეცნიერო პროექტის შემთხვევაში სტუდენტმა ან სტუდენტთა ჯგუფმა უნივერსიტეტის კანცელარიაში (ოთახი N114) უნდა წარმოადგინონ შემდეგი დოკუმენტაცია:
1.განცხადება სტუდენტური პროექტების დაფინანსების განმსაზღვრელი საბჭოს სახელზე;
2.სამეცნიერო პროექტი;
3.სარეკომენდაციო წერილი;
4.სტუდენტ(ებ)ის ავტობიოგრაფია (CV);
5.სტუდენტის სტატუსის დამადასტურებელი ცნობა.

2017 წლის განმავლობაში სამეცნიერო პროექტების მიღება შესაძლებელი იქნება უწყვეტ რეჟიმში.

კულტურული / სპორტული პროექტის  წარმოდგენის შემთხვევაში:
1.განცხადება სტუდენტური პროექტების დაფინანსების განმსაზღვრელი საბჭოს სახელზე;
2.კულტურული / სპორტული პროექტი;
3.სარეკომენდაციო წერილი.
4.სტუდენტ(ებ)ის ავტობიოგრაფია (CV);
5.სტუდენტის სტატუსის დამადასტურებელი ცნობა.

2017 წელს კულტურული / სპორტული პროექტის წარდგენის ვადები:
• 28 თებერვლამდე – მარტსა და აპრილში დაგეგმილი ღონისძიებებისათვის
• 30 აპრილამდე – მაისში, ივნისში, ივლისსა და სექტემბერში დაგეგმილი ღონისძიებებისათვის
• 30 სექტემბრამდე – ოქტომბერში, ნოემბერსა და დეკემბერში დაგეგმილი ღონისძიებებისათვის

პროექტის დასრულების შემდეგ პროექტის ავტორ(ებ)მა პროექტის დასრულებიდან 1 თვის ვადაში საბჭოს სახელზე უნდა წარმოადგინონ პროგრამული და ფინანსური ანგარიში.

დამატებითი ინფორმაციისათვის შეგიძლიათ მიმართოთ ეკა კვირკველიას.
(ელფოსტა: eka.kvirkvelia@tsu.ge)

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ასტრონომია - კოსმოსიგანათლება

ასტრონომიით დაინტერესებული მოსწავლეების საყურადღებოდ!

1.93K views on

თბილისის სახელმწიფო უნივერსიტეტის საბავშვო უნივერსიტეტის ნორჩ ასტრონომთა სკოლა ატარებს ასტრონომიის კვირეულს.

ლექციები ჩატარდება 27, 28 თებერვალს და 2 მარტს, 16.00 სთ-ზე.

კვირეულს უძღვება პროფესორი შალვა საბაშვილი.

მის.: ი.ჭავჭავაძის გამზ. #1, თსუ I კორპ. უწყვეტი განათლების ცენტრის შენობა, II სართული.

მსურველები დარეგისტრირდით ბმულზე.

ახალგაზრდა ანალიტიკოსთა და მეცნიერთა დარბაზი – ,,დოქტრინა”
სრულად ნახვა
განათლებასამართალისაქართველო

მსჯავრდებულების გარკვეულ ნაწილს უმაღლესი განათლების მიღების უფლება ექნება

1.38K views on

დაბალი რისკის თავისუფლების აღკვეთის ან გათავისუფლებისთვის მომზადების დაწესებულებაში განთავსებულ მსჯავრდებულებს უმაღლესი განათლების პირველ საფეხურზე (ბაკალავრიატი) განათლების მიღების უფლება ექნებათ.

ამას ,,პატიმრობის კოდექსში” დაგეგმილი ცვლილებები ითვალისწინებს, რომელიც პარლამენტს განსახილველად მთავრობამ წარუდგინა. პროექტის ავტორი სასჯელაღსრულებისა და პრობაციის სამინისტროა.

,,პატიმრობის კოდექსის” არსებული რედაქციით, ბრალდებულს, მსჯავრდებულს უფლება აქვს მხოლოდ ზოგადი და პროფესიული განათლება მიიღოს.

როგორც სამინისტროს განმარტავს, არსებული პრაქტიკის ანალიზმა და პენიტენციურ დაწესებულებაში მყოფი მსჯავრდებულების საჭიროებების კვლევამ აჩვენა, რომ აუცილებელია პირველ ეტაპზე დაბალი რისკის მქონე მსჯავრდებულებს ჰქონდეთ საშუალება, პენიტენციური დაწესებულების პირობებში უმაღლესი განათლება მიიღონ.

„პატიმრობის კოდექსში ცვლილების შეტანის შესახებ“ კანონპროექტის თანახმად, პენიტენციურ სისტემაში იქმნება ახალი – გათავისუფლებისთვის მომზადების თავისუფლების აღკვეთის დაწესებულება, რომელიც გათავისუფლებისთვის მოამზადებს დაბალი ან საშუალო რისკის იმ მსჯავრდებულებს, რომელთა მოსახდელი თავისუფლების აღკვეთის ვადა არ აღემატება 6 თვეს.

სასჯელაღსრულებისა და პრობაციის მინისტრის მოადგილის, ზვიად მიხანაშვილის, განმარტებით, გათავისუფლებისთვის მომზადების დაწესებულებაში განთავსებულ მსჯავრდებულს, დეპარტამენტის დირექტორის ნებართვით, შეეძლება დროებით დატოვოს პენიტენციალური დაწესებულება, თუკი იგი მუშაობს, სწავლობს ან სურს არასამუშაო დღეების დაწესებულების გარეთ გატარება.

მინისტრის მოადგილის ინფორმაციით, არსებული პრაქტიკის ანალიზმა და პენიტენციურ დაწესებულებაში მყოფი მსჯავრდებულების საჭიროებების კვლევამ აჩვენა, რომ აუცილებელია პირველ ეტაპზე დაბალი რისკის მქონე მსჯავრდებულებს ჰქონდეთ საშუალება პენიტენციური დაწესებულების პირობებში მიიღონ უმაღლესი განათლება.

სასჯელაღსრულების სამინისტროს ინფორმაციით, ამჟამად, პენიტენციურ დაწესებულებებში ათამდე მსჯავრდებული იხდის სასჯელს, რომელსაც ჩაბარებული აქვს ერთიანი ეროვნული გამოცდები, ჩარიცხულნი არიან შესაბამის უმაღლეს სასწავლებელში, თუმცა არსებული აკრძალვის გათვალისწინებით, ეს მსჯავრდებულები ვერ ახერხებენ სწავლის გაგრძელებას.

შესაბამისი ცვლილებები შედის „უმაღლესი განათლების შესახებ“ კანონპროექტში. კერძოდ, მსჯავრდებულებმა უმაღლესი საგანმანათლებლო პროგრამა შეიძლება დაძლიონ ელექტრონული ან ნაწილობრივ ელექტრონული სწავლების ფორმით.

 

წყარო: http://parliament.ge

მასალა  მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
განათლებასაქართველო

რა დატვირთვა აქვს საქართველოს ტექნიკური უნივერსიტეტის სიმბოლიკებს?

2.2K views on

 

საქართველოს ტექნიკური უნივერსიტეტის გერბი წარმოადგენს ფარს, რომლის არქიტექტონიკაში ძირითადი ადგილი უჭირავს ვანის არქეოლოგიური გათხრების დროს აღმოჩენილ, ძველი წელთაღრიცხვის მე-2 საუკუნის II ნახევრით დათარიღებულ, ქართული საინჟინრო აზროვნების – მხატვრული სამსხმელო წარმოების ნიმუშს, ბრინჯაოს არწივის გამოსახულებას. ფარს ზემოთ გვირგვინად ადგას სტილიზებული შრიფტით შესრულებული, საქართველოს ტექნიკური უნივერსიტეტის აბრევიატურა ,,სტუ”, რომელშიც ჩაწნულია ფარზე განფენილი ბაფთა უნივერსიტეტის დევიზით ,,ცოდნა ძალაა”, ლათინურ ენაზე – “Scientia potestas est”. ფარზე, არწივის ქვემოთ, განთავსებულია უნივერსიტეტის დასახელება ქართულ და ლათინურ ენებზე, შესაბამისად: ,,საქართველოს ტექნიკური უნივერსიტეტი” და “GEORGIAE UNIVERSITAS RERUM TECHNICI”. ფარზე კომპოზიციას ამთავრებს უნივერსიტეტის დაარსების წელი, “1922” და ზეთისხილის ტოტების, როგორც სიბრძნისა და განახლების სიმბოლო.

საქართველოს ტექნიკური უნივერსიტეტის დროშა არის მართკუთხა თეთრი ფერის ქსოვილი, გვერდების თანაფარდობით 2:3. ცენტრალურ ნაწილში გამოსახულია დროშის ოთხივე გვერდთან დაკავშირებული სწორკუთხა მუქი წითელი ფერის ჯვარი; ჯვრის ვერტიკალურ-ჰორიზონტალური მკლავების გადაკვეთაზე მოთავსებულია საქართველოს ტექნიკური უნივერსიტეტის გერბი. დროშის სიმბოლურ-აზრობრივ გადაწყვეტას საფუძვლად უდევს საქართველოს სახელმწიფო დროშის ძირითადი კომპოზიცია. სტუ-ის დროშაზე წარმოდგენილი ყველა ფერი, ჰერალდიკის კანონების მიხედვით, გარკვეული მნიშვნელობის მქონეა: თეთრი – უმანკოება, უბიწოება, სიწმინდე, სიბრძნე; ყვითელი ( ოქროსფერი ) – განათლება, კეთილდღეობა, სიმდიდრე და დიდება; მუქი წითელი – სიმამაცე, ვაჟკაცობა, სამართლიანობა და სიყვარული.

საქართველოს ტექნიკური უნივერსიტეტის ჰიმნი, მსგავსად გერბისა, შინაარსით სიმბოლურია, ის პატივს მიაგებს უმაღლესი სკოლის სახელოვან წარსულს, მის დღევანდელ ზნეობრივ-ეთიკურ იდეალებს და ორიენტირებულია მომავლის ღირებულებებზე.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგანათლება

“Udemy” – საჭირო ონლაინკურსები მისაღებ ფასად

1.61K views on

 

2017 წელი სულ ახლახან დაიწყო, უკეთეს დროს ვერც მოძებნის ადამიანი გეგმების დასახვისთვის. მაშინაც კი, თუ ვთქვათ, უკვე განიცადეთ  კრახი, წარუმატებლობა – უამრავი დროა, ახალი საქმის დასაწყებად.

ყველაფრის გათვალისწინებით, “Udemy”  17,000 ზე მეტ ონლაინკლასს სთავაზობს მომხმარებელს, სადაც მათ შეუძლიათ სხვადასხვა საქმის დაუფლება და ეს ყველაფერი 10 $ ჯდება.

წარმოგიდგენთ ონლაინკურსების ჩამონათვალს:

  1. მოგეხმარებათ, რომ ვებსაიტი გააკეთოთ დამოუკიდებლად;
  2. შეგასწავლით ექსელის პროგრამას;
  3. გაივლით მასტერკლასს ფოტოების გადაღების სფეროში;
  4. შეისწავლით სოციალური მედიამარკეტის თავისებურებებს;
  5. შეძლებთ გააკეთოთ ვებსაიტის დიზაინი  და ფოტოშოპი.

 

წყარო:  http://businessinsider.com/

 მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
განათლებასაქართველო

ხელნაწერთა ეროვნულმა ცენტრმა 18 სამეცნიერო წიგნი გამოსცა

1.46K views on

საქართველოს განათლებისა და მეცნიერების სამინისტროს კორნელი კეკელიძის სახელობის ხელნაწერთა ეროვნულმა  ცენტრმა  18  სამეცნიერო  წიგნი გამოსცა. 

განათლებისა და მეცნიერების სამინისტროში აცხადებენ, რომ უნიკალური შინაარსის  სამეცნიერო ლიტერატურა დიდ დახმარებას გაუწევს მეცნიერებს სამომავლო კვლევებში.

ხელნაწერთა ეროვნული ცენტრი ძველი ხელნაწერი წიგნების, ისტორიული დოკუმენტებისა და გამოჩენილ მოღვაწეთა პირადი არქივების საცავი საქართველოში. დაარსდა 1958 წლის 30 ივნისს საქართველოს სახელმწიფო მუზეუმის ხელნაწერთა განყოფილების ბაზაზე. მისი დამაარსებელი და პირველი დირექტორი იყო საქართველოს მეცნიერებათა აკადემიის წევრ-კორესპონდენტი, პროფესორი – ილია აბულაძე.

ხელნაწერთა ეროვნული ცენტრის კოლექცია მოიცავს სხვადასხვაენოვან ხელნაწერ წიგნებს, ისტორიულ საბუთებს, საზოგადო მოღვაწეთა პირად არქივებს, ძველნაბეჭდ წიგნებს, რარიტეტულ გამოცემებსა და მემორიალურ ნივთებს. ახორციელებს სამეცნიერო-კვლევით, საგამოფენო და სარესტავრაციო პროექტებს.

სამეცნიერო-კვლევითი მუშაობის ფარგლებში ცენტრში ხდება აქ დაცული მასალის აღწერა, სისტემატიზაცია, შესწავლა, პუბლიკაცია და მონაცემთა ბაზების შექმნა. ცენტრს გააჩნია აგრეთვე მდიდარი სამეცნიერო ბიბლიოთეკა. ფუნქციონირებს კორნელი კეკელიძის, ივანე ჯავახიშვილის, ილია აბულაძის, ნიკო ბერძენიშვილის, ელენე მეტრეველის, შალვა ამირანაშვილის მემორიალური კაბინეტები.

 

 წყარო: http://mes.gov.ge/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
განათლებასაქართველო

სოციალური მეწარმეობის მიმართულებით ყველაზე მასშტაბური სტუდენტური პროგრამა იწყება

1.74K views on

9 თებერვალს, 17:00 საათზე, Impact Hub Tbilisi-ში გაიმართება საერთაშორისო სტუდენტური პროგრამა Social Impact Award-ის გახსნითი ღონისძიება.

Social Impact Award (SIA) არის ყველაზე მასშტაბური სტუდენტური პროგრამა სოციალური მეწარმეობის მიმართულებით, რომელიც 20 ქვეყანაში ხორციელდება. Impact Hub Tbilisi-სა და ევროპის ფონდის ერთობლივი ძალისხმევით, წელს პროგრამას საქართველოც უერთდება. პროგრამის პარტნიორია საქართველოს ბანკი.

ღონისძიებას დაესწრებიან Social Impact Award-ის საერთაშორისო ხელმძღვანელი, იაკობ დეტერინგი, ევროპის ფონდის ვიცე-პრეზიდენტი, ნინო ხურციძე, საქართველოს ბანკის გენერალური დირექტორის მოადგილე, ალექსანდრე კაცმანი, Impact Hub Tbilisi-ის დამფუძნებლები, პროგრამის ორგანიზატორები, მხარდამჭერები, სტუდენტები და სხვა მოწვეული სტუმრები.

ღონისძიება იმართება შვედეთის საერთაშორისო განვითარებისა და თანამშრომლობის სააგენტოს (Sida) ფინანსური მხარდაჭერით.

მისამართი: ფაბრიკა, ე.ნინოშვილის #8

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
განათლებაისტორია

თბილისის სახელმწიფო უნივერსიტეტი 99 წლისაა

1.66K views on

ივანე ჯავახიშვილის სახელობის თბილისის სახელმწიფო უნივერსიტეტის (თსუ) დაარსებიდან 99 წელი გავიდა.

საქართველოს უძველესი და უდიდესი უმაღლესი სასწავლებელი დაარსდა 1918 წლის 8 თებერვალს [ძვ. სტ. 26 იანვარს], დავით აღმაშენებლის ხსენების დღეს, თბილისში, ძველი გიმნაზიის შენობაში. ამავე წლის 3 სექტემბერს ეწოდა თბილისის სახელმწიფო უნივერსიტეტი. ეს პირველი და ერთადერთი უნივერსიტეტი იყო იმ დროს მთელს კავკასიაში. ამჟამად ყოველწლიურად სტუდენტთა რიცხვი 30 000-ს, ხოლო პროფესორ-მასწავლებელთა რაოდენობა 3 000-ს აღწევს.

უნივერსიტეტს აქვს 7 ფაკულტეტი, 60-მდე სამეცნიერო-კვლევითი ლაბორატორია და ცენტრი, უმდიდრესი სამეცნიერო ბიბლიოთეკა (4 მილიონამდე წიგნითა და პერიოდული გამოცემით), 7 მუზეუმი, აგრეთვე, საკუთარი გამომცემლობა და სტამბა. უნივერსიტეტი გამოსცემს საკუთარ გაზეთს „თბილისის უნივერსიტეტი“.

1917 შეიქმნა თბილისში ქართული უნივერსიტეტის დამფუძნებელი საზოგადოება, რომელმაც ითავა უნივერსიტეტის დაფუძნებაზე ზრუნვა.

უნივერსიტეტის მთავარი დამფუძნებელი იყო ცნობილი ქართველი ისტორიკოსი, აკადემიკოსი ივანე ჯავახიშვილი. თანადამფუძნებლები იყვნენ: კონსტანტინე აფხაზი, გრიგოლ გველესიანი, ექვთიმე თაყაიშვილი, გიორგი ახვლედიანი, შალვა ნუცუბიძე, დიმიტრი უზნაძე, გრიგოლ წერეთელი, აკაკი შანიძე, ანდრია რაზმაძე, იოსებ ყიფშიძე, კორნელი კეკელიძე და პეტრე მელიქიშვილი. პროფესორი პეტრე მელიქიშვილი, მსოფლიო სახელის მქონე ქართველი ქიმიკოსი, რუსეთის საიმპერატორო აკადემიის წევრ-კორესპონდენტი, ივანე ჯავახიშვილის წარდგენით, არჩეულ იქნა უნივერსიტეტის პირველ რექტორად. უნივერსიტეტის გახსნის დღეს მის ეზოში საზეიმო წირვა აღავლინა სრულიად საქართველოს კათოლიკოს-პატრიარქმა კირიონმა.

1919-1926 წლებში თსუ-ის რექტორი იყო ივანე ჯავახიშვილი. 1926 წელს, საბჭოთა რეჟიმის გადაწყვეტილებით, იგი გაათავისუფლეს რექტორის მოვალეობისგან. ამასთან, მას კარგა ხნით აეკრძალა მის მიერვე დაარსებულ უნივერსიტეტში ლექციების წაკითხვა.

1991 წლის 14 ოქტომბერს თსუ–ის რექტორად დაინიშნა როინ მეტრეველი. 1992 წელს მისი ძალისხმევით თსუ–მ ავტონომიური უმაღლესი სასწავლებლის სტატუსი აღიდგინა (მართავს დიდი საბჭო), რაც 1926 წლის შემდეგ დაკარგული ჰქონდა. 1992 წლის 18 აპრილს უნივერსიტეტის დიდმა საბჭომ როინ მეტრეველი თსუ-ის რექტორად აირჩია. პეტრე მელიქიშვილისა და ივანე ჯავახიშვილის შემდეგ როინ მეტრეველი პირველი არჩეული რექტორი იყო.

1989 წელს თბილისის სახელმწიფო უნივერსიტეტს ივანე ჯავახიშვილის სახელი მიენიჭა.

 

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
განათლება

სან დიეგოს სახელმწიფო უნივერსიტეტი (SDSU) საქართველოში ახალ საბაკალავრო პროგრამებს იწყებს

1.68K views on
 7 თებერვალს, 11:00 საათზე სან დიეგოს სახელმწიფო უნივერსიტეტი (SDSU) საქართველოში ახალი საბაკალავრო პროგრამების პრეზენტაციას გამართავს. საერთაშორისო აკრედიტაციის მქონე სამშენებლო ინჟინერიისა და სამოქალაქო ინჟინერიის საბაკალავრო პროგრამებს SDSU საქართველოს დეკანი, დოქტორი კენ უოლში, სამშენებლო სექტორის წარმომადგენლებსა და მედიას წარუდგენს. პროგრამები არის საერთაშორისოდ აკრედიტებული და სტუდენტები იღებენ ამერიკულ დიპლომს.
ახალ პროგრამებთან ერთად, 2017 სასწავლო წელს სან დიეგოს სახელმწიფო უნივერსიტეტი სტუდენტებს სთავაზობს ამერიკულ საბაკალავრო პროგრამებს კომპიუტერულ მეცნიერებებში, კომპიუტერულ ინჟინერიაში, ელექტრულ ინჟინერიასა და ქიმია/ბიოქიმიაში. სტუდენტებს შესაძლებლობა ექნებათ, ერთი სემეტრით ან ერთი წლით სწავლა განაგრძონ SDSU-ს კალიფორნიის კამპუსში. პროგრამის პარტნიორები საქართველოში არიან: თბილისის სახელმწიფო უნივერსიტეტი, ილიას სახელმწიფო უნივერსიტეტი და საქართველოს ტექნიკური უნივერსიტეტი.
მისამართი:მერაბ კოსტავას 14, სასტუმრო ,,რუმსი”.
ახალგაზრდა ანალიტიკოსთა და მეცნიერთა დარბაზი ,,დოქტრინა”
სრულად ნახვა
განათლება

ევროკომისიის წარმომადგენელი თბილისის სახელმწიფო უნივერსიტეტის სტუდენტებს შეხვდება

1.62K views on
 
1-ლ თებერვალს, 16:00 საათზე, ევროკომისიის სამეზობლო პოლიტიკისა და გაფართოების შესახებ მოლაპარკებათა საკითხებში გენერალური დირექტორი – ქრისტიან დანიელსონი,  ივანე ჯავახიშვილის სახელობის თბილისის სახელმწიფო უნივერსიტეტის სტუდენტებს საქართველოს ევროკავშირში ინტეგრაციის პერსპექტივებსა და გამოწვევებზე, ევროკავშირში მიმდინარე მოვლენებზე ესაუბრება.  ქრისტიან დანიელსონის საჯარო ლექციის – ,,საქართველო-ევროკავშირის ურთიერთობები: გამოწვევები და შესაძლებლობები თანამედროვე გლობალურ კონტექსტში” შემდეგ გაიმართება დისკუსია, ევროკავშირის მისიის წარმომადგენელი უპასუხებს სტუდენტების კითხვებს.
 
ღონისძიებას, რომლის მასპინძელი თსუ-ის ევროპული კვლევების ინსტიტუტია, თსუ-ის რექტორი – გიორგი შარვაშიძე, სტუდენტებთნ ერთად ევროპული კვლევების ინსტიტუტის დირექტორი – ნინო ლაპიაშვილი და აკადემიკოსი, პროფესორი – ლევან ალექსიძე დაესწრებიან.
ევროკომისიის  სამეზობლო პოლიტიკისა და გაფართოების შესახებ მოლაპარკებათა საკითხებში გენერალური დირექტორის (DG NEAR) ქრისტიან დანიელსონის და ევროკავშირის საგარეო ქმედებათა სამსახურის, ევროპისა და ცენტრალური აზიის საკითხებში მმართველი დირექტორის, ტომას მეირ ჰარტინგის საქართველოში ვიზიტის ფარგლებში, ევროკავშირის წარმომადგენლები შეხვედრებს გამართავენ საქართველოს აღმასრულებელი ხელისუფლების და საკანონმდებლო ორგანოს მაღალი რანგის ოფიციალურ პირებთან.
მისამართი: ი.ჭავჭავაძის გამზ. 1 , თსუ პირველი კორპუსი, 107-ე (ივანე ჯავახიშვილის სახელობის) აუდიტორია.
ახალგაზრდა ანალიტიკოსთა და მეცნიერთა დარბაზი ,,დოქტრინა”
სრულად ნახვა
1 … 25 26 27 28
Page 27 of 28