ეს საინტერესოა

ისრაელის სამეფოს მმართველს – სოლომონ მეფეს –  ხალხმა ,,ბრძენი” უწოდა. მასზე მრავალი ლეგენდა არსებობს. მაგალითად:

ერთ ქალს ჩვილი დაეღუპა, ჩუმად მეორეს გაუცვალა. ორივე იჩემებდა ბავშვს და სოლომონის სამსჯავროზე სამართალს ითხოვდა. სოლომონმა ბრძანა,  ხმლით გაეპოთ ბავში და ქალებისათვის მიეცათ. ერთი დასთანხმდა, მეორე კი მზად იყო დაეთმო, ოღონდ ბავშვი ცოცხალი დარჩენილიყო. სოლომონმა სწორად მას მისცა ბავშვი, რადგანაც ნამდვილი დედა შვილს სასიკვდილო ვერ გაიმეტებდა.

განრისხების ჟამს სოლომონი თვალს შეავლებდა ბეჭედზე წარწერას ,,ესეც გაივლის” და წყნარდებოდა. ერთხელ, როცა წარწერამ კიდე უფრო გააბრაზა, ბეჭედი მოიხსნა და გადაგდება დააპირა. წარწერა შიგნიდანაც შეამჩნია, ,,ესეც გაივლის” ეწერა ბეჭედზე. შუა საუკუნეებში სოლომონის ბეჭედმა სხვა მნიშვნელობა შეიძინა, ,,ათას ერთი ღამის“ ზღაპრებში აღწერილი ჯინი, რომელიც მეფე სოლომონმა ბოთლში ჩაკეტა და თავისი ბეჭდით დაბეჭდა. ჯინი მხოლოდ 1000 წლის შემდეგ გათავისუფლდა, როცა ბოთლი მებადურმა იპოვა და ბეჭედი ახსნა.

ახალგაზრდა ანალიტიკოსთა და მეცნიერთა დარბაზი – ,,დოქტრინა“

,,დოქტრინა” გთავაზობთ საინტერესო ფაქტებს ბევრისთვის საყვარელ ძუძუმწოვრებზე – დელფინებზე:

• სიტყვა დელფინის ეტიმოლოგია ბერძნულია და სათავეს იღებს ,,დელფოსისგან”, რომელიც ძმას ნიშნავს;
• დელფინი ნებისმიერ საკვებს ჭამს;
• დელფინებს წრიული ცურვა ახასიათებთ, ძირითადად, ამის მიზეზი დაზვერვაა;
• მდედრი ცალნამგალა ვეშაპი არის ერთადერთი ძუძუმწოვარი, რომელიც განიცდის მენოპაუზას, ისევე, როგორც ადამიანი და მას შემდეგ ცოცხლობს მრავალი წელი, თუმცა, გამრავლების უნარი არ აქვს;
• დელფინების გუნდურად დადიან და ყველაფერში გუნდურობა ახასიათებთ. მაშინ, როდესაც რომელიმე მათგანი უძლურდება, ისინი ცდილობენ, გადაარჩინონ და წყლის ზედაპირზე ამოიყვანონ, რადგანაც, ცნობილია, რომ დელფინისთვის სუნთქვა აუცილებელია;
• დელფინებს 100 კბილი აქვთ, მაგრამ მათ საკვების დაღეჭვისთვის არ იყენებენ, კბილებით მხოლოდ საჭმლის მოპოვება შეუძლიათ;
• დელფინების ტვინი ადამიანის ტვინის ზომისაა;
• დელფინებს ადამიანების მსგავსად ოთხსარქვლიანი გული აქვთ, სუნთქავენ ფილტვებით და თბილსისხლიანები არიან;
• ამ ძუძუმწოვრებს ძალიან უყვართ დედა და დიდხანს ცხოვრობენ მასთან, ზოგ შემთხვევაში, 3-8 წლამდეც კი;
• დელფინების სიგრძეც ადამიანის ზომის საპირწონეა – 150-200 სმ;
• დელფინებს გააჩნიათ ადამიანის მსგავსი კოგნიტური უნარები და ქცევები. ზოგიერთმა მკვლევარმა გამოთქვა აზრი, რომ იგი ცალკე კლასიფიკაციად დაიყოს;
• მკვლევარებმა აღმოაჩინეს, რომ ყველა დელფინს აქვს თავისი სახელი ისევე, როგორც ადამიანებს. ისინი სტვენითი ბგერებით უხმობენ ერთმანეთს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”