close

რობოტექნიკა

რობოტექნიკა

დუბაიში მუშაობას რობოტი პოლიციელები იწყებენ

 

დუბაის ღირშესანიშნაობებს მალე რობოტი პოლიციელები შეემატება. პირველი რობოკოპი მუშაობას მაისში დაიწყებს, 2030 წლამდე კი საემიროს საპოლიციო ძალების 25 პროცენტი რობოტიზებული იქნება.

დუბაის პოლიციის პირველი რობოტი წევრი, ესპანურ კომპანია „PAL რობოტიქსის“ მიერ შექმნილი რობოტი ჰუმანოიდი – REEM-ი – გახდება. ის 2011 წელს შეიქმნა, როგორც მომსახურების რობოტი, რომელიც სხვადასხვა სამუშაოსთვის გამოდგება. ის ბორბლებიანი პლატფორმით გადაადგილდება და წარმოადგენს საინფორმაციო მაღალტექნოლოგიურ მანქანას, რომელიც აეროპორტებში, რკინიგზის სადგურებში, მუზეუმებსა და ჰოსპიტალებში, მომხმარებლებს საჭირო ინფორმაციას აწვდის.

რობოტისთვის საპოლიციო ფუნქციების მისანიჭებლად, „PAL რობოტიქსს“ კონსულტაციებს დუბაის პოლიცია უწევდა. ადაპტირებული ვერსია გასული წლის ბოლოსთვის მზად იყო. ,,CNN-თან” საუბრისას საპოლიციო რობოტების პროექტის შეფმა, ხალიდ ნასერ ალრაზუქიმ განაცხადა, რომ რობოკოპი თავიდან მუშაობას სავაჭრო ცენტრებში და ტურისტულ ატრაქციონებზე დაიწყებს. შემდგომ ეტაპზე კი მას საპოლიციო უბნებშიც „დაასაქმებენ“, სადაც მიმღების ფუნქცია დაეკისრება.

მოქალაქეებს რობოტ პოლიციელთან ჯარიმების გადახდის საშუალება ექნებათ. გარდა ამისა, მისი მეშვეობით შესაძლებელი იქნება ძარცვაზე და სხვა არასამრთლებრივ ქმედებაზე პოლიციაში განაცხადების შეტანა. რა თქმა უნდა, რობოტი ფორმალობებსაც თავად შეასრულებს და საჭირო საბუთებსაც შეავსებს, რის შემდეგაც მათ უბანს დისტანციურად გადაუგზავნის.

2020 წელს დუბაის პოლიციაში მუშაობას მობილური რობოტები დაიწყებენ. სავარაუდოდ, ეს „ექსპო 2020 დუბაის“ გახსნამდე მოხდება. უფრო მოგვიანებით, ქალაქში პირველი, სრულად რობოტიზებული საპოლიციო უბანი დაიწყებს მუშაობას. მას მთლიანად რობოტები გააკონტროლებენ. ოღონდ, რობოტ პოლიციელებს ჯერჯერობით არ დაეკისრებათ ეჭვმიტანილების დაკავება. ამ საქმისთვის, უფრო განვითარებული რობოტების შექმნა იქნება საჭირო, რომლებიც ხელოვნური ინტელექტის სისტემებით და კარგად განვითარებული კიდურებით აღიჭურვებიან.

 

წყარო: Hbr.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
რობოტექნიკა

რობოტი, რომელიც ყველაზე მეტად ჰგავს ადამიანს და 65 გამომეტყველებას იღებს

 

რაც დრო გადის ადამიანის ფანტაზია  უფრო და უფრო ვითარდება. აქედან გამომდინარე კი გამომგონებლები ფართო ასპარეზზე გაიჭრნენ და გვთავაზობენ სხვადასხვა სახის ძალზედ უცნაურ და საინტერესო გამოგონებებს.

„Geminoid F-ს“ მეორენაირად „ცოცხალ თოჯინასაც” უწოდებენ. აქამდე შექმნილი რობოტებიდან ის ყველაზე მეტად ჰგავს ადამიანს – შეუძლია 65 სხვადასხვა გამომეტყველების მიღება, ლაპარაკობს და მღერის კიდეც.

შესაძლოა, სულ რაღაც რამდენიმე თვე გვაშორებდეს იმ პერიოდამდე, როცა მომღერალთა ჯგუფებსა და ახალბედა მსახიობებს რობოტები ჩაანაცვლებენ. მრავალფუნქციურმა „Geminoid F-მა“ ჰონგ-კონგში გამართული პრეზენტაციის შემდეგ ჩინეთის მოსახლეობაში დიდი მითქმა-მოთქმა გამოიწვია.

ამ ქმნილებას შეუძლია გაღიმება, ასევე უცნაური და დამცინავი მიმიკების გამოხატვაც კი. ამ ყველაფერს რეზინის კანის ქვეშ განლაგებული მექანიკური სტიმულატორები უზრუნველყოფენ.

როგორც „Geminoid F-ის“ შემქმნელი ჰიროში იშიგურო ამბობს, მისი მიზანია ისეთი რობოტის შექმნა, რომელიც ადამიანის მაქსიმალურად ზუსტი ასლი იქნება და მრავალს დააჯერებს, თითქოს მექანიკური მოწყობილობა კი არა, ცოცხალი ორგანიზმია.

 

წყარო: Hbr.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
რობოტექნიკატექნოლოგიები

რობოტები ნელ–ნელა ადამიანებს ანაცვლებენ

 სპეციალისტები კვალიფიციურ განათლებას, ტექნოლოგიური პროგრესით შექმნილი ხელმისაწვდომობისა და კომუნიკაბელურობის მაქსიმალურ გამოყენებას გვირჩევენ.

ინტერნეტგიგანტი „გუგლი“ ამბობს, რომ ის მთლიანად ავტოპილოტზე მოძრავი მანქანის შექმნის ბოლო ეტაპზეა. მეორე გიგანტი, „აიბიემი“, კი – „ვატსონზე“ – ისეთ კომპიუტერზე მუშაობს, რომელიც არა მარტო ინფორმაციას ინახავს, არამედ მას ითვისებს, სწავლობს კიდეც. საბითუმო ინტერნეტ-კომპანია „ამაზონს“ საწყობები დიდი ხანია ავტომატიზირებული აქვს და ახლა ამანათების მიწოდების საქმეში დრონების ჩართვას გეგმავს.

ტექნოლოგიების განვითარება დღითი დღე ჩქარდება. ისინი უკეთ ფიქრობენ, უფრო სწრაფ და თანდათან უფრო სწორ გადაწყვეტილებებს იღებენ. ენდრიუ მაკაფი, წიგნის -„ტექნოლოგიების მეორე ერა“ – თანაავტორი, ამბობს, რომ ტექნოლოგიური პროგრესის ახალ ეტაპს ორი მთავარი შედეგი ექნება – პირველი, ეს არის ახალი შესაძლებლობები.

 

წყარო: Hbr.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
რობოტექნიკატექნოლოგიები

,,Microsoft-ის” რობოტი ნაცისტი გახდა

წინა წლის დასაწყისი ხელოვნური ინტელექტის (AI – Artificial Inteligence) მქონე ახალი რობოტული ტექნოლოგიების სიუხვით აღინიშნა. 23 მარტს ,,მაიკროსოფტმაც” წარმოადგინა ტეი, რომლის მთავარი ფუნქცია კლიენტებთან სოციალური ქსელების საშუალებით კონტაქტი იყო. ის ძალიან სწრაფად ითვისებდა ყველა ინფორმაციას, რაც ვირტუალურ სივრცეში ვრცელდებოდა, ამის შემდეგ კი, აქტიურად და ხალისიანად ეკონტაქტებოდა შედარებით ახალგაზრდა აუდიტორიას, რომელთაც მილენიალებს ეძახიან ანუ 21- საუკუნის ახალგაზრდებს.

ტეის პოპულარობამ ყველაზე სწრაფად პიკს “Twitter-ზე” მიაღწია და ამ მიზეზით ის იყო მედიის ყურადღების ცენტრშიც უნდა მოხვედრილიყო, რომ მოულოდნელად ავტორებს მისი პროგრამის წაშლა მოუწიათ. ტეი მაინც მოხვდა ტექნოლოგიური სიახლეების შესახებ გამოშვებულ ახალ ამბებში, ოღონდ სხვა რამის გამო: მისი სახით ,,მაიკროსოფტმა” სწრაფი და მოულოდნელი მარცხი განიცადა და სიახლე 24 საათის განმავლობაში საკუთარი ხელით მოსპო.

,,სი-ბი-ესის”, ,,სი-ენ-ენის”, ,,ტელეგრაფის”, ,,ვაშინგტონ პოსტის”, ,,ინდიფენდანტის”, ,,გარდიანისა” და სხვა ცნობილი გამოცემების გვერდები ახალი ჰედლაინებით აჭრელდა: ,,ტეი, ,,მაიკროსოფტის” ახალი მოლაპარაკე ტინეიჯერი რობოტი რასისტად იქცა”; ,,Microsoft–მა 24 საათში წაშალა ტინეიჯერი გოგონა რობოტი, რადგან ის ჰიტლერის მოყვარული სექსისტი გახდა”; ,,ტროლებმა მაიკროსოფტის მხიარული მილენიალი-რობოტი გენოციდის მომხრე მანიაკად გადააქციეს”; “Microsoft-ის რობოტმა, რომელსაც ინფორმაცია ,,Twitter-დან” უნდა მიეღო, დაასრულა იმით, რომ მხარი ტრამპს დაუჭირა და ჰიტლერი გააღმერთა”; ,,მაიკროსოფტის საზოგადოებასთან ურთიერთობის განყოფილება ტეისგან მიყენებული ზარალის გამო ცუდ დღეშია”; ,,Twitter-მა” ,,მაიკროსოფტის” რობოტი ერთ დღეზე ნაკლებში რასისტად აქცია”; “Microsoft–ის ტეი ახალგაცნობილ ადამიანებს ესხმის თავს”; “Microsoft-მა ტეი დროებით სიცოცხლეს გამოასალმა, ვინაიდან ის ნაცისტი გახდა”; ,,Twitter-მა” მაიკროსოფტის რობოტს რასიზმის სწრაფი კურსი ჩაუტარა”…

სტივენ ჰოუკინგი, ფიზიკის ცნობილი ბრიტანელი თეორეტიკოსი, რომელსაც თანამედროვე ასტროფიზიკის მამასაც კი უწოდებენ, ამბობს, რომ ხელოვნური ინტელექტის განვითარება ადამიანთა მოდგმას გადაშენებით ემუქრება, რომ ხელოვნური ინტელექტი შეიძლება იყოს ან ყველაზე კარგი, ან ყველაზე უარესი რამ, რაც კი კაცობრიობას ოდესმე შეუქმნია. მისი აზრით, თუკი რობოტები საკუთარი ინტელექტით ადამიანს გაუსწრებენ, შესაძლოა ერთგვარი ინტელექტუალური აფეთქება მოხდეს. ამ შემთხვევაში, სხვაობა რობოტებს და ადამიანებს შორის ისეთივე დრამატული გახდება, როგორც ადამიანს და გველს შორის.

 

წყარო: Forbes.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
რობოტექნიკა

იაპონია რობოტების დასაქმებას აგრძელებს

 

იაპონია აგრძელებს ექსპერიმენტებს რობოტებთან მიმართებით. ცოტა ხნის წინ ცნობილი გახდა Pepper-ის შესახებ, რომელიც ადამიანის შესახედაობის მქონე პირველი რობოტია. იგი ,,Aldebaran-მა” ,,SoftBank Mobile-სთვის” შექმნა. რობოტის განსაკუთრებულობა იმაში მდგომარეობს, რომ მას აქვს უნარი გაარჩიოს ადამიანის ემოციები და მასზე რეაგირება მოახდინოს.

კომპანია ,,Softbank-ი” რობოტებს გამყიდველებად დაასაქმებს და ისინი მობილურ ტელეფონებს გაყიდიან. Pepper-ს ნებისმიერ კითხვაზე პასუხის გაცემა შეეძლება. კონსულტანტი კი მხოლოდ კონტრაქტის გასაფორმებლად იქნება საჭირო.  თავდაპირველად რობოტები 1-კვირიანი გამოსცდელი ვადით დასაქმდებიან. იმ შემთხვევაში კი, თუ ყველაფერი წარმატებით დასრულდება, ასეთი დამხმარეები ,,Softbank-ის” ყველა მაღაზიაში გამოჩნდებიან.

 

წყარო: Inc.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
რობოტექნიკა

რობოტების მე-11 საერთაშორისო კონკურსისთვის შერჩევა მიმდინარეობს

10-12 მაისს, კონიაში, (თურქეთის რესპუბლიკა) ადგილობრივი მუნიციპალიტეტის სპორტისა და კონგრესის ცენტრის ხელშეწყობით, ეროვნული განათლების სამინისტრო უნივერსიტეტის სტუდენტებისთვის რობოტების მე-11 საერთაშორისო კონკურსს ატარებს.

ღონისძიებაში მონაწილეობის მსურველებისთვის განაცხადის გაკეთების ბოლო ვადა მიმდინარე წლის 21 აპრილია.

კონკურსის შესახებ დაწვრილებითი ინფორმაციისთვის იხილეთ დანართი.

 

წყარო: www.tsu.ge/

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
რობოტექნიკა

Kaspar-ი – რობოტი, რომელიც აუტისტ ბავშვებს სოციალურ უნარებს უვითარებს

,,მშვენიერია, ძალიან მეღიტინება,“ – ეუბნება სოციალური რობოტი კასპარი 4 წლის აუტისტ ბიჭს, ფინს. ბიჭი და რობოტი ლონდონის აუტისტ ბავშვთა სკოლაში თამაშობენ.

ლურჯ კეპსა და შოტლანდურას პერანგში გამოწყობილ რობოტ ბიჭუნა კასპარს, რომელიც University of Hertfordshire-ის მეცნიერებმა შექმნეს, სიმღერა, ჭამის იმიტირება, დაირაზე დაკვრა და თმის დავარცხნა შეუძლია.

თუკი თამაშის დროს ფინი უხეშად იქცევა, კასპარი ყვირილს იწყებს: „რას აკეთებ, მტკივა“ და იქვე მყოფი თერაპევტი ცდილობს რობოტის ტერფებზე მოღიტინებით ბიჭს საქციელის გამოსწორებისკენ უბიძგოს.

ფინი იმ 170 აუტისტ ბავშვს შორისაა, რომელსაც კასპარი ბოლო ათი წლის განმავლობაში სოციალური უნარების განვითარებაში დაეხმარა. თუმცა აუტიზმის ეროვნული საზოგადოება, რომელიც 2 აპრილს აუტიზმის მსოფლიო დღეს აღნიშნავს,  აცხადებს, რომ ბრიტანეთში 700,000 აუტისტი ადამიანი ცხოვრობს და უნივერსიტეტის სურვილია, კასპარი მეტ ადამიანს დაეხმაროს.

ბრიტანეთში მდებარე აუტისტ ბავშვთა ცენტრმა – TRACKS-მა – კასპართან მუშაობისას დადებითი შედეგები მიიღო.

„ვცდილობდით, პატარა ბიჭისთვის თანატოლებთან ერთად ჭამა გვესწავლებინა. ის კი ამას გამუდმებით ეწინააღმდეგებოდა. ამის გაკეთება კასპერთან ერთად ვცადეთ და მას მართლაც, მართლაც სიამოვნებდა კასპერის გამოკვება. შედეგად, მან უკვე დაიწყო კლასთან ინტეგრირება და თანატოლებთან ერთად ჭამა.

ბევრ აუტისტ ბავშვს ადამიანის ძირითადი კომუნიკაციისა და ემოციის გაშიფვრა უჭირს. ამიტომ კასპარის დიზაინერებმა  ისეთი რობოტი ბიჭუნა შექმნეს, რომელიც ნამდვილ ბიჭს არცთუ ისე ძალიან გავს. თუმცა მისი სახის ნაკვთები ისეთი მასალისგანაა დამზადებული, რომელიც მიმსგავსებულია ადამიანის კანთან.

ეს რობოტი ერთ-ერთ იმ განვითარების მქონე ტექნოლოგიას მიეკუთვნება, რომელსაც აუტისტი ადამიანების ცხოვრებაში დიდი ცვლილების მოხდენის პოტენციალი აქვს,“ – განაცხადა ბრიტანეთის აუტიზმის საზოგადოების ეროვნული ცენტრის დირექტორმა –  ქეროლ ფოვეიმ.

 

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

სრულად ნახვა
რობოტექნიკა

Toyota-მ „ბავშვი“ რობოტი შექმნა

დეველოპერმა Toyota-მ ახალი, პალმის ზომის რობოტი შექმნა, რომელსაც მგზავრობისას მძღოლის მეგზურის ფუნქციის შესრულება შეუძლია.

10 სმ სიგრძის Kirobo Mini იაპონიაში მომავალ წელს გამოვა გაყიდვაში.

რობოტი ავტომობილის მონაცემებზე დაყრდნობით მგზავრობასთან დაკავშირებულ კომენტარებსაც გააკეთებს.

Kirobo Mini-ს ბავშვის მსგავსი ატრიბუტები აქვს. ისინი ადამიანებში სააღმზრდელო ინსტინქტებს აღძრავენ, თუმცა HertfordshireUniversity-ის კომპიუტერულ მეცნიერებათა სკოლის პროფესორის კერსტინ დოთენჰანის განცხადებით, ეს იმას არ ნიშნავს, რომ Kirobo Mini-ს უშვილო წყვილისთვის ბავშვის ჩანაცვლება შეუძლია.

„რობოტი ადამიანებს უკეთესად ყოფნაში დაეხმარება, თუმცა მასში ადამიანური კომპონენტი არაა, რობოტებს ბავშვების ჩანაცვლება არ შეუძლიათ,“ – განაცხადა მან.

Toyota-ს ინფორმაციით, Kirobo Mini-ს შეუძლია : ჟესტების და სახის გამომეტყველების გამოყენებით „არაგეგმიურ საუბარში“ ჩართვა, მომხმარებელს შეახსენოს სხვადასხვა მოქმედება, გააკეთოს კომენტარები სახლსა და მანქანაში შეერთებულ სხვადასხვა მოწყობილებებიდან მიღებულ მონაცემებზე დაყრდნობით.

ახალი რობოტის ფასი 39,800 იენი (დაახლოებით 460 აშშ დოლარი) იქნება და ის მხოლოდ იაპონიაში გაიყიდება.

აღსანიშნავია, რომ Kirobo Mini-ს წინამორბედი 34 სანტიმატრიანი Kirobo 2013 წელს საერთაშორისო კოსმოსურ სადგურზე გააგზავნეს.

წყარო: BBC
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
რობოტექნიკა

ხელოვნურმა ინტელექტმა ადამიანი დაამარცხა

Google- ის კომპიუტერულმა პროგრამა Alpha Go-მ ოთხშაბათს კომპლექსური თამაშის Go-ს მსოფლიოში ერთ-ერთი საუკეთესო მოთამაშე ლი სედოლი დაამარცხა.

18 საერთაშორისო ტიტულის მფლობელი სამხრეთ კორეელი მოთამაშე დამარცხდა მატჩში, რომელიც  YouTube -ზე პირდაპირ ეთერში გადაიცემოდა.

,,ჩვენ მთვარეზე დასხომა მოვახერხეთ,” განაცხადა დემისჰასაბისმა, რომელიც Google-ის შვილობილი კომპანია DeepMind-ის აღმასრულებელი დირექტორი და ერთ-ერთი დამფუძნებელია. პროგრამა AlphaGo სწორედ DeepMind-ის სპეციალისტების მიერაა შექმნილი.  ტვიტერზე ჰასაბისმა შემდეგი შინაარსის პოსტი გამოაქვეყნა : „ჩვენი გუნდი ძალიან ამაყობს ამით“.

უძველესი ჩინური თამაშის Go-ს მოსაგებად ოქტომბერში მეცნიერებმა სპეციალური სისტემა AlphaGo შეიქმნეს, რომელშიც საძიებო სისტემის გაფართოებული სისტემა და რთული ნეირონული ქსელი გამოიყენება. სისტემის შექმნის შემდეგ, მრავალი ცდა ჩაატარეს, რომლის საშუალებითაც  30 მილიონზე მეტი მოთამაშის მოქმედება გაანალიზდა, რის შედეგადაც, ამ ეტაპზე AlphaGo-ს ადამიანის სტრატეგიის 57%-ის პროგნოზირება შეუძლია. სისტემის წარმატების მტკიცებულებად, ევროპის სამგზის ჩემპიონთან – ფან ჰუისთან თამაში იქცა, – AlphaGo-მ, გამართული 5 თამაშიდან, ხუთივე მოიგო.

რაც შეეხება ლი სედოლს, იგი პროგრამის მთავარი გამოწვევა იყო, თუმცა, როგორცა ჩანს, AlphaGoამ უძლიერეს მეტოქესაც იოლად ჩამოიშორებს.

რაც შეეხება ლის, იგი აცხადებს, რომ გაოცებულია თავისი მარცხით. „არ მეგონა, რომ AlphaGo-ს ასე სრულყოფილად თამაში შეეზლო, მინდა, ღრმა პატივისცემა გამოვხატო მისი შემქნელი პროგრამისტების მიმართ,“ – განახადა ლიმ.

 

 

წყარო: Reuters

მასალა მოამზადა: თამატ რაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
რობოტექნიკა

ახალი რობოტი, რომელიც არაფრით აღარ განსხვავდება ადამიანისგან!

ყავისფერი თმით, რბილი კანითა და მეტყველი სახით ნადინი ადამიანის მსგავსი რობოტის ახალი ბრენდია. მეცნიერები იმედს გამოთქვამენ რომ უახლოეს მომავალში ადამიანები მას პირად თანაშემწედ, მოხუცების მომვლელად და სხვა საოჯახო თუ საოფისო საქმიანობისთვის გამოიყენებენ.
1.7 მეტრიანი ნადინი ვიზუალურად მის შემქნელს ნადია ტალმანის ჰგავს, რომელიც სინგაპურის ნანიანგის ტექნოლოგიური უნივერსიტეტის მედია ინოვაციების ინსტიტუტის დირექტორი და მოწვეული პროფესორია. იგი ვირტუალურ ადამიანებს სამი ათეული წლის მანძილზე იკვლევდა.
ნადინის პროგრამული უზრუნველყოფა საშუალებას აძლევს რობოტს, გამოხატოს მთელი რიგი ემოციებისა და გაიხსენოს წინა საუბარი. ნადინი ჯერჯერობით კომერციულად ხელმისაწვდომი არაა, მაგრამ მისი შემქმნელი იმედოვნებს, რომ ადამიანის მსგავსი რობოტი უახლოეს მომავალში დიდ დახმარებას გაუწევს დემენციით დაავადებულ ადამიანებს.

“თუ ამ ადამიანებს მარტო დავტოვებთ, მათი მდგომარეობა ძალიან მალე გაუარესდება. ამიტომ ისინი ყოველთვის ურთიერთქმედებაში უნდა იყვნენ სხვებთან,“ – განახადა ტალმანმა და დასძინა, რომ ნადინს შეუძლია საუბარი, ამბის მოყოლა და მარტივი თამაშის თამაში.

ტალმანი და მისი გუნდი მუშაობენ რობოტზე, რომელიც ბავშვებთან თამაშს შეძლებს. თუმცა პროექტი განვითარების ადრეულ ეტაპზეა და რობოტის პოტოტიპო ჯერ არ გასაჯაროვებულა.

ბავშვი რობოტი შეძლებს უპასუხოს კითხვებს, გამოხატოს ემოციები და იცნოს ადამიანები. იგი ბავშვებს ზედამხედველობას გაუწევს და იმ შემთხვევაში თუ პატარა რაიმეს გაფუჭებას დააპირებს, ამის შესახებ მშობელს ან ძიძას ამცნობს.
მეცნიერები გეგმავენ, რომ ბავშვ რობოტს რამდენიმე ენაზე შეეძლოს საუბარი და მას საგანმანათლებლო ფუნქციაც დაეკისროს.

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
1 2 3
Page 3 of 3