ილონ მასკი ტვინის იმპლანტის წარდგენას გეგმავს, რომლის მიზანი ადამიანებისთვის ახალი შესაძლებლობების მინჭებაა. ამის შესახებ ინფორმაციას BBC-ი ავრცელებს.
დამატებითი დეტალი ჯერ ცნობილი არ არის, თუმცა Tesla-ს ხელმძღვანელმა Twitter-ზე დაწერა, რომ კომპანიის მიერ შექმნილ ე.წ. Demo ვერსიას წარადგენს.
ტვინის იმპლანტის შექმნაზე ილონ მასკის კომპანია Neuralink-ი მუშაობს, რომლის მაზანია ნეირონული ინტერფეისის შექმნა.
ახალგაზრდა ანალიტიკოსთა და მეცნიერთა დარბაზი – ,,დოქტრინა”
რუსეთის ქალაქ პერმში ერთ-ერთ სამთავრობო შენობაში მოქალაქეებს მომსახურებას ადამიანის მსგავსი რობოტი უწევს.
ჯერჯერობით ჰუმანოიდი მონაწილეობს ნასამართლეობისა და ნარკოლოგიური შემოწმების ცნობების გაცემაში.
ქალი რობოტის სახის ნაკვთები ხელოვნური ინტელექტის მიერ რამდენიმე ათასი ქალის გარეგნობის ანალიზის შედეგად შეიქმნა.
რობოტს, რომელსაც რეესტრის თანამშრომლის უნიფორმა აცვია, ტუჩების, თვალების, წარბებისა და ხელოვნური კანით დაფარული სხვა მექანიკური კუნთების მოძრაობით ადამიანის სახის 600-ზე მეტი გამომეტყველების მიღება შეუძლია.
„რობოტს ზოგადი ტიპის კითხვების დასმა და პასუხების გაცემის უნარიც აქვს. ის შეერთებულია სკანერსა და პრინტერზე. ჰუმანოიდს დოკუმენტების მონაცემთა ბაზაზეც აქვს წვდომა და შეუძლია ჩაანაცვლოს რეგისტრაციის ოფისის რეესტრის ოფისის თანამშრომელი,“- აცხადებს ოფისის ხელმძღვანელი ლეონიდ გრომოვი.
რეესტრის ჰუმანოიდი „თანამშრომელი“ კომპანია Promobot-ის პროექტია,
წყარო : Reuters
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
ხელოვნური ინტელექტი უკვე იმდენად აქტუალური თემა გახდა, რომ რთულია ყველა ადამიანს არ შეემჩნია მისი მნიშვნელობა დღევანდელობაში. მსოფლიო იმდენად სწრაფად ვითარდება და იცვლება, რომ ადამიანების უმრავლესობას უჭირს აყოლა, ელონ მასკმა და სტეფან ჰოუკინგმა განაცხადეს, რომ კომპანებისთვის ძალიან დიდი წინსვლა იქნება, თუ ხელოვნური ინტელექტი გახდება მათი დამხმარე და შეასრულებს იმავე სამუშაოს, რასაც აქამდე ადამიანები ასრულებდნენ. შეცდომები, რომლებსაც ადამიანები უშვებნდენ შემცირდება, რადგან ხელოვნური იტელექტი დაპროგრამებული იქნება ერთ კონკრეტულ დავალებაზე, რაც აღმოფხვრავს შეცდომების დაშვებას, აგრეთვე დაიზოგება ენერგია, რომელსაც ადამიანები ხარჯავდნენ წლების მანძილზე.
წყარო: Entrepreneur.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
ვიდეოთამაშები არ აჩლუნგებს თქვენს ტვინებს და არ არის ეშმაკისეული, როგორც ძირითადად მშობლები ამბობენ ხოლმე. არა მხოლოდ გართობის მიზანი აქვს ვიდეოთამაშებს, არამედ მეცნიერებმა დაადგინეს, რომ ტვინისთვის სარგებელიც კი მოაქვს.
3Dთამაშები ზრდის მახსოვრობის დონეს, ადამიანი უკეთ აღიქვამს ვირტუალურ სამყაროს და თითქოს რეალობაში ხედავს ყველაფერს, რაც არ უნდა გასაკვირი იყოს, უმრავლესობა ადამიანებისა, რომლებიც 3Dთამაშს თამაშობს, ვერ ხვდება რეალურად ხედავს ყველაფერს, თუ ვირტუალურად, შესაბამისია მათი მოქმედებები და რეაქციებიც.
ზოგი გამოკვლევა ამტკიცებს, რომ ვიდეოთამაშები ადამიანს უფრო სხარტსა და ჭკვიანს ხდის. კვლევა ჩაატარეს იმ ადამიანებზე, რომლებსაც არასდროს უთამაშიათ მსგავსი თამაშები, რამდენიმე კვირის განმავლობაში ისინი დღეში 1 საათი უთმობდნენ ვიდეოთამაშებს, რამაც შედეგი გამოიღო – რამდენიმე კვირის შემდეგ მათი მოქმედებები უფრო სხარტი იყო, მეტად უფიქრდებოდნენ წვრილმანებსაც კი.
წყარო: Sciencealert.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა“
იტალიურმა კომპანია 3D WASP-მა შეიმუშავა სახლის პროექტი, რომლის ასაშენებლადაც 100 საათია საკმარისი.შენობის ფართი 30 კვადრატული მეტრია. El Mundo-ს ცნობით, სახლს ამ ვადებში ორი ადამიანი თავისუფლად ააშენებს.
სახლის ღირებულება 900 ევროს შეადგენს. შენობის აგება ხდება ბუნებრივი მასალებით: 25% არის თიხა და ქვიშა, 25% – ბრინჯის დამცავი გარსი, 40% ბრინჯის ჩალა, ხოლო 10% ცარცი. სახლის ინსტრუქციის შედეგად, შესაძლებელია ენერგომატარებლებზე ხარჯების დაზოგვა. შესაძლებელია მზის სხივის სითბოს გამოყენება. ასევე სახლის მთავარის სარგებელია მისი სეისმომდგარადობა.
ახალგაზრდა ანალიტიკოსთა და მეცნიერთა დარბაზი – ,,დოქტრინა”
დაახამხამეთ თვალი ორჯერ და მოაახლოვეთ (დაზუმეთ) ნებისმიერი რამ, რასაც უყურებთ. დაზუმვის პრაქტიკა ჩვენთვის ფოტო, ან ვიდეოგადაღების ფარგლებში იყო ცნობილი, თუმცა, კალიფორნიის სან დიეგოს უნივერსიტეტის მეცნიერებმა გადაწყვიტეს ეს ტექნოლოგიური შესაძლებლობა ჩვენი თვალებისთვისაც მიეცათ, შესაბამისად კი, ყოველდღიურობის ნაწილად ექციათ. დიახ, მათ შექმნეს რობოტული კონტაქტური ლინზა გამოსახულების მოახლოების ფუნქციით. როგორ? სხვადასხვა მოძრაობა, რომელსაც თვალებით ვახორციელებთ, სხვადასხვა ელექტრულ სიგნალს წარმოქმნის, რომელსაც ლინზა აღიქვამს. New Scientist-ის ინფორმაციით, თვალს აქვს ელექტრული პოტენციალი მაშინაც კი, როცა მას ვხუჭავთ ან სრულ სიბნელეში ვიმყოფებით. როცა ჩვენ ვამოძრავებთ თვალებს, ან ვახამხამებთ ქუთუთოებს, ელექტრული პოტენციალი შეიძლება გაიზომოს. ინოვაციურ ლინზაში, რომელიც ამ ელექტრული სიგნალით ხელმძღვანელობს, სპეციალური დრეკადი მასალებია გამოყენებული, რისი წყალობითაც ფოკუსური მანძილი 32 პროცენტით შეიძლება შეიცვალოს.
ახალგაზრდა ანალიტიკოსთა და მეცნიერთა დარბაზი ,,დოქტრინა“
გიფიქრიათ, რომ შეიძლება კონდიციონერი ტანსაცმლის ქვეშ გქონდეთ დამალული, სმარტფონით კი იმის რეგულირება შეგეძლოთ, თუ რა ტემპერატურაზე დააყენოთ უჩინარი და პატარა მოწყობილობა, რომელსაც ზურგით დაატარებთ. Sony-მ იფიქრა ამაზე და თანადაფინანსების პროექტის სახით, ვებგვერდზე განათავსა იდეა, რომელიც კომპაქტური და უჩინარი კონდიციონერის ქონის შესაძლებლობას იძლევა. პროდუქტი სახელად REON POCKET ჯერჯერობით ხელმისაწვდომი არ არის და უცნობია, როდიდან უნდა ველოდოთ მას ბაზარზე. თუმცა ვიცით, რომ მისი მართვა სმარტფონიდან, სპეციალური აპლიკაციის მეშვეობით შეიძლება და მისი დახმარებით, მზიან ამინდშიც კი შეგვიძლია სეირნობა სასიამოვნო პროცესად ვაქციოთ.
ახალგაზრდა ანალიტიკოსთა და მეცნიერთა დარბაზი ,,დოქტრინა“
კომპანია Microsoft-მა ბრიტანეთში სააგენტო PA Mediа-ს 27 ჟურნალისტს კონტრაქტი არ გაუგრძელა, რომლებიც პორტალ MSN-ზე ახალ ამბებს აქვეყნებდნენ. ამის შესახებ BBC წერს.
გამოცემის ინფორმაციით, ჟურნალისტებს რობოტიზირებული ალგორითმები ჩაანაცვლებენ, რომლებიც დამოუკიდებლად აირჩევენ ახალ ამბებს და მათ რედაქტირებას შეძლებენ. MSN-ს ორიგინალური კონტენტი არ აქვს, მათი ახალი ამბები სხვადასხვა გამოცემის ტექსტებისგან შედგება, რომლებსაც პორტალის ფორმატის მიხედვით არედაქტირებენ.
სავარაუდოდ, მალე ანალოგიურ გადაწვეტილებას Microsoft-ი სხვა ქვეყნებში მომუშავე სააგენტოების მიმართაც მიიღებს. კორპორაციაში აზუსტებენ, რომ ჟურნალისტების გათავისუფლება კორონავირუსის პანდემიით გამოწვეულ ეკონომიკურ სირთულეებს არ უკავშირდება.
ახალგაზრდა ანალიტიკოსთა და მეცნიერთა დარბაზი ,,დოქტინა”
„ყველას უნდა ესმოდეს, რომ ჩვენ ვართ იძულებულები, შევინარჩუნოთ გარკვეული სახის შეზღუდვები. მაგალითად, გარკვეული ეკონომიკური საქმიანობების, ასევე სამოქალაქო და მუნიციპალური ტრანსპორტის გადაადგილების, სპორტული და კულტურული ღონისძიების, საზღვრებზე კონტროლის შეზღუდვები. ყველას კარგად უნდა გვესმოდეს, რომ თუ დღეს საქართველო წარმატებულია კორონავირუსის გავრცელებასთან ბრძოლაში, ეს მოხდა მხოლოდ იმიტომ, რომ ჩვენ დროული, პრევენციული ნაბიჯები გადავდგით. ჩვენ შევძელით, არ დაგვეშვა იმპორტირებული შემთხვევების გავრცელება ქვეყანაში“, – ამის შესახებ საქართველოს პრემიერ-მინისტრმა, გიორგი გახარიამ საკოორდინაციო საბჭოს სხდომაზე განაცხადა.
„ძალზედ ეფექტური იყო საკარანტინე ზონების შექმნა. უაღრესად ეფექტური იყო ის ნაბიჯები, რომლებმაც მოგვცა საშუალება, ქვეყანაში მობილობის შემცირების. თუ საქართველოში საშუალოდ გვყავს მაგალითად, დღეში 2, 5 ან 10 ინფიცირებული, ეს არ ნიშნავს იმას, რომ ვირუსი დამარცხებულია. ყველას კარგად უდა გვესმოდეს, რომ ჩვენი ძირითადი ამოცანა გახლავთ, ვიზრუნოთ ადამიანის ჯანმრთელობაზე, ოღონდ ეს ისე გავაკეთოთ, რომ ჩვენს მოქალაქეებს მივცეთ საშუალება, ფრთხილად და ეტაპობრივად გაანახლონ თავინთი ეკონომიკური საქმიანობა იმისთვის, რომ ოჯახი არჩინონ“, – განაცხადა მთავრობის მეთაურმა.
ახალგაზრდა ანალიტიკოსთა და მეცნიერთა დარბაზი ,,დოქტინა”
აშშ-ის ფედერალურმა სავაჭრო კომისიამ პოპულარული ჩინეთში შექმნილი აპლიკაცია „ტიკ-ტოკი“ 13 წლამდე ასაკის ბავშვების შესახებ პერსონალური ინფორმაციის უკანონოდ, მშობლების თანხმობის გარეშე მოპოვების გამო 5.7 მილიონი აშშ დოლარით დააჯარიმა.
კომისიის მიერ გავრცელებულ განცხადებაში აღნიშნულია, რომ ბავშვების მონაცემთა კონფიდენციალობის დარღვევისთვის დღემდე ამ ოდენობის თანხით არავინ დაუჯარიმებიათ.
აპლიკაცია „ტიკ-ტოკი“ სტარტაპ ByteDance-ის ეკუთვნის. აშშ-ის ფედერალური სავაჭრო კომისიის ჯარიმა დაკავშირებულია ვიდეო გაზიარების აპლიკაცია Musical.ly-თან, რომელიც ByteDance-მა 2017 წელს შეიძინა და მოგვიანებით ის „ტიკ-ტოკთან“ გააერთიანა.
სავაჭრო კომისიის განმარტებით, Musical.ly-თან დაკავშიებით ჩატარებულმა გამოძიებამ დაადგინა, რომ ის იყენებდა შემაშფოთებელ პრაქტიკას, მათ შორის ბავშვების ადგილმდებარეობის შესახებ და სხვა სახის ინფორმაციის მოპოვებას და მის საჭიროზე უფრო ხანგრძლივად შენახვას.
აღნიშნულთან დაკავშირებით „ტიკ-ტოკმა“ განცხადება გაავრცელა, სადაც აღნიშნულია, რომ ის მომხრეა ისეთი ზომების გატარების, რაც მომხმარებელს დაიცავს.
კომპანიის ინფორმაციით, მან ამერიკელი ახალგაზრდა მომხმარებლისთვის ცალკე აპლიკაცია შექმნა, რითაც მათ ვიდეოს გაზიარება, დაკომენტარება, მოკლე ტექსტური შეტყობინებების გაგზავნა, ე.წ. „დაფოლოვერება“ ან პროფილის შექმნა არ შეეძლებათ.
ცნობისათვის, აპლიკაცია „ტიკ-ტოკს“, რომლის საშუალებითაც ვიდეოების ატვირთვა და გაზიარებაა შესაძლებელი, ნახევარ მილიარდზე მეტი გამომწერი ჰყავს მსოფლიოში.
წყარო :CNN
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტინა”
