გამოგონება - ინოვაცია

აშშ-ში მდებარე ჩიკაგოს უნივერსიტეტის მეცნიერებმა შეიმუშავეს ალგორითმი, რომელიც დანაშაულს ერთი კვირით ადრე პროგნოზირებს. ამის შესახებ დეტალური ინფორმაცია სპეციალისტების მიერ გამოცემა Nature Human Behaviour-ში გამოქვეყნებულ ნაშრომშია თავმოყრილი.

გავრცელებული ინფორმაციის თანახმად, ახალ ალგორითმს კრიმინალის პროგნოზირება დროისა და გეოგრაფიული მდებარეობის მიხედვით ძალადობრივი და ქონებასთან დაკავშირებული დანაშაულების შესახებ საჯარო მონაცემების გაანალიზების შედეგად შეუძლია. როგორც სპეციალისტები აცხადებენ, ალგორითმი დანაშაულს, დაახლოებით, 90%-იანი სიზუსტით პროგნოზირებს.

ცალკეული მოდელის შემთხვევაში, მკვლევართა ჯგუფმა სამართალდამცველების დანაშაულზე რეაგირება ინციდენტების შემდეგ დაკავებულთა რაოდენობის ანალიზის შედეგად შეისწავლა. სპეციალისტებმა განსხვავებული სოციალურ-ეკონომიკური სტატუსის მქონე არეალებში შეგროვებული მონაცემები ერთმანეთს შეადარეს და დაადგინეს, რომ მდიდარ უბნებში დანაშაულს მეტი დაპატიმრება მოჰყვებოდა, ვიდრე ეს შედარებით ღარიბი უბნების შემთხვევაში იყო. ეს კი, მათი თქმით, სამართალდამცველების რეაგირებისა და აღსრულების მიკერძოებულობაზე მიუთითებს.

დანაშაულის პროგნოზირების სხვა მოდელები ხშირად ფოკუსირებას ე.წ. „ცხელ წერტილებზე“ აკეთებენ, რის გამოც ამ სივრცის მიღმა არსებული ტერიტორია უყურადღებოდ რჩება. ისინი არც ზემოხსენებულ ფაქტორს – სხვადასხვა არეალში დანაშაულსა და სამართალდამცავების რეაგირება-აღსრულების შედეგებს შორის არსებულ სხვაობას ითვალისწინებენ.

რაც შეეხება ჩიკაგოს უნივერსიტეტის მეცნიერების მიერ შემუშავებულ ალგორითმს, ის ქალაქს არა განსხვავებული სოციალურ-ეკონომიკური სტატუსის მქონე უბნებად, არამედ კონკრეტული ფართობის მომცველ ტერიტორიებად ყოფს და კრიმინალს ამის მიხედვით პროგნოზირებს.

სპეციალისტების განცხადებით, ახალმა მოდელმა დანაშაულის ალბათობა ჩიკაგოში 90%-იანი სიზუსტით იწინასწარმეტყველა. მან დადებითი შედეგები აჩვენა ასევე აშშ-ის კიდევ რვა ქალაქში.

წყარო: forbes.ge

ახალგაზრდა ანალიტიკოსთა და მეცნიერთა დარბაზი “დოქტრინა”

ბრიტანული სტარტაპი Pip & Henry ქმნისბავშვის სპორტულ ფეხსაცმელს, რომელიც ბავშვის ზრდის პარალელურად იზრდება. ფეხსაცმელს 3,5 ნახევარი ზომით გადიდება შეეძლება, ვიდრე ბავშვს საბოლოოდ დაუპატარავდება.

იდეის ავტორები აცხადებენ, რომ გამოგონება კლიმატის ცვლილებასთან საბრძოლველად იქნება სასარგებლო. მათი თქმით, ერთი წყვილი ფეხსაცმლის ხმარების ვადა სულ მცირე ორჯერ გაიზრდება.

ბრენდის შემქმნელის, ჯერუ დუდმალის განცხადებით, იდეა მას შვილის გაჩენის შემდეგ დაებადა. ახლა Pip & Henry-ში ფეხსაცმლის ძირების ვარიანტებზე მუშაობენ. ეკოფეხსაცმელი დახლებზე 2023 წლიდან უნდა გამოჩნდეს.

იდეის ავტორები აცხადებენ, რომ ფასი მაქსიმალურად დაბალი იქნება, რათა ბევრმა ოჯახმა შეძლოს მათი ფეხსაცმლის შეძენა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

უნივერსიტეტის დოქტორანტმა, ზეკე სტიერმა  “ჭკვიანი წინდები” გამოიგონა, რომლებიც გრძნობენ, როდესაც დემენციის ან აუტიზმის მქონე ადამიანები გაჭირვებულ მდგომარეობაში არიან.
წინდები, რომლებიც აკონტროლებენ ადევნებენ გულისცემას, ოფლის დონეს და მოძრაობას, საშუალებას აძლევენ მზრუნველებს ჩაერიონ მანამ, სანამ სიტუაცია გამწვავდება.
დოქტორი სტიერი მუშაობდა პროგრამული უზრუნველყოფის ინჟინრად თავდაცვის ინდუსტრიაში, როდესაც მის დიდ ბებიას, ქეითს,  დემენციის სიმპტომები დაეწყო.
ზეკე სტიერი იხსენებს, რომ  დიდი ბებია აგრესიული გახდა და ბებიამისს ქურდობაშიც კი ადანაშაულებდა,
დოქტორმა სტიერმა გადაწყვიტა გამოეკვლია, თუ როგორ დაეხმარებოდა ტექნოლოგიები და ხელოვნური ინტელექტი მისი დიდი ბებიის სიმპტომებს.
„ჭკვიან წინდებს შეუძლია დაეხმაროს დემენციით დაავადებულ ადამიანებს, შეინარჩუნონ ღირსება და მიიღონ უკეთესი ხარისხის შედეგები ყოველდღიურ ცხოვრებაში“, -განაცხადა იმ მოხუცთა თავშესაფრის მენეჯერმა, სადაც კვლევის დროს ზეკე სტიერი მოხალისედ მუშაობდა.
„ეს ინოვაციური ტარებადი ტექნოლოგია ფანტასტიკური, ხელმისაწვდომი გზაა პერსონალისთვის, რათა უკეთ აკონტროლონ მაცხოვრებლების აშლილობა,” – აცხადებენ მედიკოსები.
კომპანია Milbotix-ი ამჟამად ამოწმებს წინდებს დემენციის საშუალო და გვიანი სტადიის მქონე ადამიანებთან და ავითარებს ტექნოლოგიას, სანამ ისინი გაყიდვაში გამოვა მომავალ წელს.

წყარო : bbc.com

ახალგაზრდა ანალიტიკოსთა და მეცნიერთა დარბაზი ,,დოქტრინა“

მასაჩუსეტსის ტექნოლოგიური ინსტიტუტის მეცნიერებმა შექმნეს პორტატული გამწმენდი მოწყობილობა, რომელსაც მაღალი ხარისხის სასმელი სასმელი წყლის წარმოქმნა ღილაკზე ხელის დაჭერით შეუძლია.
ჩემოდნის ზომის მოწყობილობა 10 კილოგრამზე ნაკლებს იწონის და მისი დატენვა პორტატული მზის პანელითაა შესაძლებელი.
ზღვის წყლის გასაწმენდად მოწყობილობა იყენებს არა ფილტრებს, არამედ ტექნოლოგიას, რომელსაც იონის კონცენტრაციის პოლარიზაცია ეწოდება და რომელიც მოლეკულების, ვირუსების და ბაქტერიების გასაფილტრად ელექტროენერგიას იყენებს.
შეფასების თანახმად, მოწყობილობის პროტოტიპი აწარმოებს საათში დაახლოებით 300 გრამ სასმელ წყალს. ბოსტონის კარსონის სანაპიროზე რეალურ სამყაროში ჩატარებული ტესტირებისას მოწყობილობამ შეძლო პლასტმასის ჭიქის სასმელი წყლით შევსება დაახლოებით ნახევარ საათში.
მოწყობილობის შემქმნელების განმარტებით, ამჟამად ცდილობენ, წარმოების მაჩვენებლის გაზრდას და ასევე იმას, რომ მოწყობილობა უფრო მოსახერხებელი გახდეს.
ისინი იმედს გამოთქვამენ, რომ ერთ დღეს, მოწყობილობა შეიძლება განთავსდეს რესურსებით შეზღუდულ ადგილებში, გამოიყენონ ბუნებრივი კატასტროფების შემდეგ ან სამხედრო დანიშნულებით.

წყარო : techspot.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

Xiaomi-მ ჭკვიანი საწოლი წარადგინა, რომელიც მომხმარებლებს ხვრინვის დისკომფორტს მოუხსნის. ამის შესახებ GizmoChina წერს.

საწოლი, სახელწოდებით 8H Feel Leather Smart Electric Bed X Pro, აღჭურვილია მართვის ინტელექტუალური სისტემითა და ელექტრო სადენით. მისი შემქმნელების განმარტებით, ძილის დროს გარეშე ხმების აღმოჩენისთანავე, საწოლის ზურგი 15 გრადუსით იწევა, რათა ჟანგბადის მისაწოდებლად სასუნთქი გზები გაიხსნას.

„მას შემდეგ რაც ხვრინვა შეწყდება, საწოლი ავტომატურად პირვანდელ მდგომარობას დაუბრუნდეს ისე, რომ ადამიანს არ გაეღვიძოს“, – აცხადებენ კომპანიაში.

გარდა ამისა, 8H Feel Leather Smart Electric Bed X Pro აგროვებს ინფორმაციას გულისცემისა და სუნთქვის შესახებ.

ჭკვიანი საწოლი ამ ეტაპზე 968 დოლარი ღირს, თუმცა მას შემდეგ, რაც ის ფართო გაყიდვაში ჩაეშვება, მისი ფასი 1119 დოლარი გახდება.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ტექნოლოგიურმა კომპანია Sonantic-მა ხელოვნური ინტელექტი შექმნა, რომელიც საუბრისას მომხმარებელს ეფლირტავება.

ინტელექტი სინთეტიკურად გენერირებული ხმით საუბრობს და იმავე ტექნოლოგიის გაუმჯობესებული ვარიანტია, რასაც ადრე “Deepfake” იყენებდა.

კომპნიის წარმომადგენლები აცხადებენ, რომ ეს მიღწევა არასამეტყველო, ხმოვანი დეტალების დამატებაში მდგომარეობს, როგორიცაა, ჩაცინება, ამოსუნთქვა და სხვა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ყოველწლიურად, მსოფლიოს სხვადასხვა კუთხეში, ათასობით მიწისქვეშა ბიძგი ფიქსირდება. თუმცა, უმეტესობა მათგანი იმდენად სუსტია, ვერც ვიგებთ. ისეთი სიმძლავრის მიწისძვრა, რომელსაც ადამიანი გრძნობს, რეალურ საფრთხეს უქმნის მის სიცოცხლეს. არსებობს უსაფრთხოების ნორმები და წესები, რომელთა დაცვაც, ამ დროს,  აუცილებალია. მაგრამ, ხშირად, სტრესისა და დაბნეულობის გამო, ვერაფერს ვახერხებთ.

ამ პრობლემას, შეგვიძლია, ახლა შედარებით მშვიდად შევხედოთ – უკვე არსებობს საწოლი, რომელიც მიწისძვრის დროს დაგვიცავს. მისი მექანიზმი ისეა მოწყობილი, რომ როგორც კი მიწისქვეშა ბიძგი დაფიქსირდება, ლოგინი, ავტომატურად, ყუთად კეთდება. შიდა სივრცეში კი მოთავსებულია წყალი, აირწინაღი, აფთიაქი, ცეცხლმაქრი.

საწოლის კონცეფცია თურქულ კომპანია DAHIR INSAAT-ს ეკუთნის და მისი ფასი 5,600 დოლარია.

იაპონიაში მდებარე მეიძის უნივერსიტეტში პროფესორმა, ჰომაი მიაშიტამ, სტუდენტებთან ერთად შექმნა ეკრანი, რომლის ალოკვითაც სხვადასხვა გემოს შეგრძნებაა შესაძლებელი.
ეკრანი “Taste the TV” იყენებს 10 განსხვავებულ გემოს შემცველ სპეციალურ ჭურჭელს. კონტეინერების შიგთავსის შერევის გზით კი სასურვები საკვების გემოს მიღებაა შესაძლებელი. იგი თავსდება ჰიგიენურ თხელ ფირფიტაზე და შემდეგ ეკრანზე. ეკრანის სატესტო ვერსიის ღირებულება უკვე ცნობილია და დაახლოებით, 100 000 იენს შეადგენს, 875 აშშ დოლარს.
პროფესორის თქმით, “Taste the TV”-ის ტექნოლოგიით მსოფლიოს სხვადასხვა წერტილში მდებარე რესტორანში არსებული კერძების დაგემოვნება იქნება შესაძლებელი, თანაც სახლიდან გაუსვლელად.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”