close

მედიცინა

ბიოლოგიაეს საინტერესოაკვლევებიმედიცინამსოფლიო

უძილობის დროს ტვინი გამოფიტვას იწყებს

2.33K views on

მეცნიერებმა დაადგინეს, რომ არასაკმარისი ძილი ნეირონებისა და სინაფსური კავშირების დაზიანებას იწვევს, რომლის აღდგენა შეუძლებელია.

იტალიის ერთ-ერთი პოლიტექნიკური უნივერსიტეტის მეცნიერებმა ძუძუმწოვრების ტვინის ის ნაწილი შეისწავლეს, რომელიც ძილის დარღვევებზეა პასუხისმგებელი და კარგად დასვენებულ და გამოუძინებელ ვირთაგვებს შორის უცნაური სხვაობა აღმოაჩინეს.

ისევე, როგორც ადამიანის სხეულის უჯრედებში, ადამიანის ტვინშიც ნეირონები მუდმივად ახლდება ორი სხვადასხვა ტიპის გლიალური უჯრედით, რომელსაც ხშირად ნერვული სისტემის წებოსაც უწოდებენ.

მიკროგლიალური უჯრედები პასუხისმგებელნი არიან ძველი და გაცვეთილი უჯრედების გაწმენდის პროცესზე, რომელსაც ეწოდება ფაგოციტოზი, რაც ბერძნულად „შთანთქმას“ ნიშნავს.

ასტროციტები  კი – ტვინში არასაჭირო სინაფსების რაოდენობას ამცირებენ, რაც ტვინის ხვეულების განახლებას უწყობს ხელს.

ეს პროცესი კი მაშინ ხდება, როცა გვძინავს, თუმცა აღმოჩნდა, რომ იგივე პროცესი მაშინაც მიმდინარეობს, როცა უძილობა გვჭირს. თუმცა ამას სიკეთის ნაცვლად ზიანი მოაქვს, ვინაიდან ზედმეტი გასუფთავებისგან ტვინი თვითდაზიანებას იწყებს. ეს შეიძლება შევადაროთ შემდეგ სიტუაციას: ვიღაცას თქვენი სახლიდან თქვენი ძილის დროს ნაგავი გააქვს, რამდენიმე  დღის შემდეგ კი ნაგავს აყოლებს ტელევიზორს, მაცივარსა და სხვა საჭირო ნივთს.

,,ჩვენ მიერ ჩატარებულმა კვლევამ აჩვენა, რომ სინაპსებს ასტროციტები უძილობის დროსაც ,,ჭამენ””- აცხადებენ კვლევის ავტორები.

მეცნიერებმა თაგვების ოთხი ჯგუფი შეისწავლეს:

1.თაგვები, რომლებსაც 6-8 საათი ეძინათ (კარგად დასვენებულები);

  1. თაგვები, რომლებიც პერიოდულად იღვიძებდნენ;
  2. თაგვები, რომლებიც უძილობა აწუხებდათ;
  3. თაგვები, რომლებსაც უძილობა ქრონიკულად აწუხებდათ.

როდესაც მეცნიერებმა ამ ჯგუფების ასტეროციტების აქტიურობა შეისწავლეს, პირველი ჯგუფის თაგვებში 5.7 პროცენტი სინაფსები აღმოაჩინეს, მეორეში –  7.3; მესამეში – 8.4, ხოლო მეოთხეში – 13.5.

მაგრამ, როდესაც მკვლევარებმა ამ ოთხი ჯგუფის მიკროგლიალური უჯრედები შეისწავლეს, აღმოჩნდა, რომ მესამე და მეოთხე ჯგუფებში – უძილო და ქრონიკულად უძილო თაგვებში მათი აქტივობა მომატებული იყო, რაც შემაშფოთებელია, ვინაიდან მიკროგლიალური აქტივობა ალცჰეიმერის დაავადებასა და სხვა ნეიროდეგენერაციასთანაა დაკავშირებული.

ჩატარებული კვლევის შედეგები მნიშვნელოვანია, თუმცა ჯერ კიდევ არსებობს პასუხგაუცემელი კითხვები, მაგალითად: მიმდინარეობს თუ არა იგივე პროცესი ადამიანების ტვინში და აღმოიფხვრება თუ არა დაზიანება ძილის შედეგად.

წყარო:   https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოამედიცინა

მეცნიერები: ვიტამინებისა და მინერალების დანამატების უმრავლესობა უსარგებლოა

1.43K views on

ამერიკელ მეცნიერთა ჯგუფი აცხადებს, რომ ვიტამინებისა და მინერალების დანამატების უმრავლესობა, ძირითადად, უსარგებლოა.

2012-2017 წლების მონაცემები და კვლევები ცხადყოფს, რომ ბევრი პოპულარული მულტივიტამინი, მათ შორის ვიტამინი C, ვიტამინი D და კალციუმის დანამატები, ადამიანების ჯანმრთელობაზე რეალურ ზეგავლენას ვერ ახდენენ და მათი მიღება კარდიოვასკულური დაავადების, გულის შეტევის, ინსულტისა და ნაადრევი სიკვდილის რისკს არ ამცირებენ.

ამერიკელმა მეცნიერებმა ჟურნალ ,,American College of Cardiology-ში” კვლევა გამოაქვეყნეს, სადაც აცხადებენ, რომ ისეთი მულტივიტამინების მიღება, როგორიცაა – ვიტამინი C, ვიტამინი D და კალციუმის დანამატები ადამიანს არ ვნებს, თუმცა არც ცალსახა სარგებელი აქვს.

იმავე კვლევის თანახმად, არსებობს სასარგებლო დანამატებიც, მათ შორის – ფოლის მჟავა და B ვიტამინები ფოლის მჟავით, რომელიც კარდიოვასკულური დაავადებისა და ინსულტის რისკს ამცირებს.  თუმცა, ნიკოტინის მჟავა (ვიტამინ B3-ის ფორმა) და ანტიოქსიდები დაკავშირებულია სიკვდილის მაღალ რისკთან. მეცნიერები აცხადებენ, რომ ეს რისკი გამოწვეულია იმით, რომ ნიკოტინის მჟავა ზეგავლენას ახდენს სისხლში შაქრის დონეზე, ან იმით, რომ ანტიოქსიდების დიდი დოზით მიღება საზიანოა ჯანმრთელობისთვის.

კვლევის ფარგლებში მეცნიერებმა განიხილეს ვიტამინები: B1, B2, B3 (ნიკოტინის მჟავა), B6, B9 (ფოლიუმის მჟავა), C, D და E, ასევე – კაროტინი, კალციუმი, რკინა, თუთია, მაგნიუმი და სელენი. მათ აღმოაჩინეს, რომ გაციების შესამცირებლად ეფექტურია რკინა, რასაც აქამდე ადამიანების C ვიტამინზე ფიქრობდნენ. ვიტამინ D-ს მიღება საკვებიდან რთულია, საკვები დანამატის სახით მისი მიღება შესაძლოა ეფექტური იყოს.

კვლევის ავტორი მეცნიერები საზოგადოებას მოუწოდებენ, რომ გამოიჩინონ სიფრთხილე ვიტამინებისა და მინერალების დანამატების მიღების დროს.

წყარო: https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეს საინტერესოამედიცინა

შაქრის გამოიყენებით, ორგანოების 3Dბეჭდვა იგეგმება

1.58K views on

შაქრის უნარი, გალღობის შედეგად მინის მსგავს მასად გადაიქცეს, მეცნიერებმა ბიოლოგიური სტრუქტურების დასაბეჭდად გამოიყენეს.

ილინოისის უნივერსიტეტის მეცნიერებმა – მეთიუ გელბერმა და როჰით ბარგავამ ახალი 3Dპრინტერის გამოყენებით, შაქრისგან ორგანოების შექმნა შეძლეს. აღსანიშნავია, რომ განსხვავებით ტიპური კომერციული პრინტერებისგან, გელბერისა და ბარგავას პრინტერი იყენებს ჭარხლისა და ყელის საწუწნი აბებისაგან მიღებულ შაქრის შემცვლელს.

შაქრის გალღობისა და დაბეჭდვის შედეგად, მეცნიერებმა მიიღეს მყარი მატრიცა, რომელიც ხელსაწყოების წარმოებასა და ჯანდაცვასთან დაკავშირებულ სფეროებში, როგორიცაა, მაგალითად, ბიომედიცინური ინჟინერია და კიბოს კვლევა, ძალიან მნიშვნელოვანია.

,,ეს გახლავთ არაჩვეულებრივი გზა იმისათვის, რომ შევქმნათ ფორმები, მათ გარშემო კი – რბილი ნივთიერებები, ან გავზარდოთ უჯრედები და ქსოვილები, რის შემდეგაც, მატრიცა დაიშლება,” – განაცხადა ბარგავამ.

დაბეჭდილი შაქრის მატრიცის ირგვლივ ქსოვილების გაზრდის შემდეგ შაქარი იშლება და დამოუკიდებელი არსებობის უნარის მქონე ორგანული სტრუქტურა რჩება.

როდესაც შაქარი იშლება ის ტოვებს ერთმანეთთან დაკავშირებულ მილებსა და მილაკებს, რომელიც ნუტრიენტების ტრანსპორტირებისთვის სისხლძარღვების მსგავსად შეიძლებს იქნეს გამოყენებული.

მეცნიერები იმედოვნებენ, რომ შექმნიან სპეციალურ საფარს, რომლის საშუალებითაც მოხდება სტრუქტურების დაშლის სიჩქარისა და დროის კონტროლი.

ჯერჯერობით, დაზუსტებით ვერავინ იტყვის, გამოიყენებენ თუ არა აღნიშნულ ტექნოლოგიას ადამიანების ორგანოების დასაბეჭდად, თუმცა დანამდვილებით შეიძლება ითქვას, რომ ის თანამედროვე მედიცინაში კიდევ ერთი წინ გადადგმული ნაბიჯია.

წყარო: ttps://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეს საინტერესოამედიცინატექნოლოგიები

ინოვაციური თერმომეტრი ვერცხლისწყლის გარეშე

1.75K views on

როგორც ცნობილია, კომპანია“Xiaomi“ უამრავი სახეობის მოწყობილობის წარმოებით არის დაკავებული. ამჯერად, კომპანიის პროდუქტების სიას თერმომეტრიც შეემატა.

სიახლის ფასი მხოლოდ 3 დოლარს შეადგენს. იგი არ შეიცავს ვერცხლისწყალს და მთლიანად ციფრულია. პროდუქტი დამზადებულია სამედიცინოდ სუფთა ნივთიერებებისგან და ყველა ეტაპზე მან მკაცრი კონტროლი გაიარა. შესაბამისად, ახალი თერმომეტრი ადამიანისთვის სრულიად უსაფრთხოა.
,,MI Digital Thermometer-ი”-ასე ჰქვია თერმომეტრს და ის 18.8-მილიმეტრიანი LCDეკრანით არის აღჭურვილი, რომელზეც ტემპერატურის მაჩვენებელი გამოისახება. როგორც ჩანს, თერმომეტრი საკმაოდ მოსახერხებელია და საზოგადოებას აღარ დასჭირდება დამღლელი პროცედურები ტემპერატურის გასარკვევად.

 

წყარო: Theverge.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
კვლევებიმედიცინამსოფლიო

ინდოეთში უიშვიათესი, განუკურნებელი დაავადების გავრცელების საშიშროება არსებობს

1.84K views on

უიშვიათესი, სასიკვდილო დაავადების – ნიპას (Nipah) ვირუსის გავრცელების შედეგად, სამხრეთ ინდოეთში, სულ მცირე, 9 ადამიანი გარდაიცვალა, 25 კი -ჰოსპიტალიზებულია.

ნიპა სასიკვდილო დაავადებად მიიჩნევა. მეცნიერებმა აღმოაჩინეს, რომ ვირუსი ღამურებიდან სხვა სახეობაზე, მათ შორის, ადამიანზე გადადის.

დაავადება ჯერჯერობით განუკურნებელია და ადამიანიდან ადამიანზე გადასვლის უნარი აქვს. არსებული სტატისტიკის თანახმად, ინფიცირებული ადამიანების 40-75 პროცენტისთვის დაავადება ლეტალური აღმოჩნდა.

ეს სტატისტიკა იმაზე მეტყველებს, რომ ნიპას სასიკვდილო პანდემიის გამოწვევის პოტენციალი აქვს. ამ ფაქტორმა განაპირობა ის, რომ ჯანდაცვის მსოფლიო ორგანიზაცია ნიპას სასწრაფოდ გამოსაკვლევ პრიორიტეტად მიიჩნევს.

გარდაცვლილი ცხრა ადამიანიდან სამში ნიპას ვირუსის არსებობა დადასტურდა, დანარჩენი ექვსის კვლევა ჯერ კიდევ მიმდინარეობს.

ვირუსი ნიპა

ნიპამ თავდაპირველად მალაიზიაში 1998 წელს იჩინა თავი. დაავადებით, რომელიც, რომელიც ენცეფალიტს ანუ თავის ტვინის ანთებას იწვევს, მაშინ 265 ადამიანი დაინფიცირდა, რომელთაგან 105 გარდაიცვალა.

თავდაპირველად, ცნობილი იყო, რომ ვირუსი ღორიდან ადამიანს, შემდეგ კი -ადამიანიდან ადამიანს გადაეცემოდა.

ბოლო დროის შემთხვევებმა დაადასტურა, რომ ვირუსის ბუნებრივი წყარო ხილის ღამურები გახლავთ. აღმოჩნდა, რომ ადამიანები ღამურებით დასნებოვნებული პალმის წვენის დალევის შედეგად დაავადნენ.

BBC-ის ინფორმაციით, გარდაცვლილი ადამიანების სახლებში ღამურებისგან დაღრღნილი მანგო აღმოაჩინეს.

ნიპას სიმპტომები მრავალფეროვანია. ბევრი პაციენტს აღენიშნება ცხელება და თავის ტკივილი, რასაც მოჰყვა ძილიანობა და არეულობა.

ზოგიერთ პაციენტს აღენიშნებოდა რესპირატორული გრიპის მსგავსი სიმპტომები. ზოგიერთ შემთხვევებში კი – სიმპტომები ერთ -ორ დღეში კომით დასრულდა.

ნიპას  გამოკვლევის შედეგად, მეცნიერებმა დაადგინეს, რომ ინფექცია დაავადებული ადამიანის ნერწყვით ვრცელდება.

ამჟამად კი, პრიორიტეტი დარჩენილი შემთხვევების გამოკვლევაა, რათა დადგინდეს, არსებობს თუ არა დაავადების გავრცელების საშიშროება.

 

 

წყარო: Sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

სრულად ნახვა
მედიცინასაქართველოფსიქოლოგია

თელავში ფსიქიატრიული საავადმყოფოს აშენებაში მთავრობას ჩინეთი დაეხმარება

1.42K views on

თელავში ფსიქიატრიული საავადმყოფოს აშენება იგეგმება. 

ფსიქიატრიული კლინიკის პროექტის განხორციელებაში საქართველოს ჩინეთი დაეხმარება.
ჯანდაცვის სამინისტროს ინფორმაციით, პროექტი ორ ქვეყანას შორის ,ფსიქიატრიული დაწესებულებების ინფრასტრუქტურის გაუმჯობესების პროექტის განხორციელების შესახებ“ წერილების გაცვლის გზით დადებული შეთანხმების თანახმად განხორციელდება. უწყების ცნობით, სამშენებლო ფართი, დაახლოებით, 2230 კვ.მ. იქნება.
,,ჩინეთის მხარე პასუხისმგებელია პროექტის დიზაინზე, უზრუნველყოფს მშენებლობისთვის საჭირო დანადგარების, აღჭურვილობის და მასალების მიწოდებას; საქართველოში გამოგზავნის საჭირო რაოდენობის ინჟინრებსა და ტექნიკურ პერსონალს, სამშენებლო სამუშაოების შესასრულებლად, ასევე უზრუნვეყოფს დამხმარე მოწყობილობებისა და აღჭურვილობის მოწოდებას, რაც მოიცავს დამონტაჟებასა და დატესტვას. ძი იანჩისათვის მიწერილ წერილში ჯანდაცვის მინისტრი ადასტურებს, რომ საქართველო პროექტის ფარგლებში იღებს პასუხისმგებლობას, გამოყოს მიწა საავადმყოფოების ასაშენებლად და მიწის ნაკვეთი დროებითი სარგებლობისთვის მშენებლობის მიმდინარეობის პროცესში. სახელმწიფო ამ ტერიტორიაზე მიწის ზედა და მიწის ქვეშ არსებული ყველა ბარიერის დემონტაჟს განახორციელებს და სამშენებლო ობიექტებს გაწმენს. ასევე საქართველოს მთავრობა დაეხმარება ჩინელ ინჟინრებსა და ტექნიკურ პერსონალს ვიზისა და ბინადრობის ნებართვის მიღებაში’’, – აცხადებენ ჯანდაცვის სამინისტროში.
სამინისტროში აცხადებენ, რომ ფსიქიატრიული საავადმყოფო მოიცავს ამბულატორიულ, კრიზისული ინტერვენციის, ფსიქოლოგიური რეაბილიტაციის მომსახურებისა და სტაციონარულ განყოფილებებს, საოფისე და აპარატურის ოთახებს, რომლებიც აღჭურვილი იქნება სათანადო დამხმარე მოწყობილობით.

წყარო: http://www.knews.ge/ge/

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მედიცინასაქართველო

გადაცდომების გამო, პროფესიული პასუხისმგებლობა წელს 61 ექიმს დაეკისრა

1.25K views on

პროფესიული პასუხისმგებლობა, 2018 წლის პირველი ოთხი თვის განმავლობაში,  61 ექიმს დაეკისრა. გასული წლის ანალოგიურ პერიოდში კი, 51. ინფორმაცია ამის შესახებ პირველ არხს სამედიცინო საქმიანობის სახელმწიფო რეგულირების სააგენტომ მიაწოდა.

უწყების მონაცემების თანახმად, მიმდინარე წლის პირველი მაისის მონაცემებით, წერილობითი გაფრთხილება 55 ექიმს მიეცა, ექვს ექიმს კი – სახელმწიფო სერტიფიკატის მოქმედება შეუჩერდა. წინა წლის იგივე პერიოდში, წერილობით 24 ექიმი გააფრთხილეს, სახელმწიფო სერტიფიკატის მოქმედება კი, 27 მედიკოსს შეუჩერდა.

ექიმებისთვის სანქციის დაკისრების შესახებ გადაწყვეტილებას სამედიცინო საქმიანობის სახელმწიფო რეგულირების სააგენტოსთან არსებული პროფესიული განვითარების საბჭო იღებს.

წყარო:  პირველი არხი

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკვლევებიმედიცინაფსიქოლოგია

შიზოფრენიამ შესაძლოა ფიზიკური ცვლილებებიც კი გამოიწვიოს

1.41K views on

შიზოფრენია განიხილება, როგორც გონებრივი დარღვევა და მოქმედებს ადამიანის ფიქრებზე, შეგრძნებებსა და ქმედებებზე. მაგრამ ბოლო გამოკვლევებმა აჩვენა, რომ შიზოფრენიის დროს ფიზიკურ ცვლილებებსაც განვიცდით –  დეფორმირდება ორგანოებიც.

მეცნიერებმა დიდი ხნის მანძილზე იცოდნენ, რომ შიზოფრენიით დაავადებული ადამიანების უმრავლესობას ჰქონდა ფიზიკური დაავადებები, მსოფლიოს მოსახლეობაზე დაკვირვებისას დაადგინეს, რომ სწორედ ეს ხდება, უმეტეს შემთხვევაში, ნაადრევი სიკვდილის მიზეზი.

გამოკვლევამ აჩვენა, რომ ფსიქიკური დარღვევების მქონე პირები, 15–20 წლით ადრე ტოვებენ წუთისოფელს, ვიდრე ჩვეულებრივი ადამიანები.

წყარო: Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებიმედიცინამსოფლიო

ოსტეოპოროზის სამკურნალო მედიკამენტს სიმელოტის წინააღმდეგ გამოიყენებენ

1.64K views on

ოსტეოპოროზის მკურნალობისთვის განკუთვნილ პრეპარატს  სიმელოტის წინააღმდეგ გამოიყენებენ.

მკვლევარებმა აღმოაჩინეს, რომ მედიკამენტს თმის ფოლეკულებზე შთამბეჭდავი ეფექტი აქვს და თმის ზრდას უწყობს ხელს. მათი განცხადებით, ფაქტი ლაბორატორიულად დადასტურებულია, კლინიკური დადასტურების შემთხვევაში კი –  მედიკამენტი გარღვევა იქნება თანამედროვე მედიცინაში.

იგი შეიცავს ნაერთს, რომელიც მოქმედებს პროტეინზე, რომელიც თმის ზრდის „მუხრუჭის“ როლს ასრულებს.

პროექტის ლიდერმა დოქტორმა ჰოკშოუმ ,,BBC- ის“ განუცხადა, რომ აუცილებელია მედიკამენტზე კლინიკური კვლევის ჩატარება, რათა  ადამიანებში მკურნალობის ეფექტურობა და უსაფრთხოება დადგინდეს.

ამჟამად ხელმისაწვდომია სიმელოტის (ანდროგენული ალოპეცია) სამკურნალო მხოლოდ ორი მედიკამენტი :

-,,მინდოქსიდილი“ – მამაკაცებისა და ქალებისთვის;

– ,,ფინასტერიდი“ – მხოლოდ მამაკაცებისთვის.

თუმცა, ორივე მედიკამენტს გვერდითი ეფექტები აქვს და, ხშირ შემთხვევაში არაეფექტურია, ამიტომ პაციენტები უმეტესწილად თმის ტრანსპლანტაციის ოპერაციას მიმართავენ.

,,PLOS Biology-ში“ გამოქვეყნებული კვლევა ლაბორატორიაში 40 მამაკაცის სკალპზე განხორციელდა.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
დედამიწაეს საინტერესოაკვლევებიმედიცინამსოფლიო

გეითსი მსოფლიოს ახალი დაავადების შესახებ აფრთხილებს, რომელიც ნახევარ წელში 30 მილიონ ადამიანს გაანადგურებს

3.72K views on

მსოფლიოს მოსახლეობის რიცხვის ზრდასთან ერთად ჩნდება ახალ-ახალი პათოგენები. ამავდროულად, ინდივიდუალური ადამიანისა თუ ადამიანთა ჯგუფებისთვის თანდათან უფრო იოლი ხდება დაავადებების, როგორც ბიოლოგიური იარაღის, შექმნა, რომელიც მსოფლიოს ელვის სისწრაფით შეიძლება მოედოს და რომელთან საბრძოლველადაც კაცობრიობა მზად არაა.

ამის შესახებ კომპანია ,,Microsoft-ის” დამფუძნებელმა – ბილ გეითსმა მასაჩუსეტის სამედიცინო საზოგადოების მიერ ორგანიზებულ ღონისძიებაზე განაცხადა, სადაც ეპიდემიებთან დაკავშირებული საკითხები განიხილეს.

გეითსმა აღნიშნა, რომ შესაძლოა, რომელიმე მცირე არასახელმწიფო სუბიექტმა ლაბორატორიაში ჩუტყვავილის სასიკვდილო ფორმა შექმნას. პლანეტის ერთ-ერთმა ყველაზე წარმატებულმა ადამიანმა ღონისძიებაზე სიმულაცია წარმოადგინა და აჩვენა, რომ ეპიდემიას, რომელმაც 1918 წელს 50 მილიონი ადამიანის სიცოცხლე შეიწირა, თანამედროვე დროში ექვსი თვის განმავლობაში 30 მილიონი ადამიანის განადგურება შეუძლია, ვინაიდან ,,ჩვენ ურთიერთდაკავშირებულ სამყაროში ვცხოვრობთ”.

,,წარმოიდგინეთ, მსოფლიო ქვეყნების მთავრობების რეაქცია ინფორმაციაზე იმის შესახებ, რომ იქმნება იარაღი, რომელიც 6 თვეში 30 მილიონ ადამიანს გაანადგურებს, ისინი აუცილებლად სასწრაფოდ დაიწყებენ მზადებას საფრთხის თავიდან ასაცილებლად, ბიოლოგიური საფრთხის შემთხვევაში კი გადაუდებელ მოქმედებაზე არავინ ფიქრობს. არადა მსოფლიო პანდემიისთვის ისევე სერიოზულად უნდა მოემზადოს, როგორც ომისთვის,” – განაცხადა გეითსმა.

თუმცა, ცნობილი ბიზნესმენის განმარტებით, თანამედროვე დროში ადამიანს გაცილებით მეტი რესურსი აქვს თავის დასაცავად, ვიდრე წლების წინ, ,,სულ უფრო და უფრო ვუახლოვდებით გრიპის უნივერსალური ვაქცინის შექმნის შესაძლებლობას, გვაქვს ზუსტი და სწრაფი დიაგნოზის საშუალება, რაც ძალიან მნიშვნელოვანია დაავადებასთან საბრძოლველად, გვაქვს ანტიბიოტიკები, რაც მეორადი ინფექციის, როგორიცაა – მაგალითად, პნევმონია, დამარცხებაში გვეხმარება.”

მაგრამ გეითსი აცხადებს, რომ ბიოლოგიური საფრთხის წინააღმდეგ საჭიროა მეტი ძალისხმევა, მთავრობების მხრიდან უფრო სწრაფად და კოორდინირებულად მოქმედება. ის მიიჩნევს, რომ საჭიროა უკეთესი კომუნიკაცია შეიარაღებულ ძალებსა და მთავრობებს შორის და ასევე – ძალიან მნიშვნელოვანია თანამშრომლობა კერძო სექტორთან, რათა სათანადოდ განვითარდეს სასიკვდილო დაავადების წინააღმდეგ ბრძოლის ტექნოლოგიები.

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 77 78 79 80 81 … 97
Page 79 of 97