close

მედიცინა

კვლევებიმედიცინა

რა დადებითი და უარყოფითი თვისებები შეიძლება ჰქონდეს მარიხუანას

1.48K views on

მარიხუანა ოფიციალურად მიღებულია, როგორც მსუბუქი ნარკოტიკი და არა მედიცინისთვის საჭირო წამალი, რაც იმას ნიშნავს, რომ საჭიროა მისი საფუძვლიანი გამოკვლევა.

გამოკვლევები გვიჩვენებს, რომ მარიხუანას აქვს მცირედი სასარგებლო თვისებები  ადამიანის ჯანმრთელობისთვის. კონკრეტულად , იგი აყუჩებს ტკივილს, ასევე სასარგებლოა ეპილეფსიის ერთ–ერთი ფორმის მკურნალობისთვის. ზოგიერთი მეცნიერები ამბობს , რომ შესაძლოა მარიხუანას კვლავ ჰქონდეს სხვა უფრო ეფექტური და გამოსადეგი თვისებები, ადამიანის ჯანმრთელობისთვის.

ჩატარდა კვლევა, რომელიც გვიჩვენებს, თუ რა ვიცით და არ ვიცით კანაფის შესახებ.

1.მარიხუანას შეუძლია თავი გვაგრძნობინოს კარგად, ებრძოლოს დაძაბულ და მოწყენილ ცხოვრების სტილს.

2.იგი მოქმედებს ადამიანის სისხლისა და გულის მოქმედებაზე, მაგრამ არ არის გამოკვლევები ჩატარებული ამასთან დაკავშირებით, ეს კი აუცილებელია.

3.ერთგვარი გამაყუჩებელიც შეიძლება იყოს.

4.მაგრამ მას შეუძლია ზიანი მიაყენოს თქვენი მახსოვრობის უნარს

5.ასევე ზიანს აყენებს თქვენს დროის შეგრძნებას, რამაც შეიძლება პრობლემები შეგიქმნათ ყოველდღიურ ცხოვრებაში.

წყარო : Business insider
მასალა მოამზადა : ლაშა ჟინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეს საინტერესოამედიცინა

ყავა, რომელიც თქვენს ჯანმრთელობას არ აზიანებს

1.23K views on

იმისთვის, რომ მაგარმა სასმელმა არ გვავნოს და პირიქით, მაქსიმალური სარგებელი მოგვიტანოს, აუცილებელია დავუმატოთ ლიმონი დილის ყავას.
ლიმონიან ყავას თავისი სახელწოდება შემთხვევით არ მიუღია. მის სამშობლოდ იტალია ითვლება, უფრო ზუსტად კი, რომი. მის მოსამზადებლად მხოლოდ ყავის ნატურალურ მარცვლებს, ლიმონის ახალგამოწურულ წვენსა და ცედრას იყენებენ.
მოგეხსენებათ ლიმნის წვენს უნიკალური თვისება აქვს -ამცირებს კოფეინის ნეგატიურ ზეგავლენას ორგანიზმზე. მისი მიღება პრაქტიკულად ყველას შეუძლია. რამდენიმე რჩევა ექიმებისგან თუ რატომ არის სასარგებლო ყავა „რომანო“
1. რომანო სასარგებლოა მათთვისაც, ვისაც უმადობა აწუხებს. ეს ყავა კუჭს აიძულებს, არ იზარმაცოს და წვენი გამოიმუშაოს. უმჯობესია, თუ რომანოს ჭამის შემდეგ დალევთ.
2. სასარგებლოა მათთვის, ვინც ბევრს მუშაობს, ცოტა სძინავს და სასიცოცხლო ძალების ნაკლებობას განიცდის. იმისთვის, რომ რომანომ მაქსიმალური სარგებელი მოგიტანოთ, დალიეთ დილით ადრე, საუზმიდან 40-60 წუთის შემდეგ.
3.კოფეინი ცენტრალურ ნერვულ სისტემას ასტიმულირებს, აძლიერებს სისხლის ცირკულაციას, ანორმალიზებს გაცვლით პროცესებს და ორგანიზმიდან ტოქსინებს გამოდევნის. ამ ფაქტორების გათვალისწინებით, ყავა გაცივების საწინააღმდეგო საშუალებად შეგვიძლია გამოვიყენოთ და თუ მას ლიმონსაც დავუმატებთ, მისი გამაჯანსაღებელი ეფექტი გაორმაგდება

მასალა მოამზადა : ლაშა ჟინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიოლოგიამედიცინა

ჩინელი მეცნიერი ამტკიცებს, რომ გენეტიკურად რედაქტირებული ტყუპი გოგონა შექმნა

1.36K views on

ჩინელი მეცნიერი აცხადებს, რომ მან პირველი გენეტიკურად მოდიფიცირებული ბავშვები შექმნა. პროფესორი ჰი ჯიანკუის მტკიცებით, მან რამდენიმე კვირის წინ დაბადებული ტყუპი გოგონას დნმ-ი შეცვალა. რათა ემბრიონები ადამიანისიმუნოდეფიციტისვირუსის(HIV) განგაეთავისუფლებია.

მეცნიერის განცხადებები სხვა მეცდნიერებმა გააკრიტიკეს და იდეას საზარელი უწოდეს. აღსანიშნავია, რომ ეს საქმიანობა მსოფლიოს უმეტეს ქვეყნებში აკრძალულია.

მომავალი თაობები

გენის რედაქტირების საშუალებით შესაძლებელია მემკვიდრეობითი დაავადებების  თავიდან აცილება ემბრიონებში საშიში კოდირების „წაშლის“  ან შეცვლის გზით.

თუმცა ექსპერტები აცხადებენ, რომ ემბრიონის გენომში ინტერვენციამ შესაძლოა ზიანი მიაყენოს არა მხოლოდ ინდივიდს, არამედ მომავალ თაობებსაც, ვინაიდან ტექნოლოგია ჯერ კიდევ ექსპერიმენტულია და დნმ-ის ცვლილებები შემდეგ თაობებს გაუთვალისწინებელი გვერდითი მოვლენებით შეიძლება გადაეცეს.

უამრავ ქვეყანაში, მათ შორის დიდ ბრიტანეთში, არსებობს კანონი, რომელიც გენომის რედაქტირებას კრძალავს. მეცნიერებს რედაქტირების კვლევის ჩატარება მხოლოდ უსარგებლო ინვინტრო განაყოფიერებულ ემბრიონებზე აქვთ, რის შემდეგაც მას ანადგურებენ და ნაყოფის შესაქმნელად არ იყენებენ.

დიზაინერი ბავშვები

პროფესორი ჰი, რომელმაც განათლება აშშ-ში, სტენფორდის უნივერსიტეტში მიიღო, აცხადებს, რომ გენური რედაქტირება მან ტყუპი გოგონას – ლულუსა და ნანას შესაქმნელად გამოიყენა.

ვიდეოში, რომელიც გამოცემა Associated Press-ში გამოქვეყნდა, პროფესორი აცხადებს, რომ მან ე.წ. CCR5 გენი აღმოფხვრა, რათა გოგონები მომავალში HIV-თან კონტაქტის შემთხვევაში ვირუსისგან სამუდამოდ დაცულები ყოფილიყვნენ.

პროფესორი ჰი ამტკიცებს, რომ მისი მიზანი ლამაზი თვალის ფერის ან მაღალი IQ-ს მქონე ბავშვების შექმნა კი არაა, არამედ ბავშვების, რომლებიც სცვადასხვა დაავადებისგან დაცულები იქნებიან.

„ვიცი, ამ ნაბიჯის გამო გამაკრიტიკებენ, მაგრამ ისიც ვიცი, თუ რამდენად ესაჭიროებათ ოჯახებს ეს ტექნოლოგია, ამიტომ მზად ვარ, მათ გამო კრიტიკა ავიტანო,“ აცხადებს ჰი აღნიშნულ ვიდეოში.

გენის რედაქტირება და მასთან დაკავშირებული რისკი

ოქსფორდის უნივერსიტეტის ეექსპერტი, პროფესორი ჯულიან სავულესკო აცხადებს, რომ გენის რედაქტირება ექსპერიმენტულია და ჯერ კიდევ დაკავშირებულია მოულოდნელ მუტაციებთან, რაც ცხოვრების გარკვეულ ეტაპზე გენეტიკურ დაავადებებს, მათ შორის კიბოს განვითარებას, იწვევს.

მეცნიერები აცხადებენ, რომ შესაძლოა ერთ დღეს გენის რედაქტირება გამართლებულ საქმიანობად იქცეს, თუმცა მანამდე „ასჯერ გაზომვაა“ საჭირო.

ლონდონის წმინდა გიორგის სახელობის უნივერსიტეტის ექსპერტი ადამიანის გენეტიკის საკითხებში იალდა ჯამშიდი აცხადებს, რომ გენის რედაქტირების გრძელვადიანი ეფექტის შესახებ ჯერ ძალიან ცოტა რამაა ცნობილი და ადამიანების უმეტესობას აღნიშნულ საკითხზე ექსპერიმენტების ჩატარება მორალურად და ეთიკურად მიუღებელად მიაჩნია. „განსაკუთრებული სიფრთხილის გამოჩენა გვმართებს, როცა საქმე მომავალ თაობასთან დაკავშირებულ რისკებს ეხება,“ აცხადებს  პროფესორი ჯამშიდი.

წყარო :  www.bbc.com

სრულად ნახვა
მედიცინასაქართველო

შინმოვლის სერვისი 185 000 ადამიანს სჭირდება,  მომსახურებით კი – მხოლოდ 5% სარგებლობს

1.49K views on

საქართველოში დაახლოებით 185 000 ადამიანი გრძელვადიან ზრუნვასა და მკურნალობას – შინმოვლას საჭიროებს. შესაბამისი მონაცემები მოსახლეობის საყოველთაო აღწერის შედეგებშია ასახული.

დღეისათვის, ბენეფიციარებს შინმოვლის მომსახურებას ცალკეული არასამთავრობო ორგანიზაციები დონორების დახმარებით აწვდიან. თუმცა, ის ძირითადად სოციალურად დაუცველი თემისთვის არის განკუთვნილი. შინმოვლის სერვისს სახელმწიფო ფრაგმენტულად აფანინასებს (სერვისი გათვალისწინებულია პალიატიური ზრუნვის პროგრამაში) და ჯანდაცვის პროგრამებში თითქმის არ არის გათვალისწინებული.

როგორც „საქართველოს კარიტასის“ ჯანდაცვის პროგრამის მენეჯერი  – გაიოზ ყუბანეიშვილი ამბობს, დღეისათვის, საერთო ჯამში შინმოვლის სერვისით ბენეფიციარების მხოლოდ 5 პროცენტი სარგებლობს (,,კარიტასი“ ერთ პროცენტს ფარავს), დანარჩენი კი კვალიფიციური სერვისის მიღმა რჩება – მათ მომსახურებას უწევენ ოჯახის წევრები ან მომვლელი, რასაც თან ერთვის არასათანადო სერვისი და მომსახურების დაბალი ხარისხი.

სერვისს მიღმა დარჩენილი მოსახლეობისთვის კვალიფიციური მომსახურების მისაწოდებლად, ორგანიზაცია შინმოვლის ფასიან მომსახურებას ნერგავს.

გაიოზ ყუბანეიშვილის განცხადებით, მომსახურების მაღალი დონის უზრუნველსაყოფად, მკურნალობისა და ზრუნვის თანამედროვე მეთოდების შესწავლის მიზნით, მათთან მოქმედებს სამედიცინო პერსონალის პროფესიული კვალიფიკაციის ამაღლების პროგრამა, რომელიც გერმანელი სპეციალისტების მიერ ხორციელდება. ორგანიზაციის ინიციატივით, შემუშავდა შინმოვლის სასწავლო მოდული და ყოველწლიურად 400 სტუდენტი პროგრამას პროფესიულ სასწავლებლებში გადის.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

 

 

 

 

 

სრულად ნახვა
მედიცინასაქართველო

ძუძუს კიბოს მეოთხე სტადიით დაავადებული პაციენტები პერჯეტასა და ჰერცეპტინს 80%-იანი ფასდაკლებით მიიღებენ

1.16K views on

 

2019 წლის იანვრიდან ძუძუს კიბოს სამკურნალომედიკამენტით უზრუნველყოფის პროექტიფართოვდება, – ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის დავით სერგეენკომ განაცხადა.

მინისტრის ინფორმაციით, მომავალი წლიდანძუძუს კიბოს მეოთხე სტადიით დაავადებულიპაციენტები, სამკურნალო მედიკამენტებს – პერჯეტასა და ჰერცეპტინს 80%-იანი ფასდაკლებითმიიღებენ.

დავით სერგეენკოს თქმით, თუ აქამდე აღნიშნულიმედიკამენტის ღირებულების 80% დაავადებისპირველი, მეორე და მესამე სტადიის მქონეპაციენტებს უფინანსდებოდათ, ახლა პროგრამაკიდევ უფრო გაფართოვდება. ამასთან, დავითსერგეენკოს განცხადებით, 2019 წლის იანვრამდედაავადების მეოთხე სტადიის მკურნალობისთვისსაჭირო მედიკამენტების დაფინანსებას სახელმწიფოდიდ ქალაქებში ცდილობდა, ჯანდაცვისსამინისტროსა და მწარმოებელ კომპანია “როშეს” შორის მიღწეული შეთანხმებით კი ყველა რეგიონისჩართვა გახდა შესაძლებელი.

რაც შეეხება სოციალურად დაუცველის სტატუსისმქონე პირებს, დავით სერგეენკოს განცხადებით, ძუძუს კიბოს სამკურნალო მედიკამენტებისღირებულების 80%-ს მათ აღნიშნული პროგრამა, 20%-ს კი ადგილობრივი მუნიციპალიტეტებიაუნაზღაურებენ.

საქართველოში ყოველწლიურად, ძუძუს კიბოს1500-ზე მეტი შემთხვევა ფიქსირდება. დაავადებისსამკურნალო მედიკამენტის–ჰერცეპტინისღირებულება, რომელიც მნიშვნელოვნად ზრდისდაავადების რემისიას და სიცოცხლისხანგრძლივობას, ერთ პაციენტზე წლიურად 72000-ზე მეტ ლარს შეადგენს. არსებული პროგრამა 2016 წლის თებერვლიდან დაიწყო, რომელიც მიზნადდაავადების სამკურნალო მედიკამენტზეხელმისაწვდომობის გაზრდას ისახავს. პროექტი, ჯანდაცვის სამინისტროს, თბილისის მერიისა დამედიკამენტის მწარმოებელი კომპანია „როშეს“ ერთობლივი ძალისხმევით განხორციელდა. პროგრამაში ჩართული პაციენტები, რომლებიცდავადებული არიან ძუძუს კიბოს: პირველი, მეორედა მესამე სტადიით მთელი საქართველოსმასშტაბით ძვირადღირებულ მედიკამენტებს 80%-იანი თანადაფინანსებით იღებენ, რაც წლიურადერთ პაციენტზე 6000-მდე ლარს შეადგენს. პროგრამის დაწყებიდან დღემდე უკვე ისარგებლა400-ზე მეტმა პაციენტმა.

მასალა მომაზადა : თამარ ტაბატაძემ

სრულად ნახვა
გამოგონება - ინოვაციამედიცინა

მეცნიერებმა 3 ადამიანის ტვინი ერთმანეთს დაუკავშირეს

2.29K views on

ნეირომეცნიერებმა წარმატებით დააკავშირეს სამი ადამიანის ტვინი ერთმანეთთან, ჯგუფი ფიქრობს, რომ მათი ექსპერიმენტის წყალობით ადამიანებს საშუალება მიეცემათ  რამდენიმე სახის გონება დავუკავშირონ ერთმანეთს.

ადამიანების, ერთმანეთთან დაკავშირების გარდა ახალ პროექტს სხვა მიზანიც აქვს –  გამოიკვლიოს ადამიანის ტვინი უფრო დეტალურადაც.

ექსპერიმენტი ჩატარდა სამი ადამიანის გონებაზე, ისინი ერთმანეთთან იყვნენ დაკავშირებული, როდესაც მათ საერთო ძალებით უნდა გადაეჭრათ პრობლემა, კერძოდ მათ ათამაშეს „ტეტრისის“ სახეობის თამაში, სადაც სხვადასხვა სახის ფიგურები ცვივა და მათ უნდა გადაეწყვიტათ ერთობლივად, თუ რომელ ფიგურას ესაჭიროებოდა მდგომარეობის შეცვლა.

წყარო : Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მედიცინასაქართველო

საქართველოში უშვილო წყვილებს მკურნალობაში ფონდი „შენთვის” დაეხმარება

14.1K views on

საქართველოში უშვილო წყვილებმა სამედიცინო პროცედურების ჩასატარებლად შეიძლება დაფინანსება მიიღონ, იუწყება ტელეკომპანია Rustavi2.
ფონდის „შენთვის” ინიციატივით საქველმოქმედო აქცია ჩატარდა. ფონდის დაარსების მიზანია თანამედროვე რეპროდუქციული ტექნოლოგიების გზით უშვილო წყვილებისთვის სამედიცინო სერვისების დაფინანსება. ღონისძიებას ესწრებოდნენ პარლამენტის, დიპლომატიური კორპუსის, ბიზნესის, კულტურისა და მასმედიის წარმომადგენლები.
„უამრავი ექიმია აქ შეკრებილი, რომლებიც გავერთიანდით იმისთვის, რათა დავეხმაროთ უშვილო წყვილებს. ეს პრეცედენტი საქართველოში, პრაქტიკულად, პირველია. დღეს ჩვენთან ერთად არიან საფრანგეთის, ისრაელის ელჩები. ამ ქვეყნებში სრულად ფინანსდება ინვიტრო განაყოფიერება და უშვილობის მკურნალობა. ჩვენ გვსურს ეს პრეცედენტი საქართველოშიც დავნერგოთ”, – განაცხადა ფონდის „შენთვის” დამაარსებელმა ნინო მუსერიძემ.საღამოს დასასრულს გაიმართა ქართველი მხატვრების ნახატებისა და ნაკეთობების აუქციონი. შემოსული თანხა უშვილო წყვილებისთვის სამედიცინო პროცედურების ჩატარებას მოხმარდება.ფონდის დამაარსებელი ნინო მუსერიძე ასოცირებული პროფესორი, მარდალეიშვილის სახელობის სამედიცინო ცენტრის ინვიტრო განაყოფიერების დეპარტამენტის ხელმძღვანელი, ექიმი-პათოლოგანატომი და ემბრიოლოგია.ფონდს „შენთვის” გაეროს მონაცემები მოჰყავს, რომლის თანახმად, 2050 წლისთვის საქართველოს მოსახლეობა 30%-ით შემცირდება. ფონდის თანამშრომლების განცხადებით, აუცილებელია უშვილობის მკურნალობის დაფინანსებაში სახელმწიფოს ჩართვა.

არაოფიციალური სტატისტიკით, საქართველოში ხელოვნური განაყოფიერების გზით დაახლოებით სამი ათასი ბავშვი დაიბადა. ეს რიცხვი, შესაძლოა, უფრო მაღალი ყოფილიყო, თუ სახელმწიფო დააფინანსებდა მკურნალობის კურსს, აცხადებენ ფონდში.

დაინტერესებულ პირებს შეუძლიათ ფონდს ელექტრონულ ფოსტაზე shentvis4u@gmail.com.

ახალგაზრდა ანალიტიკოსთა და მეცნიერთა დარბაზი “დოქტრინა”

 

სრულად ნახვა
მედიცინა

სისხლის ახალი ტესტი, რომლითაც სეფსისის დადგენა 1000-ჯერ უფრო ეფექტურადაა შესაძლებელი

1.6K views on

ამერიკაში ყოველწლიურად ბაქტერიული ინფექციიისგან გამოწვეული სეფსისი 1,5 მილიონი შემთხვევა ფიქსირდება, რომლისგანაც დაახლოებით 250,000 ფატალურია.

მეცნიერები ამტკიცებენ, რომ დიაგნოსტიკის ახალი სისტემის საშუალებით ამ სტატისტიკის მნიშვნელოვნად გაუმჯობესებაა შესაძლებელი. კოლუმბიის უნივერსიტეტის მკვლევარებმა ახალი პლატფორმა BacCapSeq-ი შექმნეს, რომელიც ადამიანის ყველა ცნობილი პათოგენური ბაქტერიის ერთდროული სკრინინგისს და ანტიბიოტიკების მიმართ  რეზისტენტობis გამომწვევი გენების იდენტიფიცირების შესაძლებლობასა იძლევა.

მეცნიერები აცხადებენ, რომ ლეტალური ბაქტერიული ინფექციების სწრაფი დიაგნოზირება ყოველწლიურად ათასობით სიცოცხლეს გადაარჩენს.

„BacCapSeq იქნება საუკეთესო საშუალება მედიკოსებისთვის, მაოხდინონ ყველა ცნობილი პათოგენური ბაქტერიის, მათ შორის სეფსისის გამომწვევი ბაქტერიების, სწრაფი და სარწმუნო სკრინინგი. ეს პლატფორმა ტრადიციულ ტესტზე 1000-ჯერ სენსიტიურია, რომელიც ყოველ ჯერზე მხოლოდ ერთი ბაქტერიის სკრინინგს ახდენს,“ აცხადებს კოლუმბიის უნივერსიტეტის ინფექციისა და იმუნიტეტის ცენტრის გენეტიკოსი ორქიდ ოლიქოქი. გარდა ამისა,  BacCapSeq-ის საშუალებით შედეგების მიღება 70 საათშია შესაძლებელი, განსხვავებით ტრადიციული ტესტისა, რომელსაც შედეგის დასადგენად ორიდან რამდენიმე დღე ჭირდება.

BacCapSeq-ი 4,2 მილიონ მეტზე მოლეკულის – ოლიგონიუკლეოტიდების საშუალებით მუშაობს. ისინი სისხლის ნიმუშებში ჩამალული ბაქტერიის დნმ-ის თანამიმდევრობებთან დაკავშირების გზით გენეტიკური მკვლევარების როლს ასრულებენ. ამ გზით არა მხოლოდ ბაქტერიის აღმოჩენა ხდება, არამედ ასევენებისმიერი  ანტიმიკრობული გენის მარკერის.

თუმცა, მკვლევარები აღიარებენ, რომ BacCapSeq-თან დაკავშირებით გარკვეული შეზღუდვები არსებობს. მაგალითად, იმის გამო, რომ ტესტი ბაქტერიების იდენტიფიცირების თვალსაზრისით კვალიტეტურია და არა კვანტიტეტური, მას იმ ნაწილში, სადაც მნიშვნელოვანი ბაქტერიების რაოდენობის ცოდნაა, PCR ტესტის ჩანაცვლება არ შეუძლია.

გარდა ამისა, BacCapSeq-ს უცნობი პათოგენების აღმოჩენა არ შეუძლია, ვინაიდან მათი კოდური თანამინდევრობის 40 პროცენტი ცნობილი პათოგენებისგან განსხვავდება.

ასე რომ, მეცნიერებს ჯერ კიდევ ბევრი სამუშაო აქვთ დიაგნოსტიკის ამ ახალი სისტემის დასახვეწად.

 

წყარო : www.dailymail.co.uk

მასალა მომაზადა : თამარ დევდარიანმა

სრულად ნახვა
მედიცინა

დიაბეტის მკურნალობის ახალი მეთოდი, რომელმაც შესაძლოა ინსულინის ყოველდღიური ინექცია ჩაანაცვლოს

1.33K views on

ჰოლანდიელმა მეცნიერებმა ახალი კვლევის შედეგები წარმოადგინეს, რომელიც, შესაძლოა, მედიცინაში გარღვევად იქცეს და ინსულინის ყოველდღიური ინექცია ჩაანაცვლოს.

წვრილ ნაწლავში ლორწოვანი გარსის განადგურებით მეცნიერებმა ტიპი 2 დიაბეტის მქონე პაციენტების სისხლში შაქრის დონის დასტაბილურება შეძლეს. კვლევის შედეგებს მედიკოსებმა „შთამბეჭდავი“ უწოდეს.

პროცედურის ფარგლებში 50 პაციენტების ორგანიზმში (პირიდან წვრილ ნაწლავამდე) მილაკი მოათავსეს მილაკს  ბოლოშიპატარა ბუშტი ჰქონდა დამაგრებული, რომელიც ცხელი წყლით იყო გაბერილი. ცხელი წყლით სავსე ბუშტის საშუალებით ლორწოვანი მემბრანა ამოწვეს. ამ მარტივი ოპერაციიდან ორ კვირაში ახალი მემბრანა წარმოიქმნება და პაციენტის ჯანმრთელობა უმჯობესდება.

მკურნალობის დაწყებიდან ერთი წლის შემდეგ, დაავადება პაციენტების 90% -ში დასტაბილურდა. ითვლება, რომ ტიპი 2 დიაბეტის პაციენტებში არსებობს კავშირი ლორწოვანი გარსის მიერ წვრილ ნაწლავში საკვები ნივთიერებების შეწოვასა დაინსულინის წინააღმდეგობის განვითარებას შორის.

ამსტერდამის უნივერსიტეტის გასტროენტეროლოგიის პროფესორი ჟაკ ბერგმანი აცხადებს, რომ  მკურნალობის ამ მეთოდის შედეგად შესაძლოა ინსულინის გამოყენება საჭირო აღარ გახდეს.

მეცნიერებს, რომლებმაც აღნიშნული კვლევის შედეგები ვენაში გამართულ კონფერენციაზე წარადგინეს, მოუწოდეს, რომ იყვნენ „აღფრთოვანებულები“, თუმცა გამოიჩინონ სიფრთხილე კვლევის პირველადი შედეგების მიმართ.

დიაბეტის საერთაშორისო ფედერაციისმონაცემებით, მსოფლიოს მოზრდილი მოსახლეობის 8.3% – 382 მილიონზე მეტი ადამიანიდაავადებულია დიაბეტით, რომელთაგან დაახლოებით 46%-ს არ აქვს დასმული დიაგნოზი. შესაბამისი ინტერვენციების გარეშე, მოსალოდნელია, რომ დაავადებულთა რიცხვი2035 წლისათვის 592 მილიონს მიაღწევს, ხოლო სიკვდილიანობის მიზეზთა შორის დიაბეტი მე-7 ადგილს დაიკავებს. მსოფლიოშიდიაბეტთან დაკავშირებული გართულებების გამო ყოველწლიურად3.4 მილიონი ადამიანი იღუპება.

წყარო : www.theguardian.com

მასალა მოამზადა : თამარ ტაბატაძემ

სრულად ნახვა
მედიცინა

ჩვილს ხერხემლის ოპერაცია მუცლად ყოფნის პერიოდში ჩაუტარდა

1.64K views on

ბრიტანეთში ჩვილს,რომელსაც ხერხემლის დეფექტის, ხერხემლის ნაპრალის, დიაგნოზი დაუსვეს,  ოპერაცია მუცლად ყოფნის პერიოდში ჩაუტარდა. ოპერაციას 30 მედიკოსისგან შემდგარი გუნდი ლონდონის საუნივერსიტეტო კოლეჯის საავადმყოფოში  90 წუთის განმავლობაში ატარებდა. აღნიშნული ქირურგიული ჩარევა ბრიტანეთში პირველად ჩატარდა, თუმცა სხვა ქვეყნებში, მათ შორის აშშ-სა და ავსტრალიაში, უკვე დამკვიდრებულ პრაქტიკად იქცა.

ჩატარებული პროცედურა სარისკო იყო არა მხოლოდ ნაყოფისთვის, არამედ დედისთვისაც.

ხერხემლის ნაპრალი გახლავთ მდგომარეობა, როდესაც მემბრანის ხერხემლის ძვლების განვითარება დაუსრულებელია. სტატისტიკის თანახმად, ბრიტანეთში ყოველი 1000 დაბადებული ჩვილისგან ერთს ნერვული მილის დეფექტი – ხერხემლის ნაპრალი აქვს. დაავადება დაკავშირებულია გენეტიკურ ფაქტორებთან და ფოლიუმის მჟავის არასაკმარის მიღებასთან.

დეფექტის ყველაზე მწვავე ფორმამ – მიელოენენოციკლმაშესაძლოა გამოიწვიოს უამრავი პრობლემა დამოუკიდებლად სიარულით დაწყებული სწავლის უნარის დაქვეითებით დამთავრებული.

წარსულში ქირურგები დაზიანებულ ხერხემალს ხურავდნენ ბავშვის დაბადებისთანავე და ეს საკმაოდ ინვაზიური სამედიცინო პროცედურა იყო, რომელიც მოიცავდა დაზიანებული მონაკვეთის დახურვას და ხერხემლის სითხის დაგროვების თავიდან აცილების მიზნით დროებითი შუნტის ჩადგმას.

დაახლოებით ოცი წლის წინ აშშ-ში, ფილადელფიის ბავშვთა საავადმყოფოს ქირურგებმა 23 კვირის ნაყოფს ნაპრალის დახურვის ოპერაცია წარმატებით ჩაუტარეს.

პროცედურა დღესაც უცვლელია : დედის საშვილოსნოზე გაკეთებული განაჭერისგან ექიმები ნაყოფის დაზიანებულ მემბრანებს ხურავენ. ნაყოფი დაბადებამდე მოძლიერებას ასწრებს. ქირურგიული ჩარევა საშვილოსნოში ყოფნის პერიოდში დაკავშირებულია ისეთ რისკებთან, როგორიცაა ნაადრევი მშობიარობა ან ინფექცია, თუმცა ამცირებს სანაყოფე წყლებისგან ქსოვილების დაზიანების საშიშროებას.

მედიკოსები დილემის წინაშე აღმოჩნდნენ : ოპერაცია ნაყოფს გამოჯანმრთელების შანსსაძლევს, თუმცა ის დაკავშირებულია სიკვდილისა და დაინვალიდების რისკთან. ამ დილემის გადასაჭრელად დღემდე არაერთი კვლევაა ჩატარებული. გადამწყვეტი აღმოჩნდა 2011 წელს გამოქვეყნებული კვლევა – მიელოენინგოკალის შესწავლის მართვ, რომლის შედეგებმა აჩვენა, რომ ადრეული ჩარევა შუნტირების საჭიროებას ამცირებს და ბავშვის მოძრაობის უნარს აუმჯობესებს.

მეცნიერთა მტკიცებით, არიან ბავშები, რომლებსაც აღნიშნული ოპერაცია დედის საშვილოსნოშივე ჩაუტარდათ და დღესისინი ჩვეულებრივად დადიან. „რომ არა ეს ოპერაცია, ისინი ვერასდროს შეძლებდნენ ამას,“ აღნიშნავენ მედიკოსები.

წყარო : www.sciencealert.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
1 … 74 75 76 77 78 … 97
Page 76 of 97