მედიცინა

ამ ეტაპზე მათ სიცოცხლეს საფრთხე არ ემუქრება, – ამის შესახებ პირველი საუნივერსიტეტო კლინიკის დირექტორმა, ლევან რატიანმა შატილში მომხდარი ტრაგედიის დროს დაშავებული 3 პირის ჯანმრთელობის მდგომარეობაზე საუბრისას განაცხადა.

„პაციენტები იმყოფებიან მართალია რეანიმაციულ განყოფილებაში, მაგრამ მინდა გითხრათ, რომ ვიტალური ფუნქციები სამივე მათგანთან არის აღდგენილი.

ჰემოდინამიკა ამ ეტაპზე სამივე პაციენტთან არის აღდგენილი, ასევე ორ მათგანთან გვაქვს კარგი ნევროლოგიური სტატუსი, ეს იმას ნიშნავს, რომ ჩაძახილზე ისინი ახელენ თვალს. ასრულებენ მარტივ ინსტრუქციებს.

რაც შეეხება მესამე ქალბატონს, რომელიც არის 32 წლის ასაკის, მას გუშინ ჩაუტარდა რეკონსტრუქციული ოპერაცია სახის ძვლების, მისი მდგომარეობა ამ ეტაპზე რჩება სტაბილურად მძიმე, მაგრამ დადებითი დინამიკით,” – განაცხადა ლევან რატიანმა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

თბილისში, სასწრაფო სამედიცინო დახმარებამ, 79 წლის მამაკაცს გაჩერებული გული აუმუშავა. სასწრაფო დახმარების ეკიპაჟის წევრები იყვნენ – უფროსი ექიმი მაია ქურდაძე, უმცროსი ექიმი თამთა ლაშხია და მძღოლი დავით მექერიშვილი, რომლებმაც მხოლოდ 2020 წელს, უკვე მეოთხე ადამიანს აუმუშავეს გული.
“პაციენტი საკმაოდ მძიმე მდგომარეობაში დაგვხვდა. იმწამსვე მივხვდით, რომ სასწრაფოდ კლინიკაში უნდა გადაგვეყვანა. გზაში გული გაუჩერდა, სუნთქვაც შეწყვიტა… დაუყოვნებლივ დავიწყეთ გულ-ფილტვის რეანიმაცია. გაუჩერებლად ვატარებდით მანიპულაციებს და ბოლოს, შედეგი გამოიღო. მამაკაცის გულისცემა აღდგა, სუნთქვაც დაიწყო… ფაქტობრივად, “ახალი სიცოცხლით” შევიყვანეთ კლინიკაში”, – აცხადებს უფროსი ექიმი მაია ქურდაძე.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

თბილისის ონკოლოგიური საავადმყოფო დროებით მუშაობას შეაჩერებს, მიზეზი კი კლინიკის რეაბილიტაციაა. ამ თემაზე ჯანდაცვის მინისტრის მოადგილე გიორგი წოწკოლაურმა “პირველ არხთან” საუბრისას განაცხადა.

მისივე განცხადებით, სარეაბილიტაციო სამუშაოები წლის ბოლოს ან გაზაფხულზე დასრულდება. კლინიკა არის ამორტიზებული და ასევე ბოლო პერიოდის განმავლობაში ჰქონდა ფინანსური პრობლემები.

რაც შეეხება კლინიკაში მომუშავე პერსონალს, წოწკოლაურის განცხადების მიხედვით, მათ შეუნარჩუნდებათ სამუშაო ადგილები და კლინიკის აღდგენისთანავე დაუბრუნდებიან პოზიციებს, მანამდე კი, სამი-ოთხი თვის განმავლობაში ისინი მიიღებენ წინა წლებში დაგროვილ 10-თვიან დავალიანებას და 2 თვის კონპენსაციას.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ბავშვების ორგანიზმში ტყვიის შემცველობის კვლევის სახელმწიფო პროგრამა ფართოვდება და ძლიერდება – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ონლაინ პრესკონფერენციისას ისაუბრა.

„მას შემდეგ, რაც ეს კვლევა ჩატარდა 2018 წელს, შეიქმნა სახელმწიფო პროგრამა. ამ სახელმწიფო პროგრამით 2019 წელს 504 ბავშვი და მათი ოჯახის 692 წევრი გამოიკვლიეს, შესაბამისი რჩევა-დარიგებებით, შესაბამისი პრეპარატების მიცემით, სადაც საჭირო იყო. 2020 წელს ეს პროგრამა უფრო გაფართოვდა და გრძელდება. დღეს ამ პროგრამით ორიდან შვიდ წლამდე 1 500-მდე ბავშვია უკვე გამოკვლეული, ასევე, მათი ოჯახის წევრები.პროგრამა გრძელდება და ასევე, ძლიერდება დაავადებათა კონტროლის ეროვნულ ცენტრში შესაბამისი ლაბორატორიული სიმძლავრეები ორგანიზმში ტყვიის გამოსაკვლევად. მოგეხსენებათ, ტყვია პრობლემაა, რომლის გადაწყვეტაც ერთ თვეში, ერთ წელიწადში არ ხდება. მას დრო სჭირდება და ვფიქრობთ, რომ სწორ გზაზე ვართ. ჯერჯერობით, კვლევებით, ბავშვებში ტყვიის შემცველობასთან დაკავშირებით რადიკალური შემცირების ტენდენცია არ არის, მაგრამ იგივე დონეზე ვრჩებით, დაახლოებით მსუბუქი მატება გვაქვს, სადღაც 25-30 პროცენტში“, – აცხადებს ამირან გამყრელიძე.

ახალგაზრდა ანალიტიკოსთა და მეცნიერთა დარბაზი – ,,დოქტრინა”