კვლევები

ახალშობილებს, რომელთა დედებიც ორსულობის დროს კოვიდ 19-ით იყვნენ ინფიცირებულები, ვირუსის საწინააღმდეგო ანტისხეულები აღმოაჩნდათ. ინფორმაციას ამის შეახებ „როიტერი“ ავრცელებს.

„სამეანო და გინეკოლოგიური კვლევითი ქსელის“ მიერ ჩატარებული კვლევის მიხედვით, ანტისხეულების რაოდენობა ახალშობილებში სხვადასხვაგვარი იყო. იმ ჩვილებს, რომლების დედებიც კოვიდ 19-ით მაშინ იყვნენ ინფიცირებულები, როდესაც მშობიარობამდე შედარებით ნაკლები დრო იყო დარჩენილი, უფრო მეტი ანტისხეულები ჰქონდათ.

კვლევის დასრულებამდე ხუთმა ორსულმა იმშობიარა და ხუთივეს შვილი ანტისხეულებით დაიბადა.

როგორც გამოცემა წერს,  იმის დასადგენად, მცირდება თუ არა ანტისხეულების რაოდენობა ჩვილის ზრდასთან ერთად, დამატებითი გამოკვლევის ჩატარებაა საჭირო.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ამერიკელმა და ფრანგმა მეცნიერებმა დაადგინეს, რომ ზაფხულში კორონავირუსის გავრცელება მასზე ულტრაიისფერი სხივების დამანგრეველი ზემოქმედების გამო იკლებს. ამასთან, სოციალური უსაფრთხოების ზომებთან შედარებით, მზის სხივების გავლენა ვირუსის გადაცემაზე არცთუ მაღალია. კვლევის შედეგები ჟურნალში – Proceedings of the National Academy of Sciences – გამოქვეყნდა.

მეცნიერები, პოლიტიკოსები, თუ სხვა სფეროების წარმომადგენლები ერთობლივად ცდილობენ დაადგინოდ, რამდენად შესაძლოა, რომ COVID-19 სეზონურ დაავადებად იქცეს. სწორედ ამ ასპექტზეა დამოკიდებული პანდემიაზე რეაგირების სტრატეგია.

სანტა-ბარბარას, ჰარვარდის და ფრანგული პარი-საკლეს უნივერსიტეტის მკვლევარებმა გამოიყენეს სტატისტიკის მეთოდების ნაკრები, რათა გაეანალიზებინათ, რამდენად კორელირებს ეს ოთხი ფაქტორი – ულტრაიისფერი გამოსხივება, ტემპერატურა, ტენიანობა და ნალექი – COVID-19-ის ყოველდღიური გავრცელების ტემპზე ამათუიმ რეგიონში.

მეცნიერება აღმოაჩინეს მტკიცებულება, რომ მზის შუქის ულტრაიისფერი გამოსხივება COVID-19-ის გადაცემას უმნიშვნელოდ ამცირებს. მაგალითად, ლოს-ანჯელესში, ივნისში, დღე-ღამეში მოსახლეობის ინფიცირების ტემპი 12% იყო, მაისში კი – 13%.

მოდელირებამ აჩვენა, რომ  ჩრდილოეთ რეგიონებში იანვრიდან ივნისამდე ინფიცირების ტემპი უნდა შემცირდეს 7,4%-ით, დეკემბრისთვის კი გაიზარდოს 7,8 პროცენტით. სამხრეთ ნახევარსფეროში შესაბამისად, პირიქით სურათი გვექნება.

ამასთან, მეცნიერები მიიჩნევენ, რომ ულტრაიისფერი გამოსხივება მთავარი ბუნებრივი ფაქტორია, რაც კორონავირუსის გავრცელებაზე გავლენას ახდენს.

„კორონავირუსის სახეები, როგორებიცაა 2003 წლის SARS-СoV-ი და 2012 წლის MERS-СoV-ი სუსტად დაკავშირებულები აღმოჩნდნენ ჰაერის ტემპერატურასა და ტენიანობასთან, მაგრამ მგრძნობიარეები იყვნენ ულტრაიისფერი გამოსხივების მიმართ“, – აცხადებს კვლევის ერთ-ერთი ავტორი კაილი მენგი.

ულტრაიისფერი სხივების გავლენა COVID-19-ზე შესაძლოა რამდენიმე ფაქტორით იყოს გამოწვეული.

პირველი – ბიოლოგიური. ილტრაიისფერი სხივი შლის ნუკლეინმჟავებს, რასაც ვირუსი მისი გენეტიკური ინფორმაციის კოდირებისთვის იყენებს.

სხვა ფაქტორი – ქცევითი. ზაფხულის მზიან ამინდში ადამიანები ხშირად გადიან ჰაერზე, რაც ვირუსს უფრო მეტად მოწყვლადს ხდის.

ერთ-ერთი ავტორი, ჯონათან პროქტორი მიიჩნევს, რომ ულტრაიისფერ გამოსხივებას ვირუსის დეაქტივირება მისი გადაცემის პროცესშიც შეუძლია, მაგალითად, როცა ის არის ჰაერში, ან ღია ზედაპირზე.

მკვლევარების აზრით, ულტრაიისფერი გამოსხივების სეზონური გავლენა ვირუსსე სინამდვილეში არსებობს, მაგრამ ის საერთო ჯამში არ არის იმდენად მაღალი სოციალური დისტანცირების ზომებთან შედარებით, როგორიც არის მოგზაურობის შეზღუდვა, სკოლების დაკეტვა, ან იზოლაცია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

მილანის ჯანდაცვის ბიოსამედიცინო მეცნიერებათა დეპარტამენტის ანგარიშის თანახმად, კორონავირუსი იტალიაში ჯერ კიდევ 2019 წლის ნოემბერის ბოლოს ცირკულირებდა.

კვლევის ფარგლებში, მეცნიერებმა 2020 წლის სექტემბერში გააანალიზეს გასული წლის სექტემბრიდან მიმდინარე წლის თებერვლის პერიოდში ცხვირ-ხახიდან აღებული 39 ნიმუში, ერთ შემთხვევაში პასუხი დადებითი აღმოჩნდა. ეს მასალა ეკუთვნოდა მილანში მცხოვრებ 4 წლის ბიჭს.

ბავშვს მწვავე რესპირატორული სინდრომი 2019 წლის ნოემბერში განუვითარდა, დეკემბრის დასაწყისში კი მას წითელას მსგავსი გამონაყარი აღენიშნებოდა, რის გამოც ბავშვი წითელათი დაინფიცირებული ეგონათ.

კიდევ ერთიკვლევაივნისში გამოქვეყნდა, რომელმაც აჩვენა, რომ კორონავირუსი მილანსა და ტურინში საკანალიზაციო სისტემებში ჯერ კიდევ დეკემბერში ფიქსირდებოდა.

აღნიშნული კვლევები არსებითად ცვლის მანამდე არსებულ მტკიცებულებებს, რომლის თანახმადაც, იტალიაში კორონავირუსის პირველი შემთხვევა 2020 წლის თებერვლის ბოლოს გამოვლინდა.

წყარო : cdc.gov , bloomberg.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

კანადელი მეცნიერები აცხადებენ, რომ O ჯგუფისა და Rh − უარყოფითი სისხლის მქონე ადამიანები, შესაძლოა, კორონავირუსით ინფიცირების უფრო დაბალი რისკის ქვეშ იყვნენ.

კვლევის ფარგლებში გაანალიზეს 225 556 კანადელის მონაცემები, რომლებსაც კორონავირუსზე ტესტი ჩაუტარდათ. აღმოჩნდა, რომ ისინი, ვისაც სისხლის O ჯგუფი ჰქონდათ, კორონავირუსით დაინფიცირების 12 პროცენტით ნაკლები რისკის ქვეშ იყვნენ მათთან შედარებით, ვისაც A, AB ან B ჯგუფის სისხლის ჰქონდათ.

ამასთან, ადამიანები, რომლებსაც რეზუს უარყოფითი სისხლი ჰქონდათ, ასევე შედარებით უფრო დაცულები იყვნენ, მითუმეტეს, თუ მათი სისხლის ჯგუფი O იყო.

კვლევის შედეგები ჟურნალ Annals of Internal Medicine-ში გამოქვეყნდა.

წყარო : reuters.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”