კვლევები

სამხრეთ კორეა კორონავირუსით დაზარალებული ქვეყნების რიცხვში ჩინეთის შემდეგ მეორე  ადგილს  იკავებს. თუმცა, ბოლო რამდენიმე დღეა, სამხრეთ კორეაში კორონავირუსით დაინფიცირების ახალი შემთხვევები თითქმის აღარ ფიქსირდება, ამის შესახებ ინფორმაციას CHINA CONFERENCE HONK KONGI ავრცელებს.

სამხრეთ კორეაში ბოლო ხუთი დღის განმავლობაში ახალი კოროვირუსული შემთხვევების შემცირების ტენდენცია ფიქსირდება.

ბოლო ორი კვირის განმავლობაში ქვეყანაში საშუალოდ 500-ზე მეტი ახალი შემთხვევა დაფიქსირდა, მაგრამ გასულ პარასკევს, ამ რიცხვმა 438,  შაბათს 367-ს და კვირას კი 248-ს მიაღწია.

ორშაბათს სამხრეთ კორეის პრეზიდენტმა მუნ ჯე ინმა აღნიშნა, რომ მისი ქვეყნაში “ინფექციების შემცირების ტენდენციაა”, მაგრამ მისივე თქმით,  მიღწეულით არ უნდა დაკმაყოფილდნენ.

მისი თქმით, კორონავირუსით დაავადებულთა შორის ძალიან ბევრი იყო ისეთი პაციენტი, რომლებიც ერთმანეთთან ახლოს სადაზღვევო კომპანიის სატელეფონო ცენტრში მუშაობდნენ.

სამხრეთ კორეამ ვირუსის პრევენციისთვის ჩინეთის მაგალითი გაითვალისწინა.

ამ ნაბიჯებმა ქვეყანაში ვირუსით დაინფიცირების ახალი შემთხვევები მკვეთრად შეამცირა.

სამხრეთ კორეამ ჩინეთის მაგალითის გაითვალისწინა და შესაბამისად მიიღო შედეგიც. გარდა ამისა დასრულდა იესოს შინჩეონის ეკლესიის წევრების ტესტირება, რომელსაც ქვეყანაში დაავადების შემთხვევების 60 % უკავშირდება.

შეგახსენებთ, მსოფლიო ჯანდაცვის ორგანიზაციამ 11 მარტს პანდემია გამოაცხადა.

აშშ-ის სურსათისა და მედიკამენტების ადმინისტრაციის ექსპერტთა ჯგუფმა 5-დან 11 წლამდე ასაკის ბავშვების „ფაიზერ/ბიონტექის“ ვაქცინით აცრის რეკომენდაცია გასცა.

ექსპერტებმა განაცხადეს, რომ ვაქცინაციის სარგებელი რისკებს აღემატება.

თუკი სურსათისა და მედიკამენტების ადმინისტრაცია ექსპერტების რჩევას გაითვალისწინებს და ამ ასაკის ბავშვების აცრის ნებართვას გასცემს, აშშ-ის დაავადების კონტროლისა და პრევენციის ცენტრი მომავალ კვირაში შეიკრიბება იმისთვის, რომ ვაქცინის გამოყენების რეკომენდაცია გასცეს.

კომპანიების, „ფაიზერისა“ და „ბიონტექის“ განცხადებით, მათმა ვაქცინამ 5-დან 11 წლამდე ასაკის ბავშვებზე ჩატარებულ კლინიკურ კვლევებში კორონავირუსის წინააღმდეგ 90.7%-იანი ეფექტურობა აჩვენა. კომპანიებმა ახლახან კლინიკური ცდის შედეგები გაასაჯაროეს, რომელშიც 2 000-ზე მეტი ბავშვი მონაწილეობდა. კვლევაში მონაწილე ვაქცინირებულებს კორონავირუსის მიმართ ისეთივე იმუნიტეტი ჩამოუყალიბდათ, როგორც მათზე მოზრდილებს.

თეთრმა სახლმა 5-დან 11 წლამდე ბავშვების „ფაიზერის“ ვაქცინით აცრის გეგმა რამდენიმე დღის წინ წარადგინა. აშშ-ის პრეზიდენტის ადმინისტრაციის ინფორმაციით, მათი მიზანია აშშ-ში რაც შეიძლება მალე აიცრან 5-დან 11 წლამდე ასაკის ბავშვები, რათა ქვეყანაში ვირუსის გავრცელება შეჩერდეს.

წყარო : Reuters

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

არქტიკაზე, “უკანასკნელი ყინულის” სახელით ცნობილ ტერიტორიაზე, მკვლევრებმა დიდი ზომის
ხვრელი აღმოაჩინეს. ხვრელი, სახელად პოლინია მდებარეობს კანადიდან ყველაზე ჩრდილოეთით
მდებარე კუნძულთან, ყველაზე სქელ და ძველ ყინულოვან ფენაზე.

პოლინია 100 კილომეტრი სიგრძისა და 29 კილომეტრი სიგანისაა. მკვლევრების თქმით, ხვრელი
ჩამოყალიბდა ექსტრემალური ქარების შედეგად, რომლებმაც ყინულის დაშლა და მისი გარკვეული
მიმართულებით გადაადგილება გამოიწვია. თუმცა, სისქიდან გამომდინარე, ყინულის მოძრაობა
ადვილი არა უნდა ყოფილიყო. შესაბამისად, ხვრელის გამოჩენას გლობალურ დათბობას და ყინულის
დათხელებას უკავშირებენ. მომავალში კი ნაკლებად ექსტრემალური ძალებითაც იქნება
შესაძლებელი უფრო დიდი ზომის ხვრელების წარმოქმნა.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი “დოქტრინა”

ამერიკული ფარმაცევტული კომპანია Moderna აცხადებს, რომ კომპანიის კორონავირუსის საწინააღმდეგო ვაქცინა 6-დან 11 წლამდე ასაკის ბავშვებში უსაფრთხოა და ძლიერ იმუნურ პასუხს წარმოქმნის. აღნიშნულს კომპანიის მიერ ჩატარებული კლინიკური კვლევები ცხადყოფს.

კომპანიაში აცხადებენ, რომ კვლევის მონაწილეებმა ვაქცინაცია კარგად გადაიტანეს, ხოლო ვაქცინამ ძლიერი იმუნური პასუხი წარმოქმნა.

კვლევის თანახმად, შემდეგი გვერდითი მოვლენები დაფიქსირდა: დაღლილობა, თავის ტკივილი, ცხელება და ინექციის ადგილის ტკივილი.

კვლევაში 4 753 ბავშვი მონაწილეობდა. კვლევის მონაცემები აშშ-ის სურსათისა და წამლის ადმინისტრაციას გადაეცემა.

ახალგაზრდა ანალიტიკოსთა და მეცნიერთა დარბაზი “დოქტრინა”

არავაქცინირებული პირების კორონავირუსით რეინფიცირება ყოველ 16 თვეში ერთხელ არის მოსალოდნელი. ინგლისში ჩატარებული ახალი კვლევის შედეგებზე გამოცემა The Guardian-ი წერს.

ინგლისში ინფიცირებულთა რაოდენობის მატებასთან ერთად, გახშირდა მეორედ და მესამედ ინფიცირების შემთხვევები. ახალი კვლევის თანახმად, 2020 წლის ივლისსა და 2021 წლის სექტემბერს შორის პერიოდში დაინფიცირებული 20 262 ბრიტანელიდან 296 იყო რეინფიცირებული.

ამასთანავე, რეინფიცირების რისკი გაიზარდა 2021 წლის მაისიდან, როცა ქვეყანაში დომინანტური კორონავირუსის „დელტა“ შტამი გახდა.

ბრიტანელი ეპიდემიოლოგების განცხადებით, რეინფიცირების შემთხვევებმა შესაძლოა გაზარდოს დატვირთვა ჯანდაცვის სისტემაზე, რის გამოც ისინი ქვეყნის ხელისუფლებას სკოლის მოსწავლეების აცრისკენ მოუწოდებენ.

ახალგაზრდა ანალიტიკოსთა და მეცნიერთა დარბაზი “დოქტრინა”

ქიმიური ნივთიერების, ფტალატის მჟავის ზემოქმედება შესაძლოა ყოველწლიურად დაახლოებით 100 000 ამერიკელის სიკვდილის გამომწვევი იყოს, – ამის შესახებ ნიუ-იორკის უნივერსიტეტის კვლევაშია აღნიშნული, რომელიც სამეცნიერო ჟურნალ Environmental Pollution-ში გამოქვეყნდა.
ქიმიკატები, რომლებიც ასობით პროდუქტში გვხვდება, როგორიცაა სათამაშოები, ტანსაცმელი, შამპუნი და ა.შ., ათწლეულების მანძილზე ცნობილია, როგორც “ჰორმონების დარღვევები”, რომლებიც გავლენას ახდენენ ადამიანის ენდოკრინულ სისტემაზე.
ამგვარი პროდუქტების საშუალებით ტოქსინები სხეულში აღწევენ და დაკავშირებულია სიმსუქნესთან, დიაბეტსა და გულის დაავადებებთან.
კვლევამ, რომელშიც 55-დან 64 წლამდე ასაკის 5 000-მდე ზრდასრული ადამიანი მონაწილებდა, აჩვენა, რომ ის ადამიანები, რომლებსაც შარდში ფტალატების უფრო მაღალი კონცენტრაცია ჰქონდათ, გულის დაავადებებით გარდაცვალების უფრო მაღალი რისკის ქვეშ იმყოფებოდნენ. თუმცა, კვლევის თანახმად, ფტალატების მაღალი კონცენტრაცია არ ზრდის კიბოსგან სიკვდილის რისკს.
” ჩვენი დასკვნები ცხადყოფს, რომ ფტალატის გაზრდილი ზემოქმედება დაკავშირებულია ნაადრევ სიკვდილთან, განსაკუთრებით გულის დაავადებების გამო. აქამდე მივიჩნევდით, რომ ის უკავშირდებოდა გულის დაავადებებს და გულის დაავადებები, თავის მხრივ, სიკვდილის წამყვანი მიზეზია, მაგრამ ქიმიკატები სიკვდილიანობასთან არ დაგვიკავშირებია,“- განაცხადა კვლევის წამყვანმა ავტორმა ლეონარდო ტრასანდემ.
მანამდე ჩატარებულმა სხვა კვლევებმა ფტალატები ყოველწლიურად 10 000 -ზე მეტი ადამიანის გარდაცვალებასთან დააკავშირა, რაც, სავარაუდოდ, ზრდასრულ მამაკაცებში ტესტოსტერონის დონის შემცირებითაა განპირობებული.

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

ბრიტანეთში, მანჩესტერი უნივერსიტეტის მკვლევრებმა კოსმოსში მშენებლობისთვის შექმნეს მასალა სახელწოდებით „ასტრობეტონი“, რომლის წარმოებაში ადამიანის შარდი და სისხლის ძირითადი ცილა – ალბუმინი გამოიყენება. ინფორმაცია ამის შესახებ უნივერსიტეტის ვებგვერდზე გამოქვეყნდა.

სამშენებლო მასალის კოსმოსში გატანა საკმაოდ ძვირადღირებულია. სპეციალისტების მონაცემებით, მარსზე ერთი აგურის ტრანსპორტირების ფასი 2 მილიონ დოლარს შეადგენს, ამიტომ მეცნიერები ადგილობრივი რესურსების გამოყენების მეთოდებზე მუშაობენ.

ბრიტანელმა მეცნიერებმა დაამტკიცეს, რომ პლანეტებისა და თანამგზავრების გრუნტის ადამიანის სისხლსა და შარდთან შეზავება საკმაოდ გამძლე მასალას მიიღებენ.

ეს იდეა ახალი არ არის. ჯერ კიდევ შუა საუკუნეებში ცემენტში ცხოველების სისხლს ამატებდნენ, თუმცა მარსზე ძროხების გაგზავნა დამატებით ხარჯებთანაა დაკავშირებული. ამიტომ, სპეციალისტი ფიქრობენ, რომ გაცილებით მარტივი იქნება თუ ამ მიზნით სისხლს თავად ასტრონავტები გაიღებენ.

​მათი გათვლებით, ორი წლის განმავლობაში ექვსი ასტრონავტი ჯანმრთელობისთვის ზიანის გარეშე 500 კილოგრამი ასტობეტონის შესაქმნელად საჭირო ალბუმინის გაცემას შეძლებენ. ეს საკმარისი იქნება მთელი ეკიპაჟისთვის საცხოვრებელი სივრცის ასაშენებლად.

მეცნიერების ცნობით, მარსსა და მთვარეზე სამშენებლო მასალა საკმარისია, თუმცა ცემენტის ხსნარის კოსმოსში პოვნა პრობლემატურია. მათივე თქმით, ასტრობეტონის გამოყენებით კოსმოსში შენობების აგება გაცილებით მარტივი და იაფი გახდება.

ახალგაზრდა ანალიტიკოსთა და მეცნიერთა დარბაზი “დოქტრინა”

ტოკიოს სამეცნიერო უნივერსიტეტის მკვლევართა ჯგუფმა დაადგინა, რომ თაგვებს, რომლებიც სხვა თაგვების ტანჯვას ხედავენ, დეპრესია ემართებათ. ამის შესახებ Daily Mail-ი წერს.

გამოცემის ინფორმაციით, ამ დასკვნამდე სპეციალისტები ექსპერიმენტის შედეგად მივიდნენ. გალიაში მსხვილ თაგვთან ერთად პატარა თაგვი ჩასვეს. მეზობელი დიდ თაგვს აღიზიანებდა, რომელიც თავის სივრცეს აგრესიულად იცავდა და პატარა თაგვს უპირისპირდებოდა. ამ ყველაფერს მესამე თაგვი აკვირდებოდა, რომელიც საკუთარ გალიაში უსაფრთხოდ იმყოფებოდა.

იმის მიუხედავად, რომ „მაყურებელ“ თაგვებს არაფერი ემუქრებოდათ, მათ დეპრესიის სიმპტომები განუვითარდათ. 10 დღის შემდეგ მათ ანგედონიის ნიშნები გაუჩნდათ – ვითარების, როდესაც ორგანიზმი სიამოვნებას ვერ განიცდის. ეს დეპრესიის ერთ-ერთ მთავარი სიმპტომია.

„თუ თაგვებს არჩევანს მისცემთ – დალიონ ტკბილი თუ ჩვეულებრივი წყალი, ისინი თითქმის ყოველთვის ტკბილ წყალს აირჩევენ, იმიტომ რომ ეს უფრო სიამოვნებთ. მაგრამ თაგვი, რომელიც სხვა თაგვის სოციალური მარცხის მოწმე გახდა, ამას არ აკეთებდა, რაც სიამოვნებისადმი ლტოლვის შემცირებაზე მიანიშნებს“, – განაცხადა კვლევის ავტორმა აკიოსი საიტომ.

ანტიდეპრესანტების მიღების შემდეგ თაგვების მდგომარეობა გაუმჯობესდა, თუმცა რამდენიმე კვირის შემდეგ დეპრესიის სიმპტომები დაუბრუნდათ. მეცნიერების თქმით, ე.წ. მეორადი დეპრესია სპეციალისტებს ადამიანის ფსიქიკური პრობლემებისა და მათი მკურნალობის შესწავლის საშუალებას მისცემს.

ახალგაზრდა ანალიტიკოსთა და მეცნიერთა დარბაზი “დოქტრინა”