ეს საინტერესოა

დღეს რომ მსოფლიოს ყველაზე ძვირადღირებულ ნახატებს გადავავლოთ თვალი, აღმოვაჩენთ, რომ მათ შორის თანაბრადაა იმპრესიონიზმისა და ექსპრესიონიზმის, არტ ნუვოს მიმდევრებისა და რენესანსისდროინდელი მხატვრების ნამუშევრები. თუმცა, არც თანამედროვე შემოქმედებს აკლდებათ დიდება – მაგალითად, 2 წლის წინ ბასკიას ნამუშევარი 110 მილიონ დოლარად გაიყიდა.

რაც დრო გადის, მით უფრო იცვლება ყველაზე ძვირადღირებული ნახატების სია, ამჟამად კი პირველი 10 ნახატის ჩამონათვალი ამგვარია:

Salvator Mundi – ლეონარდო და ვინჩი

ლეონარდო და ვინჩიმ ეს ნახატი 1500 წელს დახატა. მასზე რენესანსისდროინდელი სამოსით შემოსილი იესოა გამოსახული. 2017 წლის 15 ნოემბერს, ნიუ იორკში გამართულ ერთ-ერთ აუქციონზე იგი 450.3 მილიონ დოლარად გაიყიდა.

Interchange – უილიამ დე კუნინგი

ამერიკული და გერმანული წარმოშობის მხატვარმა, უილიამ დე კუნინგმა, ეს ნახატი 1955 წელს ზეთით შეასრულა. მისი ზომები 2 მეტრი 1.75 მეტრზეა. საკმაო მოცულობის ნახატი 2015 წლის სექტემბერში 300 მილიონ დოლარად შეიძინეს.

Card Players – პოლ სეზანი

ზეთშივეა შესრულებული 1892 წლით დათარიღებული “კარტის მოთამაშეები”. იგი ცნობილი პოსტ იმპრესიონისტის, პოლ სეზანის პოპულარული ნამუშევარია. 2011 წლის აპრილში იგი 250 მილიონ დოლარად გაიყიდა.

When Will You Marry? – პოლ გოგენი

“როდის დაქორწინდები?” ცნობილი პოსტ იმპრესიონისტის, პოლ გოგენის ნამუშევარია. გოგენმა იგი 1892 წელს შეასრულა და მასზე ტაიტის მკვიდრები გამოსახა. 2014 წელს ეს ნახატი 210 მილიონ დოლარად გაიყიდა.

Number 17A – ჯექსონ პოლოკი

“ნომერი 17ა” ამერიკელი მხატვრის, ჯექსონ პოლოკის შემოქმედების ნაწილს წარმოადგენს. ეს მხატვარი თავისი აბსტრაქტული ექსპრესიონიზმითაა განთქმული. აღნიშნული ნახატი მან 1948 წელს შექმნა. 2015 წლის სექტემბერში კი იგი ქენეთ გრიფინმა 200 მილიონ დოლარად შეიძინა.

Wasserschlangen II – გუსტავ კლიმტი

წყალში მცხოვრები ქალები გუსტავ კლიმტმა 2-ჯერ დახატა და ერთ სერიაში გააერთიანა. ზემოთ ნაჩვენები ნახატი კი მათგან ერთ-ერთია. ეს ნახატი 1904-07 წლებით თარიღდება და ავსტრიელი მხატვრის ერთ-ერთ არაჩვეულებრივ ნამუშევარს წარმოადგენს. იგი დიმიტრი რიბოლოვლევმა 2013 წელს 183.8 მილიონ დოლარად შეიძინა.

No.6 (Violent, Green, Red) – მარკ როთკო

“ნომერი ექვსი” ამერიკულ-რუსული წარმომავლობის ექსპრესიონისტის, მარკ როთკოს ნამუშევარია. მან იგი 1951 წელს შეასრულა და სამ ფერს აერთიანებს. 2014 წლის აგვისტოში ნახატი 186 მილიონ დოლარად გაიყიდა.

portraits of Maerten Soolmans and Oopjen Coppit – რემბრანდტი

ცნობილი გერმანელი მხატვრის, რემბრანდტის ეს ნახატი მისი შემოქმედების მწვერვალად მიიჩნევა. მასზე ორი ადამიანის პორტრეტია გამოსახული. მხატვარმა იგი 1634 წელს დახატა. 2015 წლის სექტემბერში კი ნახატი 180 მილიონ ევროდ გაიყიდა.

Les Femmes d’Alger (“Version O”) – პაბლო პიკასო

“ალჟირის ქალები” – ასე ჰქვია ცნობილი ესპანელი მხატვრის, პაბლო პიკასოს ნამუშევრების სერიას, რომელიც მან 1954-55 წლებში შექმნა. ზემოთ ნაჩვენები ნახატიც სწორედ ამ სერიიდანაა, იგი 1955 წლით თარიღდება. ნიუ-იორკის ერთ-ერთ აუქციონზე ეს ნამუშევარი 179.4 მილიონ დოლარად გაიყიდა.

Nu Couche – ამედეო მოდილიანი

ეს ნახატი 1917 წელს ცნობილმა იტალიელმა მხატვარმა, ამედეო მოდილიანმა დახატა და მას მერე მხატვრის შემოქმედების ერთ-ერთ ყველაზე ცნობილ ნამუშევარს წარმოადგენს. 2015 წლის 9 სექტემბერს იგი ნიუ იორკში 170.4 მილიონ დოლარად გაიყიდა.

წყარო: marketer.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“

COVID -19 პანდემიის გამო პირბადეების დეფიციტით გამოწვეული გამოწვევების წინაშე დღეს მთელი მსოფლიო აღმოჩნდა.
არსებობს ოორი სახის პირბადე – N95 და ქირურგიული, თხელი პირბადე. N95-ს აქვს მაღალი დაცვითი ფუნქცია და მას ძირითადად მას სამედიცინო პერსონალი იყენებს.
ქირურგული პირბადის ხელახალი გამოყენება ინფექციისგან ვერ დაგვიცავს, მრავალჯერადობა ვრცელდება მარტო N95-ზე, ანუ მაღალი დაცვის რესპირატორებზე და ისიც ერთჯერადი უნდა იყოს, თუმცა დეფიციტის შემთხვევაში შესაძლებელია ხელმეორედ გამოყენება.
რა საშუალებებით ხდება N95 პირბადის დეზინფექცირება და რამდენად ეფექტურია ეს საშუალებები?
ნიუ-ჰემფშირის უნივერსიტეტის სამოქალაქო და გარემოსდაცვითი ინჟინერიის პროფესორი ჯიმ მოლი, რომელიც ეროვნული სადეზინფექციო მეთოდების ცნობილი ექსპერტია, აცხადებს, რომ ულტრაიისფერი სხივები, მაღალი ტემპერატურა და აორთქლებული წყალბადის ზეჟანგი ყველაზე ცნობილი განხორციელებადი პრაქტიკებია და მიუხედავად იმისა, რომ გრძელვადიან გამოსავალს ვერ გვთავაზობენ, სწორად გამოყენების შემთხვევაში ისინი საგანგებო სიტუაციაში ეფექტური საშუალებებია.
ჯიმ მოლის განმარტებით, როგორც ულტრაიისფერი სხივების, ასევე აორთქლებული წყალბადის ზეჟანგის გამოყენებას თავისი დადებითი და უარყოფითი მხარეები აქვს, თუმცა დეზინფექცირებაზე მოთხოვნა იმდენად დიდია და იმდენად იზრდება როგორც მოხუცთა თავშესაფრებში, ასევე საავადმყოფოებში, ლაბორატორიებსა და სასწრაფო დახმარების მანქანებში, რომ ყველა არსებული საშუალების გამოყენება უნდა მოხდეს.

„როდესაც სამყაროში ყველაფერი კარგადაა, პირბადე ერთხელ უნდა გამოიყენო და გადააგდო, მაგრამ პანდემიის პირობებში, როდესაც ჯანდაცვის სისტემები საჭირო მარაგების დეფიციტს განიცდიან და მედიკოსების დაინფიციებისგან დაცვას სასიცოცხლო მნიშვნელობა აქვს, ულტრაიისფერი სხივები, მაღალი ტემპერატურა და აორთქლებული წყალბადის ზეჟანგი პერსონალური დაცვის საშუალებების დეზინფექციის ალტერნატიული საშუალებებია,“- აცხადებს პროფესორი მოლი.

ის დეზინფექციის ულტრაიისფერი სხივების საშუალებით განხორციელებაზე ამახვილებს ყურადღებას და განმარტავს, რომ UV სხივები აზიანებენ ვირუსისა და ბაქტერიის დნმ-სა და რიბო ნუკლეინის მჟავას, რის გამოც მათ რეპლიკაცია ან დამიანის უჯრედის დაინფიცირება აღარ შეუძლიათ.

პროფესორი ხაზს უსვამს, რომ სრულფასოვანი დეზინფექციის ჩატარებისთვის აუცილებელია ერკვეოდეთ რადიოაქტიური გამოსხივების ინტენსივობა, უნდა იცოდეთ, რა დრო არის საკმარისი დეზინფექციისთვის და ასევე, უნდა ერკვეოდეთ დეზინფექციისთვის განკუთვნილ ხელსაწყოში.

ჯიმ მოლი განმარტავს, რომ ძალიან მნიშვნელოვანია დეზინფექციისას პირბადე შიგნიდანაც და გარედანაც სუფთა იყოს, რადგან მასზე მოცხებულმა თუნდაც უმნიშვნელო ოდენობის კოსმეტიკურმა საშულებამ, შესაძლოა, ულტრაიისფერ სხივს პირბადის სრულყოფილი დეზინფექციის განსახორციელებლად ხელი შეუშალოს.

წყარო : seacoastonline.com

მასალა მოამზადა :  თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

ენტონი ფაუჩის განცხადებით, კორონავირუსმა, შეიძლება, სეზონური ხასიათი შეიძინოს. როგორც აშშ-ის ალერგიისა და ინფექციური დაავადებების ეროვნული ინსტიტუტის დირექტორი ამბობს, თუკი მსოფლიო შეძლებს, პანდემია გააკონტროლოს, „ძალიან კარგი შანსი არსებობს, რომ ვირუსმა მომავალ სეზონამდე ძალა დაკარგოს“.

ეს განცხადება იმასაც ნიშნავს, რომ covid-19-ის ბოლომდე დამარცხება შეუძლებელია, თუმცა ვირუსის სეზონური ბუნება, თუ ის გამოვლინდა, მსოფლიოს სერიოზულ დროს მოაგებინებს.

“ჩვენ მზად უნდა ვიყოთ, რადგან ვირუსს ამ პლანეტას ბოლომდე ვერ მოვაშორებთ, ახალ სეზონზე ვირუსის მოქმედება შეიძლება განახლდეს”, – აღნიშნა ფაუჩიმ.

მისი თქმით, ამერიკის ფედერალური მთავრობა ყველაფერს აკეთებს, რომ ვაქცინის შექმნა დაჩქარდეს.

“იმედი გვაქვს, რომ თუ ვირუსის მოქმედება მართლაც განახლდება, ჩვენ მას გაცილებით მზად დავხვდებით – მკურნალობის ისეთი მეთოდებით და საშუალებებით, რაც აქამდე არ გვქონდა”, – აცხადებს ფაუჩი.

მსოფლიო ჯანდაცვის ორგანიზაციის ინფორმაციით, მუშაობა 40-ზე მეტ ვაქცინაზე მიმდინარეობს. მათ ნაწილს უკვე ადამიანებზე ცდიან. ფაუჩის შეფასებით, აშშ-ს ვაქცინის შესაქმნელად 12-18 თვე დასჭირდება.

ყველა შეფასებით, ეს ძალიან ოპტიმისტური პროგნოზია, თუმცა, ბიზნესი, როგორც ჩანს, ფაუჩის პროგნოზს ენდობა, რადგან მაგალითად, ბილ გეითსმა, უკვე დაიწყო ადრეული ექსპერიმენტების ფინანსური მხარდაჭერა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

იტალიაში გამოჯანმრთელებულთა რაოდენობა უკვე 21 000-ს ადამიანზე მეტია. თუ გამოჯანმრთელებულთა ზრდა ასე გაგრძელდება, ექსპერტი პროგნოზირებენ რომ ვირუსი იტალიაში უკვე მალე დასრულდება.

ახალგაზრდა ანალიტიკოსთა და მეცნიერთა დარბაზი ,,დოქტრინა”