ეს საინტერესოა

“იმედის ბებია” – ასე მოიხსენიებს იტალიური მედია 95 წლის ქალს, რომელიც კირონავირუსის ინფექციისგან განიკურნა.

როგორც იტალიური მედია აღნიშნავს, მოდენას პრივინციაში ეს კორონავირუსის ინფექციისგან პირველი განკურნებული პაციენტია.

იტალიურ მედიაში წერენ, რომ ქალი კორონავირუსთან ბრძოლაში ქალაქ მოდენასა და სრულიად იტალიისთვის სიმბოლოდ იქცა.

ინფორმაციას ადგილობრივი მედია ქვეყნის სამოქალაქო თავდაცვის სამსახურის ხელმძღვანელ, ანჯელო ბორელიზე დაყრდნობით ავრცელებს.

ახალგაზრდა ანალიტიკოსთა და მეცნიერთა დარბაზი ,,დოქტრინა“

პანიკის დროს ადამიანში კორტიზოლის დონე იმატებს და იმუნიტეტს ანადგურებს, რამაც შესაძლოა, მიძინებული დაავადებები გაააქტიუროს,-ამის შესახებ ჰარვარდის უნივერსიტეტის სამდიცინო სკოლის კურსდამთავრებულმა, მედიცინის მეცნიერებათა დოქტორმა, უკრაინაში მცხოვრებმა თინა ბერაძემ გამოცემა GORDON-თან ისაუბრა.

ფსიქიატრის თქმით, თუ ადამიანი პანიკაშია კორონავირუსთან დაკავშირებით, მისმა ორგანიზმმა შესაძლოა, დაკარგოს ვირუსის მიმართ წინააღმდეგობის უნარი.

„მე წინააღმდეგი ვარ, როდესაც მწვავე რესპირატორული დაავადების მქონე ადამიანებს ექიმთან მიღებაზე იბარებენ. სწორედ პოლიკლინიკებშია დიდი შანსი დავირუსების. პირიქით, ასეთ დროს სჯობს, დარჩეთ სახლში. ავსტრიაში სწორედ ასე შეაჩერეს ვირუსის სწრაფი გავრცელება. გარკვეული სიმპტომების გამოვლენისთანავე რეკომენდაცია გასცეს თვითიზოლაციისა და ბინაზე ექიმის გამოძახების. პაციენტთან მიდიოდა ბრიგადა მთლიანი აღჭურვილობით და დაცვის საშუალებებით. უბრალოდ, დაურიგეთ სასწრაფოს ექიმებს სპეციალური ამუნიცია. ეს არ არის რთული.

ზოგადად, უკრაინაში ჰიგიენასთან ზერელე დამოკიდებულებაა, არავინ იფარებს პირზე ხელს დაცემინებისას, ადამიანებმა არ იციან, როგორ და რა სიხშირით დაიბანონ ხელები. დეზინფექტორითაც კი არავინ სარგებლობს საზოგადოებრივი თავშეყრის ადგილებში“,-ამბობს ფსიქიატრი.

მისივე თქმით, ხანში შესულებმა კორონავირუსისგან თავი თვითიზოლაციით უნდა დაიცვან.

„პანიკა არ შეიძლება, ამ დროს ორგანიზმი სტრესს განიცდის, იმატებს კორტიზოლის დონე, რომელიც უბრალოდ, ანადგურებს იმუნიტეტს. ერთადერთი, რაც ახლა ნამდვილად გვჭირდება, ეს იმუნიტეტია. მსოფლიოში ჩემი კოლეგები ერთ გლობალურ პრობლემაზე ამახვილებენ ყურადღებას – ყოველწლიურად ადამიანები სულ უფრო მშფოთვარენი ხდებიან. უკრაინაშიც სულ უფრო მეტ ადამიანს აქვს ნერვული აშლილობა. ნებისმიერი სტრესი, მათ შორის კორონავირუსთან დაკავშირებული, მათ მდგომარეობას ართულებს. პანიკის საფრთხის ქვეშ კი, ძირითადად ის ადამიანები არიან, ვისაც მანამდე ჰქონდა პანიკური აშლილობა. ამიტომ ახლა აუცილებლად უნდა განაახლონ კონტაქტი თავიანთ მკურნალ ექიმებთან, ფსიქოთერაპევტებთან. გასათვალისწინებელია ისიც, რომ ჩვენთან შესაძლოა, ბევრს უდიაგნოზოდ ჰქონდეს ფსიქიკური აშლილობა. ახლა ასეთი ადამიანებისთვის შესაფერისი დროა, ჩაეწერონ ექიმთან მიღებაზე, თუნდაც ინტერნეტის საშუალებით“.-ამბობს ბერაძე.

ექიმს მიაჩნია, რომ ნეგატივზე ფოკუსირება არ შეიძლება.

„მხოლოდ 60 წელს გადაცილებული ადამიანები არ არიან რისკის ჯგუფში, ჩემი რეკომენდაციაა, ახალი ამბების ყურება შეზღუდოთ, როდესაც წამყვანი შეშინებული სახით კითხულობს ტექსტს კორონავირუსით გარდაცვლილის შესახებ, მაყურებლის შფოთვა ძლიერდება, ამას ისევ ინტერნეტით ინფორმაციის მიღება სჯობს. მაგრამ არ უნდა დავივიწყოთ, რომ ინტერნეტგამოცემებიც ნეგატივზეა ფოკუსირებული, რადგან ასეთ სტატიებს მეტი მკითხველი ჰყავს. ჩვენს ინსტიქტებში დევს ნეგატიური ინფორმაციებისკენ ლტოლვა, თუ ნიუსი გაშფოთებთ, დახურეთ და ნუ გააგრძელებთ კითხვას. უყურეთ კეთილ კომედიას. ნუ შეეკითხებით მეზობელს, რა ხდება მსოფლიოში. საუკეთესო გამოსავალი თვითიზოლაციაა. როგორც ექიმმა, მინდა შეგახსენოთ, რომ არაყი კორონავირუსისგან არ დაგიცავთ. პირიქით, იმუნიტეტს დაგიქვეითებთ. ნუ ეცდებით კოლექტიურად სტრესის მოხსნას, მოერიდეთ რესტორნებსა და კლუბებს“,-ამბობს ექიმი.

მისივე თქმით, საკარანტინო შეზღუდვები- ეს არის სიფრთხილის სწორი ზომები.

„მნიშვნელოვანია გახსოვდეთ, რომ ხელები ხშირად უნდა დაიბანოთ, ხოლო თუ ამის საშუალება არ არის, გამოიყენეთ სადეზინფექციო ხსნარი. ასევე ხშირად გაწმინდეთ მობილური. ატარეთ თხელი ხელთათმანები. ის, რაც ახლა მსოფლიოში ხდება, საკმაოდ უსიამოვნოა. თუმცა, მეორე მხრივ, ეპიდემიების დროს, როდესაც ათასობით ადამიანი იღუპებოდა, ასეთი რეაქციები ქვეყნების მხრიდან არ ყოფილა. არავის უნდოდა ფულის დაკარგვა. დღევანდელი სიტუაცია კი, იმას ნიშნავს, რომ უფრო მეტად დაიწყეს ხალხზე ზრუნვა. საკარანტინო შეზღუდვები ცუდი არ არის, დაიმახსოვრეთ, ყველაფერი მთავრდება და ესეც ჩაივლის“,-ამბობს ფსიქიატრი.

ახალგაზრდა ანალიტიკოსთა და მეცნიერთა დარბაზი ,,დოქტრინა“

საფრანგეთში მცხოვრები ქართველი მეცნიერი ეკა ჩაკვეტაძე პანდემიაზე Facebook კომენტარს ავრცელებს:

მოგეხსენებათ რომ მსოფლიო პანდემიის წინაშეა, გოლიათი ქვეყნები “დაეცნენ” ეპიდემიის გავრცელების წინააღმდეგ ბრძოლაში. ჩვენს პატარა საქართველოს განსაკუთრებული სიფრთხილე მართებს. რასაც აქედან ვაკვირდები, ეპიდ სამსახური არა ერთ ქვეყანაზე უკეთ უმკლავდება სიტუაციას მაგრამ მარტო, თითოეული თქვენგანის დახმარების გარეშე რთული იქნება. ყველა თქვენთაგანს მოგიწოდებთ , ავიღოთ ინდივიდუალური პასუხისმგებლობა. ატარეთ ნიღაბი თუნდაც უბრალო სურდოს ნიშნები თუ აგეღნიშნებათ, მოერიდეთ თავშეყრის ადგილებს და ხშირად იბანეთ ხელები. ტრანსპორტში ყოფნის მერე გაიკეთეტე ხელის დეზინფექცია, თან გქონდეთ სულ სადეზინფექციო ხსნარი.ასეთი მარტივი რჩევები ეპიდემიის გავრცელებას, მითუმეტეს მის სისწრაფეს შეაჩერებს. ჯერ კიდევ შესაძლებელია რომ საქართველოში მოხდეს ეპიდემიის შეჩერება.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

კორონავირუსის გამო საქართველოში კარანტინსა და თვითიზოლაციაში ასობით ადამიანი იმყოფება. ხელისუფლება და მედიკოსები საზოგადოებას თვითიზოლაციის წესების ზედმიწევნით დაცვისკენ მოუწოდებენ, ვინაიდან მიიჩნევენ, რომ ამას გადამწყვეტი მნიშვნელობა აქვს ვირუსის გავრცელების შესაჩერებლად, მით უმეტეს იმ შემთხვევაში, როცა ჯერჯერობით არ არსებობს „კოვიდ 19“-ის საწინააღმდეგო ვაქცინა.

რა უნდა გავითვალისწინთ და მოვიმარაგოთ წინასწარ იმ შემთხვევისთვის, თუ 2-კვირიანი კარანტინის გავლა მოგვიწევს?

საკვები :

მნიშვნელოვანია, მოვიმარაგოთ, არამალფუჭებადი საკვები. ამერიკის წითელი ჯვრის საზოგადოება მოსახლეობას რეკომენდაციას აძლევს, მოიმარაგონ დეჰიდრირებული პროდუქტი :

კონსერვირებული საკვები, ბოსტნეული, ხილი;
ბურღულეული, მარცვლეული, საწებლები;
წასახემსებელი საკვები, ჩიფსები, კრეკერები, თხილეული;
იმ შემთხვევაში, თუ ოჯახში ჩვილები და შინაური ცხოველები გყავთ, მოიმარაგეთ მათთვის განკუთვილი სპეციალური საკვებიც.

სასმელი :

თუკი ონკანის წყალს არ მიირთმევთ, მოიმარაგეთ 2 კვირის საკმარისი წყალი და სხვა სასმელი. კარგი იქნება, თუ წყლის ფილტრებსა და წყლის ბაქტერია-პარაზიტებისგან გასასუფთავებელ ტაბლეტებსაც მოიმარაგებთ.

ჰიგიენა:

თვითიზოლაციისა და კარანტინის დროს დიდი მნიშვნელობა აქვს ჰიგიენის ნორმების დაცვას. რეგულარულად და გულდასმით დაიბანეთ ხელები, გახსოვდეთ, ეს კორონავირუსისგან დაცვის საუკეთესო საშუალებაა. საპონი და წყალი და ალკოჰოლის შემცველი სადეზინფექციო საშუალებები კორონავირუსს კლავს.

გირჩევთ, მოიმარაგოთ ჰიგიენის შემდეგი საშუალებები:

ანტიბაქტერიული საპონი
ხელის სადეზინფექციო საშუალებები ალკოჰოლის მაღალი შემცველობით
ტუალეტის ქაღალდი
ხელსახოცი
სველი სალფეთქი
სარეცხი საშუალებები
ჭუჭლის ჟელე.

მედიკამენტები

გირჩევთ, შინ იქონიოთ თერმომეტრი, სიცხის დამწევი საშუალება, ტკივილგამაყუჩებელი, ხველის საწინააღმდეგო მედიკაეტი, ანტიჰისტამინი, დიარეისა და ღებინების საწინააღმდეგო მედიკამენტები, პირველადი დახმარების სამედიცინო ჩანთა თავისი ნაკრებით.

რეკომენდაციები ინფიცირების თავიდან ასაცილებლად :

თავი არიდეთ რესპირატორული ინფექციის მქონე ადამიანებთან კონტაქტს; ხშირად დაიბანეთ ხელები, განსაკუთრებით იმ შემთხვევაში, თუ არსებობს პირდპირი კონტაქტი დაავადებულ ადამიანთან ან იმ გარემოსთან, სადაც სიმპტომების მქონე პაციენტი იმყოფებოდა; თავი არიდეთ ქუჩაში ცხოველებთან დაუცველ კონტაქტს; იმ შემთხვევაში, თუ რესპირატორული ინფექცია გაქვთ, დაიცავით ხველის ეტიკეტი, გამოიყენეთ ნიღაბი, დაუკავშირდით ექიმს და უამბეთ მოგზაურობის ისტორია.

იმ შემთხვევაში, თუ მაინც დაინფიცირდით :
გაითვალისწინეთ, რომ კორონავირუსი უმეტეს შემთხვევაში მსუბუქად მიმდინარეობს. თუკი თავს შეუძლოდ იგრძნობთ, არ არის აუცილებელი მაშინვე ექიმთან გაეშუროთ, თავდაპირველად დაუკავშირდით ექიმს ტელეფონის საშუალებით და მიიღეთ საჭირო რჩევა.
მოახდინეთ თვითიზოლაცია, დაიძინეთ ცალკე ოთახში, გამოიყენეთ ისეთი ჭურჭელი რომლითაც ოჯახის სხვა წევრები არ ისარგებლებენ, ატარეთ სამედიცინო ნიღაბი, კარის სახელურები, შუქის ჩამრთველ-ამომრთველი, უნიტაზის და სხვა ზედაპირები ყველდღიურად სადეზინფექციო ხსნარით დაამუშავეთ.

წყარო: oregonlive.com
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

ისლანდიელმა ბიჭმა, რეიკიავიკიდან, “ტიტანიკის” ზუსტი ანალოგი შექმნა. გემის შესაქმნალად მან ლეგოს ნაწილები გამოიყენა.

საერთო ჯამში, მას 11 თვე (700 საათი) და 56 000 ნაწილი დასჭირდა.

ბრინიარის აწყობილი ლაინერი სიგრძეში 8 მეტრიისაა, ხოლო სიგანეში 1,5-ია.

ბიჭუნას თავდაპირველი გატაცემა თურმე მატარებლები იყო, თუმცა, როცა ბაბუამ ის სათევზაოდ წაიყვანა გემები შეუყვარდა. 10 წლის ასაკში ბავშვმა ტიტანიკის შესახებ ყველაფერი იცოდა.

შემდეგ კი ,,ლეგოდენდში” იმოგზაურა.

„როცა დედამ ,,ლეგოლენდში”, დანიაში წამიყვანა, ვნახე თვითმფრინავების, გემების და სახლების საოცარი მოდელები, მაშინვე გამიჩნდა იდეა მეც გამეკეთებინა და ამეშენებინა საკუთარი „ტიტანიკი“,-უთხრა გამოცემას ბავშვმა.

როგორც ის ჰყვება, ლეგოთი ჯერ კიდევ 5 წლის ასაკში დაინტერესდა.

„ზოგჯერ ინსტრუქციის მიხედვით ვქმნიდი, ზოგჯერ კი საკუთარი წარმოსახვის დახმარებით“,-ამბობს ბრინიარი.

როცა ბიჭმა ხომალდის აწყობა დაიწყო, ინჟინერმა ბაბუამ მას ნაწილების რაოდენობა გამოუთვალა, შემდეგ კი, ახლობლებმა თანხაც კი შეაგროვეს, რათა ბავშვისთვის ლეგოს ნაწილები ეყიდათ.

ბიჭუნა ამბობს, რომ მხოლოდ ოჯახის წყალობითა და ტიტანიკის მოდელზე მუშაობის შედეგად შეძლო მან სწორად შეეცნო საკუთარი თავი.

წყარო: fortuna.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“

სინგაპურის მთავრობა, პრეზიდენტი და პარლამენტის წევრები კორონავირუსით ინფიცირებულთა მიმართ სოლიდარობის ნიშნად ერთი თვის ანაზღაურებაზე უარს ამბობენ.

ქვეყნის პრემიერის, ლი ჰსიენ ლუნგის განცხადების მიხედვით, უმაღლესი თანამდებობის პირები ერთი თვის, სხვა მაღალჩინოსნები კი ნახევარი თვის ხელფასზე ამბობენ უარს. სანაცვლოდ, ქვეყანა სპეციალურ პრემიებს გადასცემს მედიკოსებსა და სხვა პირებს, რომლებიც კორონავირუსის წინააღმდეგ ბრძოლაში არიან ჩართულნი.

„გამორჩეული ვაჟკაცობისა და თავდადებისთვის ყველა სახელმწიფო მოხელე, რომელიც უშუალოდ ჩართულია კორონავირუსთან ბრძოლაში, მიიღებს სპეციალურ პრემიას ერთი სამუშაო თვის ხელფასის ოდენობით. ამაში შედის ჯანდაცვის სფეროს მუშაკები, ოფიცრები და სხვა პირები, ვინც COVID-19-ის წინააღმდეგ ბრძოლის წინა ხაზზეა.

იმისათვი, რომ გამოვავლინოთ ჩვენი სოლიდარობა სინგაპურის იმ მაცხოვრებელთა მიმართ, რომლებიც კორონავირუსით არიან ინფიცირებულნი, მეც და სხვა უმაღლესი თანამდებობის პირები, მათ შორის, პარლამენტის წევრები და ქვეყნის პრეზიდენტი ჰამილა იაკობი ერთი თვის გასამრჯელოზე ვამბობთ უარს, სხვა მაღალჩინოსნები კი – ნახევარი თვის ხელფასზე.

ჩვენ ყველანი ერთად ვართ ამ დაავადებასთან ბრძოლაში და ერთად დავძლევთ ამ გამოწვევას“, – ამბობს სინგაპურის პრემიერი ლი ჰსიენ ლუნგი.

29 თებერვლის მდგომარეობით, სინგაპურში კორონავირუსით ინფიცირებულთა რაოდენობა 102-ს შეადგენს. ქვეყანაში ახალი ვირუსით გარდაცვალების შემთხვევები ჯერ არ ფიქსირდება.

info9.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“