close

ეს საინტერესოა

ეს საინტერესოარელიგია და მეცნიერება

მსოფლიოს ყველაზე უცნაური რელიგიები

3.95K views on

მსოფლიოში ორასზე მეტი რელიგიური ორგანიზაციაა ცნობილი, რომლებიც ერთმანეთისაგან განსხვავდებიან სიძველით, ტრადიციებით, შინაარსითა თუ ფილოსოფიური სიღრმით. უდიდესი რელიგიების გვერდით, საუკუნეებს რომ ითვლიან და ასეულობით მილიონი მიმდევარი ჰყავთ, არსებობენ თანამედროვე – „ახალგაზრდა“ რელიგიები, შედარებით მცირე მიმდევრებით და ალბათ არ გვიწყენენ, თუ ვიტყვით, უცნაური ტრადიცებითა და შეხედულებებით.

საიენტოლოგია

ეს რელიგია, რომელიც ბევრ ქვეყანაში კანონით აკრძალულია, განსაკუთრებული პოპულარობით სარგებლობს ჰოლივუდის ვარსკვლავებს შორის. საიენტოლოგიის მიხედვით, 75 მილიონი წლის წინ ჩვენს გალაქტიკაში 76 პლანეტას მართავდა ვინმე ქსენუ. მათ შორის იყო დედამიწაც, მას იმ პერიოდში ტიგიაკი ერქვა. როცა მოსახლეობა უკიდურესად გაიზარდა, ქსენუმ შეკრიბა მათი დიდი ნაწილი, გაყინა და ჰავაისა და კანარის კუნძულებში ვულკანებში ჩაყარა. შემდეგ კი წყალბადის ბომბები დაუშინეს და გაანადგურეს. ტიგიაკის ატმოსფერო ისე შეცვალეს, რომ დახოცილთა სულები სამუდამოდ ამ პლანეტაზე დარჩენილიყვნენ. მათმა რაოდენობამ 13.5 ტრილიონი შეადგინა. სულები ადამიანთა სხეულებში ჩასახლდნენ და მათთან ერთად ცხოვრება დაიწყეს. მსოფლიოს 107 ქვეყანაში მოქმედებს საიენტოლოგიის 3100 ეკლესია, მიმდევრები 8 მილიონამდე არიან.

პასტაფარიანიზმი

ეკლესია ირწმუნება, რომ სამყარო შექმნა უხილავმა და შეუცნობელმა მფრინავმა სპაგეტის მონსტრმა. იგი ეწინააღმდეგება გონივრული ჩანაფიქრის თეორიისა და კრეაციონიზმის სწავლებას საჯარო სკოლებში. დამარსებელია ამერიკელი 24 წლის ბობი ჰენდერსონი. მათი კონცეფციის თანახმად, სამოთხე სავსეა ლუდის ვულკანებით და სტრიპტიზიორთა ქარხნებით. პასტაფარიანული ჯოჯოხეთი მსგავსია სამოთხისა, განსხვავებით, რომ ლუდი არის უგემური. საქართველოში პირველი პასტაფარიანელები 2007 წელს გამოჩნდნენ, ხოლო ეკლესია 2013 წელს ინტერნეტ სივრცეში ჩამოაყალიბეს ქართველმა პასტაფარიანელებმა. ეკლესიის ერთ-ერთი წარმომადგენელი ლუკას ნოვიმ, რომელიც აცხადებს, რომ მისი რელიგია, მფრინავი სპაგეტის მონსტრის ეკლესია – პასტაფარიანიზმი, აიძულებს თავზე მუდმივად ეხუროს საწური (საცერი), მოიპოვა პირადობის მოწმობისთვის ამ ფოტოს გადაღების უფლება.ოფიციალური პირების აზრით, ნოვის მოთხოვნის არ დაკმაყოფილება, ჩეხეთში რელიგიური თანასწორობის შესახებ კანონის დარღვევა იქნებოდა.

ევთანაზიის ტაძარი

საფუძველი დაუდო დედამიწის მოსახლეობის ზრდამ და მათში მორალური ღირებულებების კლებამ. ეს რელიგია მოუწოდებს თავის მრევლს: ,,გადაარჩინე პლანეტა, მოიკალი თავი“.

 

რასტაფარიანიზმი

რასტაფარიანელებს სწამთ, რომ ღმერთი ეთიოპიელი მეფე ჰაილე სილასაი იყო. ამ რელიგიური მოძრაობის მიზანია აფრიკის ღირსების აღდგენა მას შემდეგ, რაც ქვეყანას საკუთარი იდენტობა დააკარგვინა კოლონიალიზმმა. ისინი უარყოფენ მატერიალისტურ სამყაროს. რასტაფარიანელები გმობენალკოჰოლის მიღებას, სამაგიეროდ ეტანებიან მარიხუანას და ატარებენ დრედებს. ყველაზე ცნობილი რასტაფარიანელი მსოფლიოში გახლდათ იამაიკელი მომღერალი ბობ მარლი.

შემოქმედებითი მოძრაობა

შეიქმნა 1973 წელს ბენ კლასენის მიერ, მას შემდეგ, რაც გამოუშვა წიგნები: “ბუნების საუკუნო რელიგია”, “თეთრკანიანების ბიბლია” და “ჯანსაღი ცხოვრება”. ლოგოზე ასო W ნიშნავს თეთრს (white), რაც თეთრკანიანების სიმბოლოა. მოძრაობაში სწორედ თეთრკანიანები მიიჩნევიან ყველაზე აღმატებულ რასად. გვირგვინი ნიშნავს, რომ ისინი არიან ელიტარული, არისტოკრატიული ადამიანები, ბუნების რჩეული ლიდერები. გვირგვინის თავზე ორეოლი აღნიშნავს, რომ აფასებენ იმ საჩუქარს, რაც აქვთ, ანუ რასობრივ უპირატესობას და ,,თეთრ” გენებს. ისინი სწორედ თეთრ ევროპელებს მიიჩნევენ თანამედროვე მსოფლიო კულტურისა და ცივილიზაციის შექმნელად.

კოპიმიზმის ეკლესია

მთავარი დოგმა  ფაილების გაზიარებაა. შეიქმნა შვედეთში, 19 წლის ფილოსოფიის სტუდენტ ისაკ გერსონის მიერ. წმინდა სიმბოლოებად  CTRL+C-სა და CTRL+V-ს მიიჩნევენ. კოპიმიზმის ეკლესიაში ინფორმაცია წმინდად ითვლება, კოპირება კი საიდუმლოდ. მიმდევართა რიცხვი 3000-მდეა. მიმდინარეობის შექმნის მიზეზი იყო ის, რომ შვედეთის მთავრობა არანაირ მოწყალებას არ იჩენს ინტერნეტ-მეკობრეობის მიმართ.

რაიელიზმი

ეს კონფესია კლოდ ვორილჰონმა 1974 წელს დააარსა. რაიელიანებს სწამთ, რომ ადამიანები უცხოპლანეტელების მეშვეობით გაჩნდნენ. ისინი ნაცისტურ ბორჯღალს რელიგიურ სიმბოლოდ იყენებენ, რის გამოც დიდი პრობლემები შეექმნათ ისრაელში.

იგლესია მარადონიანა

არგენტინელი ფეხბურთელის დიეგო მარადონას გულშემატკივრებმა  შექმნეს მისი რელიგია 1998 წელს და მასამჟამად მილიონზე მეტი მიმდევარი ჰყავს სამოცი ქვეყნის მასშტაბით. მათთვის წელიწადის ათვლა არა ქრისტეს შობიდან, არამედ მარადონას დაბადების დღიდან, 1960 წლიდან იწყება.

მარადიული სიცოცხლის ტაძარი

მცირე გაერთიანებაა, რომელიც ახდენს კრიო–შენახვის ადვოკატირებას. კრიოპრეზერვაცია, ანუ ადამიანის სხეულის ან თავის გაყინვა, იმ იმედით რომ მომავლის ტექნოლოგიებით შესაძლებელი გახდება მისი გაცოცხლება, ჯერ კიდევ 60-იანი წლებიდან დაიწყო ამერიკაში. მათ სჯერათ,  რომ მომავალში ჩვენ გავაცოცხლებთ ამ ადამიანებს. ისინი ატარებენ შეხვედრებს, სადაც იხსნებენ ყველას, ვინც იმდენად გაბედული აღმოჩნდა, რომ საკუთარი სხეული გაყინა და ოდესმე თვალებს გაახელს მომავლის უშიშარ სამყაროში.

სატანის ტაძარი

მომლოცველებს არ სჯერათ საერთოდ არც ეშმაკის და არც ღმერთის. მათი იდეოლოგია მდგომარეობს იმაში, რომ თითოეული ადამიანი თავადაა საკუთარი თავის უფალი. მათივე რწმენით ამ ცხოვრებაშ უკეთესია იყო ეგოისტი.

სამყაროს  ეკლესია

რელიგია ეფუძნება ფანტასტიკურ ფილოსოფიურ რომანს „უცნობი უცხო ქვეყანაში“. დააარსა ობერონ ზელ რეივენჰარტმა 1962 წელს. მისი მიმდევრები თავს წყლის საძმოდ აცხადებენ. ეთაყვანებიან ქალღმერთ გიის.

დუდეიზმი

მისი მიმდევრები უნდა იყვნენ ზარმაცები და უსაქმურები. რელიგიის არსი გადმოცემულია ცნობილი კინორეჟისორების ძმებ კოენების გახმაურებულ კომედიაში „დიდი ლებოვსკი“. მათ აქვთ საკუთარი ბიბლია- ,,The Dude De Ching-ი“”, ოფიციალური საიტი და გაზეთი. ნებისმიერს შეუძლია გაწევრიანდეს და გახდეს მოძღვარი, რომელთა რიცხვი უკვე 60 000-ია.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოაკატეგორიის გარეშე

კანის სილამაზის რა საიდუმლოს მალავენ დერმატოლოგები?

1.44K views on

დერმატოლოგებს სურთ, რომ თქვენ სუფთა და ჯანსაღი კანი გქონდეთ, მაგრამ შესაძლოა მათ არც გითხრან, რომ ეს ხშირად სახლის პირობებშიც მიიღწევა საკმაოდ იაფად, ან სრულიად უფასოდაც.
ამ ის შეიძლება არ ყოველთვის გითხრათ, როდესაც ეს შეიძლება მიღწეული სახლში ცოტა ფული არ. რა თქმა უნდა, მზისგან დამცავია კრიტიკული, მაგრამ უფრო ხშირად, ვიდრე არა, თქვენი ყოველდღიური ჩვევები შეიძლება გავლენა იქონიონ თქვენი კანის ხარისხზე და არაფერზე მეტია. მზისგან დამცავი საშუალებები, რასაკვირველია მნიშველოვანია, მაგრამ უნდა გახსოვდეთ, რომ ყოველდღიური ცხოვრების წესი გაცილებით მნიშვნელოვანია თქვენი კანის სიჯანსაღისთვის ვიდრე ის, თუ რას წაისვამთ მასზე.
წარმოგიდგენთ 8 მარტივ ნაბიჯს, რომელსაც შეუძლია თქვენი კანი ნაადრევი დაბერებისგან, დაზიანებებიდან და კიბოსგან დაიცვას.
შეამცირეთ კოფეინისა და ალკოჰოლის მიღება

ჰიდრატაცია ჯანმრთელი კანის უმნიშვნელოვანესი კომპონენტია კოფეინი (ისევე როგორც ალკოჰოლი) მას აშრობს. კოფეინი შარდმდენია, რაც იმას ნიშნავს, რომ ორგანიზმიდან ჩვეულებრივზე მეტი წყალი გამოიყოფა. კოფეინი მუშავდება ღვიძლში და ტოქსინებს გამოყოფს.
ასე რომ, იმ შემთხვევაში, თუ კოფეინის შემცველ სასმელს მოიხმართ, აუცილებელია ჩვეულებრივზე მეტი წყალი დალიოთ, რათა დაკარგული წყლის კომპენსირება მოხდეს. კარგია, თუ პირველი ან მეორე ჭიქა ყავის შემდეგ თბილ ლიმნიან წყალს მიირთმევთ.
დასვენება

ჩვენი ცხოვრება ყოველდღიურად უფრო დაკავებული ხდება, რაც დიდი სტრესის ქვეშ გვაქცევს. პირველი, რასაც ისეთ პრობლემებთან გასამკლავებლად ვაკეთებთ, როგორიცაა აკნე, ეგზემა და ფსორიაზი, ისაა, რომ გავრბივართ აფთიაქში და ვყიდულობთ ძვირადღირებულ საშუალებებს, რათა ისინი შევაჩეროთ. თუმცა ყველაზე მნიშვნელოვანია ამ პრობლემების მიზეზს, ანუ სტრესს ვებრძოლოთ. გასაგებია, რომ ეს უფრო ადვილი სათქმელია, ვიდრე შესასრულებელი, მაგრამ მაქსიმალურად უნდა ეცადოთ, რელაქსაციისთვის დრო გამონახოთ. განტვირთვის მიზნით საყვარელი საქმით თუნდ მცირე დროით დაკავდეთ, გაისეირნოთ ან თუნდაც წათვლიმოთ. ეს თქვენს კანზე აუცილებლად დადებითად იმოქმედებს.
იარეთ სპორტულ დარბაზში მაკიაჟის გარეშე

უამრავი ქალი მიიჩნევს, რომ გარეთ მაკიაჟის გარეშე არ უნდა გავიდეს. თუმცა კარგია, თუ ამ წესს სპორტულ დარბაზში წასვლის წინ არ დაიცავთ, სადაც ვარჯიშის დროს ოფლიანდებით. მაკიაჟი, რომელიც ფორებს ავსებს, ხელს უშლის ოფლის წარმოქმნას, რომელიც ბუნებრივი პროცესია და გადახურებისგან გიცავთ.

კანის ზოგიერთი დაზიანების განკურნება თავადაც შეგიძლათ!

ოქროსფერი რუჯი ლამაზია, მაგრამ ის კანს აზიანებს. ვიტამინის D -ს სინთეზირებისთვის მზე საჭიროა, მაგრამ 10-15 წუთის მეტი საშიშ ზონას აღწევს. არ გამოგრჩეთ მზის დამცავი კრემის გამოყენება, მით უმეტეს, თუ ზღვის დონიდან მაღლა ცხოვრობთ. რეგულარული გარუჯვა კანს ნაადრევად აბერებს. თუმცა, შეცდომას ყველა ვუშვებთ და მზისგან კანის დაზიანებების შემთხვევები არცთუ იშვიათია. არ შეშინდეთ, გამოიყენეთ A ვიტამინის შემცველი კანის მოვლის პროდუქტები (რიტინილ პალმიტატი, რეტინოლი, ტრეტინოინი), რომლებსაც კანის დაზიენებების ვიზუალური ეფექტების აღდგენა შეუძლიათ.
კანის კიბოს რისკის შესამცირებლად უამრავი საშუალება არსებობს

მზეზე დიდხანს ყოფნისგან თავის შეკავება და მზისგან დამცავი საშუალებები საუკეთესო გზები გახლავთ კანის კიბოს განვითარების რისკის შესამცირებლად. თუმცა, არსებობს გარკვეული საკვები დანამატები, რომლებსაც მზის მავნე ზეგავლენის შემცირება შეუძლიათ. მაგალითად : ნიაცინამიდი და ჰელიოქეა, რომელთა შეძენა შესაძლებელია რეცეპტის გარეშე.
კიდევ ერთი ეფექტური საშუალებაა სწორი კვება. ისეთი საკვების მიღება, როგორიცაა კენკროვანი ხილი, საზამთრო, თხილეული,მარცვლეული, სრტაფილო, მწვანილი, ყვავილოვანი კომბოსტო და მწვანე ჩაი.
ეს გახლავთ პროდუქტები, რომლებიც დიდი რაოდენობით ანტიოქსიდანტებს სეიჩავე, რაც ხელს შეუწყობს ნაადრევი დაბერების თავიდან აცილებასა და კიბოს რისკის განვითარების რისკის შემცირებას.

გარეცხეთ მაკიაჟის ჩოთქები რაც შეილება ხშირად

სავარაუდოდ მაკიაჟის მომხმარებლებისთვის სიახლეს არ წარმოადგენს ის, რომ ჩვენს კანში შემავალი ცხიმი გადადის მაკიაჟის ფუნჯებზე და იზიდავს ყველანაირ ჭუჭყსა და ბაქტერიას. ასეთი ფუნჯის გამოყენება აზიანებს კანს, ასე, რომ საუკეთესო გამოსავალი მაკიაჟის ხელსაწყოების კვირაში ერთხელ გარეცხვაა.
მაგრამ, საქმე მხოლოდ კანის დაზიანებაში არ არის – დაბინძურებულმა ფუნჯებს შეუძლიათ რისკის ქვეშ დააყენონ თქვენი ჯანმრთელობა. შესაძლოა ის დაინფიცირდეს ბაქტერიით, ეს კი მეტად სახიფათოა. მაგალითად, სტაფილოკოკური ინფექცია მომაკვდინებელია. თუ თქვენი სახის კანი უკვე დახეთქილი, მშრალი და დაზიანებულია, ბაქტერიისთვის გაცილებით ადვილია გავრცელება და თქვენი დაინფიცირება.

გამოიყენეთ დამატენიანებელი ბუნებრივი დატენიანებისთვის

ხშირად დერმატოლოგები გლუვი, ტენიანი და ხასხასა კანისთვის მაღალფასიან და ინოვაციურ დამატენიანებელ პროდუქტებს გვთავაზობენ, თუმცა ასობით დოლარს გადაიხდით, სცადეთ დამატენიანებელი აეროზოლი, მასში შეგიძლიათ შეურიოთ უკვდავა, ლავანდა. ლემონგრასი (lemongrass)და საკმეველი.

მეტი ძილი ბოტოქსის ნაცვლად

თუ გაწუხებთ კანის შეშუპება, ჭკნობა, ნაოჭები, ან თქვენი კანი ასაკთან შედარებით დაბერებულია, მიზეზი, შესაძლოა. ძალიან მარტივი იყოს : არასაკმარისი ძილი. ასე რომ, ვიდრე რამეს მოიმოქმედებთ, ეცადეთ, გაიხანგრძლივოთ ძილის დრო. არასაკმარისი ძილი მოწევას, ნაკლებ ფიზიკურ ვარჯიშსა და მზის სხივების მავნე ზეგავლენასთან ერთად კანის დაბერების ერთ-ერთი მთავარი მიზეზია.
ასე რომ, ვიდრე დერმატოლოგს მიმართავთ, ეცადეთ, საკუთარ კანს თავადვე უმკურნალოთ.
დაისვენეთ მეტი, გათავისუფლდით სტრესისგან, იკვებეთ ჯანსაღად. გადადეთ გვერდზე კოსმეტიკის ჩანთა და ხშირად იარეთ უმაკიაჟოდ, განსაკუთრებით სპორტულ დარბაზებში. ეს ის საშუალებებია, რომლებიც გაცილებით ნაკლები დანახარჯით დიდ ბედნიერებას მოგანიჭებთ!

სრულად ნახვა
ეს საინტერესოა

სიკეთე ინტელექტის ერთ-ერთი ნიშანია

3.17K views on

თუ გგონიათ, რომ „კეთილი“ ავტომატურად ნიშნავს „გულუბრყვილოს“, ცდებით. სიკეთე ინტელექტის ერთ-ერთი ნიშანია, კეთილი ადამიანები კი ყველაზე ჭკვიანებს შორის არიან.

ნეიორბიოლოგი რიჩარდ დევისონი ამბობს, რომ „სიკეთე ჯანსაღი ტვინის საფუძველია“. ამის მიზეზი კი ის არის, რომ კეთილი ადამიანები ფიქრობენ არა მხოლოდ საკუთარ თავზე, არამედ სხვებზეც. საბოლოო ჯამში, ინტელექტი ხომ ახალი ცოდნის და უნარების მიღების შესაძლებლობაა.

იყო ჭკვიანი – ეს არ ნიშნავს ბევრი ფაქტი იცოდე. ეს ნიშნავს ყოველდღიურ ცხოვრებაში შეგეძლოს იმის გამოყენება, რაც იცი.

ეგოიზმს, ბოღმის და ზიზღის გამოხატვას გარშემომყოფთა მიმართ, სულაც არ სჭირდება განსაკუთრებული გონებრივი შესაძლებლობები. ძალიან იოლია ყოველთვის ისე მიქცე, როგორც გინდა ისე, რომ არ იფიქრო შედეგებზე, განსაკუთრებით იმაზე, სხვებისთვის რა შედეგი შეიძლება მოიტანოს შენმა ქმედებამ.

კეთილი ადამიანები ძალიან ხშირად იმისათვის, რათა სწორად მოიქცნენ, პირად მსხვერპლს იღებენ. ისინი ხარჯავენ საკუთარ დროს, ფულს და რესურსებს იმისათვის, რომ სხვებს დაეხმარონ. მათ შეუძლიათ ფიქრი და იმის გაცნობიერება, რომ კეთილი საქმეები მთელ სამყაროს უკეთესს ხდის.

დევიდსონი ერთადერთი მეცნიერი არ არის, რომელიც ამაზე საუბრობს. არაერთმა კვლევამ აჩვენა, რომ კეთილი ადამიანები ეგოისტ, ბუზღუნა და ბოროტ ადამიანებზე ჭკვიანები არიან.

მაგალითად კანადაში ჩატარებულმა კვლევამ, რომლის თავდაპირველი მიზანიც იყო დადგინა, თუ როგორ უყალიბდებათ ადამიანებს პოლიტიკური შეხედულებები უჩვენა, რომ რასისტ ადამიანებს, რომლებსაც ცრურწმენების სჯეროდათ, გაცილებით დაბალი IQ აქვთ, ვიდრე დანარჩენებს, რომლებიც არ არიან რასისტები და ცვლილებებისთვისაც მუდამ მზად არიან.

სტივენ ჰოკინგს მიეწერება ცნობილი გამოთქმა „ინტელექტი, ეს არის ცვლილებებთან ადაპტირების უნარი“ – და მიუხედავად იმისა, რომ ეს გამოთქმა ჯერ კიდევ 1905 წლიდან არის ცნობილი, განსხვავებით მისი ნამდვილი ავტორისაგან, ის მაინც სრული სიმართლეა.

შიში იმის წინაშე, რაც უცნობია, ადამიანისათვის ძალიან ბუნებრივია. თუმცა მზაობა ცვლილბებისათვის და იმის გაცნობიერება, რომ სიახლეები სასიკეთოდ ცვლის სამყაროს, მხოლოდ ჭკვიან ადამიანებს ახასიათებთ. ისინი ყოველთვის ახერხებენ ახალ გარემოსთან ადაპტირებას.

სამართლიანობა მოითხოვს ისიც აღინიშნოს, რომ  კვლევაში მონაწილე ზოგიერთ ადამიანს, რომელიც მაინცდამაინც არ გამოირჩეოდა დადებითი პიროვნული თვისებებით, საშუალოზე მაღალი IQ ჰქონდა და პირიქით, ძალიან კეთილმა და მეგობრულმა ადამიანებმა საშუალო IQ დააფიქსირეს.

თუმცა მეცნიერები უკვე დიდი ხანია თანხმდებიან იმაზე, რომ IQ ჭეშმარიტი ინტელექტის ერთადერთი ნამდვილი საზომი არ არის. მათი აზრით, არსებობს ინტელექტის სამი ტიპი, მათ შორისაა სოციალური და ემოციური ინტელექტი.

ემპათია – სხვა ადამიანების გრძნობების გაგება და თანაგრძნობა ემოციური ინტელექტის მნიშვნელოვანი ნაწილია. სიკეთე, სხვა ადამიანების გრძნობების პატივისცემა და ცვლილებებთან ადაპტირება მაშინაც კი, როდესაც ისინი გვაშინებენ, ინტელექტის ნამდვილი მაჩვენებლებია.

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
ეს საინტერესოა

მედიკოსებმა აღმოაჩინეს ადამიანი, რომლის შარდის ბუშტში ალკოჰოლი წარმოიქმნება

1.69K views on

აშშ-ში, პენსილვანიის შტატის ქალაქ პიტსბურგში „შარდის ბუშტის ფერმენტაციის სინდრომის“ პირველი დადასტურებული შემთხვევა დაფიქსირდა, ეს არის მდგომარეობა, როდესაც საფუარის ფერმენტაციის შედეგად, ადამიანის შარდის ბუშტში ალკოჰოლი იხარშება.
ექიმემბა შემთხვევით აღმოაჩინეს, რომ 61 წლის პაციენტი ქალის შარდის ბუშტში ალკოჰოლი ბუნებრივად წარმოიქმნებოდა.
ქალბატონმა პიტსბურგის ერთ-ერთ საავადმყოფოს ღვიძლის პრობლემის გამო მიმართა. თავდაპირველად ექიმები ფიქრობდნენ, რომ მისი პრობლემა ალკოჰოლის მოხმარებასთან იყო დაკავშირებული, ვინაიდან ყოველ ჯერზე, რამდენჯერაც პაციენტს შარდის ანალიზს უტარებდნენ, ის ალკოჰოლზე დადებით პასუხს აჩვენებდა.
“თავდაპირველად ვფიქრობდით, რომ ის ალკოჰოლის მოხმარების ფაქტს მალავდა, თუმცა, მოგვიანებით აღმოვაჩინეთ, რომ პლაზმის ტესტმა ეთანოლზე და შარდის ტესტმა ეთილის გლიკორონიდსა და ეთილის სულფატზე, რომლებიც ეთილის მეტაბოლიზმის შედეგად წარმოქმნილი ნივთიერებებია — უარყოფითი პასუხები აჩვენა. ამავე დროს, დადებითი იყო შარდის ტესტის შედეგები ეთანოლზე“, – აცხადებენ ექიმები.
კიდევ ერთი საიდუმლო იყო დიდი ოდენობით გლუკოზა პაციენტის შარდში, მდგომარეობა, რომელსაც ჰიპერგლიკოზურიას უწოდებენ.
„ამ აღმოჩენამ გვიბიძგა, შეგვემოწმებინა, მოახდენდა თუ არა შაქრის ფერმენტაციას და შესაბამისად, ეთანოლის წარმოქმნას შარდის ბუშტში მოხვედრილი საფუარი“, -აცხადებენ მკვლევრები.
პაციენტის შარდზე ჩატარებული ტესტებით მკვლევართა ჯგუფმა დაადასტურა ეთანოლის წარმოქმნის თვალშისაცემად მაღალი დონე, რაც იმაზე მიუთითებდა, რომ ასეთი უცნაური შედეგების მიზეზი ის იყო, რომ მის შარდის ბუშტში საფუარი ახდენდა შაქრის ფერმენტაციას.
კონკრეტული საფუარი Candida glabrata აღმოჩნდა, ორგანიზმში არსებული ბუნებრივი საფუარი, რომელიც ლუდის ხარშვის საფუარის მსგავსია, მაგრამ ნორმალურ მდგომარეობაში ორგანიზმში ასეთი მაღალი მაჩვენებლით არ გვხვდება.
სამწუხაროდ, აღნიშნული საფუარის გასანადგურებლად წარუმატებელი აღმოჩნდა სოკოს საწინააღმდეგო საშუალებები, რისი მიზეზიც პაციენტის რთულად კონტროლირებადი დიაბეტი იყო. ქალის მდგომარეობის გათვალისწინებით, ექიმებმა მისთვის ღვიძლის გადანერგვა გადაიფიქრეს.
მკვლევარები აცხადებენ, რომ არ არის გამორიცხული, ეს უიშვიათესი სამედიცინო მდგომარეობა სხვა ადამიანებსაც ჰქონდეთ, მაგრამ ვერ ხვდებოდნენ, რადგან ამ პათოლოგიის ბუნება ჯერჯერობით დიდწილად გაურკვეველია.

წყარო : sciencealert.com

მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეს საინტერესოა

რატომ ჭაღარავდება ადამიანი სტრესის შედეგად და შესაძლებელია თუ არა ამ პროცესის შეჩერება

1.86K views on

მეცნიერების მტკიცებით, მათ აღმოაჩინეს, რატომ ჭაღარავდება ადამიანი სტრესის შედეგად.

თაგვებზე ჩატარებულმა ექსპერიმენტებმა აჩვენა, რომ ღეროვანი უჯრედები – მელანოციტები, რომლებიც კანისა და თმის ფერს აკონტროლებს, ინტენსიური სტრესის დროს ზიანდება.

სან- პაულოსა და ჰარვარდის უნივესრიტეტების მეცნიერების მიერ განხორციელებული ექსპერიმენტების დროს,  შავ-ბეწვიანი თაგვები რამდენიმე კვირაში მთლიანად გათეთრდნენ.

ქალები 30 წლის ასაკიდან ნელ-ნელა ჭაღარავდებიან. გაჭაღარავების ასაკსა და ინტენსივობაზე გენეტიკა დიდ ზეგავლენას ახდენს, თუმცა ამ პროცესში სტრესიც დიდ როლს თამაშობს.

კვლევის ავტორები აცხადებენ, რომ ტკივილმა თაგვებში ადრენალისა და კორტიზოლის გამოყოფა განაპირობა, რის გამოც მათ გულისცემა აუჩქარდათ და სისხლის წნევა მოემატათ, რამაც მათ ნერვულ სისტემაზე უარყოფითი ზეგავლენა მოახდინა და მწვავე სტრესის გამოწვევის მიზეზი გახდა.

ამ პროცესმა იმ ღეროვანი ყუჯრედების გამოფიტვა გამოიწვია, რომელიც თმის ფოლიკულებში მელანინს წარმოქმნის.

„ვიცოდით, რომ სტრესი სხეულისთვის ცუდი იყო, მაგრამ სტრესის იმ ზეგავლენამ, რაც ცდების დროს აღმოვაჩინეთ, ყოველგვარ მოლოდინს გადააჭარბა. რამდენიმე დღეში პიგმენტის აღდგენის უნარის მქონე ყველა ღეროვანი უჯრედი დაიკარგა, ამის შემდეგ კი პიგმენტების აღდგენა შეუძლებელი ხდება – დაზიანება სამუდამოა,“ – აცხადებენ კვლევის ავტორები.

კიდევ ერთი ექსპერიმენტის დროს, რომელიც მეცნიერებმა აღნიშნული კვლევის ფარგლებში ჩაატარეს, აღმოჩნდა, რომ ცვლილებების დაბლოკვა თაგვების მიერ ანტი- ჰიპერტონიკის მიღებით გახდა შესაძლებელი.

გარდა ამისა, მეცნიერებმა აღმოაჩინეს, რომ ღეროვანი უჯრედების დაზიანების პროცესში პროტეინია ჩართული. როდესაც მათ ეს პროტეინი – ციკლინზე დამოკიდებული კინაზა (cyclin-dependent kinase (CDK)) ჩაახშვეს, მკურნალობის შედეგად ბეწვის ფერის შეცვლის აღკვეთა შესაძლებელი გახდა.

ეს კი, მეცნიერების განმარტებით, იმას ნიშნავს, რომ შესაძლოა, მომავალში, გაჭაღარავების შეჩერება CDK-ის მედიკამენტის საშუალებით ჩახშობის გზით გახდეს შესაძლებელი.

წყარო : BBC

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოა

კაცმა ცოლის მკვლელობა აღიარა, თუმცა ნაპოვნი ცხედარი 1600 წლის აღმოჩნდა

1.72K views on

მხატვარი და მოგზაურობის მოყვარული მალიკა დე ფერნადესი 1959 წელს შეხვდა კაცს, რომელმაც მოგვიანებით მოკლა. შეხვედრიდან ზუსტად ორ საათში, ავიახაზების თანამშრომელმა პიტერ რეინ-ბარდტმა ფერნადესს ხელი სთხოვა – ის დათანხმდა. ოთხ დღეში მათ იქორწინეს.

რამდენიმე თვეში, ახლადდაქორწინებული წყვილი დაშორდა და ფერნანდესმა ისევ მსოფლიოს გარშემო მოგზაურობა დაიწყო, ოღონდ ახლა თავისი ყოფილი ქმრის ავიახაზების ფასდაკლების ბარათს იყენებდა. რეინ ბარდტი ჩეშირში (ინგლისი), თავის კოტეჯში დარჩა.

ორი წლის შემდეგ, ფერნანდესი უგზო-უკვლოდ გაუჩინარდა. რა თქმა უნდა, პირველი და უმთავრესი ეჭვმიტანილი რეინ-ბარდტი გახდა. პოლიციამ მისი სახლ-კარი მთლიანად გაჩხრიკა, მისი ბაღი გადათხარა გვამის აღმოჩენის მოტივით, თუმცა, მალიკას შესახებ ვერანაირი მტკიცებულება ვერ მოიპოვეს, უკან კი ხელცარიელები გაბრუნდნენ. საქმე ორი ათწლეულის განმავლობაში გამოუძიებელი იყო, როდესაც მოვლენები რადიკალურად შეიცვალა: რეინ-ბარდტის კოტეჯთან ახლოს, ტორფის ჭაობში მკვდარი სხეულის ნაწილი აღმოაჩინეს.

მაგრამ რეინ-ბარდტს ტორფის ჭაობების შესახებ ცოტა მეტი ცოდნა რომ ჰქონოდა, მას ცოლის მკვლელობისთვის ციხეში ვერ ჩასვამდნენ.

აი, რატომ:

ტორფი ორგანული ნივთიერებების, ძირითადად მცენარეებისა და ხავსის დაშლის შედეგად წარმოიქმნება. უფრო კონკრეტულად კი, ტორფის ხავსი ნესტიან ადგილებში აკუმულირდება და წარმოქმნის ჭაობს. ტორფის ფენები წარმოქმნის ისეთ მჟავებს, რომლებსაც საუკეთესოდ შეუძლია მკვდარი სხეულის გაუხრწნელად შენახვა.

ჭაობში აღმოჩენილი „ტოლუნდის კაცის“ თავი (დანია). მიუხედავად იმისა, რომ გვამი კარგად შენახულია, ის 375-210 წლებში დაიღუპა.

რეინ-ბარდტს ეს რომ სცოდნოდა, შესაძლოა, თავისი ცოლის მკვლელობა ასე სწრაფად არ ეღიარებინა.

ლინდოუ მოსის ჭაობში ნაპოვნი უცნობი ქალის თავის პოვნის შემდეგ, ექსპერტები ვარაუდობნენ, რომ ის 30-50 წლის უნდა ყოფილიყო. ეს მტკიცებულება რეინ-ბარდტს წარუდგინეს.

„იმდენად დიდი დრო გავიდა, ვფიქრობდი, რომ ვერასოდეს აღმოაჩენდნენ ჩემს დანაშაულს.“ – აღიარა მან დაკითხვისას.

მან განაცხადა, რომ 60-იანების დასაწყისში ფერნანდესი მის კოტეჯში პერიოდულად ბრუნდებოდა და ფულს თუ არ მისცემდა, ჰომოსექსუალობის გამოაშკარავებით ემუქრებოდა. ჰომოსექსუალობა მაშინდელ ინგლისში ჯერ კიდევ დანაშაული იყო. მან უარი თქვა ფულის მიცემაზე და ყოფილმა ცოლ-ქმარმა იჩხუბა. სასამართლოზე მან თქვა, რომ მასში „რაღაც ადუღდა“, მოკიდა ხელი, აჯანჯღარებდა და სანამ არ გაჩერდა, მანამდე ვერ შეამჩნია, რომ შემოაკვდა.

მისივე თქმით, ძალიან შეშინებული იყო და რაციონალურად ფიქრი არ შეეძლო. ერთადერთი, რაც თავში მოუვიდა, გვამის გადამალვა იყო.

რეინ-ბარდტმა თქვა, რომ მისი სხეული ნაჯახით დაანაწევრა, სანამ მის დაწვას სცდიდა. თუმცა, ამან არ იმუშავა და მკვლელმა მსხვერპლი უახლოეს ჭაობთან მიიყვანა და მასში ჩააგდო.

20 წლის განმავლობაში გამოუძიებელი საქმე ერთი შეხედვით გაიხსნა და დახურვის პირას იყო. მაგრამ მთავარი გამომძიებელი ჯორჯ აბოტი ერთი ფაქტით მაინც შეწუხებული ჩანდა: თუ ეს ფერნანდესის თავი იყო, სად არის დანარჩენი მისი სხეული? გამომძიებელმა დამატებითი ანალიზისთვის თავი ოქსფორდის უნივერსიტეტში გააგზავნა, სადაც ნახშირბადული დათარიღებით დადგინდა, რომ თავის ქალა რომის იმპერიის დროინდელია.

„თავის ქალა ტორფის ჭაობში 16 საუკუნეზე მეტხანს ინახებოდა და მალიკა ფერნანდესთან არანაირი კავშირი არ აქვს. მაგრამ ყველაზე დიდი ირონია ის არის, რომ მისმა აღმოჩენამ პირდაპირ მკვლელის აღმოჩენამდე და მის აღიარებით ჩვენებადე მიგვიყვანა“ – უთხრა პროკურორმა მარტინ თომასმა სასამართლოს.

როდესაც რეინ-ბარდტმა ამის შესახებ შეიტყო, თავისი აღიარებითი ჩვენების შეცვლა სცადა, თუმცა, სრულიად უშედეგოდ. სასამართლოს სულ რაღაც სამი საათი დასჭირდა მისი ბრალეულობის გამოსაცხადებლად.

ფერნანდესის გვამი დღემდე ვერ აღმოაჩინეს.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
დედამიწაეს საინტერესოაკვლევებიმსოფლიოფიზიკა

წამის მემილიონედით კვანტურმა კომპიუტერმა დრო უკან დააბრუნა

4.29K views on

სკოტ ფიცჯერალდის მოთხრობა, ბენჯამინ ბატონის უცნაური ისტორია, და იმავე სახელწოდების ფილმი ბრეტ პიტის მონაწილეობით, მოგვითხრობს კაცზე, რომელიც უკუღმა ბერდება: ის მოხუცად იბადება, წლების სვლასთან ახალგაზრდავდება და ბოლოს ჩვილადქცეული კვდება.

ასეთი რამ ჩვეულებრივ ცხოვრებაში, შეამჩნევდით რომ, არასოდეს ხდება. ისმის შეკითხვა: რატომ?

ტექნოლოგიური მიღწევის შედეგად მეცნიერებმა ბენჯამინ ბატონის ისტორია ვირტუალურ სამყაროში გაიმეორეს. კვანტური ფიზიკოსების გუნდმა ამ წლის დასაწყისში შექმნეს კომპიუტერული ალგორითმი, რომელიც ახალგაზრდობის შადრევნის მსგავსად მოქმედებს.

IBM კვანტური კომპიუტერის გამოყენებით მათ ერთი ცალი სიმულირებული ელემენტარული ნაწილაკის მემილიონედი წამით გაახალგაზრდავება შეძლეს. მაგრამ ეს მათ ისეთ ძალისხმევად დაუჯდათ, რომ მიღწეული ფიზიკის კანონებზე გამარჯვებად რთულად თუ ჩაითვლება: შედეგის მისაღებად მეცნიერებმა იმგვარი რთული მანიპულაციები ჩაატარეს, როგორების ბუნებაში გამეორებაც ფაქტობრივად შეუძლებელია; ეს კი მხოლოდ გვიმყარებს იმის რწმენას, რომ დროის დინებაში უიმედოდ ვართ გამომწყვდეულები.

ადამიანებმა მეცნიერული ახსნის გარეშეც ვიცით, რომ ათქვეფილ კვერცხს ნაჭუჭში პირვანდელი სახით ვერ დავაბრუნებთ. ახლა კი ისიც აშკარავდება, რომ, სავარაუდოდ, თუნდაც ერთი ნაწილაკიც კი ვერასდროს დაბრუნდება დროში, თუ მას ზედმიწევნით შემუშავებულ, საგანგებო პირობებს არ შევუქმნით.

ფოტო თუ კინოფირის მეშვეობით გატეხილი კვერცხი შეგვიძლია, საწყის, მრთელ მდგომარეობაში დავაბრუნოთ. მაგრამ რეალურ ცხოვრებაში კვანტური მექანიკა ერთ ნაწილაკსაც კი არ აძლევს დროში უკან წასვლის საშუალებას.ფოტო: Getty

“ჩვენ ვაჩვენეთ, რომ თუნდაც ერთადერთი კვანტური ნაწილაკის დროში უკუსვლა იმდენად რთული ამოცანაა, რომ ბუნება, მხოლოდ საკუთარი ძალების ამარა, ამას ვერ შეძლებს”, – ამბობს ვალერი ვინოკური, არგონის ეროვნული ლაბორატორიის თანამშრომელი. ის ერთ-ერთია დროის მბრძანებლად ქცევის მოსურნე 5 მეცნიერიდან, რომელთაც გორდი ლესოვიკი ხელმძღვანელობთ, – “ორი ნაწილაკისგან შემდგარი სისტემა კიდევ უფრო შეუქცევადია დროში, რომ აღარაფერი ვთქვათ ომლეტისთვის ათქვეფილ კვერცხზე, რომელიც მილიარდობით ნაწილაკისგან შედგება”.

კვანტური ბილიარდის თამაში

თეორიაში, ფიზიკის ფუნდამენტური კანონები შექცევადია; არ აქვს მნიშვნელობა, დრო წინ მიდის თუ უკან, მათემატიკურად ყველაფერი კარგად მუშაობს. მაგრამ თუ დრო სივრცე-დროის ერთ-ერთი განზომილებაა, როგორც ამას აინშტაინი ამბობდა, ის ერთობ უცნაური, ერთი მიმართულებით მოქმედი განზომილება გამოდის. რეალურ ცხოვრებაში ჩვენ შეგვიძლია, მეტროს სადგურიდან ამოვიდეთ და ან მარჯვნივ გავუხვიოთ, ან მარცხნივ, მაგრამ იმის არჩევანი კი არ გვაქვს, დროში წინ წავიდეთ თუ უკან. ჩვენი გეზი ყოველვის მომავლისკენაა მიმართული.

ჩვენ, ფაქტობრივად, თერმოდინამიკის მეორე კანონის ტყვეობაში ვიმყოფებით, რომელიც ამბობს, რომ ჩვენი სამყაროს მსგავს ჩაკეტილ სისტემაში უწესრიგობა და კომპლექსურობა მხოლოდ იზრდება. შესაბამისად, ათქვეფილი კვერცხი ვერასდროს აღიდგენს პირვანდელ სახეს, ვინაიდან მისი უფრო გულმოდგინედ ათქვეფის გზები უსასრულოდ მეტია, ვიდრე -თავდაპირველი მდგომარეობის წარმატებით აღდგენისა.

მარცხნივ ხედავთ IBM’s Q-ს გამზავებელ მაცივარს, რომელშიც კვანტური კომპიუტერია მოთავსებული. მარჯვნივ კი მეცნიერები, ჰენჰი პაიკი და სარა შელდონი, იორკთაუნ ჰეითსის IBM-ის ტომას უოტსონის კვლევით ცენტრში განთავსებული გამზავებელი მაცივრის შიგთავსს ამოწმებენ.ფოტო: Graham Carlow / Connie Zhou / IBM Research

მაგრამ დროის წინსვლა ნაწილაკების მხოლოდ დიდ რაოდენობაზე არაა დამოკიდებული. კვანტური თეორიის პარადოქსული კანონები, რომლებიც სუბატომურ სამყაროს მართავენ, ერთადერთი ნაწილაკის დროითი მიმართულების ცვლილებასაც კი ურთულეს ამოცანად აქცევენ.
განუზღვრელობის პრინციპი, კვანტური მექანიკის ეს ქვაკუთხედი, გვამცნობს, რომ დროის ნებისმიერ მომენტში სუბატომური ნაწილაკის მხოლოდ ადგილმდებარეობა ან მხოლოდ სიჩქარე შეიძლება იყოს ცნობილი, მაგრამ ორივე ერთად – არასოდეს. შედეგად, ისეთი ნაწილაკი, როგორიც ელექტრონია, შეგვიძლია წარმოვიდგინოთ მათემატიკური მოდელით, სახელად ტალღური ფუნქცია, რომლის სიდიდეც ნაწილაკის ამა თუ იმ ადგილას ყოფნის ალბათობაზე მიუთითებს.

ტალღური ფუნქცია ვრცელდება მთლიან დროსა და სივრცეში. მისი ევოლუციის აღმწერი კანონი – შრედინგერის განტოლება – რომელიც ავსტრიელი ფიზიკოსის სახელს ატარებს, დროის წინსვლისა თუ უკუსვლის შემთხვევაში თანაბრად მუშაობს. მაგრამ ტალღური ფუნქციის დროითი უკუსვლა ურთულესი განსახორციელებელია.

დოქტორმა ვინოკურმა ეს პროცესი მიამსგავსა ბილიარდის გაგორებული ბურთის იმ წერტილში დაბრუნებას, საიდანაც მან მოძრაობა დაიწყო. თითქოს, ამაში რთული არაფერია: უბრალოდ, მიარტყით ბურთს ბილიარდის ჯოხი და ეგაა. მაგრამ თუ ის კვანტური ბურთია, საქმეში განუზღვრელობის პრინციპი ერთვება: თქვენ შეიძლება იცოდეთ, რა სიძლიერით უნდა დაარტყათ ბურთს, ან რომელი მიმართულებით უნდა გასტყორცნოთ ის, მაგრამ ორივე ერთად ვერასოდეს გეცოდინებათ. 

“განუზღვრელობის პრინციპის გამო კვანტური ბურთი არასოდეს დაბრუნდება იმ წერტილში, სადაც თავდაპირველად იმყოფებოდა”, – ამბობს დოქტორი ვინოკური.

მეტიც, კვანტურ მექანიკაში ბურთი ტალღად უნდა წარმოვიდგინოთ: მისი ადგილმდებარეობის განსაზღვრის მერე ის სივრცეში ისე ვრცელდება და ვითარდება, როგორც ტბაში ჩაგდებული ქვის გარშემო წარმოქმნილი წრიული ტალღები. შესაბამისად, მისი უკან დაბრუნება უფრო მეტ სირთულესთანაა დაკავშირებული, ვიდრე ბურთზე ჯოხის მირტყმა და სწორ ზედაპირზე უკან გამოსრიალებაა. ტალღის უკან დასაბრუნებლად საჭიროა, უკუსვლით ზუსტად განმეორდეს ტალღების მიერ გავლილი ფაზები, ამპლიტუდათა ცვლა და ასე შემდეგ, რაც იმდენად კომპლექსური პროვესია, რომ ბუნება დამოუკიდებლად ამას ვერ შეძლებს.

კი, არა და შესაძლოა

აქ კი საქმეში კვანტური კომპიუტერი ერთვება.

ჩვეულებრივი კომპიუტერისგან განსხვავებით, რომელიც ნულებისა და ერთიანების სერიებს ანუ ბიტებს გადაამუშავებს, კვანტური კომპიუტერი ე.წ. კუბიტებისგანაა შექმნილი, რომლებთაგანაც თითოეული ერთდროულად შეიძლება იყოს როგორც ნული, ისე – ერთი. კვანტურ კომპიუტერს ათასობით ან მილიონობით გამოთვლის ჩატარება თანადროულად შეუძლია.

ბევრი დიდი ტექნოლოგიური კომპანია, გუგლის, მაიკროსოფთის და IBM-ის ჩათვლით, ერთმანეთს მსგავს მოწყობილობათა შექმნაში ეჯირება. ასეთ ტექნოლოგიას იმ პრობლემების გადაწყვეტის პოტენციალი აქვს, რომლებსაც ჩვეულებრივი კომპიუტერები ვერ უმკალვდებიან; მაგალითად, კვანტურ კომპიუტერს დღეისათვის გაუტეხელი კრიპტოგრაფიული კოდების გატეხვა შეეძლება. ზოგიერთი მეცნიერი ფიქრობს, რომ ბუნება თავად არის კვანტური კომპიუტერი და რომ მსგავსი მოწყობილობების გამოყენების საუკეთესო გზა კვანტურ უცნაურობათა პარადოქსების სიმულირება და გამოკვლევა იქნება.

დოქტორი ლესოვიკისა და მისი კოლეგების მიზანიც სწორედ ეს იყო. მათ სურდათ, ტალღური ფუნქციის დროში უკუსვლას IBM კვანტური კომპიუტერის დახმარებით მიეღწიათ.

IBM კვანტური კომპიუტერის ოთხ-კუბიტიანი სუპერგამტარი კვადრატული წრედი.ფოტო: IBM Research

“ჯერ კიდევ გასარკვევია”, – წერს ფიზიკოსთა გუნდი თავის ნაშრომში, რომელიც ინტერნეტით ხელმისაწვდომი თებერვალში გახდა, – “დროის შეუქცევადობა ბუნების ფუნდამენტური კანონია თუ, პირიქით, მისი გადალახვა შესაძლებელია”.

IBM კომპიუტერი, რომელიც ამ მეცნიერებმა გამოიყენეს, პატარა ნაბიჯია იმ მიმართულებით, რასაც თეორეტიკოსები კვანტური უპირატესობის სახელით მოიხსენიებენ. მათ მიერ ექსპერიმეტისთვის გამოყენებული კომპიუტერი მხოლოდ ხუთ კუბიტიანი იყო (არსებობს კომპიუტერთა 16 და 20 კუბიტიანი ვერსიებიც), მაშინ, როცა გუგლის კვანტური კომპიუტერი 72 კუბიტიანია და ჯერჯერობით ამ ტექნოლოგიის ყველაზე სრულყოფილ მოდელს წარმოადგენს. მეტიც, მეცნიერებმა მხოლოდ ორი – და ზოგჯერ სამი – კუბიტი გამოიყენეს. 

დროის შექცევადობის ექსპერიმენტი ოთხ-საფეხურიანი პროცესი იყო. ჯერ კუბიტები მოათავსეს მარტივ, საწყის მდგომარეობაში, რომელიც ხელოვნური ატომის იმიტაციას ქმნიდა. მათ კუბიტები იმ გზით გადაჯაჭვეს, რომელსაც აინშტაინმა მოჩვენებითი დისტანციური ქმედება უწოდა; ეს იმ მდგომარეობას აღიშნავს, როცა ის, რაც ერთ კუბიტს შეემთხვევა გავლენას ახდენდა მეორის – და სამი კუბიტის გამოყენების შემთხვევსაში, მესამის – მდგომარეობაზეც.

შემდეგ გუნდმა მიკროტალღური რადიო პულსებით ზემოქმედება მოახდინეს კუბიტებზე, რამაც ისინი მარტივი მდგომარეობიდან მეტად კომპლექსურ მდგომარეობაში გადაიყვანა. წამის მემილიონედის მერე მეცნიერებმა ეს ფაზა – პროგრამის ევოლუცია – შეაჩერეს და კუბიტებზე კიდევ ერთი მიკროტალღური პულსით მოახდინეს მანიპულაცია, რათა იგივე ფაზები ამჯერად უკუღმა გაევლოთ და თავდაპირველ მდგომარეობაში დაბრუნებულიყვნენ.

“კვლავ ვიზუალური ანალოგია რომ დავიხმაროთ, ჩვენ ტბის ზედაპირზე წრიულად გავრცელებული ტალღები მივიყვანეთ იმ მდგომარეობაში, საიდანაც უკან, თავიანთ საწყის წერტილში დასაბრუნებლად იყვნენ მზად”, – გვიხსნის დოქტორი ვინოკური. ამას კიდევ ერთი წამის მემილიონედი დასჭირდა.

საბოლოოდ, გუნდმა ევოლუციის პროგრამა უკან გადაახვია და კუბიტები საწყის მდგომარეობაში, თავიანთ წარსულში დაბრუნდნენ. შეიძლება ითქვას, რომ ისინი წამის მემილიონედით გაახალგაზრდავდნენ.

ამ ალგორითმა თითქმის ყოველ ჯერზე იმუშავა. ორი კუბიტი ახალგაზრდულ მდგომარეობას 85% შემთხვევაში უბრუნდებოდა, ხოლო როდესაც ექსპერიმენტში სამი მათგანი იყო გამოყენებული, წარმატების კოეფიციენტი განახევრდა. კვლევის ავტორები ალგორითმის წარმატების მაჩვენებლის შემცირებას კვანტური კომპიუტერის დაუხვეწაობით და კუბიტებისთვის დამახასიათებელი იმ თვისებით ხსნიან, რომლის მიხედვითაც, მათი რაოდენობის ზრდა სინქრონულობის შემცირებას იწვევს.

კვანტური მათემატიკოსების ამბიციების სრულად განსახორციელებლად ასობით კუბიტის შემცველი მოწყობილობებია საჭირო. და როცა მსგავსი კომპიუტერები ხელმისაწვდომი გახდება, გუნდის მიერ შემუშავებული დროის სვლის შემქცევადი ალგორითმი მათი გამართული მუშაობის შესამოწმებლად შეიძლება გამოიყენონ.

მანამდე კი ყველას, ვისაც კვანტური კომპიუტერი აქვს, მეცნიერთა ალგორითმის გამოყენებით ბენჯამინ ბატონის ეფექტის მიღწევა შეუძლია. “ახლა ყველას შეუძლია კუბიტების გაახალგაზრდავება”, – ამბობს დოქტორი ვინოკური.

თუმცა ეს მხოლოდ კიბერსივრცის უთვალავ სამყაროებზე ვრცელდება. რაც შეეხება რეალურ ცხოვრებას, ერთი ნაწილაკის გაახალგაზრდავებაც კი ბუნებისთვის ზედმეტად რთული ამოცანაა. ამდენად, სიბერე გარდაუვალია და ჩვენც დროის მდინარებას კვლავაც ვერსად გავექცევით.

წყარო : on.ge

სრულად ნახვა
ასტრონომია - კოსმოსიეს საინტერესოაკვლევები

რატომ ასდის ურანს მყრალი სუნი?

2.42K views on

ასტრონომებმა საბოლოოდ დაადგინეს, თუ რისგან შედგება ურანის ღრუბლები – როგორც ირკვევა, მათ საშინელი სუნი ასდით.  ისინი შეიცავენ გოგირდწყალბადს, გაზს, რომელსაც დამპალი კვერცხის სუნი აქვს.  

მიუხედავად ათწლეულობით დაკვირვებისა, ურანის ღრუბლების შემადგენლობის დადგენა საკმაოდ რთული აღმოჩნდა.

ჩვენ ვიცით, რომ ურანის ატმოსფეროში არის მეთანი, სწორედ ის აძლევს პლანეტას ასეთ ლამაზ ლურჯ შეფერილობას (მეთანი უსუნოა).

Voyager 2-ის საშუალებით ჩატარებულმა კვლევამ აჩვენა, რომ პლანეტის ატმოსფერო შეიცავს წყალბადსა და ჰელიუმს.

მაგრამ სხვა ნაერთების კონცენტრაცია, როგორიცაა – წყალი, ამიაკი და გოგირდწყალბადი, ცოტა უფრო რთული დასადგენი აღმოჩნდა, ვინაიდან პლანეტა ძალიან შორს მდებარეობს და ტელესკოპებში ცუდად ჩანს.

თუმცა, მოგეხენებათ, რომ ტექნოლოგიები დღითი დღე ვითარდება – ასტრონომების საერთაშორისო გუნდმა Gemini-ის ტელესკოპის საშუალებით ურანთან დაკავშირება მოახერხა.

გუნდმა, რომელსაც ოქსფორდის უნივერსიტეტის ფიზიკოსი პატრიკ ირვინი ხელმძღვანელობდა, ურანის ღრუბლის საფარის სპექტროსკოპიული ანალიზის მისაღებად 8-მეტრიანი ტელესკოპის ახლო ინფრაწითელი ინტეგრალური სფეროს სპექტრომეტრი გამოიყენეს და დაადგინეს, რომ ის გოგირდწყალბადს შეიცავდა.

ეს ურანს განასხვავებს  ჩვენს მზის სისტემაში არსებული გაზის ისეთი პლანეტებისგან, როგორიცაა  – იუპიტერი და სატურნი, რომელთა ატმოსფერო დიდი რაოდენობით ამიაკს შეიცავს, თუმცა არა გოგირდწყალბადს.

რა მოხდება, თუკი ადამიანი ოდესღაც ურანზე გაემგზავრება? რა თქმა უნდა, რთულია იმის განსაზღვრა, როდის მოვახერხებთ ურანზე ფეხის დადგმას, რომელიც დედამიწიდან მარსზე 5-ჯერ უფრო შორს მდებარეობს. მაშინ კი, როცა ადამიანი ამას მიაღწევს, ცუდი სუნი იქნება ის, რაც მას ალბათ ყველაზე ნაკლებად შეაწუხებს.

ურანი — მზიდან მეშვიდე პლანეტაა დაშორების მიხედვით. ის რადიუსით მესამე, ხოლო მასით მეოთხეა მზის სისტემაში. ურანის შედგენილობა ნეპტუნისას ჰგავს, ხოლო ეს ორი პლანეტა გაზური გიგანტებისგან, იუპიტერისა და სატურნისგან განსხვავებულია, ამიტომაც ასტრონომები ურანსა და ნეპტუნს განცალკევებულ კატეგორიაში — „ყინულის გიგანტებში“ მოიხსენიებენ.

 

წყარო: https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოაისტორიაკატეგორიის გარეშეკულტურამსოფლიორელიგია და მეცნიერება

მუსლიმი ქალი ჩადრით – სურვილი თუ რელიგიური ვალდებულება?!

3.24K views on

ისლამის ფუნდამენტალური მკვლევარები, რომლებიც სწავლობდნენ ისლამის ისტორიას და მუსულმანურ ცივილიზაციას ამტკიცებენ, რომ ქალი თანაბარია მამაკაცთან, რომ ისინი ერთ მთლიანობას ქმნიან და მათი ცალ-ცალკე ყოფნა წარმოუდგენელია. ,,ქალი თუ კაცი ყველა ადამიანი ღმერთის წინაშე სავარცხლისკბილებივით თანაბარნი არიანო’’, ამბობს მუჰამმედ შუამავალი.

წმინდა ყურანში ,,ქალები’’–ს სახელის სურაც კია მოცემული, ასევე ერთ–ერთი სურაც წმინდა მარიამისსახელს ატარებს. აქედან  ჩანს რომ ყურანი ქალს ანიჭებს უდიდეს ღირსებას. ზოგიერთი მცდარი შეხედულება იმისა, რომ სამოთხეში თითქოსდა წმინდა ევამ მიაწოდა წმინდა ადამს აკრძალული ხის ნაყოფი და ამის გამო ქალი არის წყეული, ყურანი ამ აზრს არ ეთანხმება.

ისლამი ავალდებულებს ქალს მიიღოს განათლება, აქვთ უფლება  ჰქონდეთ საკუთარი ქონება, ეწეოდენ კომერციულ საქმიანობას, საკუთარი ნება სურვილით აირჩიონ  მეუღლე და მშობელს არა აქვს უფლება მათი  ძალისმიერი მეთოდის გამოყენებით გათხოვება–დაქორწინებისა. ისლამმა მისცა ქალს ნება იმისა, რომ თავისი სურვილით განქორწინდეს. ქალი თანასწორუფლებიანია მამაკაცისა ღვთისმსახურებაშიც. ევალება ლოცვა, მარხვა, ზექათის გადახდა და პილიგრიმობა ქააბაში.

მუსლიმი ქალის ერთ-ერთი ყველაზე გამოკვეთილი ნიშანი ალაჰისადმი მისი ღრმა ერთგულება და გულახდილი რწმენაა. ყოველდღიური ხუთი ლოცვიდან, მუსლიმი ქალი, თითოეულს მისთვის განკუთვნილ დროს აღავლენს და ამაში სხვა მოვალეობები ხელს არ უშლის.

მუსლიმი ქალი ჩაცმის სტილითაც გამოირჩევა. სწორედ ამ საკითხზე მინდა შევაჩერო ტქვენი ყურადღება, რადგან დღემდე კამათი არ წყდება მუსლიმი ქალების იმ ტანსაცმლის ნაწილობრივი აკრძალვის გამო, რომელიც სახეს ფარავს. მწერალი, აღმოსავლეთმცოდნე, ყურანის ქართულად მთარგმნელი, პროფესორი გიორგი ლობჟანიძე, „რადიო თავისუფლებასთან“  საუბრისას ამბობს, რომ  „ირანში არსებობს ერთი ლოზუნგი, რომელიც ხშირად წამიკითხავს: „ჰიჯაბი არის ჩემი ციხესიმაგრე და არა ციხე“, ამბობს ქალი.“

ჰიჯაბი ჩაცმულობას ჰქვია და რამდენიმე სახისა, თუ ფორმისაა,  ისლამის სხვადასხვა განშტოების მიხედვით ვარირებს. განსხვებული სტილის მიუხედავად, შემოსვის უმთავრესი პრინციპი, ზოგადად, მოკრძალებულობასა და ზომიერებას ეფუძვნება, რაც ყოველმა მუსლიმმა უნდა გაითვალისწინოს. ამდენად, შეიძლება ითქვას, რომ მუსლიმთა სამოსი ისლამური კულტურის განუყოფელი ნაწილიცაა.

ქალის სამოსის სახეებია:

ჰიჯაბი – რაც არაბულად “დამალვას” ნიშნავს. ასე უწოდებენ სამოსს, რომელიც მუსლიმან ქალს თავიდან ფეხებამდე ფარავს. თუმც “ჰიჯაბს” უფრო ვიწრო მნიშვნელობითაც ხმარობენ და ამ სახელით მუსლიმი ქალის თავსაბურავს მოიხსენიებენ, რომელიც მთლიანად ფარავს თმას, ყურებს , ყელს და უმეტეს შემთხვევაში მხრების ნაწილსაც. სახე არ იფარება.

ამირას ჰიჯაბი – ეს თავსაბურავი ორი ნაწილისგან შედგება. ერთი თავზე მჭიდროდაა შემოხვეული ქუდის მსგავსად, მეორე შარფია, რომელსაც ხშირად სახელოების ფორმა აქვს და ზემოდან იცმევა ისე, რომ მხრებს ფარავს. სიტყვა “ამირა” არაბულად “პრინცესას” ნიშნავს.

ნიქაბი – შავი ფერის თავსაბურავი, მთლიანად ფარავს სახეს, თმას და მხოლოდ თვალებისთვის აქვს ჭრილი. ნიქაბს მუსლიმური ტანსაცმლის სხვა სახეობებთან ერთადაც ატარებენ. მაგალითად აბაისთან-გრძელ კაბასთან ქამრის გარეშე. ყველაზე ხშირად ნიქაბს სპარსეთის ყურის ქვეყნებში ხმარობენ, იემენში და პაკისტანში.

ჩადრი – სამოსი, რომელიც ფარავს მთლიანად სხეულს თმის ღერიდან ფეხის ტერფის ჩათვლით, თუმცა სახე არ არის დაფარული. მას ხშირად ნიქაბთან ერთად ატარებენ. გავრცელებულია ირანში.

ფარანჯა – ხალათის მსგავსი უხელო სამოსი, რომელიც მთლიანაც ფარავს სხეულს და ასევე სახეს. თვალების ჭრილი დაფარულია მჭიდრო ბადით-ჩაჩვანით. ტანსაცმლის ეს სახეობა შუა აზიაში და ავღანეთშია გავრცელებული.ამ სამოსის ტიპს მიეკუთვნება ბურკაც – ის სრულიად ფარავს ქალის სხეულის ზედა ნაწილს.

ხიმარი – ეს არის მოსაცმელი, რომელსაც სახის გამოსაყოფი აქვს. ფარავს თმას, ყურებს, მხრებს და წელამდე ჩამოდის. გავრცელებულია ახლო აღმოსავლეთსა და თურქეთში.

როგორ ვხედავთ მუსლიმანი ქალის სამოსის ინდივიდუალურობას განსაზღვრავს იმ კუთხისკულტურა, სადაც ის ცხოვრობს და რაღა თქმა უნდა რწმენა.

თვლიან, რომ ისლამი უკრძალავს ქალს მსგავსი სამოსის გარეშე საზოგადოებაში გამოჩენას, რომ თითქოს ყურანი ითხოვდეს თავსაბურავისა თუ ჩადრის ტარებას. ზოგიერთი კი ამ მოსაზრებას უარყოფს და  ამბობენ, რომ ყურანში არაფერი წერია ქალის ჩაცმულობასთან დაკავშირებით. ფაქტია, დღეს საზოგადოებაში იქმნება ერთგვარი განცდა მუსლიმი ქალების ჩაგვრისა ისლამის წესებით,  თუმცა აქაც აზრი ორად შეიძლება გაიყოს,  ის რაც ერთვისთვის  რელიგიური იდნეტურობის გამომხატველია,  მეორესთვის – ქალის უფლებების შეურაცხყოფად გაიონიხილება.

ჩაცმულობის მთავარი პრინციპი ისლამში არის უბრალოება. ვიცით, რომ ყურანსა და ჰადისებში განსაზღვრულია მოთხოვნები ქალის სამოსთან დაკავშირებით: აუცილებელია, რომ სხეულის ყველა ნაწილი, აგრეთვე თმა, სახის და ხელის მტევნების გარდა, დაფარული იყოს; ტანსაცმელი უნდა იყოს გაუმჭვირვალე; სამოსი უნდა იყოს ქალის ტანსაცმლის, და არა მამაკაცის კატეგორიიდან; ტანისამოსს არ უნდა ჰქონდეს სუნამოს ან რაიმე მძაფრი არომატი. ქალის მიერ თმის დაფარვა ქუჩაში, და საერთოდ, უცხო ადამიანების თანდასწრებით, რაც შეეხება კონკრეტულად ქალებს, ერთ-ერთ სურაში მათგან მოთხოვნილია, თვალი არ გაუსწორონ თანამოსაუბრეს, საქვეყნოდ არ გამოაჩინონ თავიანთი გარეგნული მშვენიერება გარდა იმისა, რაც ჩვეულებრივ, ბუნებრივად ჩანს. ქუჩაში და უცხო ადამიანების თანდასწრებით თმა დაფარული უნდა ჰქონდეთ, მკერდი მოსასხამით დამალონ. ქალის სამოსი სქელი ქსოვილისაგან უნდა იყოს დამზადებული და ტან-ფეხის მოყვანილობას მალავდეს… ეს წესები თუ მოთხოვნები იმის მიხვედვით შეიძლება იცვლებოდეს თუ რა კონიუნქტურაა, როგორი კულტურული თავისებურებები, ტრადიციები, პოლიტიკური რეჟიმია  ქყვეყანაში, რომლეშიც მუსლიმანს უწევს ცხოვრება.

ასე მაგალითად,  1996 წლის სექტემბერში, როცა ქაბულში თალიბანის მმართველობა დამყარდა, რადიო”შარიათმა” ყველა ავღანელისათვის სავალდებულო თექვსმეტი მითითება გამოაცხადა. ერთ-ერთის მიხედვით ქალებს ეკრძალებათ შილიფად ჩაცმა.
მძღოლებს არ აქვთ უფლება, თავდაუბურავ ან გამომწვევად შემოსილ ქალებს, რომლებიც თანმხლებინათესავი მამაკაცის გარეშე არიან, ტრანსპორტში ასვლის ნებართვა მისცენ. ყველას ვინც ასე მოიქცევა, დააპატიმრებენ. ქუჩაში შემჩნეული თავისუფლად ჩაცმული ქალის ქმარი დაისჯება და მათი სახლი გაიჩხრიკება.  ქალებს დამატებით სპეციალურად მოდური ტანისამოსით, მაკიაჟით, ჩადრის გარეშე სიარული სასტიკად ეკრძალებათ. მათ არ უნდა მიიქციონ სხვა ადამიანების ყურადღება. ურჩ ქალებს შარიათის კანონების მიხედვით დასჯიან და შეაჩვენებენ. მათთვის ყველა გზა ზეციური სასუფევლისკენ მოჭრილი იქნება!
კანონის დამრღვეევების საქმიანობას რელიგიური პოლიცია გამოიკვლევს, რომელთაც აღნიშნულის აღმოსაფხვრელად ყველანაირი ზომის გამოყენების უფლება აქვთ მინიჭებული.

არიან ქვეყნები სადაც მუსლიმი ქალი თავად წყვეტს, იაროს ჩადრით თუ ჩადრის გარეშე, მაგრამ მაგ. საუდის არაბეთში ქალს მსგავსი არჩევანის თავისუფლება არ აქვს. სხვადსახვა მიზეზით, რიგმა ქვეყნებმა მკაცრად  აუკრძალეს მუსლიმ ქალებს თავსაბურავის ტარება, კონსტიტუციურად დაამტკიცეს  და გარკვეული ჯარიმებიც კი დააწესეს.

საფრანგეთი პირველი ევროპული ქვეყანაა, სადაც 2010 წელს, საზოგადოებრივი თავშეყრის ადგილებში აიკრძალა ჩადრის ტარება.  საფრანგეთის ყოფილი პრეზიდენტი ნიკოლა სარკოზი აღნიშნავდა, რომ ფარანჯის ტარება, არ შეესაბამება არც ქვეყნის ინტეგრაციის იდეას და არც საფრანგეთის თანამედროვე და მოდურ სტილს. ქალები, რომლებიც  საჯარო ადგილებში, სახეს მთლიანად ჩადრით  დაიფარავენ, 150 ევროთი დაჯარიმდებიან. მათ ვინც ქალებს აიძულებს სახე დაფაროს,  ჯარიმასთან ერთად, 1 წელი თავისუფლების აღკვეთაც შეეფარდებათ.

ადამიანის უფლებათა ევროპულმა სასამართლომ საფრანგეთის აკრძალვას მხარი დაუჭირა და უარყო არგუმენტები, თითქოს, პირბადეების ტარების აკრძალვა რელიგიურ თავისუფლებას ზღუდავდა.

საფრანგეთის გადაწყვეტილებას ბელგიაც შეუერთდა. მათ აკრძალეს ისეთი სამოსისა თუ ნივთებისტარება, რომელიც საზოგადოებრივ ადგილებში პიროვნების იდენტიფიცირებას ხელს უშლის.

ჰოლანდიაში აკრძალულია ჩადრის ტარება  სკოლებში, სატრანსპორტო საშუალებებსა და  უნივერსიტეტებში.

ჩადრის ტარება აკრძალეს აფრიკულ ქვეყანაში – ჩადში, გაბონსა და კონგოში (ბრაზავილი). კამერუნმა სამოსის ტარება ქვეყნის ჩრდილოეთ რაიონებში აკრძალა. სენეგალის ხელისუფლებამაც გადაწყვიტაშემოიღოს კანონი, რომლის მიხედვითაც ქალებს ფარანჯის ტარება აეკრძალებათ. მიზეზი კი, რის გამოცაკრძალვა დაწესდება შემდეგია: ამგვარ სამოსში, დაფარული სახით, ბოროტმოქმედებს ადვილადშეუძლიათ თავდასხმების განხორციელება. მათი აზრით მსგავსი სამოსი დარტყმის ქვეშ აყენებს ეროვნულ უსაფრთხოებას.

ჩადში აკრძალვა მას შემდეგ ამოქმედდა, რაც თვითმკვლელმა, რომელსაც ჩადრი ეცვა, ივნისში თავი აიფეთქა და დედაქალაქ ნჯამენში 33 ადამიანი იმსხვერპლა. კამერუნში ორმა ჩადრში გამოწყობილმა ქალმა აიფეთქა თავი საჯარო ადგილას, რასაც 13 ადამიანის სიკვდილი მოჰყვა.

ბულგარეთში მოქმედი კანონმდებლობის თანახმად, ქალები, რომლებიც საჯარო ადგილებში ბურკასა და ნიქაბს ატარებენ, 770 ევროთი დაჯარიმდებიან.

ჰოლანდიაში 2007 წელს სრულად აკრძალეს სკოლებში ჩადრის ტარება, მოგვიანებით კი ყველა საჯარო თავშეყრის ადგილზეც. ჰოლანდიელმა კანონმდებლებმა საჯარო ადგილებში, ისლამური პირბადეების ნაწილობრივ აკრძალვის შესახებ გადაწყვეტილებას მხარი დაუჭირეს. შეზღუდვა ეხება სკოლებს, საავადმყოფოებს, სამთავრობო დაწესებულებებსა და საზოგადოებრივ ტრანსპორტს.

ამჟამად დასავლეთ ევროპის მხოლოდ სამ ქვეყანაშია აკრძალული ჩადრის ტარება, დანარჩენებში რეგიონალური შეზღუდვები მოქმედებს. ბარსელონაში აკრძალულია სახის დაფარვა საჯარო შენობებსა და ბაზარში. დანიაში იგივე აკრძალვა მოქმედებს სასამართლოებში. ჩადრი აკრძალულია გერმანულ ქალაქ გესენში და იტალიის ზოგიერთ ქალაქებში.

ეს ფაქტებია,  ვიღაც მუსლიმი ქალის სამოს ძალადობის სახელს უკავშირებს, ქართულენოვან საიტზე islam.ge აქვეყნებს სტატიას სახელწოდებით, „ხიჯაბი (ქალთა მუსლიმური სამოსი) ძალადობის წინააღმდეგ“, სადც ვკითხულობთ „ხიჯაბში შემოსილი ქალი–ისლამის სიმბოლოა, იმისი მაჩვენებელი, რომ მასზე  ძალაუფლება მხოლოდ უზენაეს ალლაჰს ეკუთვნის, იმის დასტური, რომ ის არ არის სუსტიდა ადვილად დასაჩაგრავი არსება, არამედ პიროვნება, რომელსაც  თავისუფლების, დაცულობისა დადაფასების არანაკლები უფლება აქვს ვიდრე ნებისმიერ მამაკაცს.“

ქვემოთ კი, „ჭეშმარიტად, ხიჯაბს შეზღუდვა არ აქვს, ვინაიდან ის საჭიროა, რადგანაც დაწესებულია.ხიჯაბი – არ არის მარტო ცხოვრების წესი, ის იცავს თავის მეპატრონეს მრავალი ცხოვრებისეულიპრობლემისა და შემთხვევისაგან, მათ შორის ძალადობისგან.“

სრულად ნახვა
ეს საინტერესოა

ქალი მეცნიერები, რომლებიც არაერთი მნიშვნელოვანი აღმოჩნის ავტორები არიან

1.74K views on

მსოფლიო მასშტაბით არაერთმა ქალმა შეიტანა უმნიშვნელოვანესი წვლილი მეცნიერების სხვადასხვა მიმართულების განვითარებაში. გთავაზობთ 7 მეცნიერ ქალს, რომლებიც ფიზიკის, ქიმიისა თუ სხვა მიმართულებით არაერთი მნიშვნელოვანი აღმოჩნის ავტორები არიან.

ჯოსელინ ბელ ბერნელი

ჯოსელინ ბელ ბერნელი ასტროფიზიკოსია, რომელმაც ჯერ კიდევ სტუდენტობისას პულსარიები აღმოაჩინა. პულსარი მბრუნავი ნეიტრონული ვარსკვლავია, რომელიც ელექტრომაგნიტურ რადიაციას ასხივებს. ბერნელის აღმოჩენას 21-ე საუკუნის უდიდეს ასტრონომიულ აღმოჩენას უწოდებენ. მიუხედავად იმისა, რომ ბერნელი ვარსკვლავს თავად აკვირდებოდა ნობელის პრემია ამ აღმოჩენისთვის ბერნელის ხელმძღვანელმა, ანტონი ჰიუიშმა მიიღო.

გრეის ჰოპერი

გრეის ჰოპერის ხელმძღვანელობით მათემატიკოსების ჯგუფმა ელექტრონული კომპიუტერის ადრეული პროტოტიპი შექმნა. ჰოპერმა შექმნა პროგრამირების ენის პირველი კომპილატორი, რომლის მეშვეობითაც სიტყვიერი ინსტრუქციების ციფრულ კოდად გარდაქმნა გახდა შესაძლებელი და კომპიუტერული მოწყობილობების ფუნდამენტურ პრინციპებს დაუდო საფუძველი.

ლიზა მაიტნერი

ლიზა მაიტნერი ოტო ჰანთან ერთად ხელმძღვანელობდა მეცნიერების მცირე ჯგუფს, რომელმაც პირველად აღმოაჩინა ურანის ბირთვული დაშლის პროცესი. მაიტნერმა და ჰანმა აღმოაჩინეს, რომ ურანის ატომბირთვის ორ მცირე ბირთვად გაყოფისას დიდი რაოდენობით ენერგია გამოიყოფა. აღნიშნული საფუძვლად დაედო ბირთვულ რეაქტორებში სითბოს და შემდგომ, ელექტროენერგიის გამომუშავებას, ისევე როგორც ბირთვული იარაღის შექმნას.

სიცოცხლის განმავლობაში მაიტნერმა არაერთი ჯილდო და წოდება მოიპოვა, თუმცა, 1944 წელს ნობელის პრემია ქიმიაში, ბირთვული დაშლის აღმოჩენისთვის მხოლოდ მის კოლეგას, ოტო ჰანს მიენიჭა.


ჰეიდი ლამარი

ჰეიდი ლამარი წარმოშობით ავსტრიელი, ამერიკელი მსახიობი და გამომგონებელი იყო. მიუხედავად იმისა, რომ ლამარმა კარიერის დიდი ნაწილი კონომსახიობობას მიუძღვნა, მას არაერთი გამოგონება ეკუთვნის. ერთ-ერთი ყველაზე მნიშვნელოვანი კი იმ ტექნოლოგიის შექმნაა, რომელსაც დღესაც იყენებენ უსადენო ინტერნეტის, ბლუთუზისა და ჯიპიეს სისტემებში.

მარი სკლოდოვსკა-კიური

მარი სკლოდოვსკა-კიური ნობელის პრემიის პირველი ქალი ლაურეატია. კიური იყო პირველი მეცნიერი და არის ერთადერთი ქალი, რომელმაც ნობელის პრემია მეცნიერების ორ სხვადასხვა დარგში, ქიმიასა და ფიზიკაში აიღო. მის მიღწევებს შორისაა რადიოაქტიურობის თეორიის შექმნა და ორი ქიმიური ელემენტის, პოლონიუმისა და რადიუმის აღმოჩენა. მარი კიურიმ გამოიგონა რენტგენის პორტატული აპარატი.

ადა ლავლეისი

ადა ლავლეისი ისტორიაში პირველ პროგრამისტად მიიჩნევა. მას ეკუთვნის ნაშრომი, რომელიც პირველი კალკულატორის შექმნას დაედო საფუძვლად. ის იყო პირველი მათემატიკოსი, რომელმაც მოწყობილობის პოტენციალი შეაფასა და იწინასწარმეტყველა, რომ მას მათემატიკურ გამოთვლებზე დიდი პოტენციალი ჰქონდა. მას მიაწერენ პირველი კომპიუტერული ალგორითმის დაწერასაც.

ჩიენ ში ვუ

ჩიენ ში ვუ, რომელსაც “ფიზიკის პირველ ლედის უწოდებენ”, წარმოშობით ჩინელი, ამერიკელი ექსპერიმენტალური რადიო-ფიზიკოსი იყო, რომელმაც ბირთვულ ფიზიკაში უდიდესი წვლილი შეიტანა. ის მუშაობდა “მანჰეტენის პროექტზე”, რომლის დროსაც ურანის ბირთვული სინთეზის შედეგად მიიღეს ამავე ნივთიერების იზოტოპები ურანი 235 და ურანი 238. ეს იზოტოპები გამოიყენება როგორც ბირთვული იარაღის, ასევე რეაქტორების ასამუშავებლად.

წყარო : netgazeti.ge

სრულად ნახვა
1 … 20 21 22 23 24 … 99
Page 22 of 99