ბიზნეს პერსონა

ბიძინა ივანიშვილის შემდეგ Forbes-ის მილიარდერთა სიაში მოხვდა კიდევ ერთი ქართველი მილიარდერი მიხეილ ლომთაძე –  $3.8 მილიარდის ქონებით და ის 812-ე ადგილს იკავებს.

Forbes-ი წერს, რომ ყაზახური კომპანია Kaspi-ს დამაარსებლები ვიაჩესლავ კიმი და მიხეილ ლომთაძე მილიარდერები კომპანიის აქციების ლონდონის საფონდო ბირჟაზე განთავსების შედეგად გახდნენ. მიხეილ ლომთაძის ქონება კომპანიის საჯარო განთავსების შემდეგ თავდაპირველად $3.8 მილიარდ დოლარად შეფასდა. თავად Kaspi-მ 2019 წელს შემოსავლის სახით $1.3 მილიარდი დოლარი მიიღო, იმავე წელს მისი წმინდა მოგება $515 მილიონი დოლარი იყო. 2020 წლის პირველ ნახევარში კი ჯგუფმა $740 მილიონის შემოსავალი და $286 მილიონის წმინდა მოგება გამოიმუშავა.

Kaspi საგადასახადო და ფინანსური ტექნოლოგიების ყველაზე დიდი კომპანიაა ყაზახეთში. მას ყოველთვიურად 7 მილიონზე მეტი მომხმარებელი ჰყავს.

Kaspi მომხმარებელს საშუალებას აძლევს ციფრულად გადაიხადონ გადასახადები, განახორციელონ სავაჭრო ტრანზაქციები და Paypal-ისა და Klarna-ს მსგავსად შეასრულონ “იყიდე ახლა – გადაიხადე შემდგომ“ ოპერაციები.

ცნობისთვის: მიხეილ ლომთაძე 1975 წელს ბათუმში დაიბადა. მან ბაკალავრის ხარისხი თბილისში, საქართველოს მენეჯმენტის ევროპულ სკოლაში მიიღო, შემდეგ კი სწავლა ჰარვარდის ბიზნესსკოლაში განაგრძო, სადაც მაგისტრის ხარისხიც მიიღო.

ის საქართველოსა და რუსეთში მოღვაწეობდა. 2008 წლიდან კი ყაზახურ „კასპი ბანკს“ ხელმძღვანელობს.

Forbes-ის მილიარდერთა სიაში ამჟამად სულ ორი ქართველი მილიარდერი ირიცხება, მათგან პირველის – ბიძინა ივანიშვილის ქონება $4.8 მილიარდ დოლარს შეადგენს და ის მსოფლიოს რიგით მე-600 უმდიდრესი ადამიანია. მიხეილ ლომთაძე კი $3.8 მილიარდით 813-ე ადგილს იკავებს.

ახალგაზრდა ანალიტიკოსთა და მეცნიერთა დარბაზი ,,დოქტრინა

81 წლის ასაკში გარდაიცვალა Adobe-ს თანადამფუძნებელი და PDF ფორმატის ერთ-ერთი შემქმნელი, ჩარლზ გესჩკე. ამ სამწუხარო ინფორმაციის შესახებ Adobe-მ გვაუწყა.

“ეს დიდი დანაკლისია როგორც Adobe-სათვის, ასევე მთელი ინდუსტრიისთვის, ის იყო სამაგალითო ადამიანი და უბრლოდ გმირი ათწლეულების განმავლობაში”, — ასეთი იმეილით მიმართა Adobe-ს აღმასრულებელმა დირექტორმა, შანტაუ ნარაიენმა თანამშრომლებს.

როგორც ერთ-ერთმა თანადამფუძნებელმა, ჩარლ გესჩკემ, ჯონ ვარნოკთან ერთად, შექმნა რევოლუციური პროგრამები, რომლებმაც სრულად შეცვალა ხელოვანი ადამიანების ცხოვრება და ზოგადად, საკომუნიკაციო გზები.

ჩარლზი მუდამ მიილტვოდა ინოვაციებისკენ, რამაც მას და კომპანიას საშუალება მისცა შეექმნათ ისეთი პროდუქტები, როგორიცაა Acrobat, Illustrator, Premiere Pro, Photoshop და თვით PDF ფორმატი.

ახალგაზრდა ანალიტიკოსთა და მეცნიერთა დარბაზი ,,დოქტრინა

„1O წელიწადში ილონ მასკმა შეიძლება, ისე შეცვალოს მსოფლიო, რომ ჩვენი 10-წლიანი განვითარების გეგმა მთვარეზე განხორციელდეს“, – ასე უპასუხა ბიზნესმენმა თემურ ჭყონიამ გადაცემა „გიორგი თარგამაძის ფორმულაში“ წამყვანის კითხვას, რომელიც საქართველოს განვითარების 10-წლიან გეგმას შეეხებოდა.

საქმე ისაა, რომ ირაკლი ღარიბაშვილის მთავრობა განვითარების 10-წლიან სტრატეგიას მაისში წარმოადგენს. ამ მიზნით პრემიერის გუნდმა ქვეყნის განვითარებისა და რეფორმების საბჭო შექმნა. მთავრობის დადგენილებით, საბჭოში შედის მინისტრთა კაბინეტი სრული შემადგენლობით, საჭიროების შემთხვევაში კი რეფორმების საბჭო შექმნის სამუშაო ჯგუფებს და მოიწვევს ექსპერტებსა და კერძო სექტორის წარმომადგენლებს.

„დღეს, პანდემიის პირობებში, მსოფლიოში დიდ და ხანგრძლივ გეგმებს არც ერთი ბიზნესმენი არ ადგენს. დღეს იმდენად სხვა სიტუაციაა, რომ ყოველდღიური გეგმა გვჭირდება. 10-წლიანი გეგმის საბოლოო მიზანი რა გვაქვს? ანუ მე-10 წელიწადს რა გვინდა? – ამის განსაზღვრა არის მთავარი და ამ მიზანს რომ დავწერთ, მერე შეიძლება ეს მიზანი განხორციელდეს 2 წელიწადშიც, გააჩნია რა მიზანი გვაქვს; თუ 10 წლის გადავადება გინდა რაღაც მიზნისთვის, ეს სხვა თემაა. თუ მიზანი ისაა, რომ სასამართლო რეფორმა 10 წელიწადში განხორციელდეს, მაშინ დავღუპულვართ და ა.შ.“, – ამბობს ბიზნესმენი.

ახალგაზრდა ანალიტიკოსთა და მეცნიერთა დარბაზი ,,დოქტრინა

სოციალური ქსელი Facebook-ის დამფუძნებელი მარკ ცუკერბერგი ტრადიციულ ოფისებში მუშაობის მოდელს ცვლის. ამის შესახებ Independent წერს.

გამოცემის ცნობით, ცუკერბერგი აცხადებს, რომ თანამშრომლები ოფისებში დისტანციურად იმუშავებენ, ხოლო სამუშაო ადგილზე ყოფნას ვირტუალური და დამატებითი რეალობის (VR და AR) დახმარებით შეძლებენ.

ცუკერბერგის კომპანია ამ ტექნოლოგიაზე გადასვლას 4-5 წელიწადში აპირებს. მისი თქმით, ახალი ტექნოლოგიის დანერგვის შედეგად თანამშრომლების შრომის ნაყოფიერება გაიზრდება, ჰაერში კი მავნე ნივთიერებების გატყორცნის მაჩვენებელი დაიკლებს.

ცუკერბერგი გეგმავს, რომ მომდევნო 10 წლის მანძილზე კომპანიის ნახევარი ახალი ტექნოლოგიებით მუშაობის ფორმატზე გადაეწყოს

ამ დროისთვის, Facebook Reality Labs ქმნის მოწყობილობას, რომელიც კავშირის დამყარებას ვირტუალური რეალობის დახმარებით შეძლებს. მთავარი პრობლემა კი ამ ტექნოლოგიებში ისაა, რომ მომხმარებელს სპეციალური სათვალე დასჭირდება, რომელსაც მძიმე ჩარჩო აქვს. ახლა ტექნოლოგები მცირე ზომის დანადგარის შექმნაზე მუშაობენ.

ახალგაზრდა ანალიტიკოსთა და მეცნიერთა დარბაზი ,,დოქტრინა”

Forbes-მა აშშ-ის ყველაზე გულუხვი მილიარდერების რეიტინგი გამოაქვეყნა, რომელიც სიცოცხლის განმავლობაში ქველმოქმედებაზე დახარჯულ თანხაზე დაყრდნობით შეადგინა.

გამოცემის ინფორმაციით, სიის სათავეში ინვესტორი უორენ ბაფეტი აღმოჩნდა, რომელმაც მთელი ცხოვრების განმავლობაში ქველმოქმედებისთვის $42.8 მილიარდი გაიღო. თანხის უდიდესი ნაწილი ჯანდაცვის განვითარებასა და სიღარიბესთან ბრძოლას ხმარდება. 2010 წელს ბიზნესმენმა თავისი ქონება 5 საქველმოქმედო ფონდს გადასცა.

რეიტინგის მეორე ადგილზე Microsoft-ის დამფუძნებელი ბილ გეიტსი და მისი მეუღლე მელინდა არიან. წყვილმა, რომლის ქონებაც $120,7 მილიარდად ფასდება, ქველმოქმედებაზე $29,8 მილიარდი დახარჯა.

მესამე ადგილზე კი ფინანსისტი ჯორჯ სოროსია, რომელმაც Forbes-ის მონაცემებით, წლების განმავლობაში ქველმოქმედებისთვის $16,8 გაიღო.

ახალგაზრდა ანალიტიკოსთა და მეცნიერთა დარბაზი ,,დოქტრინა”

კომპანია SpaceX-ისა და Tesla-ს დამფუძნებელი, მსოფლიოს უმდიდრესი ადამიანი, საკუთარ ქონებას ყიდის. მისი მიზანია მარსზე დასახლებების შექმნა. ამის შესახებ Business Insider წერს.

გამოცემის ცნობით, ილონ მასკის განცხადებით, მარსის განაშენიანებას სოლიდური ინვესტიციები სჭირდება, ამიტომ ეს ერთ-ერთი მიზეზია, რისთვისაც ქონებას ყიდის.

„მე არ მაქვს კომპანიის აქციებზე უფრო ძვირფასი ქონება. თუ საჭირო გახდა დაძაბული ვითარების გამო ან ოფისში ან საწარმოში დავიძინებ“, – აცხადებს Business Insider-თანსაუბრისას ილონ მასკი.

2020 წლის ბოლოს მასკმა მარსის განაშენიანების გეგმების შესახებ განაცხადა. კერძოდ, ის აპირებს ავტონომიური ქალაქის მშენებლობას. 2050 წელს ბიზნესმენი მარსზე 1 000 000 ადამიანის გაგზავნას აპირებს.

SpaceX-სა და Tesla-ს დამაარსებელი, ილონ მასკი მსოფლიოში ყველაზე მდიდარი ადამიანი გახდა. ინფორმაციას ამის შესახებ ტელეკომპანია CNBC-ი ავრცელებს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ბიზნესმენი თემურ ჭყონია სახელმწიფოს მიერ სხვადასხვა დარგის სუბსიდირების მიზანშეწონილობაზე „ბიზნესპარტნიორთან“ საუბრობს. მისი განმარტებით, ღარიბ ქვეყანაში სუბსიდირება არ უნდა ხდებოდეს.

მისი განცხადებით, როდესაც საუბარია შეღავათებზე, ეს არის ძველი და ჩამორჩენილი აზროვნების შედეგი.

„ისეთ ღარიბ ქვეყანაში, როგორიც საქართველოა, სუბსიდირება და შეღავათი არ უნდა ხდებოდეს. ჩვენ უნდა გვქონდეს სწორი, მკაცრი ფორმულირება ყველაფერზე და არა მლიქვნელური, სუბსიდირება უნდა მოეხდინათ ფასების ზრდის დროს და არა ერთეულებზე,“-აცხადებს ჭყონია.

ბიზნესმენი მთავრობის მიერ პირველი ხარისხის ფქვილის სუბსიდირების საკითხს აკრიტიკებს და აცხადებს, რომ მთავრობას ამ მხრივ არასწორი პოლიტიკა აქვს.

„პური აქციეს გადარჩენის სიმბოლოდ. ოღონდ პური არ გაძვირდეს – ეს სიღარიბის მაჩვენებელია. პური ყოფილა გადამწყვეტი, ერთადერთი პროდუქტი ადამიანის ჯანმრთელობის, ენერგიის, გამრავლების. სიჯანსაღის სიმბოლო ყოფილა. პური თუ გაქვს მრავლდები, ჯანმრთელი ხარ, ბედნიერი ხარ, ცოლი მოგყავს, ქორწილებს იხდი. პური გახადეს ქვეყნის სიმბოლოდ. ამხელა აგიტაცია მიდის, რომ მთავარია პური არ გაძვირდეს. რა არის ეს, რა მიდგომაა? კარაქი არ შეიძლება პურს ხანდახან გადავუსვათ? ან თაფლი, ან ყველი და პური რომ იყოს ერთად არ შეიძლება? პურს არაფერი სჭირდება? ეს არის კატასტროფა, როდესაც სახელმწიფოს უზარმაზარი მახინა, სადაც ეკონომისტები არიან, ფიქრობენ იმაზე, რომ პური არ გაძვირდეს. პური გახადეს სიმბოლო ჩვენი ქვეყნის გადარჩენის,“ – აცხადებს ჭყონია.

შეგახსნებეთ, 2020 წლის ბოლოსთვის მთავრობამ პირველი ხარისხის ხორბლის ფქვილის სუბსიდირება დაიწყო. პროგრამა 4 თვის განმავლობაში, 31 მარტამდე გაგრძელდება. როგორც სოფლის მეურნეობის მინისტრმა ლევან დავითაშვილმა განაცხადა, რომ ეს ნიშნავს იმას, რომ პურზე ფასი არ გაიზრდება. შემდგომი გადაწყვეტილების მიღება კი გლობალურ ბაზრებზე ხორბლის ფასების დაკვირვების შედეგად იქნება მიღებული.

პირველი ხარისხის ხორბლის ფქვილის სუბსიდირების ბიუჯეტი ათი მილიონი ლარია.პროგრამისთვის თვეში დაახლოებით 2-2.5 მლნ ლარი დაიხარჯება.

business-partner.ge

ახალგაზრდა ანალიტიკოსთა და მეცნიერთა დარბაზი ,,დოქტრინა”