close
მედიცინა

სპეციალისტების განმარტებით, ეგზემის შესახებ ხუთი რამის ცოდნაა აუცილებელი

რა არის ეგზემა და რა უნდა ვიცოდეთ მის შესახებ? ეგზემა არის კანის ანთებითი მდგომარეობა, რომელიც იწვევს კანის სიმშრალეს, ქავილს, გამონაყარს, ქერცლიან ლაქებს, ბუშტუკებს და კანის ინფექციებს.
მნიშვნელოვანია, ეგზემის შესახებ 5 მნიშვნელოვანი რამ ვიცოდეთ:
1. ის არ მოქმედებს მხოლოდ ბავშვებზე
გაერთიანებულ სამეფოში ატოპიური ეგზემა ყოველი ხუთი ბავშვიდან ერთს და ყოველი 10 ზრდასრულიდან ერთს აწუხებს. „მიუხედავად იმისა, რომ ეგზემა ხშირად განიხილება, როგორც ბავშვობის დაავადება, ის ყველა ასაკის ადამიანს შეიძლება განუვითარდეს. მთავარია, რაც შეიძლება მალე მიმართოთ ექის, რათა გააკონტროლოთ ეგზემა და შეიმუშაოთ კანის მოვლის ეფექტური რუტინა“, – აცხადებს ბროტანეთის ეგზემის ეროვნული საზოგადოების აღმასრულებელი დირექტორი, ენდრიუ პროქტორი.
2. ეგზემა გადამდები არ არის
სამწუხაროდ, ბევრი ადამიანი მაინც ფიქრობს, რომ ეგზემა გადამდებია, თუმცა, ატოპიური ეგზემა არ არის გადამდები.
3. გარემო დიდ როლს თამაშობს
გარემო ფაქტორებმა შეიძლება გამოიწვიოს ეგზემის გამწვავება ან გააუარესოს ის. გავრცელებული გამომწვევი მიზეზებია: სტრესი, ზედმეტი სიცხე/სიცივე ან ტემპერატურის უეცარი ცვლილება, საპონი, შამპუნი, სამრეცხაო და საწმენდი საშუალებები, სუნამოები, მტვერი, შინაური ცხოველების ბეწვი, სინთეზური ქსოვილი და სახლის მტვრის ტკიპები.
4. ძნელია, არ მოიქავო
„ერთ-ერთი ყველაზე გამაგიჟებელი რამ, რისი თქმაც შეიძლება ეგზემით დაავადებულისთვის არის : „შეწყვიტე ქავილი“. ეს არც ისე მარტივია! აუტანელი, დაუნდობელი ქავილი ამ მდგომარეობის ერთ-ერთი განმსაზღვრელი მახასიათებელია და პაციენტები მას წამებას უწოდებენ”, – აცხადებს , ენდრიუ პროქტორი.
5. ეს არის გონებრივი და ფიზიკური ბრძოლა
ეგზემით ცხოვრება ფსიქიკურად დამღლელია. ასევე ხშირია იმედგაცრუება, როდესაც აკეთებ ყველაფერს, რაც გითხრეს და ეგზემა მაინც არ განებებს თავს.
სპეციალისტები განმარტავენ, რომ ეგზემის დაძლევის გზებია კარგი კვება და დატენიანება, რეგულარული ვარჯიში, დასვენება.
აღსანიშნავია, რომ გაერთიანებულ სამეფოში 9-16 სექტემბერს ეგზემის ეროვნულ კვირეულს აღნიშნავენ, რომლის მიზანი აღნიშნული დაავადების მიმართ ცნობიერების გაზრდაა.

წყარო : independent.co.uk

ანალიტიკოსთა და მეცნიერთა დარბაზი – ,,დოქტრინა”

გაზიარება:
fb-share-icon0

Leave a Response