close
ექნოლოგიები

iPhone 8 ,,Apple-ის” ისტორიაში ყველაზე ძვირადღირებული მოდელი იქნება

iPhone

 iPhone7-ის გამოშვებიდან რამდენიმე თვის შემდეგ მომხმარებელი უკვე ელის ახალ მოდელს, რომელიც, როგორც მოსალოდნელია, ბევრი სიახლით იქნება გამორჩეული.

iPhone8-ის შესახებ ჯერჯერობით ოფიციალური ინფორმაცია არ ვრცელდება, თუმცა სხვადასხვა წყაროს ცნობით, ტელეფონს კიდეებში მოღუნული ეკრანი ექნება და მთლიანად მოიცავს წინა ნაწილს. ამასთან, ტელეფონის ჩარჩოს სისქე მხოლოდ 4 მილიმეტრი იქნება, საიდანაც 2.577 მილიმეტრს ეკრანის კიდეები დაიკავებს. ტელეფონის უკანა მხარეს, ორი კამერა ვერტიკალურად განლაგდება.

ტრადიციულად, ,,Apple-ი” უახლეს „iPhone-ებს“ ბაზარზე სექტემბრის პირველ ნახევარში წარადგენს ხოლმე, რაც კარგი დროა წინასაშობაო სავაჭრო სეზონისთვის. თუმცა გავრცელებული ინფორმაციით, ამჯერად კომპანია ამ ტრადიციას დაარღვევს და ახალ „iPhone-ს“ უფრო ადრე გაგვაცნობს.. სავარაუდოდ, ეს ივნისში მოხდება. მაშინვე დაიწყება „iPhone 8“-ის წარმოება.

რაც შეეხება ფასს, ერთ-ერთი წყაროს ინფორმაციით, ახალი ტელეფონი ყველაზე ძვირი „iPhone“ გახდება. მისი ფასი 1 000 დოლარზე მეტი იქნება. თუმცა, ამ ინფორმაციას ამერიკული კომპანია ჯერჯერობით არ ადასტურებს. იმავე წყაროს ცნობით, ,,Apple-ი” წელს სამი ტელეფონის გამოშვებას აპირებს. მათგან ერთი იქნება „iPhone 8“ 5.8-დუიმიანი ეკრანით, მეორე „iPhone 7S plus“ 5.5-დიუმიანი ეკრანით და „iPhone 7S“ 4.7-დიუმიანი ეკრანით. ამათგან მერვე მოდელს OLED (შუქდიოდური) ეკრანი ექნება. სწორედ ესაა მკვეთრად გაძვირების მიზეზი, რადგან ასეთი ეკრანი ორჯერ ძვირია LCD ეკრანებზე, როგორებსაც ,,Apple-ი” ამჟამად იყენებს. გაიზრდება ტელეფონის მეხსიერების მოცულობაც.

მიმდინარე წელს,,“iPhone-ის” წარმოების დაწყებიდან 10 წელი სრულდება. სტივ ჯობსმა პირველი „iPhone-ი“ ბაზარზე 2007 წლის 9 იანვარს წარადგინა, კომპანიამ მისი გაყიდვა კი 29 ივნისს დაიწყო. გავრცელებული ინფორმაციით, ,,Apple-მა” ბევრი ტექნოლოგიური სიახლე მერვე „iPhone-ისთვის“ გადაინახა, რომლის პრემიერასაც პირველი „iPhone-ის“ გამოსვლიდან 10 წლის იუბილესთვის გეგმავს.

 

წყარო: Hbr.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მასალის გამოყენების პირობები

კომენტარი

Tags : sld
admin2

The author admin2