კატეგორიის გარეშე

ოკეანის დაბინძურების წინააღმდეგ ბრძოლის ფარგლებში ბრიტანეთის მთავრობა 2020 წლის აპრილიდან კოქტეილის პლასტმასის ჩხირების, სასმელის მოსარევებისა და ყურის საწმენდი ჩხირების გაყიდვაზე შეზღუდვების დაწესებას გეგმავს.

სტატისტიკის თანახმად, ქვეყანაში წელიწადში დაახლოებით 316 მილიონ პლასტმასისგან დამზადებულ სასმლის მოსარევს მოიხმარენ. რაც შეეხება ყურის საწმენდ პლასტმასის ჩხირს, რომელზეც ბამბაა დახვეული, ყოველწლიურად მოხმარებული რაოდენობა დაახლოებით 1, 8 მილიარდია. 

მთავრობის ინიციატივა მხოლოდ პლასტმასისგან დამზადებულ სასმლის მოსარევის სრულ აკრძალვას გულისხობს. რაც შეეხება კოქტეილისა და ყურის ჩხირებს, მათი შეძენა  ხელმისაწვდომი ყველგან აღარ იქნება და  გაყიდვის უფლება მხოლოდ რეგისტრირებულ აფთიაქებს ექნებათ. გარდა ამისა, რესტორნებსა და ბარებს აეკრძალებათ, თავიანთ კლიენტებს პლასტმასისგან დამზადებული ჩხირები შეთავაზონ იმ შემთხვევაში, თუ ისინი ამას თავად არ მოითხოვენ.

აღსანიშნავია, რომ ხელისუფლების გადაწყვეტილებას მოწინაღმდეგეებიც გამოუჩნდა, რომლებიც აცხადებენ, რომ სასმელის ჩხირები ყოველდღიურ ცხოვრებაში უაღრესად საჭიროა და მათი სრული აკრძალვა დეჰიდრაციის რისკთანაა დაკავშირებული.

ხელისუფლება კი ირწმუნება, რომ  სასმელის ჩხირების სრული აკრძალვა არ იგეგმება და აღნიშნული ნაბიჯით ქვეყნის მოსახლეობის მიერ ყოველწლიურად მოხმარებული პლასტმასის ჩხირების რაოდენობა 4, 7 მილიარდიდან 44 მილიონამდე შემცირდება.

BBC

„თვითაღქმის თეორია“ დერილ ბემს ეკუთვნის. ამ თეორიის მიხედვით, ადამიანები საკუთარ თავს აკვირდებიან, რათა გამოყონ და გამოკვეთონ თავიანთი ქცევის მიზეზები ანუ საკუთარ შინაგან მდგომარეობაში გასარკვევად ადამიანები მოცემულ მომენტსა და სიტუაციაში აკვირდებიან საკუთარ ქცევებს და, აქედან გამომდინარე, გამოაქვთ დასკვნები.

თვითაღქმის თეორიის შექმნის მიზანი, პირველ რიგში, იყო ის, რომ ემპირიულ დონეზე გარკვეულიყო, რა აძლევს ადამიანს საშუალებას, ამოიცნოს და სახელდება გაუკეთოს მის მიერ განცდილ გარკვეულ მდგომარეობებს. მაგალითად, როდესაც ადამიანი ამბობს: „მე მწყურია“ – არის ეს თვითდაკვირვების შედეგი? დასკვნა? პირდაპირი ცოდნა? შესაძლოა თუ არა, რომ ინდივიდი შეცდეს საკუთარი მდგომარეობის შეფასებაში? თუ ეს გამორიცხულია თვითაღქმის განსაზღვრების მიხედვით? რა განსხვავებაა პირველ პირში ნათქვამ მტკიცებით ფორმას „ მე მშია“ და მესამე პირის მიერ  ნათქვამ „მას შიას“ შორის?

იქიდან გამომდინარე, რომ ინდივიდუალური შინაგანი მდგომარეობები შესაძლოა სუსტი, ორაზროვანი, განუსაზღვრელი ან გაუგებარი იყოს, საკუთარი თავის შეფასებისას ინდივიდი ფუნქციონალურად დაახლოებით იმავე მდგომარეობაში აღმოჩნდება, როგორშიც გარე დამკვირვებელი, რომელსაც მხოლოდ თვალსაჩინო, გარეგან  დეტალებზე დაკვირვებით შეუძლია ინდივიდის შინაგან მდგომარეობებზე მსჯელობა და დასკვნის გამოტანა.

ყველა ადამიანი თავისი ცხოვრების განმავლობაში სხვადასხვა გამოწვევის წინაშე დგას, თუ ისინი ზურგს შეაქცევენ და შეეგუებიან განცდილ მარცხს, მომავალში ყველა შემთხვევაში ანალოგიურ შედეგს მიიღებენ.Harvard business review-მ გამოაქვეყნა სტატია, სადაც ისინი საზოგადოებას ურჩევენ, რომ შეცდომები გადააქციონ იარაღად, რომელიც მომავალში მათი წარმატების საწინდარი იქნება, ანუ წარუმატებლობა არ ნიშნავს დასასრულს, პირიქით, უკეთესია, რადგან სწავლობთ თუ როგორ უნდა გაუმკლავდეთ მოცემულ შეცდომას და მომავალში აღარ გაქვთ იმის შიში, რომ იმავე პრობლემას ვერ დაძლევთ. ჭკვიანი და გამოცდილი ადამიანები კი უკვე თავად აღარ უშვებენ შეცდომებს, რადგან სხის შეცდომაზე სწავლობენ, ითვალისწინებენ და რამდენიმე ნაბიჯით წინ არიან ყოველთვის.

მსგავსი შემთხვევები ძირითადად ბიზნესში გვხვდება, როდესაც სტარტაპებთან გვაქვს საქმე, ანუ ახლად წამოწყებული ბიზნესი არ ვიცით წამრატებული იქნება თუ არა, ექსპერტები გვირჩევენ, რომ ფოკუსირება მოვახდინოთ წარსულ წარუმატებლობებზე და ჩვენი ცოდნა გავუზიაროთ ჩვენს პარტნიორებსაც, რათა ერთად შეძლოთ ყველანაირი პრობლემის გადაჭრა.

Harvard business review

მოგეხსენებათ ტექნოლოგიები უმაღლეს დონეს აღწევს მსოფლიოს მასშტაბით, საზღვარი არ აქვს ამ სფეროს, რადგან რაც უფრო დრო გადის მით უფრო წინ მიდის და ვითარდება.

სმარტფონები რომ ავიღოთ მაგალითად და რომ დავაკვირდეთ მივხვდებით, რომ წლების წინ საზოგადოებისთვის უმაღლესი ხარისხის და შესაძლებლობების მქონე სმარტფონი დღევანდელ დღეს შესაძლოა მოძველებულიც კი აღმოჩნდეს, ამიტომ კომპანიები უკვე ფიქრობენ, რომ მუდმივად რაიმე ინოვაციური შესძინონ თავიანთ პროდუქტს, ისინი ერთმანეთს ეპაექრებიან, თუ რომელი უფრო ახალ და უცხო პროდუქტს შემოიტნს ბაზარზე.

Business insider–ყოვლ წელს აკეთებს შეჯამებას, თუ რომელი სმარტფონი არის ყველაზე აქტუალური დღევანდელი მდგომარეობით, პირველ 5 ადგილს კი ეს პროდუქტები იკავებენ:

1. iPhone XR

2. Google Pixel 3

3. Samsung Galaxy Note 9

4. iPhone XS

5. LG V40

Businessinsider.com

ქართველმა ნიჩბოსანმა ზაზა ნადირაძემ პოლონეთში მიმდინარე მსოფლიოს თასზე 200-მეტრიანი დისტანცია ყველაზე სწრაფად, 39.191 წამში დაფარა და გამარჯვებული გახდა.

მეორე ადგილზე ყაზახი ტიმურ ხაიდაროვი გავიდა, ხოლო მესამეზე – ბელარუსი არსტენ კოზირი.

ქართველმა სუმოისტმა ლევან გორგაძემ (ტოჩინოშინი) ნაცუ ბაშოს მე-14 დღეს მონღოლი იოკოძუნა კაკურიუ დაამარცხა და ოძეკის ტიტული დაიბრუნა.

ტოჩინოჩინისთვის ეს მე-10 გამარჯვება იყო, რაც ოძეკის სტატუსის დასაბრუნებლად საკმარისი იყო.

ლევან გორგაძე ისტორიაში გახდა მე-6 რიკიში, რომელმაც ოძეკობის დათმობიდან შემდეგ ბაშოზევე დაიბრუნა ეს ტიტული.

სან პაულუმ ეტლით ფარიკაობაში 2019 წლის მსოფლიო თასის მორიგ გათამაშებას უმასპინძლა.

საქართველოს ნაკრები, რომლის მთავარი მწვრთნელი მალხაზ მესხია, ბრაზილიაში სამი სპორტსმენის შემადგენლობით გაემგზავრა. მედლებისთვის ირმა ხეცურიანი, ნინა თიბილაშვილი და გვანცა ზადიშვილი იბრძოდნენ.

ხეცურიანმა ხმლით ფარიკაობის „ბ“ კატეგორიაში პირველობა ამჯერადაც არავის დაუთმო და მსოფლიო თასის გამარჯვებული გახდა. ფინალში მან ძალიან ძლიერი ტაილანდელი მეტოქე დაამარცხა. „ა“ კატეგორიაში ბრინჯაოს მედალი მოიპოვა ნინა თიბილაშვილმა.

2029 წელს დედამიწას უზარმაზარი ასტეროიდი მოუახლოვდება, რომლის სახელწოდებაა „ქაოსის ღმერთი“. ამის შესახებ Fox News-ი წერს. 

ასტეროიდის სიგანე 335 მეტრია. ის დედამიწას დაახლოებით 30 000 კილომეტრის სიახლოვეს 2029 წლის 13 აპრილს ჩაუვლის. ასტეროიდი მეცნიერებმა 2004 წელს აღმოაჩინეს. 

18 აპრილს დედამიწას 15-30 მეტრის დიამეტრის ასტეროიდმა ჩაუარა.

24 მაისს, 10:30 საათზე, სასტუმრო „ჰოლიდეი ინში“, საჯარო სკოლის დირექტორებს, სკოლის ბაზაზე შერჩეულ პროფესიული განვითარების ფასილიტატორებსა და საგანმანათლებლო რესურსცენტრების წარმომადგენლებს სკოლის მართვის გაუმჯობესების – „ლიდერობის აკადემიის“ დასრულების დამადასტურებელი სერტიფიკატები გადაეცემათ. ლიდერობის აკადემიის კურსი ათასწლეულის გამოწვევის ფონდი – საქართველოს მასწავლებელთა და სკოლის დირექტორთა პროფესიული განვითარების პროექტის ფარგლებში, სსიპ მასწავლებელთა პროფესიული განვითარების ეროვნულმა ცენტრმა განახორციელა.

სერტიფიკატების გადაცემის ღონისძიებას საქართველოს განათლების, მეცნიერების, კულტურისა და სპორტის მინისტრის მოადგლე ირინა აბულაძე და ათასწლეულის გამოწვევის ფონდი – საქართველოს აღმასრულებელი დირექტორი – მაგდა მაღრაძე გახსნიან. ღონისძიებას ასევე დაესწრება ათასწლეულის გამოწვევის კორპორაციის საქართველოს წარმომადგენლობის დირექტორის მოადგილე – სონია შარიგიანი და მასწავლებელთა და სკოლის დირექტორთა პროფესიული განვითარების პროექტის მენეჯერი – ნატალია ედიშერაშვილი.

„ლიდერობის აკადემიის“ კურსის მიზანია, მათი პროფესიული განვითრების ხელშეწყობა, რათა ეფექტიანად მართონ სკოლა და შექმნან მოსწავლეზე ორიენტირებული სასწავლო გარემო.

„ლიდერობის აკადემია“ 1800-ზე მეტმა საჯარო სკოლის დირექტორმა, ამდენივე ფასილიტატორმა და საგანმანათლებლო რესურსცენტრების წარმომადგენლებმა 2016-2019 წლებში პროექტის ფარგლებში შემუშავებული გრძელვადიანი კურსის ფარგლებში გაიარეს.

პროგრამის წარმატებით დასრულება დაეხმარება სკოლის დირექტორებს გააუმჯობესონ საკუთარი პრაქტიკა სკოლის კონტექსტისთვის საჭირო მენეჯმენტის მიმართულებით და გახდნენ ძლიერი, მოტივირებული და ეფექტიანი ლიდერები.

იტალიელი პოლიტიკოსი, რომელიც სავალდებულო ვაქცინაციის წინააღმდეგია, ჩუტყვავილათი დაინფიცირდა.

როგორც ცნობილია იტალიამ ცოტა ხნის წინ ხანგრძლივი მწვავე დებატების შემდეგ დაამტკიცა კანონი, ე.წ. Lorenzin law, რომელიც სკოლის მოსწავლეებისთვის ათეულობით დაავადების საწინააღმდეგო ვაქცინაციას სავალდებულოს ხდის. კანონის თანახმად,  იმ შემთხვევაში თუ ბავშვი აცრილი არაა, მას საბავშვო ბაღებსა და დაწყებით კლასებში სიარული ეკრძალება, ხოლო მის მშობლებს სოლიდურ ჯარიმა ეკისრება.

იტალიის მემარჯვენე პარტიის „ჩრდილოეთ ლიგის“ ლიდერი მასიმილიანო ფედრიგა აღნიშნული ჯანდაცვის პოლიტიკის ერთ-ერთი ყველაზე მწვავე ოპონენტი გახლავთ. მან კანონს „სტალინისტური“ უწოდა და აღნიშნა, რომ მიუხედავად იმისა, რომ ის საკუთარ შვილებს ვაქცინაციას უტარებს, სხვა მშობლები არ უნდა აიძულონ, იგივე გააკეთონ.

ჩუტყვავილათი დაინფიცირებულ პოლიტიკოსს საავადმყოფოში 4 დღის გატარება მოუხდა. ცნობილმა იტალიელმა ბიოლოგისტმა ამ ფაქტს სპეციალური „ფეისბუქ“ პოსტი მიუძღვნა, სადაც ფედრიგას მადლობას უხდის იმისთვის, რომ თავის შვილებს ვაქცინაციას უკეთებს, თუმცა იქვე მოსახლეობას შემდეგი სიტყვებით მიმართავს : „ფედრიგა, ბევრი სხვა ზრდასრული ადამიანის მსგავსად აცრილი არაა. ის რომ აცრილი ყოფილიყო, ჯანმრთელობის პრობლემა აქ ექნებოდა.“

საინტერესოა, შეიცვლის თუ არა ჩუტყვავილა გადატანილი პოლიტიკოსი აზრს აცრებთან დაკავშირებით.