close

ტურიზმი

საქართველოტრანსპორტიტურიზმი

დღეიდან რიყე-ნარიყალას საბაგირო მგზავრებს დროებით ვერ მოემსახურება

1.36K views on

თბილისის მერიის განცხადებით, 16 აპრილიდან 30 აპრილამდე საბაგიროზე ექსპლუატაციის, ინსტრუქციისა და ევროპული ნორმების შესაბამისი სამუშაოები ჩატარდება. 

„თბილისის სატრანსპორტო კომპანია გაცნობებთ, რომ 16 აპრილიდან 30 აპრილამდე რიყე – ნარიყალას საბაგირო გზა მგზავრებს ვერ მოემსახურება. ამ პერიოდის განმავლობაში ჩატარდება რეგლამეტით გათვალისწინებული, ექსპლუატაციის ინსტრუქციისა და ევროპული ნორმების შესაბამისი სამუშაოები, რომელიც ყოველი 22 500 ნამუშევარი საათის შემდეგ ხორციელდება.

სამუშაოებს თბილისის სატრანსპორტო კომპანიის შესაბამის ტექნიკურ ჯგუფთან ერთად, კომპანია ,,ლეიტნერის” სპეციალისტები აწარმოებენ. ამ პერიოდში კუს ტბის საბაგირო გზა ჩვეულ რეჟიმში იმუშავებს. თბილისის სატრანსპორტო კომპანია ბოდიშს გიხდით შექმნილი დისკომფორტისთვის”, – წერია განცხადებაში.

 

წყარო: https://www.indy100.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოამსოფლიოტურიზმი

მალე ,,დისნეის” პარკში გიგანტური რობოტის კოსტუმის შეტანას გეგმავენ

1.35K views on

გასულ წელს ,,დისნეიმ” გახსნა პარკი, რომელსაც პანდორა დაერქვა, რომელიც ფილმ ,,ავატარის“ მიხედვით გასაოცარი ბუნებითა და სხვადასხვა გიგანტური ცხოველითაა დაკომპლექტებული. პარკის მფლობელებმა გადაწყვიტეს, რომ კიდევ უფრო დაემსგავსებინათ ფილმისთვის და ახალი პროდუქტის შეტანას გეგმავენ, რობოტის კოსტუმი, რომელშიც ადამიანი ჯდება და თავისი სურვილისამებრ მოძრაობს.

ისედაც ძალიან ბევრი ტურისტი თუ ადგილობრივი მცხოვრები სტუმრობდა დისნეის პარკს, მაგრამ ალბათ არავის ეპარება ეჭვი, რომ ინოვაციური გადაწყვეტილება საგრძნობლად გაზრდის ვიზიტორთა რიცხვს, განსაკუთრებით იმ ხალხს მოუნდება წასვლა, ვისაც ფანტასტიკური ჟანრის ფილმები იზიდავს.

 

წყარო: Theverge.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებისაქართველოტურიზმი

საქართველოს დაცულ ტერიტორიებზე ვიზიტორთა რაოდენობა 39 პროცენტით გაიზარდა

1.32K views on

დაცული ტერიტორიების სააგენტო  2018 წლის პირველი კვარტლის მოანცემების ანგარიშს აქვეყნებს, სადაც ჩანს, რომ  წინა წელთან შედარებით, საქართველოს დაცულ ტერიტორიებზე ვიზიტორთა რაოდენობა 39% – ით გაიზარდა ანუ 55 490 შეადგინა. ვიზიტორთა შორის 56% ქართველია, ხოლო 44% უცხოელი. საინტერესოა, რომ  ქართველი ვიზიტორების რაოდენობა გაზრდილია 16%-ით, ხოლო უცხოელი ვიზიტორების რაოდენობა 88%-ით.

უცხოელი ვიზიტორებიდან ყველაზე მეტი გერმანიიდან, ისრაელიდან, გაერთიანებული საამიროებიდან, ინდოეთიდან და რუსეთიდან იყო.

ამ მონაცემებით, ყველაზე დიდი პოპულარობით  თბილისის ეროვნულ პარკი სარგებლობს.

ვიზიტორთა რაოდენობა გაორმაგდა მაჭახელას, კინტრიშისა და ჯავახეთის ეროვნულ პარკებში. მნიშვნელოვნად გაიზარდა ვიზიტორთა რიცხვი მტირალასა და თბილისის ეროვნულ პარკებში, მარტვილის კანიონსა და სათაფლიაში.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოასაქართველოტურიზმი

,,National Geographic-მა” ბათუმი ევროპის საუკეთესო ტურისტული ქალაქების ათეულში შეიყვანა

1.4K views on

„National Geographic Traveler“-მა ბათუმი ევროპაში საუკეთესო ტურისტული ქალაქების ათეულში შეიყვანა. პოლონურ გამოცემაში ბათუმი, როგორც უქმეების გასატარებლად საუკეთესო ადგილი ისეთი ქალაქების გვერდით სახელდება, როგორებიცა არიან: ნიცა, პალერმო, ამსტერდამი და ოქსფორდი. „მზესთან ახლოს“ ასე ჰქვია სტატიას, რომელიც გამოცემის მარტის ნომერში ბათუმსა და ზოგადად აჭარას მიეძღვნა.

,,ჩვენ ვიცით ბედნიერების რეცეპტი” ამბობენ ქართველები. ეს შეიძლება გადამეტებულად მოგეჩვენოთ, თუმცა ბათუმში გატარებულმა მხოლოდ ერთმა უქმეებმაც კი დამარწმუნა ამ სიტყვების სიმართლეში,“- ასე იწყებს სტატიას ჟურნალისტი ბუაჟეი გრიგილი, რომელიც მკითხველს შავიზღვისპირეთში მოგზაურობის შთაბეჭდილებებს აცნობს.

სტატიაში ჟურნალისტი ბათუმში ვიზიტისას საუკეთესო ადგილებს ასახელებს, რომელთა შორისაა – ბოტანიკური ბაღი, ბულვარი, ევროპის მოედანი და სხვა ტურისტული ღირსშესანიშნაობები. ის ასევე, ხაზს უსვამს მთიან აჭარასა და ადგილობრივ სამზარეულოს, სადაც ულამაზეს ბუნებაში ტურისტებს უგემრიელესი კერძების დაგემოვნება შეუძლიათ. „National Geographic Traveler”-ის ჟურნალისტი რეგიონში აჭარის ტურიზმის დეპარტამენტის მოწვევით იმყოფებოდა.

„ჩვენ აქტიურად ვმუშაობთ, რომ საქართველოსა და ჩვენი რეგიონის შესახებ სტატიები, რეპორტაჟები და გადაცემები სამიზნე ქვეყნების პოპულარულ მედია საშუალებებში გამოქვეყნდეს. ჩვენი მოწვევით გასულ წელს რეგიონს 500-მდე ჟურნალისტი, ბლოგერი და ტურისტული სააგენტოს წარმომადგენელი სტუმრობდა. შედეგად, კი მივიღეთ 150-ზე მეტი მედიაპროდუქტი რეიტინგულ ტელევიზიებში, ჟურნალებსა და ონლაინ გამოცემებში. მნიშვნელოვანია, რომ ჩვენი პოტენციური ტურისტები თავიანთ ქვეყნებშივე გაეცნონ აჭარას მსგავსი სტატიებით, საინტერესო რეპორტაჟებითა თუ გადაცემებით. ამ ყველაფერს კი ემატება ჩვენს სამიზნე ქვეყნებში აქტიური სარეკლამო კამპანიები შედეგად, კი ვღებულობთ აჭარის პოზიტიურ იმიჯსა და ტურისტების გაზრდილ ნაკადებს ჩვენს ქვეყანაში. აჭარის შესახებ არაერთი საინტერესო სტატია გამოქვეყნებულა, თუმცა ისეთი ქალაქების გვერდით ბათუმის დასახელება, როგორიცაა ნიცა, ამსტერდამი და პალერმოა ნამდვილად ორმაგად სასიხარულოა,“ – განაცხადა აჭარის ტურიზმის დეპარტამენტის თავმჯდომარე სულხან ღლონტმა.

 

წყარო: inedinews

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოსაქართველოტურიზმი

„Concrete and kitsch-ის“ მიხედვით, საქართველო – როგორც 2018 წლის ყველაზე იაფი ტურისტული დანიშნულება

1.64K views on

,,ალბათ, ყველას გსმენიათ საქართველოში არსებული უძველესი ღვინის კულტურისა და თბილისთან ახლოსვე მდებარე უზარმაზარი მომხიბვლელი ვენახების შესახებ, ტურისტული კომპანიები უძველეს მონასტრებსა და მღვიმეებს გაგაცნობენ, რომლებიც იუნესკოს მსოფლიო მემკვიდრეობის სიაში მოხვდა, მაგრამ ცოტამ თუ იცის რამდენად მცირე თანხებთან არის ამ მომხიბვლელ ქვეყანაში მოგზაურობა” – ასე აცნობს „Concrete and Kitsch-ის“პოპულარული გამოცემა საქართველოს საკუთარ მკითხველს და 2018 წელს აქ მოგზაურობის ოთხ უმთავრეს მიზეზს უზიარებს.
1. მოლაშქრეთა სამოთხე, რომელიც ალპებს არაფრით ჩამორჩება.
სვანეთი ერთ-ერთი საუკეთესო მიმართულებაა საქართველოში მოგზაურობის დროს. აქაურობა დღითი დღე უფრო მეტად იზიდავს უცხოელ მოგზაურებს. ხალხი, რომელიც არასდროს დაჩოქებია საბჭოთა კავშირის რეჟიმს, ნამდვილი ქართული სტუმართმოყვარეობითა და უგემრიელესი ადგილობრივი კერძებით უმასპინძლდება ერთი სოფლიდან მეორეში მოხეტიალე უცხოელ ტურისტებს.

2. ტრადიციული კერძები და ჯანსაღი პროდუქტი.
როგორც წესი, ვეგეტარიანელების განვითარებად ქვეყნებში მოგზაურობისას სიფრთხილისკენ მოუწოდებენ, რადგან არც ისე ბევრ კულტურას აქვს მათ რაციონზე მორგებული სამზარეულო, მაგრამ მათ საქართველოში შიმშილი ნამდვილად არ ემუქრებათ, მიუხედავად იმისა რომ აქაური კერძები ტრადიცულად ხორცისგან მზადდება, ქვეყანას ძალიან მდიდარი სასოფლო-სამეურნეო კულტურა აქვს, შესაბამისად, სუფთა და ჯანსაღი საკვები ყოველთვის ამშვენებს ქართულ სუფრას.

3. საბჭოთა კავშირის დროინდელი არქიტექტურული ძეგლები
საქართველო, რომელსაც ყველა გელათისა და სვეტიცხოვლის სამონასტრო კომპლექსებით იცნობს, ასევე საბჭოთა კავშირის მოდერნისტული ხელოვნების უნიკალურ ნიმუშებსაც ფლობს, რომლებსაც უკვე რამდენიმე წელია ,,Broutal Tours-ი” აცნობს დამთვალიერებელს.
4.შავი ზღვის სანაპირო საუკეთესოა მზის მოყვარულებისთვის.
შავი ზღვის სანაპირო ოდესღაც ქართული ელიტის პრივილეგიას წარმოადგენდა, მაგრამ დღეს D-ვიტამინის მაძიებელთათვის ყოველწლიურად საყვარელ ადგილს წარმოადგენს, ადგილობრივი ფასები ხორვატიისა და იტალიასთან შედარებით გაცილებით დაბალია და, მიუხედავად იმისა, რომ აქაურობას გაცილებით ნაკლები ტურისტი სტუმრობს, გულისხმიერი სტუმართმოყვარეობით, ხელმისაწვდომი სამზარეულოთი და ალკოჰოლური სასმელებით უახლოეს მომავალში ბათუმი კიდევ უფრო მეტ ტურისტს მიიზიდავს.

წყარო: concreteandkitsch.com

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოატურიზმი

მსოფლიოში ყველაზე პოპულარული კოქტეილები

2.69K views on

მსოფლიოს სხვადასხვა კუთხეში სხვადასხვანაირი რელაქსაციის მეთოდები არსებობს, მაგრამ, ძირითადად, მოგზაურობისას ყველა ადამიანისთვის მისაღები არის ბარში, ან კლუბში, ან მსგავს ადგილას სხვადასხვა კოქტეილის დაგემოვნება, რაც გვეხმარება უკეთეს ხასიათზე მოვიდეთ და ცოტახნით მოვწყდეთ დამღლელ, მოსაწყენ ყოველდღიურობას.

სხვადასხვა ქვეყანაში ადამიანებს საყვარელი კოქტეილები აქვთ, სადაც ისინი ძირითადად მიირთმევენ ხოლმე, მაგრამ, ზოგადად, არსებობს სტანდარტები ანუ ცნობილი კოქტეილები, რომლებიც ყველგან კეთდება და ისინი საკმაოდ პოპულარულია, ,,ბიზნეს ინსაიდერმა” შემოგვთავაზა 10 ყველაზე პოპულარული კოქტეილის დასახელება მთელი მსოფლიოს მასშტაბით:

  1. „Old Fashioned”
  2. “Negroni”
  3. ‘Dry martini”
  4. “Whiskey sour”
  5. “Margarita”
  6. “Manhattan”
  7. “Espresso Martini”
  8. “Mojito”
  9. “Gin Fizz”
  10. “Mai Tai”

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
მსოფლიოტურიზმი

საინტერესო ქვეყნები, სადაც იაფად შეგიძლიათ მოგზაურობა

1.78K views on

მოგზაურობა, სხვადასხვა ქვეყნის ღირსშესანიშნაობების ნახვა ყველა ადამიანის ინტერესებში შედის, მაგრამ, ხშირ შემთხვევაში, სხვადასხვა ფაქტორები მოქმედებს ანუ რთულდება ყველაფერი და ხელს გვიშლის ჩვენი სურვილის ასრულებაში, ეს შეიძლება იყოს ჯანმრთელობის პრობლემა, სამსახურში შვებულების არქონა, ან თუნდაც არასაკმარისი რაოდენობის თანხა.

როდესაც სამოგზაუროდ მიდიხარ, კარგია თუ თანხა იმდენი გაქვს, რომ ყველაფრის მონახულება და დეტალურად დათვალიერება მოახერხო, ძირითადად, ცენტრალური ევროპის ქვეყნები და საზოგადოდ ცნობილი საკურორტო ადგილები საკმაოდ ძვირ სიამოვნებას წამორადგენს, მაგრამ ,,ბიზნეს ინსაიდერი” გთავაზობთ რამდენიმე საკმაოდ საინტერესო ადგილს, რომლებიც არც თუ ისე დიდი ფასებით გამოირჩევა:

  1. ბულგარეთის მზიანი სანაპირო
  2. ტოკიო, იაპონია
  3. ალგარვე, პორტუგალია
  4. პრაღა, ჩეხეთის რესპუბლიკა
  5. კეიპტაუნი, სამხრეთ აფრიკა.

 

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გეოგრაფიასაქართველოტურიზმი

საქართველოში მღვიმეებისა და კანიონების შესწავლა მიმდინარეობს

2.18K views on

ექსტრემალური ტურიზმის განვითარების მიზნით, საქართველოში მღვიმეებისა და კანიონების შესწავლა მიმდინარეობს. ამის შესახებ ინფორმაციას ტურიზმის ეროვნული ადმინისტრაცია ავრცელებს.

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით დასავლეთ საქართველოს ამერიკის შეერთებული შტატებებიდან წყალქვეშა მღვიმეებში ყვინთვის სპეციალისტიები ეწვივნენ. ჯგუფის წევრები ერთი კვირის განმავლობაში წყალტუბოს, მარტვილის, წალენჯიხისა და ჩხოროწყუს მუნიციპალიტეტებში ტურისტულად აუთვისებელ სპელეოლოგიურ რესურსებს გამოიკვლევენ, ადგილობრივ სპეციალისტებს კი ტრენინგს ჩაუტარებენ და სპეციალურ აღჭურვილობას გადასცემენ, რომლითაც ტურისტებს მოემსახურებიან. მიმდინარე ექსპედიციის და საქართველოს ექსტრემალური ტურისტული პოტენციალის შესახებ ჟურნალები: National Geographic, Underwater Speleology და Quest სტატიებს და ბლოგებს მოამზადებენ.

ამერიკელ სპეციალისტებს ტურიზმის ეროვნული ადმინისტრაციის ხელმძღვანელი გიორგი ჩოგოვაძე შეხვდა და მათ სამუშაოებს გაეცნო.

წყარო: https://gnta.ge/ge

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გამოგონება - ინოვაციასაქართველოტურიზმი

tripplanner.ge – ინოვაციური პლატფორმა ტურისტული და ტრანსფერული პაკეტების შესაძენად

1.97K views on

tripplanner.ge-ს გამოჩენა გამორჩეულად გაახარებს მათ, ვისაც მოგზაურობა უყვართ. ტურის დაგეგმვა საკმაოდ დიდ დროსა და ენერგიას მოითხოვს, სწორედ აღნიშნული პორტალი აგარიდებთ თავიდან სხვადასხვა გაუთვალისწინებელ პრობლემას, რომელიც, როგორც წესი, ხშირია ტურისტთათვის. კომპანია ეკატერინე თარხნიშვილმა და გიორგი გვაზავამ დააფუძნეს. სტარტაპის შესახებ დეტალების გასარკვევად „დოქტრინა“ tripplanner.ge-ს თანადამფუძნებელ ეკატერინე თარხნიშვილს გაესაუბრა.

-უპირველეს ყოვლისა, წარმოგვიდგინეთ თქვენი თავი. 

-მე გახლავართ ტურიტული საიტის ,,tripplanner.ge-ის” თანადამფუძნებელი. ჩვენი პროდუქტი წარმოადგენს ვებგვერდს, სადაც ნებისმიერ ტურისტს შეუძლია მიიღოს საქართველოს, მისი რეგიონიებისა თუ ღირსშესანიშნაობების შესახებ ინფორმაცია, შეიძინოს ტურისტული პაკეტები და ტრანსფერული მომსახურება, აგრეთვე, ინოვაციური გვერდის ,,მგეგმავის” მეშვეობით თავად ააწყოს ტური.

-საიდან გაჩნდა აღნიშნულის შექმნის იდეა?

-ჩვენი საქმიანობის მთავარი იდეაა, საქართველოში მოგზაურობის დაგეგმვის უფრო კომფორტული და გამარტივებული გზა. მაგალითად, ევროპაში მოგზაურობისას ჩვენ უმეტესად ვიყენებთ ისეთ „თვითმგეგმავ“ საიტებს, როგორიცაა booling, tripadvisor, airbnb და სხვა. შესაბამისად, უცხოურ ტურისტულ სააგენტოებთან თითქმის არ გვაქვს შეხება, ყველაფრის დაგეგმვა ელექტრონულად, სახლიდან გაუსვლელად გვარდება. ამის მაგალითზე, მოვიფიქრეთ ისეთი ვებგვერდი, რომლის მეშვეობითაც ჩვენს ქვეყანაში ჩამომსვლელი ტურისტი თავად შეარჩევს მისთვის სასაურველ ტურს და შეიძენს მას.

ჩვენი სტარტაპკომპანია მე და ჩემმა პარტნიორმა – გიორგი გვაზავამ წელიწად-ნახევრის წინ დავაფუძნეთ. მას შემდეგ თავდაუზოგავად ვმუშაობთ ამ პროექტზე. მოვიპოვეთ გრანტი და თანადაფინანსება. ამ ხნის განმავლობაში შევქმენით საიტი, შევიტანეთ საიჭირო ინფორმაცია, გავწერეთ მარკეტინგული და ფინანსური გეგმა და ერთხელ საცდელი პერიოდით ჩავუშვით, მაგრამ გარკვეული მიზეზების გამო შევიტანეთ ცვლილებები, შესაბამისად, ძალიან მალე, ახალი ინფორმაციითა და მეტად დახვეწილი დიზაინით ხელახლა გამოვალთ ბაზარზე.

-გვესაუბრეთ სტარტაპის შესახებ. რა უპირატესობები აქვს? რას სთავაზობთ საზოგადოებას.

-ეს არის ტურიტული კომპანია ელექტრონულ სივრცეში. ამ პორტალის საშუალებით ტურისტს შეუძლია, რომ გაიგოს მეტი საქართველოს შესახებ, აარჩიოს ან თავად შექმნას ტურიტული პაკეტი, შეიძინოს ტური სახლიდან გაუსვლელად, აკონტროლოს ხარჯები და ვადები და ეს ყველაფერი დამატებითი კომუნიკაციის და თანმდევი დისკომფორტების გარეშე (თუმცა აქვს კომუნიკაციის ყველა საშუალება). აქედან მთავარი პრიორიტეტი არის ონლაინ შესყიდავა და ტურის მგეგმავი. ამ ინოვაციური გვერდის საშუალებით ტურისტი თავად არჩევს რეგიონს, მარშრუტს, მოსანახულებელ ადგილებს. ასევე სურვილისამებრ სასტუმროს, საკვებისა და გიდის მომსახურებას. ტურის შედგენისას მომხმარებელს ეძლევა საშუალება თავად აკონრტოლოს  დრო და ღირებულება.

-რას გეგმავთ სამომავლოდ პროექტის გასავითარებლად?

-გვინდა, რომ ჩვენი საიტი რაც შეიძლება მრავლისმომცველი იყოს, რათა ნებისმიერი ტურისტისთვის ხელსაყრელი პროდუქტი შევქმნათ. მეტი ინფორმაცია,  მრავალფეროვანი ტურები და მომსახურების საიმედო ხარისხი.

 

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ტურიზმი

CNN-მა თბილისი 2018 წლის საუკეთესო ქალაქების შვიდეულში დაასახელა

1.38K views on

საქართველო კიდევ ერთხელ მოხვდა CNN-ის ყურადღების ცენტრში, გამოცემა ამჯერად მსოფლიოს საუკეთესო ქალაქების შვიდეული წარმოდგინა, რომელთა მონახულებაც განსაკუთრებით პერსპექტიული და საინტერესო იქნება 2018 წლისთვის. აღნიშნულ ქალაქებს შორის თბილისიც მოხვდა. 

,,ეკონომიკით დაწყებული არჩევნებით დამთავრებული და პოლიტიკიდან კერძო საკუთრებამდე არსებული 2017 წლის მერყევი ტენდენციები, არც თუ ისე მშვიდი და მკაფიო იქნება 2018 წლისთვისაც, ამიტომ ძალიან მნიშვნელოვანია სწორი ბაზრის შერჩევა ინვესტიციებისთვის და მაშინაც კი – როცა გარკვეული რისკი მაინც იარსებებს, რაც უფრო საიმედო იქნება, არჩევანი მით უკეთესია,” – ნათქვამია გამოცემაში და სწორედ ამ  ძირითადი კრიტერიუმით არის გამორჩეული ის 7 ქალაქი, რომელთა ნახვასაც CNN-ი ურჩევს დაინტერესებულ პირებს.

თბილისი, როგორც ჰიპსტერების მექა – ასე ახასიათებს გამოცემა საქართველოს დედაქალაქს, გამომდინარე იქიდან, რომ ბოლო 18 თვის განმავლობაში მიმდინარე მოვლენებმა მას ,,ლისაბონი 2018″ სტატუსი მოაპოვებინა. ,,ქალაქი ელვისსისწრაფით იმკვიდრებს თავს, როგორც მსოფლიო მოდის, ხელოვნებისა და შემოქმედებითობის ძირითადი ღერძი. ამასთანავე, თბილისის ახლადარჩეული მერის – ყოფილი ფეხბურთელის, კახი კალაძის გეგმით, 2018 წლისთვის 334 მილიონი დოლარი მოხმარდება ქალაქის ტრანსპორტისა და ინფრასტრუქტურის განვითარებასაც”.

ნოემბრის თვეში საქართველოს „თვინ პიქსისა“ და „მალჰოლენდ დრაივის“  ყველასთვის კარგად ცნობილი რეჟისორი – დევიდ ლინჩი ეწვია, მისი ვიზიტი  თბილისში კინოს ინსტიტუტის გახსნას ეხებოდა, რამაც, როგორც ჩანს, კიდევ უფრო გაზარდა ჩვენი ქვეყნის კულტურის ცნობადობა მსოფლიოს მასტაბით და გამოცემა ამ ინიციატივასაც მიესალმება. გამოცემა თბილისს  გამოარჩევს ასევე მერსედესის მოდის კვირეულით, ტექნომუსიკის განვითარებითა და ღვინით.

თბილისის გარდა შვიდეულში მოხვდა ისეთი ქალაქები, როგორიცაა  ტორონტო (კანადა),  მასკატი (ომანი), დანდი (შოტლანდია), პარიზი (საფრანგეთი), ტოკიო (იაპონია), სან მიგელ დე ალიენდე (მექსიკა).

 

წყარო: CNN.com

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
1 … 3 4 5 6 7
Page 5 of 7