close

ტექნოლოგიები

გამოგონება - ინოვაციარობოტექნიკატექნოლოგიები

მეცნიერებმა შექმეს რობოტი, რომელსაც ვარჯიშის შედეგად განვითარება შეუძლია

1.67K views on

„კენშირო“  და „კენგური“ – ასე ჰქვიათ იმ რობოტებს, რომლებიც ტოკიოს უნივერსიტეტში შექმნეს და მათ განსაკუთრებული შესაძლებლობები აქვთ, მათ ვარჯიშის შედეგად შეუძლიათ მიუახლოვდნენ ადამიანის სტრუქტურულ აგებულებას.

მათი უნიკალური დიზაინი აძლევთ შესაძლებლობას, რომ შეასრულონ ისეთი მოძრაობები, რომლებიც მათ მიეხმარებათ ადამიანის ქცევების ათვისებაში.

„კენგურუს“ შეუძლია გააკეთოს სავარჯიშოები, როგორიც არის აზიდვები, ბუქნები, მუცლის პრესის ვარჯიშები.

გამომგონებლები ამბობენ, რომ რობოტს ესაჭიროება წყალი მის მეტალს ქვეშ, რათა დარჩეს ფორმაში, არ გადახურდეს.

 

 

წყარო: Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კომუნიკაციამსოფლიოტექნოლოგიები

ჰაკერებმა ოლიმპიური თამაშების გახსნის ცერემონიალზე კიბერშეტევა განახორციელეს

1.58K views on

როდესაც მილიონობით ადამიანი ოლიმპიური თამაშების დაწყებას მოუთმენლად ელოდა, სცენის გარეთ მოხდა ჰაკრების კიბერშეტევა, გახსნის ცერემონიალის დაწყებამდე რამდენიმე საათით ადრე  ვებსაიტმა შეწყვიტა მოქმედება, მომხმარებლებს შეექმნათ პრობლემები ბილეთების ყიდვასთან მიმართებით, ინფორმაციის მიღება გახდა შეუძლებელი, ასევე – უკაბელო ინტერნეტს შეექმნა პრობლემები, რაღაც დროის განმავლობაში იგი უმოქმედო იყო.

როგორც გაირკვა, 12 საათი დასჭირდათ კიბერმცველებს, რათა განეახლებინათ ვებგვერდი და საწყის მდგომარეობაში დაებრუნებინათ. ღონისძიების ორგანიზატორების თქმით, ოლიმპიურ თამაშებზე მსგავსი შეტევები არცთუ ისე იშვიათია და მათთვის ეს გასაკვირი არ ყოფილა. ჯერჯერობით მათთვის უცნობია, თუ ვინ შეიძლება იდგეს კიბერშეტევის უკან.

წყარო: Forbes.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეს საინტერესოატექნოლოგიები

,,ეპლმა”მეტი საათი გაყიდა, ვიდრე შვეიცარულმა საათების მწარმოებელმა კომპანიებმა

1.4K views on

ყველამ იცის, რომ „ეპლის“ კომპანიამ გამოუშვა ინოვაციური და მრავალფუნქციური საათი, რომელმაც გაყიდვებით ბევრ, ამ სფეროში დომინანტ კომპანიას გადაასწრო, ამის მიზეზი, მომხმარებლების აზრით, არის მისი მრავალფუნქციურობა, თანამედროვე და ელეგანტური დიზაინი.

ბევრისთვის გასაკვირი აღმოჩნდა, როდესაც გაირკვა, რომ ,,ბიზნეს ინსაიდერის” გამოკვლევით, სხვადასხვა კომპანიას, როგორიც არიც,,სვოჩი“, „როლექსი“, „ომეგა“ ,,ეპლის” საათებმა მათი პროდუქცია, თითქოსდა მეორე პლანზე გადაიტანა.

,,ეპლის” კომპანიის ერთ–ერთმა დირექტორმა განაცხადა, რომ ის პერიოდი, როდესაც მათ საათების გამოშვება დაიწყეს, კომპანიის ისტორიაში ერთ–ერთი ყველაზე წარმატებული იყო, მათ არა მხოლოდ საათებზე ჰქონდათ გათვლა, მაგრამ აღმოჩნდა, რომ საკმაოდ წარმატებულ და მომგებიან საქმიანობას ჩაეყარა საფუძველი.

 

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიგამოგონება - ინოვაციაეს საინტერესოამანქანათმშენებლობამსოფლიოტექნოლოგიები

რა საიდუმლო ტვირთი წაიღო  ,,Falcon Heavy-მ” კოსმოსში

1.78K views on

SpaceX-ის რაკეტის ისტორიულ გაშვებაზე რამდენიმე დღის წინ ყველა საუბრობდა, თუმცა, ძალიან ცოტამ თუ იცის ის ამბავი, რომ ,,Falcon Heavy-მ” საიდუმლო მარგი ტვირთიც გადაიტანა.

ეს გახლდათ  Arch -ი, უამრავი მონაცემის შენახვის შესაძლებლობის მქონე უმცირესი ზომის მოწყობილობა. მონეტის ზომის დისკი კალიფორნიაში დაფუძნებული კომპანიის, Arch Mission Foundation-ის მეცნიერებმა ,,კაცობრიობის ცოდნის დროსა და სივრცეში შესანახად და გასავრცელებლად შექმნეს,” რაც, მათი განმარტებით, დიდ სარგებლობას მოუტანს მომავალ თაობებს.

ტექნოლოგიას, რომელიც საუზემპტონის უნივერსიტეტის ფიზიკოსმა – პიტერ კაზანსკიმ განავითარა, 360 ტერაბაიტი მონაცემის შენახვა შეუძლია. ჯერჯერობით შექმნილია Arch1 და Arch2.

Arch-ი კვარცის სილიციუმის მინაზე ლაზერის ნანოსტრუქტურით ჩათვირთულია ინფორმაცია. დისკი ,,5D მონაცემთა შენახვის”,,წყალობით თეორიულად 14 მილიარდ წელს უძლებს.

ტექნოლოგიის შემქმნელები Arch-ს მზის ბიბლიოთეკას უწოდებენ. ,,მზის ბიბლიოთეკა” მზის გარშემო ორბიტაზე მილიარდობით წლის განმავლობაში იმოძრავებს.

მომავალში Arch დისკების გაგზავნას მთვარესა და მარსზეც აპირებენ.

 

 

წყარო: www.sciencealert.com

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

სრულად ნახვა
გამოგონება - ინოვაციაეს საინტერესოამედიცინამსოფლიოტექნოლოგიები

შეძღუდული შესაძლებლობების მქონე ბავშვებისთვის ინტელექტუალური სავარძელი შეიქმნა

1.49K views on

ბარსელონაში დაფუძნებულმა შეზღუდული შესაძლებლობის ფონდმა ინტელექტუალური სავაძელი შექმნა, რომელიც შეზღუდული შესაძლებლობის მქონე ბავშვებს მათ გარშემო არსებული სამყაროს შეცნობაში დაეხმარება. 
მანამდე არსებული შშმ პირებისთვის განკუთვნილი ეტლები, როგორც წესი, ჯოისტიკით კონტროლდებოდა და ის ბავშვები, რომლებსაც აუცილებელი საავტომობილო უნარები არ ქონდათ, მის გამოყენებას ვერ ახერხებდნენ.
როდესაც ანა რეიგი 8 თვის იყო, მას ე.წ. მგლის სინდრომის დიაგნოზი დაუსვეს. ოჯახმა არ იცოდა, რით დახმარებოდნენ პატარას.

სამედიცინო პერსონალმა ოჯახი Nexe-ს ფონდთან დააკავშირა, ეს არის შეზღუდული შესაძლებლობის მქონე ბავშვთა სკოლა, რომელიც ოჯახებს ეხმარება.
ანა თავისი მდგომარეობის წინაამდეგ იბრძოდა და გარე სტიმულებზე რეაგირებდა.

,,ანას Wolf-Hirschhorn (მგლის) სინდრომი აქვს, რაც საკმაოდ იშვიათი გენეტიკური მდგომარეობაა, კერძოდ, ყოველ 50,000 ადამიანში ერთი შემთხვევაა მსგავსი. მის წინაშე მდგომი მთავარი პრობლემა ჰიპოტონიაა, რაც იმას ნიშნავს, რომ მას აქვს ძალიან ცოტა ძალა, აქვს ზრდის პრობლემები, ეპილეფსიური კრუნჩხვები, ინტელექტუალური შეზღუდულობა, კომუნიკაციის პრობლემა. ერთ-ერთი პრობლემა, რომლის წინაშეც იგი დგას, არის თუ როგორ ურთიერთქმედებს თავის გარშემო არსებულ სამყაროსთან. ასე რომ, აღნიშნული სავარძელი მას სწორედ ამაში დაეხმარება. ის ფაქტი, რომ მას შეუძლია დააჭიროს ღილაკს რაიმე მოქმედების შესრულების მიზნით, ანას ურთიერთქმედების საშუალებას აძლევს,“ – განაცხადა ანას მამა ენდრიუ რეიგმა.
სავარძლის პროტოტიპი 3Dტექნოლოგიის სენსორებით ააგეს, რომლის საშუალებითაც დაბრკოლებების აღმოჩენა ხდება, რათა გადაადგილების მიმართულება განსაზღვრონ და ასევე გზავნის ინფორმაციას უახლოესი ობიექტამდე არსებული მანძილის შესახებ.
სავარძლის შემქმნელ ჯორდი ვენტურას განცხადებით, მას ისეთი მარტივი ჩამრთველი ექნება, რომ ბავშვები ადვილად მოახერხებენ სხეულის სხვადასხვა ნაწილით (ხელი, ფეხი, თავი, ნიკაპი…) მას დააწვნენ და მოქმედებაში მოიყვანონ.

მისი თქმით, დაბალი ღირებულების მქონე ინტელექტუალური სავარძელი ინდივიდუალური ბავშვის საჭიროებებს პასუხობს.
ინტელექტუალური სავარძელი შესაძლოა იყოს არასტანდარტულად დამზადებული სხვადასხვა ბავშვისთვის მათი ინდივიდუალური საავტომობილო და შემეცნებითი შესაძლებლობების, სიმაღლის, წონისა და კომფორტის მოთხოვნების შესაბამისად.
სავარძელს მოჰყვება ონლაინინსტრუქცია, რომელიც უფასოდ აწვდის ინფორმაციას ყველას, ვისაც მისი აგება უნდა. Nexe აპირებს ვორქშოპების გამართვას, რათა ოჯახებს სავარძლის აგება ასწავლონ.
სავარძლის პროგრამული უზრუნველყოფა ITინჟინერმა და შეზღუდული შესაძლებლობის მქონე ბავშვის მამა ფრან სეგოვიამ შეიმუშავა.
ვენტურა და სეგოვია მომავალში აპირებენ სავარძელი ისე განავითარონ, რომ იგი ტაბლეტის ან მობილური ტელეფონის საშუალებით გადაადგილდებოდეს.

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოატექნოლოგიები

iPhone7-ის შეძენა ახალი პროდუქტის ნახევარ ფასადაა შესაძლებელი

1.56K views on

მოგეხსენებათб რამდენიმე თვის წინ ,,ეპლის” კომპანიამ წარადგინა თავისი ახალი პროდუქტი    iPhone X-ი წარადგინა, რომლის საკმაოდ მაღალმა ფასმა მომხმარებლის დიდი უკმაყოფილება გამოიწვია, რაც არ უნდა გასაკვირი იყოს, iPhone 7-თან შედარებით 2-ჯერ უფრო მეტი ღირს, რაც კიდევ უფრო ამძაფრებს შეგრძნებას, რომ გადამეტებულად ძვირია.

iPhone 7 არც თუ ისე დიდი ხნის წინ გამოვიდა და საზოგადოების უმრავლესობამ მალევე შეიძინა იგი, არცთუ ისე დიდი ხნის შემდეგ მათ გაიაზრეს, რომ ახალი პროდუქტი ბევრად უფრო უკეთესია და მათი შენაძენი არცთუ ისე ხელსაყრელი გამოდგა. მომხმარებლები ვარაუდობენ, რომ ახლო მომავალში iPhone X–ის ფასი დაეცემა და ყველასთვის ხელმისაწვდომი გახდება.

წყარო:  Businessinsider.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეს საინტერესოატექნოლოგიები

,,Falcon Heavy-მ” სადებიუტო ტესტგაფრენა წარმატებით განახორციელა

1.71K views on

SpaceX’s-ის მსოფლიოს ყველაზე ძლიერმა რაკეტამ – Falcon Heavy-მ სადებიუტო ტესტგაფრენა განახორციელა.

რაკეტა ფლორიდის შტატში, კანავერალის კონცხზე მდებარე კენედის სახელობის კოსმოსური ცენტრიდან გაეშვა.

მოვლენას თვალს Cocoa Beach-დან 2,000-მდე მაყურებელი ადევნებდა. რაკეტას წარმატებით მოსწყდა ორი გვერდითა ბუსტერი, რომლებიც უკან, კანავერალის კონცხზე დაეშვნენ და აფრენიდან დაახლოებით 8 წუთში ხმელეთზე ერთდროულად დასხდნენ.

სასარგებლო დატვირთვის სახით Falcon Heavy-იმ ორბიტაზე ილონ მასკის კუთვნილი ავტომობილი – Tesla Roadster-ი გაიყვანა.

რაკეტის მეორე ეტაპი იქნება სამივე ძრავის დაწვის პროცესის დასრულება, რათა მანქანა საბოლოოდ გავიდეს ჰელიოცენტრულ ორბიტაზე მზის გარშემო.

მანქანა იმოძრავებს ელიფსური ორბიტაზე დედამიწასა და მარსს შორის, ჩვენი დედავარსკვლავის — მზის გარშემო.

Falcon Heavy-ის ორბიტაზე 70 ტონა ტვირთის გატანა შეუძლია, ორჯერ მეტის, ვიდრე კონკურენტი კომპანიის, United Launch Alliance (ULA)-ის,  4 Heavy -ს. თითოეული გაშვების ღირებულება 90 მილიონო აშშ დოლარია.

სპეციალისტები აცხადებენ, რომ Falcon Heavy-ი მარსზე 17 ტონა ტვირთის წაღებას შეძლებს.

Falcon Heavy-ზე SpaceX-ის გუნდი რამდენიმე წლის განმავლობაში აქტიურად მუშაბდა. კონსტრუქციულად ის საბაზო Falcon 9-ს წარმოადგენს, რომელზეც გვერდებიდან ამავე Falcon 9-ის პირველი საფეხურებია დამაგრებული.

დღეისთვის არსებულ და პერსპექტიულ რაკეტებთან შედარებით, მასკის Falcon-ების უპირატესობა ნაწილობრივ მრავალჯერად კონსტრუქციაშია. საწვავის მარაგის ამოწურვის შემდეგ, პირველი საფეხური უკან, დედამიწაზე ბრუნდება.

 

წყარო: Reuters

მასალა მოამზად:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ტექნოლოგიები

,,სამსუნგი” ახალი სმარტფონის გამოშვებას გეგმავს

2.48K views on

გაყიდვებისა და ტექნიკის სფერო, როგორც იცით, ,,ეპლმა” დაიპყრო. ბოლო რამდენიმე თვეა საზოგადოების დიდი ნაწილი მხოლოდ და მხოლოდ ,,ეპლის” კომპანიის ახალ პროდუქტზე საუბრობს, გასაკვირი იქნებოდა, რომ ,,სამსუნგს” არ მოენდომებინა ახალი სმარტფონის გამოშვება.

მათაც არ დააყოვნეს. ჯერჯერობით უცნობია, როდის წარუდგენენ მომხმარებელს ახალ პროდუქტს, მაგრამ დაახლოებით ცნობილია, თუ როგორი იქნება იგი, დიზაინით წააგავს წინა მოდელებს, მაგრამ განსხვავება არის ის, რომ ,,ეპლის” მსგავსად, მათაც გააქრეს ღილაკი, მთლიანი ეკრანი სენსორულ მგრძნობელობაზეა დაფუძნებული.

,,სამსუნგის” მომხმარებლები მოუთმენლად ელიან ახალი პროდუქტის წარდგენის დღეს, ისინი იმედოვნებენ, რომ ახალი სმარტფონი მოლოდინს გადააჭარბებს.

 

 

წყარო: Businessinsider.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოამსოფლიოტექნოლოგიები

,,SpaceX-მა” კოსმოსში რაკეტა ,,Tesla-ს” ავტომობილთან ერთად გაუშვა

2.26K views on

მსოფლიოს ყურადღების ქვეშ მოექცა ისტორიული მომენტი –  ელონ მასკის კოსმოსურმა კომპანიამ –  ,,SpaceX-მა” მძიმე კოსმოსური ხომალდი ,,Falcon Heavy” გაუშვა, რომელმაც მასში არსებული ,,Tesla-ს” ავტომობილი მზის ირგვლივ ჰელიოცენტრულ ორბიტამდე უნდა მიიტანოს. 

რაკეტა ფლორიდიდან, კენედის სახელობის კოსმოსური ცენტრიდან გაუშვეს.  კაპსულის სტერეოსისტემაში,  გეგმის მიხედვით, დევიდ ბოუის სიმღერა Space Oddity უნდა ისმოდეს.

ბოლო მონაცემებით, Falcon Heavy-ს მესამე ამაჩქარებელი პლატფორმაზე ვერ დაჯდა, Tesla კი მარსის ორბიტას ჩაუფრენს. ამის შესახებ მესკმა პრესკონფერენციაზე განაცხადა. სავარაუდოდ,  დაშვების დროს, ცენტრალური (მთავარი) ამჩქარებლის სამი ძრავიდან მხოლოდ ერთი ამუშავდა, დანარჩენებს კი საწვავი არ მიეწოდა.

 

წყარო: BBC

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციატექნოლოგიები

,,ეპლის” ახალი გამოგონება საშუალებას მოგცემთ, წერილები ტელეფონის გარეშე წაიკითხოთ

1.83K views on

,,ეპლმა” ახალი ტექნიკა გამოუშვა, მოსახერხებელი მიკროფონი, რომელიც უადვილებს მომხმარებელს შეასრულოს სხვადასხვა ქმედება უფრო ადვილად, ვიდრე მენამდე, მაგალითად, შესაძლებელია, რომ ტელეფონის გარეშე წაიკითხოთ თქვენი წერილები, როგორც მოგეხსენებათ, ,,ეპლის” ყველა პროდუქტს ჩაწერილი აქვს პროგრამა ,,სირი”, რომელიც ჩვენი სურვილისამებრ ასრულებს ოპერაციებს, ახლა კი უკვე შესაძლებელია ახალი ტექნიკით დავუკავშირდეთ სმარტფონს.

,,ბიზნეს ინსაიდერი” ასევე განიხილავს იმ საკითხს, რომ შეიძლება თქვენი ტელეფონი არ იყოს საკმარისად დაცული, რადგან როდესაც ტელეფონი და ახალი მიკროფონი ერთსა და იმავე უკაბელო ინტერნეტზეა დაკავშირებული, შესაძლებელია, თქვენს ტელეფონში უცხო  ადამიანმაც შემოაღწიოს, რადგან ხმის ამომცნობი სისტემა დასახვეწია.

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 54 55 56 57 58 … 90
Page 56 of 90