close

კომუნიკაცია

კომუნიკაცია

მალე თქვენს Facebook-ის Story-ში რეკლამები გამოჩნდება

ეს კონტენტის შემქმნელების შემოსავლის გაზრდასა და წახალისებას ემსახურება.

Facebook მოკლე ფორმატის ვიდეოების მონეტიცაზიის ახალ გზებს ეძებს. მისი პირველი ნაბიჯი კი რეკლამების ე. წ. “სთორიში” მხარდაჭერაა.

“უახლოეს კვირებში დავიწყებთ ამ შესაძლებლობების შემოწმებას, რათა კონტენტის შემქმნელებმა, რეკლამების მეშვეობით, რომლებიც სტიკერებს ჰგავს, საკუთარი “სთორის” მონეტიზაცია შეძლონ და შემოსავლის ნაწილიც მიიღონ. მიუხედავად იმისა, რომ საწყისი ტესტირება მცირეა, ვიმედოვნებთ, რომ მალე გავავრცელებთ უფრო მეტ კონტენტის შემქმნელთან” – ამბობს იოავ არნშტაინი, Facebook აპლიკაციის მონეტიზაციის დირექტორი. შემდეგ კი სტიკერები მოკლე ფორმატის ვიდეოებამდე გაიზრდება, რაც კონტენტის შემქმნელებს პოპულარული ვიდეოების მონეტიზაციაში დაეხმარება.

საინტერესოა, რომ “სთორი” მრავალი სოციალური პლატფორმისთვის ეფექტური აღმოჩნდა. ამიტომაც, Facebook-მა გადაწყვიტა, ამ პოპულარობით ისარგებლოს და კონტენტის შემქნელები YouTube-დან თუ Twitch-დან საკუთარ ქსელში “მოიტყუოს”.

სოციალური გიგანტი ასევე ზრუნავს იმაზე, რომ კონტენტის შექმნელებმა ვიდეოებში ერთ, ან მაქსიმუმ სამ წუთიანი რეკლამები ჩასვან. მათ ამისათვის ბოლო 30 დღის განმავლობაში 600 000 წუთის ოდენობის ნახვა და ხუთი აქტიური ვიდეო უნდა ჰქონდეთ.

ამასთან ერთად, რეკლამების გაშვება ლაივ-ვიდეოების მიმდინარეობის დროსაც იქნება შესაძლებელი. ამისათვის კი საჭიროა, კონტენტის შემქმნელს უკანასკნელი 60 დღის განმავლობაში მინიმუმ 60 000 ლაივ-წუთი ჰქონდეს დაგროვებული.

და ბოლოს, Facebook $7 მილიონიან ინვესტიციას დებს ახალი ფუნქციის დანერგვაში, ე. წ. Stars-ის გამოყენებაში, რომელიც ვირტუალურ ვალუტას წარმოადგენს. მთლიანობაში კი ეს შემოსავლის გაზრდასა და ხალხის წახალისებას ემსახურება.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკომუნიკაცია

Facebook Messenger-ის მუშაობაში გლობალური შეფერხება დაფიქსირდა

Facebook Messenger-ის მუშაობაში გლობალური შეფერხება დაფიქსირდა. სერვისთან წვდომისას პრობლემები ძირითადად ევროპის ქვეყნებში მცხოვრებ მომხმარებლებს შეექმნათ.

ვებ-გვერდ Downdetector-ის ინფორმაციით, მომხმარებელთა უმეტესობა (53%) შეტყობინებებს ვერ იღებს, სერვერთან წვდომა უჭირს მომხმარებელთა 31%-ს, 15%-კი აპლიკაციაში ავტორიზაციას ვერ ახერხებს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კომუნიკაციასაქართველო

1000-მდე სოფელი მაღალი ხარისხის ინტერნეტს დაუკავშირდება

მსოფლიო ბანკის აღმასრულებელ დირექტორთა საბჭომ 35.7 მლნ ევროს მოცულობის (40 მლნ. აშშ დოლარი) დაფინანსება გამოყო Log-in Georgia პროექტისთვის, რომლის მიზანია საქართველოს სოფლის მოსახლეობის, საწარმოებისა და საჯარო დაწესებულებების მაღალი ხარისხის, ხელმისაწვდომ ფართოზოლოვან ინტერნეტთან დაკავშირება და ციფრული სერვისების გამოყენების ხელშეწყობა.

Log-in Georgia პროექტის საშუალებით მსოფლიო ბანკი მხარს დაუჭერს საქართველოს ფართოზოლოვანი ინტერნეტის განვითარების ეროვნულ სტრატეგიას 2020-2025 წლებისთვის, რომელიც საქართველოს მთავრობის მიერ გაცხადებულ იქნა 2020 წლის იანვარში. პროექტი ხელს შეუწყობს 1000-მდე სოფლის, მათ შორის, მაღალმთიანი დასახლებული პუნქტების დაკავშირებას მაღალი ხარისხის და ხელმისაწვდომ სწრაფ ინტერნეტსერვისთან.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეს საინტერესოაკომუნიკაციარობოტექნიკარობოტექნიკა

Microsoft-ი ჟურნალისტებს რობოტებით ჩაანაცვლებს

კომპანია Microsoft-მა ბრიტანეთში სააგენტო PA Mediа-ს 27 ჟურნალისტს კონტრაქტი არ გაუგრძელა, რომლებიც პორტალ MSN-ზე ახალ ამბებს აქვეყნებდნენ. ამის შესახებ BBC წერს.

გამოცემის ინფორმაციით, ჟურნალისტებს რობოტიზირებული ალგორითმები ჩაანაცვლებენ, რომლებიც დამოუკიდებლად აირჩევენ ახალ ამბებს და მათ რედაქტირებას შეძლებენ. MSN-ს ორიგინალური კონტენტი არ აქვს, მათი ახალი ამბები სხვადასხვა გამოცემის ტექსტებისგან შედგება, რომლებსაც პორტალის ფორმატის მიხედვით არედაქტირებენ.

სავარაუდოდ, მალე ანალოგიურ გადაწვეტილებას Microsoft-ი სხვა ქვეყნებში მომუშავე სააგენტოების მიმართაც მიიღებს. კორპორაციაში აზუსტებენ, რომ ჟურნალისტების გათავისუფლება კორონავირუსის პანდემიით გამოწვეულ ეკონომიკურ სირთულეებს არ უკავშირდება.

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
ეს საინტერესოაკომუნიკაცია

„ტიკ-ტოკი“ 13 წლამდე ბავშვების შესახებ ინფორმაციის უკანონიდ მოპოვების გამო 5.7 მილიონი დოლარით დააჯარიმეს

აშშ-ის ფედერალურმა სავაჭრო კომისიამ პოპულარული ჩინეთში შექმნილი აპლიკაცია „ტიკ-ტოკი“ 13 წლამდე ასაკის ბავშვების შესახებ პერსონალური ინფორმაციის უკანონოდ, მშობლების თანხმობის გარეშე მოპოვების გამო 5.7 მილიონი აშშ დოლარით დააჯარიმა.

კომისიის მიერ გავრცელებულ განცხადებაში აღნიშნულია, რომ ბავშვების მონაცემთა კონფიდენციალობის დარღვევისთვის დღემდე ამ ოდენობის თანხით არავინ დაუჯარიმებიათ.

აპლიკაცია „ტიკ-ტოკი“ სტარტაპ ByteDance-ის ეკუთვნის. აშშ-ის ფედერალური სავაჭრო კომისიის ჯარიმა დაკავშირებულია ვიდეო გაზიარების აპლიკაცია Musical.ly-თან, რომელიც ByteDance-მა 2017 წელს შეიძინა და მოგვიანებით ის „ტიკ-ტოკთან“ გააერთიანა.

სავაჭრო კომისიის განმარტებით, Musical.ly-თან დაკავშიებით ჩატარებულმა გამოძიებამ დაადგინა, რომ ის იყენებდა შემაშფოთებელ პრაქტიკას, მათ შორის ბავშვების ადგილმდებარეობის შესახებ და სხვა სახის ინფორმაციის მოპოვებას და მის საჭიროზე უფრო ხანგრძლივად შენახვას.

აღნიშნულთან დაკავშირებით „ტიკ-ტოკმა“ განცხადება გაავრცელა, სადაც აღნიშნულია, რომ ის მომხრეა ისეთი ზომების გატარების, რაც მომხმარებელს დაიცავს.

კომპანიის ინფორმაციით, მან ამერიკელი ახალგაზრდა მომხმარებლისთვის ცალკე აპლიკაცია შექმნა, რითაც მათ ვიდეოს გაზიარება, დაკომენტარება, მოკლე ტექსტური შეტყობინებების გაგზავნა, ე.წ. „დაფოლოვერება“ ან  პროფილის შექმნა არ შეეძლებათ.

ცნობისათვის, აპლიკაცია „ტიკ-ტოკს“, რომლის საშუალებითაც ვიდეოების ატვირთვა და გაზიარებაა შესაძლებელი, ნახევარ მილიარდზე მეტი გამომწერი ჰყავს მსოფლიოში.

წყარო :CNN

მასალა მოამზადა : თამარ ტაბატაძემ  

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
კომუნიკაცია

მსოფლიოში ინტერნეტის მიწოდებას, შესაძლოა, პრობლემები შეექმნას

მსოფლიოში ინტერნეტის მიწოდებას, შესაძლოა, პრობლემები შეექმნას.

„იუთუბი“ ევროკავშირის მასშტაბით მაუწყებლობის ხარისხს შეამცირებს, რომ ინტერნეტის უპრეცედენტოდ მაღალ მოხმარებასთან გამკლავება მოახდინოს, ამის შესახებ ინფორმაციას „ალ ჯაზირა“ ავრცელებს. ამასთან, ევროკავშირმა Netflix -ს მოუწოდა, რომ ხარისხი შეამციროს, რადგან ინტერნეტის მოხმარებას საფრთხე არ შეექმნას.

ოფიციალური პირები პლატფორმებს სთხოვენ, შეწყვიტონ მაღალი ხარისხის ვიდეოების ჩვენება. ევროკომისარი ტიერი ბრეტონი კი მომხმარებლებს მიმართავს და სთხოვს არ გამოიყენონ HD ხარისხი თუ ამის აუცილებლობა არ არის.

ცნობისთვის, გავრცელებული ინფორმაციით, ბოლო პერიოდში ინტერნეტის მოხმარებამ რეკორდულ მაჩვენებლებს მიაღწია. ექსპერტები შიშობენ, რომ შესაძლოა, სერვერებმა მსგავს ზეწოლას ვერ გაუძლოს.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაკომუნიკაციატექნოლოგიები

16 წლის გოგონებმა ოჯახური ძალადობის მსხვერპლთა დასახმარებლად სპეციალური აპლიკაცია შექმნეს

სამმა 16 წლის ალბანელმა გოგონამ ოჯახური ძალადობის მსხვერპლთა დასახმარებლად აპლიკაცია შექმნა.

აპლიკაცია სახელწოდებით GjejZâ (იპოვე შენი ხმა) ამერიკის შეერთებულ შტატებში გამართული საერთაშორისო ტექნოლოგიური კონკურსის გამარჯვებული გახდა.

გოგონათა გუნდის – D3c0ders-ის- მიერ შექმნილი აპლიკაცია  სამი ნაბიჯისგან შედგება : პრობლემის აღმოჩენა, მომხმარებლის გამხნევება და მოქმედების შესაძლებლობა.

თავდაპირველად მომხმარებელი გარკვეულ შეკითხვებს პასუხობს, რისი საშუალებითაც ადგენს, არის თუ არა ის ოჯახური ძალადობის მსხვერპლი. ამის შემდეგ აპლიკაცია მას იმ ქალების ჩვენებებს სთავაზობს, რომლებმაც ძალადობას თავი დააღწიეს.

აპლიკაცია ქალებს ქვეყნის თანამდებობის პირებთან აკავშირებს, რომლებსაც შეუძლიათ ძალადობის მსხვერპლს დაეხმარონ, მოძალადეების წინააღმდეგ კი შემაკავებელი ორდერის გაცემა უზრუნველყონ. აღსანიშნავია, რომ აპლიკაცია ქალებს დასაქმებასა და თავშესაფართან დაკავშირებულ რჩევებსაც აძლევს.

ქალებს აპლიკაციის ჩამოტვირთვა ტელეფონებში იოლად შეუძლიათ. ალბანეთში მობილური ტელეფონის გამოყენების მაღალი მაჩვენებლით გამოირჩევა. სტატისტიკის თანახმად, 2,8 მილიონიან მოსახლეობაზე 4.63 მილიონი მობილური ტელეფონი მოდის.

ოჯახური ძალადობის პრობლემა ალბანეთში, რომელიც ნატოს წევრი ქვეყანა გახლავთ, ძალიან მწვავედ დგას. ძალადობის მსხვერპლ ქალთა ნაციონალური ცხელი ხაზის უფროსი აირის ლუარასი აცხადებს, რომ სტატისტიკის თანახმად, ქვეყანაში ყოველი მეორე ქალი ძალადობის მსხვერპლია, ცხელ ხაზზე კი 2018 წელს მხოლოდ 4,000 შეტყობინება შევიდა. ეუთოს მიერ წელს გამოქვეყნებულ მოხსენებაში ნათქვამია, რომ გამოკითხული 10 ქალისგან 9 მიიჩნევს, რომ ძალადობა ქვეყანაში ჩვეულებრივი მოვლენაა და რომ ძალადობის მსხვერპლთა 97 პროცენტს  დახმარების მიზნით პოლიციისთვის არასოდეს მიუმართავს.

წყარო : Reuters

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კომუნიკაციაპოლიტიკასაქართველოტრანსპორტი

შვეიცარიის მოქალაქეები საქართველოში პირადობის მოწმობით შემოვლენ

შვეიცარიის კონფედერაციის მოქალაქეები საქართველოში პირადობის დამადასტურებელი დოკუმენტითაც შემოვლენ. ეს ცვლილება მთავრობის 2015 წლის 5 ივნისის №255 დადგენილებაში შევიდა. დოკუმენტს ხელს პრემიერმინისტრი გიორგი გახარია აწერს.

ინფორმაციას 1tv,ge ავრცელებს.

„შვეიცარიის კონფედერაციის მოქალაქეებს საქართველოში შემოსვლა შეუძლიათ სამგზავრო დოკუმენტის, ასევე პირადობის დამადასტურებელი დოკუმენტის საფუძველზე, რომელშიც აღნიშნულია პირის სახელი, გვარი, დაბადების თარიღი და დატანილია ფოტოსურათი“, – წერია დადგენილებაში.

ეს იმ ქვეყნების ჩამონათვალს ეხება, რომლის მოქალაქეებსაც საქართველოში უვიზოდ შემოსვლა შეუძლიათ.

28 ნოემბრით დათარიღებული დადგენილება უკვე ძალაშია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაკომუნიკაციატექნოლოგიები

ილონ მასკის კომპანია აპირებს ჩიპის შექმნას, რომლითაც მობილურის გონებით მართვას შეძლებთ

კალიფორნიის მეცნიერებათა აკადემიაში გამართულ პრეზენტაციაზე ილონ მასკის კომპანია Neuralink-მა საზოგადოებას სამომავლო გეგმები გააცნო, რომლის მიხედვითაც, მეცნიერები შეეცდებიან შექმნან ისეთი მოწყობილობა, რომლითაც მომხმარებლები სმარტფონის მართვას ხელის გარეშე, გონებით შეძლებენ. 

Thenextweb-ის ინფორმაციით, კომპანია ამ ეტაპზე პატარა ზომის პროცესორების შექმნაზე მუშაობს. მოწყობილობას თმის ღერზე წვრილი ძაფები ექნება მიმაგრებული, რომლებიც ადამიანის თავის ქალას დაუკავშირდება. 

Neuralink's threads for connecting to the brain are thinner than human hairs

მოწყობილობა, სახელწოდებით Link-ი ადამიანებს ყურის უკან დაუმაგრდებათ და მისი საშუალებით iPhone-ის კურსორსა და კლავიატურას გონებით მართავენ.  

Neuralink-ის წარმომადგენლები აცხადებენ, რომ მოწყობილობა განსაკუთრებული საჭიროებების მქონე ადამიანებსაც დაეხმარება. ჯერჯერობით უცნობია, როდის იქცევა აღნიშნული იდეა რეალობად. 

სრულად ნახვა
კომუნიკაცია

Facebook-ი მეგობრებში „საიდუმლო ქრაშს“ გაპოვნინებთ

Facebook-ი “საიდუმლო ქრაშის” ფუნქციას ამატებს, რომლის საშუალებითაც მომხმარებლები გაიგებენ, Facebook-ის რომელ მეგობრებს მოსწონთ ისინი. 

The Verge-ის ცნობით, Secret Crush-ის ფუნქციის გამოსაყენებლად, მომხმარებლებმა 9 მეგობარი უნდა შეარჩონ, რომელთა მიმართაც სასიყვარულო ინტერესი აქვთ ან მოსწონთ, თუ ის მეგობრები მათაც მოიწონებენ და ერთმანეთს “საიდუმლო ქრაშებად” შეარჩევენ, შეტყობინებას ორივე მათგანი მიიღებს. ახალი ფუნქცია აპლიკაცია Tinder-ს ჰგავს, თუმცა მისგან განსხვავებით, Facebook-ზე 9 “ქრაშს” თავად შეარჩევთ.

ფუნქცია ამჟამად მხოლოდ 19 ქვეყანაში: ბრაზილიაში, ბოლივიაში, ჩილეში, ეკვადორში, გაიანაში, პარაგვაიში, პერუში, ურუგვაიში, ლაოსში, მალაიზიაში, ფილიპინებში, სინგაპურში, ვიეტნამსა და სურინამშია ჩართული. 

სრულად ნახვა
1 2 3 4 8
Page 2 of 8