ქალბატონმა თამარმა უკვე თქვა, ჩვენ მზად ვართ ყველა ტიპის ვაქცინის მისაღებად, ამაზე რომ მოიხსნას ყოველგვარი კითხვები.
ჩვენ გვაქვს მინუს 80-გრადუსიანი მაცივრები თბილისში, ქუთაისში და ბათუმში, ამის პრობლემა საერთოდ არ არსებობს, დღესვე მივიღებთ 200 000 დოზას…
ახალგაზრდა ანალიტიკოსთა და მეცნიერთა დარბაზი ,,დოქტრინა”
„კოვიდგატანილმა პაციენტებმა ნიღაბი აუცილებლად უნდა ატარონ, რადგან ისინი შეიძლება ვირუსის მატარებლები იყვნენ და სხვა დააინფიცირონ“,- Usmle მოსამზადებელი ცენტრის წარმომადგენელი, ბიოქიმია-ფარმაკოლოგიის ლექტორი და ონკოლოგი გიორგი ღოღობერიძე საზოგადოებას აფრთხილებს, რომ კოვიდგადატანილი პაციენტი შესაძლოა სხვისი დაინფიცირების მიზეზი გახდეს. ექიმი ყველა კოვიდგადატანილ პაციენტს მოუწოდებს რომ ატარონ პირბადე. ამის შესახებ, მან „იმედის დღეში“ ისაუბრა. .
„ხალხს ჰგონია, რომ თუ მათ კოვიდი მოიხადეს, შეუძლიათ ნიღაბი აღარ ატარონ ან დისტანცია აღარ დაიცვან, მაგრამ იცოდეთ, მათ კი მოიხადეს კორონავირუსი და შეიძლება რეინფიცირება აღარ მოხდეს, მაგრამ ისინი ვირუსის მატარებლები შეიძლება იყვნენ და სხვა დააავადონ, ამიტომ ყველა რეკომედაცის დაცვა უნდა განაგრძონ. კორონას გადატანის შედმეგ, ეს იმუნიტეტი დედამიწაძე ამჟამად გავრცელებული კორონავირუსის ყველა შტამისგან გვიცავს“, – განაცხადა გიორგი ღოღობერიძემ.
ახალგაზრდა ანალიტიკოსთა და მეცნიერთა დარბაზი ,,დოქტრინა”
შეზღუდვებმა შედეგი გამოიღო, ინფიცირებულთა რაოდენობამ საგრძნობლად იკლო, – ამის შესახებ პირველი საუნივერსიტეტო კლინიკის დირექტორმა, ლევან რატიანმა „მაესტროს“ ეთერში განაცხადა.
„ბოლო პერიოდში არცერთი თავისუფალი საწოლი არ გვქონდა, დღეს კი კლინიკაში 10-12 თავისუფალი საწოლია. ყოველდღიურად თავისუფალი საწოლების რაოდენობა იზრდება. ემერჯენსსაც ფორსმაჟორში მუშაობა აღარ უწევს“, – განაცხადა ლევან რატიანმა.
ახალგაზრდა ანალიტიკოსთა და მეცნიერთა დარბაზი ,,დოქტრინა”
ამერიკელი მეცნიერების მიერ ჩატარებული კვლევის თანახმად, Pfizer/BioNTech-ის მიერ შექმნილი კორონავირუსის საწინააღმდეგო ვაქცინა კოვიდ 19-ის ახალი ვარიანტების ე.წ. სპაიკ ცილის N501Y მუტაციის მიმართ ეფექტურად მუშაობს.
მეცნიერების ნაწილის აზრით, ვირუსის ახალი ვარიანტები უფრო ადვილად და სწრაფად გავრცელებადი აღნიშნული მუტაციის გამო არიან.
კომპანია Pfizer-ის წამყვანი მეცნიერის, ფილ დორმიცერის განცხადებით, ვაქცინა ეფექტური აღმოჩნდა როგორც აღნიშნული მუტაციის ასევე სხვა 15 მუტაციის მიმართაც, რომელზედაც ვაქცინის მოქმედება მანამდე დატესტეს.
”ამ დროისთვის 16 სხვადასხვა მუტაცია გვაქვს გამოცდილი და არც ერთ მათგანს ვაქცინის მოქმედებაზე მნიშვნელოვანი გავლენა არ ჰქონია, თუმცა ეს არ ნიშნავს, რომ მე-17 მუტაცია აღარ იქნება,”- აღნიშნა მეცნიერმა.
მისი თქმით, შეშფოთებას იწვევს სამხრეთ აფრიკის ვარიანტში აღმოჩენილი კიდევ ერთი, E484K მუტაცია.
კორონავირუსის ახალი ვარიანტების აღმოჩენისთანავე მსოფლიოს სხვადასხვა ქვეყნის მეცნიერებს გაუჩნდათ ეჭვი და შიში იმასთან დაკავშირებით, რომ ვაქცინებმა, რომლების გამოყენებითაც მოქალაქეების ვაქცინაცია დაწყებულია, შესაძლოა ადამიანები ვირუსის ახალი შტამებისგან დაინფიცირებისგან ვერ დაიცვან. მეცნიერები განსაკუთრებულ შეშფოთებას სამხრეთ აფრიკაში გაჩენილი ვარიანტის მიმართ გამოხატავენ.
რიდინგის უნივერსიტეტის ციტოლოგიური მიკრობიოლოგიის ასოცირებულმა პროფესორმა სიმონ კლარკმა რამდენიმე დღის წინ განაცხადა, რომ სამხრეთ აფრიკაში აღმოჩენილ ვარიანტს ე.წ. ბრიტანული ვარიანტისგან განსხვავებული ბევრი ისეთი მუტაცია აქვს, რომლებიც სპაიკ ცილაში უფრო ძლიერ ცვლილებებს იწვევენ.
მეცნიერები მსგავსი კვლევის ჩატარებას ე.წ. ბრიტანულ და სამხრეთ აფრიკულ ვარიანტებში აღმოჩენილ სხვა მუტაციებზეც გეგმავენ.
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
Usmle მოსამზადებელი ცენტრის წარმომადგენელი, ონკოლოგი, ბიოქიმია-ფარმაკოლოგიის ლექტორი, გიორგი ღოღობერიძე მორიგი ლაივ-ჩართვის მეშვეობით საზოგადოებას სასიამოვნო ინფორმაციას აწვდის.
ღოღობერიძე საუბრობს იმ წამლის შესახებ, რომელმაც შესაძლოა კოვიდპანდემია დაასრულოს.
„მოლნუპირავირი“ – ასე ქვია წამალს, რომელზეც მთელი მსოფლიო დიდ იმედებს ამყარებს.
პრეპარატზე ახლა ამერიკის 4 სხვადასხვა შტატში კლინიკური კვლევის მეორე და მესამე ეტაპი მიმდინარეობს.
„მოლნუპირავირი რამდენიმე თვეა რაც გამოჩნდა კვლევის ბაზარზე და დიდ იმედს ტოვებს, რომ ამ მედიკამენტმა საბოლოო ჯამში, შესაძლოა კოვიდპანდემია დაასრულოს.
ჯერჯერობით ეს მედიკამენტი არაა ხელმისაწვდომი, რადგან ის გადის კვლევებს, როცა დასრულდება კვლევები, ჩვენ შეგვეძლება თქმა, ეს ნამდვილად ის წამალია, რომელსაც შეუძლია კოვიდი დაასრულოს, თუ მოგიწვიეს ძიება სხვა წამლებისა.
ახლა მოგიყვებით რა წამალია ეს ზოგადად:
2020 წლის მარტში დადგინეს, რომ წამალი მოლნუპირავირი, რომელიც არის ანტივირუსული მედიკამენტი და თავიდან განკუთვნილი იყო გრიპის სამკურნალოდ, თურმე აღმოჩნდა ეფექტური კოვიდის წინააღმდეგაც.
კვლევა ჩატარდა 100-მდე ადამიანზე, მედიკამენტი შეისწავლეს დიდ ბრიტანეთში და ასევე ამერიკაში. დაადგინეს, რომ წამალს ჰქონდა ეფექტურობა კოვიდის წინააღმდეგ.
გაჩნდა საფუძვლიანი ეჭვი იმასთან დაკავშირებით, ხომ არ გამოეყენებინათ ეს წამალი მასიურად.
2020 წლის ოქტომბერში წამალმა უკვე დაიწყო კვლევის მეორე და მესამე ფაზები.
ახლა კი, დეკემბერში, წინა თვეში, დადასტურდა, რომ ეს მედიკამენტი ძალიან ეფექტური იყო ცხოველების შემთხვევაში.
კვერნისებრთა ოჯახის წარმომადგენლები, ქრცვინები დააინფიცირეს კოვიდით და მერე ისევ უმკურნალეს.
ნახეს, რომ ამ მედიკამენტმა, ფაქტობრივად, 24 საათში ვირუსი დაშალა, გაანადგურა.
არცერთ ცხოველს 24 საათის შემდეგ აღარ შეეძლო ამ ვირუსის გავრცელება სხვაზე, ეს საოცარი შედეგია. ეს არის მედიკამენტი, რომელსაც შეუძლია 24 საათში ვირუსი ისე დაწიოს, რომ პირი გადამდები აღარ იყოს.
რა მოხდება თუ ეს მედიკამენტი გაივლის მეორე და მესამე ფაზებს წარმატებით?
თუ ასე მოხდა ეს იმას ნიშნავს, რომ პაციენტები ინფექციას აღარ გადასდებენ ერთმანეთს.
აღარავინ არ დაინფიცირდება, ვირუსი არავის აღარ გადაედება, არავინ დაიღუპება კოვიდით.
კიდევ ერთი სარგებელი არის ის, რომ აღარ მოგვიწევს იზოლაციები, ხალხის ჩაკეტვა.
ეს იმას ნიშნავს კიდევ, რომ თუ სადმე იქნება კოვიდის აფეთქება, დაალევინებ ამ წამალს ადამიანებს და ეს კერაც ჩაქრება.
ეს ძალიან დიდი იმედების მომცემი მედიკამენტია, ჩვენ ამ ყველაფრის იმედი გვაქვს, რა თქმა უნდა, ჯერ ეს წამალი გადის კვლევების მეორე და მესამე ფაზებს, ჯერ არ დასრულებულა, დასრულდება რამდენიმე თვეში და მაგის მერე, გავიგებთ ეს წამალი მართლა ეფექტურია, თუ გათამაშდება რემდესივირის ვარიანტი.
ძალიან არ მინდა, რომ ამ წამალმაც გაიზიაროს რემდესივირის ბედი, რისი იმედიც ჩვენ გვქონდა და არ აღმოჩნდა ეფექტური.
მაგრამ ამ წამალს მართლა მაგარი პოტენციალი აქვს, რომ გაამართლოს.
აღარავის აღარ დასჭირდება ნიღაბი, დისტანცია, რისკფაქტორების შეფასება, აღარ იქნება ლოკდაუნები და შეზღუდვები, ეს ჯოჯოხეთი დამთავრდება, დასრულდება!
ბევრ ადამიანს ვაქცინის გაკეთება არ უნდა. მათ ძალიან სერიოზული არგუმენტები აქვთ ვაქცინის წინააღმდეგ, ვისაც ვაქცინის გაკეთება არ ენდომება დალევს ამ წამალს და თავისუფალია, აღარ გაავრცელებს ამ დაავადებას და არც მას დაემართება მძიმე ფორმით, ეს მედიკამენტი შეასრულებს არა მხოლოდ სამკურნალო როლს, არამედ საპრევენციო როლსაც-ძალიან სერიოზული პოტენცია აქვს ამ წამალს.
წამალმა უკვე გაიარა პირველი ფაზა, პირველ ფაზაში ამოწმებენ, რამდენად უსაფრთხოა წამალი და ის აღმოჩნდა უსაფრთხო.
მეორე ფაზაში ის მოწმდება 100-ზე მეტ ადამიანზე, დოზირება რამდენია საჭირო, აქვს თუ არა გვერდითი ეფექტები. ამავდროულად გადის მესამე ფაზას, მესამე ფაზაში დადგინდება, ის უფრო ეფექტურია თუ სხვა საშუალებები.
არსებული საშუალებებიდან კი ერთი დექსამეტაზონია, რომლის იმედიც შეიძლება გვქონდეს, მაგრამ თვითონ ვირუსზე არ მოქმედებს.
იმის თქმა მინდა, რომ თუ მოლნუპირავირი გაივლის კვლევის ფაზებს ჩათვალეთ, რომ კოვიდპანდემია დასრულდება, კოვიდი ჩაბარდება წარსულს,“ – აღნიშნა გიორგი ღოღობერიძემ ვიდეო-მიმართვაში.
ახალგაზრდა ანალიტიკოსთა და მეცნიერთა დარბაზი ,,დოქტრინა”
„ნათელი გვირაბის ბოლოს“- ასე აფასებენ კორონავირუსის საწინააღმდეგო ვაქცინების დამტკიცებისა და ვაქცინაციის პროცესის დაწყებას მსოფლიოს სხვადასხვა ქვეყნების ლიდერები, მეცნიერები, ექსპერტები. თუმცა კონსპირაციის თეორიებით დაბნეული საზოგადოების ნაწილი ვაქცინებს ეჭვით და შიშით უყურებს და აცრის გაკეთებას არ აპირებს.
სოციალურ მედიაში ერთ-ერთი ყველაზე ფართოდ გავრცელებული მოსაზრების თანახმად, ვაქცინას ადამიანის დნმ-ის შეცვლა და მისი „გენეტიკურად მოდიფიცირება“ შეუძლია. ამ კუთხით კი განსაკუთრებით „პოპულარული“ YouTube-ზე ატვირთული ექიმ ენდრიუ კაუფმანის ვიდეო იყო, რომელიც ამჟამად წაშლილია.
ვიდეოში კაუფმანი აცხადებს, რომ კოვიდ 19-ის საწინააღმდეგო ვაქცინით ადამიანებში გენებს ცვლიან, რაც, პირველ რიგში, “ელექტროპორაციის” სახელწოდებით ცნობილი პროცედურის საშუალებით ხორციელდება, რომლის დროსაც ელექტროდენი ჩვენს უჯრედებში მცირე ხვრელებს წარმოქმნის, რაც დნმ-ს საშუალებას აძლევს, ჩვენს უჯრედებში შეაღწიოს. კაუფმანი ირწმუნება, რომ ვაქცინა, ისევე როგორც ბიოტექნოლოგიის შედეგები სოფლის მეურნეობაში, ადამიანებს “გენმოდიფიცირებულ ორგანიზმებად“ აქცევს.
დნმ-ზე დაფუძნებული ვაქცინა – განსხვავებით “ჩვეულებრივი” ვაქცინებისგან, რომლებშიც მთელი პათოგენი ან ფრაგმენტი გამოიყენება, შეიცავს ვირუსის გენეტიკური კოდის (დნმ-ის ან რნმ-ის) მცირე ნაწილის ინექციას პაციენტში იმუნური რეაქციის სტიმულირებისთვის მისი დაინფიცირების გარეშე.
ეს პროცედურა არ ქმნის გენმოდიფიცირებულ ორგანიზმს, რომელსაც სურსათისა და სოფლის მეურნეობის ორგანიზაცია (FAO) განმარტავს, როგორც ”ორგანიზმს, რომლის გენეტიკურ მასალაშიც ერთი ან მეტი გენი (ე.წ. ტრანსგენები) სხვა ორგანიზმიდან შეიყვანეს რეკომბინანტური დნმ-ის ტექნოლოგიის გამოყენებით.”
კორნელის უნივერსიტეტის ალიანსის სამეცნიერო ჯგუფის წარმომადგენელი მარკ ლინასი აცხადებს, რომ ადამიანის დნმ-ის გენეტიკურად შეცვალა არცერთ ვაქცინას შეუძლია.
”ეს მხოლოდ მითია, რომელიც ხშირად ვაქცინაციის მოწინააღმდეგე აქტივისტების მიერ განზრახ, დაბნეულობისა და უნდობლობის შექმნის მიზნით ვრცელდება. გენეტიკური მოდიფიკაცია გულისხმობს უცხო დნმ-ის მიზანმიმართულად შეყვანას ადამიანის უჯრედის ბირთვში და ვაქცინები ამას უბრალოდ არ აკეთებენ. ისინი წვრთიან იმუნურ სისტემას, იმისთვის, რომ ამოიცნოს პათოგენი, როდესაც ის სხეულის დაინფიცირებას ცდილობს – ეს ძირითადად ვირუსული ანტიგენების ან დასუსტებული ცოცხალი ვირუსების ინექციით ხდება, რომლებიც იმუნურ რეაქციას ანტისხეულების წარმოქმნით ასტიმულირებენ, ”- განმარტავს მეცნიერი.
მისი თქმით, დნმ-ზე დაფუძნებული ვაქცინები არ ინტეგრირდებიან უჯრედის ბირთვში, ასე რომ, ეს არ არის გენეტიკური მოდიფიკაცია.
წყარო : Reuters
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
კორონავირუსის ახალი, ე.წ. „ბრიტანული შტამი“ საფრთხეს ბავშვებსაც უქმნის. ამის შესახებ ლონდონის უნივერსიტეტის ეპიდემიოლოგი დიპტი გურდასანი სოციალურ ქსელ Twitter-ში წერს.
მისივე ინფორმაციით, ვირუსის მუტაცია 1,74-ჯერ უფრო სწრაფად გავრცელებადია, ვიდრე SARS-CoV-2 შტამი და საფრთხეს არამხოლოდ ზრდასრულ ადამიანებს, არამედ 19 წლამდე ასაკობრივ ჯგუფსაც უქმნის.
ახალგაზრდა ანალიტიკოსთა და მეცნიერთა დარბაზი ,,დოქტრინა”
დიდი ბრიტანეთის ჯანდაცვის მინისტრის, მეთ ჰენკოკის განცხადებით, ქვეყნის დაახლოებით 60 სხვადასხვა მუნიციპალიტეტში აღმოჩენილია შემთხვევები, რომელიც, სავარაუდოდ, COVID-19-ის ახალი ფორმით არის გამოწვეული.
როგორც ჰენკოკი აცხადებს, ვირუსის ახალი ფორმა განსაკუთრებით ქვეყნის სამხრეთ-აღმოსავლეთ ნაწილში დომინირებს. ჯანდაცვის მსოფლიო ორგანიზაცია (WHO) ვირუსის ახალი ტიპის შესახებ ინფორმირებულია.
ბირმინგენის უნივერსიტეტის პროფესორის, ალან მაკნალის განცხადებით, ჯერჯერობით უცნობია კოვიდის ახალი ტიპი იწვევს თუ არა ვირუსის მძიმე ფორმებს ან აჩქარებს თუ არა კორონავირუსის გავრცელების ტემპს.
„ნუ ჩავვარდებით ისტერიკაში. უზარმაზარი ძალისხმევაა მიმართული ვირუსის ამ ვარიანტის დასახასიათებლად და იმის დასადგენად, თუ საიდან წარმოიშვა. აუცილებელია მშვიდი და რაციონალური ხედვა, რადგან ეს ვირუსის ნორმალური ევოლუციაა. ჩვენ ველით, რომ ახალი ვარიანტები გაჩნდება და დროთა განმავლობაში გაქრება“,- ამბობს ალანი.
ვირუსის ახალი ფორმის გამოჩენის შემთხვევაში აუცილებელია დავუკვირდეთ რამდენად იქონია მან გავლენა ვირუსის ქცევაზე.
„ნებისმიერი „ახალი შტამისა“ და „ახალი ფორმის“ დასადგენად აუცილებელია დავსვათ ერთი მნიშვნელოვანი კითხვა – შეიცვალა ვირუსის ქცევა? ამას გადამწყვეტი მნიშვნელობა აქვს, რადგან ვირუსები მუტაციას ყოველთვის განიცდიან, ეს მათთვის დამახასიათებელია.
ახალი ვარიანტის გამოჩენამ მოიტანა შიში, მაგრამ არა პასუხი კითხვაზე. მეთ ჰენკოკმა თქვა, რომ კორონავირუსის ახალი ვარიანტი, შესაძლოა, ინგლისის სამხრეთ-აღმოსავლეთ ნაწილში შემთხვევების სწრაფ გავრცელებას უკავშირდებოდეს. მას არ უთქვამს, რომ ამის მიზეზი ნამდვილად ვირუსის ახალი ფორმაა. მას არ უთქვამს ისიც, რომ ახალი ფორმის გამო ვირუსი უფრო მარტივად ვრცელდება ადამიანიდან ადამიანზე. ახლა ყველგან შემაშფოთებელ სათაურებს ვხვდებით, მაგრამ არ გვაქვს სამეცნიერო მტკიცებულებები“,- ვკითხულობთ BBC-ის მიერ გავრცელებულ ინფორმაციაში.
Imperial College London-ის ინფექციონისტის, ვენდი ბარკლეის განცხადებით, მუტაციები ვირუსის რეპლიკაციის (გაორმაგება) გამო სრულიად მოსალოდნელია.
„პირველ რიგში აუცილებელი ჩავწვდეთ რა შედეგი მოიტანა ვირუსის გენომის ცვლილებამ დაავადებაზე, გადაცემასა და იმუნურ რეაქციაზე“,- ამბობს ის.
სამეცნიერო ორგანიზაციის, Wellcome Trust- ის დირექტორის, ჯერემი ფარარის თქმით, ვირუსის ახალი შტამის გამოჩენამ მსოფლიოს კიდევ ერთხელ შეახსენა, რომ Covid-19-ის შესახებ ჯერ კიდევ ბევრი რამ ცნობილი არ არის.
„თვითკმაყოფილების დრო არ არის. მზად უნდა ვიყოთ, რომ ახალ გამოწვევებს ვუპასუხოთ. პანდემია ჯერ არ დასრულებულა. უნდა ველოდოთ, რომ მომავალშიც იქნება მსგავსი „სიურპრიზები“, რომელმაც, შესაძლოა, პანდემიის განვითარებაზე ზეგავლენა იქონიოს“,- აღნიშნავს ფარარი.
ნოტინჰემის უნივერსიტეტის მოლეკულური ვირუსოლოგიის პროფესორი, ჯონათან ბოლი აღნიშნავს, რომ ზოგჯერ ვირუსის გენეტიკური ინფორმაციის ცვლილებამ, შესაძლოა, ვირუსს „საშუალება მისცეს“ უფრო მეტად გავრცელებადი გახდეს და მკურნალობასა და ვაქცინებს არ დაექვემდებაროს.
თუმცა, როგორ ბოლი აღნიშნავს, ზოგიერთ ცვლილება ვირუსზე არანაირ ზეგავლენას არ ახდენს.
„დიდ ბრიტანეთში ახალი შემთხვევების მატება, შესაძლოა, ვირუსის ახალ ფორმას საერთოდ არ უკავშირდებოდეს. აუცილებელია კარგად შევისწავლოთ ვირუსის გენეტიკური ცვლილება, რათა გავიგოთ რამდენად ცვლის ის ვირუსის ქცევას. სანამ ამას არ გავაკეთებთ, მანამდე ნებისმიერი მტკიცება ვირუსის ცვლილების პოტენციურ გავლენებზე ნაადრევია“,- ამბობს ჯონათან ბოლი.
ჯანდაცვის მსოფლიო ორგანიზაციაში განაცხადეს, რომ ჯერ არ არსებობს იმის მტკიცებულება, რომ დიდ ბრიტანეთში აღმოჩენილი კორონავირუსის ახალი სახეობა სერიოზულ გავლენას ახდენს ვირუსის სტრუქტურაზე.
„ამ მომენტისთვის არ არსებობს იმის მტკიცებულება, რომ ეს მუტაცია განსხვავებულად იქცევა. თუმცა, სიტუაციის შეფასებაში სიფრთხილე უნდა გამოვიჩინოთ. ყურადღებით ვაკვირდებით, ექნება თუ არა მუტაციას ცვლილებები, რამაც შეიძლება ანტისხეულები გაანეიტრალოს“, – აღნიშნა ჯანდაცვის მსოფლიო ორგანიზაციის კორონავირუსზე რეაგირების ტექნიკურმა ხელმძღვანელმა, მარია ვან კერხოვემ.
WHO-ს საგანგებო პროგრამების დირექტორის, მაიკ რაიანის განცხადებით, ამგვარი მუტაცია ვირუსებში საკმაოდ ხშირია.
„არ არსებობს მტკიცებულება, რომელიც აჩვენებს, რომ ვირუსის ახალი ვარიანტი უფრო მომაკვდინებელია ან უფრო ადვილად ვრცელდება ადამიანებს შორის“,- აღნიშნა რაიანმა.
მომზადებულია BBC-ის, Independent-ისა და ABCNEWS-ის მიხედვით
ახალგაზრდა ანალიტიკოსთა და მეცნიერთა დარბაზი – ,,დოქტრინა”
პროფესორი, საზოგადოებრივი ჯანდაცვის ექსპერტი, გაეროს გენერალური მდივნის და ვაქცინებისა და იმუნიზაციების გლობალური ალიანსის (GAVI) მრჩეველი, გიორგი ფხაკაძე კორონავირუსის საწინააღმდეგო ვაქცინაციის შესახებ საუბრობს და აცხადებს, რომ ამ მიმართულებით გარკვეული სიფრთხილის გამოჩენაა საჭირო.
პროფესორი ასახელებს იმ ადამიანების სამ კატეგორიას, რომლებმაც კორონავირუსის ვაქცინაციის დროს სიფრთხილე უნდა გამოიჩინონ.
„პრაქტიკულად ევროკავშირმა დღეიდან დაიწყო ფართომასშტაბიანი ვაქცინაციის კამპანია. აქ საუბარია იმაზე, რომ ევროკავშირმა გადაწყვეტილება მიიღო თავისი მოქალაქეების ვაქცინაქცია დაიწყოს. ეს არის Pfizer-ის ვაქცინა.
ვიცით, რომ რამდენიმე ვაქცინა 1-2 კვირაში იქნება დამტკიცებული, იმედია, რომ სექტემბრისთვის ევროკავშირის მოქალაქეების 60% ვაქცინირებული იქნება. ეს არის გეგმა. ეს არის უპრეცედენტო, ძალიან სახიფათო. ერთის მხრივ არის სიხარული, ეს იგივეა დაახლოებით კოსმოსში რომ დადგა ფეხი ადამიანმა.
ვაქცინაცია არ არის მარტივი საკითხი, ისეთი ჰოლივუდურ ფილმებში რომ არის, „გამოიგონა და მსოფლიო გადარჩა“. სამწუხაროდ, ეს ასე არ არის. ამას სჭირდება ძალიან ბევრი პრაქტიკული მომენტი და ქვეყანა უნდა იყოს მზად.
სხვათაშორის 90 ქვეყანა მზად არის უკვე ვაქცინაციისთვის, ამ ქვეყნებში ევროკავშირის ქვეყნები შედიან. მაგრამ, ვაქცინაციისთვის ბევრი ქვეყანა არ არის მზად. ამ ვაქცინასთან დაკავშირებით ფრთხილად უნდა ვიყოთ.
პირველ რიგში უნდა ვიცოდეთ, რომ ვაქცინა უნდა იყოს ნებაყოფლობითი. ეს ჩემი პოზიციაა, არ ვიცი ქვეყანა რა გადაწყვეტილებას მიიღებს. ვაქცინა უნდა იყოს უფასო და უნდა იყოს შემოტანილი სახელმწიფოს მიერ. სამწუხაროდ, მსოფლიოში ხდება არალეგალური ვაქცინებით ვაჭრობა, არავითარ შემთხვევაში არ შეიძინოთ ასეთი ვაქცინები. ეს იქნება არაეფექტური.
რაც შეეხება ბალანსს, 18 წლამდე ადამიანებისთვის ვაქცინის გაკეთება არ შეიძლება იმიტომ, რომ კვლევები არ არის ჩატარებული. ვგულისხმობ Pfizer-ის ვაქცინას. ასევე თუ ადამიანი არის ფეხმძიმედ არ არის რეკომენდირებული. როცა დავინახეთ, რომ ბრიტანეთში ვაქცინაციის პროცესი დაიწყო, უკვე 4 მლნ-ზე მეტი ადამიანი დღეის მდგომარეობით ვაქცინირებულია.
ადამიანებს, ვისაც აქვთ სხვადასხვა ტიპის ალერგიები ფრთხილად უნდა იყვნენ, რადგან ალერგიებმა შესაძლებელია უკუჩვენება მოგცეთ. ეს ვაქცინაცია იქნება ოდნავ სხვანაირი, ვიდრე ადრე იყო. პაციენტი უნდა იყოს მომზადებული, ინფორმაცია უნდა იყოს შეგროვებული“, – განაცხადა ფხაკაძემ ტელეკომპანია „პირველის“ ეთერში.
ახალგაზრდა ანალიტიკოსთა და მეცნიერთა დარბაზი – ,,დოქტრინა”
კოვიდ 19-ის სამხრეთ აფრიკული ვარიანტი, სავარაუდოდ, უფრო ადვილად გადამდებია, შესაძლოა, ახალგაზრდებისთვის უფრო საშიში, ვაქცინების მიმართ კი უფრო რეზისტენტული იყოს, – ამის შესახებ სამხრეთ აფრიკელი მეცნიერები აცხადებენ.
ამასთან, არსებობს შიში, რომ სამხრეთ აფრიკული ვარიანტის უფრო მრავალრიცხოვანმა ინდივიდუალურმა მუტაციამ შეიძლება იმ ადამიანების “ხელახალი ინფიცირება” შეძლოს, რომლებმაც უკვე ჰქონდათ ვირუსი და გამოჯანმრთელდნენ.
„ვირუსის აღნიშნული ვარიანტი ადამიანიდან ადამიანზე ცოტა უფრო ადვილად გადადის, რაც არ არის კარგი და ნიშნავს იმას, რომ მის შესაჩერებლად ცოტა უკეთ უნდა ვიმოქმედოთ,“- აცხადებს დოქტორი რიჩარდ ლესელსი, ერთ-ერთი სპეციალისტი, რომელიც კოვიდ 19-ის ახალ ვარიანტს იკვლევს.
მეცნიერები ასევე განმარტავენ, რომ სამხრეთ აფრიკულ ვარიანტში გამოვლენილი მუტაციები საშუალებას აძლევს ვირუსს, მანამდე არსებულ ვარიანტებთან შედარებით უკეთესად შეაღწიოს უჯრედებში, რაც მას პოტენციურად უფრო ადვილად გადამდებს ხდის, თუმცა ამ ეტაპზე არ არსებობს იმის მტკიცებულება, რომ ახალი ვარიანტი დაავადების უფრო მძიმე ფორმასთან იყოს დაკავშირებული.
„ამ ეტაპზე არ არსებობს იმის აშკარა მტკიცებულება, რომ ახალი ვარიანტი უფრო მძიმე დაავადებასთან ან უარეს შედეგებთანაა დაკავშირებული, მაგრამ იმის დასადგენად, შეცვლის თუ არა ეს ახალი ვარიანტი დაავადების მიმდინარეობას, კლინიკური კვლევები ტარდება”, – აცხადებენ მეცნიერები.
შეგახსენებთ, სამხრეთ აფრიკაში კორონავირუსის ახალი შტამის აღმოჩენის შესახებ მეცნიერებმა გასული კვირის ბოლოს განაცხადეს. ამასთან დაკავშირებით რამდენიმე ქვეყანამ, მათ შორის გერმანიამ, სამხრეთ აფრიკიდან მოქალაქეების შესვლა აკრძალა.
წყარო : theguardian.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
