close

მსოფლიო

ასტრონომია - კოსმოსიეს საინტერესოაკვლევებიმსოფლიოფიზიკა

მეცნიერები: ,,დიდი აფეთქება 2 სამყაროს არსებობას დაასრულებს“

1.95K views on

ჩვენი სამყაროს არსებობა შესაძლოა ისევე დამთავრდეს, როგორც დაიწყო: დიდი, მოულოდნელი აფეთქებით.

ამის შესახებ ჰარვარდის უნივერსიტეტის ფიზიკოსები ახლახან ჩატარებულ კვლევაზე დაყრდნობით იუწყებიან.  მათ აღმოაჩინეს, რომ ჰიგსის ბოზონის დესტაბილიზაციამ (ნაწილაკები, რომლებიც ნებას რთავს მრავალ იდენტურ ნაწილაკს იმყოფებოდეს ერთი და იმავე ადგილას ერთი და იმავე კვანტურ მდგომარეობაში) შეიძლება გამოიწვიოს ენერგიის აფეთქება, რომელიც მოიცავს ყველაფერს სამყაროში და ფიზიკისა და ქიმიის კანონებს გადაატრიალებს.

სამეცნიერო ჟურნალ ,,Physical Review D-ში”, მეცნიერებმა გამოაქვეყნეს კვლევა, სადაც დაანგარიშებულია სამყაროს დასასრულის თარიღი.

მათი მტკიცებით, ეს შესაძლოა 10139 წელიწადში, ან 10 მილიონ ტრილიონ ტრილიონ ტრილიონ ტრილიონ ტრილიონ ტრილიონ ტრილიონ ტრილიონ ტრილიონ ტრილიონ წლის შემდეგ მოხდეს.

ჰარვარდის უნივერსიტეტის ფიზიკოსები 95 პროცენტით დარწმუნებულები არიან, რომ სამყარო დღეიდან სულ ცოტა  1058 წელს იარსებებს.

ჰიგსის ბოზონი 2012 წელს დიდი ადრონული კოლაიდერით აღმოაჩინეს. ნაწილაკის მასა(ან ენერგია) 126 გიგაელექტრონვოლტს შეადგენს. მეცნიერების ნაწილი აცხადებს, რომ ბოზონის მასა სამყაროს არასტაბილურობასა და შორეულ მომავალში მის უეჭველ დაშლაზე მეტყველებს. დაშლა ახალ დიდ აფეთქებასთან იქნება დაკავშირებული, რომელიც ახლანდელ სამყაროს გაანადგურებს.

მეცნიერების ვარაუდით, კოლაფსი შესაძლოა სამყაროს სიღრმეში შავი ხვრელის ირგვლივ სივრცე-დროის გამრუდებამ გამოიწვიოს. სივრცე-დროის გამრუდება ფიზიკის კანონებს თავდაყირა აყენებს და ნაწილაკების უცნაურ ურთიერთქმედებას იწვევს. მეცნიერები აცხადებენ, რომ შესაძლოა, კოლაფსი უკვე დაწყებულია და ჩვენ ამის შესახებ არ ვიცით და არც შეგვიძლია გავიგოთ იმის გამო, რომ ჰიგსის ბოზონის ნაწილაკი ძალიან შორს მდებარეობს და მეცნიერებს ანალიზის ჩატარების შესაძლებლობა არ აქვთ.

წყარო: Sciencealert.com

მასალა მოამზადა:  ლაშა ჯინჭარაძემ

ახლაგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მანქანათმშენებლობამსოფლიოტექნოლოგიები

,,ტესლას” ნახევრად თვითმმართვადი მანქანა ავარიაში მოყვა

1.51K views on

ბოლო დროს თითქმის ყველა კომპანია ცდილობს გამოუშვას ნახევრად თვითმმართვადი მანქანები, რადგან 21–ე საუკუნის ერთ–ერთ მთავარ პროგრესულ სვლად მიიჩნევა. ამასთანავე – უკვე ხშირად გვხვდება ავტოსაგზაო შემთხევები, სადაც დამნაშავე თვითმმართვადი მანქანებია, ამის გამო კი – საზოგადოება დიდ პროტესტს გამოთქვამს, რადგან, მათი აზრით, საციცოცხლოდ მნიშვნელოვანია ეს პრობლემა, რობოტს და ხელოვნურ ინტელექტს არ უნდა ვანდოთ ჩვენი სიცოცხლე.

გასულ კვირას კიდევ ერთი ავტოსაგზაო შემთხვევა მოხდა კალვერ სიტიში, ,,ტესლას“ ნახევრად თვითმმართვადი მანქანა შეეჯახა სატვირთოს, მაგრამ ამ შემთხვევაში ბრალი მძღოლს მიუძღვის, რადგან იგი ალკოჰოლის მოქმედების ქვეშ იმყოფებოდა და ვერ შეძლო სათანადო რეაქციის გამოვლენა საჭირო დროს.

წყარო: Sciencealert.com

მასალა მოამზადა:  ლაშა ჯინჭარაძემ

ახლაგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიეს საინტერესოამსოფლიოტექნოლოგიები

5 ყველაზე მაღალანაზღაურებადი სამსახური ტექნოლოგიის სფეროში

1.57K views on

ყველა სამუშაოს სჭირდება თავისი განსაკუთრებული უნარების ქონა, მაგრამ ძირითადი მიზეზი, თუ რატომ აქვთ ადამიანებს მაღალი ხელფასები არის პროფესიონალიზმი, ნებისმიერ საქმიანობაში წარმატებული მუშაობა და პასუხისმგებლობის უნარის ქონა. მთავარია ადამიანს ჰქონდეს სურვილი, რომ სათანადოდ დაეუფლოს თავის პროფესიას და მომავალში დაძლიოს ის წინააღმდეგობები, რომლებიც შეხვდება.

,,ბიზნეს ისაიდერმა“ გამოაქვეყნა სტატია, სადაც ნაჩვენებია, თუ რომელი სამსახურებია ყველაზე მაღალანაზღაურებადი ტექნოლოგიის სფეროში:

  1. საინჟინრო განყოფილების მთავარი დირექტორი;
  2. გაყიდვების მენეჯერი;
  3. პროდუქტის მენეჯმენტის მთავარი ხელმძღვანელი;
  4. ფინანსური განყოფილების მთავარი დირექტორი;
  5. გადასახადების გენერალური დირექტორი.

 

წყარო:  Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებიმსოფლიო

კვლევა: ხშირად ადამიანებს ძაღლები ერთმანეთზე მეტად უყვართ

1.71K views on

ორი სხვადასხვა კვლევის მიხედვით, ხშირად ადამიანებს ძაღლები ერთმანეთზე მეტად უყვართ. როგორც ამ კვლევების შედეგები ირწმუნება, 21-ე საუკუნის ადამიანი გაცილებით მეტ თანაგრძნობას იჩენს დაუცველი ძაღლებისადმი, ვიდრე გასაჭირში მყოფი ადამიანებისადმი.

სამედიცინო კვლევების ორგანიზაცია ,,Harrison’s Fund-მა“  ორი წლის წინ ექსპერიმენტი ჩაატარა, რომლის მიზანი იყო შეემოწმებინათ, ხალხი ფულს ძაღლების დასახმარებლად უფრო გაიღებდა თუ ადამიანების. არჩევანი კი – სწორედ ძაღლების სასარგებლოდ გადაიხარა.

კვლევისთვის ორ ბროშურაზე გამოსახეს ბავშვი და ძაღლი, სადაც იყო წარწერა – „გაიღებთ თუ არა 5 ფუნტს, რათა ჰარისონი ნელი, მტანჯველი სიკვდილისგან გადაარჩინოთ?“ ჰარისონი ძაღლსაც და ბავშვსაც ერქვათ. საზოგადოების დიდმა ნაწილმა შემოწირულობა ძაღლ ჰარისონისთვის გაიღო.

მეორე კვლევით დასტურდება, რომ ადამიანებს უფრო მეტად აშფოთებთ ნაცემი, ძალადობის მსხვერპლი ძაღლების დანახვა, ვიდრე იმავე მდგომარეობაში მყოფი ადამიანების.

როგორც ექსპერტები ასკვნიან, ხშირად, ადამიანები ძაღლებს საკუთარი ოჯახის სრულუფლებიან წევრებად აღიქვამენ.

 

წყარო:  The Independent

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მსოფლიოტექნოლოგიებიტრანსპორტი

,,უბერი“ ელექტროველოსიპედების სტარტაპს იწყებს

1.43K views on

როგორც იცით, „უბერი“ არის კომპანია, რომელიც საზოგადოებას ემსახურება სამარშრუტო ტაქსებით მსოფლიოს სხვადასხვა ქვეყანაში, ის საკმაოდ წარმატებული და პრაქტიკული კომპანიაა – თითქმის ყველა ტურისტმა იცის მის შესახებ.

სტარტაპი, რომლის ჩაშვებაც „უბერის“ კომპანიას სურს, არის იმაზე გათვლილი, რომ მათ მომსახურეობა გაუწიონ საზოგადოებას ახლა უკვე ელექტროველოსიპედებითაც. როგორც იცით, ევროპის წამყვან ქვეყნებში ხალხი ძირითადად ველოსიპედებით დადის, რადგან უფრო ჯანსაღი, სწრაფი გადაადგილების საშუალებაა. სტარტაპი ძირითადად გათვლილი იქნება ახალგაზრდებზე, მათ მეტი მოძრაობა სჭირდებათ. როგორც წესი,  ელექტროველოსიპედები ყველასთვის არის ხელმისაწვდომი, ამიტომ – „უბერი“ ამ ტენდენციის შეცვლას გეგმავს.

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიგამოგონება - ინოვაციაეს საინტერესოაკვლევებიმსოფლიორობოტექნიკატექნოლოგიები

ხელოვნური ინტელექტის ექსპერტები პროტესტს გამოთქვამენ

1.89K views on

ექსპერტები ხელოვნური ინტელექტის სფეროდან აპროტესტებენ უნივერსიტეტების მიერ ჩატარებული კვლევების დასკვნებს, რომ რობოტები მკვლელები არიან და საშიშროებას უქმნიან მოსახლეობას.

მათი აზრით, მსგავსი გამოკვლევები ხელს უშლის ტექნოლოგიის განვითარებას და მოტივაციას უდაბლებს ისეთ ხალხს, ვისაც ინოვაციის გამოგონება და შექმნა შეუძლია.

ექსპერტები ამბობენ, რომ ადამიანები ხშირად მხოლოდ იმაზე არიან მოტივირებულნი, რომ რაიმე ნაკლი იპოვონ და სხვა ადამიანის შექმნილი დააკნინონ, რა თქმა უნდა, ბევრი ხარვეზი შეიძლება მოჰყვეს გამოგონებებს, მაგრამ ადამიანებს არ უნდა დაავიწყდეთ, რომ ჩვენ საქმე რობოტებთან გვაქვს –  ხანდახან შეცდომები ჩვენც კი მოგვდის, არათუ მათ.

 

წყარო: Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიეს საინტერესოამსოფლიო

კოსმოსში პირველი სასტუმრო გაიხსნება

1.78K views on

2021 წელს ამერიკელები კოსმოსში პირველი სასტუმრო გახსნიან. პროექტის სახელწოდება Aurora Station-ია. 6 ადამიანი, მათ შორის ეკიპაჟის წევრები, კოსმოსში 12-დღიან მოგზაურობას შეძლებს. 

პროექტი იმით არის განსაკუთრებით მიმზიდველი, რომ სადგურის მგზავრები ამ პერიოდს უწონადობაში გაატარებენ და 322 კილომეტრის სიშორიდან დედამიწის ხედებით დატკბებიან, ყველაფერთან ერთად კი –  მაღალსიჩქარიანი ინტერნეტით ისარგებლებენ სამეცნიერო კვლევებში მონაწილეობის მიღებას შეძლებენ.

როგორც პროექტის ავტორები ვარაუდობენ, ძვირადღირებული სასტუმრო პირველი სტუმრების მიღებას 2022 წლისთვის შეძლებს. 12-დღიანი მოგზაურობის საფასური 9,5 მილიონი დოლარი იქნება.

წყარო:  Sky News

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგანათლებაეს საინტერესოამსოფლიოტექნოლოგიები

,,Microsoft-ის” ხელოვნური ინტელექტის შემსწავლელი კურსები

1.4K views on

.,Microsoft-ი” ახლა უკვე გთავაზობთ ხელოვნური ინტელექტის შემსწავლელ კურსებს, რაც თქვენი CV–ისთვის ძალიან ხელსაყრელი იქნება.
უკვე ყველა  ტექნოლოგიურ კომპანიას ესაჭიროება ხელოვნური ინტელექტის მცოდნე სპეციალისტები. ,,მაიკროსოფტმა” გადაწყვიტა ეს პრობლემა რამენაირად მოეგვარებინა და შექმნა შემსწავლელი კურსები ტექნოლოგიის კიდევ უფრო სწრაფი განვითარებისთვის.
კურსი შედგება 10 ეტაპისგან, თითოეულს დაახლოებით 8–16 საათამდე სჭირდება ინტერნეტის საშუალებით შესასწავლად. კურსი მოიცავს კომპიუტერული ხედვის, საუბრის მოსმენის, სპეციფიური ენის დაუფლების და კიდევ მრავალი კარგი თვისების შესწავლას.
გასაკვირი არ უნდა იყოს, რომ ყველა კომპანია რეკლამისთვის აკეთებს მსგავს ღონისძიებებს, მაგრამ მოსახლეობისთვის და ამ სფეროში დაინტერესებული პირებისთვის ძალიან ხელსაყრელია შეთავაზებული კურსის გავლა.

წყარო: Theverge.com
მასალა მოამზადა: თამარ დევდარიანმა
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაეს საინტერესოამსოფლიოტექნოლოგიები

ჭადრაკის სუპერვარსკვლავმა ვერ შეძლო ხელოვნური ინტელექტის დამარცხება

1.51K views on

ჭადრაკი არ არის ადვილი თამაში, ადამიანური სტანდარტების გათვალისწინებით. მაგრამ ხელოვნური ინტელექტი, რასაც განუსაზღვრელი შესაძლებლობები აქვს, ხალხს კიდევ ერთხელ აკვირვებს და კომპანია „Google–ის“ პროდუქტი „AlphaZero” სულ რაღაც 4 საათში პროფესიონალურ დონეზე შეისწავლის მსოფლიოში ერთ–ერთ ყველაზე რთულ თამაშს.
მსოფლიოში ერთ–ერთი ყველაზე ძლიერი მოთამაშე, სტოქფიში, შეახვედრეს “AlphaZero–ს”, მან 100 თამაშიდან 25–ში გაიმარჯვა, როდესაც თეთრი ფიგურებით თამაშობდა ანუ პირველ სვლას აკეთებდა, ხოლო 3 მოიგო შავი ქვებით, დანარჩენი ყველა მატჩი ფრედ დასრულდა, ჭადრაკის სუპერვარსკვლავმა ვერ შეძლო ხელოვნური ინტელექტის დამარცხება.

წყარო: Sciencealert.com
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოპოლიტიკა

ისრაელი გაეროსა და ევროკავშირს ღაზას სექტორში მომხდარი მკვლელობების გამოძიებაზე უარს ეუბნება

1.36K views on

ისრაელის თავდაცვის მინისტრმა გაეროსა და ევროკავშირს ღაზას სექტორში განვითარებული მოვლენების გამოძიებაზე უარი უთხრა. ღაზას სექტორის საზღვართან მიმდინარე სამშვიდობო საპროტესტო აქციები ძალადობრივში გადაიზარდა. ისრაელის სამხედრო პირებმა ცეცხლი გაუხსნეს მსვლელობის მონაწილეებს. შედეგად, ათობით ადამიანი დაშავდა და დაიღუპა. „ჯარისკაცებმა გააკეთეს ის, რაც უნდა გაკეთებულიყო“- განაცხადა ისრაელის თავდაცვის მინისტრმა.

გაეროს გენერალურმა მდივანმა და ევროკავშირის წარმომადგენელმა, ფედერიკა მოგერინიმ მოითხოვა დამოუკიდებელი გამოძიების ჩატარება ღაზას სექტორის იმ ნაწილში, სადაც 16 ადამიანი დაიღუპა. თუმცა, ისრაელის თავდაცვის მინისტრმა ოფიციალური გამოსვლისას აღნიშნა, რომ გამოძიება საერთაშორისო აქტორების მონაწილეობით არ შედგება, რადგან ,,გაკეთდა ის, რაც უნდა გაკეთებულიყო და ისრაელის ხელისუფლების ჯარისკაცები იმსახურებენ პატივისცემას“.

აღსანიშნავია, რომ „დაბრუნების დიადი მარში“ 6-კვირიანი მსვლელობაა ღაზას სექტორში, რომლის მონაწილეები მოითხოვენ, რომ საზღვარგარეთ მცხოვრები პალესტინელების დაბრუნებას. ჰამასისა და სხვა სამხედრო-პოლიტიკური ჯგუფების მიერ მხარდაჭერილი ეს მსვლელობა უფრო მასშტაბურ სახეს ყოველ პარასკევს იღებს. ისრაელის ხელისუფლება საზღვართან მსგავს მსვლელობებს გმობს და გამაფრთხილებელ განცხადებას ავრცელებს: „ნებისმიერი ვინც ახლოს მივა საზღვართან და შეეცდება ინფრსტრუქტურის რაიმე სახით დაშავებას ან დარჩება ტერიტორიაზე, სამხედროები მათ ესვრიან.”

 

წყარო: The Guardian

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 54 55 56 57 58 … 91
Page 56 of 91