close

მსოფლიო

მსოფლიოსაქართველო

Radisson Collection Hotel – წინანდლის მამული წლის საუკეთესო სასტუმროს პროექტად აღიარეს

1.15K views on

უკრაინაში აღმოსავლეთ ევროპის უძრავი ქონების ფორუმი და დაჯილდოება  გაიმართა, სადაც Radisson Collection Hotel, Tsinandali Estate წლის საუკეთესო სასტუმროს პროექტის ნომინანტებს შორის გამოარჩიეს. პროექტის შეფასება სხვადასხვა კრიტერიუმების გათვალისწინებით სფეროს ექსპერტებისგან დაკომპლექტებული ჟიურის მიერ მოხდა.
URE Club-ისა და EuropaProperty.com-ის მიერ ორგანიზებულ დაჯილდოებაზე საერთაშორისო ჟიურიმ წლის საუკეთესო პროექტები და კომპანიები, 34 ნომინაციაში გამოავლინა. EE Real Estate Project Awards-ი აღმოსავლეთ ევროპისა და აზიის უძრავი ქონების ბაზრების საკვანძო ორიენტირადაა აღიარებული. ფორუმი ყაზახეთის, აზერბაიჯანის, საქართველოს, ბელორუსიის, მოლდოვისა და უკრაინის საუკეთესო სამშენებლო-დეველოპერებს, ინვესტორებს, ბანკირებს და არქიტექტორებს აერთიანებს. წლევანდელ ღონისძიებაზე საკუთარი ქვეყნების უძრავი ქონების ბაზრები 200-მდე კომპანიამ წარმოადგინა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მსოფლიო

“შანელი” ბეწვეულსა და ცხოველების ტყავს აღარ გამოიყენებს

1.18K views on

“შანელი” კოლექციაში  ცხოველების ტყავს და ბეწვეულს  აღარ გამოიყენებს.
ინფორმაციას CNN ავრცელებს.
ამ ნაბიჯით, მოდის სახლს ცხოველთა უფლებებადამცველების მხარდაჭერა სურს.
შეგახსენებთ, რომ ანალოგიური გადაწყვეტილება, გასულ წელს, Gucci-მ მიიღო.
2016 წელს, Giorgio Armani-მ განაცხადა, რომ გარემოსა და ცხოველთა სამყაროს დაცვის მიზნით, მისი ბრენდები ბეწვეულს აღარ გამოიყენებდნენ.
ანალოგიური გადაწყვეტილება მიიღეს ბრენდებმა: Vivienne Westwood, Calvin Klein და Ralph Lauren.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მედიცინამსოფლიო

გარდაცვლილისგან გადანერგილი საშვილოსნოთი მსოფლიოში პირველი ბავშვი გაჩნდა

2.83K views on

ბრაზილიაში ქალს გარდაცვლილი ადამიანისგან საშვილოსნო გადაუნერგეს, რომლის დახმარებითაც მან ბავშვი გააჩინა. ეს პირველი შემთხვევაა მსოფლიოში, როდესაც გადანერგილი საშვილოსნოს გამოყენებით ბავშვი დაიბადა. BBC-ის ინფორმაციით ბავშვი ჯანმრთელია.

ტრანსპლანტაციის ოპერაცია სან-პაოლოში მდებარე საავადმყოფოში, 10 საათის განმავლობში მიმდინარეობდა. ოპერაცია 32 წლის ქალს ჩაუტარდა, რომელიც საშვილოსნოს გარეშე დაიბადა.

მანამდე ქალს ტრანსპლანტაციის რამდენიმე ოპერაცია ჩაუტარდა, თუმცა ბავშვის შენარჩუნება ვერ შეძლო. ბოლო შემთხვევაში კი მას 40 წლამდე ქალის საშვილოსნო გადაუნერგეს, რომელიც ტვინში სისხლის გაჟონვით მოკვდა.

ტრანსპლანტაციის ოპერაციიდან 7 თვეში ქალის საშვილოსნოში განაყოფიერებული კვერცხუჯრედები მოათავსეს. სტანდარტული ორსულობის შემდეგ, ბავშვი საკეისრო კვეთით 2017 წლის 15 დეკემბერს გაჩნდა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციამსოფლიო

მეცნიერებმა პლასტმასის ბოთლებისგან ხმა გაუმტარი და სიცხის გამძლე აეროგელი დაამზადეს

1.54K views on

სინგაპურის უნივერსიტეტის მეცნიერებმა პლასტმასის ბოთლების გადამუშავების შედეგად ხმა გაუმტარი და სიცხის გამძლე მასალა დაამზადეს.

მეცნიერებმა პოლიეთილენის  ტერეფტალატისგან (PET) დამზადებული ბოთლებისგან აერიგელი შექმნეს, რომელიც შესაძლოა იქცეს იზოლაციის, ხანძარდამცავ და დაღვრილი ნავთობპროდუქტების გამწმენდ საშუალებად.

ყველაზე დიდი შედეგი კი, რასაც მეცნიერების განმარტებით, პლასტმასის ბოთლების ამ გზით გადამუშავება მოიტანს, ოკეანეების პლასტმასით დაბინძურების თავიდან აცილება იქნება.

მკვლევარები აცხადებენ, რომ პლასტმასის ბოთლების ნარჩენებისგან დამზადებული აეროგელი რბილი, მოქნილი, გამძლე და ძალიან მსუბუქია, ასევე იოლია მისი ტრანსპორტირება.

მეცნიერთა აღნიშნულმა გუნდმა გამოგონების დაპატენტების მიზნით შესაბამისი განაცხადი მარტში შეიტანა. ისინი აეროგელის მასიური წარმოების დასაწყებად პარტნიორებს ეძებენ. 1 მეტრი სიგრძისა და სიგანის და 1 სმ სისქის აეროგელის დამზადება დაახლოებით 10 აშშ დოლარი დაჯდება.

აღსანიშნავია, რომ 2015 წელს ჩატარებული კვლევის თანახმად, აზიის ხუთ ქვეყანაში – ჩინეთში, ინდონეზიაში, ფილიპინებში, ვიეტნამსა და ტაილანდში პლასტიკატის ნარჩენების 60 პროცენტი ოკეანეებში ხვბდება.

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მსოფლიო

ადგილები, სადაც დაუვიწყარი დასვენება გელით

1.18K views on

ყველა ადამიანს ესჭიროება მინიმუმ თვეში ერთხელ განტვირთვა, როგორც ორგანიზმის, ასევე გონების, მსოფლიოში კი ასეთი ადგილები მრავლადაა. ადამიანები, რომლებსაც ეკონომიკურად გამართული მდგომარეობა აქვთ ცდილობენ, რომ რაც შეიძლება გაუფრთხილდნენ საკუთარ ენერგიას და იყვნენ ჯანსაღები.

მრავალი კატეგორიის ადამიანები არსებობენ, მაგალითად ზოგს მოსწონს სამოგზაუროდ წასვლა და უცხო ქვეყნის ღირსშესანიშნაობების დათვალიერება და ის ამ სფეროში პოულობს განტვირთვის საშუალებას, მაგრამ არსებობენ ადამიანები, რომლებსაც ბუნებაში დროის გატარებას არაფერი ურჩევნიათ და ა.შ.

ლინდალ მიტჩელმა, ავსტრალიის სამოგზაურო სპა ცენტრების ერთ–ერთმა დამაარსებელმა გადაწყვიტა საზოგადოებისთვის წარედგინა საუკეთესო ადგილები, სადაც მათ განტვირთვა შეუძლიათ:

  1. ამერიკის შეერთებული შტატები – „Mii amo Spa“
  2. “ Terme Vals“– შვეიცარია
  3. “Kamalaya, Koh Samui” –ტაილანდი
  4. “ESPA ცხოვრება Corinthia Hotel–ში” –ინგლისი
  5. “Caracalla Spa”–გერმანია

წყარო : Traveller.com

მასალა მოამზადა : ლაშა ჟინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ასტრონომია - კოსმოსიმსოფლიო

გოგონა, რომელიც „მარსზე“ გასამგზავრებლად სპეციალურ წვრთნებს გადის

1.65K views on

„ნასას“ ყველაზე ახალგაზრდა ასტრონავტის, 17 წლის ალისა კარსონის მიზანია, გახდეს პირველი ადამიანი, რომელიც მარსზე ფეხს დააბიჯებს. მისია 2033 წლისთვისაა დაგეგმილი, იმ დროისთვის კი ლუიზიანელი გოგონა უკვე 32 წლლის იქნება.

ალისა, რომელიც 18 წლამდე ოფიციალურად ასტრონავტად არ ითვლება და ჯერ კიდევ სტაჟიორად მოიხსენებენ, დიდი მისიისთვის სპეციალურ წვრთნას უკვე გადის.  

ABC 7 News’ WJLA-თან ინტერვიუში ალისა აცხადებს, რომ კოსმოსით ჯერ კიდევ 3 წლის ასაკში მას შემდეგდაინტერესდა, რაც მულტფილმ The Backyardigans-სუყურა, რომლის ერთ–ერთ ეპიზოდში ცხოველებიმოგზაურობენ მარსზე.

7 წლის ასაკში პატარა ალისა ალაამაში მდებარე „ნასას“ კოსმოსურ ბანაკში გაემგზავრა. მიზნის განხორციელებაში გოგონას დიდ დახმარებას უწევს მამა, ბერთ კარსონი.

ალისა გახდა პირველი ადამიანი კაცობრიობის ისტორიაში, რომელიც „ნასას“ ვიზიტორთა თოთხმეტივე ცენტრს ეწვია და ამერიკის კოსმოსური სააგენტოს პასპორტის პროგრამა დაასრულა. ამჟამად ალისა სასკოლო საგნებს ოთხ ენაზე სწავლობს – ინგლისურად, ჩინურად, ფრანგულად და ესპანურად.

მეცნიერთა მტკიცებით, თანამედროვე ტექნოლოგიების საშუალებით წითელ პლანეტამდე მისვლას 6 თვე დასჭირდება/ მისიის ფატგლებში ალისა მარსზე 1 წელს გაატარებს, ხოლო შემდგომი 9 თვე უკან დასაბრუნებლად დაჭირდება.

ასე რომ, ახალგაზრდა ასტრონავს წინ 2-3 წლიანი მისია ელოდება.

წყარო : www.techtimes.com

მასალა მოამზადა : თამარ ტაბატაძემ

სრულად ნახვა
ასტრონომია - კოსმოსიმსოფლიო

SpaceX-ი სამგზავრო კოსმოსური ხომალდის სატეტსო გაშვებას გეგმავს

1.25K views on

ასტრონომების საერთაშორისოს სადგურზე გადაყვანის მიზნით შექმნილი SpaceX-ის კოსმოსური ხომალდის სატეტსო გაშვება კენედის საერთაშორისო კოსმოსური ცენტრიდან 7 იანვარს განხორციელდება, – ამის შესახბ ინფორმაციას ამერიკის კოსმოსური სააგენტო (ნასა) ავრცელებს.
სატესტო გაფრენა კოსმოსური სააგენტოს კომერციული პროგრამის გადამწყვეტი ქვაკუხედი იქნება.
SpaceX-ი და Boeing Co-ი ნასას Commercial Crew Program-ის მთავარი კონტრაქტორები არიან. პროგრამის მიზანი SpaceX-ის Crew Dragon და Boeing Co-ის CST-100 Starliner-ის საშუალებით 2019 წლისთვის კოსმოსში ასტრონავტების გაგზავნაა.
„ნასას“ ინფორმაციით, SpaceX-ის კოსმოსური ხომალდი Crew Dragon-ი, კოსმოსში სამ ავსტრონავტს წაიყვანს მსგავსად Apollo 11-ისა, რომელიც 1969 წელს მთვარეზე სამ კაციანი ეკიპაჟით გაფრინდა. Crew Dragon-ს კოსმოსში SpaceX-ის რაკეტა Falcon 9-ის საშუალებით გავა.
SpaceX-ის აღმასრულებელი დირექტორის ელონ მასკის განცხადებით, იმ შემთხვევაში, თუ 7 იანვრის ტესტი წარმატებული აღმოჩნდა, პირველი ეკიპირებული ფრენა 2019 წლის ივნისში განხორციელდება.
რაც შეეხება Boeing-ს, კომპანია კოსმოსური ხომალდის, Starliner-ის, სატესტო გაშვებას მარტში გეგმავს. ხომალდის გაშვება რაკეტა Atlas 5-ის საშუალებით განხორციელდება. ეკიპირებულ მისიას კი Boeing-ი 2019 წლის აგვისტოში გეგმავს.

წყარო : Reuters
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ასტრონომია - კოსმოსიმსოფლიო

“ნასამ“ მთვარის პროგრამის 9 კონკურენტი კომპანია დაასახელა

1.06K views on

“ნასამ“ ცხრა ამერიკული კომპანია დაასახელა, რომლებიც კოსმოსური სააგენტოს განახლებული გრძელვადიანი მთვარის პროგრამის ფარგლებში დაფინანსების მოსაპოვებლად ერთმანეთის კონკურენტები იქნებიან.

პროგრამა Commercial Lunar Payload Services-ის 2,6 მილიარდი დოლარის ოდენობის დაფინანსებას ის კომპანია მოიპოვებს, რომელიც მთვარის ზედაპირის შესასწავლად საუკეთესო ტექნოლოგიას განავითარებს.

აღნიშნულმა კომპანიები მომავალი 10 წლის განმავლობაში პატარა მანქანებსა და რობოტულ “როვერებს“ შექმნიან.

„ნასა“ 2022 წლისთვის ახალი კოსმოსური სადგურის ლაბორატორიის მშენებლობას იწყებს, რომელიც მთვარის გარშემო ორბიტაზე იმოძრავებს და მზის სისტემის სხვადასხვა მისიის მონაწილეებისთვის ერთგვარი პროფილაქტიკური ცენტრი იქნება.

„ნასას“ პროგრამაში მონაწილეობისთვის კონკურენციას ერთმანეთს შემდეგი კომპანიები გაუწევენ: LockheedMartin, Astrobotic, Moon Express, MastenSpaceSystems, DeepSpaceSystems, Draper, FireflyAerospace, IntuitiveMachines, დაOrbitBeyond.

წყარო : Reuters
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
კომუნიკაციამსოფლიო

მსოფლიოს პირველი 8K ტელეარხი მაუწყებლობას იწყებს

1.61K views on

მსოფლიოს პირველი 8K ტელეარხი, BS8K, 1 დეკემრიდან მაუწყებლობას იწყებს. მაუწყებლობის პირველივე დღეს BS8K-ი რეჟისორ — სტენლი კუბრიკის 1968 წლის სამეცნიერო ფანტასტიკურ ფილმს კოსმოსური ოდისეა (2001: A Space Odyssey) 8K ფორმატში შეთავაზებს მაყურებელს.
იაპონური ტელეარხის NHK-ის დაკვეთით Warner Bros-მა ფილმი 8K ფორმატში დაასკანერა. არსანიშნავია, რომ 8K UHD – ULTRA HIGH DEFINITION ულტრა მაღალი გამოსახულების ხარისხი, წერტილების რაოდენობა კვადრატულ ინჩზე 7680X4320, 4-ჯერ მეტია ვიდრე 4K და 16-ჯერ მეტი ვიდრე FULL HD. თუმცა, დღეს მსოფლიოში ძალიან ცოტა ადამიანს აქვს ამ ფორმატის მხარდამჭერის მქონე ტელევიზორი.
NHK აცხადებს, რომ 8K ფორმატზე ის 1995 წლიდან მუშაობს. ტელეარხი აპირებს, რომ ტოკიოს 2020 წლის ოლიმპიადის ტრანსლირება 8K გარჩევადობით განახორციელოს.
ტელევიზორების მსხვილმა მწარმოებლებმა –  Samsung-მა დაLG-მ 8K ფორმატის მხარდაჭერის მმქონე ტელევიზორები შექმნეს, თუმცა ისინი ჯერჯერობით მეტისმეტად ძვირია.
NHK-ის ახალი არხი 8K პროგრამებს დღეში 12 საათის განმავლობაში გადმოცემს. მაუწყებლობის დაწყების პირველ დღეს კი, როგორც აღვნიშნეთ, მაყურებელი სტენლი კუბრიკის ფილმს იხილავს. მარტში კი ტელეარხი 8K ფორმატში ცნობილ ფილმ – „ჩემი მშვენიერი ლედი“ შემოგვთავაზებს.
იაპონურმა კომპანია Sharp-მა პირველი 8K ტელევიზორი 2015 წელს გაყიდა და მისი ფასი 133,000 აშშ დოლარი იყო. დღეს კი Samsung-ის 8K ტელევიზორი 15,000 აშშ დოლარი ღირს. 8K გამოსახულების მისაღებად მაყურებელს ასევე ესაჭიროება 8K სატელიტური მიმღები, რომლის ფასი 2,200 აშშ დოლარია, საჭიროა ასევე ოთხი HDMI კაბელი გამოსახულების და ერთი კაბელი ხმის მისაღებად.
იმის გამო, რომ 8K აპარატურა ფართო აუდიტორიისთვის ჯერ-ჯერობით ხელმისაწვდომი არაა, NHK “ტრანსლაციის პუქნტექბის” მოწყობას საზოგადოებრივ ადგილებში აპირებს, სადაც 8K ეკრანები იქნება განათვსებული.
„მსოფლიოს პირველი 8K ტვ არხის შექმნა უმნიშვნელოვანესი სიახლეა. თუმცა, მასიურ აუდიტორიაზე გასვლა ჯერ კიდევ ძალია შორი პერსპექტივაა,“ განაცხადა ტექნოლოგიური ახალი ამბების საიტის What Hi-Fi-ის მთავარმა რედაქტორმა ჯო კოქსმა.

წყარო : BBC

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ასტრონომია - კოსმოსიდედამიწამსოფლიო

InSight-მა მარსიდან პირველი სუფთა ფოტო გამოაგზავნა

3.84K views on

“ნასას“ ხომალდი „ინსაითი“ პლანეტა მარსის ზედაპირზე წარმატებით დაეშვა და დედამიწისკენ ოფიციალური სიგნალი გამოგზავნა. „ინსაითი“ გახლავთ პირველი რობოტული კოსმოსური ხომალდი, რომლის მიზანი მარსის წიაღისა და სეისმური აქტივობის შესწავლაა.

InSight-მა დედამიწაზე მარსის ზედაპირის სუფთა ფოტოც გამოაგზავნა.

როგორც „ნასას“ წარმომადგენლები აღნიშნეს, ეს იყო “ტერორის 7 წუთი” იყო და ამაში გაზვიადებული არაფერია. მისია, კოსმოსურ სააგენტოს 850 მილიონი დაუჯდა.

„ინსაითი“ ამერიკის კოსმოსური სააგენტოს მერვე ხომალდია, რომელმაც წითელი პლანეტის ზედაპირზე წარმატებილი დაჯდომა განახორციელა.
სამფეხა ხომალდი მარსის თხელ ატმოსფეროში საათში 19,795 კილომეტრის სიღრმეზე შედიოდა და ატმოსფორდან პლანეტის ზედაპირზე ატმოსფერული ხახუნის, გიგანტური პარაშუტისა და რეტრო რეკეტების საშუალებით დაშვებას 7 წუთი მოანდომა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
1 … 38 39 40 41 42 … 91
Page 40 of 91