ეს საინტერესოა

მეტი სიცხადისთვის, თუ რას ნიშნავს ბოლო დროს პოპულარული ეგრეთწოდებული ქოუჩინგი, აუცილებელია რაც შეიძლება მეტი ვისაუბროთ, მოეწყოს დისკუსია-განხილვები და ვიფიქროთ ამ საკითხებზე. შესაბამისად, – მეტი სარგებელი მივიღოთ. აღნიშნული განსაკუთრებით მნიშვნელოვანია ხელოვნური ინტელექტის ე.წ. Artificial Intelligence (AI) პირობებში, რომლსაც თანამედროვე ადამიანის ცხოვრება, შრომისა და საქმიანი ურთიერთობების, ასევე ადამიანის ყოველდღიური საქმიანობის კულტურა სხვა რეალობასა და გარემოებებში გადაჰყავს.

ე.წ. ქოუჩინგი წვრთნის პროცესია, – მიუხედავად პროფესიისა, თუ ნებისმიერი მიმართულებისა, სადაც ვსაქმიანობთ. Life Coaching ეგრეთწოდებული „ლაიფქოუჩინგი“ გახლავთ ცხოვრების წვრთნის პროცესი და ჩვენი ყოველდღიურობის ყველა ასპექტს ფარავს . Life Coaching შესაძლებელია ჩვენი ცხოვრების სხვადასხვა ეტაპთან, გადაწყვეტილების მიღების პროცესთან იყოს დაკავშირებული და მნიშვნელოვანი როლი შეასრულოს ჩვენს წარმატებაში.

როგორც უკვე ჩვენთვის კარგად არის ცნობილი, მწვრთნელს განსაკუთრებული მნიშვნელობა აქვს კონკრეტული ინდივიდის თუ სპეციფიკური ჯგუფების წარმატების პროცესში. დღეს, როგორც წესი, ისტორიულად, მწვრთნელის ასოცირება უმეტესწილად სპორტის სახეობების მიმართულებით ხდება. დიახ, არ გეშლებათ, სწორედ იგივე პროცესი გახლავთ.

საქართველოში ეს კულტურა არსებობდა და ისტორიულად მეფეები თუ დიდგვაროვნები, სხვადასხვა შეძლებული პირები თავის შვილებსა თუ ახლობლებს შესაბამისი ცოდნა-გამოცდილების და უნარ-ჩვევების ადამიანებს მიაბარებდნენ ხოლმე და ამას საზოგადოებისთვის თავისი მასშტაბური დადებითი მნიშვნელობის შედეგებიც მოჰყვებოდა ხოლმე ხშირად.

დღეისთვის წვრთნისა და აღზრდის ამ მიდგომამ, რომელიც ფუფუნებად ითვლებოდა უკვე ჩვენი ყოველდღიური ცხოვრების თითქმის ყველა ასპექტში გადმოინაცვლა, უფრო ხელმისაწვდომიც გახდა და საჭიროებაც ყოველ დღე მატულობს. გაიმარჯვებს ის საზოგადოება, რომელიც სწრაფად აუღებს ალღოს და ეფექტურად ადაპტირდება ამ მიმართულებით.

საჭიროების შესაბამისად, გამოარჩევენ სხვადასხვა კონკრეტულ მიმართულებებს, სადაც ადამიანები შედარებით უფრო ხშირად საჭიროებენ თანადგომას და მხარდაჭერას. მეტი სიცხადისთვის რამდენიმე მოთხოვნად ნიშას გამოვარჩევდით:

Career Coaching (ე.წ. კარიერის მწვრთნელი): ინდივიდებს ეხმარება განსაზღვრონ კარიერული მიზნები, შეიმუშაონ მიზნების მიღწევის გეგმა და გეგმის განხორციელების პროცესში გადალახონ წინააღმდეგობები.

Relationship Coaching (ურთიერთობების მწვრთნელი): ინდივიდებს ეხმარება პირადი და პროფესიული ურთიერთობების მოწესრიგებაში – იგულისხმება როგორც რომანტიკული, ასევე მეგობრული და ოჯახური ურთიერთობები.

Health and Wellness Coaching (ჯანმრთელობისა და კეთილდღეობის მწვრთნელი): ეხმარება ინდივიდებს გაიუმჯობესონ ჯანმრთელობის მდგომარეობა როგორც ფიზიკურ, ისე ემოციურ დონეზე. აქ შედის წონის კლება, სტრესის მართვა, ავადობის პრევენცია და მასთან გამკლავება და ა.შ.

Executive Coaching (ლიდერობის მწვრთნელი): ეხმარება ლიდერებსა და აღმასრულებელი თანამდებობის პირებს გაიუმჯობესონ ლიდერული უნარ-ჩვევები, მართონ ჯგუფები მეტი ეფექტურობით და ადვილად, გართულებების გარეშე შეძლონ დასახული მიზნების მიღწევა.

Financial Coaching (ფინანსური კეთილდღეობის მწვრთნელი): ეხმარება ინდივიდებს გაიუმჯობესონ ფინანსების მართვის ხედვა, მართონ ეფექტურად ბიუჯეტი და ფინანსური ნაკადები და მიაღწიონ ფინანსური კეთილდღეობის მიზნებს.

Success Coaching (წარმატების მწვრთნელი): ეხმარება ადამიანებს მიაღწიონ დასახულ მიზნებს ძირითადად განათლების, პროფესიული საქმიანობის, ფინანსური წარმატების და ცვლილებების დროს. მუშაობა შესაძლოა ეხებოდეს კონკრეტულ პროექტს, გამოწვევას, ან ცვლილებების პროცესს. წარმატების მწვრთნელი ადამიანს მხარს უჭერს გამორკვევის პროცესში, საკუთარ თავზე მუშაობისა და ეფექტური გადაწყვეტილებების მიღების დროს.

როგორც წესი, კონკრეტულ ნიშაში დარგის კონკრეტული პროფესიონალები როგორც ექსპერტები ახდენენ პოზიციონირებას და ახორციელებენ შესაბამის დარგობრივ პროფესიულ საქმიანობას.

ზემოთ მოვიყვანეთ მხოლოდ რამდენიმე მაგალითი, რომელიც მომავლის საქმიანობასთან და ხელოვნური ინტელექტის ჩვენს ყოველდღიურ ცხოვრებაში შემოსვლასთან აქტიურად იქნება დაკავშირებული. მოგეხსენებათ, ხელოვნური ინტელექტის გაძლიერება პირდაპირაა დაკავშირებული მეოთხე ინდუსტრიულ რევოლუციასთან. აღნიშნული, თავის მხრივ, გულისხმობს, წარმოებისა თუ მომსახურების სფეროში ადამიანის ფიზიკური შრომის ჩანაცვლებას თანამედროვე ტექნოლოგიებით და რობოტებით. ეს კი, თავის მხრივ, გამოათავისუფლებს უფრო მეტ ადამიანს, რომლებიც ეფექტურად უნდა ადაპტირდნენ საზოგადოებაში. ამ მასიურ და ძალიან სწრაფ პროცესში ეფექტური მწვრთნელის როლი, რომელიც ადამიანებს სიახლეების მიღებაში, გამოწვევების ადაპტაციის პროცესში მხარს დაუჭერს და მისი თანამებრძოლი იქნება, – უმნიშვნელოვანესია.

რატომ მატულობს მწვრთნელის საჭიროება ჩვენს ყოველდღიურ ცხოვრებაში?

პრაქტიკამ აჩვენა, რომ ადამიანების წარმატებისა და ადაპტაციისთვის მხოლოდ პროფესიული უნარ-ჩვევები და დარგობრივი განათლება არ არის საკმარისი. არ აქვს მნიშვნელობა ეს იქნება სპორტი, ხელოვნება, მეცნიერება, ზოგადად ბიზნესი და სახელმწიფო სერვისები თუ სხვა. თანამედროვე განათლებული საზოგადოება მარტივად ამჩნევს, რომ აუცილებელი გახდა მაღალი ემოციური ინტელექტი, რომ ადამიანებმა შეძლონ გარემოში ადაპტაცია, საკუთარ თავზე მუშაობა, საკუთარი პოტენციალის მაღალი კვალიფიკაციით გამოვლენა და რეალიზაცია. არიან გარკვეული კატეგორია ადამიანების, რომლებიც თანამედროვე ცვალებად გარემოში გამოწვევებს დამოუკიდებლადაც კარგად ართმევენ თავს. თუმცა, ისტორიულადაც არსებობს ბევრი ნიჭი და პოტენციალი, რომელიც სამწუხაროდ ვერ რეალიზდა და კონკრეტულმა საზოგადოებამ თუ კაცობრიობამ დაკარგა შანსი მიეღო მეტი სარგებელი. ნაკლები რისკისა და მიზნის სწრაფად და იოლად მიღწევისთვის მწვრთნელთან კოორდინაციაში ყოფნა საუკეთესო, მეტად გარანტირებული საშუალება და ზოგ შემთხვევაში ძვირი სიამოვნებაცაა. სწორედ ამ მიზეზების გამო, ქოუჩინგს 21 საუკუნის საქმიანობას ეძახიან და სულ უფრო პოპულარული და ხელმისაწვდომი ხდება.

ფსიქოლოგი თუ Life Coach?

როგორც მოგეხსენებათ ფსიქოლოგია არის მეცნიერება ადამიანის ფსიქიკურ კანონზომიერებებთან დაკავშირებით. ფსიქოლოგი გახლავთ პროფესიონალი ადამიანი, რომელსაც აქვს მიღებული შესაბამისი განათლება კარგად ერკვევა ადამიანებში, მათ ხასიათებსა და განცდებში. რაც შეეხება ქოუჩს,  კარგი ქოუჩი შესაძლებელია და უნდა ფლობდეს ადამიანური ფსიქოლოგიის ასპექტებს, თუმცა ეს არ ნიშნავს, რომ ის ფსიქოლოგია და მზადაა გასწიოს ფსიქოლოგიური მომსახურებებს. მეორეს მხრივ, კარგი ფსიქოლოგი შესაძლოა იყოს კარგი ქოუჩი და ამის მეტი შანსია, რასაც ვერ ვიტყვით პირიქით. სწორედ ამიტომ, ადამიანებს უფრო ეადვილებათ ქოუჩობა და თავს უფლებას აძლევენ და შესაბამისი განათლებისა და კვალიფიკაციების გარეშე თავს მწვრთნელს უწოდებენ და კავდებიან ამ საქმიანობით. ყურადღება უნდა მიექცეს, რომ კონკრეტულ სიტუაციაში ქოუჩის როლი შესაძლებელია იკისროს, ოჯახის წევრმა, მეგობარმა, სასულიერო პირმა, ტელევიზიით, რადიოთი, სოციალური მედიით მიღებულმა ინფორმაციამ, ვიდეომ ან გზავნილმა, – რომელიც თქვენი ინსპირაციის წყარო გახდება. თუმცა პირადი ქოუჩის დაქირავების შემთხვევაში თქვენ ნაკლებად ხართ დამოკიდებული ალბათობებზე და აქ უკვე ადამიანები ფიქორბენ და მუშაობენ თქვენი ყოველდღიური კეთილდღეობის და ცხოვრების ხარისხის ამაღლებაზე. როგორც წესი წინა პლანზე ამ სფეროშიც ბაზრის პრინციპი გამოდის და მომხმარებელი თავად წყვეტს ვისთან აქვს მეტი შედეგი და ვის უნდა მიმართოს. თუ საქმე ფსიქოლოგიურ გამოწვევებთან გვაქვს უპირობოდ უნდა მიმართოთ ფსიქოლოგს. წარმატების ასპექტების შემთხვევაში კარგი ქოუჩი თქვენი საუკეთესო მეგობარი და ცხოვრების თანამგზავრი გახდება.

როგორ მივიღოთ მაქსიმალური სარგებელი?

მოცემული ეტაპისთვის, პოპულარობის პარალელურად, აღნიშნული საქმიანობა ნაკლებად რეგულირდება, არ გახლავთ ლიცენზირებადი და არ საჭიროებს ნებართვებს. სწორედ აღნიშნულიდან გამომდინარე, საკმაოდ საფრთხილო და საყურადღებოა ვის დაუკავშირებთ თქვენს მომავალ წარმატებებს. ერთის მხრივ, არსებობენ დარგის პროფესიონალები, რომელთაც უჭირთ ადამიანებთან კომუნიკაცია და საკუთარი ცოდნისა და წარმატების სხვებისთვის გაზიარება და მეორეს მხრივ, არსებობენ ადამიანები, რომელთაც კონკრეტული მიმართულების დარგობრივი ცოდნა და გამოცდილება არ გააჩნიათ, თუმცა სხვადასხვა მეთოდებითა და მიდგომებით ადამიანი წარმატების გზაზე გაჰყავთ. ამიტომ, მარკეტინგლი ორიგინალურობების, PR ხრიკებისა და მანიპულაციების მიღმა სახელმძღვანელო მთავარი ფაქტორი ხდება – რას ვგრძნობ, როგორ ვარ მე და მაქვს თუ არა სასურველი შედეგი მე?!

დამატებითი კითხვებისა და სერვისების შესახებ ინფორმაციისთვის შეგიძლიათ ეწვიოთ ვებ-გვერდს   mikanadze.com

გისურვებთ წარმატებებს

გიორგი მიქანაძე
ქართულ-ამერიკული უნივერსიტეტის ასოცირებული პროფესორი
ბიზნეს საქმიანობისა და წარმატების ქოუჩი

ანალიტიკოსთა და მეცნიერთა დარბაზი “დოქტრინა”

13 წლის უილის გიბსონმა, რომელიც აშშ-ის შტატ ოკლაჰომაში ცხოვრობს, მსოფლიოში პირველმა გაიარა კომპიუტერული თამაშის „ტეტრისი“ ყველა ტური. ამის შესახებ The New York Times-ი წერს.

გამოცემის ინფორმაციით, მოზარდს, რომელიც YouTube-ზე Blue Scuti-ს სახელით არის დარეგისტრირებული, ამისთვის სულ რაღაც 38 წუთი დასჭირდა. სწორედ ამ პლატფორმაზე ატვირთა უილისმა თამაშის ჩანაწერი. ბოლო, 157-ე ტურში ბლოკები ძალიან სწრაფად ვარდებოდა, ხაზის მორიგი გაქრობის შემდეგ კი თამაში გაჩერდა, რადგან შემდგომი პროგრამული კოდი უბრალოდ აღარ არსებობს. ,

„ღმერთო ჩემო, ახლა გავითიშები, თითებს ვერ ვგრძნობ“, – ამბობ უილისი ვიდეოში. ბიჭი თამაშმა 2021 წელს გაიტაცა. მას შემდეგ კვირაში დაახლოებით 20 საათის განმავლობაში თამაშობდა „ტეტრისს“ და სხვადასხვა ტურნირშიც მონაწილეობდა.

ანალიტიკოსთა და მეცნიერთა დარბაზი “დოქტრინა”

ნარკოლოგი ზურა სიხარულიძე სოციალურ ქსელში პოსტს აქვეყნებს და მოსახლეობას აფრთხილებს:

„პატივცემულო საზოგადოება, ახლა წინასაახალწლო გაფრთხილება… ამ ბოლო ერთი კვირის მომართვიანობის გათვალისწინებით, მინდა კიდევ ერთხელ გაგაფრთხილოთ, რომ რაღაც ძალიან მძიმე და ცუდი ნივთიერება – ნარკოტიკი ტრიალებს შავ ბაზარზე და აშკარად დაბინძურებულია. იწვევს მძიმე ფსიქიკურ აშლილობას, ფსიქოზს და ალბათ არის კვლავ გარეული ფენტანილი! იმიტომ რომ რამდენიმე საათში იწვევს ძლიერ ძილიანობას! ახლა რაც შეეხება ახალ წელს, არ მიიღოთ ალკოჰოლი და უცნობი ნივთიერება ერთად, ვინაიდან, ალკოჰოლი აძლიერებს ორმაგად მის მოქმედებას და ცუდი შედეგი უფრო მალე დადგება.

გაატარეთ ახალი წელი ახლობლებთან ერთად, ზომიერად. მიიღეთ ღვინო და ისიამოვნეთ ურთიერთობით თქვენ მეგობრებთან, ოჯახის წევრებთან და ნუ გატარებთ ახალ წელს სადმე ემერჯენსში! დამდეგ შობა ახალ წელს გილოცავთ და გისურვებთ ჯანმრთელობას და ბედნიერებას!“, – წერს ზურა სიხარულიძე.

ანალიტიკოსთა და მეცნიერთა დარბაზი “დოქტრინა”

პაკისტანში ხელოვნური წვიმის ტექნოლოგია გამოცადეს. ამის შესახებ France 24 წერს.

გამოცემის ინფორმაციით, ამ ზომას ქვეყნის ხელისუფლებამ ძლიერი სმოგის გამო მიმართა, რომლის გამოც ქალაქ ლახორში სკოლებიც კი დაიხურა.

ხელოვნური წვიმა „ღრუბლების დათესვის“ პროცესის მეშვეობით გამოიწვიეს. ამ დროს ღრუბლებში ვერცხლის იოდიდისა და ყვითელ მარის აცეტონთან ერთად წვავენ, რაც წვიმის წვეთების წარმოქმნას უწყობს ხელს. თვითმფრინავებმა, რომლებიც ამ პროცესს ახორციელებდნენ, ქალაქის 10 უბანს გადაუფრინეს. წვიმის გამოსაწვევად მათ 48 სპეციალური რაკეტა დასჭირდათ.

ღრუბლებში დათესვას ათობით ქვეყანაში იყენებენ, მათ შორის აშშ-ში, ჩინეთსა და ინდოეთში, თუმცა ეს ამ ტექნოლოგიის პაკისტანში გამოყენების პირველი შემთხვევაა. ექსპერტების აზრით, ჰაერის დაბინძურებას მცირე წვიმაც კი ამსუბუქებს.

ლახორი ჰაერის ხარისხის თვალსაზრისით მსოფლიოში ერთ-ერთი ყველაზე ცუდ ქალაქად ითვლება. ქვეყნის მთავრობა ამის მთავარ მიზეზებად წარმოებას, ტრანსპორტის მოძრაობასა და ნარჩენების წვას ასახელებს.

ძილის ნაკლებობა, როგორც ჩანს, გავრცელებულია მთელ მსოფლიოში.

რა უნდა გააკეთოს ძილმოკლებულმა ზრდასრულმა? – ძილის ჩვევების ძირითადი ნაკლოვანებების გამოვლენის გარდა, რომელთა გადახედვაც შესაძლებელია, ძილზე შეიძლება გავლენა ჰქონდეს იმას, თუ როგორ იკვებებით.

აქ წარმოდგენილია 8 საუკეთესო საკვები, რომელიც დაგეხმარებათ მიიღოთ თქვენი სხეულის საჭირო ძილის რაოდენობა და ხარისხი.

ალუბალი

მელატონინი, ჰორმონი, რომელიც წარმოიქმნება სეროტონინისგან და უკავშირდება ცირკადული რიტმის რეგულაციას, ბუნებრივად გვხვდება საკვების მცირე ჯგუფში. ერთ-ერთი ასეთი საკვებია ალუბალი. ალუბლის ეფექტის შემსწავლელმა კვლევამ აჩვენა, რომ მონაწილეებს ალუბლის მიღების შემდგომ უფრო მშვიდი ძილი ჰქონდათ.

კივი

კივი, ან ჩინური კენკრა, ცნობილია თავისი ბუნდოვანი კანით და მჟავე გემოთი, მაგრამ ასევე უნდა აღინიშნოს მისი პოტენციური გავლენა ძილზე. ერთ კვლევაში, ძილის დარღვევის მქონე მოზრდილებმა აღმოაჩინეს გაუმჯობესება ძილის დაწყების, ხანგრძლივობისა და ეფექტურობის მხრივ კივის რეგულარული მოხმარებიდან ოთხი კვირის შემდეგ.

არაქისი

ტრიპტოფანი, ამინომჟავა, რომელიც მოქმედებს როგორც ნეიროტრანსმიტერ სეროტონინის წინამორბედი, დაკავშირებულია ძილ-ღვიძილის ციკლთან. ტრიპტოფანი გვხვდება საკვებში, როგორიცაა არაქისი, ინდაური, რძე და კვერცხი. Nutrition Research- ის მიმოხილვაში ნათქვამია, რომ საკვები, რომელიც გავლენას ახდენს ტრიპტოფანის ხელმისაწვდომობაზე, შეიძლება იყოს ყველაზე სასარგებლო კარგი ძილის ხელშეწყობაში.

ორაგული

ომეგა -3, ცხიმოვანი მჟავები, რომლებიც გვხვდება ზღვის პროდუქტებში, როგორიცაა ორაგული, ჩვეულებრივ აღიარებულია მათი კავშირით გულის ჯანმრთელობასთან და კოგნიტურ ჯანმრთელობასთან, თუმცა, ამ საკვებმა შეიძლება ასევე ითამაშოს როლი ძილში. ცხიმოვანი თევზის მოხმარება, როგორიცაა ორაგული, დადებითად მოქმედებს ძილის რეგულაციაზე და ომეგა -3 ცხიმოვანი მჟავების დაბალმა დიეტამ შეიძლება გააუარესოს ღამის ძილი ჩვენი ყოველდღიური ყოველდღიური საათის დარღვევის გამო.

სოკო

რამდენიმე საკვები ბუნებრივად შეიცავს D ვიტამინს, მაგრამ ულტრაიისფერი შუქით დამუშავებული სოკო შეიცავს D ვიტამინის დაახლოებით 46% დღიურ ღირებულებას (DV) ½ ჭიქაზე. D ვიტამინის დეფიციტი დაკავშირებულია ძილის დარღვევის უფრო მაღალ რისკთან, მათ შორის ცუდი ხარისხის, ძილის ხანგრძლივობისა და დღის ძილიანობის ჩათვლით.

იოგურტი

ალფა-ლაქტალბუმინი, ცილა, რომელიც გვხვდება შრატში რძის პროდუქტებში, როგორიცაა იოგურტი – მას შეუძლია შეამციროს დილის ძილიანობა და გააუმჯობესოს სიფხიზლე დილით. კალციუმის ნაკლები მიღება (კალციუმი გვხვდება რძის იოგურტებში) დაკავშირებულია დაძინების გაძნელებასთან და მეტ არააღდგენით ძილთან.

გოგრის თესლი

მაღალი მაგნიუმის შემცველი საკვები, როგორიცაა გოგრის თესლი, დაგვეხმარება უფრო დიდხანს ვიძინოთ და ვიგრძნოთ მეტი დასვენება. კვლევებმა აჩვენა კავშირი მაგნიუმის ნაკლებ მიღებასა და ძალიან ხანმოკლე ძილს (ღამეში ხუთ საათზე ნაკლები), ასევე დღის ძილიანობას შორის.

პომიდვრები

მიუხედავად იმისა, რომ მელატონინის შემცველობა შეიძლება განსხვავდებოდეს სეზონის, წლისა და სახეობის მიხედვით, პომიდორი განიხილება, როგორც ძილის დადებითი გავლენა მათი ბუნებრივი მელატონინის დონის გამო.

ანალიტიკოსთა და მეცნიერთა დარბაზი – ,,დოქტრინა”

ერთდროულად რამდენიმე საქმის კეთება მარტივი ნამდვილად არ არის. დიდი ხნის განმავლობაში ფართოდ იყო და არის გავრცელებული მოსაზრება, რომ ქალები ამას კაცებზე უკეთ ართმევენ თავს, რაც შეიძლება ითქვას, რომ მთლად სწორიც არ არის. ამის შესახებ გერმანული Der Spiegel-ი წერს. 

აახენის RWTH-ის უნივერსიტეტიდან, პატრისია ჰირშის ხელმძღვანელობით მკვლევართა ჯგუფმა გაანალიზა 48 ქალისა და 48 კაცის მიერ შევსებული ტესტების შედეგები და მივიდა დასკვნამდე: “ორივე ჯგუფი ნელა მუშაობდა და ბევრ შეცდომას უშვებდა, როდესაც იძულებულნი იყვნენ ერთდროულად შეესრულებინათ ორი დავალება. გენდერული განსხვავებები დადგენილი არ არის”, – მიუთითებენ მეცნიერები სამეცნიერო ჟურნალ PLoS One-ში.

კვლევის დროს მეცნიერებმა მონაწილეებს სთხოვეს ეკრანზე წარმოდგენილი ასოების თანხმოვნების ან ხმოვნების მიხედვით კლასიფიცირება. მეორე დავალება მდგომარეობდა იმაში, რომ განესაზღვრათ ლუწი და კენტი რიცხვები. ზოგიერთ ტესტში მონაწილეებს ორი დავალება ერთდროულად უნდა შეესრულებინათ, ზოგში კი სწრაფად გადართულიყვნენ ერთი დავალებიდან მეორეზე.

“ჩვენი დასკვნები არ უჭერს მხარს ფართოდ გავრცელებულ სტერეოტიპს, რომ ქალები უკეთესები არიან რამდენიმე საქმის ერთდროულად კეთებაში, ვიდრე კაცები”, – აღნიშნავს კვლევის ხელმძღვანელი ჰირში.

ციურიხის უნივერსიტეტის ნეიროფსიქოლოგი ლუტც იენკეც ამბობს, რომ მრავალამოცანიანი სამუშაოს შესრულებასთან დაკავშირებით, ქალსა და კაცს შორის განსხვავებები უმნიშვნელოა ან სრულად არ არსებობს. “ასეთი განსხვავება ევოლუციის ლოგიკასაც არ ემთხვევა. “არ არსებობს რაიმე გენეტიკური, უპირობო აზრი, რომ 150 ათასი წლის წინ ქალი Homo sapiens-ი უკეთესად იყო “დაპროგრამებული” მრავალამოცანიანი სამუშაოს შესრულებაზე, ვიდრე კაცი. ეს სრულიად უაზროა”, – ამბობს ნეიროფსიქოლოგი.

ახალგაზრდა ანალიტიკოსთა და მეცნიერთა დარბაზი ,,დოქტრინა”

მეცნიერულად თითქმის უკვე დამტკიცებულია, რომ როდესაც ძაღლს ესმის ბრძანება “დაჯექი!” ან “გაჩერდი!”, ის ასრულებს ამ მოქმედებებს მაშინაც კი, თუ ამ სიტყვებს მისთვის უცხო ადამიანი, უცხო აქცენტით გასცემს. ამის შესახებ ავსტრიული გამოცემა Der Standard-ი წერს. 

ახალგაზრდა ანალიტიკოსთა და მეცნიერთა დარბაზი ,,დოქტრინა”

ბრიტანელმა მეცნიერებმა ხანმოკლე და ხანგრძლივ ძილსა და ფილტვის ფიბროზთან კავშირი გამოავლინეს. ამასთან, სპეციალისტებმა ადამიანის ჯანმრთელობისთვის ძილის ოპტიმალური დრო დაასახელეს. ამის შესახებ Medicalxpress-ი წერს.

მენიერების თქმით, ადამიანისთვის ძილის სასურველი დრო 7 საათია. ნორმიდან გადახრამ კი, მათი აზრით, შესაძლოა ჯანმრთელობას სერიოზული ზიანი მიაყენოს, კერძოდ კი ფილტვებს.

სპეციალისტები მიიჩნევენ, რომ ბიორიტმის დარღვევა ფილტვის ფიბროზის განვითარების რისკს ზრდის. ამ დაავადებისგან ყოველწიურად 5000 ბრიტანელი იღუპება.

მეცნიერებმა სხვადასხვა კვლევა თაგვებზე ჩაატარეს და დაადგინეს, რომ ძილის ხანგრძლივობა პირდაპირ გავლენას ახდენს ფილტვებზე. ამასთან, საშიშია როგორც ხანმოკლე, ასევე ხანგრძლივი ძილიც.

სპეციალისტები ასევე ამბობენ, რომ ბილოგიური საათი გავლენას ახდენს ჰორმონებსა და ორგანიზმში ნივთიერებათა ცვლაზე.

ახალგაზრდა ანალიტიკოსთა და მეცნიერთა დარბაზი ,,დოქტრინა”

იაპონელმა მეცნიერებმა მსოფლიოში პირველებმა შექმნეს თაგვი, რომლის ორივე ბიოლოგიური მშობელი მამრობითი სქესისაა. ამის შესახებ CNN-ი იტყობინება.

ტელეარხის ცნობით, კვლევა ოსაკას უნივერსიტეტში, ნობელის პრემიის ლაურეატ კაცუჰკო ჰააშის ხელმძღვანელობით ჩატარდა. მეცნიერებმა ლაბორატორიაში გაზრდილი მამრობითი სქესის თაგვის კუდიდან აიღეს უჯრედები, რომლებიც როგორც X, ასევე Y-ქრომოსომის მატარებელი იყო და კვერცხუჯრედად გარდაქმნეს, რომელიც მერე ჩვეულებრივად, სხვა თაგვის სპერმით გაანაყოფიერეს. შემდეგ განაყოფიერებული კვერცხუჯრედი მდედრობითი სქესის თაგვის საშვილოსნოში მოათავსეს, რომელმაც მალევე ჯანმრთელი შთამომავლობა გააჩინა.

სპეციალისტები ვარაუდობენ, რომ ეს ტექნოლოგია მომავალში ადამიანებში უშვილობის მკურნალობისთვის შეიძლება იყოს გამოყენებული, ან ერთნაირსქესიანთა წყვილებს დაეხმარება ჰყავდეთ შვილები, რომლებიც გენეტიკურად ორივე მშობელთან იქნებიან დაკავშირებული, მაგრამ ეს რთული იქნება.

„კაცებისგან შემდგარი წყვილებისთვის ბავშვების შექმნა რთული იქნება როგორც ტექნიკური, ასევე ეთიკური თვალსაზრისით. მაგრამ ჩვენი კვლევა აჩვენებს, რომ თეორიულად ეს შესაძლებელია“, – განმარტა ჰაიაშიმ. მისივე თქმით, გაცილებით უფრო რთული იქნება ქალებისგან შემდგარი წყვილების გენეტიკური შთამომავლობის შექმნა, რადგან ქალებს არ აქვთ Y-ქრომოსომა, რომელიც სპერმის შექმნისთვის აუცილებელია.

ამიტომ, ტექნოლოგიის ყველაზე სავარაუდო გამოყენებად სფეროდ სპეციალისტები გადაშენების პირას მყოფი ცხოველების გადარჩენას ასახელებენ.

ახალგაზრდა ანალიტიკოსთა და მეცნიერთა დარბაზი ,,დოქტრინა”

მეცნიერებმა, გენური რედაქტირების ტექნიკების გამოყენებით, შექმნეს ქათმები, რომლებიც ფრინველის გრიპის მიმართ ნაწილობრივ რეზისტენტულები არიან.
მიუხედავად იმისა, რომ ფრინველები სრულად იმუნურები არ არიან, მეცნიერების მტკიცებით, მათმა ნაშრომმა აჩვენა, რომ ვირუსის დაბლოკვა, შესაძლოა, სამ წელიწადში გახდეს შესაძლებელი.
უახლესი შედეგების თანახმად, ფრინველების დნმ-ში შემდგომი ცვლილებების შეტანამ, შესაძლოა, სრულად იმუნური ქათმები წარმოქმნას.
„ჩვენ მივედით იქამდე, რომ შედეგები ძალიან დამაიმედებელია და გვსურს ეს მიდგომა კიდევ უფრო გავაგრძელოთ“, – განაცხადა ედინბურგის უნივერსიტეტის როსლინის ინსტიტუტის პროფესორმა, ჰელენ სანგმა.
მკვლევარებმა დაადგინეს სამი გენი, რომლებიც, მათი აზრით, მნიშვნელოვანია ფრინველის გრიპის ვირუსის ქათმებში გავრცელებისთვის. მათ ერთ-ერთ გენში, გენის რედაქტირების ტექნიკის გამოყენებით, ორი მცირე ცვლილება შეიტანეს.
მიუხედავად იმისა, რომ ფრინველის გრიპის მიმართ რეზისტენტობის ნებისმიერი ზრდა მისასალმებელია, პრაქტიკაში შესაძლებელია მხოლოდ იმ გამოსავლის გამოყენება, რომელიც უზრუნველყოფს სრულ იმუნიტეტს.
როსლინის ინსტიტუტის პროფესორის, მაიკ მაკგრიუს განცხადებით, ცდისთვის საჭირო მილებში ჩატარებულმა ექსპერიმენტებმა აჩვენა, რომ თუ ცვლილებები სამივე გენში განხორციელდება, მაშინ შესაძლებელია სრულად რეზისტენტული ფრინველის შექმნა.
”ძალიან დარწმუნებული ვარ, რომ სამივე გენის რედაქტირება სრულ იმუნიტეტს გამოიწვევს“, – აღნიშნა მაკგრიუმ.
ფრინველის გრიპი არის გლობალური საფრთხე, რომელსაც დამანგრეველი გავლენა აქვს როგორც შინაურ, ასევე გარეულ ფრინველებზე. ითვლება, რომ ფრინველის გრიპი ჩინეთში, 1990-იან წლებში ინტენსიური მეფრინველეობის მეურნეობაში გაჩნდა. იშვიათ შემთხვევებში, ფრინველის გრიპის ვირუსის მუტაცია საშუალებას აძლევს მას დააინფიციროს ადამიანები და გამოიწვიოს სერიოზული დაავადება.

წყარო : BBC

ანალიტიკოსთა და მეცნიერთა დარბაზი – ,,დოქტრინა”