close

ეს საინტერესოა

ეს საინტერესოაკატეგორიის გარეშემედიცინასაქართველო

საქართველოში ბავშვი  მამის გარდაცვალებიდან წელიწადსა და რვა თვეში ჩაისახა – in vitro განაყოფიერების სასწაული

1.49K views on

ექიმი რეპროდუქტოლოგი, კლინიკა “კარაფს მედლაინის” მეან-გინეკოლოგი მანანა ქოჩიაშვილი ფეისბუქზე ემოციურ პოსტს აქვეყნებს ჩვილზე, რომელიც მამის გარდაცვალების შემდეგ ჩაისახა.

“ჩემს ხელში უამრავ პაციენტს გაუვლია, უამრავი საინტერესო და ტრაგიკული ისტორიით, ეს შემთხვევა არის ტრაგიზმის, გმირობის, სიყვარულის და სიხარულის შედეგად მიღებული ნაყოფი…in vitro განაყოფიერების პროცესში, სანამ დედის საშვილოსნოში ემბრიოტრანსფერი განხორციელდებოდა, 1 წლის და 8 თვის წინ ამ პატარა ანგელოზს მამა გარდაეცვალა და მომავალი დედა ნათია მესხია და ჩვენ ექიმები დავრჩით 1 ემბრიონის ანაბარა.

პასუხისმგებლობა ასმაგად დიდი იყო, რადგან ეს იყო განსაკუთრებული შემთხვევა და ძალიან დიდ ძალისხმევას მოითხოვდა ის ფაქტი, რომ არცერთი ნიუანსი არ უნდა გამოგვპარვოდა. ემბრიონი გადავიტანეთ და ორსულობაც დადასტურდა. ეს კიდევ ერთი დასტურია იმისა, რომ ჩვენს საქმიანობაში ღმერთის ხელი რომ არა, ჩვენ ვერაფერს გავხდებოდით და განსაკუთრებული მადლობა ჩემს გუნდს და თამარ ხასაიას. რომ არა შენ თამარ ჩვენ უძლურები ვიქნებოდით ამ დიდი გამარჯვებისთვის.

მე ვარ ბედნიერი თქვენით წინ დიდი მწვერვალები გველოდება დასაპყრობად” – აცხადებს მანანა ქოჩიაშვილი

სრულად ნახვა
ეს საინტერესოაკვლევებიმედიცინა

რა არის ბოტოქსი და რამდენად უსაფრთხოა ორგანიზმისთვის?

5.64K views on

ნაოჭები უამრავ მანდილოსანს თვითდაჯერებას უკარგავს. ზოგიერთი მათგანი პრობლემის მოსაგვარებლად კოსმეტიკურ ქირურგიას მიმართავს, ზოგიც – ბოტოქსის ინექციებს. 
თუმცა იმის შემდეგ, რაც აღმოაჩინეს, რომ ტოქსიკური ქიმიკატი, რომლითაც სახის უჯრედებს ყინავენ, შესაძლოა მთელ სხეულში გავრცელდეს, გაჩნდა შიში, რომ ინექციებმა შესაძლოა ზიანი მიაყენოს ორგანიზმს. 
მინოსეტას Mayo Clinic-ის  წამყვანი დერმატოლოგი – ალისონ ბრიჯსი აცხადებს, რომ ბოტოქსი სრულიად უსაფრთხოა, თუმცა დასძენს, რომ ის გაცილებით ეფექტურია ახალგაზრდებში, მაგრამ, დერმატოლოგის განმარტებით, ეს იმას არ ნიშნავს, რომ 65 წელს გადაცილებულებმა თავი უნდა შეიკავონ ინექციებისგან, „უბრალოდ მათ უნდა დაიცვან ზღვარი.“ 
ალისონ ბრიჯსი მიიჩნევს, რომ ბოტოქსის ეფექტურობის გასაზრდელად სახის შემავსებლების გამოყენებაა რეკომენდირებული. დერმატოლოგი აცხადებს, რომ ძვირადღირებულ სეანსებს და მკურნალობას მხოლოდ დროებითი ეფექტი აქვს და მისი საშუალებით ნაოჭების სრულად გაქრობა შეუძლებელია. ამასთანავე, შესაძლოა დაბერების პროცესი გაგრძელდეს და სახის სხვა ნაწილებს შეეხოს. 
პროცედურებისგან განსხვავებით, ბოტოქსი რეაბილიტაციის დროს არ საჭიროებს და მისთვის მხოლოდ რამდენიმე წუთია საჭირო.
პატარა ნემსის გამოყენებით კანში ბოტულინის ტოქსინი შეჰყავთ. ბოტულინის ტოქსინი იწვევს კუნთების დროებით ბლოკირებას. ადამიანი კარგავს უნებლიე მოჭმუხვნის, მოჭუტვის უნარს. ტოქსინის ზემოქმედებით მცირდება სახეზე ნაოჭები, რომლებიც წარმოიქმნებიან მიმიკური კუნთების აქტიური მოქმედების შედეგად. ტოქსინის შეყვანის პროცედურა პრაქტიკულად უმტკივნეულოა და რამდენიმე წუთს გრძელდება. ბოტოქსი ეფექტურია რამდენიმე თვის განმავლობაში, ხოლო შემდეგ ხელახალი პროცედურაა საჭირო. 
დერმატოლოგ ალისონ ბრიჯსის მტკიცებით, მიუხედავად იმისა, რომ ტოქსინებს სხეულის სხვა ნაწილებში გავრცელებაც შეუძლიათ, ბოტოქსი როგორც მოკლე, ისე გრძელვადიანი მომხმარებლებისთვის უსაფრთხოა.
თუმცა დერმატოლოგი ხაზგასმით აღნიშნავს, რომ „უსაფრთხოების უზრუნველყოფის მიზნით, აუცილებელია ბოტოქსისთვის ჯანდაცვის გამოცდილ პროვაიდერს მიმართოთ, როგორიცაა – სერტიფიცირებული დერმატოლოგი, პლასტიკური ქირურგი, თვალის პლასტიკური ქირურგი ან ოტორინოლარინგოლოგი, რომელმაც პირადად გაგსინჯათ.“ 
რაც მთავარია, თუკი ვინმე ბოტოქსის გამოყენებას შეწყვეტს, მისი შუბლის ნაოჭები პროცედურების დაწყებამდე არსებულ მდგომარეობას დაუბრუნდება.

წყარო:dailymail
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკულტურამსოფლიო

მერაბ ნინიძე Homeland-ის ფინალურ სეზონში ითამაშებს

1.3K views on

ქართველი მსახიობი, მერაბ ნინიძე Homeland-ის ფინალურ სეზონში ითამაშებს. ინფორმაცია ამის შესახებ ტელეკომპანია იმედის გადაცემაში “იმედის დილა” გააჟღერა. გადაცემისთვის მიცემულ ინტერვიუში, ნინიძემ მის სამომავლო გეგმებზეც ისაუბრა.

მსახიობი შოუთაიმის სერიალში პირველად მეშვიდე სეზონის მეთერთმეტე სერიაში All in გამოჩნდა, სადაც რუსი დაზვერვის მაღალჩინოსნის, მიროვის როლი შეასრულა. თუმცა, მანამდე მეცხრე სერიაში Useful Idiot მსახიობის ხმა ისმოდა.
გარდა ამისა, ქართველი მსახიობი მერაბ ნინიძე და სერიალ შერლოკისვარსკვლავი ბენედიქტ კამბერბეჩი ერთად თამაშობენ დომინიკ კუკის ახალ დრამაში Ironbark.

სრულად ნახვა
ეს საინტერესოამსოფლიოტექნოლოგიები

დავირუსებული ლეპტოპი აუქციონზე 1.3 მილიონ დოლარად გაიყიდა

1.11K views on

ლეპტოპი, რომელიც მსოფლიოს ყველაზე სახიფათო 6 ვირუსითაა დავირუსებული, აუქციონზე 1.3 მილიონ აშშ დოლარად გაიყიდა.
მყიდველი ანონიმურია. რაც შეეხება ლეპტოპს, რომელიც ჩინელი ციფრული მხატვრის გო დონგის არტ პროექტის ნაწილია. დავირუსებულ ლეპტოპს „მდგრადი ქაოსი“ უწოდეს.
დონგი კიბერუსაფრთხოების ფირმასთან Deep Instinct-თან ერთად მუშაობდა, რათა ლეპტოპში სახიფათო კოდი ჩაეტვირთა. მას აქვს უსაფრთხოების ზომები, რაც მას ნებისმიერ სხვა ქსელებთან დაკავშირებისა და მავნე ვირუსის შემდგომი გავრცელებისგან იცავს.
საინტერესოა, რა „ფასეული“ მავნე ვირუსებია აღნიშნულ ლეპტოპში ჩატვირთული?
კომპიუტერში ჩატვირთული მავნე ვირუსის ყველაზე ძველი ფორმები გახლავთ ე.წ. ელექტრონული ფოსტის „მატლები? – მესიჯები სახიფათო ბმულებით, რომლის გახსნის შემთხვევაში შესაძლოა დაგიზიანდეთ ფაილები და კომპიუტერი ხელმისაწვდომი გახდეს ჰაკერებისთვის.
„მდგრადი ქაოსი“ შეიცავს 2000 წლის ILOVEYOU-ს განსაკუთრებით დამაზიანებელი მატლი, რომელიც ელ-ფოსტაზე “ILOVEYOU”-ს სახელით მოდის. მან წაშალა ლოკალური ფაილები და როგორც ამბობენ, აღნიშნულმა ვირუსმა მილიარდობით აშშ დოლარის ზარალი გამოიწვია.
2003 წლის ვირუსი- Sobig-ი ILOVEYOU-ზე დიდია და ის მსოფლიოს ყველზე სწრაფად გავრცელებადი ვირუსი გახდა. Sobig-ი ჰაკერებს კომპიუტერთან წვდომის საშუალებას აძლევს.
კიდევ ერთი ვირუსი, რომელიც 1.3 მილიონიან კომპიუტერშია ჩატვირთული 2004 წლის Mydoom-ია, რომელმაც ორივე ვირუსი – ILOVEYOU და Sobig-ი დაასუსტა. ის ყველაზე სწრაფად გავრცელებად ელ-ფოსტის „მატლად“ ითვლება. Mydoom-ი გარკვეულ სერვერებზე ონლაინ დარტყმას ახორციელებს.
„მდგრად ქაოსში“ ჩატვირთული კიდევ ერთი ვირუსია – 2007 წლის BlackEnergy-ი, რომელიც გახლავთ არა ელ-ფოსტის „მატლი“, არამედ კიბერშეტევის საშუალება, რომელსაც შეუძლია კომპიუტერები, სერვერები და სხვა ინფრასტრუქტურა დისტანციურად დააზიანოს.
შემდეგ მოდის DarkTequila, რომელიც 2013 წლიდან გააქტიურდა, განსაკუთრებით ლათინო ამერიკულ ქვეყნებში. მისი მიზანი დაუცველი მომხმარებლებისგან ფინანსური ინფორმაციისა და პერსონალური ლოგინის დეტალების მოპარვაა.
და ბოლოს – WannaCry – ცნობილი ვირუსია, რომელიც 2017 წელს გამოჩნდა. ის მომხმარებლისგან ფაილების წაშლის თავიდან არიდების სანაცვლოდ გარკვეული თანხის გადახდას ითხოვს.
ექვსივე ზემოთხსენებული ვირუსი 10.2 ინჩიან სამსუნგის ლეპტოპშია ჩატვირთული, რომელშიც Windows XP-ია დაინსტალირებული.
https://www.sciencealert.com

სრულად ნახვა
ეს საინტერესოა

700-მდე ნახატის ავტორი 9 წლის თბილისელი გოგონა, რომელსაც მეორე ელენე ახვლედიანს უწოდებენ

2.52K views on

სულ მალე გალერეაში „ვაჩე“, რომელიც ცნობილია, როგორც ნიჭიერი ახალბედა მხატვრების ხელშემწყობი და არტ-ქველმოქმედი, თბილისის 142-ე სკოლის მეოთხეკლასელი მხატვრის პირველი პერსონალური გამოფენა გაიმართება.

საუბარია ელენე ელყანიშვილზე, რომელმაც ხატვა სამი წლის ასაკში ფანქრით დაიწყო, შემდეგ, ექვსი წლიდან საღებავებით გააგრძელა. მას რამდენიმე საბავშვო კონკურსში აქვს მონაწილეობა მიღებული. დღეს ზეთით და გუაშით ხატავს და უკვე 700-მდე ნახატის ავტორია. რაც მთავარია, ელენეს ხატვის გაკვეთილებზე არასოდეს უვლია…

ელენე ელყანიშვილის შემოქმედება

© PHOTO: COURTESY OF MAIKO BEDUKADZEელენე ელყანიშვილის შემოქმედება

– ელენე, ყველაზე პატარა როდის გახსოვს შენი თავი, როცა ხატავდი?

— ყველაზე კარგად მახსოვს ჩემი თავი საბავშვო ბაღში რომ დავდიოდი, იქ ხშირად ვხატავდი და უფრო ცხენების ხატვა მიყვარდა.

ელენე ელყანიშვილის შემოქმედება

© PHOTO: COURTESY OF MAIKO BEDUKADZEელენე ელყანიშვილის შემოქმედება

– მახსოვს, ადრე ბრაზდებოდი, როცა არ გიჯერებდნენ, რომ უფროსების გარეშე და თანაც ასე ბევრს ხატავ. ახლა უფრო გაზარდე ხატვის ტემპი თუ?..

— ადრე, ალბათ, პატარა რომ ვიყავი, უფრო იმიტომ არ მიჯერებდნენ. ერთხელ ჩემმა მშობლებმა ვიდეოც გადამიღეს ხატვის დროს, რომ სხვები იმაში დაერწმუნებინათ, რომ ნამდვილად მე ვხატავ. ახლა ცხრა წლის ვარ და ალბათ ისე ძალიან უკვე აღარ არის გასაკვირი. ზუსტად ხუთი წუთი მჭირდება იმისთვის, რომ რამე დავხატო. თითქმის ყოველდღე ვხატავ და 700-მდე ნახატი მაქვს. უფრო ხშირად ვხატავ პეიზაჟებს, იმიტომ რომ ბუნება მიყვარს. თუ შევადარებთ, ძველი ნახატები ძალიან ბავშვურია, ახლანდელ ნახატებში უფრო ბევრი ფერია და უფრო საინტერესოა…

ელენე ელყანიშვილის შემოქმედება

© PHOTO: COURTESY OF MAIKO BEDUKADZEელენე ელყანიშვილის შემოქმედება

– ცხრა წლის ასაკში პერსონალური გამოფენა ბევრს არ ჰქონია, რას გრძნობ?

— ძალიან მიხარია, რომ ჩემი პირველი პერსონალური გამოფენა იქნება. ბედნიერი ვარ და მინდა, რომ ბევრი სტუმარი მოვიდეს. გამოფენაზე მექნება პეიზაჟები, პორტრეტები, ნატურმორტები, მაქვს აბსტრაქტული ნახატებიც. უფროს მხატვრებს ველოდები, ძალიან მაინტერესებს მათი შეფასება…

ელენე ელყანიშვილის შემოქმედება

© PHOTO: COURTESY OF MAIKO BEDUKADZEელენე ელყანიშვილის შემოქმედება

– ხატვის გამო რაიმე მეტსახელს არ გეძახიან?

— სკოლაში ელენე ახვლედიანს მეძახიან… გაკვეთილის დროს სულ ფანქარი მიჭირავს ხელში და მიყვარს „დუდლების” ხატვაც. სკოლის სახატავ რვეულში სკოლაში ბევრი პორტრეტი მაქვს…

ელენე ელყანიშვილის შემოქმედება

© PHOTO: COURTESY OF MAIKO BEDUKADZEელენე ელყანიშვილის შემოქმედება

– წინასწარ ყოველთვის იცი, რა უნდა დახატო?

— ხშირად ვიცი რა უნდა დავხატო, მაგრამ ზოგჯერ არა. ერთხელ დედას ვხატავდი და მამა გამომივიდა. ნახატებს მიკვეთავენ კიდეც, სახლის ინტერიერის ფოტოებს მიგზავნიან და მერე მე ვარჩევ მას რა ნახატი მოუხდება.

ელენე ელყანიშვილი

© PHOTO: COURTESY OF MAIKO BEDUKADZEელენე ელყანიშვილი

– რაზე ოცნებობ?

— ვოცნებობ გამოვიდე დიზაინერი და ჩემი ბიზნესი მქონდეს. ახლა შემოთავაზება მაქვს — ჩანთები უნდა მოვხატო და ეს იდეა ძალიან მომწონს. დედას მეგობრებმა შემომთავაზეს, ალბათ ჩანთებზე ზოგი ჩემი ნახატი იქნება, ზოგს დაკვეთით დავხატავ. ეს ახალი ამბავია და მალე დაიწყება. 

ელენე ელყანიშვილის შემოქმედება

© PHOTO: COURTESY OF MAIKO BEDUKADZEელენე ელყანიშვილის შემოქმედება

– ოცნება რომ გავაგრძელოთ, რომელი ცნობილი მხატვრის მოსწავლე იქნებოდი?

— თუ ოცნებაა, ვისურვებდი კლოდ მონე ყოფილიყო ჩემი მასწავლებელი. სხვადასხვა მხატვრებზე და მხატვრულ მიმდინარეობებზე ვკითხულობ ხოლმე და მონეს ნახატები ძალიან მომწონს… ისე, მინდა ამერიკაში ვიცხოვრო და ვისწავლო, მგონია, რომ იქ ყველაფერი ადვილად მიიღწევა, შემდეგ ისევ აქ დავბრუნდებოდი…

sputnik-georgia.com

სრულად ნახვა
ეს საინტერესოაპოლიტიკასაქართველო

„აშშ კონგრესში საქართველოს მხარდამჭერთა ჯგუფი ძლიერდება“ – გიორგი მიქანაძე

1.19K views on

საქართველო-ამერიკის დიპლომატიური თანამშრომლობის ფარგლებში ვაშინგტონში, ამერიკის შეერთებული შტატების კაპიტოლიუმში მიღება გაიმართა, სადაც საქართველო ამერიკის ურთიერთობაში შეტანილი განსაკუთრებული წვლილისთვის ამერიკელი კონგრესმენები დაჯილდოვდნენ. ღონისძიებაზე იმყოფებოდა ასევე ეკონომიკური პოლიტიკის მკვლევარი, ასისტენტ-პროფესორი გიორგი მიქანაძე, რომელმაც აღნიშნულ ღონისძიებასთან დაკავშირებით სოციალურ ქსელში პოსტი გამოაქვეყნა, რომელსაც საინტერესო გამოხმაურება მოჰყვა. დოქტრინა უცვლელად გთავაზობთ აღნიშნულ გაზიარებას და გზავნილებს.

=======

God bless both 🇬🇪🇺🇲 countries and all our friends around the world

Rayburn House Office Building
United States Capitol

ამერიკის კონგრესში საქართველოს ლობისტ სენატორთა და მხარდამჭერთა ჯგუფი ძლიერდება, რომელიც საქართველოსა და ქართველების მხარდაჭერაზე განსაკუთრებული ყურადღებით იმუშავებს. ძალიან გვაფასებს და გვაღიარებს განათლებული ამერიკული საზოგადოების ნაწილი. გვაფასებენ ღვინით, გვაფასებენ პურით, გვაფასებენ მიწით, კულტურით, ისტორიით და მზად არიან თავდადებული ერთგულებით დაგვეხმარონ მომავალში. დიახ, უნდათ იამაყონ ჩვენით და ამის ბევრი მზეზი გვაქვს, რომ ამაყობდნენ. ვისაც კი ამერიკელს შევხვდი საქმიან ურთიერთობაში, ყველას უნდა მოგვეფეროს, ჩაგვეხუტოს და სითბო გამოხატოს, ქართული სიტყვები თქვას, რაღაც ამბავი გაიხსენოს, რაც გაუგია საამაყო და რაღაც ახალი გაოგოს. ასე არიან მათ შორის დიპლომატიურად საქართველოსთან შემხებლობაში არ მყოფი, ნეიტრალური პირებიც. უკვე ბევრი ამერიკის ჩვეულებრივი მოქალაქეც გვაფასებს. გაუგიათ, იციან საქართველოზე და თანაგრძნობის ემოციებიც მოსდით და მეტის გაგებაც სურთ ჩვენს შესახებ. ამ მხრივ მუშაობა ძალიან ეფექტური და შედეგიანია.
მე პირადად მივესალმები ყველა მეგობარს, რომელიც დიპლომატიის მიღმა მეგობრობს ჩვენთან, თუნდაც იყოს ეს რუსეთი. მაგრამ, ამერიკას ნამდვილად ვამჩნევ ამ ინტერესს სიტყვითაც, საქმითაც და იმითაც, რომ საქართველოს გარეშე არც არაფერს კარგავს როგორც ქვეყანა და არც სხვა რამ ქვენა ინტერესები ამოძრავებს, როგორც ბევრი ტრაგირებს.
დიახ, მეგობრობა იმისაა, გავუგოთ, საერთო ვნახოთ, ურთიერთობები გავცვალოთ, ვისწავლოთ, რაღაც გავცეთ და რაღაც მივიღოთ. სწორედ აქ იკვრება თანაგრძნობის, სიყვარულის, მხარდაჭერის, თავდადების კვანძები და ვარქმევთ ამას მეგობრობას.
ნუ დაგვავიწყდება, ამერიკა არის ზე სახელმწიფო, რომელთანაც რუსეთიც, ჩინეთიც და ბევრი განვითარებული ქვეყანა ოცნებობს კეთილმეზობლური ურთიერთობების შენარჩუნებას და მეგობრობას. წარმოდგენა არ გვაქვს ამერიკის მასშტაბებზე. წიგნი და ფოტოები და სტატისტიკა ამას ვერ გადმოსცემს. ეს უნდა ნახო და თავად დარწმუნდე, ცოტა ხანი დააკვირდე, ან უბრალოდ აიღო და დაიჯერო, გაწვდეს კაცის ფანტაზია.
ვერც იმას ვხვდები, ამ ბუმბერაზი ზე-სახელმწიფოს სითბოსა და ყურადღებაზე რატო უნდა თქვას უარი მოწიფულმა, სახელმწიფოებრივად მოაზროვნე, საშუალო დონეზე განათლებულმა და მოაზროვნე საქართველოს მოქალაქემ?!
ნუ დაგვავიწყდება მსოფლიოს ყველა განვითარებული ქვეყნის სათავეებთან ამერიკა დგას. ვიცი, ჩვენს საზოგადოებაში ბევრი შფოთავს, ვწუხვარ უსაგნოა ეს შფოთვა. კულტურული წალეკვის თუ გეშინიათ გლობალიზაციის პირობებში, კულტურა გავაძლიეროთ, ზნეობა ავამაღლოთ, მორალი დავიჭიროთ, ადამიანები და მათი უფლებები დავიცვათ დისკრიმინაციული მიდგომების გარეშე არა მხოლოდ საკანონმდებლო, არამედ კულტურალურ დონეზე. ნუ იფიქრებთ, რომ გლობალიზაცია ვინმეს მოგონილი და თავს მოხვეულია. ეს გახლავთ ევოლუციის ნაწილი, რომელიც თავად, განვითარებულმა ადამიანებმა გადავწყვიტეთ საკუთარი არჩევანით – კეთილდღეობაზე, რაციონალიზმზე, ურთიერთობების მეტ შესაძლებლობაზე, მაღალ ეფექტურობაზე და ა.შ. ხოდა, ვერავინაც ვერ წაგვლეკავს ამ შემთხვევაში, არამედ თავად ვიქნებით პოლიტიკის შემქმნელები თუ შევიკვრებით და მივმართავთ კეთილგონიერებას.
ამერიკა ქრისტეს მორალზე და შემოქმედის იდეაზეა აგებული და ეს ენერგია არ მისცემს არავის უფლებას, რომ ადამიანს უღალატოს. ადამიანია შემოქმედის იდეა და არა თავად შემოქმედი ადამიანის იდეა. შესაბამისად, ადამიანზე ზრუნვაა ღმერთის მსახურების იდეა და არა თავად ჩვენს გამოგონილ ღმერთზე მსახურება ადამიანის დავიწყებით, რეალური ღმერთის გამოკლებით. ამიტომ, ნუ ვფეთიანობთ თითქო ამერიკის უღმერთოებაზე. აბსოლუტ ღმერთს ვერავინ ვერაფერს დააკლებს და ავნებს. ადამიანებზე ვიფიქროთ და ღმერთს მათზე ზრუნვა ვთხოვოთ. ნაცვლად იმისა თითქო, ღმერთზე ვიფიქროთ და ადამიანები შემოგვეღუპოს თავისი ღვთაებრივი ბუნებით, ამ ფიქრში.
სიბრძნე დავხვეწოთ და განვავითაროთ სახელმწიფო მართვაში, საერთაშორისო ასპარეზებსა და შიდა კონსოლიდაციის, კონცენტრირების მიმართულებით.
კიდევ ბევრი ასეთი და მსგავსი კარგი ამბები ჩვენს ქვეყანას.
ამერიკა ჩვენი დიდი მეგობარია და ეს საქმე უკვე შედგა !

განსაკუთრებული მადლობა საქართველოს საელჩოს აშშ-ში და საგამომცემლო სახლ “სახელები” გაწეული შრომისთვის

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
გეოგრაფიადედამიწაეკოლოგიაეს საინტერესოამსოფლიო

მეცნიერებმა მარიანის ღრმულში უნიკალური ბაქტერიები აღმოაჩინეს

2.02K views on

მეცნიერების მტკიცებით ოკეანის ფსკერის მხოლოდ 5%-ია შესწავლილი. პლანეტა მარსის და მთვარის მეორე მხარის შესახებ უფრო მეტია ცნობილი.

techcult-ის ცნობით, მალე ოკეანის ერთი საიდუმლო კიდევ გამჟღავნდება. მარიანისღრმული ყველაზე ღრმა და ნაკლებად შესწავლილი ადგილია. ბოლო კვლევების შედეგად, მხოლოდ ის დადგინდა, რომ წყლის სიღრმიდან ხმა ისმის. ახლა კი მეცნიერებმა უნიკალური ბაქტერიები აღმოაჩინეს.

კვლევაზე ბრიტანელი მეცნიერები მუშაობდნენ. მათ მარიანის ღრმულიდან მიკრობები ამოიღეს. ლაბორატორიაში კვლევისას აღმოაჩინეს, რომ ეს ბაქტერიები მოიხმარენ ნახშირწყალბადებს. მეცნიერებაში ასეთი თვისება არც ერთ მიკროორგანიზმს არ აქვს.

ბუნებრივად გაჩნდა კითხვა, სად „ისწავლეს“ ეს მარიანის ღრმულის მიკრობებმა? მეცნიერებმა სინჯები მარიანის ღრმულის წყლის ზედაპირზეც აიღეს. ასევე 2000, 4000 და 6000 მეტრის სიღრმეზე. ყველა სინჯში აღმოაჩინეს ნავთობპროდუქტების ნაწილები. ამის მიზეზი გარემოს დაბინძურება.

მეცნიერების ვარაუდით, ნახშირწყალბადების მოხმარება და გამოყოფა მიკროორგანიზმებს მაღალი წნევის პირობებში არსებობაში ეხმარებათ. მეცნიერები აღმოჩენილ ბაქტერიებს იკვლევენ.

მარიანის ღრმული მდებარეობს წყნარი ოკეანის დასავლეთ ნაწილში, ფილიპინისზღვაში.

გადაჭიმულია დაახლოებით 2500 კმ-ზე მარიანას კუნძულების გასწვრივ. აქვს V-სებრიპროფილი, ციცაბო (ქანობი 7-9°) კალთები, ბრტყელი ძირი (სიგანე 1-5 კმ). სიღრმე 11023 მ (სიღრმე გაზომა 1957 წელს სსრკ-ს საკვლევ გემ „ვიტიაზის“ ექსპედიციამ, პირველი გაზომვა — 11034 მ), რითაც ის მსოფლიო ოკეანის უღრმესი ადგილია.

დაზუსტებით, გაზომვა რომელიც იაპონურმა ზონდმა აწარმოა 1995 წელს – 10920 მ–ს არ აღემატება. ბოლო გაზომვით კი, რომელიც 2011 წელს ამერიკულმა ოკეანოგრაფიულმაექსპედიციამ ჩაატარა, დაფიქსირდა 10,994 მ (± 40 მ) სიღრმე.

სრულად ნახვა
ეს საინტერესოასაქართველო

მანათობელი ხელჩანთები დატენვის ფუნქციით – კრეატიული პროდუქტი ქართულ ბაზარზე

1.1K views on

რაც უფრო ნაფიქრია იდეა – მით უფრო გამართლებულია შედეგი. რთული არაა, შექმნა განსაზღვრული მიმართულების პროდუქტი – რთული ისაა, შექმნა ისეთი, რაც მას სხვებისგან გამოარჩევს. დღეს ჩანთას ბევრი მწარმოებელი ქმნის. თუმცა, „ინოფეშენი“ ქმნის ჩანთებს, რომლებსაც, სტანდარტულ დატვირთვის გარდა, სხვა მახასიათებლებიც აქვს.

შეკითხვებს „ინოფეშენის“ დიზაინერი, მეგი ჩეკურიშვილი პასუხობს:

როგორ გაჩნდა ბაზარზე „ინოფეშენი“?

„ინოფეშენი“ არის სტარტაპი, რომელის სამი გოგონასგან შედგება ( თამარ ჩიჩუა, მეგი ჩეკურიშვილი, მარიამ თოდაძე) და ჩამოყალიბდა პროფესიული კოლეჯის ,,ფაბლაბ მოდუსის’’ ბაზაზე. შევქმენით მანათობელი ჩანთები, რომლებიც, ასევე, ტენის მობილურ ტელეფონს.უნდა აღინიშნოს, რომ პროდუქტს მსოფლიოში ანალოგი არ აქვს. მართალია. ჯერ მხოლოდ პროტოტიპების დამზადება შევძელით, მაგრამ ჩვენმა ინოვაციურმა და მოდურმა ჩანთებმა იმხელა გამოხმაურება და ინტერესი დაიმსახურა, რომ უკვე ვიწყებთ წარმოებას. ამ ინოვაციური ბიზნესიდეით გავხდით პროექტ ,,აწარმოე საქართველოს’ გამარჯვებული და მოვიპოვეთ გრანტი. მანათობლების გარდა, გვაქვს სხვა ტიპის ჩანთები – ინოვაციური ელემენტების გარეშე, თუმცა დიზაინით გამორჩეულია და გულგრილს არავის ტოვებს.

საიდან გაჩნდა ამ ტიპის პროდუქციის დამზადების იდეა?

მანათობელი ჩანთის შექმნის იდეა გამიჩნდა კოლეჯში სწავლისას, თუმცა იდეის გახორციელება და სრულყოფა  გუნდის წევრებისა და „ფაბლაბის“დამსახურებაა. მათ გარეშე ვერაფერს შევძლებდი. თანაც, ამ პერიოდში ტექნოპარკს ჰქონდა პროექტი ,,დაიწყე ბიზნესი ფაბლაბთან ერთად’’ და სწორედ ამ პროექტისთვის შევქმენით ჩანთის პროტოტიპები. გუნდში ყველას გამორჩეული გემოვნება გვაქვს და გვინდოდა, შეგვექმნა რაღაც განსხვავებული, ლამაზი, მოდური, პრაქტიკული და ინოვაციური… ბევრი ადამიანი ირონიულად იყო განწყობილი ჩვენი  იდეის მიმართ, მაგრამ ბოლოს შედეგით ყველა გაოცებული დარჩა.

რით განსხვავდება თქვენი პროდუქცია სხვებისგან?

ჩვენი ჩანთები განსხვავებულია იმით, რომ ანათებს და ტენის მობილურს. ასევე – გამორჩეული დიზაინი აქვს. ინოვაციის სინთეზი მოდასთან, და იმ პრობლემის გადაჭრის მარტივი გზა, რომელიც გამუდმებით გვაქვს ყველა ჩვენგანს – ვგულისხმობ მობილური ტელეფონის დატენას. ეს ყველაფერი ერთად, ჩვენ გამოგვარჩევს კონკურენტებისაგან.

როგორ იქმნება ისინი?

ვიყენებთ ხეს, ორგანულ მინას, ტყავს… მასალაც და ჩანთის დამზადების პროცესიც ინდივიდუალურია – ჩანაფიქრისა და დიზაინის სპეციფიკიდან გამომდინარე. მოკლედ რომ ვთქვა, მასალის ასორტიმენტიც ისეთივე შეუზღუდავია, როგორიც ჩვენი იდეები და ფანტაზია. ძირითადად ვმუშაობთ ლაზერული ჭრისა და გრავირების დანადგართან, რომელზეც წინასწარ მომზადებული ციფრული პროექტის დაჭრა ხდება. შემდეგ კი მასალას ხელით ვამუშავებთ, ვკერავთ, ვქსოვთ, ტყავით ვაფორმებთ. და რაც ყველაზე მთავარია, ისინი იქმნება სიყვარულით!

მალე საკუთარი დანადგარი გვექნება, რომლის შეძენასაც მიღებული თანადაფინანსებით ვაპირებთ, ხოლო ამის შემდეგ დავიწყებთ უკვე სერიულ წარმოებას.

ბევრი დაინტერესდა თქვენი წარმოებით?

მოთხოვნა პროდუქტზე დიდია. მომხმარებლები უკვე გვყავს და მოუთმენლად ელიან, როდის შეძლებენ მის შეძენას. სწორედ ამის გამო, ვიწყებთ წარმოებას. დაინტერესება დიდია მედიის მხრიდანაც. სამომავლოდ იგეგმება ჩანთების ექსპორტზე გატანა.

კონკურენტად თუ აღიქვამთ ვინმეს?

კონკურენტად, შეიძლება,მივიჩნიოთ ყველა, ვინც აწარმოებს ჩანთებს. თუმცა, როგორც უკვე აღვნიშნე, ამ ტიპის ჩანთები ჯერ მსოფლიოში არ არის. რა თქმა უნდა, არსებობს ჩანთები, მობილურის დამტენის ფუნქციით და არსებობს სხვადასხვანაირი მანათობელი ჩანთებიც, თუმცა არა ამ მეთოდით, რომელსაც ჩვენ ვიყენებთ და არა – ამ სახით წარმოდგენილი. ასე რომ, ჩვენს პროდუქტს ანალოგი არ აქვს.

დიზაინი ვისი ინტერესებით იქმნება – თუ შეუძლია მსურველს, საკუთარი დიზაინი შემოგთავაზოთ?

დიზაინზე სამნი ვმუშაობთ, გუნდურად და, როგორც წესი, ჩვენ ვწყვეტთ ყველა დეტალს – თუმცა, შესაძლოა, გავითვალისწინოთ მომხმარებლის სურვილიც და დავუმზადოთ ექსკლუზიური პროდუქტი თავისი გემოვნებით.

იმავე იდეის მქონე სხვა ნივთების დამზადებას თუ გეგმავთ?

იდეები ძალიან ბევრი გვაქვს და, ჯერჯერობით, არ ვამხელთ – თუმცა ბევრ სიახლეს გპირდებით. ჩაფიქრებული გვაქვს, რომ შევქმნათ პროდუქცია, რომელშიც მოდა და ინოვაცია შერწყმულია. სტარტაპის სახელწოდებაც ამას გულისხმობს, INNOFASHION- როგორც ინოვაცია მოდაში.

სრულად ნახვა
ეს საინტერესოა

ქეითი ბოუმანი – ქალი, რომლის ალგორითმითაც შავი ხვრელის ფოტო შეიქმნა

1.06K views on

29 წლის მეცნიერი, ქეითი ბოუმანი ის ადამიანია, რომლის დახმარებითაც შავი ხვრელის ფოტო შეიქმნა, წერს BBC.

შავ ხვრელს, რომელიც დედამიწიდან 500 მილიონ ტრილიონი კილომტერის დაშორებით მდებარეობს, ფოტო 8 ტელესკოპისაგან შემდგარმა ქსელმა (Event Horizon Telescope) გადაუღო, ბაუმანის გუნდის მიერ შექმნილმა ალგორითთმა კი ტელესკოპების მიერ გადაღებული გიგანტური ზომის  მონაცემები დაამუშავა და ფოტო იმ სახით გამოიყვანა, რომლითაც მთელმა მსოფლიომ ნახა.

ქეითი ბოუმანი სათავეში ედგა პროექტს, რომელშიც მასაჩუსეტსის ტექნოლოგიური ინსტიტუტის კომპიუტერული მეცნიერებებისა და ხელოვნური ინტელექტის ლაბორატორიის, ჰარვარდ-სმიტსონური ასტროფიზიკის ცენტრისა და მასაჩუსეტსის ტექნოლოგიური ინსტიტუტის ჰავსთექის ობსერვატორიის წარმომადგენლები მონაწილეობდნენ.

ალგორითმზე მუშაობა ბოუმანმა 3 წლის წინ დაიწო, ჯერ კიდევ მაშინ, როდესაც მასაჩუსეტსის ტექნოლოგიების ინსტიტუტის სტუდენტი იყო.

“არ მჯეროდა, როდესაც ვუყურებდი, რომ შავი ხვრელის პირველი ფოტო რეკონსტრუქციის პროცესში იყო,” – წერს  ბოუმანი ფეისბუკზე.

CNN-თან ინტევრიუში ის ამბობს, რომ ფოტო გუნდური მუშაობის შედეგია და ცალკე აღებული მას ერთი ადამიანი ვერ დაამუშავებდა.

შავი ხვრელი მდებარეობს გალაქტიკაში, სახელად M87. მეცნიერების ცნობით, ეს ერთ-ერთი ყველაზე დიდი შავი ხვრელია, რომელიც გალაქტიკაში არსებობს.

ხვრელის ირგვლივ წარმოქმნილი “ცეცხლის ბეჭედი”, სავარაუდოდ, გადახურებული გაზის შედეგია. ეს სინათლე უფრო კაშკაშაა, ვიდრე გალაქტიკის სხვა მილიარდობით ვარსკვლავი ერთად აღებული. სწორედ ამიტომ შეიძლება ტელესკოპით მისი დედამიწიდან დანახვა.

შავი ხვრელი არის სივრცე კოსმოსში ძლიერი გრავიტაციული ველით, რომლისაგან თავის დაღწევა სინათლესაც არ შეუძლია. შავი ხვრელი, სავარაუდოდ, ვარსკვლავის კვდომის შედეგად წარმოიქმნება და არავინ იცის, რა მოსდის ობიექტს, რომელიც ხვრელში აღმოჩნდება.

სრულად ნახვა
ასტრონომია - კოსმოსიეს საინტერესოაფიზიკაფოტო

ასტროფიზიკოსებმა შავი ხვრელის პირველ ფოტო წარადგინეს

2K views on

ასტროფიზიკოსებმა, ისტორიაში პირველად, შავი ხვრელის ფოტო წარადიგინეს. პრესკონფერენცია ერთდროულად მიმდინარეობდა ვაშინგტონში, ბრიუსელში, სანტიაგოში, შანხაიში, ტაიბეისა და ტოკიოში.

სრულად ნახვა
1 … 47 48 49 50 51 … 99
Page 49 of 99