ეს საინტერესოა

ორესუნდის ხიდი შვედეთიდან მოდის, ზღვის ქვეშ უჩინარდება, გვირაბად იქცევა და დანიაში ჩნდება. ხიდის პროექტის იდეა ჯერ კიდევ XX საუკუნის პირველ ათწლეულში არსებობდა. თუმცა, უთანხმოებების გამო დანიამ და შვედეთმა ორესუნდის მშენებლობის შესახებ შეთანხმებას ხელი 1991 წელს მოაწერეს. 1999 წელს ხიდის მშენებლობა დასრულდა და პირველმა მანქანამაც გაიარა მასზე. ხიდი ოფიციალურად 2000 წელს გაიხსნა.
ორესუნდის ხიდის საერთო სიგრძე დაახლოებით 16 კილომეტრია, გვირაბი კი ზღვის ფსკერზე 17 მეტრ სიღრმეზე ეშვება. საოცარი საინჟინრო კონსტრუქციის მშენებლობამდე ორი სახელმწიფო ერთმანეთს ბორნით უკავშირდებოდა. საინტერესოა, რომ ხიდი ემსახურება არა მხოლოდ ავტომობილებს, ასევე მატარებლებსაც. ორესუნდის ხიდი ყველაზე გრძელი კომბინირებული საგზაო და სარკინიგზო ხიდია ევროპაში.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

ჩრდილოეთ კორეის მთავრობამ ქვეყანაში კორონავირუსის პირველი შემთხვევები ოფიციალურად დაადასტურა. ამის შესახებ BBC წერს.

გამოცემის ინფორმაციით, სამთავრობო მედიაში აცხადებენ, რომ ომიკრონის პირველი შემთხვევა ფხენიანში 4 დღის წინ დადასტურდა. ამის შემდეგ ქვეყანაში მკაცრი ლოკდაუნი გამოცხადდა. ამ ეტაპზე უცნობია რამდენ შემთხვევაზეა საუბარი.

თუმცა სპეციალისტებს სჯერათ, რომ COVID-19-ით ინფიცირების შემთხვევები ჩრდილოეთ კორეაში უკვე დიდი ხანია არსებობს. ისინი აღნიშნავენ, რომ ქვეყანა განსაკუთრებით მოწყვლადია, რადგან ფხენიანმა უარი თქვა კორონავირუსის საწინააღმდეგო ვაქცინაციაზე და საერთაშორისო თანამეგობრობის დახმარებაზე, რომლის ფარგლებში მათ მილიონობით დოზა „ასტრაზენეკასა“ და „სინოკავის“ ვაქცინებს სთავაზობდნენ. სპეციალისტები ეჭვქვეშ აყენებენ ქვეყნის ჯანდაცვის სისტემის შესაძლებლობებსაც.

ჩრდილოეთ კორეის კორონავირუსთან ბრძოლის მთავარი ხერხი საზღვრების ჩაკეტვა იყო, თუმცა ამან ქვეყანაში იმპორტიც შეაჩერა, რამაც საკვების დეფიციტი და ეკონომიკური კრიზისი გამოიწვია.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ყველა ვთანხმდებით, რომ დღეს ავტომობილების კოლოსალურად დიდი რაოდენობა ბევრ პრობლემას იწვევს. გარდა იმისა, რომ მოძრაობას ართულებს და საცობებს ქმნის, ასევე გარემოს დაბინძურების მნიშვნელოვანი წყაროა. პარიზი, ამსტერდამი, ბარსელონა და სხვა დიდი ქალაქები ცდილობენ შეამცირონ ავტოტრანსპორტით გადაადგილება და წაახალისონ ველოსიპედით მოძრაობა.
თბილისში ავტომობილების სიჭარბე ნამდვილად შესამჩნევია, თუმცა, ყველა ქალაქში ასე არ არის. მეტის თქმაც შეგვიძლია, მსოფლიოში უკვე არსებობს ქალაქები და კუნძულები, სადაც მანქანას ვერ შევხვდებით. ავტომობილების აკრძალვის მიზეზი დაბინძურების წინააღმდეგ ბრძოლა და ტურიზმის ხელშეწყობაა, ხოლო სხვა ადგილებში ადგილობრივი გეგმარების გამო.
ბელგიის ქალაქ გენტის ცენტრმა 1996 წელს გააუქმა მანქანები საცობებისა და ჰაერის დაბინძურების გამო. ქალაქი მოიცავდა 86 ჰექტარს, მანქანებისგან თავისუფალ ზონას, სადაც მოეწყო შესაბამისი ინფრასტრუქტურა ველოსიპედისა და საზოგადოებრივი ტრანსპორტისთვის.
ავტომობილებისგან თავისუფალი მეორე საინტერესო ქალაქი გახლავთ ზერმატი. შვეიცარიის ეს ალპური ქალაქი მანქანებისთვის დაკეტილია, მხოლოდ კერძო სატრანსპორტო საშუალებებს შეუძლიათ მივიდნენ 5 კილომეტრის მოშორებით, შემდეგ კი მატარებლით განაგრძონ გზა. გადაადგილება მარტივია ფეხით, ეტლით, ელექტროავტობუსით ან ელექტრონული ტაქსით.
მესამე გახლავთ საბერძნეთის კუნძული ჰიდრა, სადაც ძრავიან მანქანას საერთოდ ვერ შეხვდებით. კუნძულზე ყოფნისას საუკეთესოა ფეხით, ვირით ან წყლის ტაქსით გადაადგილება. ნიდერლანდების ქალაქ გითჰორნს ხშირად ჰოლანდიურ ვენეციას უწოდებენ. ქალაქი სავსეა ველოსიპედის ბილიკებითა და ნავებით სავსე წყლის გზებით. ქალაქი ცნობილია მეთვრამეტე საუკუნის ფერმერული სახლებითა და ულამაზესი 170 პატარა ხის ხიდით.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

ცნობილი “აზოვის ბატალიონი” ყირიმის ანექსიის პერიოდში რუსეთის პირველი შეტევების შესაჩერებლად შეიქმნა აზოვის ზღვის სანაპირო რეგიონში. 2014 წელს ბატალიონი ჩამოყალიბდა, როგორც მოხალისე სამხედრო პირთა გაერთიანება.
ზოგიერთი წყაროს მიხედვით, თავდაპირველად ჯგუფი სახელმწიფოსგან დამოუკიდებლად ფინანსდებოდა, ებრაელ-უკრაინელი მილიარდერისა და ოლიგარქის იჰორ კოლომოისკის მიერ. 2014 წლის სექტემბერში, აზოვის ბატალიონმა განიცადა რეორგანიზაცია, გადაკეთდა პოლკად და ჩაირიცხა უკრაინის ეროვნულ გვარდიაში. მეთაურთან და უკრაინელ მებრძოლებთან ერთად სამხედრო შენაერთში სამხედროები მსოფლიოს 22 ქვეყნიდან არიან, მათ შორის ბევრი ქართველი სამხედროც მსახურობს. ქვედანაყოფს ხელმძღვანელობს ეთნიკურად ფინელი დენის პროკოპენკო და 1979 წელს ხარკოვში დაბადებული ანდრეი ბილეცკი. 2014 წელს ციხიდან გამოსვლის შემდეგ, ბილეცკი ხარკოვის, დონეცკის, პოლტავისა და ლუგანსკის ოლქების უსაფრთხოების ბლოკის ხელმძღვანელად დანიშნეს. ამავე წელს მისი ინიციატივით დაარსდა მოხალისეთა ბატალიონი “აზოვი”. ჯერ კიდევ 2014 წლის ოქტომბრის ვადამდელ საპარლამენტო არჩევნებზე ბილეცკი უმაღლესი რადას ეროვნული უსაფრთხოებისა და თავდაცვის კომიტეტის თავმჯდომარის მოადგილედ აირჩიეს. რამდენიმე წლის წინ, ჩეჩნეთის ლიდერმა, კადიროვმა ადრეი ბილეცკის ლიკვიდაციისთვის 500 ათასი დოლარი დააწესა. 2022 წლის 7 მარტს დენის პროკოპენკომ გაავრცელა ვიდეომიმართვა, სადაც საერთაშორისო საზოგადოებას მოუწოდებდა ცის ჩაკეტვას ჰუმანიტარული კრიზისის თავიდან აცილების მიზნით.
2022 წელს უკრაინაში რუსეთის შეჭრის შემდეგ, ბატალიონმა კვლავ მიიპყრო მსოფლიოს ყურადღება ორი მიზეზის გამო. გვახსოვს, რომ რუსეთის პრეზიდენტმა, ვლადიმერ პუტინმა მსგავსი სამხედრო შენაერთის არსებობა დაასახელა უკრაინაში ომის დაწყების ერთ-ერთ მიზეზად და მეორე მიზეზი მარიუპოლის ალყის პერიოდში ქალაქის დაცვა გახდა. ქალაქ მარიუპოლს, სადაც რუსეთი განსაკუთრებით სასტიკად აწარმოებს ომს და რომლის მოსახლეობაც 500 000-ს შეადგენს, ამჟამადაც აზოვის ბატალიონი იცავს.
უნდა აღინიშნოს, რომ დაჯგუფება დასავლურ მედიაში ომამდე ექსტრემისტულ დაჯგუფებად არაერთხელ მოხსენიებულა. ბატალიონი ტერორისტული დაჯგუფებების სიაშიც შედიოდა, თუმცა შემდეგ ამოიღეს. „უკრაინა მსოფლიოში ერთადერთი ერია, რომელსაც შეიარაღებულ ძალებში ჰყავს ნეონაცისტური ფორმირება“, – წერდა 2019 წელს აშშ-ში დაფუძნებული ჟურნალის Nation-ის კორესპონდენტი.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მსოფლიო ისტორიაში პირველი ფოტო ეკუთვნის ჯოზეფ ნიკიფორუს ნიპს, რომელმაც 1926 წელს
გადაიღო ხედი მისი ფანჯრიდან. ფოტოსურათის შესაქმნელად მან ლითონის ფირფიტა ბიტუმის
თხელი ფენით დაფარა, ხოლო კადრის მიღებას 8 საათი დასჭირდა. ნიპსმა მეთოდს “ჰელიოგრაფია”
უწოდა. რადგანაც მან ვერ განავითარა მისი შემოქმედება, მასთან ერთად დაგერი და ტალბოტი
ითვლებიან ფოტოგრაფიის გამომგონებლებად.

1839 წელს ფრანგმა გამომგონებელმა ლუი დაგერმა(1789–1851) გამოიგონა ტოფოგრაფიის ერთ-
ერთი პირველი ხერხი – დაგეროტიპია. მიუხედავად იმისა, რომ მას მხოლოდ 2 ათეულ წელს

იყენებდნენ, ფოტოგრაფიის ისტორიაში მნიშვნელოვანი კვალი დატოვა. კამერა ობსკურასთან ერთად
გამოიყენებოდა სარკისებური იოდოვანი მოვერცხლილი სპილენძის ფირფიტა. ფოტოს გადაღებისას
ობიექტი უძრავად 30 წუთის განმავლობაში უნდა მდგარიყო, რის შემდეგაც ფირფიტა მუშავდებოდა
ვერცხლისწყლის ორთქლით.
1835 წელს კი ინგლისელმა უილიამ ჰენრი ფოქს ტალბოტმა აღმოაჩინა უარყოფითი გამოსახულების
მიღების მეთოდი, რომელიც ვერცხლის ქლორიდით გაჟღენთილ ქაღალდს იღენებდა. მიუხედავად
იმისა, რომ გადაღების პროცესს მეტი დრო დასჭირდა, გამოსახულება ბევრად უკეთესი ხარისხის
იყო. ასევე შესაძლებელი იყო სურათების კოპირება. ტალბოტმა მეთოდს “კალოტიპი” უწოდა.

მასალა მოამზადა: ნინი ხეცურიანმა

ვფიქრობ, ბევრს გვსმენია თურქმენეთში მდებარე „ჯოჯოხეთის კარიბჭის“ შესახებ, რომელიც
ბუნებრივი აირით სავსე კრატერს წარმოადგენს და 50 წელზე მეტია მუდმივად იწვის. ახლახან
თურქმენეთის პრეზიდენტმა კი გასცა ბრძანება მის ჩასაქრობად.
„ჯოჯოხეთის კარიბჭის“ დახურვა პრეზიდენტმა ორი მიზეზის გამო გადაწყვიტა – გარემოსდაცვითი
და ჯანმრთელობის მიზეზითა და გაზის ექსპორტის გასაზრდელად. პრეზიდენტის თქმით, ისინი
კარგავენ მნიშვნელოვან ბუნებრივ რესურსს, რისგანაც ქვეყანას შეუძლია მნიშვნელოვანი მოგება
მიიღოს. კრატერის დახურვის ბრძანება აქამდეც გაცემულა, თუმცა, ოპერაცია უშედეგოდ დასრულდა.
ამჟამად სპეციალისტები ცეცხლის ჩაქრობის გზის პოვნას ცდილობენ. თურქმენეთის ერთ-ერთ
ყველაზე პოპულარულ ტურისტულ ადგილს კი სწორედ „ჯოჯოხეთის კარიბჭე“ წარმოადგენს.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

უკრაინის რკინიგზის სამსახურის, Ukrzaliznytsia-ს ხელმძღვანელმა ოლექსანდრ კამიშინმა Nastoyaschee Vremya-ს ეთერში განაცხადა, რომ ბელარუსის რკინიგზის თანამშრომლების დამსახურებით უკრაინასა და ბელარუსს შორის სარკინიგზო კავშირი ამ დროისთვის მთლიანად გაწყვეტილია.

კამიშინის თქმით, ამით ბელარუსის რკინიგზის თანამშრომლები რუსულ ჯარებს უკრაინაში სამხედრო აღჭურვილობის რკინიგზით შეტანაში ხელს უშლიან.

კამიშინი დეტალებზე არ საუბრობს, თუმცა აცხადებს, რომ ბელარუსის რკინიგზაში „კვლავ არიან პატიოსანი ადამიანები“, რისთვისაც მათ მადლობას უხდის.

„მე ცოტა ხნის წინ მივმართე ბელარუსის რკინიგზას, რომ არ შეესრულებინათ კრიმინალური განკარგულებები და რუსული სამხედრო კოლონები უკრაინაში არ შემოეშვათ. ახლა შემიძლია ვთქვა, რომ ბელარუსსა და უკრაინას შორის კავშირი აღარაა. 

დეტალებს არ დავაზუსტებ, თუმცა მადლობას ვუხდი ბელარუსის რკინიგზას იმისთვის, რასაც აკეთებენ. 

მე დარწმუნებული ვარ, რომ ამ ორგანიზაციის პატიოსანი ადამიანები უკრაინაში სამხედრო კოლონების შემოშვებას შეაჩერებენ“ – განაცხადა უკრაინის რკინიგზის ხელმძღვანელმა.

კამიშინი ადასტურებს, რომ ამჟამად სარკინიგზო გზები მწყობრიდანაა გამოსული და რუსული აღჭურვილობა ბელარუსიდან არ შემოვა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ფრანგული კინოს ლეგენდას, ალენ დელონსსიცოცხლის დასრულება ევთანზიით სურს. ამის შესახებ RTL-თან ინტერვიუში მსახიობის ვაჟმა,ენტონი დელონმა განაცხადა. ინტერვიუდან ცნობილი ხდება, რომ 86 წლის ვარსკვლავმა  გამოთქვა სურვილი, ნებაყოფლობით დატოვოს ეს წუთისოფელი და დახმარებისთვის ვაჟს მიმართა.

ცნობისთვის, ალენ დელონი ამჟამად შვეიცარიაში ცხოვრობს, სადაც ევთანაზია ლეგალიზებულია.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

„ეს არის  კაცი,  ვინც პუტინის ,,უძლეველი” არმია ჯართად აქცია!

ეს ის კაცია, რომელსაც ომის თეატრში ყოველი დღის ბოლოს პუტინის გენერალიტეტი სცენაზე დაჩოქილი გამოჰყავს!

ეს ის კაცია, ვინც უკრაინელი ჯარისკაცების გმირულ ბრძოლას ხორცს ასხამს!

ეს ის კაცია, რომელიც არ ჩანს, მაგრამ ყველგან არის – კიევშიც, ხარკოვშიც, მარიუპოლში და ოდესაშიც!

ეს გენერალი ვალერი ზალუჟნია, შეიარაღებული ძალების უმაღლესი სარდალი და უკრაინული მიწის ცოცხალი კედელი“. – წერენ სოციალურ ქსელში ვალერი ზალუჟნიზე.

ვინ არის ვალერი ზალუჟნი? უკრაინულ მედიაში მის შესახებ ბევრს წერენ.

ვალერი ზალუჟნი 1973 წლის 8 ივლისს მუშათა ოჯახში, ჟიტომირის რეგიონში დაიბადა. დედამისი ჩერნიგოვიდან იყო.  ვალერი ზალუჟნი ამბობს, რომ მთელი ცხოვრება ოცნებობდა, სწორედ ამ ქალაქში ეცხოვრა.

ის ასევე ბავშვობიდან ოცნებობდა, რომ სამხედრო ყოფილიყო, თუმცა ინტერვიუებში აღნიშნავს, რომ ვერასდროს წარმოედგინა თუ გენერალი გახდებოდა და კარიერაში მაღალ საფეხურებს მიაღწევდა.

ინსტიტუტის დამთავრების შემდეგ 1997 წელს გაიარა სამხედრო სამსახურის ყველა საფეხური:

ოცეულის მეთაური, სასწავლო ოცეულის მეთაური, საბრძოლო ოცეულის მეთაური, სასწავლო ასეულის მეთაური, კადეტთა ასეულის მეთაური, ბატალიონის მეთაური.

ერთ-ერთ ინტერვიუში ზალუჟნი ამბობს:

„არასდროს მიფიქრია, რომ ოდესმე გენერალი გავხდებოდი და მაღალ საფეხურებს მივაღწევდი“

2009 წლიდან 2012 წლამდე იყო 51-ე ცალკეული მექანიზებული ბრიგადის მეთაური.

2017 წელს ზალუჟნიმ მიიღო გენერალ-მაიორის წოდება.

ის პირადად მონაწილეობდა დონბასში გამართულ ბრძოლებში.

ამ პერიოდზე ზალუჟნი ამბობს:

„რთულ პერიოდზე საუბრისას … 2014 წელს გამოვყოფდი. იყო მუდმივი საფრთხის განცდა გულსა და სულში“…

ოფიცრები ჟურნალისტებთან საუბრისას ამბობენ, რომ „ზალუჟნი რეალურ ბრძოლაში იყო და არა ქაღალდზე“ .

სტატიის გაგრძელება

ახალგაზრდა ანალიტიკოსთა და მეცნიერთა დარბაზი – ,,დოქტრინა”