close

მედიცინა

კვლევებიმედიცინა

„ვიაგრა“ ალცჰაიმერის განვითარების რისკს ამცირებს

661 views on

იმპოტენციის საწინააღმდეგო პრეპარატი „ვიაგრა“ შესაძლოა ალცჰაიმერის დაავადების სამკურნალოდ გამოიყენონ. ამის შესახებ BBC წერს.

გამოცემის ინფორმაციით, კლივლენდის უნივერსიტეტის მეცნიერებმა 7,2 მილიონი ადამიანის 6-წლიანი სამედიცინო ისტორია შეისწავლეს და დაადგინეს, რომ „ვიაგრას“ მომხმარებლებს შორის ალცჰაიმერითდაავადების შემთხვევები გაცილებით იშვიათად ფიქსირდება.

ლაბორატორიული ცდების დროს კი დამტკიცდა, რომ „ვიაგრის“ მაღალი დოზები ტვინის უჯრედების ზრდას იწვევს.

ექსპერტები აღნიშნავენ, რომ კვლევის შედეგები დამაიმედებელია, თუმცა მათი პრაქტიკაში გამოყენებისთვის დამატებითი ტესტებია საჭირო. ამასთან, მეცნიერები ამბობენ, რომ უკვე არსებული მედიკამენტის ახალი დანიშნულებით გამოყენება გაცილებით მარტივია, ვიდრე დაავადების სამკურნალოდ ახალი პრეპარატის შექმნა.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
კვლევებიმედიცინამსოფლიო

„ომიკრონის“ ახალი ქვეტიპი BA.5 – რამდენად საშიშია ის?

414 views on

ომიკრონის“ შტამის ქვეტიპი BA.5, შესაძლოა, მალე კოროვირუსული ინფექციის შემთხვევების ახალი ტალღის მიზეზი გახდეს. რამდენად საშიშია შექმნილი სიტუაცია? ამ კითხვას პასუხი Deutsche Welle-მ გასცა.

კორონავირუსის ახალი ვარიანტით ინფიცირების შემთხვევებმა მოიმატა

ჯანდაცვის მსოფლიო ორგანიზაცია (WHO) მიიჩნევს, რომ „ომიკრონის“ ქვეტიპი BA.5 შეიძლება, სულ ცოტა, შეშფოთების მიზეზად იქცეს. გერმანიის რობერტ კოხის სახელობის ინსტიტუტის თანახმად, BA.5 და „ომიკრონის“ სხვა ქვეტიპები სწრაფად გავრცელებას გააგრძელებენ, რადგან ისინი უფრო ადვილად გადაეცემა, ვიდრე – „დელტა“ ვარიანტი. აღნიშნული დაწესებულება აცხადებს, რომ ინფიცირების შემთხვევების ზრდა უკვე მიმდინარე ზაფხულს დაიწყება.

„BA.4 და BA.5 ქვეტიპების ზრდა ამ ეტაპზე ყველაზე სწრაფად ფიქსირდება“ – განაცხადეს რობერტ კოხის სახელობის ინსტიტუტში 9 ივნისს. აღნიშნულ დაწესებულებაში ასკვნიან, რომ „ომიკრონის“ ეს ორი ახალი ქვეტიპი მალე შეიძლება დაავადებულთა უმრავლესობაზე იყოს პასუხისმგებელი. ახალი ინფექციების 10%-ი უკვე BA.5-ით არის გამოწვეული, რაც ორჯერ მეტია, ვიდრე – ივნისის დასაწყისში დაფიქსირებული ანალოგიური მაჩვენებელი.

BA.5 პირველად სამხრეთ აფრიკაში დაფიქსირდა

მაისის დასაწყისში, BA.5 ქვეტიპმა შეშფოთება გამოიწვია სამხრეთ აფრიკაში, მაგრამ ეს ტალღა, წინასთან შედარებით, უფრო მცირე იყო და ახლა უკვე კლებაც დაიწყო. თუმცა პორტუგალიაში დაფიქსირებული ახალი კოროვირუსული ინფექციების 80%-ზე მეტი BA.5-ის ქვეტიპით არის გამოწვეული. სპეციალისტების განმარტებით, აქამდე უცნობი ეს ქვევარიანტი უფრო გადამდებია, ვიდრე მისი წინამორბედები. მანეიტრალიზებელი ანტისხეულები მას ვერ აფიქსირებენ და შესაბამისად, უფრო სწრაფად ვრცელდება. თუმცა დაავადების მიმდინარეობა უფრო მსუბუქია, ვიდრე მაგალითად, „დელტას“ შემთხვევაში.

იცავს თუ არა ბუსტერ დოზა „ომიკრონის“ ამ ქვეტიპისგან?

კორონავირუსის ვაქცინის დაცვითი ფუნქცია დროთა განმავლობაში სუსტდება, რადგან ორგანიზმში ანტისხეულების დონე იკლებს. იგივე ეხებათ იმ ადამიანებს, რომლებმაც COVID-19 გადაიტანეს. „ომიკრონის“ ახალი  ქვეტიპისგან ოპტიმალური დაცვა ზემოთ ხსენებულ არცერთ კატეგორიას არ აქვს და შესაძლოა, ეს ადამიანები ხელახლა დაინფიცირდნენ. BA.5 უკვე გავრცელდა რამდენიმე ქვეყანაში – მაგალითად, პორტუგალიაში, სადაც ინფიცირების ახალი შემთხვევების რაოდენობა ძალიან მოკლე დროში მკვეთრად გაიზარდა.

ამის მიუხედავად, ჰოსპიტალიზაციისა და გარდაცვალების შემთხვევები შემცირდა. ექსპერტების აზრით, ეს გამოწვეულია იმით, რომ მილიონობით ადამიანი უკვე აცრილია და ისინი გარკვეული რაოდენობის ანტისხეულებს ინარჩუნებენ, თუნდაც დაცვის ხარისხი სტაბილურად მაღალი არ იყოს. სპეციალისტების შეფასებით, ზოგადი იმუნიტეტი ახლა უფრო მაღალია, ვიდრე – პანდემიის დასაწყისში. რობერტ კოხის სახელობის ინსტიტუტი რეკომენდაციას უწევს რისკ- ჯგუფებს, განსაკუთრებით კი ხანდაზმულებს, კიდევ ერთი ბუსტერ დოზა გაიკეთონ, რათა ანტისხეულების დონე განაახლონ.

შემუშავებული ვაქცინები ფოკუსირებულია სპაიკ-ცილის იმ ვარიანტზე, რომელიც აქტიური იყო პანდემიის დასაწყისში. თუმცა მას შემდეგ ვირუსი შეიცვალა: აცრის შემდეგ ნაკლები ანტისხეული წარმოიქმნება და მათი გვერდის ავლა ვირუსისთვის უფრო ადვილი გახდა. აქვე ისიც უნდა ითქვას, რომ ახალი ვარიანტები, მათ შორის – BA.5, ნაკლებად საშიშია. ერთ-ერთი თეორიის მიხედვით, მიუხედავად იმისა, რომ ამ ქვეტიპს ზედა სასუნთქ გზებზე ძალიან სწრაფი და ძლიერი ზემოქმედების უნარი აქვს, სამაგიეროდ, ფილტვის უჯრედები უფრო იშვიათად ზიანდება და შესაბამისად, ნაკლები ადამიანი იღუპება. ახალი კორონავირუსის პირვანდელი ვერსიები ფილტვებს გაცილებით ძლიერად აზიანებდა, რაც მეტ ლეტალურ შედეგს იწვევდა.

 „ომიკრონით“ ინფიცირების გრძელვადიანი შედეგები უცნობია

„ომიკრონით“ ინფიცირებასა და პირველი სიმპტომების გამოვლენას შორის შუალედი (დაახლოებით, სამი დღე) უფრო ხანმოკლეა, ვიდრე – „დელტა“ შტამის შემთხვევაში. ამჟამინდელი ვაქცინების „ომიკრონისგან“ დაცვა ოპტიმალური არ არის, მაგრამ დაავადების მძიმე მიმდინარეობა თავიდან იქნება აცილებული. ამისთვის კი, სავარაუდოდ, საბაზისო იმუნიზაცია საკმარისია. ბუსტერ დოზა მეტი რაოდენობის ანტისხეულების ხელახლა გამომუშავებას უწყობს ხელს, რაც ზოგად იმუნიტეტს აძლიერებს.

მიუხედავად იმისა, რომ “ომიკრონის” სხვადასხვა ქვეტიპით ინფიცირების შემთხვევაში, „დელტასთან“ შედარებით, დაავადება მსუბუქად მიმდინარეობს, იშვიათად შეიძლება მძიმე სიმპტომებიც გამოვლინდეს. რაც მთავარია, ჯერჯერობით უცნობია, „ომიკრონით“ ან მისი ქვეტიპებით ინფიცირებამ რა სახის გრძელვადიან შედეგებამდე შეიძლება მიგვიყვანოს

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

მედიკოსებმა საკვერცხის კიბოს ამოსაკვეთი ახალი აპარატურა წარმოადგინეს

382 views on

Bath’s Royal United Hospital-ის ექიმებმა საკვერცხის კიბოს მიზნობრივად ამოკვეთის ახალი აპარატურა წარმოადგინეს.
PlasmaJet Ultra იყენებს იონირებულ არგონის გაზს, რათა გაანადგუროს უჯრედები ოპერაციის დროს ახლომდებარე ჯანსაღი ქსოვილის დაზიანების გარეშე.
მედიკოსები იმედოვნებენ, რომ ახალი ნაკრები შეამცირებს იმ დროს, რომელსაც კიბოთი დაავადებული პაციენტები საავადმყოფოში ატარებენ.
„ახლა ჩვენ შეგვიძლია უფრო ზუსტად მოვაცილოთ სიმსივნე ქსოვილებიდან“, – განაცხადა გინეკოლოგიური ონკოლოგიის კონსულტანტმა ჯონათან ფროსტმა.
ეს არის ფასდაუდებელი საშუალება პროგრესირებადი საკვერცხის კიბოს შემთხვევაში, სადაც სიმსივნე ჩვეულებრივ გვხვდება მრავალ კვანძში ორგანოებისა და ქსოვილების ზედაპირზე.
ზოგიერთ ქალს, რომელსაც უტარდება ოპერაცია საკვერცხის კიბოსთვის, ესაჭიროება ნაწლავის ნაწილების ამოღება, რათა სრულად აღმოიფხვრას დაავადება.
ამან, შესაძლოა, გამოიწვიოს შემდგომი ოპერაციები, მაგრამ ეს ინსტრუმენტი მთლიანად შეამცირებს სტომების საჭიროებას ზოგიერთ პაციენტში.

წყარო : bbc.com

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებიმედიცინა

აშშ-ში კოვიდსაწინააღმდეგო ვაქცინების 6 თვის ასაკიდან ბავშვებში გამოყენების რეკომენდაცია გასცეს

306 views on

აშშ-ის სურსათისა და მედიკამენტების ადმინისტრაციამ (FDA) ​კორონავირუსისსაწინააღმდეგო ვაქცინების BioNTech/Pfizer და Moderna 6 თვის ასაკიდან ბავშვები გამოყენების რეკომენდაცია ერთხმად გასცა. ამის შესახებ The New York Times-ი წერს.

გამოცემის ინფორმაციით, Moderna-სორდოზიანი ვაქცინის გამოყენება 6 თვიდან 5 წლის ასაკამდე ბავშვებისთვის არის რეკომენდებული, სამდოზიანიBioNTech/Pfizer-ისა კი 6 თვიდან 4 წლის ასაკამდე. FDA -ს რეკომენდაცია საბოლოო გადაწყვეტილება არ არის, თუმცა, ამერიკული მედიის ცნობით, ამან მნიშვნელოვნად უნდა დააჩქაროს ვაქცინების დამტკიცების პროცესი. FDA-ს შემდეგ აცრების ნებართვა აშშ-ს დაავადებათა კონტროლის ცენტრმა (CDC) უნდა გასცეს.

ქვეყნის მთავრობამ ვაქცინების მილიონობით დოზა უკვე შეუკვეთა, თეთრ სახლში კი განაცხადეს, რომ მათი გამოყენება შესაძლოა უკვე მომავალ კვირაში დაიწყოს. ამასთან, ექსპერტები თანხმდებიან, რომ ამ ასაკობრივ ჯგუფში ბავშვების აცრის საკითხი მშობლების გადასაწყვეტია.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

კიბოს მკურნალობის ინოვაციური მეთოდით რემისიას ქიმიოთერაპიის გარეშე მიაღწიეს

441 views on

კიბოს მკურნალობის ისტორიაში პირველად შეძლეს და რემისიას ქიმიოთერაპიის გარეშე მიაღწიეს. მკურნალობის ახალი ექსპერიმენტული მეთოდი სწორი ნაწლავის კიბოს მქონე 18 პაციენტზე გამოცადეს. ექვსთვიანი კვლევის განმავლობაში, მედიკამენტი ყოველ სამ კვირაში ერთხელ შეჰყავდათ ორგანიზმში. იმუნოთერაპიული მკურნალობის შემდეგ აღმოჩნდა, რომ ყველა პაციენტი რემისიაში იმყოფებოდა. აღსანიშნავია, რომ კვლევაში მონაწილე არცერთ პაციენტთან მნიშვნელოვან გართულებას ადგილი არ ჰქონია.
მკურნალობის ამ მეთოდზე უფრო ფართომასშტაბიანი კვლევების ჩატარება იგეგმება, თუმცა მეცნიერები აცხადებენ, რომ მიღებული შედეგი საკმაოდ დამაიმედებელია.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

კიბოს დამარცხება უკვე შესაძლებელია – ახალი თერაპია, რომელმაც ონკოლოგიური პაციენტების 100% განკურნა

501 views on

ონკოლოგიური დაავადებები თანამედროვე მედიცინის ერთ-ერთი ყველაზე რთული გამოწვევაა. ავთვისებიანი სიმსივნეები სიკვდილიანობის მაჩვენებლით მსოფლიოში მეორე ადგილზეა.

ონკოლოგიაში თანამედროვე მიღწევები ეფექტური მკურნალობის საშუალებას იძლევა, New England Journal of Medicine-შიგამოქვეყნებული სტატიის მიხედვით, მეცნიერებმა  სიმსივნესთან ბრძოლის თერაპია შექმნეს. სამედიცინო სფეროს წარმომადგენლები, რომლებიც თერაპიის მიმდინარეობას აკვირდებოდნენ, აცხადებენ, რომ მკურნალობის პროცესში მონაწილე ონკოლოგიური პაციენტები სრულად განიკურნენ.

საქმე ეხება მედიკამენტ “დოსტარლიმაბის” გამოყენებას, რომელიც მონოკლონური ანტისხეულია. ის PD-1-ად წოდებულ ცილას უტევს, რომელიც PD-L1-თან ერთად, სიმსივნის გარეთ იმუნური სისტემისგან დამცავ ერთგვარ ფარს ქმნის, რის გამოც სიმსივნე შეუფერხებლად იზრდება. უკეთ გასაგები რომ იყოს, PD-1-ს შეუძლია T ლიმფოციტები “უდანაშაულო” უჯრედების განადგურებისგან შეაკავოს, მაგრამ სიმსივნე ამ ფუნქციას თავის სასიკეთოდ წარმართავს.

წყარო : პრაიმტაიმი

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინამსოფლიო

მსოფლიოში ბავშვების უეცარი და აუხსნელი ჰეპატიტით დაავადების შემთხვევები იზრდება

409 views on

ჯანდაცვის მსოფლიო ორგანიზაციის ინფორმაციით, 33 ქვეყანაში მცირეწლოვან ბავშვებში უეცარი და აუხსნელი ჰეპატიტის სულ მცირე 650 შემთხვევას იკვლევენ, კიდევ 99 შემთხვევა კი კლასიფიკაციის მოლოდინშია.
შემთხვევათა დაახლოებით ერთი მესამედი, 222, დიდ ბრიტანეთში დაფიქსირდა, ხოლო 216 დაფიქსირდა – აშშ-ში.
გამოკვლევაში ჩართული ბავშვების უმეტესობა მიმდინარე წლის მარტსა და აპრილში დაავადდა.
ჯანდაცვის მსოფლიო ორგანიზაციის განმარტებით, ჰეპატიტი სწრაფად ვითარდება და, როგორც ჩანს, კლინიკურად უფრო მძიმეა. ბავშვების უფრო მეტ ნაწილს ღვიძლის უკმარისობა უვითარდება.
დაავადებული ბავშვების უმეტესობა,75%, 5 წლამდე ასაკისაა და მათი უმეტესობა მანამდე სრულიად ჯანმრთელი იყო.
ამ ბავშვებში გამოირიცხა ჰეპატიტის, როგორიცაა A, B, C, D და E ჰეპატიტი, გამომწვევი ჩვეულებრივი ვირუსები. შემთხვევებს შორის ყველაზე ძლიერი კავშირი, როგორც ჩანს, არის ადენოვირუსი 41, რომელიც, როგორც ცნობილია, იწვევს კუჭ-ნაწლავის აშლილობას, დიარეას და ღებინებას; ეს სიმპტომები ბევრ დაზარალებულ ბავშვს აღენიშნა სიყვითლემდე.
თუმცა ექსპერტები განმარტავენ, რომ ადენოვირუსი 41-ის „დანაშაულებრიობა“ ბოლომდე გარკვეული არ არის, რადგან არასოდეს ყოფილა ცნობილი, რომ ის იწვევს ჰეპატიტს ბავშვებში, რომლებსაც არ აქვთ დასუსტებული იმუნური სისტემა.
გაერთიანებული სამეფოს მეცნიერები ს განცხადებით, შემთხვევების გამოკვლევისას მათ აღმოაჩინეს ადენოვირუსის აქტივობის ზრდა, რომელიც თანაცირკულირებს SARS-CoV-2-თან, ვირუსთან, რომელიც იწვევს Covid-19-ს.
ჯანმოში განმარტავენ, რომ რიგ შემთხვევებში  გამოვლინდა SARS-CoV-2, თუმცა მონაცემები არასრულია.
მკვლევარები ასევე ეძებენ სხვა შესაძლო მიზეზებს, მათ შორის გარემოს ზემოქმედებას, ტოქსინებს და სხვა ვირუსით დაინფიცირების შემთხვევას.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

მალე კიბოს მკვლელი ვირუსით ადამიანს უმკურნალებენ

575 views on

იმისათვის, რომ ადამიანის კიბოსგან სრულად განკურნება შეძლონ, თანამედროვე მეცნიერებაში მრავალ გზას მიმართავენ, იქნება ეს წამლები თუ ინოვაციური მექანიზმები. ონკოლიზურის მკვლელი ვირუსი კი ამ კატეგორიას განეკუთვნება. „იმედის ქალაქი“, კიბოს მკურნალობისა და კვლევის ერთ-ერთი უდიდესი ორგანიზაცია აშშ-ში, უკვე იმასაც აცხადებს, რომ სიმსივნეების საწინააღმდეგოდ კლინიკური ცდის პირველი ფაზა დაიწყო და ამისთვის, იგი მოდიფიცირებულ ვირუსს გამოიყენებს.

კონკრეტული ტექნოლოგია კიბოს საწინააღმდეგოდ სხეულის იმუნურ სისტემას გამოიყენებს. თუმცა მისი არსებობა ადამიანის ორგანიზმში უკვე იმის ნიშანია, რომ იმუნურმა სისტემამ საფრთხე ვერ შეამჩნია… სწორედ ამიტომ, მკვლევრები მიზნად  ისეთი ვირუსის გამოყენებას ისახავენ, რომელიც ფრაგმენტებს აწარმოებს. ეს ფრაგმენტები კი, თავის მხრივ, კიბოს უჯრედებს მონიშნავს, რაც იმუნური სისტემისთვის წითელი დროშის ფუნქციას ასრულებს და მას სიმსივნესთან ბრძოლისკენ უბიძგებს.

კვლევისას გამოყენებული მკურნალობის მეთოდი ავსტრალიურმა კომპანია Imugene-მა შეიმუშავა და მას CF-33-hNIS-ს ან უბრალოდ Vaxinia-ს უწოდებენ. საინტერესოა ისიც, რომ ლაბორატორიულ კვლევებსა და ცხოველთა მოდელებში იგი წარმატებული მსხვილი ნაწლავის, ფილტვის, სარძევე ჯირკვლის, საკვერცხისა და პანკრეასის სიმსივნეების შემთხვევაში იყო. პირველივე ფაზაში კი მის ეფექტურობას 100 ადამიანზეც გამოცდიან…

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

მეცნიერებმა გარდაცვლილი დონორის თვალი „გააცოცხლეს“

485 views on

ორგანოთა დონორებისგან აღებულმა თვალებმა დონორის გარდაცვალებიდან ხუთი საათის შემდეგ სინათლეზე რეაგირება მოახდინა, – ამის შესახებ ამერიკელი მეცნიერების მიერ ჩატარებული კვლევის შედეგებშია აღნიშნული, რომელიც სამეცნიერო ჟურნალ Nature-ში გამოქვეყნდა.
კვლევის ავტორები აცხადებენ, რომ მათ შეძლეს გაეღვიძებინათ მხედველობის რეცეპტორის უჯრედები ადამიანის მაკულაში. ეს არის ბადურის ნაწილი, რომელიც პასუხისმგებელია ჩვენს ცენტრალური მხედველობაზე და ჩვენს უნარზე, დავინახოთ დეტალები და ფერი.
„ორგანოს დონორის გარდაცვალებიდან დაახლოებით ხუთ საათში მიღებულ თვალებში, ეს უჯრედები რეაგირებდნენ კაშკაშა შუქზე, ფერად შუქზე და სინათლის ძალიან მკრთალ ციმციმებზეც კი,” – აცხადებს კვლევის წამყვანი ავტორი, დოქტორი ფატიმა აბასი, იუტას უნივერსიტეტის მორანის თვალის ცენტრიდან.
თავდაპირველად, მკვლევარმა ჯგუფმა შეძლო თვალში სინათლის მგრძნობიარე ნეირონების (ფოტორეცეპტორების) გამოცოცხლება, მაგრამ უჯრედები არ იყვნენ კავშირში ბადურის სხვა უჯრედებთან – თვალების უკან ქსოვილთან, რომელიც აგროვებს სინათლეს და აგზავნის გამოსახულებას ტვინში. მკვლევარებმა აღმოაჩინეს, რომ ამის მიზეზი ჟანგბადის ნაკლებობა იყო. ოფთალმოლოგიისა და ვიზუალური მეცნიერებების ასისტენტ – პროფესორმა, დოქტორმა ფრანს ვინბერგმა აღმოაჩინა გზა ორგანოების დონორის თვალში ჟანგბადის აღსადგენად.
„ჩვენ შევძელით, რომ ბადურის უჯრედები „ესაუბრონ“ ერთმანეთს, ისე, როგორც ეს ხდება ცოცხალ თვალში. წარსულმა ჩატარებულმა კვლევებმა აღადგინა ძალზე შეზღუდული ელექტრული აქტივობა ორგანოების დონორ თვალებში, მაგრამ ეს არასოდეს ყოფილა მიღწეული მაკულაში და არც ისე, როგორც ახლა ვაჩვენეთ“,- განაცხადა ფრანს ვინბერგმა.
კვლევის ავტორების განცხადებით, ახლა სამეცნიერო საზოგადოებას შეუძლია ადამიანის მხედველობის შესწავლა ისე, როგორც ეს შეუძლებელია ლაბორატორიულ ცხოველებთან მიმართებაში.
„ვიმედოვნებთ, რომ ეს მოტივაციას მისცემს ორგანოების დონორთა საზოგადოებებს, ორგანოთა დონორებს და თვალის ბანკებს და დაეხმარება მათ გააცნობიერონ ახალი საინტერესო შესაძლებლობები ამ ტიპის კვლევაში,“- აცხადებენ ისინი.

წყარო : nypost.com
მასალა მომაზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინამსოფლიო

მსოფლიოში მწვავე ჰეპატიტის ახალი ვირუსი გამოჩნდა

436 views on

მსოფლიოს სახელმწიფოთა ნაწილს კიდევ ერთ საშიშ ვირუსთან უწევს გამკლავება. 5 მაისის მონაცემებით, აშშ-ს დაავადებათა კონტროლის ცენტრი იკვლევს ბავშვებში მწვავე ჰეპატიტის 109 შემთხვევას. დაავადებულ პირთა 90%-ს ჰოსპიტალიზაცია დასჭირდა, 14-ს იმდენად მძიმე ფორმა ჰქონდა, რომ ღვიძლის ტრანსპლანტაცია გახდა საჭირო, 5 კი გარდაიცვალა.
მსოფლიოში მწვავე ჰეპატიტის ვირუსის 500-მდე შემთხვევა დაფიქსირდა, მათ შორის, 11 ბავშვი გარდაიცვალა. ოფიციალურ სტატისტიკაზე დაყრდნობით, ვირუსმა 25 ქვეყანა მოიცვა, თუმცა შემთხვევათა უმეტესობა დიდ ბრიტანეთსა და აშშ-ში ფიქსირდება. ჰეპატიტი 1 თვიდან 16 წლის ასაკის ბავშვებში ვრცელდება. ძირითადი სიმპტომებია: სიყვითლე, დიარეა, მუცლის მწვავე ტკივილი, უმადობა, გულის რევის შეგრძნება და ღვიძლის ანთება. საქართველოში მწვავე ჰეპატიტის ვირუსის შემთხვევა არ ფიქსირდება.
ახალი ჰეპატიტის შესახებ პირველად ცნობილი 15 აპრილს გახდა დიდ ბრიტანეთში. ექიმები ეჭვობენ, რომ ჰეპატიტის გამომწვევი მიზეზი შეიძლება კოვიდ ვირუსი იყოს, რადგან დაავადებულთა უმეტესობას გადატანილი აქვს კოვიდი და მათი დიდი ნაწილი აცრილი არ ყოფილა. თუმცა, ამის შესახებ ზუსტი ინფორმაცია არ არსებობს. გამომწვევი ფაქტორები, გადაცემის გზები, ვირუსის სიმძიმის წინაპირობები, ამ ყველაფრის შესახებ ცნობილი არაფერია.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 27 28 29 30 31 … 91
Page 29 of 91