close
ამართალიაქართველო

სტრასბურგის სასამართლოს საბოლოო გადაწყვეტილებით საქართველომ რუსეთს მოუგო 2008 წლის ომთან დაკავშირებული საქმე

7657

21 იანვარს, 17 მოსამართლისგან შემდგარმა სტრასბურგის სასამართლოს დიდმა პალატამ მიიღო საქართველოსთვის ისტორიული გადაწყვეტილება, რომელიც არ საჩივრდება და რომლის მიხედვითაც საქართველომ რუსეთის ფედერაციას მოუგო საქმე 2008 წლის ომთან დაკავშირებით.

საქართველო რუსეთის ევროპული კონვენციის 8 მუხლის დარღვევაში ადანაშაულებს, რისთვისაც პასუხისმგებლობა რუსეთის ფედერაციას დაეკისრება. ესენია:

  • სიცოცხლის უფლება;
  • წამების, არაადამიანური ან ღირსების შემლახველი მოპყრობის ან დასჯის აკრძალვა;
  • თავისუფლებისა და უსაფრთხოების უფლება;
  • პირადი და ოჯახური ცხოვრების დაცულობის უფლება;
  • სამართლებრივი დაცვის ქმედითი საშუალების უფლება;
  • საკუთრების დაცვა;
  • განათლების უფლება;
  • მიმოსვლის თავისუფლება.

გარდა ამისა რუსეთის ფედერაციამ ადამიანის უფლებათა ევროპულ სასამართლოსთან არ ითანამშრომლა.

საქართველომ საჩივარი 2008 წლის 11 აგვისტოს შეიტანა, ხოლო ოფიციალური სახელმწიფოთაშორისი საჩივარი 2009 წლის 6 თებერვალს წარადგინა. საქმეზე პირველი სხდომა 2011 წელს გაიმართა, ხოლო დიდ პალატას 2012 წლის 3 აპრილს გადაეცა. 2021 წლის 21 იანვარს კი საბოლოო გადაწყვეტილება გახდა ცნობილი. ადამიანის უფლებათა ევროპულმა სასამართლომ ცალკე უნდა განიხილოს დაზარალებული მხარის კონპენსაციის საკითხი, რისთვისაც მხარეებს 1 წლიანი ვადა ეძლევათ.

სახელმწიფოთაშორისი სარჩელის გარდა სტრასბურგის სასამართლოში განხილვის მოლოდინშია დაახლოებით 2 000 ინდივიდუალური სარჩელი, რომლებიც ასევე 2008 წლის აგვისტოს ომს უკავშირდება.

 

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

მასალის გამოყენების პირობები

კომენტარი