close

მანქანათმშენებლობა

ასტრონომია - კოსმოსიმანქანათმშენებლობამსოფლიოტექნოლოგიები

რაკეტა, როგორც საქალაქთაშორისო ტრანსპორტი

სილიკონის ველის მილიარდერმა – ელონ მასკმა პარასკევს გამოაქვეყნა ამბიციური გეგმები მარსზე განსახორციელებელი პილოტირებული მისიის შესახებ.

SpaceX- ი თავის პირველ მოგზაურობას წითელ პლანეტაზე 2022 წელს აპირებს. თუმცა მისიის დროს მხოლოდ ტვირთს გადაიტანენ, რასაც ორი წლის შემდეგ მარსზე ადამიანის გაგზავნა მოჰყვება.

აღსანიშნავია, რომ „ნასას” პირველი პილოტირებული მისია მარსზე ამ დროიდან დაახლოებით ათ წელიწადში იგეგმება.

SpaceX- ის აღმასრულებელმა დირექტორმა და წამყვანმა დიზაინერმა – მასკმა განაცხადა, რომ კომპანიამ მარსზე გასაგზავნი რაკეტის ზომა შეამცირა.

მასკმა გაახმოვანა იდეა მარსზე გასაგზავნი რაკეტის დედამიწის ერთი ადგილიდან მეორეზე გადასაადგილებლად გამოყენების შესახებ.  ავსტრალიის ქალაქ ადელაიდაში გამართულ კონფერენციაზე მასკმა ვიდეო წარმოადგინა, სადაც ნაჩვენებია, თუ როგორ ეშვება რაკეტა ნიუ-იორკიდან, შემდეგ კი მსოფლიოს სხვადასხვა ადგილას ჯდება. აღსანიშნავია, რომ ის სამყაროს ორ მოპირდაპირე მხარეში მდებარე ქალაქებს შორის მოგზაურობას ერთ საათზე ნაკლებ დროს ანდომებდა.

SpaceX-ი არის ერთ-ერთი იმ რამდენიმე საწარმოს შორის, რომლებიც აცხადებენ, რომ კოსმოსში მარსზე მიმავალი მარშრუტის გახსნა სურთ. მარსი დედამიწიდან 225 მილიონი კილომეტრითაა დაშორებული და მასზე პირველი ადამიანის გაგზავნა საკმაოდ ამბიციური მიზანია.

SpaceX-ი, რომელიც მარსის კოლონიზაციის მიზნით დაარსდა, არის ერთ-ერთი კერძო და სახელმწიფო დაფინანსების მქონე საწარმო, რომლის მიზანია წითელ პლანეტაზე ხალხისა და ტვირთის განთავსება.

Amazon.com- ის დამფუძნებელი – ჯეფ ბეზოსის კოსოსური საწარმო Blue Origin-ი მარსზე გასაგზავნად მძიმე მანქანა New Armstrong-ს ქმნის.

რუსეთი და ჩინეთი ემზადებიან მთვარეზე პილოტირებული მისიის განსახორციელელად. რუსეთი მთვარის ორბიტაზე „ღრმა კოსმოსური კარიბჭის“ კოსმოსური სადგურის მშენებლობის მიზნით „ნასა“-სთან თანამშრომლობაზე დასთანხმდა. აღნიშნული კოსმოსური სადგური მომავალში გამშვებ პუნქტად იქცევა ღრმა კოსმოსის მისიების, მათ შორის მარსის მისიისათვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მანქანათმშენებლობამედიცინატექნოლოგიებიტრანსპორტი

„ფორმულა 1-ის“ ტექნოლოგია ახალშობილების უსაფრთხო სამედიცინო ტრანსპორტირებისთვის გამოიყენეს

„ფორმულა 1-ის” მანქანების ტექნოლოგია, რომელიც მძღოლებს მაღალი სიჩქარის დროს მომხდარი შეჯახებისას სიკვდილისგან იცავს, ახალშობილების უსაფრთხო სასწრაფო სამედიცინო ტრანსპორტირებისთვის გამოიყენეს.

ახალი მოწყობილობა – Babypod 20 – ნახშირბადის ბოჭკოვანისგანაა შექმნილი – იგივე მასალისგან, რომელიც გამოყენებულია ფორმულა 1-ის მანქანებში. მას შეუძლია აიტანოს 20 ჯ-ძალის ზემოქმედება და უზრუნველყოფს ახალშობილების უსაფრთხო, კონტროლირებადი ტემპერატურის პირობებში ტრანსპორტირებას.

Babypod 20 ,,Williams Advanced Engineering-მა” ,,Advanced Healthcare Technology-თან” თანამშრომლობით შექმნა.

 როგორც წესი, ახალშობილებში სასწრაფო სამედიცინო ტრანსპორტირება მოითხოვს დიდი ინკუბატორების გამოყენებას, რომლებიც საჭიროებენ ელექტროენერგიის მიწოდებას და სპეციალურ მანქანებს.

ახალ Babypod-ს ამჟამად ბრიტანეთის ,,Children’s Acute Transport Service-ი” იყენებს, რომლის მთავარი მენეჯერი აცხადებს, რომ ახალმა მოწყობილობის დიზაინმა „ტრანსპორტირების პროცესი მნიშვნელოვნად გააუმჯობესა.“

Williams-ი აცხადებს, რომ პირველ ეტაპზე 500 მოწყობილობის შექმნა იგეგმება.

 

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
მანქანათმშენებლობატრანსპორტი

,,Lexus–მა” სპორტული იახტა გამოუშვა

 

 ავტომობილების მწარმოებელმა იაპონურმა ფირმა ,,ლექსუსმა” სპორტული იახტა გამოუშვა, რომელიც არ ჩამოუვარდება სხვა იახტმწარმოებელ კომპანიებს.

,,Lexus Sport Yacht–ი” – ასე ჰქვია Lexus-ის იახტას, რომელიც V8 ტიპის ორი ძრავითაა აწყობილი და მისი სიმძლავრე 885 ცხენის ძალაა, რაც იახტისთვის საკმაოდ დიდი მაჩვენებელია. ამ ძრავით გამორჩეულია რამდენიმე მანქანის მოდელი, რომლებიც ერთ–ერთ უსწრაფეს მანქანებად არიან ცნობილები. იახტა გათვლილია 8 ადამიანზე და ყველანაირ კომფორტს უქმნის ადამიანებს მგზავრობისთვის.

ჯერჯერობით გაყიდვაში არ არის შემოსული მოცემული მოდელი, მაგრამ კომპანიაში სერიოზულად ფიქრობენ ამ კატეგორიაში ადგილის დამკვიდრებას, რაც გულისხმობს მსგავსი მოდელების გამრავლებასა და გაფართოებას.

 

წყარო: Inc.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციამანქანათმშენებლობასაქართველო

საქართველოში ვერტიკალური პარკირების სისტემა მალე ამოქმედდება

საქართველოში პარკინგის პრობლემა კვლავაც მოუგვარებელი რჩება, მანქანების რიცხვი მუდმივად იზრდება, ავტოპარკი ქალაქში ვეღარ ეტევა, შესაბამისად, საჭიროა ისეთი ღონისძიების გატარება, რომელიც აღნიშნულ პრობლემას მოაგვარებს. სტარტაპი  – „ავტომობილების პარკირება ვერტიკალურ სივრცეში“ –  სულ მალე ამოქმედდება. „დოქტრინა“ ესაუბრა სტარტაპის ერთ-ერთ ინიციატორს, შპს „რევერსის“ დირექტორს, ტექნიკის მეცნიერებათა დოქტორ მალხაზ ცისკარიშვილს.

-საიდან გაჩნდა სტარტაპის იდეა?

-ეს პრობლემა დღეს მეტად აქტუალური გახდა, თუმცა მე ჯერ კიდევ  30 წლის წინ მინდოდა, შემექმნა პარკირების სისტემა. მე და სერგო ჯორბენაძემ ერთობლივად დავიწყეთ მუშაობა, რათა განხორციელებულიყო აღნიშნული იდეა. მას შემდეგ, რაც პატენტი მივიღეთ, გადავწყვიტეთ, რომ გაგვეკეთებინა ნახაზები და მივსულიყავით ვაგონმშენებელ ქარხანაში, სადაც დაგვეხმარნენ კონსტრუქტორები. ნახევარწლიანი ინტენსიური მუშაობის შემდეგ მივიღეთ საცდელი ნიმუში, ახლა უკვე ვმუშაობთ დეტალებზე, რათა გავაუმჯობესოთ, დავხვეწოთ სხვადასხვა დეტალი.

სმარტპარკინგის სისტემებს ვაკეთებთ ელექტროვაგონმშენებელ კომპანიაში, ჰოლდინგის მეპატრონის – ბადრი წილოსანისა და გენერალური დირექტორის – გურამ რატიანის თანადგომითა და ქარხნის ადმინისტრაციის ხელშეწყობით.

-როგორ ზემოქმედებას ახდენს გაჩერებული ავტომობილები  ქუჩების გამტარუნარიანობაზე?

-ქუჩაში გაჩერებული ავტომობილები ამცირებენ ისედაც ვიწრო ქუჩის გამტარუნარიანობას, ქმნიან ხელოვნურ საცობებს, რის გამოც ავტომობილები მთელი დროის განმავლობაში მუშაობენ დაუმყარებულ რეჟიმზე, რაც:

ა) ორჯერ ზრდის საწვავის ხარჯს.

ბ) ოთხჯერ ზრდის გამობოლქვილ აირებში ტოქსიკურ (მომწამლავ) ნივთიერებებს.

გ) ავტომობილების თავშეყრის ადგილებში, პიკის საათებში, შვიდჯერ იზრდება ჰაერის დანაგვიანება. აქ იგულისხმება მძიმე მეტალების (ტყვია, ქრომი, ფოსფორი, ბრომი) მტვრიანობა, ჭვარტლი და სხვა მექანიკური მინარევები.

დ) ხშირია ავტომობილების გარე ნაწილების მცირე დაზიანებები. მაგალითად, მანევრირებისას ვერ ჩაეტია რადიუსში და გაუსვა; წამოედო და სარკე მოტეხა.

ე) გახშირებულია ამ ფონზე კონფლიქტები, უსიამოვნებები, გაუთვალისწინებელი ხარჯები და სხვა.

ავტომობილის დაუმყარებელ რეჟიმზე მუშაობისას გამონაბოლქვი აირები შეიცავს 200-ზე მეტ სხვადასხვა მომწამლავი ნივთიერების მინარევებს, რის გამოც დიდ ქალაქებში გაზრდილია სასუნთქი გზებისა და გულ-სისხლძარღვთა პათოლოგიები. საქართველოს არცერთი ქალაქის ქუჩა არ არის გათვლილი დღეისთვის არსებული რაოდენობის ავტომობილების გასატარებლად. განსაკუთრებით დიდია პრობლემაა თბილისში. ქუჩების უმრავლესობა გასული საუკუნის შუა პერიოდშია ფორმირებული, როცა პერსპექტიული გეგმარებითაც კი შეუძლებელი იყო ავტომობილების ამ რაოდენობის წარმოდგენა. ცნობისათვის, 1980–იანი წლებისთვის საქარველოში აღირიცხებოდა სულ 320000 ავტომობილი, დღეს მარტო თბილისში მოძრაობს 540.000-მდე ავტომობილი, ხოლო საქართველოში საერთო რიცხვმა მილიონს გადააჭარბა. ავტომობილების ეს რაოდენობა ერთ საათში მოიხმარს იმდენივე ჟანგბადს, რასაც მოიხმარდა 100 მილიონი ადამიანი ერთ წელიწადში. პრობლემა მეტად სერიოზულია და საჭიროებს სასწრაფო რეაგირებას.

-რა გამოსავალს ხედავთ აღნიშნული რთული მდგომარეობიდან?

-ერთადერთი გამოსავალი ავტომობილების მოქნილი პარკირების ანუ სმარტპარკინგის სისტემის დანერგვაშია. სმარტპარკინგი ავტომობილების ისეთ პარკირებას გულისხმობს, რომელიც:

  • არ არის სამუშაო ან საცხოვრებელი ადგილიდან შორს.
  • პარკირებისთვის არ საჭიროებს დიდ ძალისხმევას.
  • არ იკავებს დიდ ფართობს.
  • არის ადვილად ასაწყობი და დასაშლელი.
  • ზრდის ფართობის დატვირთვის კოეფიციენტს.

-რამხელა ადგილს იკავებს კონსტრუქცია?

-ასეთი ტიპის ავტოფარეხები მიწის ზედაპირზე იკავებებს მცირე ადგილს, დაახლოებით 20–30 კვ.მეტრს. ამ ფართობის მოძებნა ქალაქის ნებისმიერ გადატვირთულ უბანში შეიძლება. ფართობის დატვირთვის კოეფიციენტი 5–ზე მეტია, რაც იმას ნიშნავს, რომ ჩვენ იმავე ფართზე 5–ჯერ მეტი ავტომობილის განთავსება შეგვიძლია. რაც იმის გარანტია იქნება, რომ 5–ჯერ გათავისუფლდება ქუჩები და ეზოები. ვფიქრობთ, რომ სმარტპარკინგები აუცილებელი  ატრიბუტია ჰიპერმარკეტებისათვის, ბაზრებისათვის, რესტორნებისათვის (განსაკუთრებით, ქალაქის ცენტრში), საავადმყოფოებთან, უნივერსიტეტებთან და მერიასთან. მისი ყველაზე დიდი უპირატესობა შემდეგია:

  1. ადვილად იშლება და იწყობა.
  2.  იკავებს მცირე ადგილს.
  3.  მოსახერხებელია სამუშაო ადგილთან მიმართებაში.
  4.  ავტომობილის პარკირება მთლიანად ავტომატიზებულია.
  5.  მაღალია ტექნიკური საიმედობა.
  6.  აქვს მსუბუქი კონსტრუქცია და სასიამოვნო დიზაინი.
  7.  საჭიროებს სულ 30 კვ.მეტრს.
  8.  იაფი და ხელმისაწვდომია ნებისმიერი ავტომფლობელისთვის.

ავტომობილების პარკირების არსებული პრობლემის გადაწყვეტის მიზნით ჩვენი სამეცნიერო ჯგუფის მიერ შემუშავებული და დაპატენტებულია სმარტპარკინგის რამდენიმე ვარიანტი, ფაქტობრივად, სრულყოფილად მოვიცავთ თბილისის რელიეფს.

სმარტპარკინგის სისტემა არის ვერტიკალურ ავტოფარეხების სასიცოცხლო გარემო. ჩვენ ამ ტიპის ავტოფარეხები წარმოვადგინეთ სამ ვარიანტში:

  • ვერტიკალური-მიწისზედა.
  • ვერტიკალური-მიწისქვეშა.
  • ვერტიკალურ-ჰორიზონტალური.

-როდის გამოჩნდება ვერტიკალური საპარკინგზე კონსტრუქციები ქალაქში?

-უკვე 20-მდე შეკვეთა გვაქვს, ამჟამად პასუხს ველით მერიისგან. როგორც კი აღნიშნული დეტალები დასრულდება, დავიწყებთ კონსტრუქციების დამონტაჟებას. ჩემი ოცნებაა სამეცნიერო-საკონსტრუქტორო ბიუროს გაკეთება და ქვეყნის სამანქანათმშენებლო მრეწველობის აღორძინება, გვაქვს ბევრი გამოგონება და, ვფიქრობთ, რომ შეგვიძლია, ქვეყნის სახელის ღირსეულად წარმოჩენა, თუკი, რასაკვირველია, მოგვცემენ ამის შესაძლებლობას.

 

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მანქანათმშენებლობა

,,Ford-ი” პირველ უკაბელო პროგრამული უზრუნველყოფის განახლებას 2016 წლის ავტომობილებში იყენებს

Ford Motor Co- მა პარასკევს განაცხადა, რომ უკაბელო პროგრამული უზრუნველყოფის განახლება 2016 წლის ავტომობილებში გამოიყენა.

კომპანიის ინფორმაციით, Sync 3-ით აღჭურვილ 2016 წლის ავტომობილებს Android Auto-სა და Apple CarPlay- ს უკაბელო პროგრამული უზრუნველყოფის საშუალებით დაამატებს.

Sync 3-ის უახლესი განახლება, Ford- ის ინტერაქტიული სენსორული სისტემა, Wi-Fi-ს გამოყენებით  უკაბელო განახლებით განხორციელდება.

უკაბელო სისტემა პირველად 2015 წელს Tesla Inc- მა გამოიყენა. ამის შემდეგ კი ტრადიციულმა ავტომწარმოებლებმა ნელ-ნელა დაიწყეს ახალი ტექნოლოგიის დანერგვას.

დღემდე ავტომწარმოებლებს უკაბელო სისტემა უსაფრთხოების სისტემებისთვის არ გამოუყენებიათ.

კლიენტებს ასევე შეუძლიათ მიიღონ განახლება თავიანთი დილერებისა და USB დრაივის ტრადიციული საშუალებების გამოყენებით, განაცხადა Ford-მა.

Android Auto და Apple CarPlay Alphabet’s Google-ის და Apple Inc-ის ოპერაციული სისტემებია, რომლებიც მძღოლებს საშუალებას აძლევს თავიანთი სმარტფონები   მანქანების ტორპედოს შეუერთონ.

გარდა იმისა, რომ მომხმარებლებისთვის უფრო მოსახერხებელია, OTA ხელს უწყობს დანახარჯების შემცირებას, ვინაიდან საგარანტიო სარემონტო საკითხებისა და მისი გაუქმების ძირითადი პროცენტის  შესწორება OTA-ს საშულებითაა შესაძლებელი.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მანქანათმშენებლობა

მფრინავი ავტომობილი ავტოშოუზე გამოჩნდა

საავტომობილო და საავიაციო ინდუსტრიები საერთო პროექტებზე იშვიათად მუშაობენ და როცა მათ საერთო ინტერესები უჩნდებათ, მათი ერთობლივი ქმნილება გაოცებას იწვევს. სწორედ ამის თქმა შეიძლება იტალიურ კომპანიაიტალდიზაინისადა ევროპულ აეროკოსმოსურ კონსორციუმეარბასისერთობლივ კონცეპტუალურ პროექტზე, სახელადპოპ.აპ“ (Pop.Up), რომელიც მათ ჟენევის მოტორშოუზე წარადგინეს.

აპარატი იმითაა საინტერესო, რომ გადაადგილებას შეუძლია როგორც ჰაერში, ასევე გზაზე. ამისთვის მას აქვს ორი ელექტრული ამძრავი მოდული და ერთიც სამგზავრო კაფსულა. აპარატის მთავარი ნაწილი არის სამგზავრო კაფსულა, რომელიც ორ ადამიანზეა გათვლილი. ის კარბონის კომპოზიტისგან დამზადდა. კაფსულის სიგრძე 2.6 მეტრია, სიგანე 1.4 მეტრი, სიმაღლე კი – 1.5 მეტრი.

ფრენის მოდული დრონის ტიპის კვადროკოპტერია, რომელსაც ოთხი წყვილი პროპელერი აქვს. თითო წყვილში ხრახნები საპირისპირო მიმართულებით ბრუნავენ. საჰაერო მოდული კაბინას სახურავით იმაგრებს და ვერტიკალურად აფრენის უნარი გააჩნია. საგზაო მოდული წარმოადგენს ელექტრულ პლატფორმას, რომელზეც კაბინა ძირით მაგრდება. საფრენი და საგზაო მოდულები ელემენტების საკუთარი ბლოკებითაა აღჭურვილი.

კაბინა აღჭურვილია მგზავრებთან კავშირის ციფრული სისტემით, რომელიც აპარატის განსხვავებულ რეჟიმებს თავად ირჩევს. მთავარია მის პროგრამაში დანიშნულების ადგილის შეყვანა. ის თავად განსაზღვრავს ოპტიმალურ მარშრუტს, გადაწყვეტს ჰაერით მგზავრობა სჯობს, თუ გზით და შესაბამის მოდულს „გამოიძახებს“. მასთან მიმაგრებაც ავტომატურად ხდება. ის მოდული კი, რომელიც საჭირო არაა, თავად დაუბრუნდება სადგომს, სადაც თავისი ელემენტების დამუხტვას გააგრძელებს.„პოპ.აპ-ის“ აგებულება იმის საშუალებას იძლევა, რომ საგზაო და საფრენი მოდულები, სხვადასხვა კაბინებმა გამოიყენონ. ისინი ქარშეარინგის პრინციპით იმუშავებენ.

მარშრუტის შედგენისას კი ითვალისწინებენ გზებზე არსებულ სიტუაციას, ამინდს და სხვა ინფორმაციას, რომლებსაც სხვა მსგავსი აპარატებისგან ღებულობენ.საგზაო მოდული ორი ელექტრო ძრავით არის აღჭურვილი, რომელთა ჯამური სიმძლავრეც 80 ცხენის ძალაა. 15-წუთიანი დამუხტვა საკმარისია იმისათვის, რომ მისი მეშვეობით, 130 კილომეტრი გაიაროთ. მაქსიმალური სიჩქარე 100 კმ/სთ-ია. საჰაერო მოდულის ძრავების ჯამური სიმძლავრე 182 ცხენის ძალას აღწევს. მისი ელემენტების ბლოკიც 15 წუთში იმუხტება, რაც 100 კილომეტრის სიშორეზე საფრენად არის საკმარისი.გამოფენაზე პროექტის ავტორებს არაფერი უთქვამთ იმაზე, აპირებენ თუ არა „პოპ.აპ-ის“ წარმოებას. ყოველ შემთხვევაში, უახლოეს და საშუალოვადიან პერსპექტივაში, მსგავსი მფრინავი მანქანის ბაზარზე გამოჩენა მოსალოდნელი არ არის.

 

წყარო: Bpn.ge

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ასტრონომია - კოსმოსიმანქანათმშენებლობა

როგორია ნასას ბეტმობილი? – უცნაური როვერი, რომელიც მარსზე გაემგზავრება 

ნასას მარს როვერი, რომელზეც 2016 წლიდან მუშაობენ, ბეტმობილს ჰგავს.

კუთხური კონცეფცია ექვს ბორბალიანია და მთლიანად ნახშირბადის ბოჭკოსა და ალუმინისგანაა დამზადებული. ის მზის ენერგიაზე მუშაობს.

„ბეტმობილი“ გათვლილია ოთხ ასტრონავტზე.  მას საკუთარი მოძრავი ლაბორატორია აქვს.

როვერის ექვსი ბორბალი 1,3 მ სიმაღლისა და 75 სმ სიგანისაა. მას საჰაერო სადინრები აქვს, რომელიც მარსის უხეშ წითელ ქვიშას მოძრაობისა საშუალებას მისცემს. ის ოფიციალურად არ აუწონავთ, თუმცა დეველოპერების შეფასებით, როვერის წონა 2,250კგ-ია.

ნასას პროექტის შესახებ ოფიციალური განცხადება არ გაუკეთებია, თუმცა უცნაური ავტომობილი, რომელიც ფლორიდაში,  ნასას კენედის ცენტრში იმყოფება,  სოციალურ მედიაში უკვე გამოჩნდა.

როგორც ახალი როვერის დიზაინერმა მარკ პარკერმა Business Insider-ს განუცხადა, ექვს-ბორბლიანი მანქანა მთლიანად ელექტროა, რომელიც მარსის ქვიანი დაბრკოლებების გადასალახადაა განკუთვნილი. მისი ინფორმაციით, როვერი 95-110კმ/სთ სიჩქარის განვითარება შეუძლია.

პარკერმა და მისმა ძმამ როვერზე მუშაობა ნოემბერში დაიწყეს და მანქანის აგებას ხუთი თვე მოანდომეს. „მე და ჩემი გუნდი დღეში 10-12-14 საათს, კვირაში 80-100 საათს ვმუშაობდით. რომ მახსენდება, რამდენ საათიანი შრომაა ჩადებული ამ მანქანაში, ტირილი მინდება,“ – განაცხადა პარკერმა.

როვერის შესახებ ოფიციალური განცხადება უახლოეს დღეებში გაკეთდება.

 

წყარო: Dailymail

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი  – ,,დოქტრინა”

 

სრულად ნახვა
ასტრონომია - კოსმოსიმანქანათმშენებლობა

როგორია ნასას ბეტმობილი? – უცნაური როვერი, რომელიც მარსზე გაემგზავრება 

ნასას მარს როვერი, რომელზეც 2016 წლიდან მუშაობენ, ბეტმობილს ჰგავს.

კუთხური კონცეფცია ექვს ბორბალიანია და მთლიანად ნახშირბადის ბოჭკოსა და ალუმინისგანაა დამზადებული. ის მზის ენერგიაზე მუშაობს.

„ბეტმობილი“ გათვლილია ოთხ ასტრონავტზე.  მას საკუთარი მოძრავი ლაბორატორია აქვს.

როვერის ექვსი ბორბალი 1,3 მ სიმაღლისა და 75 სმ სიგანისაა. მას საჰაერო სადინრები აქვს, რომელიც მარსის უხეშ წითელ ქვიშას მოძრაობისა საშუალებას მისცემს. ის ოფიციალურად არ აუწონავთ, თუმცა დეველოპერების შეფასებით, როვერის წონა 2,250კგ-ია.

ნასას პროექტის შესახებ ოფიციალური განცხადება არ გაუკეთებია, თუმცა უცნაური ავტომობილი, რომელიც ფლორიდაში,  ნასას კენედის ცენტრში იმყოფება,  სოციალურ მედიაში უკვე გამოჩნდა.

როგორც ახალი როვერის დიზაინერმა მარკ პარკერმა Business Insider-ს განუცხადა, ექვსბორბლიანი მანქანა მთლიანად ელექტროა, რომელიც მარსის ქვიანი დაბრკოლებების გადასალახადაა განკუთვნილი. მისი ინფორმაციით, როვერი 95-110კმ/სთ სიჩქარის განვითარება შეუძლია.

პარკერმა და მისმა ძმამ როვერზე მუშაობა ნოემბერში დაიწყეს და მანქანის აგებას ხუთი თვე მოანდომეს. „მე და ჩემი გუნდი დღეში 10-12-14 საათს, კვირაში 80-100 საათს ვმუშაობდით. ორმ მახსენდება, რამდენ საათიანი შრომაა ჩადებული ამ მანქანაში, ტირილი მინდება,“ – განაცხადა პარკერმა.

როვერის შესახებ ოფიციალური განცხადება უახლოეს დღეებში გაკეთდება.

 

წყარო: Dailymail

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი  – ,,დოქტრინა”

 

სრულად ნახვა
ბიზნესიმანქანათმშენებლობა

“Toyota” აღარ მიიჩნევა ყველაზე მაღალი მოთხოვნის მქონე ავტოკომპანიად

იაპონური ავტომწარმოებელი კომპანია ბოლო 5 წლის განმავლობაში პირველად ფინანსურ პრობლემებს შეეჯახა.

კომპანიის თქმით, მარტში უფრო მეტი მანქანა გაყიდა, ვიდრე წინა თვეებში, თუმცა მაღალმა გადასახადებმა და ვალუტის მერყეობამ შედეგი მოიტანა. ყველაფერთან ერთად ,,ტოიოტას” გაყიდვებს დიდი პრობლემები აქვს აშშ-შიც, რომელიც კომპანიის ყველაზე დიდ პარტნიორად მიიჩნევა.

,,ბიბისის” ინფორმაციით, ,,ტოიოტასმოგებამ,  საერთო ჯამში, 16.1 მილიარდი დოლარი შეადგინა, რაც 21%-ით ნაკლებია წინა პერიოდის მაჩვენებლზე.

ექსპერტების თქმით, მოსალოდნელია, რომ ,,ტოიოტას” მოგება  მომავალ წელს უფრო შემცირდეს, რაც იაპონური ვალუტის გამყარებას უკავშირდება.

აღსანიშნავია, რომ წინა წლებთან შედარებით, ,,ტოიოტა” აღარ მიიჩნევა ყველაზე მაღალმოთხოვნად კომპანიად. ეს სტატუსი მან გერმანულ ,,ფოლკსვაგენს” დაუთმო.

2016 წელს ,,ტოიოტამ” 10.25 მილიონი მანქანა გაყიდა.

 

წყარო: Entrepreneur.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა

 

 

სრულად ნახვა
ეკოლოგიამანქანათმშენებლობა

წლის ბოლომდე საქართველოში ელექტროტაქსები გამოჩნდება

 დღეს ტაქსების კომპანიებს შორის მძლავრი კონკურენციაა. ქართულ ბაზარზე ბევრი ახალი კომპანიაა. მათ შორის არის კომპანია „იბერი”, რომელიც აპრილის დასაწყისიდან შემოვიდა საქართველოში. კომპანიის წარმომადგენელი, საბა ბერიკაშვილი, „თბილისი თაიმსთან ” საუბრისას განმარტავს, რომ მათი კომპანია მომხმარებელს თანამედროვე სისტემას  სრულიად ახალ ავტომობილებს სთავაზობს.

„იბერი“ კლიენტებს სთავაზობს როგორც ეკონომ და პრემიუმ კლასის ავტომობილებით მომსახურებას, ასევე ოფციის სახით მომხმარებელს სთავაზობს პიკაპისა და ბიზნეს კლასის ავტომობილებით მომსახურებას

რამდენი ხანია რაც კომპანია „იბერი“ არის ქართულ ბაზარზე და რა მომსახურებებს სთავაზობს მომხმარებლებს?

ჩვენი კომპანია ქართულ ბაზარზე შემოვიდა პირველი აპრილიდან. კომპანია მომხმარებელს თანამედროვე  ტექნიკით აღჭურვილ ავტომობილებს სთვაზობს. გვაქვს ოთხი ტიპის მანქანა: ესენი არის ეკონომ კლასის; პიკაპის მანქანა, რომელიც გამოიყენება სხვადასხვა ტვირთის გადასატანად. ამის შემდეგ მოდის პრემიუმ კლასის მანქანა, რომელიც დახვეწილ ტიპს გულისხმობს და ბოლოს  ბიზნეს კლასის მანქანა. თითოეულს სხვადასხვა დანიშნულება აქვს, სხვადასხვა ხარისხი, მომსახურება და შესაბამისად ფასიც განსხვავებულია. მანქანები არის უახლეს მდგომარეობაში. ყველა მოდელში არის  ბარათით გადახდის აპარატები და მგზავრებს შესაძლებლობა აქვთ უკვე გადაიხადონ ბარათით.

რა რაოდენობის მანქანები არის დღეს შემოსული?

– დაახლოებით 200 ერთეულით დავიწყეთ  და მომავალში ვგეგმავთ რაოდენობის გაზრდას. ამ ეტაპზე მხოლოდ თბილისს ვემსახურებით, თუმცა შეკვეთის არსებობის შემთხვევაში რაიონებსაც მოვემსახურებით.

რამდენად კონკურენტულები ხართ ბაზარზე და როგორია „იბერის“ ფასები?

– ფასებს რაც შეეხება, ჩვენ გვაქვს ჩვენი კონკრეტული ფასები. თუმცა  ვცდილობთ ეს შესაბამისობაში იყოს ხარისხთან. თუ გვინდა, რომ კლიენტები კმაყოფილები იყვნენ და მოვემსახუროთ მაღალი კლასის, გამართული ავტომობილებით, ეს ყველაფერი ფასზეც აისახება. ძალიან ბევრი კომპანიაა, ამიტომ ძალიან ჭირს ახალი კომპანიის ნდობის მოპოვება და თავის დამკვიდრება.თუმცა ჩვენ განვსხვავდებით იმ კომპანიებისგან, რომლებიც მხოლოდ მოგებაზე  და თანხაზე ფიქრობენ და არ ზრუნავენ კლიენტის კმაყოფილებაზე. ჩვენი კომპანიის მთავარი მიზანი კლიენტის კმაყოფილება და მაღალი დონის მომსახურებაა.

ელექტროტაქსების შესახებ რომ მოგვიყვეთ, როდის გეგმავთ მათ შემოყვანას?

– ამ ეტაპზე რა მანქანებიც გვყავს , ძალიან ეკონომიური და გარემოზე“მზრუნველი“ მანქანებია. უახლოეს მომავალში, დაახლოებით ერთ თვეში დავამატებთ ახალ, იგივე ტიპის მანქანებს. ხოლო წლის ბოლომდე ჩვენ ვაპირებთ, რომ  ჩვენი ტაქსოპარკი სრულად ჩავანაცვლოთ ელექტრომანქანებით.

საქართველოს მალე ახალი ელექტრომობილები ეყოლება. ზუსტი რაოდენობა ჯერჯერობით უცნობია, თუმცა როგორც ტაქსის კომპანიის მენეჯერი განმარტავს, ეს რაოდენობა საკმარისი იქნება, რომ მოიცვას ტაქსების ბაზარი და დააკმაყოფილოს მომხმარებლის მოთხოვნები.

მარიამ ლეკიაშვილი

წყარო:  www.ttimes.ge

სრულად ნახვა
1 2 3 4 5
Page 3 of 5