ბიზნესი

 როდესაც ედი ზილანმა დაიწყო ვაჭრობა კრიპტოვალუტის მეშვეობით, იგი 15 წლის იყო, ,,ბიზნეს ინსაიდერის” ცნობით, სამი წლის წინ ახალგაზრდა ბიჭს თავისი პროფილის შექმნაც კი არ შეეძლო, რადგან მას ასაკი ხელს არ უწყობდა, მაგრამ მან მოახერხა და ადრეული ასაკიდან ისეთი რამ გააკეთა, რამაც მას დიდი წარმატება მოუტანა.

,,ბიზნეს ინსაიდერმა” ჩაწერა ინტერვიუ ახალგაზრდა მილიონერთან, სადაც მან განაცხადა, რომ როდესაც მან თავისი ფულის დაბანდება დაიწყო, არავინ არ არსებობდა, ვისგანაც მას რაიმეს სწავლა შეეძლო, არ ჰქონდა რესურსი, რომ მიეღო რაიმე რჩევა, თუ როგორ დაეწყო კრიპტოსამყაროში მოღვაწეობა.

მან განაცხადა, რომ როდესაც პირველი $100 ჩადო საქმეში, რამდენიმე საათის შემდეგ აღმოაჩინა, რომ ის უკვე 10$–ით გაზრდილიყო და ეს  მისთვის საკმაოდ დიდი ბიძგი აღმოჩნდა, „ეს სიგიჟე იყო“ – განაცხადა მან.

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

ფულმა დღევანდელ სამყაროში ძალიან დიდი მნიშვნელობა შეიძინა, თითქოს ადამიანი მის გარეშე უკვე აღარ ფასობს, საზოგადოების დიდი ნაწილისთვის ცხოვრების მიზანს ფულის შოვნა წარმოადგენს, რაც შიძლება ბევრისთვის არ იყოს მისაღები, მაგრამ გულწრფელად რომ ვთქვათ – ფული უდავოდ საჭიროა.

თქვენი ფულის მართვა, ისევე როგორც ბიზნესში, ასევე პირად ცხოვრებაშიც – ძალიან მნიშვნელოვანია, აუცილებელია მისი ფასის ცოდნა, ყოველი ადამიანისთვის ძირითადი საფიქრალი არის, თუ როგორ უნდა გავზარდოთ ჩვენი კაპიტალი და გავუფრთხილდეთ მას.

ონლაინჟურნალ Enterpreneur.com–მა შემოგვთავაზა რამდენიმე ცნობილი ადამიანის რჩევა, თუ როგორ უნდა მოვიქცეთ ფულთან:

1. ,,დააბანდეთ ფული საკუთარ თავში ანუ ეცადეთ თქვენს განვითარებას მოახმაროთ იგი” –ბილ გეითსი;
2. ,,დაიწყეთ ადრე და იყავით მტკიცე, ურყევი” – კარლოს სლიმი;
3. ,,არ ისესხოთ ფული” – ვარენ ბაფეტი;
4. ,,დაიმახსოვრეთ, რომ ფულს ყველაფრის გაკეთება არ შეუძლია”– ჯეკ მა.

წყარო: Entrepreneur.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”