მსოფლიო

კოვიდგადატანილი პირები კორონავირუსის „ომიკრონი“ ვარიანტით უფრო ადვილად შეიძლება დაინფიცირდნენ. ინფორმაციას ამის შესახებ ჯანდაცვის მსოფლიო ორგანიზაცია ავრცელებს.

„წინასწარი მტკიცებულება ვარაუდობს, რომ „ომიკრონით“ რეინფიცირების გაზრდილი რისკი არსებობს (ანუ, ადამიანები, რომლებმაც ადრე კორონავირუსი გადაიტანეს, „ომიკრონი“ შტამით უფრო ადვილად შეიძლება დაინფიცირდნენ), სხვა შემაშფოთებელ ვარიანტებთან შედარებით, თუმცა ინფორმაცია ამის შესახებ შეზღუდულია. დამატებითი ინფორმაცია უახლოეს დღეებსა და კვირებში გახდება ხელმისაწვდომი“, – ნათქვამია ჯანმოს განცხადებაში.

ახალგაზრდა ანალიტიკოსთა და მეცნიერთა დარბაზი “დოქტრინა”

მსოფლიოს ექიმთა ასოციაციის (WMA) ხელმძღვანელის, ფრანკ ულრიხ მონტგომერის განცხადებით, კორონავირუსის „ომიკრონი“ შტამი შესაძლოა ისეთივე საშიში იყოს, როგორიც „ებოლას“ ვირუსია. ამის შესახებ გერმანული გამოცემა Berliner Zeitung-ი წერს.

მისივე თქმით, სპეციალისტებს ჯერ არ აქვთ ზუსტი პასუხი, თუ რამდენად საშიშია „ომიკრონი“, თუმცა ცნობილია, რომ ის საკმაოდ სწრაფად ვრცელდება.

„ყველაზე მეტად იმის მეშინია, რომ ეს შტამი შესაძლოა გახდეს ისეთივე ადვილად გავრცელებადი, როგორიც „დელტაა“, და ისეთივე საშიში, როგორიც „ებოლას“ ვირუსია. კაცობრიობამ თავიდანვე არასათანადოდ შეაფასა კორონავირუსის საფრთხე და მას გრიპს ადარებდა. ბევრი ქვეყანა თვლიდა, რომ კოლექტიური იმუნიტეტის გამომუშავებას შეძლებს, თუმცა შემდეგ „დელტა“ შტამი გაჩნდა“, – აცხადებს მონტგომერი.

ახალგაზრდა ანალიტიკოსთა და მეცნიერთა დარბაზი “დოქტრინა”

ლონდონის Moorfields-ის ოფთალმოლოგიური კლინიკის თანახმად, ბრიტანელი მამაკაცი პირველი პაციენტი გახდა მსოფლიოში, რომელსაც 3D პრინტერის თვალი გადაუნერგეს. 47 წლის სტივ ვერსს, ხუთშაბათს სრულად ციფრული თვალის პროთეზი მოარგეს — იგი ექსკლუზიურად სტივს მოარგეს, შესაბამისი გაზომვითი ტესტების მეშვეობით.

ახალი თვალი უფრო რეალისტურია, ვიდრე სხვა ალტერნატივები და შექმნილია იმისათვის, რომ უფრო მკვეთრი ხედვა და გუგის რეალური სიღრმე უზრუნველყოს. სხვა პროთეზირებული თვალები ხელით დახატული ფერადი გარსისგან შედგება, რომელიც შემდეგ ორბიტაშია ჩასმული. ასეთი დიზაინი ხელს უშლის სინათლის თვალის “სრულ სიღრმეში” მიღწევას. ახალი პროცედურა კი არა მხოლოდ რეალისტურად გამოიყურება, არამედ ნაკლებ ინვაზიურადაც ითვლება.

ჩვეულებრივი პროთეზირება მოითხოვს ორბიტალურ ანაბეჭდს, ხოლო 3D თვალის ბუდეები, დეტალური სურათის შესაქმნელად, ციფრულად არის სკანირებული. ვერსის ფუნქციური თვალიც ასევე სკანირებული იყო, რათა ორივე თვალის შემთხვევაში ერთნაირი ვიზუალი ყოფილიყო უზრუნველყოფილი.

ლოდინის დროის განახევრების შესაძლებლობა

საჭირო პროცედურების ჩატარების შემდეგ 3D გამოსახულება გერმანიაში გაიგზავნა დასაბეჭდად. “20 წლიდან მჭირდებოდა პროთეზი და ყოველთვის მრცხვენოდა ამის. სახლიდან გასვლისას ხშირად სარკეში ვიყურებოდი და არ მომწონდა, რასაც ვხედავდი… ახლა კი ეს ახალი თვალი ფანტასტიკურად გამოიყურება. 3D ბეჭდვის ტექნოლოგიაზე დაყრდნობით, ის თანდათან სულ უფრო უკეთესი გახდება” — აღნიშნავს პაციენტი.

ახალგაზრდა ანალიტიკოსთა და მეცნიერთა დარბაზი “დოქტრინა”

ევროპაში, სამხრეთ აფრიკაში გამოვლენილი კორონავირუსის ახალი ვარიანტის გავრცელების პირველი შემთხვევა დაფიქსირდა. კორონავირუსის „ნიუ“ ვარიანტის გავრცელება ბელგიაში დადასტურდა.

საუბარია ზრდასრულ ქალზე, რომელსაც სიმპტომები ეგვიპტეში თურქეთის გავლით მოგზაურობიდან დაბრუნებიდან 11 დღის შემდეგ განუვითარდა.

აღსანიშნავია, რომ მას არ ჰქონდა კავშირი სამხრეთ აფრიკასთან ან აფრიკის კონტინენტის სამხრეთით მდებარე რომელიმე სხვა ქვეყანასთან. დიაგნოზის დროს პაციენტს მაღალი ვირუსული დატვირთვა დაუფიქსირდა.

სამხრეთ აფრიკაში, მეცნიერებმა განაცხადეს, რომ კორონავირუსის ახალი ვარიანტი აღმოაჩინეს, რომელსაც უამრავი მუტაცია აქვს. სამხრეთ აფრიკაში აღმოჩენილი კორონავირუსის ახალი ვარიანტის გამო, ჯანდაცვის მსოფლიო ორგანიზაცია საგანგებო შეხვედრას გამართავს. ჯანდაცვის მსოფლიო ორგანიზაციის მთავარმა მეცნიერმა, სუმია სვამინატანმა განაცხადა, რომ ახალ ვარიანტს სპაიკის პროტეინში არაერთი შემაშფოთებელი მუტაცია აქვს.

ახალგაზრდა ანალიტიკოსთა და მეცნიერთა დარბაზი “დოქტრინა”

ისინი, ვინც ვაქცინის შესახებ დეზინფორმაციას ავრცელებენ, კრიმინალები არიან, – განაცხადა ფარმაცევტული კომპანია Pfizer-ის აღმასრულებელმა დირექტორმა, ალბერტ ბურლამ.

„ისინი კრიმინალები არიან. ისინი არ არიან უბრალოდ ცუდი ხალხი. ისინი კრიმინალები არიან“, – აღნიშნა ალბერტ ბურლამ.

Pfizer-ის აღმასრულებელი დირექტორის თქმით, ერთადერთი, რაც ცხოვრების ახალ წესსა და ცხოვრების ამჟამინდელ წესს შორის დგას, ვაქცინაციის ყოყმანია, ხოლო ბევრი ადამიანი ცხოვრების ჩვეულ რეჟიმს მას შემდეგ დაუბრუნდება, როდესაც ბევრი არავაქცინირებული ადამიანი აიცრება.

ახალგაზრდა ანალიტიკოსთა და მეცნიერთა დარბაზი “დოქტრინა”

ჯანდაცვის მსოფლიო ორგანიზაციამ მალარიის საწინააღმდეგო პირველი ვაქცინა,
Mosquirix-ი, დაამტკიცა.
პრეპარატს დამტკიცებამდე ორგანიზაციამ მისი ეფექტურობა აფრიკის სამ
ქვეყანაში, განაში, კენიასა და მალავიში, 2019 წლიდან 800 000 -ზე მეტ ბავშვზე
გამოიკვლია.
ვაქცინის ეფექტურობა 30%-ს შეადგენს დასრულად ვაქცინირებისთვის მისი4
დოზაა საჭირო. ამასთან, კვლევის თანახმად, ვაქცინაციის შედეგად წარმოქმნილი
იმუნური პასუხი რამდენიმე თვეში ქრება. ამ მახასიათებლების მიუხედავად,
ექსპერტები ელიან, რომ ვაქცინა ყოველწლიურად აფრიკაში ათასობით ბავშვის
სიცოცხლეს გადაარჩენს.
მალარიით აფრიკაში ყოველწლიურად 400 000-მდე ადამიანი იღუპება, მათი
უმრავლესობა 5 წლამდე ბავშვია.

წყარო : dw.com

ახალგაზრდა ანალიტიკოსთა და მეცნიერთა დარბაზი “დოქტრინა”