კვლევები

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ვაქცინების შემადგენლობას ასახელებს

„ვაქცინების ძალიან დიდი ნაწილი არის, ეს არის ხაზგასასმელი რომელიც არ შეიცავენ აბორტირებული ნაყოფის უჯრედებს, მაგრამ მათი დამზადების ტექნოლოგიის ადრეულ ეტაპზე გამოიყენება 1973 წელს აბორტირებული ნაყოფის ქსოვილოვანი კულტურის ხაზები, რომელიც არის მთელი მსოფლიოს ლაბორატორიებში, ანუ ეს არის კლონი 1973 წელს, რომ მოხდა ლეგალური აბორტი იმ აბორტირებული ნაყოფის კლონი, რომელიც დღემდე გამოიყენება ბევრ ლაბორატორიაში ბევრი ვირუსის გასაზრდელად.

ამიტომ ის, რომ დღეს ვიღაცა ახლა ბავშვების აბორტს აკეთებს იმიტომ, რომ ვაქცინა დაამზადოს, ეს, რა თქმა უნდა, ტყუილია. არ არის უკვე რელიგიური საკითხი, ამაზე იყო ძალიან დიდი კამათი, რელიგიურ ეთიკაზე კამათს არ მოვყვები. არა მარტო ქრისტიანულ სამყაროში, სხვადასხვა მოსაზრებები არსებობს ამაზე, მათ შორის რელიგიის სპეციალისტებიც თავისებურად ხსნიან ამას სახარებაზე დაყრდნობით. ეს უკვე ჩემი პრეროგატივა არ არის, ეს შეგიძლიათ მათ ჰკითხოთ.

მაგრამ, ამისათვის არსებობს მეორე გამოსავალი, ვისაც რაღაცა ეთიკური მიზნებით მიაჩნია, რომ ან „ფაიზერი“ ან „ასტრაზენეკა“, რომელშიც კიდევ ერთხელ ვიმეორებ, მართლაც ტექნოლოგიის საწყის ეტაპზე ქსოვილოვანი კულტურა გამოიყენება, რომელიც არის 1973 წელს აბორტირებული ნაყოფის კლონებისაგან დამზადებული. ამათ შეუძლიათ გამოიყენონ თავისუფლად მაგალითად ჩინური ვაქცინა, რომელიც ტექნოლოგიურად დამზადებულია ვეროუჯრედებზე, ხოლო ვეროუჯრედები დამზადებულია მაიმუნის თირკმლის ქსოვილისაგან“, – განაცხადა პაატა იმნაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

20 მარტს გაერთიანებული ერების ორგანიზაციამ გამოაქვეყნა 2021 წლის მსოფლიოს ბედნიერების ინდექსის(WHR) მიხედვით სახელმწიფოთა სია, სადაც 149 ქვეყანას შორის საქართველომ 108-ე ადგილი დაიკავა.

გამოქვეყნებული ანგარიში ფოკუსირებულია COVID19-ის ეფექტსა და მის გავლენაზე ადამიანების ცხოვრებაში. 2020 წლის ანგარიშის მიხედვით საქართელო 117-ე ადგილზე იყო და წელს 9 პოზიციით წინ გადაინაცვლა, თუმცა მეზობელ სახელმწიფოებს მაინც ჩამორჩება:

• 72 – რუსეთი (5.477)
• 86 – სომხეთი (5.283)
• 90 – აზერბაიჯანი (5.171)
• 104 – თურქეთი (4.948)
• 108 – საქართველო (4.891)

უკვე მეოთხე წელია ფინეთი ლიდერის პოზიციას ინარჩუნებს ბედნიერ ქვეყნებს შორის, ასევე ისლანდია, დანია, შვეიცარია და ნიდერლანდები შესაბამისად შემდეგ პოზიციებს ინაწილებენ. ანგარიში ძირითადად ემყარება მშპ-ს დონეს, სიცოცხლის საშუალო ხანგრძლივობას, ხელგაშლილობას, სოციალურ მხარდაჭერას, თავისუფლებასა და კორუფციის დონეს.

მსოფლიოს ყველაზე ბედნიერი სახელმწიფოების 2021 წლის პირველი ათეული ასე გამოიყურება:

1. ფინეთი
2. ისლანდია
3. დანია
4. შვეიცარია
5. ნიდერლანდები
6. შვედეთი
7. გერმანია
8. ნორვეგია
9. ახალი ზელანდია
10. ავსტრია

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

ესპანელი მეცნიერების ჯგუფმა დაადგინა, რომ ყნოსვის დაკარგვა კორონავირუსის „კარგი“ სიმპტომია. ამის შესახებ საუბარია კვლევაში, რომელიც ჟურნალ Infection-ში გამოქვეყნდა.

სან-კარლოსის კლინიკური საავადმყოფოსა და ესპანეთის უნივერსიტეტების სპეციალისტებმა 5 868 პაციენტის მონაცემები შეისწავლეს, რომლებმაც COVID-19 გადაიტანეს. ამ პაციენტებიდან ყნოსვისა და გემოს დაკარგვა ქალებში 12,41%-ს დაუფიქსირდა, კაცებში კი – 8,67%-ს. ამასთან, აღმოჩნდა, რომ ეს სიმპტომები ყველაზე ხშირად 65 წელზე ნაკლები ასაკის ადამიანებში გამოვლინდა.

როგორც მეცნიერებმა დაადგინეს, მსგავსი სიმპტომები ძლიერ იმუნურ პასუხზე მიუთითებს, რაც თავის მხრივ, ციტოკინური შტორმის განვითარების საშიშროებას ამცირებს, რომელიც პოტენციურად პაციენტის გარდაცვალებით სრულდება.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ბრიტანეთის ჯანდაცვის ოფიცრები მშობლებს მოუწოდებენ არ მისცენ ბავშვებს მობილური ტელეფონები სადილობისა და ძილის დროს.

ბავშვების უსაფრთხოების უზრუნველსაყოფად მედიკოსები რამდენიმე რეკომენდაციას იძლევიან :

-ნუ გამოიყენებთ ტელეფონებსა და სხვა მობილურ მოწყობილობებს სადილის დროს – ბავშვის განვითარებისთვის ოჯახთან ერთად სადილობა და საუბარი ძალიან მნიშვნელოვანია

– ნუ ჩართავთ ეკრანს საძინებელში ძილის დროს

-ესაუბრეთ ბავშვებს ინტერნეტ უსაფრთხოებისა და კიბერ ბულინგის შესახებ და იმაზე, თუ როგორ უნდა მოიქცნენ ისინი ამ შემთხვევაში

-ნუ მისცემთ ბავშვებს უფლებას ისარგებლონ მობილური ტელეფონით გზაზე გადასვლისას

-სულ მცირე ყოველ 2 საათში ერთხელ ბავშვი ეკრანს უნდა მოშორდეს, ადგეს და ფიზიკური აქტივობა განახორციელოს

-მშობლებმა შვილებს დრო უნდა დაუთმონ და მხოლოდ გაზიარებული ფოტოების მიხედვით არ უნდა ჩათვალონ, რომ მათი შვილები ბედნიერები არიან.

წყარო : BBC

ახალგაზრდა ანალიტიკოსთა და მეცნიერთა დარბაზი ,,დოქტრინა“

ჯანდაცვის მსოფლიო ორგანიზაციის ცნობით, Oxford-AstraZeneca-ს ვაქცინასა და ადამიანებში განვითარებულ თრომბს შორის კავშირი არ არსებობს. ორგანიზაციის ექსპერტთა ჯგუფმა დამატებით შეისწავლეს ინფორმაცია ზოგიერთ ადამიანში ვაქცინაციის შემდეგ თრომბის განვითარების შესახებ. ამ შესწავლის შემდეგ, WHO-ს სპიკერმა მარგარეტ ჰარისმა განაცხადა, რომ “AstaZeneca-ს ვაქცინა შესანიშნავია და ის უსაფრთხოა გამოყენებისთვის.”

ვაქცინების შესახებ განცხადება გააკეთა თავად AstraZeneca-მაც, კომპანია აღნიშნავს, რომ მათ მიერ შექმნილ ვაქცინასა და თრომბის განვითარებასთან კავშირი არ არსებობს.

თრომბული შემთხვევების განვითარების გამო ავსტრიაში, დანიაში, იტალიაში, ნორვეგიასა და ტაილანდში AstraZeneca-ს ვაქცინის გამოყენება დროებით შეაჩერეს, ვიდრე იმუნიზაციასა და გარდაცვალების შემთხვევებს შორის კავშირი არ დადგინდებოდა.

AstraZeneca-ს მიერ წარმოებული COVID-19-ის საწინააღმდეგო ვაქცინის პირველი პარტიის 43 200 დოზა თბილისის საერთაშორისო აეროპორტში დღეს დილით ჩამოვიდა. ჯანდაცვის სამინისტროს ინფორმაციით, ვაქცინაციის პროცესი ორშაბათს, 15 მარტიდან ჯანდაცვის სამინისტროს მიერ შერჩეულ სამედიცინო დაწესებულებებში დაიწყება, იქამდე კი შაბათ-კვირას მისი რაიონებსა და მუნიციპალიტეტებში ტრანსპორტირება მოხდება. ეროვნული გეგმის შესაბამისად, ვაქცინაცია სამედიცინო პერსონალით დაიწყება.

ახალგაზრდა ანალიტიკოსთა და მეცნიერთა დარბაზი ,,დოქტრინა”