განათლება

თაკო ბაქრაძე პროექტის – „ინგლისური ყველასათვის“ ავტორია და მის შესახებ ჩვენი გამოცემა ცოტა ხნის წინ უკვე დაინტერესდა, თუმცა ამჟამად, თბილისის სახელმწიფო უნივერსიტეტის ინგლისური ფილოლოგიის კურსის დამთავრების შემდეგ, ახალგაზრდა ენთუზიასტმა იდეა სამოყვარულო საქმიანობიდან უკვე საქმიან ბიზნესად აქცია და აბიტურიენტებისთვის განკუთვნილ ინოვაციური სასწავლო პროგრამითაც გვაკვირვებს,  პროექტის შესახებ თაკო თავად გვიამბობს.

,,ინგლისური ყველასათვის” არის ,,Abz-ის” პირველი პროექტი, რომელიც ფართო მასშტაბებზეა გათვლილი, თაკოს ახალი პროექტი კი, ძირითადად, აბიტურიენტებზეა ორიენტირებული, რომლებსაც შეუძლიათ კურსი გამოიყენონ, როგორც დამხმარე ან  ძირითად სასწავლო საშუალებად დამოუკიდებელი მეცადინეობების დროს, აღსანიშნავია რომ პლატფორმა აბიტურიენტის მშობელს საშუალებას აძლევს აკონტროლოს შვილის პროგრესი, შეამოწმოს რა ეტაპზე, როგორი შეფასება მიიღო მან და ამჟამად რა მასალაზეა მოსწავლე შეჩერებული.

Abi.abz.ge-ს სასწავლო პლატფორმაში მოცემულია ყველაფერი, რაც აბიტურიენტებს, როგორც ეროვნული გამოცდების, ასევე საატესტატო გამოცდების მაღალ დონეზე ჩასაბარებლად სჭირდებათ. კურსი შედგება 430 გაკვეთილისა და 4350-მდე სავარჯიშოსგან, მისი უნიკალური სტრუქტურა კი, აბიტურიენტს ერთგვარად აიძულებს რომ ისწავლოს, რადგან გაკვეთილის წარმატებით გადალახვის გარეშე, მას არ ეძლევა საშუალება რომ გადავიდეს შემდეგზე.

კურსი დაყოფილია ოთხ ნაწილად – გრამატიკა, ლექსიკა, მოსასმენი სავარჯიშოები და წერითი დავალებები. გრამატიკა მოიცავს პროგრამით გათვლილ ყველა საკითხს, მათი გავლის შემდეგ აბიტურიენტი შეძლებს არა მხოლოდ გრამატიკული სავარჯიშოების შესრულებას, არამედ ისწავლის წინადადებების სწორად აგებასაც. ლექსიკის ნაწილში აბიტურიენტი ისწავლის 1000-ზე მეტ სიტყვას, რომელიც ტექსტების გააზრებასთან ერთად თემების დაწერაშიც გამოადგება.

   მოსასმენები სავარჯიშოები ექსკლუზიურად Abz-თვის ჩაწერა ინგლისელმა მსახიობმა – ენდრიუ ფიპსმა. ,,მოსმენის უნარის განვითარების საუკეთესო საშუალება იმ ტექსტის მოსმენაა, რომელსაც კითხულობ. სწორედ ამ პრინციპზეა ჩვენი მოსასმენი სავარჯიშოები აგებული, მაგრამ თუ ტექსტი მისი წაკითხვის გარეშეც ესმის აბიტურიენტს, არც ესაა დაბრკოლება, რადგან სავარჯიშოები მოსასმენი ტექსტების გარეშეც გვაქვს“-აღნიშნავს თაკო.

რაც შეეხება  წერით დავალებებს, ამ სექციაში აბიტურიენტები ისწავლიან სასვენი ნიშნების გამოყენებას, ესესა და წერილის წერას, მათ შესაძლებლობა ექნებათ გაეცნონ მათ ნიმუშებსაც.

მსგავსი პლატფორმის შექმნა, რა თქმა უნდა, გარკვეულ თანხებთანაა დაკავშირებული და, შესაბამისად, წინა პროექტისგან განსხვავებით, მისი გამოყენება ფასიანი, თუმცა საკმაოდ ხელმისაწვდომია, თაკომ აღნიშნა, რომ თითოეული თემაში, პირველი სამი გაკვეთილი არის უფასო, რათა მომხმარებელი გაეცნოს სტრუქტურას, გადაწყვიტოს, სურს თუ არა კურსის გავლა და აკმაყოფილებს თუ არა ის მის მოთხოვნებს. „კურსის მინიმალური ფასია 50 ლარი, თანხას იხდით ერთჯერადად და შემდეგ, კურსის გამოყენება მომხმარებელს მუდმივად შეეძლება. ამასთანავე, კურსის თითოეული მოსწავლე დაემატება ჯგუფში, სადაც ყველა დასმულ შეკითხვაზე პირადად გავცემ პასუხს,“ -აღნიშნავს თაკო დასასრულს.

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

,,საყოველთაოდ არის ცნობილი, რომ თბილისის კლასიკური გიმნაზიის კურსდამთავრებულთა დიდ ნაწილს წარმატებული, საზოგადოების მხრიდან დაფასებული და პატივსაცემი მწერალი, პოლიტიკოსი თუ ცნობილი ადამიანი წარმოადგენს. შესაბამისად, თბილისის კლასიკური გიმნაზია საკუთარ კურსდამთავრებულებს მოუწოდებს, გახდნენ გიმნაზიის საზოგადოების წევრები, რათა მათ გიმნაზიის განვითარებასა და გაძლიერებაში მნიშვნელოვანი წვლილის შეტანა შეძლონ,”- აცხადებენ თბილისის კლასიკურ გიმნაზიაში, სადაც ილია ჭავჭავაძის დაბადებიდან 180 წლის იუბილეს აღსანიშნავად, სკოლის კურსდამთავრებულთა საზოგადოებას ჩაეყრება საფუძველი. 

20 წლის განმავლობაში ეს გიმნაზია იყო ვაჟთა ერთადერთი საერო საშუალო სასწავლებელი საქართველოში. მასთან არსებობდა პანსიონიც.

ზოგადად, თბილისის კლასიკური გიმნაზია  187 წლისაა (ამ სახელწოდებით, ისე კი – 1804 წლიდან არსებობდა კეთილშობილთა სასწავლებლის სახელით).  გიმნაზია დაამთავრეს – ილია ჭავჭავაძემ, გრიგოლ ორბელიანმა, ნიკოლოზ ბარათაშვილმა, ივანე ჯავახიშვილმა, გიორგი ერისთავმა, კონსტანტინე მამაცაშვილმა, დავით მაჩაბელმა, ივანე კერესელიძემ, გიორგი ერისთავმა და სხვა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

 2017 წლის საერთო სამაგისტრო გამოცდაზე 13 000-ზე მეტი აპლიკანტი დარეგისტრირდა, თუმცა, ,,შეფასებისა და გამოცდების ეროვნული ცენტრის” ცნობით, სწავლის გაგრძელების უფლება მხოლოდ 10 000-მა მოიპოვა, მათ შორის,  შიდაგამოცდების საფუძველზე ჩარიცხული სტუდენტებისთვის სასწავლო პროცესი უკვე დაწყებულია, თუმცა ჯერჯერობით უცნობია გრანტირებულ მაგისტრანტთა სია, რაც სტუდენტეისთვის გარკვეულ ფინანსურ პრობლემებთანაა დაკავშირებული.

შეგახსენებთ, რომ  მაგისტრანტთა დაფინანსების შესახებ ინფორმაცია ყოველ წელს ნოემბრის თვეში, ,,შეფასებისა და გამოცდების ეროვნული ცენტრის” ოფიციალურ ვებრგვერდზე ცხადდება. 2016 წლის ნაკადისთვის ეს ინფორმაცია 21-ნოემბერს გახდა ცნობილი, წლევანდელი შედეგების გამოქვეყნების ზუსტი თარიღის დაკონკრეტება კი, ამ ეტაპზე, ,,შეფასებისა და გამოცდების ეროვნულ ცენტრს” არ შეუძლია, თუმცა, ვარაუდობენ, რომ შედეგები წელს ნოემბრის თვის პირველ ნახევარში გამოქვეყნდება, რაც სტუდენტების უკმაყოფილებას იწვევს.

კითხვაზე, თუ რატომაა ეს ყველაფერი დროში ასე გაწელილი, ცენტრში ასე პასუხობენ – „ეს პროცესი მხოლოდ ,,შეფასებისა და გამოცდების ეროვნული ცენტრის” მუშაობაზე არ არის დამოკიდებული, იგი ხანგრძლივდება იმის გამო, რომ, პირველ ეტაპზე, ყველა უმაღლესი სასწავლებელი ჩვენ და ,,განათლების ხარისხის განვითარების ეროვნულ ცენტრს” ერთდროულად გვაწვდის ინფორმაციას იმ აპლიკანტების შესახებ, რომლებმაც წარმატებით დაძლიეს შიდაგამოცდა. გარდა ამისა, თუ მაგისტრობის მსურველმა რამდენიმე უმაღლეს სასწავლებელში წარმატებით დაძლია გამოცდა, მასაც აქვს ვალდებულება განცხადებით მოგვმართოს იმის თაობაზე, თუ რომელ პროგრამაზე სურს დაფინანსების მიღება, თუ კი ის გრანტს მოიპოვებს.“

მიუხედავად ამისა, პრობლემა პრობლემად რჩება და გრანტირებულთა სიის გამოქვეყნებამდე სწავლის საფასურის გადახდა სტუდენტებისთვის გარკვეულ პრობლემას ქმნის, მაგალითად, სასწავლო წლის დასაწყისში თბილისის სახელმწიფო უნივერსიტეტის მაგისტრატურის საფეხურის სტუდენტების დიდ ნაწილს ადმინისტრაციული რეგისტრაციის გავლასა და სწავლის დაწყებაზე მინიმალური შენატანის შემთხვევაში (100 ლარი) უარი უთხრეს, თუმცა, ,,აუდიტორია #115-თან” ერთად, მათ შეძლეს აღნიშნული პრობლების მოგვარება. ამ მხრივ, საქმე გაცილებით უკეთაა კონკრეტულ უნივერსიტეტებში, მაგალითად, ილიას სახელმწიფო უნივერსიტეტი უზრუნველყოფს, რომ მაგისტრატურის პირველი საფეხურის სტუდენტებს ჰქონდეთ ხელშეწყობა იმისა, რომ გრანტირებულთა სიის გამოქვეყნებამდე, თანხის გადაუხდელად, ჩვეულებრივ დიაწყონ სასწავლო პროცესი, რათა ისინი, ვინც სამომავლოდ გრანტის მფლობელი გახდებიან, არ გახდნენ ვალდებული, მოიძიონ სახსრები სასწავლო სემესტრისთვის განკუთვნილი იმ თანხის გადასახდელად, რომელიც, წესით, მათ უკვე დაფინანსებული აქვთ.

აღსანიშნავია, რომ წელს მაგისტრანტთა დასაფინანსებლად, დაახლოებით. 2 მილიონი ლარია გამოყოფილი,  სახელმწიფოს მიერ გამოყოფილი მთელი საგრანტო თანხა, სხვადასხვა მიმართულების მიხედვით, შემდეგი პრინციპით გადანაწილდება:

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 2017 წლის საერთო სამაგისტრო გამოცდაზე 13 000-ზე მეტი აპლიკანტი დარეგისტრირდა, თუმცა, ,,შეფასებისა და გამოცდების ეროვნული ცენტრის” ცნობით, სწავლის გაგრძელების უფლება მხოლოდ 10 000-მა მოიპოვა, მათ შორის,  შიდაგამოცდების საფუძველზე ჩარიცხული სტუდენტებისთვის სასწავლო პროცესი უკვე დაწყებულია, თუმცა ჯერჯერობით უცნობია გრანტირებულ მაგისტრანტთა სია, რაც სტუდენტეისთვის გარკვეულ ფინანსურ პრობლემებთანაა დაკავშირებული.

შეგახსენებთ, რომ  მაგისტრანტთა დაფინანსების შესახებ ინფორმაცია ყოველ წელს ნოემბრის თვეში, ,,შეფასებისა და გამოცდების ეროვნული ცენტრის” ოფიციალურ ვებრგვერდზე ცხადდება. 2016 წლის ნაკადისთვის ეს ინფორმაცია 21-ნოემბერს გახდა ცნობილი, წლევანდელი შედეგების გამოქვეყნების ზუსტი თარიღის დაკონკრეტება კი, ამ ეტაპზე, ,,შეფასებისა და გამოცდების ეროვნულ ცენტრს” არ შეუძლია, თუმცა, ვარაუდობენ, რომ შედეგები წელს ნოემბრის თვის პირველ ნახევარში გამოქვეყნდება, რაც სტუდენტების უკმაყოფილებას იწვევს.

კითხვაზე, თუ რატომაა ეს ყველაფერი დროში ასე გაწელილი, ცენტრში ასე პასუხობენ – „ეს პროცესი მხოლოდ ,,შეფასებისა და გამოცდების ეროვნული ცენტრის” მუშაობაზე არ არის დამოკიდებული, იგი ხანგრძლივდება იმის გამო, რომ პირველ ეტაპზე ყველა უმაღლესი სასწავლებელი ჩვენ და ,,განათლების ხარისხის განვითარების ეროვნულ ცენტრს” ერთდროულად აწვდის ინფორმაციას იმ აპლიკანტების შესახებ, რომლებმაც წარმატებით დაძლიეს შიდაგამოცდა. გარდა ამისა, თუ მაგისტრობის მსურველმა რამდენიმე უმაღლეს სასწავლებელში წარმატებით დაძლია გამოცდა, მასაც აქვს ვალდებულება განცხადებით მოგვმართოს იმის თაობაზე, თუ რომელ პროგრამაზე სურს დაფინანსების მიღება, თუ კი ის გრანტს მოიპოვებს.“

მიუხედავად ამისა, პრობლემა პრობლემად რჩება და გრანტირებულთა სიის გამოქვეყნებამდე სწავლის საფასურის გადახდა სტუდენტებისთვის გარკვეულ პრობლემას ქმნის, მაგალითად, სასწავლო წლის დასაწყისში თბილისის სახელმწიფო უნივერსიტეტის მაგისტრატურის საფეხურის სტუდენტების დიდ ნაწილს ადმინისტრაციული რეგისტრაციის გავლასა და სწავლის დაწყებაზე მინიმალური შენატანის შემთხვევაში (100 ლარი) უარი უთხრეს, თუმცა, ,,აუდიტორია #115-თან” ერთად, მათ შეძლეს აღნიშნული პრობლების მოგვარება. ამ მხრივ, საქმე გაცილებით უკეთაა კონკრეტულ უნივერსიტეტებში, მაგალითად, ილიას სახელმწიფო უნივერსიტეტი უზრუნველყოფს, რომ მაგისტრატურის პირველი საფეხურის სტუდენტებს ჰქონდეთ ხელშეწყობა იმისა, რომ გრანტირებულთა სიის გამოქვეყნებამდე, თანხის გადაუხდელად, ჩვეულებრივ დიაწყონ სასწავლო პროცესი, რათა ისინი, ვინც სამომავლოდ გრანტის მფლობელი გახდებიან, არ გახდნენ ვალდებული, მოიძიონ სახსრები სასწავლო სემესტრისთვის განკუთვნილი იმ თანხის გადასახდელად, რომელიც, წესით, მათ უკვე დაფინანსებული აქვთ.

აღსანიშნავია, რომ წელს მაგისტრანტთა დასაფინანსებლად, დაახლოებით. 2 მილიონი ლარია გამოყოფილი,  სახელმწიფოს მიერ გამოყოფილი მთელი საგრანტო თანხა, სხვადასხვა მიმართულების მიხედვით, შემდეგი პრინციპით გადანაწილდება:

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”