close
ეკოლოგია

ქარხანა, რომელიც ნახშირორჟანგს ქვად გარდაქმნის

ისლანდიაში ფუნქციონირებს უზარმაზარი ქარხანა, რომელიც სპეციალური დანადგარებით შთანთქავს ნახშირორჟანგს და ქვად გარდაქმნის. ქარხანას სახელად “Orca” ეწოდება, რაც ენერგიას ნიშნავს. ქარხნის მფლობელი კომპანიები აცხადებენ, რომ დანადგარები მაქსიმალური დატვირთვით მუშაობს და წელიწადში 4 ათას ტონა ნახშირორჟანგს (CO2) გარდაქმნის ქვად. თუ შეერთებული შტატების გარემოსდაცვით სააგენტოს დავუჯერებთ, ეს 870 მანქანის გამონაბოლქვს უდრის.
რაც შეეხება ფუნქციონირებას, ქარხანა ვენტილატორებს იყენებს. ჰაერის კოლექტორში მოქცევის შემდეგ იგი იფილტრება. გასაფილტრის CO2-ით ავსების შემდეგ, კოლექტორი იკეტება და ტემპერატურა იზრდება. CO2-ს წყალში ურევენ და ათასი მეტრის სიღრმეში ათავსებენ ახლომდებარე ბაზალტის ქანში. ამ ყველაფრის შემდეგ, CO2 მზადაა გასაქვავებლად.
ტექნოლოგიის მომხრეებს სჯერათ, რომ ნახშირორჟანგის ქვად გარდაქმნის პრაქტიკა კლიმატის კრიზისთან ბრძოლაში მნიშვნელოვან დახმარებას გაგვიწევს. კრიტიკოსები კი ვარაუდობენ, რომ ტექნოლოგიის სიძვირის გამო, ათწლეულები დასჭირდება, რომ სრული დატვირთვით იმუშაოს.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

გაზიარება:
fb-share-icon0

Leave a Response