close
ედიცინა

ინდოეთში მომაკვდინებელი Nipah ვირუსის სიმპტომები 11 ადამიანს გამოუვლინდა

723200E7-D6A2-4268-99C2-132247DCE1B3

მომაკვდინებელი ვირუსის Nipah-ის სიმპტომები ინდოეთის სამხრეთ-დასავლეთით, კერალას შტატში 11 ადამიანს გამოუვლინდა. ამ დროისათვის მათი ჯანმრთელობის მდგომარეობა სტაბილურია.

ინდოეთის მედიცინის მეცნიერებათა ინსტიტუტის პროფესორის აშუტოშ ბისვასის თქმით, ვირუსის მატარებლები ხილისმჭამელი ღამურები არიან.

რესპირატორულ სიმპტომებთან ერთად, ვირუსმა შეიძლება გამოიწვიოს ცხელება, კუნთების ტკივილი, თავის ტკივილი, თავბრუსხვევა და გულისრევა.

“ხილის ღამურები ცხოვრობენ კონკრეტულ გეოგრაფიულ არეალში. თუ ისინი დაფრინავენ სხვა ადგილებში, ბუნებრივია, ეს ვირუსი შეიძლება გავრცელდეს. ჩვენ არ ვფლობთ სპეციალურ მკურნალობის მეთოდებს ამ დაავადების მიმართ”, – თქვა მეცნიერმა.

მისივე განმარტებით, ვირუსი სწრაფად ვრცელდება ადამიანიდან ადამიანზე.

პროფესორმა დასძინა, რომ პრობლემა გლობალურია და ინდოეთის მახლობლად მდებარე რამდენიმე სხვა ქვეყანამ, მაგალითად ბანგლადეშმა უკვე განიცადა ვირუსის რამდენიმე აფეთქება.

Nipah ვირუსი

ნიპას ვირუსი ახლადაღმოჩენილი დაავადებაა, რომელიც თავისი ბუნებრივი მასპინძლიდან, ხილისმჭამელი ღამურიდან შესაძლოა გადავიდეს ცხოველებსა და ადამიანებზე. პირველად იგი 1998 წელს მალაიზიის ერთ-ერთ სოფელში, Sungai Nipah-ში გამოვინლინდა. ვირუსის ღორებს შორის აფეთქებამ დაახლოებით 300 ადამიანი დააინფიცირა და ერთი წლის განმავლობაში 100-ზე მეტი ადამიანი გარდაიცვალა.

ეპიდემიის გავრცელების აღსაკვეთად, მალაიზიაში მილიონობით ღორი მოკლეს, რამაც ქვეყენის ეკონომიკას კატასტროფული ზიანი მიაყენა.

ბოლოდროინდელმა ეპიდემიებმა აჩვენა, რომ ვირუსი ადამიანს შინაურ ცხოველებთან, როგორციაა ღორი და ძროხა, უშუალო კონტაქტით გადაედება. ის ასევე გადადის დაბინძურებული ხილის მოხმარებით. 2004 წელს ბანგლადეშში ვირუსის აფეთქება პალმის წვენმა გამოიწვია. როგორც აღმოჩნდა, ნაყოფი დაბინძურებული იყო ღამურის ნერწყვითა და შარდით.

ნიპას ვირუსით დაინფიცირებამ შეიძლება გამოიწვიოს ტვინის აგრესიული ანთება, რომელსაც ენცეფალიტი ეწოდება.

აშშ-ის დაავადებათა კონტროლის ცენტრის თანახმად, ინკუბაციის პერიოდი 5-დან 14 დღემდე გრძელდება. ინფექციის პირველი ნიშნები კი ჩნდება 3-დან 14 დღემდე პერიოდში.

პირველადი სიმპტომებია ცხელება, ღებინება, ძლიერი თავის ტკივილი, ზოგიერთ პაციენტს კი აღენიშნება მწვავე რესპირატორული სინდრომი. საწყის სიმპტომებს მოსდევს დეზორიენტაცია, ძილიანობა და გონების დაბინდვა. დაავადებამ შეიძლება ორი დღის განმავლობაში გამოიწვიოს კომა და გარდაცვალება.

ნიპას ვირუსის სიკვდილობის მაჩვენებელი 70%-ია. ვირუსის წინააღმდეგ ვაქცინა არ არსებობს.

ახალგაზრდა ანალიტიკოსთა და მეცნიერთა დარბაზი “დოქტრინა”

გაზიარება:
fb-share-icon0

მასალის გამოყენების პირობები

კომენტარი