close
მედიცინა

მეცნერები ამტკიცებენ, რომ კოცნა ჯანმრთელობისთვის სასარგებლოა

იცით თუ არა, რომ კოცნა სასარგებლოა ჯანმრთელობისთვის?

მეცნიერები ირწმუნებიან, რომ კოცნამ შესაძლოა ფიზიოლოგიური პროცესების მთელი სპექტრი გამოიწვიოს, რომელიც იმუნიტეტსა და თქვენსა და თქვენს პარტნიორს შორის კავშირს აუმჯობესებს.

და მაინც, რისთვისაა კარგი კოცნა?

  1. კოცნა კარგია კბილების სიჯანსაღისთვის

სტომატოლოგი ჰეიდი ჰოზოერი აცხადებს, რომ კოცნა ზრდის ნერწყვის ნაკადს, გამოდევნის საკვების ნაწილაკებს და ეს კი, თავის მხრივ, პირის, კბილებისა და ღრძილების სიჯანსაღის შენარჩუნებას უწყობს ხელს.

ნერწყვი ხელს უწყობს კბილებიდან ბაქტერიების ჩამორეცხვას და ამცირებს ნადებს.

ზოგიერთი ექსპერტი იმასაც კი აცხადებს, რომ ნერწყვში შემავალი მინერალური იონები ხელს უწყობს კბილის ემალზე მცირე დაზიანებების აღმოფხვრას.

 

  1. კოცნა იმუნურ სისტემას აუმჯობესებს

გარდა პირის ღრუს ჰიგიენისა ნერწყვი თქვენს იმუნურ სისტემას აუმჯობესებს. ადამიანის პირის ღრუში 700-ზე მეტი სახის ბაქტერიაა. კოცნის დროს პირის ღრუში სხვა ბაქტერიები ხვდება.

კვლევებმა აჩვენა, რომ ადამიანის ორგანიზმში ბაქტერიების მრავალფეროვნება კორელირებს უკეთეს ჯანმრთელობასთან  – განსაკუთრებით მაშინ, როდესაც საქმე ეხება ჩვენს მიკროფლორასა და მიკროფაუნას.

ჰოლადიელი მეცნიერების მიერ 2014 წელს ჩატარებულმა კვლევამ აჩვენა, რომ 10-წამიანი ფრანგული კოცნის დროს პარტნიორებს შორის 80 მილიონამდე ბაქტერიის გაცვლა ხდება.

პირის ღრუს მიკლოფლორის შესაცვლელად მხოლოდ ერთი კოცნა არაა საკმარისი, მკვლევარებმა აღმოაჩინეს, რომ წყვილებს, რომლებიც ხშირად და ხანგრძლივად კოცნიან, მსგავსი მიკლოფლორა აქვთ, რაც იმას ნიშნავს, რომ ისინი მსგავსი ინფექციების წინააღმდეგ საბრძოლველად და მსგავსი საკვების მოსანელებლად უკეთ მომზადებულები არიან.

 

  1. ამცირებს ნევროზს

კოცნა ამცირებს თავის ტვინში სტრესის ჰორმონის კორტიზოლის დონეს და ზრდის სეროტონინის დონეს – ეს არის ნივთიერება, რომელიც პასუხისმგებელია განწყობის ბალანსის შენარჩუნებაზე.

მეცნიერები ასევე აცხადებენ, რომ კოცნის შედეგად ხდება ოქსიტოცინის, ე.წ. სიყვარულის ჰორმონის გამომუშავება. ოქსიტოცინს ფსიქოლოგიური დამცავის როლის შესრულება შეუძლია და ადამიანებში სიმშვიდისა და დაცულობის გრძნობას იწვევს.

 

  1. ამცირებს ალერგიულ რეაქციებს

იაპონელმა ალერგოლოგმა – დოქტორ ჰაჯიმე კიმატამ, ნობელის პრემია მოიპოვა იმის აღმოჩენისთვის,  რომ 30-წუთიან კოცნას ალერგიული რეაქციების შემცირება შეუძლია. მან რბილი ატოპიური ეგზემითა და ალერგიული რინიტით დაავადებულ 24 პაციენტზე შესაბამისი კვლევა 2006 წელს ჩაატარა.

 

  1. კოცნა არტერიულ წნევას ამცირებს

იმის გამო, რომ ტუჩები სისხლძარღვებისგან შედგება, აფართოვებს რა სისხლძარღვებს, კოცნა იწვევს სისხლის წნევის შემცირებას.

„სისხლი მიემართება სახისკენ და შემდეგ სხეულის დანარჩენი ნაწილებისკენ. ამრიგად, გულზე დატვირთვა მცირდება და სისხლის წნევა მცირდება,“ – აცხადებს პლასტიკური ქირურგი -დოქტორი რაიან ნაინშტეინი.

როგორც ზემოთ ვახსენეთ, კოცნა ამცირებს კორტიზოლის დონეს, რაც არა მარტო ნევროზს, არამედ წნევასაც ამცირებს.

 

  1. კოცნა ხელს უშლის დაბერების პროცესს

იმის გამო რომ კოცნა სახეზე სისხლის ნაკადს ზრდის, ის კოლაგენების წარმოქმნას ასტიმულირებს, რომელიც ადამიანის ორგანიზმის მნიშვნელოვანი ცილაა.

„კოცნის პროცესში სახეც ერთვება, რაც სახის კანის ელასტიურობას ზრდის,“ – აცხადებს დოქტორი ნაინშტეინი.

„გინახავთ სახის იოგა ან  სახის სხვა ვარჯიში? იოგები,  დერმატოლოგები და ესთეტიკური მედიცინის ექიმები ქალბატონებს სახის ვარჯიშების გაკეთებას ურჩევენ, რაც კოლაგენებს ასტიმულირებს და სახის ლიფტინგის საჭიროებას ამცირებს,“ –  აღნიშნავს დოქტორი ნაინშტეინი.

 

  1. კოცნა კალორიებს წვავს

მეცნიერები აცხადებენ, რომ კოცნის დროს ადამიანი 30 კუნთს იყენებს.

მათი მტკიცებით, რაც უფრო ვნებიანია კოცნა, მით მეტი კალორიის დაწვას იწვევს. მკვლევარები აცხადებენ, რომ კოცნის დროს ადამიანი წუთში ორიდან ექვს კალორიამდე წვავს, ვნებიანი კოცნის დროს კი – 26 კალორიას.

 

წყარო: Dailymail

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

გაზიარება:
fb-share-icon0
Tags : slid

Leave a Response