კატეგორიის გარეშე

საქართველოში გაცემულ დიპლომებს და მინიჭებულ კვალიფიკაციებს ევროპაში აღიარებენ.

განათლების, მეცნიერების, კულტურისა და სპორტის სამინისტროს ცნობით, ევროპის ხარისხის უზრუნველყოფის სააგენტოების ასოციაციის (ENQA) პრეზიდიუმის გადაწყვეტილებით, საქართველოს განათლების ხარისხის განვითარების ეროვნული ცენტრი წევრი ხდება. მათივე ინფორმაციით, ENQA-ში განათლების ხარისხის განვითარების ეროვნული ცენტრის გაწევრიანება მნიშვნელოვნად შეუწყობს ხელს:

საქართველოში მინიჭებული კვალიფიკაციებისა და გაცემული დიპლომების სრულად და ავტომატურად აღიარებას ევროპაში; საქართველოში მოქმედი უნივერსიტეტების შეფასების სისტემისადმი სანდოობის მაღალ დონეს; უნივერსიტეტების საერთაშორისო პარტნიორობის გაძლიერებას ევროპულ უნივერსიტეტებსა და სამეცნიერო ინსტიტუტებთან; სტუდენტებისა და პროფესორ-მასწავლებლების საერთაშორისო მობილობის ხელშეწყობას; ცენტრის რეგისტრირებას უმაღლესი განათლების ხარისხის უზრუნველყოფის სააგენტოების ევროპულ რეესტრში (EQAR).

განათლების უწყების ინფორმაციით, საქართველოსა და ევროკავშირს შორის გაფორმებული ასოცირების შეთანხმებით, ქვეყანამ იკისრა ვალდებულება, რომ საქართველოს უმაღლესი განათლების სისტემა ეტაპობრივად დაუახლოვდეს „ევროპის უმაღლესი განათლების სივრცეს“. მათივე ცნობით, ამ მიმართულებით განსაკუთრებით მნიშვნელოვანი იყო საქართველოში უმაღლესი განათლების ხარისხის განვითარების ევროპული მექანიზმებისა და სტანდარტების დანერგვა. ეს ამოცანა უკვე შესრულდა და საქართველოში დღეს მოქმედებს „ევროპული უმაღლესი განათლების სივრცის ხარისხის უზრუნველყოფის სტანდარტებსა და სახელმძღვანელო პრინციპებთან“ (ESG-2015) ჰარმონიზებული ავტორიზაციისა და აკრედიტაციის სტანდარტები და პროცედურები.

როგორც განათლების უწყებაში აცხადებენ, განახლებული სტანდარტები და პროცედურები უზრუნველყოფს საგანმანათლებლო დაწესებულებებისა და პროგრამების კომპლექსურ და სიღრმისეულ შეფასებას, დაინტერესებული მხარეების მაქსიმალურ ჩართულობას, უწყვეტ განვითარებას, ანგარიშვალდებულებასა და გამჭვირვალობას.

განათლების სამინისტროს ინფორმაციით, ევროპის ხარისხის უზრუნველყოფის სააგენტოების ასოციაციის (ENQA) პრეზიდიუმმა საქართველოს განათლების ხარისხის განვითარების ეროვნული ცენტრის წევრობის შესახებ გადაწყვეტილება 25 აპრილს, ესტონეთში, ტალინში გამართულ რიგით მე-9 ყოველწლიურ ფორუმზე მიიღო. დარჩენილია მხოლოდ ტექნიკური პროცედურები და საქართველო ევროპის ხარისხის უზრუნველყოფის სააგენტოების ასოციაციის (ENQA) წევრი ოფიციალურად მიმდინარე წლის შემოდგომიდან, ასამბლეის სხდომის შემდეგ გახდება.

არგენტინის ჩრდილო-დასავლეთში მდებარე ისჩიგუალასტოს პარკში დინოზავრის ჩონჩხი აღმოაჩინეს, რომელიც სავარაუდოდ 220 მილიონი წლისაა. ამის შესახებ გამოცემა PHYS-ი წერს.

ადგილზე, სადაც ნეშტის ფრაგმენტები იპოვეს, სავარაუდოდ წყარო იყო, სადაც რეპტილიები წყლის დასალევად ჩადიოდნენ.

მეცნიერები ვარაუდობენ, რომ ნეშტი დიცინოდონტის სახეობის დინოზავრს ეკუთვნის, რომელიც გიგანტური ძუძუმწოვრების წინაპრად ითვლება.

ბრიტანეთის ორ რეგიონში პოლიცია სპეციალური დეტექტორების საშუალებით იმ მძღოლებს აღმოაჩენს, რომლებიც საჭესთან მობილურ ტელეფონზე საუბრობენ ან მესიჯობენ. 

სპეციალური ნიშანი მძღოლს გააფრთხილოს მობილური ტელეფონის გამოყენება შეწყვიტოს – თუმცა მოწყობილობას არ შეუძლია მძღოლისა და მგზავრის გარჩევა, ასე რომ, ის ორივე შემთხვევაში ერთნაირად რეაგირებს.

ტემზ ველისა და ჰემფშირის პოლიციებმა ტექნოლოგია კომპანია Westcotec-ის დახმარებით განავითარეს.

დეტექტორი იჭერს 2G, 3G და 4G სიგნალებს და შემდეგ იმ ადამიანებს, რომლებიც ავტომობილებში მობილურ ტელეფონს იყენებენ, სპეციალურ გაფრთხილებას აძლევს. იმ შემთხვევაში, თუ ისინი ბლუთუზს იყენებენ, ამას დეტექტორი აფიქსირებს და შეტყობინებას აღარ აგზავნის.  დეტექტორის ღირებულება 6,000 გირვანქა სტერლინგია.

აღსანიშნავია, რომ მძღოლებს ამ რეგიონებში საჭესთან ყოფნის დროს მობილური ტელეფონისსარგებლობისთვის 200 გირვანქა სტერლინგით აჯარიმებენ.

ერთ-ერთი კვლევის თანახმად, ავარიის რისკი ოთხჯერ მეტია იმ შემთხვევაში, როცა მძღოლი საჭესთან ყოფნის დროს მობილური ტელეფონისსარგებლობს, ხოლო ალბათობა იმისა, რომ მძღოლი, რომელიც მანქანის მართვისას მესიჯობს, ავტოავარიას გამოიწვევს ორჯერ დიდია ვიდრე იმ შემთხვევაში, როცა მძღოლი ალკოჰოლის ზეგავლენის ქვეშაა.

სოციალურმა ქსელმა Instagram-მა შესაძლოა ქსელში გამოქვეყნებულ ფოტოებზე მოწონებების რაოდენობა აღარ აჩვენოს. ამის შესახებ გამოცემა TechChurch-ი წერს.

გამოცემის ცნობით, ახალი დიზაინი, რომელშიც მოწონებების რიცხვი არ ჩანს, საცდელ რეჟიმში მხოლოდ რამდენიმე ადამიანს აქვს ჩართული. მათ შორისაა ინჟინერ სპეციალისტი ჯეინ ვონგი, რომელმაც საცდელი ინტერფეისის ფოტოები Twitter-ზე გაავრცელა.View image on Twitter

Jane Manchun Wong@wongmjane

Instagram is testing hiding like count from audiences,

as stated in the app: “We want your followers to focus on what you share, not how many likes your posts get”4,24812:13 AM – Apr 19, 20192,601 people are talking about thisTwitter Ads info and privacy

როგორც Instagram-ის წარმომადგენელმა Techchurch-თან განაცხადა, კომპანია თავისი მომხმარებლებისთვის წნეხის შესამცირებლად ახალი გზების გამონახვას ცდილობს. “ჩვენ გვინდა, რომ თქვენმა მიმდევრებმა ყურადღება გაამახვილონ იმაზე, თუ რას აზიარებთ და არა იმაზე, თუ რამდენ მოწონებას აგროვებს თქვენი ფოტო”, – აცხადებს კომპანიის წარმომადგენელი.

გამოცემის ცნობით, მოწონებების რაოდენობის დამალვამ შესაძლოა მომხმარებელთა ფსიქოლოგიურ მდგომარეობაზე დადებითად იმოქმედოს, რადგან ამ შემთხვევაში ისინი ერთმანეთის პოსტებზე მოწონებების რაოდენობას აღარ შეადარებენ და ამან შესაძლოა მათ ისეთი მასალის გამოქვეყნებისკენაც უბიძგოს, რომელიც ბევრი მოწონების დაგროვებაზე არ იქნება ორიენტირებული.

ავსტრიის რეპტილიების ზოოპარკში ბინადარი ორი კუ ერთმანეთს 100 წლის შემდეგ დაშორდა. BBC-ის ცნობით, ცნობილი კუები 300 კილოგრამს იწონიან და მათი ასაკი, სავარაუდოდ, 120-დან 140-წლამდე მერყეობს. 

ზოოპარკის დირექტორის, ჰელგა ჰაპის თქმით, დედალი კუ, სახელად ბიბი და მამალი კუ პოლდი გალაპაგოსის კუნძულებიდან ავსტრიაში 1976 წელს ჩაიყვანეს. 

ჰელგა ჰაპი, რომელიც კუებს 30 წელია უვლის, ამბობს, რომ კუები წლების განმავლობაში ერთად უპრობლემოდ ცხოვრობდნენ, არ ჩხუბობდნენ და ერთმანეთს არ სცილდებოდნენ, თუმცა 100-წლიანი თანაცხოვრების შემდეგ მათი ურთიერთობა დაიძაბა. 

“ერთ დღეს ბიბიმ პოლდის უკბინა და თავს დაესხა ისე, რომ კუს სისხლი წამოუვიდა და ვეტერინარი გახდა საჭირო. არ ვიცი რა მოხდა, ვიფიქრებდი, რომ პოლდი სხვა დედალი კუთი დაინტერესდა, მაგრამ აქ სხვა კუ არ გვყავს. შეიძლება ბიბიმ იფიქრა, რომ უკვე ძალიან დიდია, მას პოლდისთან ერთად 100 წელი აქვს გატარებული, რთულია ამდენი ხნის განმავლობაში მხოლოდ ერთ პარტნიორთან იყო”, – აცხადებს ჰაპი.

ზოოპარკის დირექტორის თმით, კუების შესარიგებლად ადმინისტრაციამ ყველაფერი სცადა – ბიბისთვის მესამე (სათამაშო) კუ მიიყვანეს, რათა თავისი აგრესია მასზე გადაეტანა. კუები ერთმანეთსაც დააშორეს და მხოლოდ ჭამის დროს მიუშვეს ერთმანეთთან, რადგან ბიბის ძალიან უყვას ჭამა და იფიქრეს, რომ ისევ შეუყვარდებოდა პოლდი. ზოოპარკის ძველ ბინადრებს ფსიქოთერაპიაც ჩაუტარეს, თუმცა არაფერმა გაამართლა. 

“მათი დაშორება სამწუხარო იყო, მაგრამ ამავე დროს ზოოპარკისთვის ფინანსურ გამოწვევადაც იქცა. საჭირო იყო ცალკე ვოლიერის აშენება, რაც ძვირი ჯდება”, – აღნიშნავს ავსტრიის რეპტილიების ზოოპარკის დირექტორი. 

დღესდღეობით კუების ვოლიერებს შორის მინის კედელია, რომელშიც საჰაერო ხვრელებია მოწყობილი, რათა ერთმანეთის სუნი იყნოსონ, იმ იმედით, რომ კუები ოდესღაც შერიგდებიან. 

პარიზის ღვთისმშობლის საკათედრო ტაძარი, მსოფლიოში ერთ-ერთი ყველაზე ცნობილი ნაგებობაა, ის ასევე ცნობილია როგორც notre dame.

ტაძარი კუნძულ სიტეზეა აღმართული, რომელსაც პარიზის შუაგულში მდინარე სენას ორი ტოტი ქმნის.

ტაძრის მშენებლობას საფუძველი 1163 წელს ჩაეყარა, მშენებლობა პატრონიკეთი დაიწყო და 1182 წელს დასრულდა, მთავარი კორპუსი კი – 1196 წელს აშენდა. ტაძრის ცალკეული ნაწილების მშენებლობა XIII საუკუნის შუა წლებამდე გრძელდებოდა. ძეგლი მრავალჯერ გადაკეთდა. მისი განახლება XIX საუკუნის შუა წლებშიც კი განხორციელდა.

ტაძარს 130 მეტრი სიგრძე, 50 მეტრი სიგანე და 34 მეტრი სიმაღლე აქვს. იგი ხუთნავიანი კათედრალური ტაძარია. ნოტრ-დამი უნიკალური არქიტექტურით გამოირჩევა,ის პირველი შენობა იყო მსოფლიოში, სადაც არკ-ბუტანტები, ე. წ. მფრინავი საყრდენები გამოიყენეს გუმბათების გასამაგრებლად.

გარდა ამისა, ეს დიადი ქმნილება თვალს აჯადოებს თავისი ურიცხვი ქანდაკებებით, ნაძერწი და ჭედური ჩუქურთმიანი დეტალებით.

პარიზის ღვთისმშობლის ტაძარი, ასევე ცნობილია, თავისი უნიკალური ექსპონატებით როგორიცაა: იესო ქრისტეს ეკლის გვირგვინი და ჯვრის ნაწილები, რომელზეც გოლგოთას მთაზე მაცხოვარი გააკრეს.

ექსპონატები ბიზანტიის იმპერიიდან, მეფე ლუი IX, 1283 წელს წამოიღო.

წყარო : primetime.ge

13-14 აპრილს ეროვნული ბიბლიოთეკის მოძრაობა ეკვილიბრიუმი ზუგდიდის მუნიციპალიტეტს ეწვია. სოფელ კოკის სკოლას წიგნები გადაეცა, ხოლო წისქვილში სამკითხველო მოეწყო. სამკითხველოები მოეწყო ასევე სოფელ რუხისა და სოფელ ზედა ეწერის წისქვილებში.

“გილოცავთ ქართული ენის დღეს!

ხშირად წავაწყდები ხოლმე სოციალურ ქსელში, მსოფლიოს სხვა ქალაქებიდან სკვერის სამკითხველოების სურათებს და დანანებით ნათქვამსაც, ნეტავ ჩვენს ქალაქებშიც იყოსო, არადა უკვე ათ ქალაქში და ათ სოფელში დავდგით ულამაზესი, ვფიქრობ, რომ მსოფლიოში საუკეთესო წიგნის მცირე ბიბლიოთეკები. ყველგან იმ სივრცის კონტექსტის მიხედვით ვაკეთებთ. ოსტატი ჩვენი თანამშრომელი თენგო მოდუა. დღეს ზუგდიდში დაპირებული ოდა-ბიბლიოთეკა მოვაწყვეთ – წაიღეთ წიგნები და დააბრუნეთ ან იქვე წაიკითხეთ. გუშინ კიდევ, ჯერ კოკის სკოლაში ჩავიტანეთ წიგნები, მერე კი კოკის, რუხის და ზემო ეწერის წისქვილებში სამკითხველოები მოვაწყვეთ.

საერთოდ კი, მადლობა სამეგრელოს ამ დაუმსახურებელი სიყვარულისთვის”, – განაცხადა გიორგი კეკელიძემ.

პარიზის ცენტრში მდებარე ღვთისმშობლის ტაძარში ხანძარი გაჩნდა. ინფორმაციას BBC ავრცელებს.

ხანძრის გაჩენის მიზეზი უცნობია, თუმცა მედიის ცნობით, ის შესაძლოა სარემონტო სამუშაოებს უკავშირდებოდეს.

საფრანგეთში საქართველოს დიპლომატიური უწყება საფრანგეთში მცხოვრებ ან ტურისტული მიზნით მყოფ საქართველოს მოქალაქეთა საყურადღებოდ განცხადებას ავრცელებს.

საელჩოს მიერ გავრცელებულ განცხადებაში ვკითხულობთ, რომ საფრანგეთში საქართველოს დიპლომატიური წარმომადგენლობა მოქალაქეებს სთხოვს ტაძრის მიმდებარე ტერიტორიას მოერიდონ და საჭიროების შემთხვევაში საელჩოს ცხელ ხაზს ნომერზე +33783318689 დაუკავშირდნენ.

შემთხვევის ადგილზე მეხანძრეები მუშაობენ. დაშავებულების შესახებ ინფორმაცია არ ვრცელდება.

სტუმრად მისულებს ალექსანდრე ჯაჭვაძე მაგიდასთან დაგვხვდა, სამი ანბანი ჰქონდა გაშლილი: ქართული, ინგლისური და რუსული. სიტყვებს აწყობდა. ეს მისი ერთ-ერთი საყვარელი საქმიანობაა. ფოტოების გადასაღებად სათამაშოების ყუთიდან საყვარელი მანქანა ამოიღო და ისე პოზირებდა, შემდეგ ისევ მაგიდასთან დაჯდა. სახატავ პალიტრაზე ფერების ჩამოთვლა ვთხოვე, რაც ალბათ არც კი უნდა “მეკადრებინა”, რადგან ეს მისთვის ყველაზე ადვილი დავალებაა, “ის ხომ 7 ენაზე კითხულობს და საუბრობს! არ ვიცი, რა შეიძლება ვუწოდო იმ ფაქტს, როცა 5 წლის ბავშვი 7 ენას ფლობს. ალბათ ფენომენალური ნიჭი, ეს მართლაც საოცრებაა.

ეკო სანებლიძე (ალექსანდრეს დედა):
– ალექსანდრე 29 ივლისს 4 წლის გახდა. როგორც ყველა დღევანდელი ბავშვი, თავდაპირველად ისიც ტელეფონში “იუთუბზე” ვიდეოების ყურებით იყო გატაცებული. ლაპარაკი გვიან დაიწყო და პირველი რაც თქვა, ინგლისური ანბანი იყო. ამის შემდეგ “დავიწყეთ” რუსულად ლაპარაკი და ამას მოჰყვა ქართული. ჯერ ანბანს ამბობდა, მერე სიტყვების აწყობა დაიწყო კლავიატურაზე, მერე ერთი სიტყვა მეორეს მიაბა, მესამე, მეოთხე და წინადადება დაალაგა. ნელ-ნელა გადავიდა წიგნის კითხვაზე.
ამ სამ ენას მოჰყვა სხვებიც და ნელ-ნელა აღმოვაჩენთ ხოლმე, რომ უკვე კიდევ ერთი ენა იცის. ახლა მეშვიდეს სწავლობს. ყველაფერს თავად ეძებს ინტერნეტის მეშვეობით.
– დღეს უკვე რამდენი ენა იცის?
– ქართული, ინგლისური, რუსული, ესპანური, უკრაინული, ხოლო ბერძნულსა და არაბულს ახლა სწავლობს საფუძვლიანად.
– ალბათ ყველა დაინტერესდება, სიტყვები იცის, თუ უცხო ენებზე წინადადებების “დალაგება” შეუძლია?
– ქართულად, რუსულად, უკრაინულად და ესპანურად ჩვეულებრივად, გამართულად საუბრობს. ჩემი მეგობრის მეუღლემ კარგად იცის ესპანური, ზაფხულში ოჯახები ერთად ვისვენებდით და ალექსანდრე მასთან ესპანურად გამართულად საუბრობდა. ვერ ვიტყვი, რამდენად კარგად ფლობს ბერძნულს, რადგან ირგვლივ არავინ გვყავს, ვინც ეს ენა იცის. თუმცა, გარკვეულ დონეზე ბერძნული მამაჩემს ესმის და აქედან გამომდინარე, ვიცით, რომ ის ფრაზები, რასაც ალექსანდრე ბერძნულად ამბობს, სწორია. რაც შეეხება არაბულს, მოგეხსენებათ, დღეს თბილისში ბევრი შესაძლებლობაა, რომ გავიგოთ, რამდენად კარგად ფლობს ალექსანდრე ამ ენას. არაბი მეზობლებიც გვყავს, მოპირდაპირე მხარეს ცხოვრობენ და კომუნიკაცია სულ გვიწევს. მათ გადასარევად ეკონტაქტება და შეიძლება ითქვას, მისი სახით ჩვეულებრივი თარჯიმანი მყავს (იღიმის).
– როგორც წესი, ამბობენ, რომ ბავშვი პირველ რიგში მშობლიურ ენას უნდა დაეუფლოს და არ არის სასურველი სკოლამდელი ასაკის ბავშვს სხვა ენებიც ვასწავლოთ…
– დიახ, მეც ასე ვფიქრობ. ამას წინათ თანამშრომელმა მკითხა, ბავშვს ამდენ ენას რატომ ასწავლიო? კომპლიმენტად მივიღე, რადგან როგორც ჩანს “მეტყობა” რომ ამდენი ენა ვიცი. სინამდვილეში ფიზიკურად ეს შეუძლებელია, რადგან ეს ენები მეც არ ვიცი, არც ვინმემ ჩემ გარშემო და თან იმ დონეზე, რომ ბავშვს ვასწავლოთ.
– თუ გყოლიათ ფსიქოლოგთან, რომელიც შეაფასებდა, რა ჰქვია ამ მდგომარეობას და მიდრეკილებას ენებისადმი?
– დიახ. 2 წლის ასაკში ექიმმა გვითხრა, რომ შეიძლებოდა ყოფილიყო ფარული აუტიზმი.
– ამ დროს ალექსანდრე უკვე საუბრობდა?
– დიახ. აუტიზმის ბევრი ნიშანი ჰქონდა, მაგრამ დადგენა ჭირდა, რადგან პატარა იყო. ბავშვთა ნევროპათოლოგმა გვითხრა, რომ უმჯობესი იყო, გამოკვლევები გადაგვედო. 3 წლის რომ გახდა, ექიმთან კიდევ მივედით, ყველანაირი ტესტი ჩავიტარეთ, რომლის შედეგადაც აღმოჩნდა, რომ აუტიზმის ნიშანი არ გვაქვს. როგორც სპეციალისტმა გვითხრა, უბრალოდ ნიჭიერი ბავშვია და აქვს ასეთი ინტერესი.
– საინტერესოა, ენების სწავლისას რა თემებით ინტერესდება განსაკუთრებულად?
– ცხოველები და ფრინველები ძალიან უყვარს, ასევე ინფორმაცია პლანეტებზე. რაც კი “იუთუბზე” მოიძებნება, ყველანაირ ინფორმაციას ფლობს. როგორც ვაკვირდები, მათემატიკა დიდად არ მოსწონს. რაღაცას რომ მეკითხება და ვუხსნი, მაქსიმუმ ორჯერ მჭირდება ხოლმე გამეორება. ეტყობა მეც ვერ განვმარტავ მისთვის გასაგებ ენაზე, რადგან არ მაქვს ამის გამოცდილება. მიმატება, გამოკლება, გამრავლება ვისწავლეთ, მაგრამ ვერაფრით მიხვდა, გაყოფა რა იყო. დაახლოებით ათი მცდელობის მერე, ბოლოს მიხვდა პრინციპს – გამრავლება, ოღონდ პირიქითო (იღიმის).
– თქვენ და თქვენი მეუღლე რა პროფესიის ბრძანდებით?
– ხელოვნებათმცოდნე ვარ, ხოლო ჩემი მეუღლე პოლიციელია.
– ორი შვილი გყავთ. ელენეს თუ აქვს ალექსანდრეს მსგავსი მიდრეკილებები?
– ელენე 1 წლის და 10 თვისაა. ვფიქრობ, სრულიად ჩვეულებრივი ბავშვია. ქართულად და ინგლისურად კითხვა მანაც იცის. ალბათ ალექსანდრეს ზეგავლენის ქვეშაა და ისწავლა. ეს ჩემთვის უკვე იმდენად ჩვეულებრივი ამბავია, ვფიქრობ, რომ განსაკუთრებული არაფერი ხდება.
– როგორ ნაწილდება ალექსანდრეს დღე? ბაღში არ დადის, ხომ?
– ბაღში არ დადის. არ მოსწონს. ყოველი წლის დასაწყისში ვწვალობთ მე და მასწავლებლები. წელს საზაფხულო ბაღიც ვცადე, მაგრამ აზრი არა აქვს. თუ დავტოვებ, ტირის. მეც თუ ვარ იქვე, ჩერდება, ბავშვებთან თამაშობს, მაგრამ მერე ერთი საათის, საათნახევრის მერე მეუბნება, წავიდეთ, დავიღალეო. დღე იწყება თამაშით. მისი ინტერესის ერთ-ერთი სფერო მატარებლებია და აუცილებლად მატარებლებით უნდა ითამაშოს. უჭმელია და ჭამის პერიოდში კომპიუტერს ვრთავთ, იქნებ ასე მაინც ჭამოს, მაგრამ იშვიათად ამართლებს. ამის შემდეგ იწყებს თამაშს, კითხულობს და ა.შ. საღამოს ელენეს ზღაპრებს უკითხავს. რაც ალექსანდრემ ქართულად გამართულად კითხვა ისწავლა, დავისვენე (იღიმის). დაუჯდება ელენეს, უკითხავს და არიან ორივე მშვიდად. ბევრს კითხულობენ, მაგრამ ახლა ახალი ნაყიდი გვაქვს “პრინცი ბაყაყი” და მასზე არიან ჩაციკლულები.
– ალექსანდრე თქვენზეა მიჩვეული?
– კონკრეტულად ერთ ადამიანზე დამოკიდებული არ არის. ყველა ვმუშაობთ, სახლიდან გასული ვართ და ხან ვისთან უწევს ყოფნა და ხან ვისთან.
– როგორც ჩანს კონტაქტურია, არ იცის მორცხვობა…
– დიახ. თავიდან არ იყო კონტაქტური, დაახლოებით 2 წლამდე ასე გრძელდებოდა და ერთ-ერთი მიზეზიც ეს იყო, ექიმთან მიყვანა რომ გადავწყვიტეთ. ახლანდელი თაობა განსხვავებულია, ინდივიდუალური. ყველა თავის სამყაროში ცხოვრობს.
– უყვარს ცირკი, ზოოპარკი, გასართობი ცენტრები?
– ძალიან უყვარს ზოოპარკი. იქ მის ერთ-ერთ ნათლია შოთა ზანდუკელთან ერთად დავდივართ და სანამ არ დაიკეტება და ცხოველები არ დაიძინებენ, მანამდე ზოოპარკში ვართ ხოლმე. შოთას შინ გველები, ნიანგი, ძაღლები ჰყავს და ალექსანდრეს იქ მისვლა განსაკუთრებით სიამოვნებს. რაც შეეხება გასართობ ცენტრებს, ალექსანდრეს არ უყვარს ხმაური, თუმცა, უყვარს ბატუტები, ბურთები. ალექსანდრეს ოთხი ნათლია ჰყავს და თითოეული “იბრალებს”, რომ მან დაანათლა ბავშვს ეს ნიჭი. ძალიან ამაყობენ (იღიმის).
– უკვე გიფიქრიათ, სად შეიყვანთ – კერძო თუ საჯარო სკოლაში?
– ბავშვები ერთმანეთის მიყოლებით გაჩნდნენ. ალექსანდრე მეორე კლასში რომ გადავა, იმ წელს შევა ელენე სკოლაში. ორი ბავშვის კერძო სკოლაში ტარება შეიძლება გამიჭირდეს, ვნახოთ, იმ დროს ფინანსურად როგორ ვიქნებით.
– ამას იმიტომ გეკითხებით, რომ ვფიქრობ, რამდენად მოახდენს თავის ცოდნის წყალობით თანატოლებთან ადაპტირებას, რადგან უმეტეს შემთხვევაში, პირველ კლასელებმა წერა-კითხვა არ იციან და ის უკვე 7 ენას ფლობს.
– არ ვიცი (იღიმის). ალექსანდრეს აქვს თანატოლებთან კონტაქტი და ფანტასტიკურად გამოსდის მათთან ურთიერთობა, მაგრამ სკოლაში რა იქნება, ვერ გეტყვით.
– პატარა დაიკოზე ეჭვიანობს?
– თავიდან “მეორედ მოსვლა” გვქონდა. არ აღიარებდა. ტირილით რომ გამსკდარიყო, ალექსანდრეს რეაქცია არ ჰქონდა, თითქოს არც ესმოდა. გაზაფხულზე ბავშვები ეზოში მყავდა ჩაყვანილი. ვიღაც ბიჭი მოვიდა და ელენეზე იკითხა, რა ჰქვიაო? ალექსანდრემ ის მხრით გასწია და უთხრა, – ეს ელენეა, ჩემი და, გაიწიეო. მას შემდეგ არ აძლევს უფლებას სხვა ბავშვებს, ელენეს გამოელაპარაკონ. ასე ეფერება: “ჩემო ანგელოზო, რა ლამაზი ხარ”… ეს სიტყვები პირველად რომ უთხრა, ბევრი ვიტირე (იღიმის).

წყარო: kvirispalitra.ge