გერმანიაში ახალი ტიპის კორონავირუსი ჩრდილოეთ რაინ-ვესტფალიის მიწაზე, ერთ-ერთ ბაღში ოთხ ბავშვს დაუდგინდა. ამის შესახებ „დოიჩე ველე“ წერს.
მედიის ცნობით, ყველა ინფიცირებულ მცირეწლოვანს ვირუსი მსუბუქ ფორმებში აქვს და მათი მდგომარეობა სტაბილურია.
„დოიჩე ველეს“ ცნობით, აღნიშნულ ბაღში სულ 114 ბავშვი ირიცხება. 100 მათგანს კორონავირუსზე ტესტი უკვე ჩაუტარეს.
გერმანიაში ახალი კორონავირუსით საერთო ჯამში 79 ადამიანია დაინფიცირებული.
ახალგაზრდა ანალიტიკოსთა და მეცნიერთა დარბაზი ,,დოქტრინა“
იტალიაში კორონავირუსის აფეთება უფრო მასშტაბური ხდება. ამის შესახებ BBC წერს.
გამოცემის ინფორმაციით, ვირუსით უკვე 4 ბავშვი დაავადდა. ამას ქვეყნის ხელისუფლებაში ადასტურებენ. დაღუპულია 12 ადამიანი. ყველა მათგანი ასაკოვანი იყო ან ჯანმრთელობასთან პრობლემები ჰქონდათ.
ლომბარდიისა და ვენეტოს რეგიონებში გაუქმდა სასწავლო პროცესი, გადაიდო ყველა სპორტული ღონისძიება, მათ შორის ფეხბურთში იტალიის ჩემპიონატის სამი მატჩი.
ახალგაზრდა ანალიტიკოსთა და მეცნიერთა დარბაზი ,,დოქტრინა“
საფრანგეთს ჯანდაცვის მინისტრის ოლივიე ვერანის განცხადებით, ყველა პაციენტი, რომელსაც საფრანგეთში კორონავირუსის დიაგნოზი დაუსვეს, განიკურნა.
ჯანმრთელობის მსოფლიო ორგანიზაციის მონაცემებით, საფრანგეთში კორონავირუსით 12 ადამიანი დაინფიცირდა, ერთი მათგანი გარდაიცვალა.
“საფრანგეთში დაავადების შემთხვევები აღარ არის… ვირუსი აღარ ვრცელდება. ბოლო პაციენტი, რომელიც ლიონში საავადმყოფოში გადაიყვანეს, განიკურნა. ის აღარ არის გადამდები. ამიტომ შეძლო შინ დაბრუნება”, – თქვა ვერანმა.
კორონავირუსით დაინფიცირების შემთხვევების უმრავლესობა ჩინეთში ფიქსირდება, რომელიც ინფექციის ძირითადი წყაროა.
ამ დროისთვის, ჩინეთში 77 000 ადამიანია დაინფიცირებული, ხოლო 2600-ზე მეტი გარდაიცვალა.
აღსანიშნავია, რომ ჩინეთში ახალი შემთხვევების რიცხვი მცირდება.
ჩინეთის საზღვრებს მიღმა კორონავირუსით დაინფიცირების 1200-ზე მეტი შემთხვევა დაფიქსირდა 30 სხვადასხვა ქვეყანაში.
დღეის მდგომარეობით, იტალიამ 3 ადამიანის გარდაცვალება დაადასტურა.
24 თებერვლის მონაცემებით, კორონავირუსის პირველი შემთხვევები დააფიქსირეს ერაყში, ავღანეთში, ქუვეითში, ომანსა და ბაჰრეინში.
ახალგაზრდა ანალიტიკოსთა და მეცნიერთა დარბაზი ,,დოქტრინა“
„გადავარჩინოთ ბავშვები“ – მსოფლიოში ყოველი მეექვსე ბავშვი კონფლიქტის ზონაში ცხოვრობს, ბოლო 15 წლის მანძილზე მოკლული ან დასახიჩრებულია 95,000 ბავშვი
2018 წლის მონაცემებით, მსოფლიოში 415 მილიონი, ანუ ყოველი მეექვსე ბავშვი, კონფლიქტის ზონაში ცხოვრობდა, რაც 1995 წლის მაჩვენებელთან შედარებით ორჯერ მეტია, 2010 წელთან შედარებით კი 34 პროცენტითაა გაზრდილი, – ამის შესახებ ორგანიზაცია „გადავარჩინოთ ბავშვების“ ანგარიშშია ნათქვამი.
ორგანიზაციის ინფორმაციით, 2005 წლიდან მოყოლებული სულ მცირე 95 ათასი ბავშვი მოკლეს ან დაასახიჩრეს, ათობით ათასი ბავშვი გაიტაცეს, მილიონობით ბავშვს კი განათლებასა და ჯანდაცვის სერვისებზე წვდომა შეეზღუდა.
კვლევაში – „შეწყვიტეთ ომი ბავშვებზე“- ასევე აღნიშნულია, რომ ბავშვების უფლებების დარღვევის ფაქტები 2010 წლიდან 170 პროცენტითაა გაზრდილი. ეს ფაქტები მოიცავს ბავშვების მკვლელობებს, დასახიჩრებებს, გატაცებებს, შეიარაღებული ძალების მიერ რეკრუტირებას, სკოლების საავადმყოფოებზე თავდასხმების განხორციელებას, გაუპატიურებებს და სექსუალური ძალადობის სხვა ფორმებს.
კვლევის მიხედვით, გოგონები და ბიჭები სხვადასხვა გამოწვევების წინაშე დგანან. მაშინ როცა ბიჭებს იტაცებენ სამხედრო დაჯგუფებში მათი გაწევრიანების მიზნით, გოგონები ხშირად სექსუალური და სხვა გენდერით განპირობებული ძალადობის მსხვერპლები ხდებიან.
ავღანელმა ბიჭმა ორგანიზაციის წარმომადგენლებს უთხრა, რომ ის ყოველ დღე გატაცებისა და სიკვდილის შიშით დადის სკოლაში.
„სკოლისკენ მიმავალ გზაზე მეშინია, თვითმკვლელების თავდასხმის, გატაცების და იმის, რომ ვინმე მომკლავს,“- აღნიშნა 10 წლის ჰემატმა.
15 წლის ერაყელმა გოგომ კი, რომელსაც 2 წლის შვილი ჰყავს, ორგანიზაციას უამბო, რომ ის, დედასთან და დებთან ერთად, გაიტაცეს, ტყვეობაში ჰყავდათ და სამჯერ გაყიდეს ადამიანებზე, რომლებიც მას სცემდნენ და სექსუალურად ძალადობდნენ, შემდეგ კი „ისლამური სახელმწიფოს“ მებრძოლს მიათხოვეს.
ორგანიზაცია „გადავარჩინოთ ბავშვები“ აცხადებს, რომ ბავშვების სიცოცხლის განადგურება გაგრძელდება, ვიდრე ყველა მთავრობა და მონაწილე მხარე არ დაიცავს საერთაშორისო ნორმებსა და სტანდარტებს, სანამ კრიმინალებს არ მოუწევთ პასუხი აგონ საკუთარი ქმედებების გამო.
წყარო : BBC
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა“
ჯანდაცვის ექსპერტთა ჯგუფმა საოფისე საქმიანობასა და მის უარყოფით შედეგებზე კვლევა ჩაატარა და შექმნა ადამიანის ზომის თოჯინა ემა, რომელიც მათი მტკიცებით, გვაფრთხილებს, რომ თუკი საოფისე სამუშაო გარემო არ შეიცვლება, ადამიანი დაახლოებით 20 წელიწადში, ვიზუალურად ამ თოჯინას დაემსგავსება.
ემას ფუმფულა, ვარიკოზული ვენებით დაფარული ფეხები, ჩაწითლებული და უსიცოცხლო თვალები აქვს და ძალიან მოხრილია.
კვლევის ფარგლებში ექსპერტებმა გერმანელი, ბრიტანელი და ფრანგი ეროვნების ოფისის 3,000 თანამშრომლის ჩანაწერები გამოიკვლიეს და აღმოჩნდა, რომ 50 პროცენტს თვალის ანთება , 48 პროცენტს – ხერხემლის პრობლემა, და 48 პროცენტს კი – თავის ტკივილი აწუხებს. გარდა ამისა, მათ ვინც სამუშაო დროის უმეტეს ნაწილს ოფისში ატარებს, სტრესისგან გამოწვეული ეგზემა, გადაჭარბებული წონა და კიდურების შეშუპება ახასიათებთ.
წყარო : sciencealert.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
უცნობმა ქველმოქმედმა, თურქეთის ქალაქ დიარბაქირში ადგილობრივ სასურსათო მაღაზიებში ახლომდებარე რაიონების ყველა მცხოვრებთა დავალიანება გადაიხადა. იუწყება ადგილობრივი მედია
თურქეთის ზოგიერთ ქალაქში მცირე ზომის მაღაზიებში მოსახლეობა უფულობის გამო ხშირად იღებს პროდუქტს “ნისიად,” მაღაზიის მეპატრონე კი დავალიანების სიას სპეციალურ რვეულში იწერს.
“ამ დღეებში ჩემთან მაღაზიაში შემოვიდა მაღალი, შავგვრემანი მამაკაცი და მითხრა, რომ ადგილობრივების დავალიანების გადახდა სურდა. 12, 500 თურქული ლირის (ორი ათას დოლარზე მეტი) ვალის გადახდის შემდეგ სტუმარმა რვეულის ფურცლები ამოხია, დაწვა და წავიდა”, – უთხრა მედიას ერთ-ერთი მაღაზიის მფლობელმა.
მისი თქმით, მოვალეების უმეტესობა მომხდარს ვერ იჯერებდა.
გავრცელებული ინფორმაციით, გასული წლის ბოლოს თურქეთის პროვინციებში გამოჩნდა უცნობი ადამიანი, რომელიც მაღაზიებში მოსახლეობის დავალიანებას იხდიდა და ბავშვებსა და უსახლკაროებს ფულს ურიგებდა. ის თავის ვინაობას არ ამხელდა, ამიტომ მადლიერმა მოსახლეობამ მას “რობინ ჰუდი” დაარქვა.
ახალგაზრდა ანალიტიკოსთა და მეცნიერთა დარბაზი ,,დოქტრინა“
ამერიკელი ასტრონავტი ქრისტინა კოჩი, რომელმაც ქალებს შორის კოსმოსში ყოფნის ხანგრძლივობის რეკორდი დაამყარა, დედამიწაზე დაბრუნდა.
კოჩმა კოსმოსში 328 დღე გაატარა და გახდა ქალი, რომელმაც კოსმოსში ყველაზე ხანგრძლივი მისია განახორციელა.
აღსანიშნავია, რომ ამ კუთხით მანამდე პირველობა ნასას ასტრონავტს, პეგი უიტსონს ეკუთვნოდა.
კაფსულა, რომელმაც კოჩისთან ერთად საერთაშორისო კოსმოსური სადგურიდან იტალიელი ასტრონავტი ლუსა პარმიტანო და რუსი ალექსანდრ სკვორცოვი ჩამოიყვანა, ყაზახეთში ხუთშაბათს დაეშვა.
მასალა მოამზადა : თამარ ტაბატაძემ
თბილისის N175 საჯარო სკოლის მოსწავლეთა მიერ მეხანძრებისთვის შექმნილი „ჭკვიანი ჩაფხუტი“ ესტონეთის საერთაშორისო მოსწავლეთა კომპანიების გამოფენა-გაყიდვაზე ყველაზე ინოვაციური მოსწავლეთა კომპანიის ნომინაციაში გაიმარჯვა. „ჭკვიანი ჩაფხუტი“ მეხანძრეებს დაკვამლიანებული ტერიტორიიდან უსაფრთხოდ გამოსვლაში ეხმარება-ჩაფხუტი წინაღობას აღიქვამს, მეხანძრეს წინასწარ აფრთხილებს და შესაბამისად, მათ დაშავება-სიკვდილიანობას ამცირებს.
საქართველოს განათლების სამინისტროს ინფორმაციით, ესტონეთის საერთაშორისო მოსწავლეთა კომპანიების გამოფენა-გაყიდვა ტალინში 5-11 თებერვალს იმართება და ფინეთის, შვედეთის, ინგლისისა და ლატვიის მოსწავლეთა კომპანიებთან ერთად, მასში თბილისის N175 და ბათუმის N16 საჯარო სკოლები მონაწილეობდნენ, სადაც საქართველოს სახელით საკუთარ პროდუქტი წარადგინეს.
ქართველი მოსწავლეები უცხოეთში არჩევითი საგნის-მეწარმეობის საფუძვლების ფარგლებში იმყოფებიან, რომელსაც საქართველოს მასშტაბით 251 საჯარო სკოლის 6500-ზე მეტი მოსწავლე სწავლობს. „მოსწავლეთა კომპანიები“ სწორედ სასკოლო არჩევითი საგნის „მეწარმეობის საფუძვლების“ ფარგლებში ყალიბდება. საგნის შესწავლაში სკოლებს ხელს უწყობს Junior Achievement Georgia, აშშ-ის განვითარების სააგენტოს პროექტით „სამეწარმეო განათლების მხარდაჭერა ევროპასა და ევრაზიაში“. გარდა იმისა, რომ ორგანიზაცია მოსწავლეებს სასწავლო მასალებით უზრუნველყოფს, ის ზრუნავს პედაგოგთა გადამზადებასა და კვალიფიკაციის ამაღლებაზე.
განათლების სამინისტროს გავრცელებულ განცხადებაში წერია, რომ მეწარმეობის ფარგლებში, Junior Achievement-ის ორგანიზებით, შეჯიბრებები ყოველწლიურად იმართება. მათ შორისაა ესტონეთის მოსწავლეთა კომპანიების ყოველწლიური საერთაშორისო შეჯიბრი, რომელშიც ევროპის წევრი ქვეყნები მონაწილეობენ. JA Estonia და JA Georgia საქართველო ესტონეთის განვითარების სააგენტოს ფინანსური მხარდაჭერით მხარს უჭერენ მოსწავლეთა საერთაშორისო კონკურსებში ჩამბას. მიმდინარე პროექტის მიზანია საქართველოში „სამეწარმეო განათლების პოპულარიზაცია, მეწარმეობის სწავლების ევროპული მეთოდოლოგიის გაზიარება და საქართველოს ევროპასთან ინტეგრაციის ხელშეწყობა“. N175 საჯარო სკოლის მოსწავლეთა კომპანიამ Helmet vision მეხანძრეთათვის „ჭკვიანი ჩაფხუტი“ შექმნა, ხოლო ბათუმის N16 საჯარო სკოლის მოსწავლეთა კომპანიამ The smell of thread ხელნაკეთი ნივთები, რომელზეც მოქსოვილია ცხოველთა გამოსახულებები და ეკოლოგიურად ბუნებრივი პროდუქტი, სხვადასხვა არომატიზატორით.
Junior Achievement Georgia ამჟამად ორგანიზებას უწევს კონკურსს „საქართველოს საუკეთესო „მოსწავლეთა კომპანია“, რომელიც გამართება 2020 წლის 29 მარტს, ხოლო გამარჯვებული გუნდი გაემგზავრება პორტუგალიაში ევროპის ჩემპიონატზე.
ლეგენდარულ მულტფილმს „ტომი და ჯერი“ 80 წელი შეუსრულდა. ინფორმაციას ამის შესახებ BBC ავრცელებს. მულტფილმის პირველი სერია 1940 წლის 10 თებერვალს გამოვიდა.
მულტფილმი კომპანია Metro-Goldwyn-Mayer-ის ანიმაციის დეპარტამენტის თანამშრომლებმა, უილ ჰანამ და ჯო ბარბერამ შექმნეს და თავდაპირველად მას Puss Gets the Boot, კატას – ჯასპერი, თაგვს კი ჯინქსი ერქვა.
როდესაც 1955 წელს მულტფილმის პროდიუსერმა ფრედ ქუიმბიმ სტუდია MGM-ი დატოვა, ანიმაციის დეპარტამენტის ხელმძღვანელობა ჰანას და ბარბერას დაავალეს. ფინანსური პრობლემების გამო 1957 წელს MGM-მა ანიმაციის დეპარტამენტი გააუქმა, ჰანამ და ბარბერამ კი თავიანთი კომპანია Hanna-Barbera დააფუძნეს.
1961 წელს MGM-მა მულტფილმის 13 ეპიზოდი ჩეხოსლოვაკურ სტუდია Rembrandt Films-ს შეუკვეთა და თითოეულ ეპიზოდში 10 ათასი დოლარი გადაიხადა. 1963-1967 წლებში მულტფილმის 34 ეპიზოდი კომპანია Sib Tower 12 Productions გამოუშვა. 1975 წლიდან „ტომისა და ჯერის“ საავტორო უფლებები უილ ჰანამ და ჯო ბარბერამ დაიბრუნეს, 1986 წელს კი კომპანია Hanna-Barbera კინოკომპანია Warner Bros.-ის შემადგენლობაში შევიდა.
საერთო ჯამში 80 წლის განმავლობაში „ტომი და ჯერის“ 164 ეპიზოდი გადაიღეს. მულტფილმმა საუკეთესო ანიმაციური მოკლემეტრაჟიანი ფილმისთვის „ოსკარის“ 7 პრემია მოიგო.
ახალგაზრდა ანალიტიკოსთა და მეცნიერთა დარბაზი ,,დოქტრინა“
