close

მედიცინა

ეს საინტერესოამედიცინა

პირველად სამეცნიერო ისტორიაში ხუთი წლის წინ გაყინული კვერცხუჯრედიდან ქალმა ჯანმრთელი ბავში გააჩინა

977 views on

პირველად სამეცნიერო ისტორიაში ლაბორატორიაში ხუთი წლის წინ მომწიფებული და გაყინული კვერცხუჯრედიდან ქალმა ბავშვი გააჩინა.

34 წლის ფრანგი ქალის კვერცხუჯრედი,  რომელიც ძუძუს კიბოს გამო ქიმიოთერაპიის კურსს იტარებდა, ლაბორატორიაში მოამწიფეს და გაყინეს. ხუთი წლის შემდეგ კი გაალღვეს და გაანაყოფიერეს.

ჟურნალ Annals of Oncology-ში დეტალურადაა აღწერილი პატარა ბიჭის დაბადების ისტორია : მკურნალობის დაწყებამდე ექიმებმა ქალის საკვეცხეებისგან მოუმწიფებელი კვერცხუჯრედები ამოიღეს და ინ ვიტრო მომწიფების ტექნოლოგიის საშუალებით მოამწიფეს და გაყინეს.

აღსანიშნავია, რომ დღემდე ყველა მსგავსი შემთხვევები წარუმატებლად სრულდებოდა. ბავშვების დაბადება მხოლოდ მაშინ იყო შესაძლებელი, როდესაც ინ ვიტრო მომწიფების შემდეგ კვერცხუჯრედს მაშინვე ანაყოფიერებდნენ.

ფრანგი პაციენტის შემთხვევაში კი, რომელიც 5 წლის შემდეგ კიბოსგან განიკურნა, თუმცა მას ბუნებრივი გზით დაორსულება აღარ შეეძლო. ცნობილია, რომ კიბოთი დაავადებულ 40 წლის პაციენტების დაახლოებით 40 პროცენტს  მკურნალობის სპეციფიკიდან გამომდინარე მენოპაუზა ემართება, 30 წლის პაციენტებში კი ეს მაჩვენებელი 15-20 პროცენტამდე მცირდება.

შენახული ექვსი კვერცხუჯრედიდან მედიკოსებმა ხუთის განაყოფიერება შეძლეს და ქალის საშვილოსნოში გადაიტანეს, რის შედეგადაც 2019 წლის 6 ივლისს სრულიად ჯანმრთელი ბიჭუნა დაიბადა.

წყარო : Agence France-Presse

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებიმედიცინამსოფლიო

ამერიკელი მეცნიერები აცხადებენ, რომ კორონავირუსის ვაქცინა შექმნეს

1.5K views on

ტექსასის შტატის ქალაქ ჰიუსტონში მდებარე გენეტიკური ინჟინერიის კომპანია „გრეფექსის“ მეცნიერები აცხადებენ, რომ მათ კორონავირუსის საწინააღმდეგო ვაქცინა შექმნეს, რომელიც ცხოველებზე დასატესტად მზადაა.

თუმცა, ვაქცინის შექმნა, მისი გავრცელების მხოლოდ პირველი ნაბიჯია. ექსპერტების ნაწილის შეფასებით, ვაქცინის დატესტვასა და წარმოებას დაახლოებით 18 თვიდან 2 წლამდე პერიოდი სჭირდება.

„გრეფექსის“ მეცნიერები აცხადებენ, რომ უსაფთხოების ზომებიდან გამომდინარე, მათ ვაქცინის შესაქმნელად კორონავირუსის არცერთი ფორმა – არც ცოცხალი და არც პასიური – გამოუყენებიათ.

როგორც ცნობილია, ვაქცინების უმეტესობა ვირუსის ცოცხალ, შესუსტებულ ან პასიურ ფორმას შეიცავს. თუმცა, კორონავირუსი იმდენად ცუდადაა შესწავლილი, ისე სწრაფად ვრცელდება და კლავს ადამიანებს, რომ „გრეფექსის“ მეცნიერებმა, ახალი კორონავირუსის ვაქცინის შექმნისას, ვერ გარისკეს და ადენოვირუსი ვერ გამოიყენეს.

ადენოვირუსები ვირუსული რესპირატორული ინფექციების დაავადებების ძირითად გამომწვევ მიზეზად ითვლება. ისინი ფართოდ გამოიყენება ვაქცინების შესაქმნელად.

ვაქცინა „გრეფექსის“ მეცნიერებმა „ჯანდაცვის ეროვნული ინსტიტუტების“ მიერ გამოყოფილი 18.9 მილიონი აშშ დოლარის ოდენობის გრანტის ფარგლებში შექმნეს. ვაქცინა უკვე მზადაა და მისი ცხოველებზე დატესტვა შესაძლებელია. შემდეგ დაიწყება პირველი ფაზა  : კლინიკური ცდები ადამიანებზე და შემდგომ მეორე ფაზა – ვაქცინის გამოცდა ადამიანებზე, რის შემდეგაც მას „საკვებისა და მედიკამენტის ადმინისტრაცია“ დაამტკიცებს.

ზოგიერთი ვაქცინის შექმნას, შესაძლოა, ათი წელი დასჭირდეს. მეცნიერები ირწმუნებიან, რომ მათი ვაქცინის უპირატესობა ისაა, რომ ის სწრაფად ხელმისაწვდომია. თუმცა, ყველაზე მცირე დრო, რაც ნებისმიერი ვაქცინის წარმოებას ჭირდება 1 წელია.

წყარო : dailymail.co.uk

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

BBC: 5 რჩევა მათთვის, ვინც ეჭვობს, რომ კორონავირუსი აქვს და სახლში რჩება

3.58K views on

BBC რჩევებს აძლევს მათ, ვინც ეჭვობს, რომ კორონავირუსი აქვს და დიაგნოზის დადასტურებამდე სახლში რჩება.

გამოცემის ინფორმაციით, ეს საუკეთესო გამოსავალია მაშინ, როცა ადამიანს კონტაქტი ჰქონდა ინფიცირებულთან ან ისეთ ადგილას იმყოფებოდა, სადაც ვირუსის შემთხვევები ფიქსირდება. BBC-ს სამედიცინო კორესპონდენტის, ფერგუს უოლშის თქმით, წარმატებული თვითიზოლაციისთვის 5 რჩევა უნდა გაითვალისწინოთ:

1. თუ სახლში დარჩით, ნუ მიიღებთ სტუმრებსა და მნახველებს.

2. თუ ხველა ან ციება გაქვთ, ექიმთან კონსულტაცია ტელეფონით გაიარეთ. მისი რეკომენდაციის გარეშე საავადმყოფოში ნუ წახვალთ.

3. თუ მარტო არ ცხოვრობთ, ცალკე ოთახში იყავით, სადაც კარგი ვენტილაციაა. დახურეთ კარი. აბაზანა კი ბოლომ გამოიყენეთ.

4. ნაგავი და ნარჩენები ორმაგად შეფუთეთ. თუ კორონავირუსი დაგიდგინდათ, მათ ცალკე გადაყრიან.

5. თუ მარტო ცხოვრობთ, საჭირო ნივთები და პროდუქტები შეუკვეთეთ ან დახმარება მეგობრებს სთხოვეთ. მაგრამ პროდუქტები კართან უნდა დაგიტოვონ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინამსოფლიო

კორონავირუსი სეზონური გრიპივით არ გაქრება – ჯანდაცვის მსოფლიო ორგანიზაცია

2.28K views on

“მსოფლიო ლიდერებმა არ უნდა ივარაუდონ ის, რომ COVID-19 სეზონური იქნება და გრიპივით გაქრება. ჯერ არ ვი­ცით, რა აქ­ტი­უ­რო­ბას და ქცე­ვას ავ­ლენს ვირუ­სი სხვა­დას­ხვა კლი­მა­ტურ პი­რო­ბებ­ში“, – ამის შესახებ ჯანდაცვის მსოფლიო ორგანიზაციის აღმასრულებელმა დირექტორმა მაიკ რაიანმა განაცხადა.

„უნდა ვივარაუდოთ, რომ ვირუსს მომავალშიც ექნება გავრცელების შანსი. მცდარია იმის იმედი, რომ გრიპივით გაქრება“, – განაცხადა რაიანმა.

ცნობისთვის, აშშ-ის ჯანდაცვის სამინისტროს წარმომადგენლებმა მანამდე განაცხადეს, რომ არსებობს ჰიპოტეზა, რომ კორონავირუსის გავრცელება ტემპერატურის მატებათან ერთად შემცირდება.

შეგახსენებთ, რომ მსოფლიოში კორონავირუსით დაინფიცირებულთა რაოდენობამ 100 ათასს გადააჭარბა. დაღუპულთა რაოდენობა ამ დროისთვის 3,398-ია, ხოლო 55,672 ადამიანი გამოჯანმრთელდა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებიმედიცინასაქართველო

საქართველოში აივ ინფიცირების 102 ახალი შემთხვევა დაფიქსირდა

1.43K views on

5 თებერვლის მონაცემებით, საქართველოში აივ ინფიცირების 102 ახალი შემთხვევა დაფიქსირდა.

ინფექციური პათოლოგიის, შიდსის და კლინიკური იმუნოლოგიის ცენტრის ინფორმაციით, 2020 წლის 5 თებერვლის მონაცემებით დაფიქსირებულია – 102 ახალი შემთხვევა. შარშან შესაბამის პერიოდში გამოვლინდა 87 ახალი შემთხვევა. ინფორმაციას შიდსის ცენტრი ავრცელებს.

როგორც გავრცელებულ განცხადებაშია ნათქვამი, სულ ინფექციური პათოლოგიის, შიდსის და კლინიკური იმუნოლოგიის ცენტრში რეგისტრირებულია 8204 აივ ინფიცირებული პირი. მათ შორის  6125  მამაკაცია და 2079 ქალი. პაციენტთა უმრავლესობა 29-დან 39 წლამდეა. შიდსი  4271 პაციენტს განუვითარდა, 1660 გარდაიცვალა.

31 იანვრის მონაცემებით არვ მკურნალობას იტარებს 5102 პაციენტი, მათ შორის 45 ბავშვია.

რეგისტრირებულ შემთხვევათა განაწილება გადაცემის გზების მიხედვით ასეთია: 37.8 %   (3102) – ნარკოტიკების ინექციური მომხმარებელია; 48.5 %  (3977) – დაინფიცირდა ჰეტეროსექსუალური კონტაქტის შედეგად; 11.3 %  (923) – მამაკაცები რომელთაც სექსი აქვთ მამაკაცთან; 1.3 %   (110) – დაინფიცირდა ვერტიკალური გადაცემის გზით; 0.5 %   (39) – სისხლის რეციპიენტია; 0.6 %   (53) – გადაცემის გზა დაუდგენელია;

აივ ინფიცირების ყველაზე მეტი შემთხვევა რეგისტრირებულია თბილისში (3031 შემთხვევა, მათგან 87 უცხოეთის  მოქალაქეა 2 დაუდგენელი); სამეგრელოში 1136; შემდეგ იმერეთში 986; აჭარაში 935; აფხაზეთში (525); კახეთში (404) ქვემო ქართლში (469); შიდა ქართლში (303); გურიაში (174); სამცხე-ჯავახეთში (109) და ა.შ.

სულ საქართველოში გამოვლენილია 116 აივ ინფიცირებული ბავშვი. მათ  შორის 70 – ვაჟი, 46 – გოგონა.  27   გარდაიცვალა.   3   გავიდა ქვეყნიდან;

აივ-ტესტირება და მკურნალობა საქართველოს მოქალქეებისთვის უფასოა. შიდსის ცენტრის ცხელი ხაზის ნომერია: 239-80-18.

წყარო  : www.primetime.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინამსოფლიოსაქართველო

ეპიდემიური რისკის მქონე ქვეყნებიდან ჩამოსული მგზავრებისთვის დღეიდან 14-დღიანი კარანტინი სავალდებულოა

1.25K views on

კორონავირუსის გავრცელების პრევენციისთვის საქართველოს საზღვრის კვეთისას დამატებითი შეზღუდვები დაწესდა. ამის შესახებ ინფორმაციას საგარეო საქმეთა სამინისტრო ავრცელებს.

„საქართველოს მოქალაქეობის მქონე პირებისთვის: მოვუწოდებთ საქართველოს მოქალაქეებს, გადაუდებელი აუცილებლობის არარსებობის შემთხვევაში, თავი შეიკავონ მოგზაურობისგან ჯანმოს მიერ განსაზღვრული ეპიდემიური რისკის მქონე ქვეყნებში, კერძოდ ჩინეთში, სამხრეთ კორეაში, იტალიასა და ირანში.

„გთხოვთ, გაითვალისწინოთ, რომ ზემოთხსენებულ ქვეყნებში მოგზაურობის შემთხვევაში, ან ზემოთხსენებულ ქვეყნებში ტრანზიტად ყოფნის შემთხვევაში, საქართველოს დაბრუნებისას ვალდებული ხართ, სასაზღვრო-გამშვებ პუნქტზე დაექვემდებაროთ დადგენილი წესით ინტენსიურ შემოწმებას და შემდეგ ვალდებულნი ხართ გაიაროთ 14 დღიანი საკარანტინო პროცედურა“, – ნათქვამია საქართველოს საგარეო საქმეთა სამინისტროს მიერ გავრცელებულ განცხადებაში.

სხვა ქვეყნების მოქალაქეობის მქონე პირებისთვის: უცხო ქვეყნის მოქალაქეებს, რომლებიც მიმდინარე პერიოდში მოგზაურობენ საქართველოში, გთხოვთ გაითვალისწინოთ, რომ შექმნილი ვითარებიდან გამომდინარე, საქართველოს საზღვრის კვეთისას დაწესებულია გარკვეული შეზღუდვები.

საქართველოში ჩამომსვლელი პირები, რომლებიც ბოლო 14 დღის განმავლობაში იმყოფებოდნენ, ან მოემგზავრებიან ჯანმო-ს მიერ განსაზღვრული ეპიდემიური რისკის მქონე ქვეყნების (ჩინეთი, სამხრეთ კორეა, იტალია, ირანი) გავლით:- ექვემდებარებიან ინტენსიურ შემოწმებას და შემდეგ ვალდებულნი არიან გაიარონ 14-დღიანი საკარანტინო პროცედურა, ან უნდა წარმოადგინონ კორონავირუსზე (COVID -19) PCR მეთოდით შემოწმების ცნობა, რომელიც გაცემული უნდა იყოს გამომგზავრების ქვეყნის შესაბამისი ლაბორატორიის მიერ, ხოლო ტრანზიტულად მგზავრობის შემთხვევაში ამ სატრანზიტო ქვეყნის შესაბამისი ლაბორატორიის მიერ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

კორონავირუსით შეიძლება განმეორებით დაინფიცირდეთ

1.2K views on

იაპონიაში, 40 წლის ქალი გამოჯანმრთელებიდან 2 კვირის შემდეგ კორონავირუსით ხელმეორედ დაინფიცირდა. იაპონური მაუწყებლობის NHK-ის და საააგენტო Reuters-ს თანახმად, ის ოსაკაში ტურისტების გიდად მუშაობს.

აი, მოკლე ჩანაწერი მისი დაავადების ისტორიის შესახებ:

29 იანვარი: ვირუსზე პირველი პოზიტიური ტესტი. NHK-ს თქმით, ის ტურისტულ ავტობუსში იმყოფებოდა, სადაც COVID-19 პირველად აღმოაჩინეს.

1 თებერვალი: საავადმყოფოდან გამოწერა.

6 თებერვალი: ქალში ვირუსის არ არსებობის შესახებ განცხადება.

19 თებერვალი: ყელის და გულმკერდის ტკივილების ჩივილი საავადმყოფოში.

21, 22 და 25 თებერვალი: ექიმებთან სამი ვიზიტი იგივე ჩივილებით.

26 თებერვალი: მეორე პოზიტიური ტესტი ვირუსზე.

ოსაკას მთავრობის განცხადებით, 19-დან 26 თებერვლამდე ქალს ეკეთა ნიღაბი, სახლში იმყოფებოდა და სხვა ადამიანებთან მჭიდრო კონტაქტს გაურბოდა. ახლა ის ქალაქის საავადმყოფოში მკურნალობას გადის.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მედიცინა

რა განსხვავებაა კორონავირუსსა და გრიპს შორის

1.59K views on

ინფექციონისტი რეზო მეჭურჭლიშვილი გრიპისა და კორონავირუსის განმასხვავებელ ნიშნებზე საუბრობს და ამბობს, რომ მთავარი განმასხვავებელი ნიშანი არის ხველა.

მისი თქმით, ვირუსი შესაძლოა ერთ დღეში უცბად გართულდეს.

„მთავარი განმასხვავებელი ის არის, რო მას აქვს მშრალი ხველა და არა ე.წ. პროდუქტიული ხველა. კორონავირუსს აქვს მაღალი ტემპერატურა, რთულ შემთხვევებში სუნთქვის უკმარისობა და ძალიან იშვიათად შეიძლება ჰქონდეს დიარეაც კი. ახასიათებს ნელი დასაწყისი. 5-6 დღე შეიძლება ჰქონდეს ისეთი მდგომარეობა პაციენტს, რომ ის იყოს შრომისუნარიანი. შეიძლება ჰქონდეს ყელის წვა, ოდნავ მშრალი ხველა. თავიდანვე ტემპერატურა შეიძლება არ იყოს მაღალი.

ერთი ცუდი განმასხვავებელი, რაც დაავადებას ახასიათებს არის ის, რომ შეიძლება უცბად გაუარესდეს“,- აღნიშნა რეზო მეჭურჭლიშვილმა.

ახალგაზრდა ანალიტიკოსთა და მეცნიერთა დარბაზი ,,დოქტრინა“ 

სრულად ნახვა
მედიცინა

მსოფლიოში კორონავირუსით დაინფიცირებული 36 574 ადამიანი გამოჯანმრთელდა

1.43K views on

მსოფლიოში კორონავირუსით დაინფიცირების შემთხვევები 83 045-მდე გაიზარდა, გამოჯანმრთელებული პაციენტების რიცხვი კი – 36 574-ს აღწევს.

ფატალურმა შემთხვევებმა საგრძნობლად იკლო ჩინეთში. ბოლო 24 საათის განმავლობაში ქვეყანაში ვირუსით გარდაცვალების 44 ახალი შემთხვევა დაფიქსირდა.

არსებული ინფორმაციით, ჩინეთის ფარგლებს გარეთ 70 ფატალური შემთხვევაა დადასტურებული, აქედან : 26 – ირანში, 17- იტალიაში, 13 სამხრეთ კორეაში, 8 – იაპონიაში, 2-2 – ჰონგ-კონგსა და საფრანგეთში, თითო შემთხვევა კი ფილიპინებსა და ტაივანში დაფიქსირდა.

რაც შეეხება ვირუსით დაინფიცირების შემთხვევებს, მსოფლიოში ვირუსით 83 045 ადამიანია დაინფიცირებული, აქედან 78 824 ჩინეთში, დანარჩენი კი – მის ფარგლებს გარეთ.

დაინფიცირების პირველი შემთხვევები დაფიქსირდა ნიგერიასა და ლიეტუვაში. ნიგერიის ჯანდაცვის სამინისტროს ინფორმაციით, დაინფიცირებული პაციენტი იტალიის მოქალაქეა, რომელიც ნიგერიაშია დასაქმებული და მილანიდან 25 თებერვალს დაბრუნდა. მისი ჯანმრთელობის მდგომარეობა სტაბილურია. რაც შეეხება ლიეტუვას, კორონავირუსი ქალბატონს გამოუვლინდა, რომელიც იტალიის ქალაქ ვერონადან რამდენიმე დღის წინ დაბრუნდა. პაციენტს ვირუსის სუსტი სიმპტომები აღენიშნება.

ახალგაზრდა ანალიტიკოსთა და მეცნიერთა დარბაზი ,,დოქტრინა“ 

სრულად ნახვა
მედიცინა

ისრაელში ექიმებმა ავადმყოფის ორგანიზმიდან ფილტვი ამოიღეს, ავთვისებიანი სიმსივნისგან გაწმინდეს და ადგილზე დააბრუნეს

1.29K views on

ისრაელში, „ბეილინსონის“ საავადმყოფოში, პირველად ჩატარდა ოპერაცია, რომლის მსგავსიც მსოფლიოში სულ რამდენჯერმეა ჩატარებული. ავადმყოფის ორგანიზმიდან ფილტვი ამოიღეს, ავთვისებიანი სიმსივნისგან გაწმინდეს და კვლავ ადგილზე დააბრუნეს.

ოპერაციის დროს პაციენტი ხელოვნური სისხლის მიმოქცევის აპარატზე იყო მიერთებული. აღნიშნული მეთოდი ორგანოს გადანერგვის და ქიმიო და რადიო თერაპიის თავიდან აცილების საშუალებას იძლევა.

40 წლის პაციენტს სიმსივნე ჰქონდა, რომელმაც მარცხენა ფილტვის მთავარი ბრონქი დაბლოკა. თავდაპირველად ექიმებს დაზიანებული ფილტვის ამოჭრა უნდოდათ, თუმცა ეს პაციენტს საფრთხში ჩააყენებდა, ვიდრე დონორის ფილტვი არ შეირჩეოდა. „ფილტვი რომ ამოგვეჭრა, პაციენტის სიცოცხლეს საფრთხეს შევუქმნიდით“, – განაცხადა იური პეისახოვიჩმა, გულმკერდის ქირურგიის განყოფილების ხელმძღვანელმა.

ექიმებმა გადაწყვიტეს ორგანიზმიდან ფილტვი ამოეღოთ და სიმსივნე მოეშორებინათ. მსოფლიოს მასშტაბით ამგვარი პროცედურა სულ რამდენჯერმე განხორციელდა. ეს ერთ-ერთი ყველაზე რთული ჩარევაა სამედიცინო სფეროში. ოპერაციის დროს პაციენტის სუნთქვა უზრუნველყოფილი იყო მარჯვენა ფილტვის ხელოვნური ვენტილაციის საშუალებით. ამოღებული ფილტვი სიმსივნისგან გაწმინდეს და ჰაერით გაბერეს, რათა დარწმუნებულიყვნენ, რომ შენარჩუნებული ნაწილი ფუნქციონალურია.

„გაბერვის დროს აღმოვაჩინეთ, რომ ზედა წილი დაზიანებული არაა და გადავწყვიტეთ მისი ორგანიზმში დაბრუნება“, – აღნიშნა პეისახოვიჩმა. ფილტვების ტრანსპლანტაციის დროს გამოყენებადი მეთოდის საშუალებით გაწმენდილი ფილტვი ძარღვებსა და ბრონქებს მიუერთეს, რის შემდეგაც გულმკერდის კვეთა ამოკერეს. პაციენტის მდგომარეობა დამაკმაყოფილებლად არის შეფასებული.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 68 69 70 71 72 … 101
Page 70 of 101