close

მედიცინა

მედიცინამსოფლიო

იაპონიაში ახალი ვირუსი აღმოაჩინეს

იაპონელმა მეცნიერებმა ახალი ვირუსის იდენტიფიცირება შეძლეს, რომელიც ტკიპის ნაკბენის შედეგად ვრცელდება. ახალი ვირუსის „იეზოს“ კვლევის შედეგები, გამოცემა Nature Communications-ში გამოქვეყნდა.

იაპონიაში უცნობი პათონოგენით ინფიცირების შემთხვევები 2014 წელს გამოვლინდა. 2020 წლამდე უცნობი ვირუსით ინფიცირების 7 შემთხვევა გამოვლინდა. ვირუსს ახასიათებს ცხელება, ხოლო პაციენტების სისხლში მცირდება ლეიკოციტების და თრომბოციტების რაოდენობა.

იაპონელმა მკვლევრებმა ვირუსი ორი პაციენტის სისხლში აღმოაჩინეს, რამაც მათ ახალი პათოგენის გენეტიკური ანალიზის ჩატარების საშუალება მისცა. ანალიზმა აჩვენა, რომ ვირუსი Orthonairovirus პათოგენს მიეკუთვნებოდა. ანალოგიური პათოგენი აქვს კონგო-ყირიმის ვირუსს.

2019 წელს კუნძულ ჰოკაიდოზე მცხოვრებმა ორმა პაციენტმა ტკიპის ნაკბენის შემდეგ კლინიკას ცხელების ჩივილებით მიმართა. პაციენტების სისხლის ანალიზში უცნობი ვირუსი აღმოჩნდა. ექიმებმა სისხლის ნიმუშები 2014 წელს ინფიცირებული პაციენტების ანალიზს შეადარეს, რომელთაც უცნობი ვირუსის შედეგად ცხელება გამოუვლინდათ. მკვლევრებმა „იეზოთი“ ინფიცირების 7 შემთხვევა გამოავლინეს.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
მედიცინა

მსოფლიოში პირველად – ქალს ახალი თაობის, სრულად ხელოვნური გული ჩაუდგეს

1984 წელს ლუისვილის უნივერსიტეტის ექიმებმა კენტუკიში ჩაატარეს პირველი გულის გადანერგვის ოპერაცია. 2001 წელს სწორედ მათ ჩაუდგეს მსოფლიოში პირველი AbioCor ხელოვნური გული პაციენტს და უკვე გასულ კვირას მათ კიდევ ერთხელ შექმნეს ისტორია — წარმატებით განახორციელეს რა მსოფლიოში პირველი Aeson ბიოპროთეზირების სრულად ხელოვნური გულის იმპლანტაცია ქალ პაციენტში.

“მხოლოდ აშშ-ში ყოველ წუთას დაახლოებით სამ-ნახევარი ათასი პაციენტი ელოდება გულის გადანერგვას. დონორის გულის სიმცირის გამო, ჩვენ არ შეგვიძლია მათი უმრავლესობის დაკმაყოფილება, ამიტომ არის საჭიროება ინოვაციისა და პროგრესის გულის გადანერგვის პროცედურაში. ჩვენ გვჭირდება ხელოვნური გული”, — ახსნა სიდჰარტ პაჰვამ, ოპერაციაში მონაწილე ქირურგმა, CARMAT-ის ხელოვნური გულის საინფორმაციო კონფერენციაზე.

სრულად ხელოვნური გულის შემუშავებაში უამრავი მეცნიერი იყო ჩართული, მათ კი ფრანგული სამედიცინო მოწყობილობების კომპანია CARMAT აფინანსებდა. ექსპერტების თქმით, ეს ახალი მოწყობილობა გულის გადანერგვის პრობლემებს მნიშვნელოვნად გადაჭრის და ის ამ მხრივ თამაშის წესებსაც შეცვლის.

“ჩვენი ოპერაციის წარმატებით დასრულებამ უამრავ ადამიანს იმედები მისცა. როგორც წესი ზომის შეზღუდვები ართულებს ხოლმე ქალებში ხელოვნური გულის გადანერგვას, მაგრამ ჩვენი ხელოვნური გული საკმარისად კომპაქტურია იმისათვის, რათა უფრო მცირე ზომის გულმკერდის ღრუში მოთავსდეს. ეს მნიშვნელოვანი ფაქტორია”, — თქვა მარკ სლოტერმა, წამყვანმა ქირურგმა, რომელიც ოპერაციის პროცედურაში იღებდა მონაწილეობას.

ებრაული საავადმყოფო, რომელშიც ოპერაცია შესრულდა ერთ-ერთია იმ ოთხიდან, რომელიც აშშ-ში კონკრეტული პროცედურებისთვის დამტკიცდა. გასულ კვირას ჩატარებული ოპერაცია მესამეა და აქამდე ეს მხოლოდ ორჯერ მოხდა. თუმცა, ის მსოფლიოში პირველია იმით, რომ ამჯერად პაციენტი ქალი იყო.

თუმცა, ქალები არ არიან ერთადერთი პაციენტები, რომლებსაც იმპლანტაციის ამ გაუმჯობესებით სარგებლობა შეუძლიათ. გულის დაავადებულთა უმრავლესობას აწუხებს ბივენტრიკულური უკმარისობა, სადაც გულის ორივე მარცხენა და მარჯვენა მხარე ვერ ახერხებს სისხლის სწორად გადატუმბვას — აქამდე ამ პაციენტებს მკურნალობის ნაკლები ხელმისაწვდომობა გააჩნდათ.

“აესონის მოწყობილობა, რომელიც ჩვენ ახლახანს გამოვიყენეთ, შექმნილია ბივენტრიკულური უკმარისობის მქონე პაციენტების დასახმარებლად და ამით ის ხსნის ფარავს პაციენტთა ფართო სპექტრს”, — ამბობს მარკ სლოტერი.

ერთ-ერთი სიახლე, რომელიც აესონის გულს აძლევს უპირატესობას, არის წნევის სენსორების ჩართულობა, რაც, გრძნობს რა რაოდენობის სისხლი სჭირდება სხეულს და ამის მიხედვით აწვდის მას გულს.

აღსანიშნავია, რომ აესონის ხელოვნური გული არ არის გამიზნული როგორც მუდმივი “ორაგნო”, არამედ ის ერთგვარი ხიდია გადანერგვისთვის: დროებითი ღონისძიება პაციენტების სიცოცხლის შესანარჩუნებლად, სანამ ისინი ელოდებიან ახალ გულს. რაც შეეხება პაციენტს, რომელსაც ოპერაცია ჩაუტარდა ის ამ მომენტისთვის თავს კარგად გრძნობს.

“ეს პირველი შემთხვევაა, როდესაც ქალ პაციენტს ახალი თაობის, სრულად ხელოვნური გული ჩაუდგეს. ჩვენ ამით ვამაყობთ და გვიხარია. საბოლოოდ ეს შრომა ათობით, ასობით და ათასობით გადარჩენილ სიცოცხლეში აისახება”, — ამბობენ ექსპერტები.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
კვლევებიმედიცინამსოფლიო

Washington post: რუსული „სპუტნიკით“ აცრილები შტატებში ვერ შევლენ

ა რამდენიმე დღის წინ აშშ-ის მთავრობამ განაცხადა, რომ მალე გახსნის ქვეყანას უცხოელი მოგზაურებისთვის, მაგრამ ახალი წესები, რომლებიც ძალაში ნოემბერში შევა, ბევრს არ მოეწონება – ამერიკაში შესვლის უფლება მხოლოდ ვაქცინირებულ უცხოელებს ექნებათ და ვაშინგტონის მიერ აღიარებულ პრეპარატებს შორის არ მოხვდა რუსული „სპუტნიკი“.

ეს პირდაპირ ასობით ათას რუსს შეეხება. ქვეყნებს შორის დაძაბული პოლიტიკური ურთიერთობების მიუხედავად, 2019 წელს ამერიკას 300 000 რუსი მოქალაქე ესტუმრა. უფრო ფართოდ რომ შევხედოთ, აშშ-ის გეგმა არის დარტყმა რუსულ პრეპარატზე, რომელიც მოსკოვმა კორონავირუსის საწინააღმდეგო პირველ ვაქცინად გამოაცხადა.

პრეპარატი იყო ჩაფიქრებული, როგორც პანდემიური დიპლომატიის მძლავრი ინსტრუმენტი, მაგრამ მისმა შეზღუდულმა გავრცელებამ მსოფლიოში და მიწოდების ნელმა ტემპებმა „სპუტნიკის“ არა მხოლოდ დასავლური, არამედ ჩინური ვაქცინისგან ჩამორჩენა გამოიწვია.

„ეს დიდი პრობლემაა რუსებისთვის და ასევე სხვა ქვეყნების მოქალაქეებისთვის, რომლებიც „სპუტნიკით“ აიცრნენ“, – განაცხადა ვირჯინიის უნივერსიტეტის პროფესორმა და რუსეთის ჯანდაცვის სისტემის სპეციალისტმა ჯუდიტ ტვიგმა.

რუსეთის პირდაპირი ინვესტიციების ფონდმა, რომელმაც დააფინანსა ვაქცინის შექმნა, განაცხადა, რომ „სპუტნიკი“ აღიარებულია 70 ქვეყანაში და მისი სანდოობა და უსაფრთხოება დამტკიცებულია როგორც კლინიკური კვლევებით, ასევე სხვადასხვა ქვეყნებში რეალური გამოყენებით.

ამავე დროს აშშ-ში ნებადართული იქნება შესვლა იმათთვის, ვინც ჩინური ვაქცინებით Sinopharm-ით და Sinovac-ით აიცრა.

სპუტნიკის“ მთავარი პრობლემა ისაა, რომ პრეპარატი ჯანდაცვის მსოფლიოს ორგანიზაციის მიერ აღიარებული არაა – ამის მიზეზია რუსეთის მიერ პრეპარატის სტაბილური წარმოების და ყველა სტანდარტის დაცვის კუთხით არსებული პრობლემები.

ჯანმოს სწორედ ეს პოზიცია გახდა გადამწყვეტი, რის გამოც ჩინური ვაქცინა აღიარეს, რუსული კი არა.

ახალი წესები რუსების გარდა სხვა, ძირითადად ღარიბი ქვეყნების მოქალაქეებს შეეხება – მსოფლიოში შესყიდულია „სპუტნიკის“ 448 მლნ დოზა, და ნოემბრიდან ამ ასობით მილიონი ადამიანისთვის შტატების კარები დიდი ხნით დაიკეტება.

მგზავრობის კუთხით შეზღუდვა სავარაუდოდ რუსული ვაქცინის პოპულარობას მსოფლიოში მკვეთრად შეამცირებს. „რუსეთმა ვაქცინის დიპლომატიურ იარაღად გამოყენების შესაძლებლობა ხელიდან უკვე გაუშვა“, – მიიჩნევს ტვიგი.

რუსეთის მოქალაქეებისთვის პრობლემას ისიც ართულებს, რომ რუსეთში არც ერთი სხვა ვაქცინა არ არის, „სპუტნიკის“ გარდა და ადამიანებს, სურვილის შემთხვევაშიც კი, არჩევანი არ გააჩნიათ – ან უნდა აიცრა „სპუტნიკით“, ან საერთოდ აუცრელი დარჩე.

აშშ-ის მთავრობის გადაწყვეტილება სავაქცინო ტურიზმს ბიძგს მისცემს – ტურისტული კომპანიები უკვე სთავაზობენ შეძლებულ ადამიანებს მოგზაურობას, მაგალითად, სერბეთში, სადაც მათ „ფაიზერით“ ვაქცინირება შეუძლიათ.

იმის მიუხედავად, რომ „სპუტნიკი“ მეტ დაცვას უზრუნველყოფს, ვიდრე ჩინური ვაქცინები, საბოლოო ჯამში ჩინეთი უფრო სანდო პარტნიორი აღმოჩნდა, ვიდრე რუსეთი, რადგანაც მოსკოვმა საორგანიზაციო პრობლემები ვერ გადაწყვიტა.

გარდა ამისა, ჯანმოს აღიარებამ ჩინური ვაქცინებისადმი ნდობა მნიშვნელოვნად გაზარდა.

წყარო : washingtonpost.com

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
მედიცინასაქართველო

“დაგვჭირდება ბუსტერ, ანუ მესამე დოზა მეორე აცრიდან 6 თვის შემდეგ” – გამყრელიძე

დაავადებათა კონტროლის ეროვნული ცენტრის დირექტორი ამირან გამყრელიძე აცხადებს, რომ მისი და NCDC-ის მოსაზრებაა, რომ საჭირო იქნება ე.წ ბუსტერ დოზები.

მისივე თქმით, ამასთან დაკავშირებით ჯანდაცვის მსოფლიო ორგანიზაციის გადაწყვეტილებას ქვეყანა არ დაელოდება, ვინაიდან ეს თავად ქვეყნის გადასაწყვეტია.

„ეს საკითხი იხილება იმუნიზაციის საბჭოს სამეცნიერო კომიტეტის მიერ და ამასთან დაკავშირებით, ჩემი პირადი და დაავადებათა კონტროლის ეროვნული ცენტრის მოსაზრებაც და რეკომენდაციაც არის, რომ ჩვენ დაგვჭირდება “ბუსტერ” ანუ მესამე დოზა, მეორე აცრიდან 6 თვის შემდეგ, მაგრამ ეს საკითხი უნდა განვიხილოთ და გადავწყვიტოთ მას შემდეგ, რაც ორჯერადი ვაქცინაციის გარკვეულ ზღვარზე ავალთ. ამასთან დაკავშირებით, ჩვენ არ დაველოდებით ჯანდაცვის მსოფლიო ორგანიზაციის გადაწყვეტილებას, ეს თვითონ ქვეყნის გადასაწყვეტია“, – განაცხადა გამყრელიძემ.

ცნობისთვის, 30 სექტემბრის მონაცემებით, სულ ჩატარებულია 1 785 862 აცრა. სულ მცირე 1 დოზით აცრილია 981 624 ადამიანი – მოზრდილი მოსახლეობის 34.6%. ხოლო სრულად აცრილია 804 238 ადამიანი – მოზრდილი მოსახლეობის 28.2 %.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
კვლევებიმედიცინამსოფლიო

Merck-ის კოვიდ-საწინააღმდეგო აბი სიკვდილიანობას 50%-ით ამცირებს

Merck & Co.-ს კოვიდ-19-ის საწინააღმდეგო ანტივირუსული პრეპარატი, სახელწოდებით მოლნუპირავირი ჰოსპიტალიზაციისა და სიკვდილის შემთხვევებს 50%-ით ამცირებს, – ეს პრეპარატის ბოლოს სტადიის შუალედური კვლევის შედეგებით ირკვევა. Merck-ის აღმასრულებელი ხელმძღვანელი, რობ დევისი აღნიშნავს, რომ პრეპარატის გადაუდებელი გამოყენების ავტორიზაციისთვის, კომპანია აშშ-ის საკვებისა და წამლის ადმინისტრაციას (FDA) და სხვა ქვეყნების მარეგულირებლებს უმოკლეს ვადაში მიმართავს.

„შედეგებით საოცრად კმაყოფილნი ვართ“, – აღნიშნა დევისმა Bloomberg-თან ინტერვიუში, – „ამ პრეპარატის მისაღებად არც საავადმყოფოში მოგიწევთ წასვლა და არც სპეციალურ ცენტრში. ეს პრეპარატი – აბია, რომლის მიღება სახლშიც შეიძლება“. აღსანიშნავია, რომ მოლნუპირავირი განკუთვნილია იმ პაციენტებისთვის, რომლებიც სახლში მკურნალობენ და სიმპტომები ხუთზე ნაკლები დღის განმავლობაში აღენიშნებათ ან იმათთვის, ვინც სხვადასხვა რისკის ჯგუფს მიეკუთვნებიან.

ახალი პრეპარატის კვლევაში მონაწილეობა ჯამში 775 ადამიანმა მიიღო. კვლევის იმ მონაწილეებიდან, რომელთაც მოლნუპირავირი მიიღეს, საავადმყოფოში მხოლოდ 7% მოხვდა – პლაცებოს შემთხვევაში ეს შედეგი 14%-ია. აღსანიშნავია, რომ მოლნუპირავირის მიმღებებს შორის არავინ გარდაცვლილა – პლაცებოს კატეგორიაში კი კორონავირუსმა რვა ადამიანის სიცოცხლე იმსხვერპლა.

Merck-ის განცხადებით, ამა წლის ბოლომდე ისინი ათი მილიონი სამკურნალო კურსისთვის საკმარის მედიკამენტებს გამოუშვებენ. ახალი ამბის გაჟღერებისას, ნიუ-იორკის საფონდო ბირჟაზე Merck-ის ერთი აქციის ფასმა 4.9%-ით იმატა.

წყარო : Forbes.ge

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
მედიცინასაქართველო

მასწავლებლებისა და ექიმებისთვის აცრა სავალდებულო არ იქნება – რატომ შეაჩერა დაავადებათა კონტროლის ცენტრმა გადაწყვეტილება

დაავადებათა კონტროლისა და ეროვნული ცენტრის დირექტორის მოადგილე პაატა იმნაძე ირწმუნება, რომ სამედიცინო პერსონალის და მასწავლებლებისთვის სავალდებულო ვაქცინაციის არშემოღება პოლიტიკურ პროცესებს, კერძოდ, წინასაარჩევნო პერიოდს, არ უკავშირდება.

იმნაძე ირწმუნება, რომ მსგავს გადაწყვეტილებებს საკოორდინაციო საბჭო ევროპული ქვეყნების გამოცდილებით იღებს.

„ზოგიერთმა ჩემმა კოლეგამ კი თქვა, რომ საბჭოთა გადმონაშთია სავალდებულო აცრებიო, თუმცა ვერ დავაბრალებთ ამას ვერც აშშ-ს, ვერც საფრანგეთს და ვერც იტალიას, სადაც გარკვეული პროფესიის ადამიანებისათვის აცრები სავალდებულო გახდა. მე პირადად მომხრე ვარ, რომ სამედიცინო პერსონალში ეს აუცილებლად სავალდებულო იყოს.

დანარჩენი მსჯელობის საგანია როგორ შეიძლება მოხერხდეს სხვა პროფესიულ ჯგუფებში ვაქცინაციის მეტად გააქტიურება. ვერ ვიტყვი, რომ ევროპის ბევრ ქვეყანაში საარჩევნო დღის წესრიგია, ბევრგან ეს არ არის სავალდებულო. ჩვენთვის გადამწვეტი არის ევროპის უმრავლეს ქვეყანაში როგორი იქნება პოლიტიკა და მიდგომები, ჩვენ ძირითადად მათი გამოცდილებით ვსარგებლობთ“, – აცხადებს იმნაძე “საქმიან დილასთან” ინტერვიუში.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
მედიცინა

რას გვეუბნება ისრაელის მაგალითი პანდემიისგან გამოსვლის გზის შესახებ?

ისრაელმა რამდენიმე კვირის წინ ე.წ. „ბუსტერ ვაქცინაციის“ პროგრამა დაიწყო. „ფაიზერის“ მესამე დოზას უკვე 40 წლის ზემოთ ასაკის პირებს სთავაზობენ. თუმცა ბოლო დროს ქვეყანაში ინფიცირების შემთხვევების ზრდამ კითხვები გააჩინა და დებატები გააჩაღა ვაქცინაციის პროგრამის და პანდემიის მომავლის შესახებ.

ისრაელი გაზაფხულზე პრაქტიკულად ცხოვრების ჩვეულ რიტმს დაუბრუნდა, შემთხვევები მნიშვნელოვნად შემცირდა და ჩანდა, რომ ვაქცინაციამ მეტ -ნაკლებად გაანადგურა კოვიდი.

თუმცა ივლისიდან შემთხვევების რაოდენობამ კვლავ ზრდა დაიწყო. რამ გამოიწვია ეს?

მიუხედავად იმისა, რომ ისრაელში ვაქცინაციის ტემპი სწრაფი იყო, ქვეყანაში მცხოვრებ 9 მილიონ მოქალაქეს შორის მილიონამდე ადამიანს ვაქცინა არ გაუკეთებია. ამასთან, ისრაელი შედარებით „ახალგაზრდა“ ქვეყანაა, მისი მოსახლეობის დაახლოებით მესამედი 14 წლამდე ასაკისაა. 12 წლამდე ასაკის ბავშვებს კი აცრას არ უკეთებენ, თუკი მათ ჯანმრთელობასთან დაკავშრებული სერიოზული პრობლემა არ აქვთ.

ეს ნიშნავს, რომ მაღალი დაფარვის მიუხედავად, სრულად ვაქცინირებულია ისრაელის მოსახლეობის მხოლოდ 60%-ი. თუმცა, მოსახლეობის აღნიშნული ნაწილის ვაქცინაციაც კი საკმარისი აღმოჩნდა იმისთვის, რომ შემთხვევები შემცირებულიყო – რა შეიცვალა შემდეგ?

შესუსტებადი იმუნიტეტი

როგორც ჩანს, უფრო გადამდებმა დელტა ვარიანტმა ვაქცინის დაცვის ძალას ნაწილობრივ თავი დააღწია, თუმცა ვაქცინა მძიმე ავადმყოფობის წინააღმდეგ მნიშვნელოვნად ეფექტურია.

ისრაელის მთავრობის მრჩეველი კორონავირუსის საკითხებში პროფესორი ერან სეგალი განმარტავს, რომ ვაქცინაცია ადამიანებს დაინფიცირებისგან თავდაპირველად, დაახლოებით 90 %-ით იცავს 5-6 თვეში კი ეს მაჩვენებელი 30-40%-მდე მცირდება.

“ეს არის ის, რაც ტალღას მართავდა”, – აცხადებს პროფესორი სეგალი.

აქვე, ხაზგასმით უნდა აღინიშნოს, რომ დაცვის მაჩვენებლის ასეთი კლების მიუხედავად, ვაქცინაცია ახდენს დაინფიცირების შემთხვევების მნიშვნელოვანი რაოდენობის პრევენციას. ამასთან, კვლევის თანახმად, 60 წელს გადაცილებულ არავაქცინირებულ პირებში დაინფიცირების შემდეგ დაავადების მძიმე ფორმის განვითარების რისკი დაახლოებით 9-ჯერ მეტია.

ვაქცინის მესამე დოზა?

როგორც აღვნიშნეთ, ისრაელმა საკუთარი მოქალაქეებისთვის ვაქცინის მესამე, ე.წ. „ბუსტერ დოზის“ შეთავაზება დაიწყო. თავდაპირველად მისი მიღების შესაძლებლობა 60 წლიდან ასაკის პირებს ჰქონდათ, მოგვიანებით კი ეს ასაკობრივი ზღვარი 40 წლამდე შემცირდა. ისრაელში ჩატარებული კვლევის თანახმად, მესამე დოზით აცრის შემდეგ ინფიცირებისა და დაავადების მძიმე ფორმის განვითარების რისკი 10-ჯერ ნაკლებია ვიდრე მხოლოდ ორი დოზით აცრის შემთხვევაში. ანატ ზოჰარის განცხადებით, რომელიც „ბუსტერ“ პროგრამის კვლევას ხელმძღვანელობს, „სამი დოზით აცრა არის გამოსავალი ინფიცირების გაზრდილი მაჩვენებლის შესამცირებლად.“

რა იქნება მომავალში?

არსებობს ცხარე დებატები იმასთან დაკავშირებით, უნდა აამოქმედონ თუ არა ქვეყნებმა ე.წ. „ბუსტერ“ პროგრამ მაშინ , როცა მსოფლიოში უამრავ ადამიანს ვაქცინაზე ხელი არ მიუწვდება.

ზოგს უჩნდება კითხვა, საჭირო იქნება თუ არა კოვიდ 19-ის საწინააღმდეგო ვაქცინა ყოველ ექვს თვეში, ან, გრიპის აცრის მსგავსად, წელიწადში ერთხელ.

მიუხედავად იმისა, რომ მეცნიერებს დიდი რაოდენობით მტკიცებულება დაუგროვდათ იმასთან დაკავშირებით, რომ კორონავირუსის საწინააღმდეგო ვაქცინები უსაფრთხო და ეფექტურია თითქმის ყველასთვის, კიდევ არსებობს სფეროებში, სადაც საჭიროა მეტი ინფორმაცია. მაგალითად, ზუსტად რამდენ ხანს ძლებს იმუნიტეტი და უზრუნველყოფს თუ არა „ბუსტერ“ დოზა უფრო გრძელვადიან დაცვას.

ადამიანებს შეუძლიათ მიიღონ კარგი ბუნებრივი დაცვა ვირუსის გადატანის შემდეგ, მაგრამ, თუკი დაინფიციებული ადამიანი არავაქცინირებულია, დაავადებას თან ახლავს დამძიმების, გრძელვადიანი გართულებების განვითარებისა და სიკვდილის რისკი.

ვაქცინები კორონავირუსისგან გვიცავს, თუმცა ვაქცინირებული ადამიანის დაინფიცირების შანსი, რა თქმა უნდა არსებობს. აღსანიშნავია, რომ ვაქცინირებულებში დაავადება, ძირითადად, მსუბუქი სიმპტომებით მიმდინარეობს, ვაქცინისგან მიღებული იმუნიტეტი კი კიდევ უფრო ძლიერდება.

მეცნიერები ვარაუდობენ, რომ ვაქცინირებული ადამიანის დაინფიცირება, ან კოვიდგადატანილი ადამიანის ხელახლა დაინფიცირება დაავადებას უფრო ნაკლებად სარისკოს ქმნის. ამან, შესაძლოა, კორონავირუსი მომავალში განმეორებად, თუმცა შედარებით მსუბუქ და ნაკლებად უსიამოვნო დაავადებად აქციოს.

წყარო  : https://www.bbc.com

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ემიგრანტიმედიცინასაქართველო

ქართველი მეცნიერი, რომელიც ჩართული იყო კორონავირუსის საწინააღმდეგო ვაქცინის შექმნაში

მსოფლიოს წამყვან უნივერსიტეტებსა და ლაბორატორიებში ბევრი ქართველი მეცნიერი
საქმიანობს, რომელთა შესახებ ბევრმა ჩვენგანმა არ იცის. მათი ნაწილის სახელი და გვარი მას
შემდეგ გავიგეთ, რაც პანდემია დაიწყო და მათი ცოდნის გაზიარება დაგვჭირდა.
ერთ-ერთი მათგანი არის გიორგი ბაბუაძე, რომელსაც წვლილი მიუძღვის კორონავირუსის
საწინააღმდეგო ერთ-ერთი ვაქცინის შექმნაში. ქართველი მეცნიერი კანადაში, ლავალის უნი
ვერსიტეტში მუშაობდა, იგი მოლეკულური ვირუსოლოგიის მიმართულებით 2017
წლიდან დნმ-პლათფორმაზე მუშაობდა, რომელიც დატესტილია და რომელიც გადაწყვიტეს
გამოეყენებინათ კორონავირუსის საწინააღმდეგო ვაქცინის შექმნაში. ქართველი კი მეცნიერთა იმ
ჯგუფის ერთ-ერთი წევრი იყო, ვინც ვაქცინაზე მუშაობდა და რადგანაც ვირუსი კარგად იყო
შესწავლილი, ვაქცინის შექმნას ორი თვე დასჭირდა, მაგრამ რა თქმა უნდა, ცდებს ბევრად მეტი
დრო.
მათ მიერ შექმნილი ვაქცინის ტიპი ადამიანის ორგანიზმში არ საჭიროებს ცოცხალი ვირუსის ან ან
ტივირუსის შეყვანას, არამედ ის დნმ-პლათფორმის მეშვეობით, ვირუსის ანტიგენის შეყვა
ნის მექანიზმია.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
კვლევებიმედიცინამსოფლიო

რა ტემპით ცრიან ქვეყნები 12 წლიდან ასაკის ბავშვებს? – ქვეყნების სტატისტიკა

ევროპის მედიკამენტების სააგენტომ „ფაიზერ/ბიონტექის“ კორონავირუსის საწინააღმდეგო ვაქცინის 12-15 წლის ასაკის ბავშვებში გამოყენება მიმდინარე წლის მაისში დაამტკიცა, ერთი თვის შემდეგ კი სააგენტომ 12-17 წლის პირებში გამოყენების ავტორიზაცია „მოდერნას“ ვაქცინას მიანიჭა.

მიუხედავად იმისა, რომ ევროპის მარეგულირებელმა ორგანომ ვაქცინების 12 წლის ზემოთ ასაკის ბავშვებში გამოყენება დაამტკიცა, ეს ინიციატივა ევროპის ყველა ქვეყანასა და ჯანდაცვის უწყებაა არ გაუზიარებია, თუმცა ბევრმა ქვეყანამ აღნიშნული ასაკობრივ ჯგუფში შემავალი პირები ვაქცინაციის პროგრამებში უკვე ჩართო.

გაერთიანებული სამეფო

გაერთიანებულ სამეფოში 16-17 წლის მოზარდების კოვიდ 19-ის საწინააღმდეგო ვაქცინებს 23 აგვისტოდან სთავაზობენ. მომავალი კვირიდან ინგლისში კორონავირუსის საწინააღმდეგო ვაქცინაციას 12-15 წლის ასაკის ყველა ბავშვს შესთავაზებენ. ხელისუფლებამ აღნიშნული გადაწყვეტილება მას შემდეგ მიიღო, რაც შესაბამისი რეკომენდაცია მთავრობის მრჩეველთა ჯგუფისგან, „მთავარი სამედიცინო ოფიცრებისგან“, მიიღო. შოტლანდიას, უელსსა და ჩრდილოეთ ირლანდიას საკუთარი ჯანდაცვის პოლიტიკა აქვთ, თუმცა „მთავარი სამედიცინო ოფიცრებისგან“ ანალოგიური რეკომენდაცია მათაც მიიღეს.

მთავარი სამედიცინო ოფიცრების“ რეკომენდაციის თანახმად, 12 -დან 15 წლამდე ასაკის ბავშვები „ფაიზერ/ბიონტექის“ ვაქცინით უნდა აიცრან. აღსანიშნავია, რომ ბრიტანეთში აქამდე აღნიშნული ასაკის მხოლოდ მაღალი რისკის მქონე ბავშვებს სთავაზობდნენ ვაქცინაციას.

იტალია

იტალიაში 16 აგვისტოდან 12-18 წლის ასაკის მოზარდებს ვაქცინის მიღების საშუალება წინასწარი რეგისტრაციის გარეშე აქვთ. ამჟამად, ვაქცინის ერთი დოზით აღნიშნული ასაკობრივი ჯგუფის 62.43 %-ია აცრილი, სრულად ვაქცინირებული კი – 44.95 %-ია.

გერმანია

გერმანიაში 12 წლის ზემოთ ასაკის ბავშვებს კოვიდ 19-ის საწინააღმდეგო ვაქცინას 16 აგვისტოდან სთავაზობენ. ბოლო მონაცემებით, ქვეყანაში კორონავირუსის საწინააღმდეგო ვაქცინის ერთი დოზა 12-17 წლის ასაკის პირების 36.7 %-ს აქვს მიღებული, სრულად ვაქცინირებული კი 25.8 %-ია.

ირლანდია

ირლანდიაში ზრდასრულ მოსახლეობაში ვაქცინაციის საკმაოდ მაღალი მაჩვენებელია. კერძოდ, 18 წლის ზემო ასაკის პირების 90 %-ზე მეტი უკვე სრულადაა ვაქცინირებული.

ვაქცინაციისთვის 12-15 წლის ასაკის ბავშვების რეგისტრაცია 11 აგვისტოს დაიწყო და მხოლოდ 48 საათში 75000-ზე მეტი ჯავშანი გაკეთდა.

ირლანდიის ჯანდაცვის სამსახურის 13 სექტემბრის მონაცემებით, 12 წლის ზემოთ ასაკის პირების 90.2 %-ს ვაქცინის ერთი დოზა, 85.1 %-ს კი ორივე დოზა აქვს მიღებული.

პოლონეთი

პოლონეთში 12 წლიდან ბავშვებში დამტკიცებულია როგორც „ფაიზერის“, ასევე „მოდერნას“ ვაქცინის გამოყენება. პოლონეთის ჯანდაცვის სამსახურების ცნობით, ქვეყანაში, 14 სექტემბრის მონაცემებით 12-17 წლის ასაკის ბავშვებში ვაქცინები 1.4 მილიონი დოზაა გამოყენებული.

ეს საკმაოდ დაბალი მაჩვენებელია და ვაქცინაციის განხორციელება სკოლების საშუალებით იგეგმება.

საფრანგეთი

საფრანგეთი ერთ -ერთი პირველი ქვეყანა იყო, სადაც 12 წლიდან ასაკის ბავშვების აცრა დაიწყო. ბოლო მონაცემებით, 15 ივნისიდან დღემდე ვაქცინის მინიმუმ ერთი დოზა 12-17 წლის მოზარდების 68 %-მა მიიღო, 56 % კი – სრულადაა ვაქცინირებული.

ესპანეთი

ესპანეთის ჯანდაცვის სამინისტროს ინფორმაციით, 13 სექტემბრისთვის, ესპანეთში მცხოვრები 12-დან 19 წლამდე ასაკის 3.9 მილიონი მოზარდიდან კოვიდ 19-ის საწინააღმდეგო ვაქცინის ერთი დოზა 79.2 %-მა მიიღო, 58.4 %-ი კი – სრულადაა ვაქცინირებული.

დანია

დანიის ჯანდაცვის სამსახურმა 12-15 წლის ასაკის ბავშვების ვაქცინაცია ივლისში დაიწყო.

აღსანიშნავია, რომ გასულ კვირაში დანიამ კოვიდ 19-თან დაკავშირებით დაწესებული ყველა დარჩენილი შეზღუდვა გააუქმა, რადგან დაინფიცირების შემთხვევებმა მნიშვნელოვნად იკლო და ქვეყნის ხელისუფლების განმარტებით, ეს მეტწილად ვაქცინაციის მაღალმა მაჩვენებელმა განაპირობა.

დანიაში 12 წლის ზემოთ ასაკის მოქალაქეების 83.5 პროცენტი სრულადაა ვაქცინირებული.

 წყარო : https://www.euronews.com/

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
მედიცინა

ჯანმომ რუსული “სპუტნიკ- V” ვაქცინის განხილვა შეწყვიტა

ჯანდაცვის მსოფლიო ორგანიზაცია აცხადებს, რომ მათ რუსული კოვიდ-19-ის ვაქცინის – “სპუტნიკ-V” – დამტკიცების პროცესი შეწყვიტეს. ამის მიზეზი წარმოების პროცესში მომხდარი დარღვევებია.

ჯანმომ დარღვევები რამდენიმე ხნით ადრე ჩატარებული ინსპექციის დროს დააფიქსირა. კოვიდ-19-ის ვაქცინების საგანგებო ავტორიზაციას ჯანდაცვის მსოფლიო ორგანიზაცია საწარმოების ინსპექტირების გარეშე არ იძლევა – განაცხადა 15 სექტემბერს ორგანიზაციის ლათინური ამერიკის რეგიონული ოფისის დირექტორის მოადგილემ ჯარბას ბარბოსამ. იმ შემთხვევაში, თუ საწარმო გაითვალისწინებს უსაფრთხოების კოდებს და გამოასწორებს ვითარებას, ჯანდაცვის მსოფლიო ორგანიზაცია ახალ ინსპექციას ჩაატარებს – აცხადებს ბარბოსა.

ივნისში გამოქვეყნებულ ანგარიშში ჯანმო ამბობდა, რომ ქ. უფაში მდებარე რუსული ფარმაცევტული კომპანიის “ფარმსტანდარდის” საწარმოში მრავალჯერადი დარღვევები ნახეს. სხვა დარღვევებს შორის, ჯანდაცვის მსოფლიო ორგანიზაცია ვაქცინების დაბინძურების რისკებს ასახელებს. როგორც ირკვევა, არ იყო გათვალისწინებული “ადეკვატური ზომების დანერგვის აუცილებლობა, რათა აღკვეთილიყო დაბინძურების რისკები”. რუსული ფარმაცევტული კომპანია კი აცხადებდა, რომ ეს ზომები გაატარა.

კრემლი თებერვლის შემდეგ ცდილობს, რომ რუსული კოვიდ-19-ის ვაქცინა “სპუტნიკ-V” ჯანმომ ან ევროკავშირის მარეგულირებელმა დაამტკიცოს. თუმცა, ამ დრომდე ეს ვერ მოხერხდა. მიზეზად რამდენჯერმე საჭირო საბუთების წარუდგენლობა, ან დაგვიანება დასახელდა. მოსკოვმა ფორმალური დამტკიცების გვერდის ავლით მაინც შეძლო ვაქცინის მსოფლიო ბაზარზე გატანა და მას რამდენიმე ქვეყანაში უკვე იყენებენ.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
1 33 34 35 36 37 90
Page 35 of 90