საცხობების ქსელი „ანტრე“ ლონდონში გაიხსნება. ქსელის პირველი კაფე ნოთინგ ჰილ გეითის # 138-ში სტუმრებს 2020 წლის ზაფხულიდან უმასპინძლებს.
ახალგაზრდა ანალიტიკოსთა და მეცნიერთა დარბაზი ,,დოქტრინა“
ეს საინტერესოა
რუსული კომპანია KrioRus-ი გარდაცვლილი ადამიანის ტვინებსა და სხეულებს გარკვეული თანხის სანაცვლოდ გაყინულ მდგომარეობაში ინახავს. მისი „პაციენტები“ ის ადამიანები არიან, ვისაც სჯეროდათ, ან ვისი ახლობლებიც მიიჩნევენ, რომ მომავალში მეცნიერები გარდაცვლილი ადამიანის გაცოცხლებას შეძლებენ.
კომპანიას ამჟამად 71 ადამიანის ტვინი აქვს გაყინული. რუსეთის იმ მოქალაქეებს, რომლებსაც კრიონიკის პროცედურის საშუალებით მთლიანი სხეულის გაყინვა სურთ, 36,000 აშშ დოლარის, იგივე მეთოდით ტვინის გაყინვისთვის კი – 15,000 აშშ დოლარის გადახდა მოუწევთ, ფასი შედარებით მაღალია სხვა ქვეყნების მოქალაქეებისთვის.
კომპანია KrioRus-ი ტვინებს თხევად ნიტროგენში, -196 გრადუს ცელსიუს ტემპერატურაზე, მაღალ კასრებში ინახავს.
ალექსეი ვორონენკოვმა კომპანიას გარდაცვლილი 70 წლის დედის ტვინი გაყინვა დაუკვეთა და იგივეს გაკეთებას საკუთარ ტვინზეც აპირებს. მიუხედავად იმისა, რომ დღემდე არ არსებობს არცერთი მტკიცებულება, რომ მეცნიერები ოდესმე ადამიანის გაცოცხლებას შეძლებენ, ვორონენკოს სჯერა, რომ დედამისს ერთ დღეს სიცოცხლეს დაუბრუნებენ.
რუსეთის მეცნიერებათა აკადემიის ფსევდომეცნიერების კომისიის ხელმძღვანელის, ევგენი ალექსანდროვის შეფასებით, კრიონიკი „ექსკლუზიურად კომერციული საქმეა არანაირი მეცნიერული საფუძველი გააჩნია.“
„ეს არის ფანტაზია, რომლითაც მკვდრეთით აღდგომასა და სამარადჟამო ცხოვრების შესახებ ადამიანების იმედებზე სპეკულირებენ,“- განაცხადა ალექსანდროვმა რუსულ მედიასთან საუბარში.
KrioRus-ის დირექტორი ვალერია უდალოვა კი ამტკიცებს, რომ დიდი ალბათობით, კაცობრიობა განავითარებს ტექნოლოგიას, რომლითაც მომავალში ადამიანების გაცოცხლება გახდება შესაძლებელი. მისივე თქმით, კომპანიასთან ხელშეკრულება ასობით პოტენციურ კლიენტს აქვს გაფორმებული, რომლებიც 20-მდე სხვადასხვა ქვეყნის მოქალაქეები არიან.
კომპანიის განცხადებით, KrioRus რუსეთსა და რეგიონში ერთადერთი კომპანიაა, რომელიც მოქალაქეებს კრიონიკის მომსახურებას სთავაზობს, აშშ-ში კი მას სულ ცოტა 2 კონკურენტი კომპანია ჰყავს.
წყარო : Reuters
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა“
იაპონიის ერთ-ერთ ყველაზე დიდ და პოპულარულ სწრაფი კვების ობიექტში „მაცუია“, რომელსაც იაპონიაში 1000-მდე ობიექტი აქვს, ქართული კერძი შქმერული გამოჩნდა.
გარდა ამისა, იაპონიაში საქართველოს საელჩოს ხელშეწყობით, „მაცუიაში“ მისულ მომხმარებლებს ხვდებათ სარეკლამო პოსტერი საქართველოს შესახებ ინფორმაციით.
აღნიშნული ფაქტის შესახებ იაპონიაში საქართველოს საქმეთა დროებითი რწმუნებულის, თეიმურაზ ლეჟავას ინფორმაცია, რომელიც „ტვიტერით“ გავრცელდა, აქტიურად გაშუქდა ადგილობრივ მედიაშიც.
თავდაპირველად, ქართული კერძის დაგემოვნება „მაცუიას“ 70-მდე ობიექტში იყო შესაძლებელი, თუმცა პოპულარობის გამო, 2020 წლის იანვრიდან ქართული კერძის დაგემოვნება „მაცუიას“ თითქმის ყველა, ათასამდე ობიექტში იქნება შესაძლებელი.
წყარო: 1tv.ge
ახალგაზრდა ანალიტიკოსთა და მეცნიერთა დარბაზი ,,დოქტრინა”
კოტ-დ’ივუარში პლასტმასის ბოთლებისა და პოლიეთილენის პარკების ნარჩენებს გადაამუშავებენ და აგურებს დაამზადებენ.
იუნისეფის ინფორმაციით, ქვეყნის მთავარ ქალაქში, აბიჯანში, ყოველ დღე 280 ტონა პლასტმასის ნარჩენი გროვდება და აქამდე მისი მხოლოდ 5 პროცენტის გადამუშავება ხდებოდა.
ინოვაციური პროექტის ფარგლებში, პლასტმასის ბოთლებისა და პარკების აგურებად გადაქცევა განხორციელდება და ამ აგურებს სკოლების ასაშენებლად გამოიყენებენ.
აგურების დასამზადებლად სოციალური საწარმო Conceptos Plasticos-ი სპეციალურ საწარმოს აშენებს.
იუნისეფის მონაცემებით, ქვეყანა საკლასო ოთახების მნიშვნელოვან დეფიციტს განიცდის, რის გამოც 25,000 ბავშვს ცოდნის მისაღებად საჭრო სივრცე არ გააჩნია. ამ პრობლემის გადასაჭრელად კი 15,000 საკლასო ოთახია საჭირო.
წყარო : euronews.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
“სოფელი, სადაც ბავშვებზე მეტი მგლები ცხოვრობენ,“ – ამ სათაურით გამოაქვეყნა სტატია „ბიბისიმ“, სადაც ესპანეთის ერთ-ერთი მთიან სოფელში, და ზოგადად ევროკავშირის ქვეყნებში, არსებულ დემოგრაფიულ პრობლემაზეა საუბარი.
ესპანეთის მთიან სოფელ იერნეს ი თამეზაში მუდმივად მხოლოდ 46 ადამიანი ცხოვრობს. რეგისტრირებული 135 ადამიანიდან, რომელთა შორის ისეთებიც არიან, ვინც სოფელს იშვიათად სტუმრობს, ორი მესამედი 50 წელს გადაცილებულია, 20 წელზე ნაკლები ასაკის კი რეგისტრირებული მოსახლეობის მხოლოდ 5 პროცენტია.
სტატისტიკის თანახმად, შობადობის დონე ევროკავშირის ქვეყნებში მნიშვნელოვნად შემცირდა. ესპანეთი შობადობის სიმცირის მიხედვით ევროკავშირში მეორე ადგილზე დგას. ესპანეთში კი შობადობის ყველაზე დაბალი მაჩვენებელი სოფელ იერნეს ი თამეზაშია. ადამიანების უმრავლესობა კი, ვინც ამ სოფელში იბადება, იქ დარჩენაზე უარს ამბობს და ცხოვრების უკეთეს შესაძლებლობებს ქალაქებში ეძებს.
წყარო : bbc
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
დღეიდან ჰამბურგში მცხოვრებ უსახლკარო ადამიანებს შეეძლებათ ქალაქში მოძრავ მოდიფიცირებულ ავტობუსში შხაპი მიიღონ, გამოიცვალონ და ტანსაცმელი გარეცხონ.
“ამ ავტობუსში ყოფნა ძალიან კომფორტულია. თავს ღირსეულად გრძნობ და საკმაოდ დიდი სივრცეც გაქვს”, – ამბობს პროექტ GoBanyo-ს ავტორი დომინიკ ბლოჰი, რომელიც წლების განმავლობაში თავადაც უსახლკარო იყო, – “როცა ჭუჭყიანი ვიყავი, გამვლელები თვალს მარიდებდნენ და ცდილობდნენ, მომრიდებოდნენ, რაც თავს იზოლირებულად მაგრძნობინებდა”.
სწორედ ამ გამოცდილებამ უბიძგა 31 წლის დომინიკს, უსახლკაროებისთვის ცხოვრება ამ გზით შეემსუბუქებინა.
ახალგაზრდა ანალიტიკოსთა და მეცნიერთა დარბაზი ,,დოქტრინა”
ჯორჯიის შტატში მტაცებელი თევზის სახეობა, რომელიც ჰაერში სუნთქავს და მიწაზე ცოცხალი რჩება, პირველად აღმოაჩინეს. ოფიციალური პირები კი მოსახლეობას მოუწოდებენ, სადაც მას გადააწყდებიან, მაშინვე მოკლან, რადგან ეს სახეობა სწრაფად მრავლდება და შესაძლოა მან ადგილობრივ ეკოსისტემას საფრთხე შეუქმნას.
თევზი ჯორჯიის შტატის ჩრდილოეთით, გუბურაში იპოვეს. ჯორჯიის ეროვნული რესურსების სააგენტოს ხელმძღვანელი, მეთ ტომასი ადგილობრივ მეთევზეებს მოუწოდებს, რომ ის მაშინვე მოკლან, გაყინონ და ხელი შეუშალონ სხვა წყლებში მის გავრცელებას:
“თუ შესაძლებელია, გადაუღეთ ფოტოები, განსაკუთრებით მის პირსა და კუდზე”.
გველთავას სახეობა ამერიკის მასშტაბით სულ 14 შტატშია დაფიქსირებული. გრძელი, თხელი და მუქი ფერის მტაცებელი თევზი ერთი მეტრის სიგრძე იზრდება. ის ადგილობრივი სახეობა არაა, ამიტომ მაღალი შანსია, რომ იქაურ წყლის ბინადრებს საფრთხეს შეუქმნის.
უმაღლესი განათლების დამადასტურებელი დიპლომის მქონე ყველაზე მცირეწლოვანი ბავშვის სტატუსს მალე ნიდერლანდებში მცხოვრები 9 წლის ვუნდერკინდი, ლორან სიმონსი მიიღებს. ამის შესახებ ინფორმაციას BBC-ის რუსული გამოცემა ავრცელებს.
ლორან სიმონსი რამდენიმე თვეში ეინდჰოვენის ტექნიკურ უნივერსიტეტს დაამთავრებს. ის ელექტროტექნიკის ფაკულტეტზე სწავლობს, უნივერსიტეტში კი სულ რაღაც 1 წლის წინ ჩააბარა.
საშუალო და უფროსი კლასის 6-წლიანი პროგრამა 9 წლის ვუნდერკინდმა 1.5 წელიწადში დაფარა და გასული წლის ზაფხულში, როდესაც ის 8 წლის იყო საშუალო განათლების ატესტატი აიღო.
ბიჭის IQ 145-ია, მას ფოტოგრაფიული მეხსიერება აქვს, თავად ლორანის თქმით, მისი საყვარელი საგანი მათემატიკაა, იმიტომ რომ ის მოიცავს სტატისტიკას, გეომეტრიას და ალგებრას.
ახალგაზრდა ანალიტიკოსთა და მეცნიერთა დარბაზი ,,დოქტრინა”
ქართული საკონსულტაციო კომპანია „Insource“ ოთხდღიან სამუშაო რეჟიმზე გადადის.
ამის შესახებ Facebook-ის ოფიციალურ გვერდზე კომპანიის მიერ გამოქვეყნებულ პოსტშია ნათქვამი.
“გადავწყვიტეთ, დანიამ და „მაიკროსოფტმა“ რატომ უნდა გვაჯობონ და ოთხდღიან სამუშაო კვირას ავუწყეთ ფეხი!
რა თქმა უნდა, დანიას და „მაიკროსოფტს“ სხვა რამეებშიც რომ მივბაძოთ. ძალიან გვინდა, მაგრამ უკვე მიმდინარე კვირიდან, პარასკევი უქმე დღეა ინსორსში!
დარწმუნებულები ვართ, ჩვენი პროდუქტიულობაც გაიზრდება, შედეგებიც გაუმჯობესდება და “სამსახურეობრივი ბედნიერების” მაჩვენებელიც მოგვეწონება.
დავგეგმეთ როგორ დავასრულოთ სამუშაოები ხუთშაბათს და ველით ინტერესით ჩვენი გუნდის ერთობლივი გადაწყვეტილების შედეგს!
ვინ იქნება შემდეგი – არ ვიცით, შედეგებს გაგიზიარებთ და თქვენც მოგვყევით !
წარმატებებს გისურვებთ და ამ საინტერესო ექსპერიმენტის სურვილი თქვენც გადმოგედოთ”, – წერია პოსტში.
ცნობისთვის: „ინსორსი“ საკონსულტაციო და რეკრუტინგული კომპანიაა, რომელიც ბაზარზე 2011 წლიდან ფუნქციონირებს. ის ეხმარება პარტნიორ ორგანიზაციებს ლიდერების მოძიებასა და ხალხის ეფექტურად მართვაში.
ახალგაზრდა ანალიტიკოსთა და მეცნიერთა დარბაზი ,,დოქტრინა”
ნუცა მეტრეველმა საქართველოსა ქვეყნის ფარგლებს გარეთ მრავალჯერ გაიტანა და ფიქრობს, რომ ეს მხოლოდ ძალიან დიდი გეგმების დასაწყისია. პირველი საერთაშორისო წარმატება 16 წლის ასაკში, 2015 წელს საბერძნეთში გამართულ საერთაშორისო კონფერენციაზე მოიპოვა და თვლის, რომ ეს გამარჯვება მის ცხოვრებაში მომდევნო წარმატებების საწინდარი გახდა.
მოგესალმებით, დავიწყოთ თავიდან , როგორც ვიცით 2015 წელს საბერძნეთში გამართულ საერთაშორისო კონფერენციაზე “Euromath 2015” 54 ქვეყნიდან 1 ადგილის მფლობელი გახდით, რა როლი ითამაშა ამ კონფერენციამ თქვენს ცხოვრებაში?
ეს კონფერენცია იყო ჩემი ნაშრომის პირველი საერთაშორისო აღიარება და ბუნებრივია, რომ მას განსაკუთრებული ადგილი უჭირავს ჩემს ცხოვრებაში, როგორც მნიშვნელოვან ემოციურ მოვლენასა და ერთ-ერთ მთავარ მოტივატორს. გარდა ამისა, კონფერენციაზე დავრწმუნდი, რომ იდეათა მრავალფეროვნება და წვდომა მათი წარმოჩენის განსხვავებული გზებთან მომავალში მომცემდა საშუალებას, განმევითარებინა კრიტიკული აზროვნება და მივსულიყავი რთული პრაქტიკული პრობლემების ეფექტურ გადაწყვეტამდე. სწორედ ამიტომ, ამ კონფერენციის შემდეგ, ჩემი მიზანი იყო უმაღლესი განათლების მრავალფეროვან გარემოში მიღება, რათა შესაძლებლობა მქონოდა, გამეზიარებინა ჩემი შეხედულებები სხვადასხვა ეროვნებისა და კულტურის წარმომადგენლებთან და განმევითარებინა ახალი პერსპექტივა სხვადასხვა საკითხთან დაკავშირებით.
ცერნის ატომური კვლევების ევროპულ ორგანიზაციაში მსოფლიოს საუკეთესო ფიზიკოსებს და უახლეს აღმოჩენებს გაეცანით. თქვენი ემოციების და შთაბეჭდილებების შესახებ რომ მოგვიყვეთ.
ცერნის შეხვედრა ჩემთვის ძალიან დიდ ემოციასთან ასოცირდება, რადგან შესაძლებლობა მომეცა, არამარტო ახლოს გავცნობოდი ადგილობრივი კვლევების მეთოდებსა და სპეციპიკას, არამედ შევხვედროდი ცერნში მოღვაწე ქართველ მეცნიერებს და შემესწავლა მათი საქმიანობაც. წარმოიდგინეთ, 15 წლის რუსთაველი გოგონა, რომელსაც ფიზიკა მხოლოდ თეორიულად აქვს ნასწავლი, მსოფლიოს უდიდეს ფიზიკის ლაბორატორიაში, ბირთვულ ამაჩქარებლებთან. სულ სხვა თვალით შევხედე ფიზიკას და ზოგადად, სამყაროს განვითარების იმ ეტაპს, რომელზეც ახლა ვართ – ვცდილობთ, ხელოვნურად შევქმნათ სინათლის სიჩქარე და ამას ვაკეთებთ არა რაიმე ზებუნებრივი ძალის გამოყენებით, არამედ ადამიანის გონებრივი რესურსის დახმარებით. ვფიქრობ, ამ ასაკში ამის გაცნობიერებას ჩემთვის გადამწყვეტი მნიშვნელობა ჰქონდა. სწორედ მაშინ დავიწყე უფრო მასშტაბურ იდეებისა და მათი განხორციელების გზების გამოკვლევა ჩემს სამომავლო პროფესიულ ჭრილში.
როგორ ფიქრობთ, რა უპირატესობა აქვს საზღვარგარეთ მიღებულ განათლებას?
როგორც უკვე აღვნიშნე, საქართველოში განათლება პრაქტიკული მხარით მოიკოჭლებს. სკოლების უმრავლესობას არ აქვს ლაბორატორიები, რაც შეუძლებელს ხდის მოსწავლეებისათვის საბუნებისმეტყველო საგნების მაღალ დონეზე ათვისებას. რაც შეეხება საუნივერსიტეტო განათლებას, ერთ-ერთი უმთავრესი მიზეზი, რატომაც ამერიკაში სწავლა გადავწყვიტე, არის ის, რომ ყველა ლექცია ჩემთვის საინტერესო და გამოსადეგია. არაა საჭირო, დავიზეპიროთ ფორმულები და ფაქტები, რომელთა შესახებაც ინფორმაციას ნებისმიერ საძიებო სისტემაში ადვილად ვიპოვით. ამის მაგივრად, აქ მთავარი აქცენტი კეთდება კრიტიკულ აზროვნებაზე, სიტუაციების შეფასების უნარსა და ზოგადი ინტელექტის ხარისხის ამაღლებაზე, რომელიც თავის თავში არ მოიაზრებს, მაგალითად, თარიღების ზეპირად ცოდნას, როგორც ამას საქართველოში ხშირად აღიქვამენ. მასწავლებლები და ლექტორები ცდილობენ, მოგვცენ საკუთარი აზრის განვითარების საშუალება და არ ჩაგვიდონ თავში მოცემული „ჭეშმარიტება“, რაც არ უნდა ცხადი იყოს ის საზოგადოების უმრავლესობისათვის. ამერიკაში უფრო აფასებენ განსხვავებულ იდეებს და ქმნიან საჭირო პირობებს მათ განსახორციელებლად, რაც შემდეგ, ცხადია, სახელმწიფოს განვითარების დონეზე დადებითად აისახება.
სამომავლო გეგმებზე უფრო დეტალურად გვესაუბრეთ, როგორ ფიქრობთ, ვინ იქნება მომავალში ნუცა მეტრეველი? რა არის მაქსიმუმი, რისთვისაც იბრძვით?
მიუხედავად ჩემი გამოცდილებისა და დიდი ინტერესისა სამეცნიერო სფეროსდმი, სუფთა მეცნიერული პროფესიაზე არასდროს მიოცნებია. ძალიან მიყვარდა მათემატიკა და ყოველთვის მინდოდა, ჩემი ტექნიკური ცოდნის რეალიზება გამოყენებითი კუთხით მომეხდინა ფართომასშტაბიანი, საერთაშორისო მისიიაზე მორგებული ბიზნესის შექმნით. ამიტომ გადავწყვიტე, ბიზნესის ფაკულტეტზე მეწარმეობის მენეჯმენტის განხრით მესწავლა. იდეები მაქვს, მაგრამ ჯერ არსად ვაჟღერებ და იმედი მაქვს, არც თქვენ მიწყენთ (იცინის). ვინ იქნება მომავალში ნუცა მეტრეველი? კარგი კითხვაა და ამ კითხვაზე ზუსტი პასუხი მაქვს – წარმატებული ქართველი ბიზნესვუმენი, თან ძალიან მალე. რაღა დარჩა, ქართველი უკვე ვარ, ბიზნესვუმენობაც მალე იქნება დიდი ალბათობით (იცინის), წარმატება კიდევ მხოლოდ ჩვენზეა დამოკიდებული, ჩვენს შრომისმოყვარეობაზე და იმაზე, რამდენად გვჯერა ჩვენი თავისა და შესაძლებლობების. მაქსიმუმი, ალბათ, ის იქნება, რომ მე თვითონ ვიყო სხვებისთვის მოტივაცია, განსაკუთრებით კი, ქალებისთვის, რომლებსაც ჯერ კიდევ ეპარებათ ეჭვი იმაში, რომ თავიანთი გამბედაობით, განათლებითა და შრომით ცხოვრებაში დასახულ მიზანს ყოველთვს მიაღწევენ.
ახალგაზრდა ანალიტიკოსთა და მეცნიერთა დარბაზი – ,,დოქტრინა”