ეს საინტერესოა

ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორის, თენგიზ ცერცვაძის განცხადებით, ინფიცირების შემთხვევების მატებას, მხოლოდ „ლოქდაუნი“ შეაჩერებს. ამის შესახებ მან ჯანდაცვის კლინიკური ჯგუფისა და ეკატერინე ტიკარაძის შეხვედრის შემდეგ განაცხადა.

თენგიზ ცერცვაძემ ეს მოსაზრება ზუსტად ამ ციტატით გამოთქვა (სტილი დაცულია):

„…ახალი შემთხვევების მზარდი რაოდენობის პირობებში და ამას ვერ ავცდებით, თუ არ შემოვიღებთ ლოქდაუნს, კარანტინს დაჩაკეტვებს. რისი გაკეთებაც ჩვენს ქვეყანას, განსხვავებით ევროპისგან და ამერიკის შეერთებული შტატებისგან, არ უნდა, სადაც ზოგან მთელი ლოქდაუნია, ზოგან კი ნაწილობრივი. ე.ი ჩვენ ამაზე არ მივდივართ, რათა მოსახლეობამ არ განიცადოს სერიოზული დისკომფორტი, რაც იყო მარტში და აპრილში და არ მოხდეს ეკონომიკის ხელმეორედ გაჩერება“, – განაცხადა თენგიზ ცერცვაძემ. 

ახალგაზრდა ანალიტიკოსთა და მეცნიერთა დარბაზი ,,დოქტრინა”

„ინფექციის კვლავ შებრუნების მაჩვენებელი ხშირ შემთხვევაში მსოფლიოში აღწერილი არ არის. არის მხოლოდ ერთეული შემთხვევები და მასიური ხასიათი არ აქვს. ამ 10 თვის განმავლობაში რასაც კაცობრიობა უყურებს.

თუმცა, ჟურნალ „ლანცეტის“ ინფექციური დაავადების ნაწილმა გამოაქვეყნა სტატია, სადაც ამერიკელი პაციენტის შემთხვევაა აღწერილი, რომელმაც აპრილში კორონავირუსი გადაიტანა და ივლისში ისევ დაინფიცირდა. ნახეს, რომ ვირუსი სხვადასხვა შტამპით, სხვა ქვესახეობით დაემართა.

ადამიანმა, რომელმაც კორონავირუსი გადაიტანა, მინიმუმ, ვისაც სიმპტომი ჰქონდა, მას ისეთი იმუნიტეტი აქვს, რომ 1-2 წელი ამ ინფექციის გამეორებისგან დაცული იქნება.

თუ ადამიანს ინფექციამ სუსტი იმუნიტეტი დაუტოვა და ისედაც სუსტი იმუნური სისტემის მქონეა, მას შეიძლება ისევ შეხვდეს. მსოფლიოში მხოლოდ ერთეული, თითზე ჩამოსათვლელი შემთხვევები ფიქსირდება.

ვინც კორონავირუსიგადაიტანა, მშვიდად უნდა იყოს. მძიმე სიმპტომებით ინფიცირებულ ადამიანს, ალბათ, ეს დიდხანს აღარ დაემართება. გამოცდილებამ აჩვენა, რომ ვინც მძიმედ იყო და გადარჩა, იმუნიტეტი, მინიმუმ 2 წელი ექნება.

მეტი შანსია, რომ შეხვდეს მას, ვინც ასიმპტომურად გადაიტანა, საერთოდ არაფერი აწუხებდა ან მსუბუქად გადაიტანა. მათ აქვთ უფრო მსუბუქი იმუნიტეტი და მეტი შანსია, რომ კიდევ შეხვდეთ ახალი შტამბით ვირუსი“, – განმარტავს კულუმბეგოვი.

ახალგაზრდა ანალიტიკოსთა და მეცნიერთა დარბაზი ,,დოქტრინა”

„ვიყოთ მოსვენებული, მაგრამ აქტიური, იმიტომ რომ უნდა ვიმოძრავოთ, რაც შეიძლება მეტი“ – დაავადებათა კონტროლის ცენტრის დირექტორის მოადგილემ, პაატა იმნაძემ სახლებში მყოფ კოვიდინფიცირებულებისთვის რეკომენდაციები გასცა.

„მივიღოთ მეტი სითხე. ძალიან დიდი მნიშვნელობა აქვს დამძიმებას. ერთ-ერთი არის ის, რომ ამან შეიძლება სისხლის შედედებაზეიმოქმედოს. ამიტომ დავისვენოთ, თუმცა ვიმოძრაოთ სახლში. დაახლოებით, თვითმფრინავში ვინც მჯდარა, ძალიან დიდხანს რომ ერთ პოზაში ხარ, არ შეიძლება. ჯობია ვიაროთ აქეთ-იქით, რომ სისხლმა კარგად იმოძრაოს. თუ სითხესაც მივიღებთ, მარტივად რომ ვთქვა, სისხლი უფრო მოძრავი იქნება ჩვენს სისხლძარღვებში. ლიმონიანიჩაი კარგია ამისთვის.

თუ სამედიცინო ჩვენებაა, არსებობს ოჯახის ექიმი, რომელმაც უნდა შეაფასოს პაციენტი. თუ რისკფაქტორია და რაიმე მძიმდება, პაციენტი უნდა იყოს გადაყვანილი კლინიკაში“, – განაცხადა პაატა იმნაძემ „ფორმულას“ ეთერში.

ახალგაზრდა ანალიტიკოსთა და მეცნიერთა დარბაზი ,,დოქტრინა”

„ჩემო მეგობრებო, ძვირფასებო… ეს ინფორმაცია, რომელსაც ქვემოთ გაწვდით, შეგროვებულია იტალიელი სამედიცინო პერსონალის მიერ, რომელსაც კოვიდდან შეხება ჰქონდა. მინდა გაგიზიაროთ, იქნებ გამოგადგეთ… მეგობრებს, რომლებსაც, სამწუხაროდ, ეს ვირუსი შეგხვდათ, ნუ დაგეზარებათ და კომენტარში დამიწერეთ, თუ გქონდათ აღნიშნული სიმპტომები ან მათგან განსხვავებული. ასე, იქნებ, დავეხმაროთ ერთმანეთს კოვიდის ადვილად იდენტიფიკაციაში. დიდი მადლობა წინასწარ. ღმერთმა ჯანმრთელობა და მხნეობა მოგცეთ“, – იტალიაში მცხოვრები ქართველი ქიმიკოსი ფიქრია აფხაზავა კორონავირუსის სიმპტომების შესახებ ვრცელ პოსტს აქვეყნებს.

სიმპტომების ამოცნობის შესახებ საყურადღებო ინფორმაციის გარდა აფხაზავა კოვიდინფიცირებულებს სასარგებლო რჩევებს აძლევს.

 კოვიდის სიმპტომები ვლინდება დაინფიცირებიდან მესამე დღეს.

ესენია:
* მთლიანი სხეულისა და კუნთების ტკივილი
* თვალების წვა და ტკივილი
* თავის ტკივილი
* გულისრევა
* ფაღარათი
* სურდო ან „გაჭედილი“ ცხვირი
* წვა შარდვისას
* მაღალი ტემპერატურა ან მისი მხოლოდ შეგრძნება
* ყელის სიმშრალე, ფხაჭვნა ან ტკივილი

პირველი სამი დღე დააკვირდით ამ სიმპტომებს და იმოქმედეთ, სანამ სიცხე აგიწევდეთ.
ყურადღება! მნიშვნელოვანია ბევრი სითხის მიღება. უმჯობესია სუფთა სასმელი წყალი.

მე-4-იდან მე-8 დღემდე გრძელდება მეორე ანუ ანთებითი ფაზა, რომელსაც ახასიათებს შემდეგი სიმპტომები:
* გემოსა და სუნის შეგრძნების დაკარგვა
* დაღლილობის შეგრძნება უმნიშვნელო მოძრაობისასაც კი
* ტკივილი გულმკერდის არეში
* ტკივილი თირკმლის არეში

კოვიდ-19 იკავებს (იკავშირებს) ჟანგბადს, ამიტომაც მცირდება მისი შემცველობა სისხლში და მთლიანად ორგანიზმში.

ანამნეზისას შეეცადეთ განასხვავოთ დაღლილობის შეგრძნება სუნთქვის უკმარისობისაგან.

* დაღლილობის შეგრძნება – ადამიანი ასრულებს უმარტივეს მოძრაობას და მაშინვე იღლება.
* სუნთქვის უკმარისობა – ადამიანს მოძრაობის გარეშე, მჯდომარე მდგომარეობაშიც კი უჭირს სუნთქვა.

მე-9 დღიდან იწყება მესამე ანუ გამოჯანმრთელების ფაზა, რომელიც მე-14 დღემდე გრძელდება.

კიდევ რამდენიმე რჩევა:

* მიეფიცხეთ მზეს 15-20 წუთით დღეში, რასაკვირველია, თუ ამის საშუალება არსებობს
* სვით 1,5 ლიტრი წყალი დღეში და მიიღეთ C ვიტამინი ან მისი შემცველი საკვები
* გაითვალისწინეთ, რომ კორონავირუსის pH მერყეობს 5,5-დან 8,5- მდე, ამიტომ სასურველია ვიკვებოთ არა მჟავე, არამედ ალკალინური ანუ ფუძოვანი საკვებით.
აი, ასეთი ხილის მაგალითი:
* ბანანი, ლაიმი – pH 9,5
* ყვითელი ლიმონი – pH 8,2
* ავოკადო – pH 15,6
* მანდარინი – pH 8,5
* ფორთოხალი – pH 9,2
* ანანასი – pH 12,7.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ინფექციური საავადმყოფოს დირექტორი თენგიზ ცერცვაძე კოვიდინფიცირებულ პაციენტებს, რომლებიც სახლში მკურნალობენ, რეკომენდაციებით მიმართავს.

მისი თქმით, ასეთ შემთხვევაში მნიშვნელოვანია სითხეების მიღება, მოძრაობა და სწორი კვება.

„დღეისთვის, რამდენადაც ვიცი, დაახლოებით 12 ათასი კოვიდავადმყოფი მკურნალობს ბინაზე. თუ თქვენ ხართ უსიმპტომო ან მცირესიმპტომიანი პაციენტი, ჯერჯერობით მხოლოდ ასეთებს ვტოვებთ ბინაზე, პრინციპში არ გჭირდებათ არანაირი მედიკამენტოზური მკურნალობა.

რჩევები იქნება შემდეგნაირი: მიიღოთ საკმარისი რაოდენობით სითხეები, ამასთან სითხის ნაწილი, სასურველია იყოს სუფთა წყლის და არა წვენების ან სხვა სახით. მეორე – იმოძრავეთ, უძრაობა ხელს უწყობს ზოგიერთი გართულებების, მაგალითად თრომბოებოლიის რისკს.

თუ თქვენ ხართ უსიმპტომო, იგულისხმება, რომ არ ხართ ცუდად და შეგიძლიათ იმოძრაოთ, ეს შეიძლება იყოს სიარული, აერობიკა, ჩაბუქვნები, ნებისმიერი სახის მოძრაობა. ამის გარდა, თუ თქვენ გაქვთ ტემპერატურის მცირე მომატება, შეგიძლიათ სახლში მიიღოთ სიცხის დამწევი საშუალებები, მაგრამ თუ 38-ზე ნაკლებია ტემპერატურა, არ არის აუცილებელი მიღება.

მნიშვნელოვანია კვება – მნიშვნელოვანია, რომ ჯანსაღი საკვებით ვიკვებოთ, ნაკლები იყოს მარილი, შაქარი, ნაკლები იყოს ცხოველური ცხიმები – კარაქი ჩანაცვლდეს ზეთით, მივიღოთ საკმარისი რაოდენობის ბოსტნეული.

მივიღოთ ის პროდუქტები, რომლებიც შეიცავენ ანტიოქსიდანტებს, C ვიტამინს, D ვიტამინს, თუთიას და სხვა. ამის გარდა, სადავოა საკითხი, მივიღოთ ვიტამინები, თუ არა, არსებობს განსახვევებული აზრი მსოფლიოში. თუ მივიღებთ D ვიტამინს, დაახლოებით 2 ათასიდან მაქსიმუმ 5 ათასამდე ერთეულს, ცუდი არ იქნება, თუმცა ჯობია, გავიკეთოთ ანალიზი D ვიტამინზე. C ვიტამინიც დღეში დაახლოებით 1 გრამი შეიძლება მივიღოთ“,- განაცხადა ცერცვაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა”