აშშ-ს იუსტიციის დეპარტამენტმა ჩინურ კომპანია Huawei-ს და მის მთავარ ფინანსურ ოფიცერს მენ უანჟოუსბრალი საბანკო თაღლითობაში, მართლმსაჯულების აღსრულებისთვის ხელის შეშლასა ტექნოლოგიის მითვისებისთვის წაუყენეს.
კომპანია, ისევე როგორც მენ უანჟოუ, რომელიც კანადაში დეკემბერში ირანისთვის დაწესებული სანქციების დარღვევის გამო დააკავეს, ბრალს არ აღიარებენ.
„ჩინური კომპანიები ჩვენი ექსპორტის კანონებს და ჩვენს მიერ დაწესებულ სანქციებს წლების განმავლობაში არღვევდნენ, თავიანთი უკანონო საქმიანობის ხელშეწყობის მიზნით,ისინი ხშირად აშშ-ს ფინანსურ სისტემებს იყენებდნენ. ამ ყველაფერს ბოლო მოეღება“, – განაცხადა აშშ-ს სავაჭრო მდივანმა ვილბერ როსმა.
Huawei-მ განცხადება გაავცელა. კომპანია ბრალდებებს უარყოფს და აცხადებს, რომ „არანაირი დარღვევა არ ჩაუდენიათ“ და „არ ფლობენ ინფორმაციას მის მენის მიერ ჩადენილი რაიმე კანონდარღვევის შესახებ.“
ბრალდების მხარე ირწმუნება, რომ კომპანია ორ შვილობილ კომპანიასთან – Huawei Device USA-სა და Skycom T-თან ურთიერთობას აშშ-სა და გლობალური ბანკის მოტყუების ფონზე ირანთან ბიზნესის საწარმოებლად იყენებდა, რომლის წინააღმდეგაც შეერთებულ შტატებს უმკაცრესი სანქციები აქვს დაწესებული.
მეორე ბრალდების თანახმად კი, Huawei-მ T Mobile-გან მოპარული ტექნოლოგია სმარტფონების გამძლეობის დასატესტად გამოიყენა.
აღსანიშნავია, რომ საერთო ჯამში აშშ-მ ჩინურ კომპანიას 23 ბრალდება წაუყენა.
BBC
0
