Apple-ის მომავალი iPhone-ი 3D ფოტოებს გადაიღებს.
ამბობენ, რომ ეფლი (Apple) შესაბამისი ტექნოლოგიის გასავითარებლად ელჯისთან (LG) მუშაობს.
აღნიშნული ტექნოლოგია iPhone 8-ს დამატებითი სამგანზომილებიანი ეფექტის და რეალურ სამყაროში საგნების უკეთესად აღქმის ფუნქციას შემატებს.
ჭორები Korea Economic Daily-ში გამოქვეყნებულ სტატიას ეფუძნება, რომლის თანახმად, ეფლის ახალ პროდუქტში „LG Innotek-ის” ორმაგი ობიექტივის კამერა იქნება გამოყენებული,
აღსანიშნავია, რომ ელჯი ორმაგი ობიექტივის კამერის მიწოდებას iPhone 7 Plus-თვის უკვე აწარმოებს, საინტერესოა, რა განსხვავება იქნება iPhone 7 Plus და iPhone 8-ის კამერებს შორის. სავარაუდოდ, მას გაუმჯობესებული ფოკუსის სიღრმე (Depth Of Field (ან შემოკლებულად DOF), განათება და ბექგრაუნდის დეტალების უკეთ გამოკვეთის ფუნქცია ექნება.
სტატიაში ასევე ნახსენებია ფირმა LinX Imaging, რომელიც ეფლმა შარშან შეიძინა. LinX Imaging გაძლიერებულ კამერის ტექნოლოგიებს ქმნის, რომელიც მოიცავს 3D სიღრმის კარტირებასა და სინათლის გაძლიერებას, ეს მახასიათებლები კი შესაძლოა iPhone 8-ში ვიხილოთ, რომელიც მომავალ წელს გამოვა.
იმის გათვალისწინებით, რომ 2017 წელი iPhone-ის მეათე საიუბილეო წელია, უნდა ვივარაუდოდ, რომ კომპანია ეფლი რაღაც გრანდიოზულს გეგმავს.
წყარო: Dailymail
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
