ბიჭუნა, სახელად ნოე უოლი, ოთხი წლის წინ დაიბადა, მას თანდაყოლილი გადახრა ჰქონდა, რომელსაც ჰიდროცეფალიას უწოდებენ (პათოლოგიური მდგომარეობა, რომლის დროსაც თავის ქალაში მომატებულია თავ–ზურგ–ტვინის სითხის (ლიქვორი) რაოდენობა. ჰიდროცეფალია შეიძლება იყოს თანდაყოლილი და შეძენილი. ჰიდროცეფალიის დროს ფართოვდება ტვინის პარკუჭები და თხელდება ტვინის ნივთიერება).
ამ პათოლოგიის გამო, ჩვილი დედის მუცლიდან თითქმის ტვინის გარეშე გამოვიდა. ბავშვის დედას ექიმები ჯერ კიდევ ორსულობის პერიოდში ეუბნებოდნენ, რომ შესაძლოა ვერც გადარჩენილიყო, მაგრამ თუ გადარჩებოდა ნორმალურ ცხოვრებას ვერ შეძლებდა. ამიტომ ურჩევდნენ, რომ აბორტი გაეკეთებინა, რაზეც დედამ კატეგორიული უარი განაცხადა.
როგორც მოსალოდნელი იყო, ნოე ამ პათოლოგიით დაიბადა, ტვინის თითქმის 98% არ ფუნქციონირებდა. მაგრამ რამდენიმე წლის შემდეგ სასწაული მოხდა, ნოეს ტვინმა თანდათან მუშაობა დაიწყო. დაბადებიდან 4 წლის შემდეგ მისი ტვინი სხვა მისი თანატოლი ბავშვებისგან არ განსხვავდებოდა. ექიმები შედეგით გაოცებულები დარჩნენ.
ბიჭის ისტორიაზე BBC დოკუმენტური ფილმის გადაღებას გეგმავს, რომელსაც სახელად ,,ბიჭი ტვინის გარეშე” ერქმევა.
წყარო: BBC.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნერთა დარბაზი – ,,დოქტრინა”
0
