ავსტრალიელმა მკვლევრებმა შექმნეს ის, რაც, შესაძლოა, თერმულად ყველაზე სტაბილური მასალა აღმოჩნდეს. ეს ახალი ნულოვანი თერმული გაფართოების (ZTE) მასალაა, რომელიც სკანდიუმის, ალუმინის, ვოლფრამისა და ჟანგბადისგან არის დამზადებული. საგულისხმოა, რომ -269-დან 1126°C-მდე ტემპერატურის ცვლილებებისას, იგი სტანდარტულ მოცულობას ინარჩუნებდა და არ განიცდიდა მატებას თუ კლებას.
როგორც ახალი სამხრეთ უელსის უნივერსიტეტის (UNSW) მეცნიერები აცხადებენ, ახლად შემუშავებული მასალა მნიშვნელოვან ადგილს დაიკავებს ინჟინერიის სფეროში – ყველას სჭირდება ისეთი “ინსტრუმენტი”, რომელიც მრავალფეროვან თერმულ გარემოში შეძლებს მდგრადობის შენარჩუნებას.
საგულისხმოა, რომ ამგვარი მასალის არსებობა კოსმოსურ ინჟინერიის თვალსაზრისით სასარგებლო იქნება. კოსმოსური ხომალდის შემადგენელი ნაწილები ძალიან დაბალ ტემპერატურას აწყდებიან ღია სივრცეში, გაშვებისას კი უკიდურესად მაღალს. ამის პარალელურად, ახალი მასალა ზუსტად იგივე მოცულობას ინარჩუნებს აბსოლუტურ ნულზეც და სითბოზეც.
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
