close
კვლევები

კვლევა – კორონავირუსის ანტისხეულები სულ მცირე 6 თვეს ძლებს და ადამიანს ხელახალი დაინფიცირებისგან იცავს

კორონავირუსის ანტისხეულები სულ მცირე 6 თვეს ძლებს და ადამიანს ხელახალი დაინფიცირებისგან იცავს, – ამის შესახებ ოქსფორდის საუნივერსიტეტო საავადმყოფოს მიერ ჩატარებულ კვლევაშია აღნიშნული.

კვლევაში მონაწილეობას საავადმყოფოს მედპერსონალი იღებდა. მათ რეგულარულად უტარდებოდათ ტესტები როგორც კოვიდ 19-ზე, ასევე ამ ვირუსის ანტისხეულებზე, რომელთა არსებობა სხეულში უკვე გადატანილ ვირუსზე მიანიშნებს.

რაც უფრო მეტი ანტისხეული იყო ორგანიზმში, მით უფრო დაბალი იყო დაინფიცირების შანსი.

ოქსფორდის უნივერსიტეტის კვლევაში 12 000-ზე მეტი მედიკოსი მონაწილეობდა, რომელთაგან 11 000-ს კოვიდ 19-ის ანტისხეულები არ აღმოაჩნდა.

ვირუსით დაინფიცირების შემთხვევაში ანტისხეულები თავს იყრიან ადამიანის ორგანიზმში დ ადამიანის იმუნურ სისტემასა და უჯრედებს ვირუსის თავდასხმისგან იცავენ.

იმ ადამიანებისგან, რომლებსაც ანტისხეულები კვლევის დასაწყისში  არ აღმოაჩნდათ, სიმპტომური ინფექცია 89-ს განუვითარდა. მათგან კი, რომლებსაც ეს ანტისხეულები აღმოაჩნდათ, სიმპტომური ინფექცია არც ერთს არ გამოუვლინდა.

სამ ადამიანს, რომლებსაც ორგანიზმში ანტისხეულები აღმოაჩნდათ, ასიმპტომური  კორონავირუსი დაუდასტურდათ. 76 ადამიანს კი არც ანტისხეულები აღმოაჩნდა და არც კორონავირუსი.

წყარო : BBC

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

გაზიარება:
fb-share-icon0

Leave a Response